رواية عشك أل فراس الفصل التاسع عشر بقلم زينب نور
علي: تاكلين من لحمي ؟
هديل :اي مثل ما اكلت من لحم ولد اخوي
علي:الزنا ؟
هديل :ماغيرك زنا
علي:ههههه جاية تلعبين بناري مثل ماعدمت قحطان النذل وسامر الكلب اعدمج وراهم
هديل:اني هديل ماتكدرلي يأبن نور
علي:غاثتج نور ههههه
هديل :مثل امك حقير وكلب
علي:تروحيلها فدوة
هديل: امك الكسرت كلبي وخلتني اتخبل
علي: وتصيرين بربوك مو
هديل : امك هي السبب بكل هذا وانت غالي عدها احرك كلبها عليك مثل ماحركت كلبي
علي:حركت كلبج لان تزوجت ابوي مو
هديل :اي اي اخذتة مني
علي: وانا شذنبي ليش مارحتي لابوي
هديل: ذنبك ابنهم وكنت عبالي انتَ الصغير طلع اكو واحد اصغر منك هم يجي الدور امير
علي:الااا امير ديري بالج توصلين يمه وحك داحي الباب ادفنكم وانتم عدلين ديري بالج توصلين لواحد من اخواني وتأذينهم بشي
هديل : كلكم يجيكم الدور من الجبير لصغير
علي:ضحكتيني
هديل: انتهى الكلام بينا
علي:واجه وكت الأفعال
سحبت المسدس من ايدها ضحكت بضحكتها الحقيرة وكالت
هديل:تسمع صوت الطفل بس اسوي حركة احرك كلب امة
التفتت لمصدر الصوت بنية شابة لازمة طفل صغير واكفة وتبچي والطفل يبچي
علي:منو هاي
هديل:وحدها من المنبوذات
_ لا تقتلها هاي سحارة كلشي تسوي
علي:تعالي هنا
هديل:اذذا تتحرككك تموووت
علي:تعاليييي هناااا
تقدمت البنية والطفل بيدها يبچي ثواني وانترست المنطقة كلها عساكر
علي: تمت المهمة بسلام
هديل:لااا ياااا حقيرررر ارجعلك والله ارجعلك
علي: اخذوها وديروا بالكم منها اغلقوا مداخل ومخارج المنطقة
باوعت على راهب واكف مبتسم
علي: عاشت ايدك مضبوط
راهب:تربيتك
علي:هههه اخذوا الطفل شباب وهاي هم اخذوها
راهب:هسه تعال احجيلي منو هاي ؟
علي:نكمل شغلنا واكعد واحجيلك
طلعنا المخطوفين الي كانوا ثنين جهال ولد وبنية وغير السلاح والمخدرات وانواع واشكال
راهب: هاي وياها واحد
علي:هواي وياها وحدها دجالة هاي
خلصنا بالكامل رجعنا للمركز وبدا التحقيق وياها مو انا ضابط غيري الحقق وياها
طلعنا من المركز
راهب:يلا امشي احجيلي
علي:عبالي نسيت
راهب:شنسى غير خلتني اصفن
صعدنا بالسيارة وبديت احجيلة
علي: شوف خوية هديل صيوان خلف وحدها دجالة سحارة من زمان حيل تصير عمة سامر وقحطان هاي تصير كرايب جدي بس من بعيد وجانت تريد ابوي وتحبة
راهب:شحبت بيَ
علي:هههههه انجب لك ابوي حلو
راهب : هو حلو بس ليش حبتة
علي: الحب اعمى يخوي المهم ابوي جان مايريدها اخذ امي وتزوجها وصاروا اخواني وهاي ماتركتهم من اجت قضية ابوي ويَ قحطان من لزمهه بوقتها قتل ابن اخو رجعوا التقوا على حسب الكلام الوصلني انُ رايحة تتوسل لامي تحاجي ابوي يطلع قحطان لكن امي رافضة وماتدخل بشغل ابوي هذا الحجي انا جان عمري سنة او سنة ونص هي شايفتني رادت تنتقم من ابوي وامي بيه
راهب : اوكف ترا دخت
علي:انجب خل اكمل وبعدين دوخ
راهب:ترا شي صعب يصدكة العقل
علي:جايك بالحجي
راهب:كمل خل اشوف مصايب الدنيا
علي: صدر حكم الاعدام بحق قحطان ضل سنتين وانعدم لكن بهاي السنتين سامر وهديل ما تركوا ابدًا وحاولوا هواي لكن مافاد شي مانسوا السالفة
راهب:همَ ساكنين هنا جانوا
علي:يكولون جانوا يمنا بس سامر طافر على بنية بليل وطاردينا من العشيرة
راهب:سامر مو كلت نغل
علي:اي چا هوّ نغل ومو ابن اخوها بس هيَ توهم الناس انُ ابن اخوها مو ابن حرام
راهب:كمل كمل
