رواية رهينة لضباط الفصل الثامن عشر 18 بقلم مرج البحر

الألم و الهم و الخوف الدفين و الشقى و الضيم و آهات العنا و الأسى و الظلم و الدمع الحزين كلها أسماء و المعنى (أنا) وافي الجروح ...

......... 

راح سند يفتح الباب واني كعدت ع القنفه خايفه شنو بعد مضموملي ... نفسيتي كلش تعبانه وما اعرف شلون راح ارتاح .. سمعت صوت خطوات جايه بتجاهي رفعت راسي واني اشوف سند بيده علاكه خلاها كدامي ع الطاوله ... 

سند..... اكلي ادري بيج ما ماكله شي وبعدج ع لحم بطنج راح اروح اسبح واجيج 

نور.... وييين رايييح انته لازم تشررحلي جاي يصير هنا وهذا التبهذل الي اني بي شنو نتيجته 

سند.... هسسه اكلي وراح اشرحلج 

نور.... ما اريد اكل اريد تحجيلي ليش اخذتني يم عمتك ما ادري منو وخليتني يمها واجيت مثل الحرامي اخذتني احجيلي جاي تسووي بيه 

سند.... ابوج جاي يهددني بيج 

نور.... ابوي؟ هههههه ليش هو مو ذبني ذبت الجلب وما سئل عني شنو الي رجعه هسه 

سند.... حميده شارده هو جاي يريدج ترجعين لو ترجع حميده لو يرجع ياخذج بسسس اخخخ لو الكه حمييده جااان خلليت طلقه برراسهااا وبراسس ابووج وخلصتتت منهممم 

نور.... ولا تنسه خلي براسي اني هم طلقه وخلصنني منكم تعببت من العيششه انتي تررريد حقققك وابووي يرريد حقه وكل هذااا مني وانيي المضلوووومه بيننننكم والضااايعه ما الها سند يفزززع الهااا ويخلصها من ايديكم 

نهاريت خليت ايديه ع عيوني وصرت ابجي بعد ما اكدر استحمل طاقتي خلصت وما ضل عندي كل حيل ... هو ما حجه شي وعافني وراح ... 

احتضنت نفسي وصرت ابجي ودموعي تنزل ع خدي لميت رجليه ع صدري وتمددت ع القنفه ... 

غمضت عيوني واني ادعي ع كل واحد اذاني وهضمني وخلاني انام واني دمعتي بعيني ...

غفيت بدون ما احس ع نفسي ... من كثر التفكير والدموع ... كعدت ع راسي يوجعني وعندي صداع ..

فتحت عيوني بتعب واني افرك بعيوني .. جنت متغطيه وحجابي مفتوح وشعري نازل من القنفه ..

عدلت كعدتي وبعدت الغطه وكمت لميت شعري مشيت اجتني ريحت الجاي الخادر ...

سند.... صبااح الخيرر

نور.... يمممه فزززتني

سند.... اسف

نور.... صباح النور شنو خال الجاي ع النار

سند.... اي وهسه كمل واجيت اكعدج حتى نتريك بس الحمدلله كعدتي من وحدج

هزيت راسي وهو دلاني ع الحمام رحت غسلت وجهي ورحت يمه بالمطبخ جان محضر ريوك يشهي بيض واجبان وعسل ومربه بتوت وكيمر عرب وجبان مالحه ...

                                          

              

                    

سند.... ليش صافنه ما تكعدين

نور.... هذا كله انته حضرته؟

سند.... اي ليش ما حلو

نور.... ها لا حلو بس ما توقعت تعرف

سند.... ههههه ترا كلشي جاهز بس خليته بصحونه واذا ع البيض متعلم اسوي الي كل يوم الصبح

سحب الكرسي وكعدت هو قرب يمي الخبز والصمون واني مستغرب هالمعامله بس ما انطيت رد فعل وتعامل ويه الموضوع طبيعي ...

تريكنه والسكوت سيد الموقف لا اني الحجيت ولا هو وهذا احلى شي ... خلصنه واني بديت اشيل بالمواعين هو كام اخذهن من ايدي ..

