رواية عشك أل فراس الفصل الثامن عشر بقلم زينب نور
غزل : من فتحوا موضوع الزواج احس خفت سواها صدك كعدت اذكر شصار بينا
رجعت من الجامعة كُل مرة واحد من اخواني يجي ياخذني ميتأخرون عليه بس اطلع الكيهم بالباب لــ2:30 الضهر طلعت من أخر محاضرة بس محد كان موجود ! والجامعة بدأت تفرغ اتصلت على صهُيب
صهُيب: بالدوام انا
غزل:شلون يعني اضل هنا امير ميجاوب وانتَ واسد وعلي بالدوام والشيخ بالدوام شلون يعني
صهُيب:خابري ابوي انا ما اكدر اطلع
غزل:ماشي
اتصلت على ابوي ميجاوب ياربي هسة شلون وين اولي شوية وطبكت سيارة عرفتها اله سويت نفسي مشايفتهه
غضب:تعالييي اصعدي
اتصل صهُيب
غزل:ها
صهُيب:اجاج غضب اصعدي ويا
غزل:خررب شنو هاي
سديت التيلفون مغضوب الوالدين حضي ما يجمعني الا بيك
غضب: يلا اصعدي ترا اروح
غزل:روح يلا روح
غضب:اصعدي يلا عوزج شوية تبچين
صعدت ورا صاح عليه
غضب:تعالييي اصعدي هنا سايق انا عندج
غزل:والله ما اصعد تريد تأخذني للبيت اخذني متريد انزل اخذ تكسي واروح
غضب:مو تايهه هي تاخذين تكسي
شخط السيارة وطلع عصبي وصادف ازدحام لان طلعنا ويَ طلعت الدوامات تأخرت ضليت ابچي السبب شنو مدري
غضب:شبيج ليش تبچين غزالي
غزل:مابيه شي
غضب:لان صحت عليج عمي اسف واعتذر كلشي ولا عيونج تبچي
غزل: لا تعتذر مو منك هيج وحدي
الازدحام وكف فد مرة باوعت على التيلفون الساعة بـ 3 وربع صارت اتصل عليه علي
غزل:ها علي
علي:رجعتي لو بعدج
غزل:اي بالطريق
علي:منو اجاج
غزل:غضب
علي: اها خوش
سديت التيلفون
غضب:تعالي اكعدي هنا شبيج
غزل: خليني هنا
غضب: شو انا من ابچي اصير ازرك انتِ ليش حلوة
غزل: لا حول لله
ضحك وسكت ابتسمت على كلامة والسيارات وكفت فد مره واحد ورانا حرك الدنيا حرك بالهورن
غضب:وبلابوش التاكل بطنك
نزل من السيارة صاح عليَ
غضب:اطيررر يعنييي شسووي
_مستعجللل
غضب:وشسويلك ماتشوف الازدحام واصل للكعبة
صعد يدردم عليَ اتصلت على امي جاوبتها والحمدلله شوية شوية انتهئ الازدحام وصلنا للبيت
غزل:شكرًا
غضب: بليل نجيكم نخطب
غزل:منو
غضب:غزل لـ غضب
غزل:مغضوب الوالدين شبيه تخبلت اخذك اطلع هايشة اذا اخذك
غضب:ماشي نشوف هايشة غزل ثنينهن حيوانات
غزل:مغضوب الوالدين شترجى منك مثلًا
تركته ودخلت صارت امي بوجهي
غزل:يمه ليش اسمي غزل على اسم حيوان
ام فهد :اسم الله الزهره شبيج يمه مصكوعة على راسج انتِ اسمج غزل مو غزال حتى اسم حيوان
غزل :اي شنو الفرق
ام فهد :دروحي روحي شمسوية بيج الصيدلة
دخلت ادردم عليَ رحت لامير كان نايم
غزل:نااايم واني مسموطة برا اتصل متجاوب
امير:شبيج
غزل:اتصل عليك متجاوب
امير:دروحي والله بطرانة
رحت للغرفة لكيت ازل وشهد كاعدات ياكلن حلويات وعسل تلعب بالتيلفون
غزل: اكل ونوم وتكنيك هذا شغلجن
عسل:يمه شبيج
كعدت يمهن حجيتلهن اللي صار
ازل:وانتِ عليمن مطنكرة
غزل:ترا ماعندي مشاعر اله لا حب ولا شي
عسل:اي عادي ورا الخطوبة
غزل:ليش ماتنجبن احسن
شهد:ترا انتِ تحبينا بس توهمين نفسج انُ متحبينا
غزل :ما احبه ولا عندي مشاعر اله
عسل:جذابة والله جذابة والايام تثبت كلامنا لان انتِ مخبلة
ازل:اتفق مع الاعلامية عسل
عسل:حبيبي والله
كعدت فوك ضليت اقرا احس صابني صداع مااعرف شنو صار بيه بالضبط بليل اجو بس منزلت ورا كم يوم جدو فتح الموضوع ابوي اخواني كلهم موافقين ورا هم بفترة اجوا اهله
عسل:امه تسئل عليج
غزل:كولي لكيتها نايمة عسل ما اريد انزل
عسل:ادري راح تاكلج وحتلو كتلهم نايمة بيبي راح ادكول كعديها فـ كومي غسلي وجهج وانزلي وبعدين عليمن ترا محد راح يجبرج اذا متوافقين عادي بس كومييي
غزل:ياربييي اني المن كبرت