علي: ايام الطائفيه بين السنة والشيعة كثر الذبح والخطف صارتلهم فرصة وكدروا يوصلون لابوي رادوا يكتلوا بس ربك ستر وطلع سالم ورا ماكبرت انا عبالهم انا اصغر واحد مايدرون اكو اصغر مني جايين لهذا اللي اسمة خالي وعارفهم ومتفق وياهم على مبلغ مرتب ورحت انا الضحية
راهب: راسي افتر
علي:طبك مرض المهم رحت انا الضحية وعشت ايام ماتنسي ابد هديل جانت تضربني ضرب ماصاير ضليت عدهم قرابة الشهر شوفتني الويل فوك التعذيب الضرب اللي تحملتة صعب احد يتحمله من ضمن التعذيب ومن ضمن الضرب كانت تردد خلي نور يحترك كلبها جنت ما افتهم شي وهيج لحد ما اجه الوالد وطلعني شلون طلعت بفلوس انطاهم فلوس ورجعت لهلي هنا ابو فؤاد كعد يتفنن ويترس براس العربانة ويدفعها ويجيني يحمسني حمس
راهب: اي
علي:وجعي المختصر المفيد اذا مافهمت هديل دجالة وسحارة وتبوك جهال من دار الايتام وتبوك بنات وتخليهم عدها وتسحب شباب الها
راهب:شلون تبوك بنات
علي:تروح لمنطقة تكسب ثقتهم ع اساس هيَ تسوي حرز وهيج من يجن ذني الفاهيات تشربهن شي وتخلي الشباب يغتصبونهن ويضلن عدها وفهمك كفاية
راهب: معقولة هاي عدنا
علي:اووو انواع الجرائم عند هديل بس هي معروفة بغير اسم وتدخل البيوت وتطلع وتسوي نفسها علوية الها هواي عروج وطاشة بهواي مناطق
راهب: هسه سامر وقحطان وهديل بعد منو
علي:بعد محسن وسامي وعبد، محسن وسامي ولد هديل وعبد ابن اختها
راهب:وذول وين
علي:ببغداد بالنرويج
راهب: مدري شكلك
علي:حقك حياتي اشبهه بالخيال والصار مايتصدك
راهب: زين انت ليش رحتلها
علي:واحد خابر ويهدد ورحت لكيتها هيَ
راهب:ورايح وحدك
علي:ادري بيك وراي اعرف سوالفك بكل عزة لطامة
راهب: هو انا اجيتك وشفتك طلعت لحكتك اعرف سوالفك تشمر نفسك وين ماكان وماتهتم
علي: يلا المهم خلصت جنت مقرر اقتلها بس بعد اجيتوا
راهب:حتى تروح سجن معدل
علي:ميخالف
راهب:ديلا اعزمني
علي:حتى تنسحل لابس عسكري ويريد يكعد بمطعم
راهب:لا هنا اكل
علي:لا يابه ترجع للبيت امك توكلك
راهب:تعز العزيمة عليه
علي: لا اعز التحقيق عليك
راهب:صدك اذا اموت هم تبچي
علي:سوالف زعاطيط هاي
راهب:ليش احنه كبار ترا بس بالعمر
علي: عمي انجب واسكت
وصلته للبيت ورجعت لبيتنا بـ12ونص بليل لكيت امي كاعدة بباب الصالة
ام فهد :وين جنت يمه والله راح كلبي
علي:سودة بوجهه ابنج كومي يمه كومي جنت بالدوام
ام فهد:يادوام وانتَ لابس مدني
علي:والله بالدوام وبعدهي طلعت ويَ راهب كومي وياي
ام فهد:لا تتأخر فدوة اروحلك واذا تروح خابر كول راح اختفي
علي:من عيوني
كومتها ودخلنا لجوا هي راحت لغرفتها وانا صعدت لفوك سمعت صوت بغرفة امير يخابر
دفرت الباب وهوَ طفر
امير:بعدين نحجي
علي:ها
امير:شبيككك عمي شبيككك متعود على المداهمات
علي:عاشك مو
امير:عاشكك
علي:انجب لكك حبيبتي واحبج مو
امير:اذا حجيت اسود عيشتك
علي:انتَ دروح بابا هاي السوالف ما تلوكلك
امير:عمي عوفوني بحالي
علي: انا الك دخل اعرفها
امير:بشاربك انا
علي:امشي لك
دخلت لغرفتي لفيت راسي ونمت ثاني يوم كعدت بـ2الضهر ومحد مكعدني مدري شعجب غسلت ونزلت كل واحد بغرفتة رحت للمطبخ سويت كهوة بعز الضهر فتحت تيلفوني وكعدت اتصفح بيَ سمعت الباب اندك اخذت الكهوة وطلعت صار بوجهي فؤاد
علي:خير
فؤاد:هيج تستقبل ابن خالك
سندت روحي على الحايط وكتله
علي: استقبل كل واحد حسب حجمة وهسة شتريد مافارغلك
فؤاد: عندي شغلة ويَ ابوك
علي:اها بينكم شغلات
فؤاد:ادخل صيحلة
علي:دعبل منا
فؤاد:تبقى طول عمرك نفس طبعك
علي: غاثك مو
فؤاد:حيل
علي:ان شاء الله الايام الجاية اخنكك مو بس اغثكك
فؤاد:تجي الايام
