رواية للحب فرصة اخيرة الفصل العشرون
ف عربية سامي
ضحى بعياط:هو ازاى يعمل ف نفسه كدة؟! هو ناسى انه شخصية عامة ولو الميديا عرفت انه موجود هتروحله وشغله هيتأثر.. الواحد م صدق ان شغله اتحسن وبقا معقول
سامى:روحيلوا هلا ...انتى الوحيدة اللى راح تقدرى توقفيه ع اللى بيعمله.. هو كلم المحامى الخاص فيه علشان يجهز اوراق الطلاق انا بعرف انك بتحبيه لازم تمنعى ها الشى انه يصير
ف الديسكو
ضحى دخلت الديسكو وعنيها بتدور ع ماهر بلهفة وبتقول ف نفسها:انا السبب..انا اللى عملت فيه كدة..انا اللى وديته للمكان النجس دة وانا اللى بدفع التمن دة دلوقت
فضلت تدور عليه لحد ملاقته جريت عليه وحاولت تفوقه بس معرفش فضلت تنادى عليه وهى بتعيط وعمالة تشد ع قميصه جامد وتضربه بخفة ع وشه لحد م جابت مياه ساقعة ودلقته عليه بس هو لسة مغمى عليه
سمعت صوت حد خلة رجلها تخبط ف بعضها
شوف يلا مين المزة اللى هناك
واحلى موزة عليا النعمة
بس انا بشبه عليها..افتكر معايا مين دى؟!
دى ياجدع البت اللى اتفضحت ع النت بس اتصدق حظنا حلو اهى معانا وهناخد منها اللى احنا عايزينه..تعالى ياموزتى ناخد منك حتة
ضحى بصريخ:الحقنى ياماهر..ماهر فوق ياماهر انا بضيع
الشاب بسخرية:الحقنى ياماهر فوق ياماهر...محدش هينجدك من تحت ايدنا
جريت بس هما مسكوها وواحد فيهم قال:هتعملى فيها الخضرة الشريفة دة انتى لامؤخذة يعنى داخلة ديسكو مش جامع ومتقلقيش مش هتمتعينا بلوشى هتاخدى اللى هتستحقيه
قعدوها ع الارض وهى صرخت باعلى صوتها:مااااااااااااااهر
ماهر فاق بسرعة كأن حية لدغته وشاف ضحى ف الوضع دة جرى عليها علشان يلحقها وضرب الشابين قعد فترة يضرب فيهم لحد م اغمى عليهم وتقريبا قطعوا النفس...بصلها لقها بتعيط جرى عليها وقومها وقال بعياط: انا اسف.. بس انتى ايه اللى جابك هنا؟! وازاى تدخلى المكان دة لوحدك؟! سامحينى ياضحى انا عارف انى اتأسفت كتير اوى بس والله غصب عنى مش بايدى
ضحى عيطت ومسحت دموعه وقال:تعالى نخرج من هنا؟!
ماهر:بس مين اللى جابك؟!
ضحى:سامى
ماهر:وهو فين؟!
ضحى:كان واقف برة بس جتله مكالمة مهمة مقدرش يتجاهلها ومشى بس بردو كان غصب عنه اكيد فى حاجة حصلت..المهم يلة نمشى من هنا
ماهر حضنها وفضل يتأسفلها كتير وهو كانت ف حضنه مقدرتش حتى تتكلم علشان فعلا هى مجهدة نفسيا
مسك ايدها وباسها وهى ضحكت وقالت:هات المفتاح وانا اللى هسوق
ماهر ايدالها المفتاح وهى اللى ساقت لحد م وصلوا القصر
ف القصر
فوقية:ليه يبنى تعمل ف نفسك كدة؟! لا حول ولا قوة الا بالله
فؤاد:شكلك تعبان ضحى اسنديه لحد اوضته..عقبال م فوقية تجيبله حاجة سخنة يشربها
ضحى:حاضر ياعمى..يلة ياماهر
ف اوضة ماهر وضحى
ضحى:حاسس بايه؟!
ماهر:موجوع
ضحى بعياط:اسفة بجد ياماهر بس اللى بيحصل فوق طاقتى
ماهر:ممكن تنامى ف حضنى انهردة ومش هعمل حاجة صدقينى وبكرة اخدك ف مكان هادى نتكلم شوية
ضحى:حاضر
ماهر خدها ف حضنه وقال:انتى ايه اللى وداكى عندى؟!