نور.... ليشش؟

سند... ما عليج بيهن انه اغسلهن انتي روحي ارتاحي ولا تفكرين بشي اخلص شغلي بالمطبخ واجيج عندي موضوع وياج

نور.... لا خليهن اني اغسلهن انته تعبت بالتحضير

سند... نور لا جادليني روحي كعدي اخلصهن واجي

ما حجيت شي خليتهن وياه ع السنك وتركته وطلعت كعدت بالصاله ورفعت راسي اباوع ع الضوه وبالي شنو ممكن يسوي بيه ابوي لو لكاني واخذني وياه ... 

سمعت صووت شي انكسسر طفرت وركضت للمطبخ باوعت ع سند مدنك يلم بالكزار ولابس مالت المطبخ شكله يضحك بيها ما كدرت الزم نفسي ضحكت ... 

نور..... هههههههه 

هو رفع راسه وعكر حاجبه وكام وكف خله الكزاز بالزبل ونكث ايديه وورجع باوعلي ... 

سند.... شنو اليضحك ضحكيني وياج 

نور.... من كل عقلك لابس هاي شكلك يموت ضحك 

سند.... والله يا مرتي النادره ملابسي ما اريدهن يتلفن وطريت البسها مو زين مني جاي اغسل مواعين تالي عمري اخذ شغل النسوان 

نور.... انته ما خليتني اغسل ولا تلومني يوم نفسك حبيت تجرب واني عيب اكسر واهسك يلا كمل المواعين بدون تكسير مو نشتري وانته تكسر 

سند.... لا والله خاف صارت زحمه عذريني عمه ان شاء الله اجيبلج بدال الصحن درزن 

نور..... ههههههه والله يلوكلك دور الجنه 

سند.... امششي منها ولج لا اطيح حضج 

ضحكت ورحت لصاله ورجعت كعدت بمكاني وبتسامتي تحولت حزينه ونغزني كلبي ... 

غمضت عيوني ورتجيت ع القنفه وخاله ايدي ع كلبي صار الي يومين ما ناغزني كلبي وهسه رجع ينغزني ... 

فتحت عيوني من حسيت ايدي صارت ع كصتي صارت عيوني بعيون سند بعد ايده من كصتي ... 

سند.... شبيج تحسين بشي يوجعج 

نور.... لا ما بيه شي بس شويه سرحت 

هو عدل كعدته وحس بيه ما مرتاحه تبعد عني بسانتيم ومد ايده ع الطبله اخذ ضرف ودار وجهه كله عليه ومدلي ياه ... 

            

              

                    

سند.... شوكت جنتي ناويه تحجيلي عن مرضج

نور.... اسم الله بيش طالبني مرضيش 

سند.... ماكو داعي تنكرين؟ 

نور.... عن شنو جاي تحجي واني ما انكر شي 

سند.... ما جنتي تعرفين بروحج مريضه قلب؟ 

صوفر وجههي مجنت اريده يعررف هسه ادري بي راح يشفق عليه وهذا الشي بين من تعامله وياي الصبح هو شافق عليه ... 

نور.... ما الك دخل بيه وكوم وديني لهلي 

سند.... نور كعدي لا تعصبيني جنتي تدرين مريضضه لوو لا 

نور..... اي جنت ادري وعاااجبني المررض مااا اريد اعووفه انته شعلليييك بيه شعلليك هسسه عرررفت بييه مررريضه راااح تششفق علييه مااا اريددد شفقه من احددددد ماااااا اريد 

محسيت غير شفايفي بين شفايف سند وحاضني بجف ايده ولامني ع صدره ... كطع البوسه وحضني وخله راسي ع صدره ... 

سند.... بحياتي ما فكرت اشفق عليج بس تضمين عليه موضوع مرضج ما يصير لو تدرين شصار بيه من كلتلي الدكتورة التحاليل كلهن زينات ما عده كلبج جنت راح اوكع من طولي بس ربج ستهرها وتماسكت نور انتي بالنسبه الي صرتي كلش 

نور..... اني ما اريد منك غير شي واحد 

سند.... مسستعد احقق الج وهسه 

نور..... وديني الاهلي اريد اموت يم امي ما اريد ابقه هنا ع الاقل اودعهم قبل لا اموت واني ما اعرف اجلي يمته راح يجي يمكن اليوم ويمكن باجر 

