رواية نارا حيدره الفصل التاسع عشر 19 بقلم نمارق رحيم

• كانت تبكي وتبتسمُ في ذاتِ اللحظة، كترتيلِ آية "إنّ معَ العُسرِ يسراً " 

..

راحت طيبة لبست حجابها وفتحت الباب وچان يدخلون حيدرة وسالار عيني دمعت بالحظتها شفت اخوي

بعده ماساد الباب رحت ركض شمرت روحي بحضنه وابچي حضنته قوي وهو يبوس راسي دخلنه للديوانية واني مچلبه بحضنه حاضنته من خصره ما اريد اعوفه ولو دقيقة وحدة.. 

..كعدنه وهو يضحك عليه ويگول :- خلي اتنفس بس شوي ولچ خنكتيني.. حبيبتي الخبلة شلونچ ولچ.. 

- من شفتك صرت زينة والله.. 

ضحك :- لسانچ ينكط كلام حلو صاير ايا ملعونه 

-شعبالك لعد فدوا شگد مشتاقتلك حقير شهرين ما شايفتك

-والله اني المشتاقلج وللمخبلات خواتج بگد رحمه الله ..

حيدرة كال لطيبة :- روحي جيبي ماي شنو منتظره

انتبهت عليه هذا شبي ينتر بالبنيه وگالب خلقته ويخزر بيه 

راحت بدون ماتحچي جابت الدولگه المي وگلاص خلتهم وراحت بسرعة لان حيدرة اشرلها تروح

راد ينطي مي لسالار اخذ الدولگه سالار وشرب وكال لحيدرة :- المن تقدملي قابل اني غريب

ابتسم وسكت ، 

كاعدة بصفه وابوس بخده وبأيده وهو يضحك عليه

تالي گال :- لعد حساني وينه هلجحش مشتاقله 

حيدرة :- هسه يجي تلگاه طالع وياا جماعته

سالار :- چؤ واني اريد اروح يمته يجي؟

حيدرة :- اكعد شعندك رايح ابقى اهنا ارتاح ناملك فد ساعة جنت بطريق طويل وتعب

سالار :- والله اريد اروح لبيتنه عاد مايغمضلي عين الا واني ماخذ حق هالخبلة خبلتني من البارحة حتى ما انتظرت ابقئ بعد بأربيل البارحة ما نمت من التفكير بيها بس طلع الصبح ركبت سيارتي واجيت بسرعة.. 

حيدرة :- اي ابقئ شوي رايح اخابر حسن ،اخذ راحتتتتتك وياا اختك .البيت بييتك .

ركز علئ كلمه راحتك وهو يباوعلي وعاقچ حواجبه 

سالار :-فدوه لعمرك بعد اخوك تسلملي 

..طلع وهو يخابر 

باوعلي سالار وكرصني من خدي :- شصار بغيابي بعد روحي ،خدچ بي اثر وكصتچ هاي كلها بسبب امي لككك اخخخ

-لا اتعب نفسك انت بس ابقى يمي ولاتروح اني بخير فدوا رحت لطولك لا تعوفني لوحدي 

- لاا لازم هسه اروح عندي كلاام لأمي واريد بعدها اروح لسجن 

                                  

              

                    

- عززه شعندك بالسجن!! 

ضحك :- لج لطامه رايح للسجن اشوف العار اريد اشفي غليلي منه واذا ماافگس عيونه اشوف بعد شلون يباوعلچ وازين شواربه ..

..شواربچ ارجل منه 

- عزه اني عندي شوارب كووم منااا صوچ اليحچي وياك بعد.. 

-لك فدووووه لهل شوارب ،

اسمعي اسمعي يكوول الشاعر "من كثر الترافه البيچ لون شواربچ وردي"

-سااااالار ياااا.. 

-ها ياعيونه اشاقة هههههههه يلا باعي انتي تبقين اهنا لحد ما اصفي حساباتي اني وحيدرة كون مرتاحة اهنا؟ 

-اي والله مرتاحه ومتونسه وياا سوالف طيبة حتئ انطتني من ملابسها ،والبارحه نمت بغرفة حيدرا وهو راح نام بغرفه اخوو

- والله كفو لمضايفتهم ،عيب اثقل عليه اسمعي ابقي الليلة هاي اهنا وان شاءالله باچر اخذچ

-لعد سالار وامي؟

-معليچ ،خليها عليه والچ الصافي

ضحك ،، اكلچ صدك خبله البارحه باقيه يمه ،كون جفصتي ام الجفصات جبتي العيد لحيدرة وخبلتي ؟؟ 

