رواية اغفري لي الفصل العشرون بقلم أوتار حزينة
غاده
حميت روحي وصرخت
«،،،،عوووفني
بنفس،،،،اللحظه سمعت
صرخه رجت
البستان
«،،،،عبااااس
جان هو حمزة جاي يركض باتجاهنا
جان شگله يخوف ويخزر بي
من وصل ليمنا گله
«،،،،هي العالت عليه ااا
ماخلاه يگمل جره من دشادشته وضربه
گله شمرته بالگاع هد علي
وودك بوكسات
ذاك مامد ايده ولا حاول يدافع عن نفسه
بس،يصيح
«،،،عووفني حمزه هي العالت
رعب وخوف صار بگلبي من شفته شلون
تخبل وفقد شفت نفسي بيوم
العرس وشلون تعامل
وياي بقسوه وعنف
سحبت روحي ليوره ارجف
وخايفه من الكاعد اشوفه
سمعت صياح التفت
عمه مهدي وجعفر وموسى وابو عباس
جايين يرگضون
صاح
«،،،جتاالك انه اليوم ياگواد تمد ايدك
على حرمتي وانه موجود من اامداني اذا ماكسرت ايدك الي مديتها عليها
حجه هيج وضربه جلاق سمعت عباس
صااح ولزم ايده وكام يتلوى
لزموه ،،،ووخرو من عنده ينفض روحه بقوه
يغلط علي ويهدد بي
ابو عباس شاف شمسوي بابنه انهد
بي
«،،،هيييج يبن علي اطگ ابن عمك من وره
غريبه
صاح بي وهو مجتف من جعفر وموسي
وعمه مهدي واكف بوجهه
«،،،غاااده مو غريبه هاااي حرمتي حرمه
ابو جمره والي يمسها بچلمه او
فعل جتاله اانه
نفض،،،،روح من ايدهم،،،،ينهد من الغضب
اجه عليه لميت روحي من خوفي كعد يمي من مد ايده غمضت عيوني لزم خدي والنبره تغيرت وصارت بحنيه
«،،،اذاج ولج
شهگت بصوت قوي نسيت الخوف ونسيت
الشفته منه ردت حظن يلمني حتى
لو حظنه حتى احس
بالامان
ختلت يم صدره ابجي بخنگه لمني بي
بعدين شالني مارفضته ضميت
وجهي عن الكل مااريد
اشوف احد
وصلنا للبيت لان مشى بسرعه اسمع
الحجيه تحجي هي وعمته
ورانيه وصايرة
هوسه
اميره تحجي الهم شلون ضربني وهي تبجي
خلاني على الجربايه ارجف واحس بجسمي
ثلج مغمضه وسنوني يطكن وحده بالخ
الحجيه كعدت يمي تردد
،،،،اسم الله يمه الزهره شبيج ترجفين
«،،،غطوني
بس كلت هالكلام وجسمي باد وحيلي
راح كمت اون غطوني بأكثر
من غطه وبعدها الرجفه
سمعته صاح
«،،،هذااا،،،لو اروح اجتله هسه احد يگلي
ليش سويت هيج
فتحت يروح ويجي ويباوع عليه صاير فد
مره جده صاحه
«،،،حمزة تعال
ظل واكف عيونه بعيوني وصاير فد مره
ردد بغضب
«،،والله لا اابجي عيونه مثل مابجى عيونج
حجه هيج وكمل
«،،يمه شوفيها شبيها خاف تحتاج مستشفى
غمضت اون من ايدي ومن البروده الي
زحفت لجسمي اسمعهن يحجن على عباس ومارضن
اله السواه هدأت شويه والم ايدي
خلاني احجي
«،،اايدي
«،،،شبيها يمه
«،،،،لوها وطگها
«،،،عزه العزاك ابن برنو ولج صدك
تحجين
«،،،،اي
جاوبته بشهگه رانيه كالت
«،،،حبوبه شبي هذا تخبل شلون يسوي هيج
بحرمه ابو جمره زين منه ماجتله
«،،،ولج كسره وكسر ايده
عمتها ردت وكملت
«،،وولد فاضل اخذو،،،،للمستشفى
«،،،عسى بالكسر المايطيب منه
رانيه ردت وكملت
««،،هسه شلون لازم نشوف ايدها خاف
كسرها
«،،،جيبي ايدج يمه
الحجيه حجت وياي مديت ايدي الها
لزمتها وظلت تضغط بهداوه
بعدين كالت
«،،،هاي مفصوخه