سند..... اششش راح تسووين العمليه وتصيرين زينه لا تفكرين بس اريدج تصيري قويه اذا مو علمودي علمود اهلج 

نور..... عملليه مااا راح اسووي واريد اهلي مو كلتلي احققلج طلبج يلا حققه 

سند.... اهلج ما موجودين بالمنطقه شاايلين وحتى عمامج ما يندلون شي عنهم 

نور..... شنو يعني مموجودين هااا؟ 

سند..... هدي وسمعيني وعد راح اشوفهم وين شالو وجيبلج عنوانهم وادزج الهم بس اصبري عليه 

نور.... خاف بعد ما شووفهم 

حضنته وصرت ابجي هو يمسح بدموعي ويرجعن ينزلن ... 

سند..... لا تخافين راح ادرولج عليهم وان شاء الله اطيح بعنوانهم وراح اخذج الهم 

نور..... وابوي لو اجه اخذني؟ 

سند.... ما راح يكدر يسوي شي انتي مرتي غصبن عليه بس لازم نعقد محكمه حتى ترجعين وياي للبيت وبعدها انه اتصرف ويه ابوج بطريقتي 

نور.... سند خايفه 

سند..... لا تخافين انه يمج وما راح اعوفج اله وانه تحت التراب بس انتي هم ديري بالج ع نفسج مو زين تتعبين كلبج 

            

              

                    

نور..... لتشفقه عليه مااا اريد شفقتك 

سند.... رجعنه مووو جاااي اكلج ماا شافق عليج ونما من حبي الج خااايف علييج ماا اريدددج تعوفيني 

مجاوبت وكتفيت بسكوت هو كام وعافني وسمعه يستغفر ما اعرف شنو يحجي ويه روحه .. شويه واجه مبدل وكاشخ ونضارت ع عيونه وسويج السيارة بيده ... 

سند.... يلا كوومي نرووح نعقدد ونخصصم السالفه اليوم بعد ماا بيه حيل تعببت ملليت من كلششي فوك هذاا النااس حاسدتني عندي نسووان ثنين خلي يجوون يشووفون الشلعان الكلب ع اصووله 

كمت وكفت عدلت حجابي هو يفر بسويج يا جايبه منه يا مرجعه منه ... 

نور.... خلصت 

سند.... هيج راح ترحين؟ 

جنت لابسه دشداشه مفصله عليه تفصيل ومن يم الخصر ضيكه بارزه رشاقتي بي ... 

نور.... اكيد ليش تشوفني عندي غيرها حتى ابدها 

سند.... لا عيوني ليش تبدليها لبسي صايه فوكاها 

نور.... الصايه الي جايبها انته محلو رونها ومطلعتني منفوخه ما حبيتها 

سند.... منفوخه منفوشه ما يهمني البسيها خلي نورلي مو فتيتي كلبي تفتتفت 

نور..... ما البسها 

سند.... عاجبج تنكتلين؟ 

نور..... اهووو سننددد محلووو ماا اريد البسسها 

سند..... مااا اخليج تطلعين وانتي جنج عاارضت ازياء بهذا البسس بس هذا الجان ناقصني الزلم تتفرج ع عررضي وتتخيل شغلات لا البال ولا الخاطر 

نور..... شتتخيل يعني؟؟ 

سند.... انجبيي ولبسسي الصايه لا اسوويج وصلتين انطيتج مجاال ترردين تطشررين عررضنه امششي ولييي لبسسهااا لا اشعل ابوج لابو الجاابج

درت وجهي وبتسمت احلى شي ضوجته وهذا الجنت اريده اني جنت مستحيل اطلع هيج بس حبيت احرك كلبه فد كاارهته ما جاي اكدر اطيقه .. 

لبست الصاايه وطلعت هو جان وكفلي باب الصاله وجكارته بيده ويشرب ... باوعلي من فوك ليجوه وبعد عن الباب ومشه واني لحكته ع السساكت ... 

طلعنه من العمارة وصعدنه بسيارته هو طول الطريق يشرب جكاير وجكاره تجر جكاره ... 

