رواية للحب فرصة اخيرة الفصل التاسع عشر
ماهر:لو حبة متتفرجيش معانا ع الفيلم انتى ممكن تخرجى
ضحى:لا عادى انا مش خايفة ع نفسى
حمزة:لا متخافيش عليا يامامى انا متعود ع الافلام الرعب ومش بتفرج غير عليها..خلينا نتفرج بمزاج اشغله؟!
ضحى بخوف:شغله بس اقعد جمبى متقعدش ع الحرف
حمزة:لا انا مش هقعد جمبك ممكن وانتى خايفة تقرصينى وتخربشى فيا عندك دادى هو هيستحملك لكن انا موعدكيش
ضحى:كدة ياحمزة ماشى بس خليك فاكرها
حمزة قعد ع الحرف وشغل الفيلم وهو بيتفرج عليه باهتمام شديد ومش مركز مع ضحى اللى بلعت ريقها بخوف وقالت:ايه اللى عملته ف نفسى دة؟!
فى اى مشهد رعب بيجى بتخبى وشها ف كتف ماهر وشدة على قيمصه بخوف لحد م جسمها اترعش وحست انه هيغمى عليها من مشهد قتل بس بطريقة وحشية
ومشهد كان فى البطلة نايمة ع السرير وبدون مقدمات حد سبحها من رجلها
ضحى صرخت وخبت وشها ف كتف ماهر وهى بتقول بعياط: لا العفريت هيظهر دلوقت انا بخاف لو سمحت ياماهر حول ع الفيلم دة
حمزة:بصى يامامى المشهد ..دة جامد اخر حاجة
جت تشوفه فعلا بس وهى بتذكر الله لقت فعلا الروح الشريرة ظهرت فجاه..ضحى اترعبت منها وكانت هتقع من ع السرير لولا ماهر اللى لحقها قبل متقع
ماهر:ضحى لو خايفة ممكن نطفى التليفزيون
حمزة:ليه بس يادادى دة ف اخر مشهد. خمس دقايق بس علشان خاطرى
ضحى بخوف:وع ايه؟! م الفيلم خلص واللى حصلى بقا فيا خلاص انا حاسة ان رجلى مش شايلانى
ماهر:حمزة اطفى التليفزيون ونام..وانتى هاتى ايدك علشان اوصلك الاوضة
ضحى بخوف:ايوة تعالى وصلنى علشان بجد خايفة وحاسة انى بتخيل حاجات مش موجودة واصوات كل مسمعها جسمى يقشعر
حمزة:ايه الاوفر دة؟!
ماهر:حمزة خلاص انت هتحفل عليها؟! اطفى التليفزيون ونام
حمزة:حاضر يادادى هطفى التليفزيون بس عايز اقولك انى عاوز اروح النادى علشان امارس لعبة السباحة..بليز يادادى انا عاوز اكون ليا اسم فيها
ماهر:حاضر ياحمزة
وبص ع ضحى اللى ماسكة فيه زى العيل الصغير اللى خايف يتوه من امه ف الزحمة
ماهر مسك ايد ضحى وقال:يلة ياضحى
ضحى قامت معاه وهى حضناه من دراعاته ومخبيه وخشها ف صدره هو حس انه فرحان بقربها منه بس هى اكيد مش ف حالتها الطبيعة
وهما داخلين الاوضة لفت نظر ماهر اللى بتعمله ضحى كانت بتبص حواليها يمين وشمال بخوف شديد بصلها بصدمة وقال:اللى انتى بتعمليه دة هيخوفك زيادة مكنش فيلم اللى يوصلك للحالة الغريبة دى وطالما انتى بتخافى من افلام الرعب اتفرجتى عليها ليه؟!
ضحى بعياط: انا عملت كدة علشان خاطر حمزة ميزعلش..كنت بحسب انى خفيت بس الظاهر انى كنت غلطانة..انا عندى فوبيا من افلام الرعب من وانا صغيرة علشان كنت نايمة قدام التليفزيون وسمعت صريخ واحدة صحيت مفزوعة وعينى شافت واحدة شكلها وحش وبتعمل اصوات غريية..ماهر انا خايفة خليك جمبى
وحست بدوخة وقالت:انا فعلا مش قادرة امشى ياماهر حاسة بدوخة ومعدتى غمة عليا اوى
ماهر شالها وهى حضنته من رقبته وتلاقت عينيهم ف نظرة طويلة تحمل كل معانى الشوق واللهفة والعتاب والامان
ضمنى بعيونك
حسسنى بحبك ليا
قرب نور لياليا
ف اجمل ايه ف الدنيا؟! غير انى ف حضنك اعيش؟!