علي:واشوفك نجوم الضهر
هز راسة بتوعد وراح سديت الباب ودخلت كعدت بالصالة لـ4 العصر كعد جدي
الجد: ها بوية كاعد
علي:هلا يابه اي كعدت
الجد :تعيبان جنك نمت هواي
علي: اي صار فترة مانايم عدل
الجد: حقك اريد احجي وياك بموضوع مادام وحدنا
علي:أمرني
الجد:مايأمر عليك ضالم موضوع الصار بينك وبين ابوك
علي: اي شبي
الجد: يبقى ابوك وهو جان خايف عليك بس تصرف بطريقة غلط ماعرف شلون يتصرف
علي: مو مايعرف يتصرف ابوي تحت ايدة عشيرة
الجد :لا تكمل اعرف شني البكلبك وحكك
علي:جدي انا ما اكره ابوي بس تصرفاتة تضوجني انا مو طفل زلمة شكدني شكبرني والناس تهابني يجي يريد يسحب كلشي مني ويحط كلشي بيد فؤاد
الجد: بهاي وياك حك بس شنسوي اريدك تنسى الموضوع وترجع تحجي ويَ ابوك طبيعي
علي:احجي ويا انا
الجد:بس تحجي كوه عليك انسى
علي:ان شاء الله
ترخصت منه وطلعت رحت للبستان صفنت بحياتي ركضت بيها هواي بس احس لحد الان انا ما محصل شي لحد الان انا بعدني بالماضي بعدني هناك بذاك المكان بعدني اذكر كلشي شكد ما احاول اترك الماضي وانسى يصير شي يخليني احقد اكثر على الماضي بالكامل
حياتي صارت عبارة عن مغامرة مامفتهم شي ولا جاي اصارح نفسي بشي عايش بصارع صعبب جدًا
راهب:صافن المدلول حلوة صفنتة
علي: شجابك
راهب:اشتياقي الك جابني
علي:هالكد تحبني
راهب:عندي مصلحة وياك
علي:شعندك
راهب:اكعد اريد احجي على نمر
علي:ليش
راهب:ساقط
نمر :ماكو غيرك ساقط
راهب:اووو لا هلا ولا مرحبا
نمر:بالمهلي
علي:شكو شبيكم
راهب: رجع لسوالفة
علي:ياسوالف
راهب:ملاهي واستهتار زايد ادبسز
نمر:ماكو غيرك ادبسز مرة وحدها رحت
علي: والماضي
نمر: ماضي وراح مايرجع
راهب:مايررجع چا ياهو جان يمهن
نمر:عادي تصير
علي:بطل سوالفك انت مو كاتل نفسك على الحبيبة
نمر:احبها واريدها
علي:تحبها وتريدها صير خوش بشر وعوف هاي السوالف فلوسك لا اطشرها على هيج سوالف واحنه من وراكم مشوهين سمعتنا
راهب: اي والله حتى تعبت وانا ادافع عن روحي
نمر: غلطة وصارت
علي: مره وحدها
نمر:اي
علي:احلف
نمر: لا ليش احلف صارلي شهرين من رجعت كل يوم اروح اسهر لوجه الصبح وارجع وازوج واطلك حلال
علي:بابا لعبان نفس انتَ ماتلعب نفسك من تاخذلك وحدها الف واحد لازمها شهل الرخص هذا
نمر: اقضي وياها وقت
علي:اخذلك مراة وانجب
نمر:اهوووو هسة لا تصيرون براسي انبياء
راهب:مو انبياء جاي انصحك خوانك وخايفين عليك اذا عمي عرف مو يشك حلكك نصين وبعدين انتَ تحب بنية وهي تحبك ليش تروح لذني روح اخطبها
نمر: غير خطبت وماينطون
علي: ضل بسوالفك لحد ماتاكل خرا بيدك
نمر: انت شلون دريت
راهب:شعليك المهم دريت
نمر:احاول اترك
علي:رجعت تشرب
نمر:اي من ورا ابوها
علي: سوالف مزعطة هاي ضابط بكد البغل شناقصك وتروح لهيج درب وتترك درب الله واهل البيت
نمر: بعد رحت
علي: الله يهديك
راهب:وانت شبيك
علي:شبيه
راهب:ضايج ومهموم والعيون بيها حجي
علي:مابيه شي اريد اروح لنجف صار فترة مارايح
راهب: اي نروح بليل انا وياك ونمر
نمر:باجر عندي دوام
علي: نطلع باجر العصر
ثاني يوم رحنا لنجف زرنا الامام علي علية السلام ورحنة للمكبرة صارت كبالي صورت اسمر كان لابس عسكري واكف يضحك شكد مشتاقلة اخو وامه وجهالة ثنينهم جانوا يم الكبر كعدنا يمهم كالت امه
ام اسمر:شو صارلكم يومين ماتجون يمه ليش
نمر: حقج بس والله دوام
ام اسمر:الله يساعدكم ويحفظكم لشبابكم
باوعت عليه ورجعت باوعت على صورت اسمر وابتسمت
ام اسمر:جان دوم يحجيلي عنك وصار عندة ولد وصار اسمةزعلي