غسلت وجهي لان كنت ابچي وعدلت شالي ونزلت موجودات امه واخته ومرت اخو عبدالله سلمت عليهن وطلعت
عسل:ها
غزل:وجعا شحجن قبل لا انزل
عسل:سوالف عادية بس محجوا بالخطوبة
ازل:هسه تحجي
شوية وفتحت الموضوع
ام غضب :احنه رايدين الكرب منكم وابنه هاوي غزالتكم ومانلكي احسن منكم والزلم حجوا بالموضوع
الجدة :والنعم منكم الرأي الاول والاخير للبنية شدكول هاي هي وان شاء الله خير
ام غضب:والله نحطها بعيونة وشتريد تأمر أمر
اسراء :والله غضب ماكو منه مو قصة اخوي وامدح بيَ
احنه واكفين على الدرج ونستمع لكلامهم
ازل: لا ابد ما تمدح احنه من خطبنا لشيخ ليش مااخذونا حتى نصبغ بيَ هيج
عسل:ممكن تسدين حلكج حتى نسمع لا تطلع امي تلعب النعال على راسنا
ام فهد :والنعم منه ان شاء الله خير
ام غضب:احنه نترخص
كالت هيج احنه واكفين على الدرج على البايات الاولى اني ويمي شهد ورانا عسل وازل صعدنا بسرعة لفوك سوينا الدرج خطوة وحدة
ازل:يمه فحطت
غزل:هسه شسوي
عسل:فكري عدل
شهد :اشبعي بطنج وانت تفكرين عدل
ازل:شعليها البطن
شهد :البشر اذا جوعان ميعرف يفكر بس اذا شبع يفكر عدل
ثاني يوم مارحت لجامعة صاحتني بيبي
الجدة :شوفي يمة انتِ كبرتي اسم الله على طولج والخطابين هواي والبنية اول وتالي لبيت رجلها هسة لو بعدين وهاي سنة الحياة اكثر من واحد يخطبج ونرفض بدون ما نسئلج بس هسة كبرتي وحرام علينا بدون مانسئلج نردة الرأي الج يمه الولد مايعيبة شي وخوش ولد وسمعتهم زينه وهو شاغول وينشد الضهر بيَ اذا تردينه كولي واذا ما تردينه هم كولي ومحد يجبرج التردينا يجرالج بس فكري بالموضوع عدل وانا بليل اريد الجواب الج منا لليل فكري على راحتج وشدكولين براحتج
صعدت لغرفتي صافنة يعني مدري شبيه فزيت على التيلفون رقم مجاوبت رجع اتصل اكثر من مره جاوبت
غضب:متجاوبين عيني شدعوة
غزل:هذا انتَ
غضب:لا هذا مغضوب الوالدين
غزل:شعندك متصل
غضب:مرتي يابه
غزل:هواي عايش الدور ترا بعدني
غضب:ادري بيج راح توافقين وتحبيني هم
غزل:شهل الثقة
غضب:بعد ثقة مغضوب الوالدين المهم اسمعي غزالتي لو ترفضين سبعين مره ارجع اتقدملج لو اعرف اخلي الدم لركب واخذج بليلة سوده المهم اخذج
سكتت مجاوبت
غضب:ترا تحبيني شبيج اعترفي حتلو بالجذب خليني ليلة انام مرتاح انام وانا اضحك مو جني مسودن كل ساعة طافر اتخيلج
ضحكت وكتله
غزل:لازم اروح اريد اقرا
غضب:يلا روحي حتى أداوين كلبي يابعد كلبي وطوايفة
سديت التيلفون واني مبتسمة لليل اخذت القرار وشيصير خل يصير بعد كتلهم موافقة وسديت الموضوع بعد صارت هواي شغلات
كان يتصل مره ارد ومره لا يوم من الايام كاعدة بالحديقة اقرا وتيلفوني بالاستقبال على الشحن سمعتة يدك غلست لان عرفتة هو محد يتصل هيج وقت غيره وكنت مكاتبة شي على رقمة
اسد:تيلفونج غزل صرعني صرع
فزيت من سمعت صوتة كاعد بالاستقبال
غزل:جايه جايه
طفيت التيلفون خليته صامت ورجعت كملت شوية وطلع اسد باوع عليه وبيده التيلفون
غزل:ها
اسد: ولاشي تيلفونج بعده يدك
حسيتة انُ عرفة غضب سكتت وهيج مرت الايام ورا شهر اكتشفت انُ عرفه بس محجه شي !!
اجانه خبر استشهاد فهد والضروف اللي صارت بهاي الفترة جنه كل واحد بينا يحتاج شخص يواسي يوكف ويا يفهمه يسمعله بدون ميمل وكُل ذني لكيتهن بـ غضب
بنص دوامة ويدزلي رسالة من اكعد احجيلة ميمل بالعكس يسمعلي زاد اعجابي بيَ وتعلقي شوية شوية اطور للحب بس ابد مبينت ولا اعترفت ولا شي ما اعرف كنت احسها صعبة ! كلمة احبك ما احسها تطلع بهل السهولة ولازم فترة اطول حتى اتعرف عليَ اكثر ممكن شفت بس جانبة الايجابي اللي وكفانة وحنيتة الي مستحيل انساهن بيوم .