ضحى:قلقى وخوفى عليك غلبوا زعلى منك
ماهر:انا بحبك
ضحى:ايوة علشان كدة سيبتنى وروحت تضيع نفسك
ماهر:محستش بنفسى معرفش عملت كدة ازاى؟!
ضحى:كان عقلك مش فايق؟!
ماهر:قلبى وانتى الصادقة..مش هفوق غير لما روحى تترد ف جسمى من تانى
ضحى غمضت عينها ودفنت راسها ف حضن ماهر وقالت:تصبح ع خير
ماهر شبك ايده ف ايدها وقال:وانتى من اهله
دة اللى اتمنيته
والحلم اللى انا حبيته
وياك عيشت وحسيته
ومعاك حبيت الدنيا
واتمنيت متسيبنيش
انا عيشت سنين بستناك
دة الحب اللى انا بتمناه
كان قلبك ضايع عمرى ومكنتش يوم عايشاه
ولا هقدر اعيش بعديك
ولا قلبى يكوك غير ليك
ولا كل الكون بيساوى
لهفتى وحنينى اليك
تانى يوم
ف النادى
ماهر:تشربى ايه؟!
ضحى:عصير جوافة
ماهر:2 عصير جوافة لو سمحت
النادل:تحت امر حضرتك
ضحى:معرفش ليه حساك عاوز تقول حاجة؟! ماهر:بصراحة ايوة انا عاوز اقول كلام كتير ومش عارف ابدا منين انا بس بطلب انك تسمعينى ويكون عندك طولة بال تعرفى الحقيقة
ضحى:اتكلم ياماهر انا سامعاك
فلاش باك
ف كافتريا ع البحر
دعاء بعياط:كدة ياماهر دة جزاتى انى حبيتك وسلمتلك قلبى تقوم تدوس عليه بكل برود الكل قالى حاسبى منى دة شخص بيوعد بس ومش بيوفى لكن انا صدقت كلامك ووعدك ليا انى الوحيدة اللى هبقا مراتك مش فاهمة ازاى عدت عليا انك ممكن تسيبنى بس مشاعرى اتجاهك خليتنى اندفع ف تصرفاتى واصدقك واهى النتيجة ضعت..انت هتسيبنى؟! انت جاى مخصوص علشان تقولى كل شى قسمة ونصيب ومسيرك هتلاقى الشخص الصح اللى يحبك ويقدرك ايه رايك بقا انى فعلا لقيته وهو انت ومش هتنازل عنك ليها
ماهر:مينفعش يادعاء صدقينى وبعدين مين قالك انى هسيبك انا عمرى متهربت من واجبى
دعاء:.يعنى انا بالنسبالك واجب ياماهر؟! يعنى انا لو قولتلك انى متنازلة عن حقى اللى انت اديتهولى هتسيبنى؟! وبعدين حقى هو جوازى منك ولازم ضحى تعرف انها هى اللى خدتك منى علشان انت كنت معايا وهى اللى دخلت ف النص وخربت حياتنا
ماهر:بس انا مش هروح اقولها انى ناوى اتجوز عليكى وجوازنا معداش عليه شهور..ليه اكسر قلبها وانا عارف عذابه؟! منكرش انى ليكى مشاعر جوة قلبى وانى عايزك بس مش ع حساب ضحى
دعاء:قول انك بتحبها
ماهر:لا مش حب
دعاء:ليه عاوز تنكر حبها اللى جوة قلبك؟!
ماهر:مفيش حب جوايا علشان انكره يادعاء
دعاء بعياط:يعنى انا وضعى ايه دلوقت معاك؟! ولو كنت فاكر انك هتدينى قرشين وبكدة هتكون رضيت ضميرك انا مش هسمحلك بدة علشان انا مش لعبة فضلت تلعب بيها لحد م قدمت وركنتها ع الرف وروحت علشان تشوف لعبة جديدة ولو كسرتها هتروح للعبة اللى ركنتها ع الرف قولت لنفسك اهى موجودة يعنى هتروح فين؟! بس انت لو ركنتى ع الرف هنط منه ولو رجعت مش هتلاقينى ماهر:دعاء متصعبهاش عليا...مش عايز احس انى ظلمتك..وانا عايزك ف حياتى بس يكون بطريقة صح دعاء:مفيش طريقة صح غير الجواز...هتقولى انت مينفعش تقول لضحى علشان متخسرهاش خلاص اتجوزنى ف السر
ماهر بصدمة:اتجوزك ف السر... انتى هبلة يادعاء؟!