كعدت يم كبرة جنت مشتاقلة حيل كعدت يمه وعاتبت وحجيت وبچيت بس ماكو رد بس صورتة وكبرة رجعنا للبصرة واهله كالوا اليوم نبات
على الطريق الدولي دك تيلفوني ولد صديقي
علي:ها سجاد
سجاد:المعرض
علي:شبيَ؟
سجاد: إنتهى
علي:شنو انتهى شبيك
سجاد:المعررض احترككك احتركك بالكامل راح كلشي راح التعب كله راح بلمحة بصر
علي: شنو احتركك شتحجيي انتَ شلون وشوكت
سجاد:مادري مادري خابروني المغرب كالوا احتركك رحت لكيتة رماد لا سياره ولا شي ضال
طبكت السيارة على جهه احس راسي افتر تعبت عليَّ وشمرت نص فلوسي عليَ بساعات راح التعب
راهب:شكو
علي:المعرض احترك
نمر:شنييي
علي:واحد منكم ينزل يسوق
نزل راهب وانا صعدت بمكانة خليت راسي بين ايدية خرا بالحظ راح كلشي معرض شلون يحترك شهل المصيبة هاي
راهب: بالكزيز ولا بالعزيز يرجع وداعتك يرجع
علي:شيرجع راهب شيرجع صارف فلوسي اغلبها عليَ
نمر :مثل ماسويتة اول مره ترجع اسوي هسة واحنه وياك فلوسنا تحت ايدك من الربع للمليار
راهب:عندك مليار
نمر:عندي نعل مكطعة
راهب: ضغطك لا يرتفع وين نروح بيك بهل الهيمة
علي: المشكلة اغلب الناس التكفلت بيهم الفلوس اطلعها من عندة راح اتبهذل ويتبهذلون وياي
نمر: عوف الناس هسه احنه وياك ونرجع كلشي
وصلنا للبصرة طلعنا مباشرةً للمعرض لكيت هواي ناس واكفة وسجاد يلطم لطم وغير الشرطة التارسة المكان
علي:اكو احد أتأذة
سجاد:لا محد
علي:كوم انتَ شبيك راح تموت نفسك بالماال ولا بالعيال وخلص
سجاد:شخلص علي شهل البرود العندك
علي:كوم كوم
ضابط:انتَ صاحب المعرض
علي:اي انا
ضابط: لعد تتفضل ويانة
علي:شعندي
ضابط: لازم تحضر اجراءات قانونية
سجاد:عمي مع احترامي هو هذا بالقانون عوفة
ضابط:شنو عوفه قانون هو لو لعب
علي:انتَ مو تبچي شحجاك
لـ2 بليل يلا رجعت للبيت
راهب:لاتضوج يرجع كلشي
علي:الله كريم
راحوا همَ لبيوتهم طبكت سيارتي بالباب ودخلت محد كلها نايمة سبحت وبدلت ملابسي وكعدت افكر شسوي انفتح باب الغرفة دخلت امي
علي:ها يمة
ام فهد:شوكت اجيت
علي:قبل شوية
ام فهد :تأخرت ودكيت عليك ماجاوبت
علي:شوكت
ام فهد :قبل ساعة
علي:ماسمعت الجهاز ليش كاعدة
ام فهد:انتظرك وماشفت سيارتك
علي:خليتها برا
باوعت عليه ورجعت كالت
ام فهد :بيك شي صاير شي وياك
علي:لا ليش ؟
ام فهد :شغلك شلونة
علي:زين
هزت راسها ورادت تطلع كلبي لعب صحت وراها
علي:يمةة
ام فهد:ها
كمت وكفت كبالها
علي:بعمرج ما سائلتيني هذا السؤال شمعنى اليوم
ام فهد :ليش يمه شمعنى
علي:صاير شي
ام فهد :لا
علي: چا شبيج
ام فهد :مابيه شي يا
عافتني وطلعت كلبي لعب واحس تعرف شي بس ماتريد تحجي رحت نمت وكعدت بـ6 الصبح صليت وطلعت للمعرض اشوف شسويلة وصلت هناك منتهي وكفت اباوعلة سمعت صوت هوسات عمر ونمر وراهب وفهد وماهر كلهم لابسين دشاديش سود ويهوسون
جينا نعازيها الدار التشرك بالهم
علي:والله اكبر كواويد انتم
عمر: ياخوية البقية بحياتك
علي:احسك شامت
فهد:ضامها علينا مو شني ولك بوكة
علي:يعني تقنعني ماتددري
ماهر:منين ندري من نمر مثلًا
علي: شعدكم لابسين اسود
ماهر:على حلالك
علي:شماتي موش بعاد شماتي اخوتي
عمر:ههههه فدوة الك وعلي احنه اخوتك وشتريد حاضرين بس كول
راهب:كفو من عموري
عمر:اكل خرا انتَ
فهد:كافي اكلان خرا ماعرفت ياهو مسوي هيج
علي:بعده التحقيق
فهد:الله ينتقم منه
عمر:زين ماتشك بواحد
نمر:انا شاك بجماعة سموري
راهب:وشدراهم
نمر:يمكن مراقبينا
علي: لا اذا فعل فاعل فـ مني وبيه
ماهر :منو قصدك
علي:ابوي!