قربت دورة السنة مال الشيخ وكاعدين كلنا مجتمعين عدا علي كان مموجود
الجد :محمد
ابو فهد :ها
الجد :أبنك دير بالك عليَ ولا تخليهم يرجعونك للماضي ترا مابيه حيل بعد افكدلي واحد وابنك هذا بعمر صغير تخلى عن كلشي على مود كرامتة وعزة نفسة
ابو فهد :انا ماقصدي ابوكة ولا أذي
ابو جاسر :خوية ابنك مو صغير وسبع يعرف يتصرف ويعرف شلون يدير باله خلي براحته وسد هذا الموضوع
الجد:وانا هسه من يجي احجي ويا
كمت للمطبخ وياي عسل
غزل:عزااا عسللل
عسل:اسم الله شكوو
غزل:لج هسه تذكرت اني هايشة
عسل:شنو
غزل:لج ثولة غير كلت لـ غضب اذا احبك او اوافق اني هايشة
عسل:احلى هايشة
غزل :انجبي امداني نسيت
قاطع كلامنا صوت علي من دخل
علي:يمةة
عسل:بس لا مصيبة
غزل:تعالي نشوف شكو
ام فهد :ها يمه
علي:السلام عليكم
الكل:وعليكم السلام
الجدة :شكو شبيك تصيح
علي:وياي ضيف
الجدة :هلا بيَ
الجد:بالديوان
علي:لا يابه يا ديوان
رجع فتح الباب وهو يضحك
علي:شنو مستحي البيت بيتك
غزل:سلامًا قولاً من رب الرحيم
عسل:خيال لو واقع
علي:لا واقع متحجي يابه
الشيخ:خليهم بصدمتهم
علي:اي حقهم جايهم من عالم البرزخ
شهد:لا انوب يحجي
امير:حقيقي
علي:عمي شني السالفة ابنكم هذا ماميت كوموا شوية تحركوا
شوية بدينا نستوعب انُ هوَ الشيخ اول واحد حضنة امير وهو يضحك
الشيخ :وليدي هههه
الشيخ:ها يمه
ام فهد :ولك يمه شلعت كلبي
الشيخ :اسم الله على كلبج
بعد ماسلم علينا كال
الشيخ:وردة شلونها
الجدة :والله تعبانة خابرهن خل تجي
علي:لاااا لا تخابرون احد باجر جمعة ويجون وخليهم ينصدمون
الجدة :يا ولك يمه خطية
علي:تحملوا كل هاي الايام ما يتحملون هاي الچم ساعة
ام فهد :وين جنت كل هاي الايام يمه
الشيخ : جنت بسوريا وقبل أسبوع رجعت
ام فهد :بسوريا
الشيخ : واجبي كان بسوريا ومن ضمن اللي يطلعون لسوريا وصار علينا تعرض وانعرفنا فـ الدولة حتى تحمي حياتنا انتشر خبر استشهادي انا وياي بعد كم شخص
ام فهد :يايمه راحت روحنا والله
عسل:والتابوت
الشيخ :بيَ غير شخص مو فارغ
امير : دكنا ولطمنا ونزور المكبرة لغير شخص
الشيخ :نعم شهيد الله يرحمة
ابو فهد:علي جنت تدري بيَ
علي:لا
الشيخ:محد يدري بس ادم
صهُيب:لا يا نغل واكول ليش لا يبچي ولا عليه بشي ومخلصها بالدوام ويقرا قران عساس ختمة بسيطة
الشيخ:هههه انا وصيتة ونفذ الوصية
ام فهذ:كوم يمه ارتاح اكيد تعبان
علي:صارلة أسبوع نايم بالبصرة شبي تعبان
ام فهد :هم تعبان
من الفرحة امي مقبلت كُل واحد ينام بغرفتة نمنا كلنا بالاستقبال مثل ايام قبل كانت ليلة تجنن كعدنا الصبح بـ5 من الحماس
الجدة :ذبن الاسود يمه
بـ9 اجوا عمامي انصدموا من شافونا ذابين الاسود والضحكة مرسومة على وجهنا الكُل كانت الصدمة على وجهه بس محجوا شي كعدنا على الريوك
اسر:صورت الشيخ ليش ماكو
الشيخ :شسوي بالصورة
اللي مقابيل الشيخ ضلوا لا يرمشون ولا شي واللي ضهرهم على الشيخ ضلوا صنم
امير :عايش يابه ارجعوا للواقع
اول واحد اسيد كام ضربة
اسيد:نذللل
الشيخ :هههه تعال مشتاكلك
اسيد:مشتاكلي وهيج سويت بيه
سلم عليهم كلهم وصل لوردة حضنها حيل وهي ضلت تبچي
الشيخ:يابعد روحي كافي لا تبچين مابيه شي
وردة:شسويت بيه
ياسر:اطشر عرضي
امير:خل اختك توخر عن اخوي ترا اغار
ياسر:لازم انا اغار مو انت بس احنه ماعدنا غيرة ملطلطين
سلموا وكعدنا والضحكة كانت على وجهه الكُل الفرحة اللي مابعدها فرحة
بعد يومين الكُل عرف انُ الشيخ عايش !