ضربته على صدرة بخفه وهزيت براسي بمعنى (لا)

ضحك وگال خبله ادري بيچ بعدچ تفكرين بحيدرة 

-احبك تدري 

-تحبيني لو تحبين حيدرة ؟

-اثنينكم 

-هاا بديتي ،بده يفلت لسانچ ،نوب لاتتخيليني اني حيدرة والله اعلم شتسويلي

-عابتلك شكد كلاوچي 

باسني :- يلاا گلبي رايح اني ،سلميلي علئ الحب 

ابتسمت - الله يسلمك .

-الله يطيح حضچ .

راح واني ميته ضحك ارتاح من احچي وياا اخذ راحتي وانطلق بالحچي ما اضم عليه موضوع وهو يفتهمني وسبورتي بالحچي وياي 

رجعت كعدت بالمطبخ وياا طيبة دخل حسن سلم عليه وكال وين راح حيدرة؟

طيبة :- مساع اجه هو واخو ناردين سالار وهسه طلعوا.. 

حسن :- چذب ! سالارر رجع هذا الخايس ما خابرني ولاا كالي راح اجي بسيطة انه اله

طيبة :- چا ماخابرك حيدرة؟

حسن :- لايابه مين خابرني صاك الدكاترة

كتله :- سالار رجع لبيتنه وحيدرة كال رح الك

حسن :- هذا هو يلا يلا رايح اني للكوفي عود اذا رجع كليله لان سيارة عند حيدرة ما اكدر اروح مشي 

-تمام ماشي

صارت ب12 واحنه نسولف ونضحك واصوات ضحكنا عالية چنت گاعدة على الكرسي ورا الباب المطبخ كالت طيبة صدك بعدچ تحبين اخوي؟

            

              

                    

خليت ايدي على خدي مبتسمه وهزيت راسي بمعنى (اي)

طيبة:- صدگ ! اگلچ نونه احچيلي شنو حبيتي بي سولفيلي احب اسمعچ.. 

-شحچي شگول ومنين ابدي ،

وگعت بغرام ضحكته الاسطوريه ،وغمازاته اليسطرني من يبتسم ،

جمال اسلوبه ورزانته وهيبته ،هيبه اسد ،اوف ياطيبة 

الله جميل ويحب الجمال 

علئ كولتكم ،،مووووش رجاااال غنبلــه

حيدرة :- ومووووش بنيه ،مخبلــه

انكمزت من صوته عزه ،التفتت لكيته ورايه ومجتف ايديه لصدرة ويبتسملي اتلعثمت ما عرفت شحچي بهيچ موقف التافهة.. 

- شسمه طيبة جوعانه جعت اريد ماي مي انطيني مي ماي

ضحك وگال صار عدها انقلاب باللهجة انطيها ماي بعد اخوج.. 

راح واني واكفه بمكاني اريد اطم روحي..  

طيبة :- هههههههههه چنت ادري بي وراچ ردت اگلچ بس هو سوالي بيده خليها تكمل حچيها لا تقاطعيها.. 

-ليش ولچ عززه شكد عيب وفشله وتالي وي جفصاتي ياررربي.. 

-علئ كولته هيه ضلت علئ هاي تستحين منه وهو يدري بيج تحبي

بقيت اغم روحي وبدي ابچي موقف بايخ صاحلي انام بغرفته وهو راح لغرفه حسن انام على فراشه المريح واتخيله هو المخده لو يمي نايم التخيلات خبلتني ومثل كل ليله اتحلم بي! 

الصبح طلعت من الغرفة سمعت صوت صياح حيدرة وسالار وحسن وحتئ مصطفئ جاي! 

-اشنو الموضوع! 

چنت لابسه دشداشه من طيبة علئ كدي لان طيبة بطولي وموضيگه فتحت شعري بعدما غسلت وجهي

رحت سئلتها :- شنوو صار ليش يصيحون؟؟

كالت وهيه تصب چاي بالستكاين :- ماا اعرف بس سمعتهم يحچون بواحد اسمه لؤي وعمامچ !

تنهدت وزفرت نفس هم لؤي!! گلتلها رايحه اكعد يمهم.. 

جرتني :- لا ناردين عيب كلهم اهناك وين رايحة بوسطهم.. 

-اخواني واخوانچ شكو بيها وين العيب.. 