نمر:تحجي صدك انت شبيك ابوك هذا مستحيل يسويها لو شما صار
علي: يمشي وي ابو فؤاد كلشي اتوقع منة
عمر:بس مو لهل الدرجة يعني يأذيك هيج مو معقولة
علي: والله كلشي اتوقع منة
ماهر:لا تضلمة يخوي الاب مستحيل يأذي ابنه بهل الطريقة
علي: ابوي غير
فهد :أتأكد
علي:جاية الايام وتثبت كلشي
راهب:ممكن فؤاد بسس ابوك لا
علي: ليش هو فؤاد مو يمشي ويا
عمر:عوفنا من هذا الموضوع وعوف ابوك بحالة شراح نسوي اول خطوة حتى يرجعلك
علي:كلشي مانسوي خيولي
عمر:وتعبك
علي:تعبت اكثر من هيج وراح خالي بلاش خيولي بعد
فهد:يمعود كول يالله
عمر:اجتة الحالة شكو شي يشوفة يكول خيولي
علي: انجب شوكت تعرس
عمر: ما ضل شي
لـ11رجعت للبيت عمر ماقبل يجي وياي كال عندي شغل وراح دخلت للبيت لكيت امي وبيبيتي وردة وخواتي كاعدات
علي:السلام عليكم
الكل:وعليكم السلام
الجدة:وين جنت كعدنا الصبح ماكو
علي:جان عندي شغل
ام فهد :متريك
علي:لا بس ما اريد
دخل خالي ابو فؤاد سلم وكعد وجفصلة جفصة خلاني أتاكد من شكي
ابو فؤاد:شني صدك المعرض مالتك احترك
علي:شدراك
الجدة:انه امك يمحمد صدك احترك
ابو فؤاد:اي حجية
علي:وانتَ شدراك محد يدري بهذا الموضوع
ابو فؤاد:شفت النشر وعرفته الك
علي:بس محد ناشر
ابو فؤاد:لا شلون انا شفت فيديو
علي:خل اشوف الفيديو
ابو فؤاد:طلعلي بالفيس وراح
ام فهد :هاي هي خيولي يمه خل يحترك انسى
علي: انسى!
اجو ابوي وجدي واخواني اجتمعنا على الغده
الجدة:معرض اخوكم محترك شني ماتدرون
علي:لا حول ولا قوة الا بالله
الجدة:وهرش شنهي ضمة
علي:لا فتحة
الشيخ:شوكت
علي:امس المغرب من رجعت من النجف خابروني
اسد:احترك كله كلش راح
علي:للكاع
صهُيب: ولا سيارة طلعت
علي:ابد
الشيخ: فعل فاعل لو شنو
علي:تبين بالتحقيق فعل فاعل
باوعت على ابوي كان ياكل معلية حتى ماحجة
الجد:ومنهو
علي:ماعرفتة بس ان شاء الله اليوم باجر ينعرف ويصير خير
الشيخ:شاك بشخص
علي: الشك مايفيد لازم اتاكد
ابو فهد :شو تباوع علية
علي:ادعي من الله ماتكون الك ايد بالموضوع
خزرني وسكت كمت من الاكل صعدت لغرفتي وصلني تصوير وتبين وبالدليل الثابت انُ ابوي ! وابو فؤاد بهاي الاثناء اتصل راهب
علي:شفت التصوير
راهب:خابرتك على مودة امشي عليك رسول الله لا تَصرف تصرف موحلو اطلع من البيت لا تحجي شي وانا جايك
علي: تريد اسكتتت على هيج سالفة
راهب:اطلع من البيت لا تعصب ويصير شي احنه بأغنى عنة
علي: شتحجييي انت اذا ابوي هيج يسوي بيه الغريب شيسوي
راهب :جايك انا انزل لديوان
سد التيلفون نزلت صارت بوجهي امي
علي:لا تحجين ولا كلمة حالج حال رجلج ثنينكم مابيكم خير اليه
ام فهد:ولك يمة صلِ على محمد
علي:بري منكم محمد دمرتوني دمار هو يدمر وانت تغطين عليَّ جبتيها من الصغر لهسة ابوك وابوك وابوي شابعني مكفخة بصغري جان يضربني وهسة يضرب ويحرك حلال
اندك الباب عرفتة راهب طلعت
راهب:اصعد بالسيارة
علي: وين ماخذني انت الثاني
راهب:اصعد عااااد
صعدت ويا رحنا للبيت الثاني
راهب:اكعد كافي راح تموت
علي:والله حقي من اطك واموت اذا ابوي هيج يسوي
راهب: ميخالف اكعد لا يصير بيك شي
علي:اذا ما يموتني مايرتاح
راهب: اله غاية لازم
علي:خرا بالغاية مالتة تحجون صدك معرض شكدة يروح هيج يسوي نفسة يحط بانزين ويحركة حرك من احتركت روحة بنار ونفط
سكت ضل يباوع علية رجعت كتله
علي: من صغري لهسة انا ماكل خرا ويا دك يدك علية مثل المطي ومنين ما التفت ميخالف ابوك واسكت واتحمل وكبرت وهجيت وماخلصت من ابوي تحملت اشياء انا مالي ذنب بيها صار سنين اركض لك ست سنوات انا تعبان عليَّ يجي يحركة وقبلها يريد يحطة بيد فؤاد واسكت يعلي وتحمل لان ابوك بزعت والله العظيم وخلص صبري شنو ذنبي هسه انا سامر وعصابتة ولهسة وراي وخايف خايف حتى اعترف للبنية اللي احبها خاف يأذوها خايف اقرب شخص الي ويأذوني بيَ ومتحمل وساكت حرم علية حتى الدمع يريت امي بشهرها طارحتني وخلصان