امير: حرامات ذيج الايام العشتها وحتى بنجاحي من السادس مافرحت ليش هيج ليش وراحت عليه سنة وانتَ السبب
الشيخ:هههه اكثر واحد انت متأثر
ادم :السلام عليكم
صهُيب:والعباس ابو فاضل من الزمك
ادم:عمي شبيك شمسويلك
صهُيب:كواد يمك متتت الف موتة وادكلي اصبر اصبر امر الله هذا وهو شهيد
علي:ويروح من يمك يدزلة اكل كوم وطيح حظة
ادم:لا تصير حاروكة
كعد ادم وكل شويه صهُيب شامر عليَ شي
ادم:مو افضحك اسرارك كلها عندي
صهُيب:وسرك الجبير عندي
امير:شبيكم صغار واحد يهدد الثاني
صهُيب:انتَ انجب ارجع اخرس
ام فهد :تنذكر ماتنعاد ذيج الايام
ادم:تخبل شبيها
اسد:حقك مخلصها تتفلسف براسنا
الجد:هسه مادام رجع شيخنا خل نحدد العرس
امير:ايييي يابه عرس
الشيخ:مكملين شغلكم
امير:كلشي ماعدهن واحنه علينا بس الغرفة وعلى حساب علي
علي: اي يابه يدلل شيخنا
امير:اي غير فلوسك تعيش العراق كلها
الشيخ: شوفوا الوكت المناسب وهاي هي ،احجولي شصار بغيابي
حجولة كلشي صار من البداية لنهاية
الشيخ:وانتَ ماتعرف البنية ابد
علي:هيَ ضابط جمعتني الصدفة بيها مرتين بس فؤاد يعرفهم ومرتب السالفة على التمام
اسيد:منو هي
علي:انهار
امير :جا البحيرات وين
علي: شغلي مو يم شغلها انا شغلي واجبات خارجية وصعب هي شغلها داخل المركز فقط ومرتين التقيت بيها
اسيد: معروفة هاي
علي:شلون يعني
اسيد:معروفة بسوالفها الخرطي ومن وراها البعض اخذ نضرة على العنصر النسوي
علي:شفتها حتى لبسها طايح حظه
اسر : الواسطات تلعب دور
علي:مرتين شفتها هي تعلج والحلك احمر وياها بعد ضباط بس مو يمها أصلًا فرق بين السماء والكاع
محمد :كل واحد واخلاقة
ورا كم يوم كالوا العرس بعد أسبوعين
ازل:ولكمممم شنلحكك ماتخافون الله انتم
اسد:شعدجن
ازل:شنو شعدنا عبالكم مثلكم تغسلون وجهكم وتبدلون وهاي هي صرتوا كشخه مكياج وملابس نريد وانضف القصر اللي عدنا
ام فهد :وجع ياقصر
ازل:قصر الملك فراس واحفاده
الشيخ : الكراج والحديقة والديوان والبرا هاي علينا السكف وتنضيف السبالت هم علينا عليجن الخفيفاات وانقسمن نصين هنا وعند بيت عمي لا تخلن البنات وحدهن
علي:احمد الله واشكره الاحد التحق
الشيخ:صدك
علي:والله وانزل بيوم الحنة الصبح
الشيخ:نأجل
علي:لا يابه عليمن الصبح انا يمكم والحنه مال الشباب بليل
الشيخ :خير ان شاء الله وين تلتحق
علي: بساتين ديالى
بدينا نحضر امي صارت كل يوم والثاني بالسوك تكمل الشغلات واحنه نكعد من الصبح لليل تنضيف اربع ايام خلصنا كُلشي وعزلنا البيت بالكامل علي التحق والولد ما قصروا خلصنا تنضيف بيتنا وانتقلنا لبيت عمي بيتهم اصغر فـ خلصنا بـ يوم ونص
بيوم الحنة بدوا امير وايمن ومهند ومالك ومهدي وحارث وهالمره وياهم ليث يغنون ويركصون
كلهم يغنون بصوت واحد
الف مبروك احنه نكلك
نصيح بصوت نهوسلك
حكنا من نهوس هاها
أخونا المعرس هاها
مهند :بسمار ولوحة هيج الخوه العدنا
امير :ننثرلك ورود العشك
بالكاع ونغني وندك
ننثرلك ورود العشك بالكاع ونغني وندك
ايمن:الدنيا نحركها حرك
بعرسك نحركها كاع ونكلبها
من كثر الفرحة الكاع تكوم تهلهل
دخل علي وهوَ يضحك
علي:ها عرستوا بدوني
امير :تأخرت مابينا صبر بعد
دخل سلم علينا وصعد لفوك شوية ونزل عصبي
علي:منو داخل غرفتي
عسل:محد ليش
علي:شني محد غراضي ملعوب بيها
ام فهد :شبيك يمه
علي:غرفتي منو لعب بيها
ام فهد :يمه محد بس سَحر صعدت
علي:وقندرة شعدها صاعدة
ام فهد :رادت تبدل
علي:بيت شكدة شكبرة ما تبدل خرا الا بغرفتي
ام فهد :يمه هي طلبت واستحيت
علي:مستحاج هذا يشمرج ويشمرنا ورا الشمس غرفتي شخص غريب مو من عدنا لا يدخلها هالمره راح اسكت لان عرس وفرحة مره ثانية وعلي اكطع البسطال على راسها وحدها منجن تجي تشيل زبالتها
صعد هوَ صعدت ورا
غزل:متسوا
علي: دخلي للغرفة والحمام وكولي ماتسوا
دخلت كدامة دخلت للحمام ضحكت طيح الله حظج ايي والله ملابسها الداخلية