انا عيشت سنين استناك
دة الحب اللى انا بتمناه
كان قبلك ضايع عمرى
ومكنتش يوم عايشاه
ولا هقدر اعيش بعديك
ولا قلبى يكون ليك
ولا كل الكون بيساوى
لهفتى وحنينى ليك
ماهر دخلها الاوضة وحطها ع السرير جاى يبعد عنها بس هى رفضت وقالت بهمس:عايز تبعد زى زمان؟!
ماهر:انا مش هبعد ياضحى انا بس هنام ع الكنبة جمبك ولو احتاجتى حاجة نادينى
ضحى:بس انا عايزاك جمبى...انا بحس بالامان وانت معايا وانت عايز تاخده منى بس انا مش هسمحلك بدة
ماهر:ضحى انتى دلوقتى مش فحالتك الطبيعية ولو انا عملت حاجة ولو بسيطة اول م النهار يطلع هتبصى للى حصل بعتاب وندم وانا مش عايز دة وهتقولى انى استغليت حالتك اللى انا مش شايفلها مبرر منطقى
ضحى:وانت شايفنى سكرانة علشان تقولى انتى مش ف حالتك الطبيعية لا انا عارفة كويس انا عايزة ايه؟!
ماهر:ايه اللى يريحك وانا هعمله
ضحى:نام جمبى واول م عينى تروح ف النوم تنام ع الكنبة
ماهر:ايه الاستغلال دة؟! كدة مش فير خالص ياضحى
ضحى بعياط:ياماهر انا
ماهر:خلاص خلاص اهو قعدت بس انا لازم اعمل كدة وياريت تسامحينى ع دة بس انتى مراتى وحقى
شدها لحضنه وشبك ايده ف ايدها وباس راسها وقال بهمس:تصبحى ع خير يااحلى ضحى ف الكون دة كله
ضحى غمضت عينها ونامت براحة وامان عمرها محستها غير وهى ف حضن ماهر
تانى يوم
ف مكتب المديرة
نيفين:يعنى ايه الكلام دة ياحضرة المديرة عايزين تفصلونى عن العمل بعد كل اللى عملته علشان خاطر المدرسة؟!
المديرة:مش هقدر اعمل حاجة صدقينى يانيفين دى اوامر جاية من فوق مقدرش اقول لا..انتى مديتى ابن ماهر فؤاد لازم يكون دة عقابك
نيفين:وانتى واحدة معندكيش شخصية يعنى تقولى اة ع كل حاجة حتى لو انتى مش عاوزاها..وبعدين ايه اللى عملته غلط يعنى علشان قولت حقيقة اللى اسمها ضحى بس هو معمى وصدقينى مسيره يفوق ع ايدى
المديرة:انتى تعرفى ضحى منين علشان تتكلمى عنها كدة؟! دى واحدة اتظلمت من مجتمع جاهل مبيصدق يلاقى فضيحة لواحدة ست علشان يشن حملة عليها
نيفين:انا متمناش لنفسى انى اعرف امثالها انا بس تابعت فضيحتها زى كل الناس ومش مقتنعة انها اتظلمت
المديرة:مش مهم تقتنعى...دلوقت تاخدى مرتبك وتمشى حالا من المدرسة علشان لو ماهر بيه عرف انك لسة موجودة انا اللى هروح ف الرجلين
نيفين:بس انا هرجع ياحضرة المديرة بس وانا واحدة جديدة عمرك متخيلتيها...وهاخد حقى منك زى م هاخده منها...عارفة هاخد منها ايه؟! جوزها وابنها
المديرة:يعنى انتى تعرفيها؟!