كعدت مدري منين التكاها خليت ايدي على راسي اجة كعد يمي
راهب: خايف يبعد الروح
علي:ماخايف على روحي راهب ماخايف على روحي يطبني مرض خايف على قمر اعرف اذا ادخلها قاموس حياتي راح تتأذة وانا ضال معلعل
راهب: انا اخوك وياك للموت لا تحجي هيج ولا تفكر نفسك وحيد افديك بروحي والله ترخصلك الروح لا تنقهر المعرض ارجعة الك وقمر الك وشتريد يجي جوا رجليك لا تخاف من شي حياتك يجي يوم وتستقر شكد ماتتعب راح ترتاح وابوك اتركة لاتحجي ويا خلي يحس على نفسة بس لا تأذي نفسك
لـ5 رجعت للبيت لكيتهم كلهم يمنا اول مادخلت صاح ابوي
ابو فهد:ولك انتَ شحاجي ويَ امك وخليتها توصل الموت
باوعت على امي كانت كاعدة وتبچي
علي:اسئل نفسك شمسوي انتَ
ام فهد:كافي اسكتوا
علي:من كلامي هيج صار بيج
شهد:شحجيت انتَ وخليتها هيج يصير بيها وتعرفها مريضة
علي: كلي لابوج
ابو فهد :انجببب ولك
علي:لا تخليني ارد الغلط وحك علي واصير اكبر كواد واطلع طيحان الحظ كلها اسكت عني احسلك
ابو جاسر :صلوا على محمد شجاكم
علي:خلي اخوك يفك ياخة عني
الجد:شمسووييي
علي: اسئلة وخل يجاوبك بس جاوب بحظ وبخت ولا تجذب لان انكلب عليك طنطل
ام فهد:كافيي
علي: تعرفين وساكتة وتعرفين كلشي بس الخوف مسيطر عليج
ادم :تحجييي لو شلووون
علي: هو الحارك المعرض
ابو فهد: يامعرض
علي:معرض ابوك
الجد:لا ياسافل
مسحت وجهي هسه جدي شعلية
علي:المعرض مالتي
ام فهد: مو ابوك
علي: اي چا ياهو
ام فهد:ابوك ماعلية
علي:ضلي عايشة بهذا خوفج
ابو فهد:اي انا الحركتة وشتريد اسوي
علي:اصفكلك چا شسويلك
الجد:تخبلتتت شبيكككك
صار هدوء الكل سكت كعدت على الدرج
علي: الحب والسند والتفاهم العند عائلة فراس ماشفت شي منة
ابو فهد:من ايدك
علي:شمسويلك ؟
ابو فهد : تعاند وانا اكره اليعاند
علي:اعاند تروح هيج تسوي يعني بشرفك تصرفاتك هاي لو اسولفها لواحد يصدك هاي تصرفات رجال عمرة 66 سنة
ام فهد:يمه علي
علي:يمه اسكتي عني محد طيح حظي غيرج طلعتوا روحي الخوف كاتلج كتل
ابو ادم :كافي خالي
علي:حقكم تعبانين انتم راكضين سنين شايفين ضيمي كافي كافي سكتت خلص
كمت اريد اصعد لغرفتي استوقفني صوت امي من كالت
ام فهد : رادوا يكتلوك وابوك حرك المعرض !
صحت بيها بصوت عالي وعصبية
علي:عذررر اقبحح من ذنببب كاااافيييي جذذذببب كااافي تجذبيننن مو كرهتونيييي بعيشةةة الله الغريب احن علية منكم رادوا يكتلوني ليش ماحجه ليش ماكال بوية اخذ الحذر بوية هيج وهيج وشعليهم بالصخام رحمة للعباس من تجذبين عدلي جذبتج
كامت وكفت كبالي وكالت
ام فهد :من خوفنا من خوفنا كلوب ام واب ماعرفنا شنتصرف
علي: الحقارة تمشي بدمكم
ام فهد:اسكت كافي كافي يمه فدوة كافي من خوفنا انتَ ابني ابن روحي خفناااا عليكك
علي:والله يايمة لو ما جايبتني احسلي على هذا ضيمكم
اخواني كلهم جانوا ساكتين او مصدومين
علي: عندج اربع ولد واربع بنات ديري بالج عليهم وانسيني بعد لان كرهت العشية وياكم
ابو فهد:على جثتي اخليك تطلع
علي: تعبتني
الجد:اكعد وخل نتفاهم
علي: احر ماعندي ابرد ماعدكم
تركتهم وصعدت لغرفتي حياتي صارت اشبه بالخيال ! عبارة عن تعب وحزن وضيم التعب اخذ ثلثين حيلي ومشاكلي كثرت وشتصرف مدري ومنين التلكاها من ابوي لو من امي لو من فؤاد لو منين
طلعت تيلفوني اتصلت على راهب
راهب:ها عيني
علي:الجمعة عندي شغلة وياك حضر نفسك وانطي خبر لنمر
راهب:عد عيناك
سديت التيلفون وكعدت تهون شما طفح ميزانها تهون اصفي شغلي ولكل حادث حديث نسيت سالفة المعرض ونسيت كلشي وكعدت اخطط لشغلة البراسي
......................................