غزل:يمكن ناسيتهن
علي:اخذيهن واطلعي برا ناسيتهن تعلمني بسوالف هاي البربوك
اخذتهن وطلعت رحت لغرفتنا لكيتها كاعدة
غزل:ذني ملابسج
سَحر:صار ساعة ادور عليهن وين لكيتيهن
غزل:بالحمام مال غرفة علي
سَحر:يا نسيتهن هو جابهن شكد عيب
غزل:لا اني جبتهن
اخذتهن مني وراحت وقاحة فووول اتصل غضب رديت عليَ
غزل:ها
غضب:جعل محد يكول ها غيرج حبيب كلبي ابو الشباب مو عرس اخوك وتنحرف فد مره وتلبس مشلتح لبس حلو معقول مال اوادم مكياج مايحتاج والله لان انتِ الله سبحانة وتعالى مكيجج من فوك وشمرج
غزل:هههه ميصير لازم اخلي
غضب:شني ضمن العادات والتقاليد
غزل:غير عرس
غضب:مو عرسنا عيوني انتِ من يصير عرسنا خلي خفيف يبعد طوايف كلبي
غزل:انتَ تجي مو
غضب: اي طبعًا
غزل:هم تلبس اسود
غضب:بكيفج كولي شلبس
غزل:اللبس اخضر
غضب:وانا جوزي اصير جني كيوية تضحكين عليه شني لا راح نلبس بالحنه زي عربي وباجر عسكري
غزل :اوو تمام
غضب:خل اشوفج
غزل:وين
غضب:هسة
غزل:احترم نفسك وروح منا احسلك
غضب: تالي عمري مره بكد زري تتأمر عليه وانا امشي فصيلة كاملة على ايدي
غزل: هههه كل اسد صكارته لبوة
شوية وراح نزلت لكيت امي تَبچي
غزل :يا ماما شبيج
ام فهد :مابيه شي ماما دموع الفرح
غزل:والله وكع كلبي عبالي اكو شي امسحي دموعج صُدك جذب
شوية ونزل علي يخابر صاحت سَحر
سَحر:علوششش
ابين كان يخابر شخص مهم وهي صاحت بصوت عالي
علي:نعم سيدي حاضر مع السلامة
التفت عليها بعصبية اذا يلزمها يموتها
علي: مو اخوج الصغير انا احجي عدل احسلج
سَحر:ردت طلب منك حباب
علي:شتردين
سَحر:تيلفوني مدري شبيَ اريد اسوي الي
علي:شغلي عسكرية مو مصلح تليفونات
عافها وطلع ازل وشهد وسؤسن طكنها ضحك تلم امة محمد كلها
ام ادم :ياا ولجن
سؤسن :شهود تيلفوني مدري شبي
شهد: اني طالبة مو مصلحة تليفونات
غزل :عزا بعينج سدن حلكجن وانجبن
قمر:سلام يحلوات
ازل:لك هلا بالقمر
سلمت علينا وكعدت يمنا
قمر:عليمن تضحكن ولجن
ازل: سوسو تيلفوني مدري شبي
غزل:والله تافهات
قمر:شكووو
حجلها على سَحر وقمر شلون تحبها
قمر:ايع كبر ماكو غير علي يعني
ازل:امممم لا ماكو مو غزل
غزل:اي عيني ماكو
قمر:انجبن وبعدين شو كاعدات يلا كومن نحضر نفسنا
ازل:راح اصير من اهل العروس احسن
قمر:كومي وانجبي
كعدنا نلبس ونمكيج لحد ما صاحوا علينا انزلن اكلن
اسيل :لاااا بنات هذا كمين حتى نغسل المواعين
غزل:صح من نرجع ناكل خل نكمل هسه شوية وتصير بـ4 على حظنا
ريم :مچلوبات من هسة تخلن مكياج
رسُل:لاااا راح نغسلة هسه ندرب
قمر:صدقتي
لـ4 كالوا يلا
ازل:شنو يلا هذا البيت نطلع من الباب
رحنا لبيت عمي اول ما دخلنا اني وازل وعسل هلهلنا عود خوات العريس وكذا دخلت بيبي وماما والبقية وردة كانت بدلتها ماروني وهي بيضة حيل طالعة تجننن
غزل:ولك شنو هذا الجمال اخوي اليوم شيصير بيَ
وردة:انجبي اكلجن بطلت ما اريد
قمر:انجبي واكعدي بمكانج اذا تحركتي اكسر رجليج
شغلنا خالتنا الغالية ساجدة عبيد ساعة تقريبًا وكالوا راح يدخل العريس
وكفوا بالباب الولد ويغنون
امير : يلا يأم الولد جابوا الحنة والشموع
ايمن:فرحانة امسحيها الدموع يلا يأم الولد
مهند:الكمر ينتظرج تجين
مهدي:حتى تحنيلة ايدية
مالك:يا أمنة يا ام الوفة يالجنة بيج موصفة سمعينا هلهولة بعد
الكل:يلا يأم الولد
هلهلت امي وهيَ تبچي
امير:لا يمه هاي هلهولة مني الج
هلهولة امير اقووى من هلهولة امي خلصنا الحنة ورجعنا بليل صارت حنة الشباب سوها بالحديقة عفت الكُل وعيوني ادور على مغضوب الوالدين شفتة لابس دشداشة وشماغ يخبل
كل وحدها بينا كان بكلبها شخص من وكفنا على الشباك كل وحدها ادور على اللي تريدة وتحبة
شهد: كون اني ولد اركص وياهم هسة
سبأ:البسي تراك وشفقة وضمي شعرج وانزلي وياهم عبالهم ولد
شهد:اسويها
مرح:سويها حتى ورا منزف الشيخ نجي نشيعج
شهد:تف
قمر:احم اكلجن هذا منو
عسل:منو