وصلنه للمحكمه هو لبس عدل مناظره ولزم بيد تلفونه واليد الثانيه لزم ايدي بيده ... وصلنه للباب المحكمه وكضاها يسلم ع فلان وعلتان .. 

واني مدنكه راسي وامشي ... دخلنه وكعدنه ع الكراسي وشويه وهم كام يسلم كل شويه واحد جاي 

صاحو باسمنه دخلنه ... 

هو جايب ثنين شهود والقاضي اخذ موفقتي موافقته والجراءات خلصوهن جماعته بسرعه ما احتاجينه نطول ... 

            

              

                    

طلعنه من المحكمه والي صارو شهود اجو يباركوله هو يباركلهم ويحشش ويضحك وياهم .. 

اني مخنوكه حيل لان صرت مرته بالقانون لو لان خايفه من مواجت ابوي ... خلص هو حجي واجه اخذني وصعدنه بالسيارة كال هو فرحان ... 

سند.... شنو ما اكو مبروووك؟ 

نور.... ع شنو مبروك؟ 

سند.... ع عقد المحكمه غير؟ 

نور.... مبروك 

سند.... شبيج ضايجه حتى بتسامه ما بتسمتي وفشلتيني كدام اصدقائي يكلولي مغصوبه عليك 

نور.... مو ضروري اصدقاءك فرحو بنيابه عني وعنك 

سند.... لا ترفعين خشمج عليه كل الجاي اسوي ع مودج وانتي حضرت جنابج ما راضيه 

نور.... ما اكدر افرح شلوون حتى الفرحه لازم اني اسويها وفرح نفسي بالجذب 

سند.... خلاص سدي الموضوع انتي شكول احد يفرحج ابقي بعالمج الكئيب 

نور.... هم زين فهمت شكرا 

سند.... عفوا 

درت وجهي ع الجامه وسكتت ... وصلنه للبيت سند ونزلنه ثنينه هو سفط السيارة واجه وفتح الباب ودخلنه ثنينه ... 

اول ما فتحنه الباب ودخلنه شاافتنه مرروه طكتهاا صووت زررفت اذاااني بصووتها ... 

........ 

كام مجتبى مفزوع واحنه هم كمنه مفزوعات سد التلفون واني ضرربت ع خديي وصررخت ... 

فاطمه... لا تكووول صااار بييهم شييي فددوه مجتتبى لا كلششي ولا امييي ومحمدد يعوووفووني 

مجتبى.... فطيم شبيج هسسه انتي شفتهمتي حتى كعدتي تلطمين لزمتي الساالفه من حلكها خلي احجي 

هزيت راسي ومسحت ادموعي وكعدت وحميده هم كعدت هو كعد مقابلينه ... 

حميده.... يلا مجتبى احجي شصاير؟ 

فاطمه.... ليشش سااكت احجي 

مجتبى.... امي مقابله سكينه وسكينه طاردتهم من الباب ما قابله ترجع وتكول متبريه من اهلي ليوم الدين وامي مرتفع ضغطها ومحمد هسه يمها بالمستشفى 

فاطمه.... امششي ودييني ارووح اشووفها 

مجتبى.... وين اوديج اكعدي وسكتي امي ما تقبل ترجع تريد تحجي ويه سكينه وتقنعها وتجيبها وياها واليله راح يباتون بكربلاء 

فاطمه.... اذا سكينه ما تريد تجي طيبها مرض بس امي خااف يصير بيهاا شي كوم مجتبى وديني اذا ابقه وما اشووف امي امووت من القهر 

مجتبى.... اسم الله عليج امي ما بيها شي بس ضغطها ومنطيها حبايه ضغط وضعها صار زين وانتن يلا صعدن نامن لا تسهران 

فاطمه..... مجتبى عفيه وديني 

مجتبى.... فاااطمه لغررفتج لا تخليني اصيح عليج وانتي اكبر مني روحي ارتاحي من ترجع امي تشووفيها والله ما بيها شي 

            

              

                    

عافيني وصعد الغرفته وحميده هم راحت الغرفتها واني هم صعدت الغررفتي وكعدت ابجي ع امي خاف صاير بيها شي ومجتبى ما كاله الي ... 

بقيت طول الليل كاعده ما جاني نوم كمت صليت صلات الليل ودعيت الله يحنن كلب سكينه ع امي وترجع وياها ... 