قمر: بعد فترة قرر بابا انُ يخطب لغياث ومهيمن
ابو مهيب: صار لازم تزوجون وافرح بيكم العمر يركض شمنتضرين بعد
مهيمن كان يحب وحدها دكتورة من صلاح الدين فـ مباشرةً وافق اما غياث فـ رفض وكال ما اريد اتزوج لان بعدني احب هبة
ابو مهيب:هبة راحت لرحمة الله انساها ولازم تزوج لشوكت تبقى هيج
غياث :مااريد كوة شنو
ابو مهيب:اي كوه تزوج يعني تزوج
غياث:اي بلا منو هاي التريد تخطبها
ابو مهيب :بنت صديقي واذا ماتريد بكيفك انت اختار
غياث :ماشي
طبعًا بعد زواج الشيخ راح غياث على مود يشوف البنية للعصر. رجع
ام مهيب:والله البنية كلش حلوة واهلها خوش ناس
غياث:ماعجبتني ما اريدها كوة يعني
ضلت امي ادور مراة لغياث تقريبًا شهرين يلا اقتنع وكال اي هاي هي اخطبوها بلشنا نحضر للخطوبة اول شي مهيمن وبعدين غياث بس زواجهم يكون نفس اليوم
قمر:تعبت شنو هاي طاح حظي لا تعرسون
ام مهيب:كومي شوفي منو بالباب بس تتحركين شوية اضلين اصيحين وماكدر وماكدر
كمت للباب ادردم
قمر:من طارق الباب
امير: انا امير
فتحت الباب وكتلة
قمر:أهلًا بك يا اخي هل تحتاج شيءٍ
امير:نعم يا اختا لقد جئتوا الى اخاكِ ليث
قمر : المعذرة اخي لقد خرج من الدار
امير: خرجت روحة كون وين راح
قمر:يا شمدريني بعدين مو نحجي فصحى شرجعك على البصراوي
امير:الفصحى ماتشفي الكلب مثل حجينا
قمر: صدقت المهم ليث مدري وين راح
امير:خوش في امان الله
قمر:الله معك
سديت الباب ودخلت لجوا لكيت يوسف واكفلي بالباب متخوصر
قمر:ها شبيك
يوسف : ليش طلعتي للباب مو اني زلمة هنا
قمر : يا يا نسيت مره ثانية اصيحلك تفتح الباب
يوسف:يلا ادخلييي جووا يلاا ماعدنا نسوان تطلع تفتح الباب
قمر:والله اكطع النعال على راسك عمتك اني الوحيدة احترمنييي
رياهم:ههههه حيل ماما اسحلها سحل
قمر:خبيثثث
يوسف:يلا روحي سويلي اكل
قمر:لااا انت تريد تنكتلل
هو شرد لجوا ورجع الباب اندك بكل صلافة رجعت افتحة اجه وراي
قمر :منو
علي:أنا
يوسف:هذااا عليييي
دفعني وفتح الباب وركض عليَّ علي شالة وهذا تعلق بركبتة علي يبوس بيَ وهذا يضحك
علي:شلونك ليش ما تجي
يوسف : حارة وبس اطلع اصير احمر وامير يكولي الفاهي واني اضوج
علي:هههه خيولي معليك بيه اجيت اخذك حتى نطلع
يوسف:خل ابدل واجي
علي:يلا روح انتظرك
راح يوسف ركض لجوا اني كنت واكفة ورا الباب من راح يوسف طلعت راسي جان مدنك بتيلفون رفع راسة باوع عليه وابتسم
علي:عاش من شافج بوية
قمر:وانتَ العايش
راد يحجي قاطعنا صوت يوسف
يوسف:قمرررر وين قندرتي
قمر:قندرة على راسك
رياهم :ولك ماما تعال هاي
لبس وطلع يركض
يوسف:تأخرت ؟
علي:لا ابد يلا امشي نروح
راحوا همَ واني رجعت
رياهم :احم احم
قمر:وجع انتِ وابنج ماتخلون الواحد يشوف الناس
رياهم :يلا ان شاء الله بعد هيج فترة نحضر لخطوبتج
قمر:دروحي ما ازوج اني اضل يم امي
يوم الجمعة كانت خطوبة مهيمن اجوا خوالي وعمامي الكُل كان موجود الطريق بعيد فـ ما كدروا ياخذون ناس هواي اصدقاء مهيمن ولد عمي نكدر نكول الكرايب وكم شخص غريب رحنا الطريق حيل كان طويل على ماوصلنا بالف ياعلي
قمر:اكو واحد يخطب من اخر الدنيا
رياهم:بس تخيلي بعد هذا التعب تطلع حية
قمر:استر ياعلي
البنية اسمها رنا دكتورة اول وحدها دخلت بيبي زهره وراها امي اشتغلت الهلاهل البنية كانت حلوة اول مره اشوفها سلمت عليها وكالوا سكتة لان مدري منو متوفي