قمر:هذا اللي واكف يم الشيخ
سَحر:علاوي
قمر :شلون راح افرك حلكها بالقندرة
غزل:ههههه طاح حظج
سَحر:شكو
غزل:مو وياج
كلهم ركصوا چوبي بس الشيخ ضل واكف ويضحك حتى ابوي وعمامي الكُل
ورا ما راحوا كل واحد راح لبيتة واحنه هم نمنا كلنا سوا وكعدنا ثاني يوم من وكت فرحة عرس نكعد من الفجر
لبسنا فساتين لان زفة وهوسة اذا نلبس بنطرون لازم عباية منطلع هيج
افترينا ورجعنا اخذنا العروس الزفة صارت تجننن كلها زي العسكري واللي مو عسكرين لابسين رسمي بعدين نزلوا يهوسون
يهل القوط ذبوا القوط اخونا معرس اليلة
كلهم ذبوا السترة ضلوا بس بالقميص ويهوسون يوم ماينسي اول عرس عدنا فـ صار يجننن زفوا الشيخ للغرفة وضلوا يهوسون
اهلاً يالعرس بين اعمامة وبين اعضاء
وزفينا بصاية حيدر
بيومها ضلينا كاعدين للفجر نسولف ونضحك الكُل كان يمنا حتى بنات عم قمر كعدنا بالاستقبال جوا هم يلا تاخذنا
انتهى عرس الشيخ ورجع غضب اتقدم من جديد وكالوا الجمعة الخطوبة لان الكل موجود
علي:انا ما موجود
الجدة:ليش
علي:التحاق واتأخر
ام فهد:شوكت تنزل
علي:اطول وماعليكم بيه اخطبوا عود احضر العرس
ضجت لان مراح يحضر غضب كال عادي نأجل على ماينزل بس علي مقبل كال اتأخر
الجمعة الصبح رحت لصالون ورجعنا بـ2 صابتني موجة برد
غزل:بردت
وردة :عادي عادي تحملي كم ساعة
ورا ساعة اجو نص ساعة كالوا راح يعقدون دخل السيد لجوا صار هدوء بس الصوت السيد
السيد:غزال
غضب:غزل سيد مو غزال
عقد السيد وطلع وهوَ ضل كاعد
غضب:واخيرًا يابعد طوايفي
ابتسمت جابوا الحلقات
تيهت وين اللبسة
غزل:ليش ما اختك تلبسك احسن
غضب:استغفر الله وانتِ يلبسج اخوج مو
غزل:وين احطها
غضب:الساني زفر هنا يروحي
لبسنا الحلقات وشوية وراحوا صعدت بدلت ونزلت باركولي اهلي وبعدهي بأسبوعين نزل علي
..................................
علي: انفتح الباب طلع الشيخ عبالي اتخيل
الشيخ: اهلًا
علي:الشيخ
الشيخ : اي
ضليت ربع ساعة استوعب الصار كدامي لحد ماسحبني وحضني يلا أستوعبت
الشيخ:هههه واقع واقع
قنعتة يروح للبيت واقتنع الفرحة جانت جبيرة علينا كلنا حددوا موعد العرس قبل العرس التحقت
علي:نمر ارجع ولا تتقدم
نمر: شبيك ولك
جنه واكفين واحد بصف الثاني ونحجي بصوت ناصي
علي:اتأدب اعلى منك رتبة لا العب البسطال على راسك ارجع لا تتقدم
نمر:تخاف عليه
علي:لا طبعًا عار كلشي مايصير عليك
خلص واجبنا ورجعنا بيوم الحنة نزلنا صعدت لغرفتي غراضي انا محد يلمسهن غيري مخربطات شخص لاعب بيهن دخلت للحمام صارن كدامي ملابس نسائية شهل لعبان نفس هذا عرفتهن لست سَحر
تم عرس فهد على خير قمر ماشفتها هاي الفترة كلها انشغلت حيل بدوامي
اجت وراها خطوبة غزل وكذلك كنت ملتحق ماكدرت احضر
علي:عمر شوكت تخطب
عمر:ان شاء ماضل شي
علي:لك صارلك شكد طولت
عمر:شسوي يخوي كل ساعة طالعلي شي واتأخر بسببة
علي:يلا ان شاء الله خير
صار علينا تعرض اتقدمت سيارة مفخخة من جهةة العدو واحنه دخلنا لجوا طلعت سيارة مدنية من الشارع الثاني
علي:اررررجع ابو Bmارررررجع
اخذ الكلام ورجع تقدمت السيارة المفخخة كم خطوة وانفجرت
علي:الله يلعنكم ياجلاب
عمر: دير بالك قناص
علي: النغولة مدري منين طلعوا
طلعت لابو السيارة
_الله يحفظكم
علي:ويحفظك ارجع بعد ماكو طريق
_راجع الله ينتقم منهم
عمر:فحطتني علي اريد ارجع
علي:بعد هواي شغل ورانا
من نزلت فتحوا موضوع زواج صهُيب كنت مفكر انُ صهُيب يحب ريم بنت عمي وهيَ كذلك لكن طلع تفكيري مو صحيح
صهُيب راد بنية غريبة على معرفتة هوَ وكال تخطبوها الي محد عارض الكل وافق وكالوا الاربعاء نروح نخطب
بيوم اللي نروح نخطب كان كاعد يلبس بالحذاء بس ما جنه عريس حيل ضايج
علي:اريد اسئلك سؤال بس لا تفهم غلط
صهُيب:احجي
علي:انتَ تحب البنية
تنهد وكال
صهُيب:لا
علي:چا ليش رايح تخطبها
صهُيب:الايام ادكلك ليش
علي:وريم
باوع عليه مسح وجهه وكال