دعاء بعياط:لا انا مش هبلة انا بحافظ عليك..امى وابويا ماتوا ومبقاش ليا حد غيرك انا كل اللى بطلبه منك تتجوزنى ع سنة الله ورسوله وتجيبلى شقة اعيش فيها انا وانت انشالة حتى اوضة وصالة موافقة اهم حاجة اعيش معاك تحت سقف واحد وبحلال ربنا واوعدك ان اهلك مش هيعرفوا حاجة..ماهر انت مش بتقول ان فى جواك مشاعر من ناحيتى يبقى ازاى تقدر تشوفنى لوحدى من غير ضهر وهعيش لوحدى ف الدنيا دى واهل الحارة هيجبرونى اتجوز واحد اد ابويا بحجة ان مفيش واحدة ست تعيش لوحدها من غير راجل والا هتجيب العار للكل..انت لو متجوزنيش ياماهر تعرف انا ممكن اعمل ايه؟! هنط من هنا وذنبى هيكون ف رقبتك
ماهر بخوف:اعقلى طيب بلاش جنان
دعاء:كدة ياماهر ماشى انا هوريك الجنان اللى ع اصوله وقامت فعلا وهى ناوية تنط بس هو مسكها وشدها من ايدها لحد عربيته وركبها ف العربية
ماهر بعصبية:انا مش بحب حد يلوى دراعى يادعاء واللى بتعمليه دة بيجيب نتيجة عكسية ومش هتعرفى تاخدى منى لا حق ولا باطل
دعاء بعياط:طب نزلنى من العربية..من انهردة انت من طريق وانا من طريق
ماهر وقف العربية وقال:انزلى
دعاء بصتله بصدمة مكنتش تعرف انه عاوز يخلص منها وانها فعلا بقت عبء عليه نزلت من العربية وقررت انها مش لازم تعيش ف الدنيا وماهر مش معاها
باك
ضحى:وبعدين؟!
ماهر:حسيت بالذنب من ناحيتها وقررت اروحلها البيت واتصدمت من اللى شافته
فلاش باك
ماهر دخل الحارة ومعاه 3 بادى جارد.. ودور ع البيت اللى دعاء فيه لحد م لاقاه نزل من العربية جاى يدخل بس فى حد وقفه ع فين العزم ياباشا؟!
ماهر:مش دة الييت اللى فى الانسة دعاء؟!
الرجل:ايوة ياباشا بس لامؤخذة يعنى ف الكلمة هى تخصك ف حاجة؟!
ماهر:اشمعنى
الرجل:اصله ياباشا كبير حارتنا عندها فوق بيقنعها بالجوازة ومعاه اربع ستات بس شكلها منشفة دماغها بس المعلم قادر يكسر دماغها
ماهر:محدش يقدر يغصبها ع حاجة هى مش عاوزاها..اوعى بقا من وشى
ف شقة دعاء
دعاء بصريخ:اوعى سيب شعرى ياراجل يامخبول انت؟! هو انت فاكر انى ممكن اتجوز واحد زيك؟! دة نجوم السما اقربلك منى
فتحى:اموت واعرف ايه اللى مقويكى كدة؟! يابت دة انتى روحك ف ايدى وملكيش سند تتحامى فيه منى..وانا هتجوزك انهردة والراجل يمعنى
ماهر:ورينى هتعملها ازاى دى يامعلم؟!