ودعيت كون امي ما بيها شي ومجتبى ما جذب عليه وهيه كون صدك بخير ... اذن اذان الفجر وصليت وكعدت اقرا قرآن السور القصيرة ... 

لان بس هذان تعلمت اقرا كلماتهن بصوره صحيحه سديت القران بعد ما خلصت وكعدت اسبح غفيت ع السجاده ... 

حلمت جني اني كاعده ع البحر وشخص لازمني من ايدي واني بيدي الثانيه العب بالماي ... 

حيل جنت فرحانه اول مره اشوف البحر عن غرب وبهاي الدرجه ... فززيت ع مجتبى يندهني .. 

مجتبى..... ليشش نايمه هناا؟ 

فاطمه.... صليت وخلصت وما ادري يمته غفيت

مجتبى.... كومي حضريلي الريوك خلي اروح لدوام ولا تسوين غده راح اجيب وياي جاهز 

كمت نزعت محرم الصلاة ولميت مصلايتي وغسلت ونزلت حضرتله الريوك وتريك وراح كعدت حميده وكعدنه نسوولف ... 

اشياء عاديه علمود خطوبه بدره وشنو نلبس وهيج سوالف ... اذان الضهر صلينه واجه مجتبى جايب وياه غده تغدينه وحميده بس خلصت راحت الغرفتها لان تعبانه ... 

مجتبى كاعد بالصاله واني اليوم ما رحت للمعهد حتى لا اعوف حميده وحدها سويت جاي وديته لمجتبى ورحت غسلت المواعين ... 

العصر محمد اتصل ع مجتبى وكلاله ان شاء الله هما بالليل يمنه وسكينه جايه وياهم نحضر غرفه الها ولبنها ... 

صعدت حضرت غرف الهم وكمت ورحت الغرفتي سبحت ورتاحيت ... مجتبى هم كال العشه راح يجيبه من برا حتى لا يتعبني ... 

اجه مجتبى وتعشينه وانتضرنه جيت اهلي ع نار ولقاء بسكينه جان مشوقني حيل وخيرا راح اشوف خواتي وحس بالمت الخوات ... 

ل1 ونص باليل يلا وصلو وتلكيناهم وسلمنه عليهم بس شكل سكينه مغصوبه ع الجيه وتسلم علينه من ورا خشمها وكله نتر ... 

ابنها جاي وياها وتصرفاته طبق الاصل من امه وجسمه ضخم وطويل ... كعدنه كلنه بصاله واني فرحانه بشوفت اختي بس هيه معاجبها وتباوع ع البيت .. 

سكينه.... والله زين عبرتو مرحلت الفكر وصرتو عدكم فلوس من حجيتولي ما صدكت بس واضح صايرين طاكين وزناكيل 

محمد..... كافي حجيي اخررر مره احذرج احجايه زايده ادفنج بارضج صاار يومين سااكت عنج لخاطر امي بعد ماا بيه استتحملج 

سكينه.... ما جبرتكم تجيبوني حياتي جانت عاجبتني انتم اجيتو وصرتو تردون تدورون راحتي محد جان طالب منكم تجون تاخذوني من مكاني 

            

              

                    

محمد اجه يكوم الها بس امي لزمته من ايده ما اعرف شنو كالته وكعد وسكت ... صدك مبينه شرانيه وما تنطاق من حجيها وتصرفااتها ... 

سكينه.... وين غررفتي اريد ارتاح تعبنه دربكم شطوله وحتى كلاص ماي ما ذكرتونه بي 

مجتبى.... فاطمه خذيها خلي يرتاحون الواضح الليله ما راح تمر ع خير 

اخذتها هيه وابنها بدون ما احجي وياها شي دليتهم ع غرفهم ونزلت وسمع محمد يعد ويوصف يريد يطيح حظ سكينه ... 