صهُيب: الي مو لغيري
قاطع حديثنا صوت ابوي
ابو فهد:يلا بوية تأخرنا
صهُيب:اي بوية جايين
نزلنا رايحين فقط انُ نتفق وراها يلا الخطوبة رسمي وصلنا للمنطقة بيتهم كانت صغار حجه جدي بالموضوع كال واحد منهم
_الحاضر 20والغايب 30
امير:شني بيها ضمان
ياسر: بيها تبريد
علي:اشش ومرض
صهُيب كان ضايج حتى ماحجه شي بعدين اتفقوا نزلوا من الغايب والحاضر على الماشي عدنا وطلعنا
الجد:داخلين طمع ذول شني بعدني ماحجيت يريد عشرين
ابو جاسر: شمكملة دراسة
الجد:ثالث متوسط وبطلت واهلها ميتين وعايشة عند عمها
علي: عاد حلوة
صهُيب:اهم شي الاخلاق
علي:اي ماحجينا شي بس واحد هم يريد وجهه حلو يصبح بيَ
صهُيب: حلوة بس اسكت
امير :هسه تطلع جنها عبيد
وصلنا للبيت امي يعني ماحجت بس ابينة ما راضية كلنا جنه مخلين بالنا انُ ريم بس صدمنا من كال غفران المهم الله يوفقهم
قمر : ليش ما اخذ ريم
علي:شني غصب
قمر:لا مو غصب بس يعني ريم
علي:شعليه انا يابه
قمر:الله يسعدهم
ورا أسبوع كالوا راح يعقدون
علي:يابه شبيك ابتسم عبالك مغصوب
صهُيب: مالي خلك وتعبان كمل يلا
فتحت باب الغرفة صحت على امير
امير:ها كول
علي:جيب الفرقة مالتك وتعال
امير:خدام لطيبين احنه
صهُيب:علي مالي خلك
علي:انت مالك خلك انا الي خلك شعليك
شويه واجو علكوها
ياسر:كللللووووشششش وصهوبي رايد رايتة وعايف بنات ولايتة
صهُيب:اكوم ادفر بطنة هسة هذا
علي:ههههههه خليهم معليك
امير :وشايف خير ومستاهلها
ايمن:احضر يالمهدي بعرس الشيعة وبارك بيّ
مهند : وبالدم اشريها الخوة البيني وبينك
امير:صبابة ومصبوبة الخوة البيني وبينك
مهدي : امشوا نتبارك لابن الطيبات علومة
مالك : امشونا نبارك لابن تهمل صينيتة
نزلنا وهمَ ورا يهوسون
الحاكم كال هذا العرس منين
عمامة شيوخ بيهم رفعة الراس
واهل امة صدك هيبة وصدك ناس
الحاكم كال هذا العرس منين
سبع جدود الك والناس جدين
وجدك يسطر العايل على العين
الحاكم كال هذا العرس منين
عمامة شيوخ واهل امة السلاطين
راحت عيني على الكمر الواكف يصور ويضحك كانت لابسها فستان ابيض چا غير تموت
من سوينا هيج وركصنا شوية ضحك وصار تغير بمعاني وجهه
محمد :ايييي ياااخي افردها اضحك
صهُيب: ضحكت يابه ضحكت
جاسر :يلا بوية هم يلا نوصل
صعدت النسوان اول شي وراها طلعنا عبالك زفة مو خطوبة اتصل عليه ابوي
علي:ها عيني
ابو فهد :لا تنزلون بوية خل نوصل نتأخرنا الناس تنتظر
علي:ماشي
اشرتلهم لا تنزلون وصلنا لبيت اهل البنية عقد السيد انطت الموافقة وراها صهُيب نطق الموافقة وكام سلم علينا وعلى الحاضرين وكالوا خل يدخل يلبسها الحلقة
احنه ضلينا ننتظر برا ماطول هواي تقريبًا نص ساعة وطلع
اسد:شني بس حطيت الحلقة وطلعت
صهُيب:وكلتها كيك وشربتها عصير وطلعت نسوان هوسة
اسد: چا خل نروح شني ضلتنا بعد
اترخصنا ورجعنا ورا يومين سيروا علينا بيت ابو راهب ويمنا عمامي كال ابو جاسر
ابو جاسر :بوية وابو فهد انا عندي طلب يمكم
ابو فهد :عد عيناك خوية
ابو جاسر:ريتك سالم انا طالب ايد بنتك ازل لابني جاسر على سنة الله ورسوله
ابو فهد:اتشرف بيك وبجاسر
الجد: خير ما اختاريت نسئل البنية ونردلك خبر
ابو راهب :چا انا هم الي طلب
ابو فهد:أمر يأبو راهب
ابو راهب :مايأمر عليك عدو رايدين بنيتكم الصغيرة شهد لابنه راهب على سنة الله ورسولة ويزيدنا شرف بنسبكم
الجد:النا الشرف ابو راهب نتشرف بيكم همَ نسئل البنية
ابو راهب :على راحتكم
امير:شني هاي شو كلها عرست
ايمن:ضلينا بس احنه محد يعرسلنا
ياسر:زين اذا واحد باوع بوجهنا وكال شلونكم مو يزوجونة
مهند :النا الله يشوفنا وعينه علينا
باوعت على راهب كان كاعد دار وجهه عني النذل ولا حجه ولا جاب طاري
من طلعنا سحلتهه
علي: تخطب مو
راهب:چا اجي اكلك اريد اختك
علي:انجب كواد ياهو ينطيك مراة اذا ما اطلع خياساتك كلها
راهب:بشاربك انا بعدين منيلي الخياسات وعلي متربي الف مرة