قمر:شهل الحظ
رياهم :سدي حلكج
اجه السيد عقدلهم بسرعة ودخل مهيمن لبسها الحلقة وهي كذلك واكفين بالباب يصيحون يلا لان الطريق كُلش طويل فـ صارت بسرعة بسرعة
من رجعنا بالطريق علكوها ضلوا يركصون تونسنا بالرجعة اكثر من الروحة وصلنا للبيت بـ11 بليل وراها بأسبوع خطوبة غياث صارت احلى من خطوبة مهيمن لان الكل حضر وقريبة مو تعب
من ردنا نطلع علمود نروح لبيت اهل البنية لمحتة واكف يم سيارتة يخابر وعصبي
ام فهد : غزل شبي اخوج
غزل:مادري من الصبح هو عصبي
اجه يم السيارة اللي كاعدين بيها
علي:خلصتن
غزل:اي
طبك الباب حيل وكف يم السيارة عاكد حواجبة ثنينهن احسه اذا يلزم واحد يموتة
علي:ديلا اصعد خلصني
جسار:اييي غير يطلعون
علي:اصعد انت شعليك بيهم سيارتي اريد اطلع ساد الطريق اطلع فضني عاد
جسار: خرا بروحك
صعد سيارتة وطلع وهو راح ورا صعد سيارتة وراها طلعنا كلنا وصلنا اهل العروس عقدوا غياث كان ماله خلك فـ بسرعة طلع لكن تونسنا
رجعنا للبيت وكل واحد راح لبيته نمت بـ11 كعدت ثاني يوم بـ11ونص غسلت ونزلت ضوجة واهلي كل واحد بغرفتة كعدت العب بتيلفون على ميكعدون دخلت على حساب علي كان ناشر صورتة بالزي العربي وضاحك تك خد ابينة الغمزه اول مره انتبهلة ركزت بملامحة حلو يعني شكلة حلو بس اللي يشوفة اول مرة يحسه فددد مغروررر
دخلت لـ متابعهم صايرين 73 واغلبهم ضباط ممتابع ولا حساب بنية دخلت لمتابعينا هواي بنات وشباب هم وهو ميتواجد هواي واكثر شي اذا يتواجد بليل
ضليت افتر شسوي وصار شكد محاجين سوا ضليت افتر اريدلي سالفة بعدين اتأدبت وكعدت لا ياخذ علية نضرة مو حلوة
مر أسبوعين الوضع هدوء وحياتنا ماشية طبيعي بيوم من الايام صادف يوم جمعة الساعه بـ 8 ونص بليل
صعدت لسطح اني ورياهم لان ضايجين فـ كعدنا فوك شوية وسمعنا صوت عالي بالمنطقة
قمر:شكو
رياهم:كومي كومي نشوف
وكفنا نباوع هواي زلم واكفين بباب بيت الشيخ طلع صهُيب صوتة كان عالي واحنه قريبين عليهمم
صهُيب: تفضلوا
_ وين ابوكك
صهُيب:وشتريد من ابوي
_خل يطلع لا يضم نفسة
صهُيب:خليني محترمك وابوي ماموجود عدكم شي ادخلوا لديوان خل نتفاهم لا اضلون تهوبزون
شوية وطلعوا ورا الشيخ وعلي
الشيخ:ادخلوا لديوان واحنه بخدمتكم
احد الشيوخ:خادم ربك بس ابوك وين
الشيخ:محتاج شي
_ابوك اخذ فلوس من عدنا وما رجعهن كال أسبوع ولهسة ماكو صارلة شهر واتصل مايرد
الشيخ:صدك جذب هاي سهلة شكد فلوسكم توصلكم
دخلوا لديوان وكفوا صهُيب وعلي بالباب
علي:ابوك مال واحد يلزمة يحمسه حمس
صهُيب:ابونا اثنينا وانجب وروح انطيهم زهرمان وزغنبوت مر
علي:خل امير يجي انا بس ادخل اتعارك
صهُيب:تموت على الطلايب
علي:طبعًا
رفع علي راسة شافنا واكفين أشر انزلن
رياهم :يا شافنا صخام
نزلنا رجعنا لمكانهه ثاني يوم الصبح كالت امي راح اشوف الحجية كتلها الا اروح وياج هي ماكالت لا رحت وياها جانوا يمهم بيت خالهم ابو فؤاد اول مره اشوف فؤاد وابو كعدنا يم الحجية
شوية وكمت اريد اروح يم شهد بالحديقة طلعت مالكيتها وين راحت هاي محسيت غير شخص دفعني على الحايط صرت بينة وبين الحايط
..............................................
شكرا لزيارتكم عالم روايات سكيرهوم