نيفين بكره:ايوة كنا مع بعض ف المدرسة ولما جت الفصل خدت مكانى وخلت صحابى يخاصمونى ويبطلوا يتكلموا معايا حتى المدرسين خدتهم منى وخدت كل حاجة كنت بقوم بيها ف الفصل..اتهمتنى انى سرقت موبايل بتاع واحدة صاحبتنا وانا والله م سرقت حاجة هى اللى حطت موبايلها ف شنطتى الكل خد عنى فكرة وحشة وبطلت اروح المدرسة خوفت اورى وشى لصحابى وكل اللى موجودين ف المدرسة..بس انا هنتقم منها وهحسرها ع كل حاجة بتملكيها ودة وعد منى ليكى
ف اوضة ضحى وماهر
ضحى صحيت حست انها نايمة ع صدر حد بتبص لقت ماهر نايم ولسة شابك ايده ف ايدها حاولت تبعد ايدها عنه بس معرفتش كان ماسكها جامد كانه خايف تبعد
ضحى عايزة تقوم من غير متصحيه علشان ميكلمهاش ف اللى حصل امبارح علشان للاسف هى معندهاش كلام تقوله
ضحى بهمس:ماهر..ماهر قوم انت مكتفنى وانا مش عارفة اقوم منك...ياماهر اصحى انت خوم نوم كدة ليه؟!
ماهر فتح عينه وقال: احلى صباح دة ولا ايه؟!
ضحى:اشمعنى؟!
ماهر:علشان اول م عينى فتحت لقيتك قدامى ودة كفيل يخلى يومى كويس
ضحى:انت مش ملاحظ انك بتتعدى حدودك معايا ف الكلام؟!
ماهر:وانت مش ملاحظة انك لسة لحد دلوقت نايمة ف حضنى؟!
ضحى بعدت وقامت من ع السرير وقالت:انت ع فكرة بقيت واحد قليل الادب
ماهر:وانا عملت ايه بس علشان تقولى عليا كدة منا محترم اهو
ضحى:لا انت مش محترم علشان قولتلى احلى صباح دة ولا ايه؟!
ماهر قام وقال:انتى هبلة ياحبيتى؟!
ضحى:متقوليش ياحبيتى وانا مش هبلة حاسب ع كلامك والا مش هتشوفنى واقفة قصادك وبكلمك بعد كدة
ماهر بيمشى ناحيتها وهى بتبعد بقلق وخوف وهى بتقول:فى ايه ياماهر؟!
ماهر:دقت ساعة العمل..دقت ساعة الانتصار
ضحى حاولت تكون جدية وحاولت تخفى ابتسامتها وقالت:انت بتقول اى كلام..ولو قربت خطوة صدقنى هكسرلك ايدك لو لمستنى وهعيد اللى عملته ف النادى فاكره؟!
ماهر:اصل انتى قولتى عليا قليل الادب بس علشان جملة ممكن اقولها لواحد صاحبى عادى اومال مثلا لو قولت بحبك وحشتينى احضنينى قربى منى. عينك بتخطفنى وبتودينى لعالم تانى فى انا وانتى وبس
قرب منها وحاوطها بدراعه وهى حست بخطر بيحاوطها لو استمرت خمس دقايق معاه
ضحى:معرفش ليه حساك مش طبيعى انهردة
ماهر:انا مش طبيعى طول منتى قدامى..ضحى بصى ف عنيا
ضحى غمضت عينها وقالت:لا مش عايزة
ماهر:ضحى انتى بتحبينى؟!عايزانى ف حياتك؟!
ضحى بعصبية:لا انا مش بحبك ومش عايزاك ف حياتى واللى حصل بينا انا كنت باخدك ع اد عقلك ولو افتكرت انى بكلمك براحة من غير عصبية يبقى انت غلطان ومسكين ومحتاج تتعالج...فوق احنا مع بعض علشان خاطر حمزة انت كسرت قلبى وشاركت مع اخوك ف الفضيحة اللى حصتلى
ماهر بعصبية مكتومة:يعنى عاوزة تطلقى؟!