علي: تبقى خايس
راهب:يضل طبعك نكس ومابيك كل خير
وتضل بين النواارس انتَ الحمار
علي:شعر نعال هذا
راهب:مواهبي المدفونة هاي
رجعت للبيت بـ١٢ ثاني يوم كاعدين نتغده جدي فتح الموضوع
الجد:شكلتن بوية
ازل سكتت لكن شهد صدمتني من كالت
شهد:لا والف لا
علي: ليش
شهد:ما اريده
اسد:ماتردين راهب بالتحديد
شهد:لا اني فكرة الزواج كلها ما اريدها ولا يم هذا الموضوع
الجد: براحتج بوية وانتِ بوية
ازل:الرأي الكم
كالت هيج وطفرت
ام فهد:انا احجي وياها واشوفها
ضجت من شهد رفضت تبقى حياتها وهيَ حرة بيها بليل رجعوا خبر انُ ازل موافقة لكن شهد رفضت
ابو راهب :هاي هيَ الله يوفقها
راهب كان موجود اترخص وطلع شوية واتصل عليه رحت ورا
علي:ها
راهب: ليش رفضت
علي:ما رفضتك بالتحديد رافضة الزواج كلة
راهب : حضي المصخم غير
علي:الله يوفقك وتلكي اللي تناسبك
سكت ماحجه شي ضلينا كاعدين بعدين اجو نمر وماهر وايسر وفهد صديقي
انتهى الموضوع وضليت بين دوامي والبيت دوامي كان صعب ومتعب وغير الاحتفالات التصير وتعال شارك بفلان فعالية وتعال نضم كردوس وهوسة وتعب من الصبح لليل
وراها احتفلنا بعيد النصر وطلعنا جناسي الدول اللي دزت دواعش القريتهن انا
علي:وبعد احتفال العراقين بالذكرى الثانية لتحرير العراق تنشر تقريرًا عن اعداد وجنسيات عناصر داعش التي شاركت وقتلت العراقين خلال اربعة اعوام وارتكبت جرائم الاغتصاب والتغيب والتهجير ومنها :
شاركت الجزائر بـ200 داعشي
وشاركت المغرب بـ1500داعشي
اما ليبيا بـ 600 داعشي
وشاركت تونس بـ3000داعشي
اما مصر بـ 400 داعشي
والسعودية بـ 2500داعشي
شاركت اليمن بـ110داعشي
والاردن بـ1500داعشي
ولبنان بـ900داعشي
وفلسطين بـ120داعشي
شاركت الكويت بـ 70داعشي
والامارات بـ15 داعشي
والبحرين بـ12داعشي
والباكستان بـ 500داعشي
اما افغانستان بـ50داعشي
وطاجيكستان بـ200داعشي
وكازخستان بـ250داعشي
اوزبكستان بـ500داعشي
وشاركت ترماكستان بـ360داعشي
وقرغيزستان بـ200داعشي
اما روسيا بـ2700داعشي
اوكرانيا بـ50داعشي
وشاركت تركيا بـ1000داعشي
اما بركاليا بداعشي واحد
ومقدونيا بـ 12داعشي
وكوزفوا بـ 150 داعشي
الفاينا بـ 90داعشي
سربيا بـ70داعشي
اما الهرسك بـ340داعشي
وايطاليا بـ80داعشي
وفرنسا بـ1600داعشي
اسبانيا بـ100داعشي
سويسرا بـ40داعشي
النمسا بـ150داعشي
المانيا بـ600داعشي
لوكسمبورغ بداعشي واحد
بلجيكا بـ520داعشي
هولندا بـ250داعشي
وبريطانيا بـ750داعشي
ايرلندا بـ30داعشي
الدلمار بـ150داعشي
وشاركت السويد بـ300داعشي. فلندا بـ70داعشي
اما استونيا بـعنصرين وشاركت النرويج بـ60داعشي
واستراليا بـ125داعشي نيوزلندا بـ6 دواعش
ليصبح المجموع 22.234 داعشي والدول التي لم تذكر اسمائها لم تشارك بأي عمل ارهابي و95٪من هذه الدول التي ذكرت لم تساعد العراقين ولو بطلقة واحدة او وسائل الدعم ولم يتواجد ايي دور لدول العربية بمساعدات عسكرية او معنوية بلـ كان اغلب الارهابين منهم .
كانت كلها رتب كاعدة وحاضرة وكلها عسكرية بعد ماطلعت من يمهم
راهب:كواك الله من يمي تعبت
علي: جيبلي مي نشف ريكي
راهب:حقك اكو دول اول مرة اسمعهن انا سامع النمس بباب الحارة ماعبالي دول
علي:النمسا مو النمس يمعود
راهب:نفس الشي
ورا بأسبوع اتصل علية واحد من جماعة سامر يهددد ويغلط اخير شي كال تعال لفلان مكان صعدت سيارتي ورحت من وصلت كان المكان فارغ مابيَ بشر ابد
بس كان صوت بچي طفل صغير واكو صوت حركة المنطقة كان بيها بيوت بس مهجورة من زمان صارت وراي خطوات التفت وانصدمت
علي:بعدج عايشة
_هههههههه عايشة حتى اموتك بـ أيدية يأبن نور
تقدمت عليه وانا واكف بمكاني خلت المسدس على كلبي
_هذا لازم يوكف انتَ لازم تموت انتَ خطر على حياتي
علي:شكلها نفس ماهيَ سنونها كانت كلها دم
علي:بعدج تاكلين لحم
_وراح اكل من لحمك هم
شكرا لزيارتكم عالم روايات سكيرهوم