-عندج عادي عدنا عيب وحيدرة مايقبل اكعدي واسكتي خيه

سكتت وگلبت وجهي والله يالله مايقبل ابو خشم اليابس.. سوتلي لفه وتريگت بقوا للأذان الظهر ماعرفت شنو الموضوع بالضبط وشبيهم يصيحون تالي سمعنه باب الطرمة انرگع 

شفته سالار طلع وهو يصيح ويغلط بعصبية وحيدرة ورا يهدي بي وطلعوا كلهم ..

تالي ورا ساعة دخل حسن صعد فوگ وصعدت ورا طيبة اخذ اوراق وطلع

طيبة عرفت منه انو سالار رايح البارحة لــ لؤي ومطيح حظ حظة كلش واصلة للموت واليوم راح لأمي الصبح داز عمامي وخوالي لبيتنا

ومسولفلهم وماقابلين علئ امي وهيه تحلف ماجابرتني علئ لؤي !

تالي سالار طاردها وكايلها روحي وياا اخوانچ ،البيت بيت ابوي مايلمچ 

وعمي الچبير ماراضي علئ كلامه وباقي يصيح ويگله مو بكيفك تتطرد امك مرت اخوي تبقى تالي صارت عركه چبيرة بين عمامي وامجد من جاي متخبل من عرف بأمي ومأيد سالار بكلامه

وامي من عرفت راح تنطرد رايحه كايله لعمامي بٲن اني صارلي يومين ببيت واحد غريب وجنت اطلع وياا صديق سالار لاماكن وارجع بنص الليل وببيت صديقه كلهم شباب وشوفو شنو لاعبين بيها 

سالار ماضل عقل براسه راد يتهجم عليها لان حاجيه على شرفي ومبالغة بالكلام وملفقة كلام بذيئ بحقي! انصدمت من سمعته يعني وين تريد توصل بعدد! 

تالي عمي من سمع هيج كال لامجد ارجع اخطبها وتنحل المشكلة وانت قبل مايموت جاسم جنت ناهي عليها وموافقين عليها اخطبها واتزوجوا وتخلص السالفة والكل موافق من عمامي ..

تالي حيدرة صدمهم من دخل للديوان وكال لعمامي ناردين خطيبتي وقرينه الفاتحه وبعد سنويه ابوها يصير العرس وشحده الياخذها غيري 

وكابه العركه تالي اجوو اهنا للبيت حتئ يهدون سالار حقدت عليها اكثرر هيچ الام تسوي ببتها؟.. تمنيت امي ميته ولا عندي ام مثلها.. 

اجه حسن جايب غده كال:- حيدرة دزه الچن ونبهني على ناردين گال گول الها تاكل ولا تفكر بالعركة انحلت لا اتعب راسها.. گال هيج وراح

اخذت بكلامه وگعدنه نتغده فاصولية ودولمة حامضة العصر اجوو وصاحولي رحت دخلت للديوانية.. 

سالار گاعد يدخن ومعقچ حواجبه وينفخ وحسن لازم موبايلة وحيدرة گاعد صارت عيوني بعيونه گال ها تعالي بوية استريحي محد غريب.. 

سلمت وگعدت مبين عليه مو طبيعي ما اعرف لاهو ضايج ولا هو عصبي.. 

حيدرة:- سالار كتلك انا عندي حل لهل الموضوع حتى ينسد بعد ونخلص لان كلش طول.. 

سالار:- احچي حبيبي اسمعك شنو هو.. 

حيدرة:- تعرف بيه قبل مايموت عمي جاسم الله يرحمه طلبت ايد ناردين علئ سنه الله ورسوله.. 

گال هيچ وتسارعت نبضات گلبي ظليت اسمع بتركيز وي كل كلمة يگولها احسها اسمعها بگلبي مو بأذني.. 

سالار:- اي اعرف وشنو التريده وين الحل.. 

حيدرة :- الحل نضرب عصفورين بحجر واحد لحتئ ناردين تتخلص من لؤي للابد ويتوب منها، ولحتئ امها تبطل تغصبها علئ شيء ،،وانت ترجع لأربيل لأشغلك وبالك مرتاح ومطمئن علئ اختك ،، سالار انا طالب ايد ناردين علئ سنه الله ورسوله ،تصير علئ ذمتي وبــيتي تصير مرت حيدرة بعد شحده اليفك حلكه بكلمه ويضايقها الا اترس حلكه رصاص ،،شنو تگول ؟...

شكرا لزيارتكم عالم روايات سكيرهوم