ضحى بلعت ريقها وقالت:ايوة
ماهر شد ع ايده جامد وضربها ع الحيطة كذا مرة وهو بيقول بعصبية:عاوزة تطلقى..ها خلاص مبقتيش عايزانى يعنى كل اللى عملته علشانك ضاع ف الارض
وشد دراعها ليه:انا عملت معاكى حاجات مفيش راجل يقبل ع نفسه انه يعملها..صبرت عليكى لمجرد انى عندى امل انك ممكن تسامحينى..انا اة بحبك بس يلعن الحب اللى يذل صاحبه..هطلقك ياضحى وابعدك عنى وابدا من جديد مع واحدة غيرك احنا جربنا ندى لبعض فرصة بس فشلنا انتى مقدرنيش تسامحينى وانا مقدرتش ارجع قلبك يدق ليا من تانى..انا كفرت عن ذنبى لما رجعتك ل ابنك وختلك حقك من اخويا..وصدقينى بعد اللى عملته ليكى مش هحس ب الذنب تانى..بكرة هاخدك للماذون واطلقك انا خلاص قرفت من اللى بتعمليه وقرفت من نفسى وعايز حبل اخنق نفسى بيه
وفضل يضرب ع قلبه ويقول بعصبية وبعياط: قلبى دة هدوس عليه علشان متستاهليش حاجة الواحد بيعملها علشانك مفيش حد بيعيش ف الماضى كل الوقت دة وكل محاول اتقدم معاكى ف علاقتنا تحطى الماضى قصادنا وترجعينى خطوات..انا الشيطان اللى المفروض يتذل ويتهان علشان يعرف قيمتك وانتى الملاك اللى من غير اجنحة اللى مش بيغلط..انتى اللى عيشتى مع واحد مش بتحبيه وقلبك اتوجع واتحرق من فراق ابنك انتى اللى اتفضحتى وشرفك ضاع وهربتى من عيون وانا اللى كنت نايم ف العسل عايش ملك زمانى مش كدة؟! لا ياهانم انا كنت بشوف كوابيس بتخلى يومى مفيش فيه اى حاجة حلوة تخلينى اعيشه..روحت لدكتور نفسى لمدة مش قصيرة علشان اتعالج حزنى بقا كبير لدرجة انه كان ممكن يوصلنى للانتحار..خسرت فلوسى وشركاتى وعيون الناس ولسانهم مرحمنيش
فضلت وراه موضوعك لحد م خلصته ودعاء اللى ماتت بمرض السرطان فضلت ندمانة لاخر نفس فيها ووصيتنى قبل متموت انى ارجع حمزة ليكى وقالتلى ان عمرها مهتكون مرتاحة ف قبرها غير لو زورتيها وتقوليلها انك مسامحاها..سايبة كل دة وماسكة ف وجعك انتى ومغضمة عينك عن وجعى مش كدة؟! خلاص انا هحررك من ظلمى وذلى
وبزعيق قال:هحررك
ضحى بصتله وعيونها عبارة عن شلال دموع وهو بصلها نظرات تحمل الالم والحسرة والخسارة وعيونه دمعت وشد ع ايده جامد اللى نزفت والدم بينزل ف الارض مش فارق معاه وجع النزيف اد م فارق معاه وجع قلبه
عيونه بتقول حاجات كتير ياريت تعرف تقرا ولو نسبة صغيرة منها
لا استطيع ان اعيش بودنك
بدونك انا غير موجود
اذا انفصلت عنك فهذا معناه انهاء لحياتى
لانك انتى..نعم انتى...انتى فقط حياتى
انتى سلامى..انتى المى..عشقى الوحيدة هو انتى
علاقتنا انا وانتى لا تجعلنى استطيع الابتعاد ولو لحظة
كل ايامى اعيشها لاجلك
كل اوقاتى لكى فقط
لا استطيع الابتعاد لحظة
فكل نفس اتنفسه يكون بأسمك
لانك انتى..نعم انتى..انتى حياتى
سلامى والمى..عشقى الوحيد هو انتى
سابها وخرج وهى حاولت تناديه بس لسانها معرفش ينطق
وقعت ع الارض وفضلت تعيط
وهو مسح دموعه وخرج من القصر وركب عربيه وساق باقصى سرعة
فضل يعيط بصوت عالى وهى كمان صوتها على وفضلت تنادى باسمه
انت جرحتنى ولكنى سوف اعفو عنك
لقت سلمت لك قلبى فحافظ عليه
واخرج كل الاحزان التى ف قلبى
ف انت روحى فكيف استغنى عنها؟!
لقد جعلنى حبك كاملا
بليل
ف الصالة
هيام:انا قلقانة عليه اوى يافوقية لحد دلوقتى مجاش ليه؟!
ترن ترن
هيام:مين ياضحى؟!
ضحى:مش عارفة هرد اهو وشوف
واول م ردت كان المتصل سامى
سامى:كتير اسف مدام ضحى لانه اتصلت بهيك وقت
ضحى بلهفة:فين ماهر؟!
سامى:ماهر بيضيع حالو..لازم تيجى هلا لحتى تنجديه من اللى وقع حالو فيه
ضحى:هو فين يااستاذ سامى؟!
سامى:فى ديسكو...........