دعاء بفرحة:ماهر
باك
ماهر:فرحتها لما شافتنى خليتنى غصب عنى اقف ف طريق اللى اسمه فتحى وضربته وهددته انه لو قرب منها لازم يقف قصادى الاول طبعا بسبب خوفه وافق..اترمت ف حضنى وفضلت تعيط وتقولى انها كانت متاكدة انى مش هسيبها كلامها عجزنى واضطريت اوافق بس صدقينى فضلت مانع نفسى عنها مدة كبيرة لانى كل مقرب منها بتخيلك قصادى لجد مجى اليوم اللى خلانى غصب عنى اقرب
فلاش باك
دعاء بعياط:انا لازم امشى
ماهر بعصبية:ايه اللى انتى بتعمليه دة يادعاء..لو سمحت سيبى الشنطة وبطلى تلمى ف هدومك وخلينا نتكلم بعقل
دعاء:هو انا بقا فيا عقل علشان اكلمك بيه
ماهر:من واجبك تساعدينى مش تضغطى عليا بالشكل دة
دعاء:مفيش سبب يخلينى اعيش معاك..انا واجب غصب عنك بتقوم بيه..مسؤلية وكلتها لنفسك صعبت عليك قولت اخد فيها ثواب واتجوزها لا لا انا اللى اجبرتك تتجوزنى كان ف نيتك تدينى قرشين تسكتنى بيهم بس انا اللى رفضت بس انا هصحح الغلط دة انت تدينى فلوس وتطلقنى وترجع لمراتك وابنك اللى ف الطريق منا عرفت ان مراتك حامل الف مبروك
ماهر:انتى بتعملى كدة ليه؟! كل دة علشان قولتلك محتاج شوية وقت علشان اقرب منك..هو دة اللى يهمك ف علاقتنا
دعاء بعياط:بلاش تحلل الامور ع مزاجك انا مقولتش كدة..بس تفسر بايه ان كل مقرب منك تبعد كأنى دبانة مزعجة بقرب منك غصب..انا تعبت ومفيش ست تستحمل ان جوزها يفضل باعد عنها طول المدة دى
ماهر شدها ليه وقال:يعنى انتى عايزة الموضوع دة يحصل علشان تحسى ان ليكى مش كدة
شالها وحطها ع السرير وقال:انا هعمل اللى انتى عايزاه
باك
ماهر:هتقوليلى ليه مطلقتهاش وقربت منها هقولك معرفش انا مكنتش عاوز انهى علاقتى معاها بالطريقة دى غير وانا معاها كنت بضعط ع نفسى علشان اثبتلها انى بحبها كان الموضوع صعب عليا بس عملته..بعديها بدأت تكلمنى عن الخلفة ومشاكلنا زادت دة دفعنى انى الجا لحضنك بعد الموضوع بتاع الزفت شهاب حصل وطلقتك خت حمزة وطلبت من دعاء انها تاخده وتربيه
فلاش باك
دعاء:انت ازاى قلبك طاوعك تعمل فيها كدة؟!
ماهر كسر الفازة وقال بزعيق: مش عارف يادعاء كان لازم اوجعها زى م موجعتنى..انا بنى ادم وصعب عليا اشوف مراتى ف الوضع دة ومعملش رد فعل؟! انا حسيت بنار بتاكل فيا ازاى توصل بيها القذارة انها تتصور ف الوضع دة عقلها كان فين يادعاء..انا مش مسامحها..وهحسرها ع ابنها
دعاء:انت ظلمها ياماهر ولو عرفت انها ملهاش دخل وروحت علشان تطلب غفرانها مش هتقبل علشان ساعتها الحب اللى كان جواها اتحول لكره علشان اتهمتها باغلى شى هى بتملكه
ماهر:حمزة بقا ابنك يادعاء عايزك تاخدى بالك منه
دعاء:حمزة ف عنيا ياماهر علشان حتة منك..بس مقولتليش هتعمل ايه؟!
ماهر:هتصرف يادعاء متشغليش بالك انتى
باك
ماهر:بعديها عرفت ان شهاب هو اللى دبر الفيديو دة ليكى وسجنته فترة بس بعد الحاح امى اضطريت اطلعه وهو سافر بعديها بكام شهر دعاء تعبت ولفيت معاها ع الدكاترة علشان تعمل العملية بس فشلت للاسف وطلبت منى نروح عمرة روحت معاها واول م رجعنا تعبت جامد وراحت المشتشفى وطلبت منى انى ارجع ليكى واعرف حمزة انك امه
ضحى:يعنى انت رجعتنى ليك علشان تنفذ وصية دعاء؟!
ماهر:لا علشان بحبك وهفضل احبك لاخر نفس فيا
ضحى:انا عاوزة اروح
ماهر:حاضر ياضحى انا مش هضغط عليكى..يلة بينا...