ام فاطمه.... كتلك عوفها هاي الفتره ترتاح يمكن مرت بيام صعبه خلتها تصير هيج خلي اكعد وياها وعرف شبيها ما بيها وبعدها نتفاهم 

محمد.... يمه ع شنوو نتفاهم ما تشوفينها شلون تحجي حجيها كله بخشمها الي يكول احنه الزوجناها ترا والله ساكت الخاطرج لو ما حفتيني بداعتج ما اسويلها شي جان هسه منيمها بقسم الكسور 

مجتبى.... محمد اعصابك خلي نمشي ورا حجي امي ونشوف اخررتها وين توصل اي حجونه شلونها الزياره ندعيتونه وياكم 

مجتبى غير الموضوع وهما هم صار يحجونه ع الزياره ... بعدها راحو نامو واني رحت يم امي كعدت كدامها وهيه شاده راسها بحجابها مثل العصابه ... 

فاطمه.... يمه شبي راسج؟ 

ام فاطمه.... شحجيلج هيه اخيتج خلت ع حالي راس تمشي وتحجي اخوج يراد يموتها لو ما اني وياه 

فاطمه..... يمه متاكدين هيه سكينه نفسها 

ام فاطمه.... اي هيه اكو ام تنسه شكل بتها لو ريحتها بس شفتها عرفتها بس اخوج راد دلليل مقنع واخذ مستمسكاتها وطلعن نفس الي عدنه وصورها وكلشي وتاكدنه هيه وكوه قنعناها تجي 

فاطمه... شلون قنعتوها تجي وهيه جانت رافضه؟ 

ام فاطمه... يمه مو وقت سوالف اريد انام 

كمت بست راسها وعفتها ترتاح وصعدت واني ع الدرج اسمع صوت محمد ومجتبى يسولفون وصوالتهم عاليه عبرتهم ودخلت لغرفتي وسديت الباب ... 

هاي السالفه ما راح تعبر ع خير ومجتبى ومحمد ما راح يسكتون لتصرفات سكينه ولا سكينه راح تسكت ... 

نمت واني الف فكره وفكره بالي شنو راح يحملنه باجر من مغامرات ... كعدت الصبح بدلت ملابسي اليوم اروح للمعهد .. 

فتحت باب غرفتي وسمع صووت موسيقى عالي ومو موسيقى عاديه لا طرب ....

طلع محمد يفرك بعيونه مبين عليه مشايع نوم باوعلي وصبح عليه ... 

محمد.... منو عرس هذا ياهو مشغل اغاني من الصبح 

فاطمه.... ما ادري يمكن الجوارين؟ 

محمد..... اوووف هسسه الواحد ما ينام 

محمد رجع لغررفته راد يسد الباب وجااانه صوووت مجتبى صرررخ بصووت عالي نزلنه اني ومحمد نتراكض ... 

شفنه لازم ابن سكينه فلاح وناييم فووكه وسكينه تتصررخ وتغلط ع مجتبى وفلاح يصرخ جوه ايد مجتبى ... 

محمد.... شصااااير هناااا شبييييسكم شنو هااي الهووسه

كام مجتبى من فلاح وفلاح كام راح لبد ورا امه .. وسكينه تريدها تسكت ماكو راحت تتعارك ويه مجتبى جرراها محمد وبعدها عن مجتبى ... 

محمد.... حجوولي شصااير هنااا من صباحيات 

مجتبى.... معرررسه امه مشغلي اغااني ردح 

محمد.... مجتبى الفاظك وانته شعندك من الصباح الله خير اغاني الواحد يشغل دعاء الصباح قران انته اغاني 

فلاح.... متعود كل يوم الصبح اشغل 

مجتبى..... هنااا ما عدنه شي متعود 

محمد.... باوعلي خالو فلاح انته هسه عايش ويه عائله كامله وما يصير تزعج احد وسوالفك القديمه بطلها 

فلاح.... صار خالو 

محمد.... عفيه بالبطل يلا يمه ماكو ريوك عندي محاضرات 

ام فاطمه.... لا جاهز يلا امشو تريكو 

طول وجبت الريوك وسكينه تخزر بمجتبى ومجتبى يخوزر بيها الكل لاحظ هالشي بس محد حجه ولا حرف ... خلصت وطلعت وصعدت وسلمت ع روحيه ورحنه للمعهد خلصنه دوام وطلعنه واكفين ننتضر الخط واجه ولد وكف يمنه وكال ... 

شكرا لزيارتكم عالم روايات سكيرهوم