خل اردها الج مادام بعدها حاره
«،،،حبوبه على كيفج وياها
رانيه حجت بخوف باوعت الها سكتت
الحجيه صفنت عليها بعدين
ردت
«،،،اي يمه على كيفي راح اسويها رقيه جيبي
شدااد وشوي زيت
«،،،،اي يمه
جابت الها الرادته دهنت ايدي وكالت
«،،،،تحملي يمي بس اعگبها الج
هزيت راسي باي رانيه كعدت يمي لزمت
جتفي غمضت من خوف من جرتها بقوه صرخت
ونفضت روحي
«،،،اااخ يمه
وكعت بحظن رانيه اشهك بالبجي سمعت
صوته
«،،،شكوو شبيها
«،،،مابيها شي
عمته جاوبته شاف ايدي بايد جدته
تشد بيها تقدم وسأل فاك
عيونه
«،،،هذا مأذي ايدج
هزيت راسي بلاا خايفه يروح يقتله الحجيه
حجت
«،،،،لا يمه وكعت والتوت ايدها
«،،،لااا والله هذا الگواد هو الي لوها وطگها وواليوم الا اسگنه الگبور
هد لبره اسمعه يصيح وجده وعمامه يهدون
بي الحجيه طلعت علي من تكسر شي
وراها عمته رانيه كالت
«،،شوفي شسوه وانتي ويا معارك لو جان ماخذج
عنه حب جان شسوه يحرك عبيس
هو طيب
مارديت لان هم ثلجت
تمددت اون من وجع ايدي وقهري
عزت عليه نفسي وانقهرت كلش لان حسيت بالذل وروحي انمردت لان هذا الحقير ضربني
وهم بذنب اخويه اسمعه يصيح
ويغلط علي ويهدد وراها صوت صاح جانت
مره عمه سمعتها شلون عيرته بوجهه
شفت روحي واكفه وهو كدامي
واحجي ويا نفس الكلام
ماجنت اريد اسوي هيج اعرف هذا الي بيه
امر الله ولا فكرت يوم اجرح بشر
من وره خلقته او وضعه بس
السواه بيه خلاني احجي
الشي الي يوجعه
لان جنت اشوفه يتأذه وينقهر
غمضت عيوني بقوه ودمعتي طفرت لان
الجاي اسمعه خلاني اشوف البشر
الكاعد يحجي بوجه قبيح
واني جنت مثله
حمزة
وجت بيه نار من وره هذا العار ابن عمي
ااريدن اگوم اعدمه العافيه كلها
يمي تتوسل اعوفنه
صحت بخبال
«،،،ولكم طگ حرمتي بأي حگ يسوي هيج
بأي،حگ يمد ااايده عليها
«،،،ماله حگ وانت ادبـته وكسرت ايده
بعد شتريد يبو جمره تچتل ابن عمك من ورة
حرمه
عمي فاضل حجه نترت بي
«،،،هاااي الحرمه حرمتي والي يمسها يمسني
وهذااا من مد ايده عليها چن ماد اايده عليه
ااانه
سمعت صراخ ام عباس،
«،،،ووينه هذااا الي گسر ايد ابني
طبت بشرها علينا شافتني صاحت بيه
«،،ولك يبو وجه الاسود يالشيطان شلون تمد ايدك
على عباس ومن ورة منو من ورة
هااي الغريبه شتريد تشمتها
بينا وتبيض وجهك
يمها
«،،،ااانجبي ولج وجه وليدي ابيض من وجهج
ووامشي ولي من هينه وروحي ربي
ابنج الي فسدتي بدلالج
حبوبه انهدت بيها صاحت بيها
«،،،وولكم نسيت شسوه بينا مو فضحونا
بين الاوادم وخلونا نزل راسنا
«،،،بسج عااااد وامشي منا
جدي صاح بيها ردته
«،،، لااا ماراح امشي وكافي تفضل هذااا الشيطان
على عبيس والبقيه
كمت وانهديت بيها
«،،،،اي ازرعي الفتنه بينا واعلگيها صدگ من كال
عليج حماله الحطب
«،،اانه ولك يبو وجه الاسود
ردت وجدي انهد بيها
«،،سدددي حلگج ولج وامشي ولي لدارج
كمل
«،،صويلح ااخذ حرمتك منا لاتشوفون مني
شي مايسركم
«،،اامشي چدامي ابنج العال
«،،،ويعيل لان هم العالو علي نسيتو
شسوه اخوها بيكم
«،،كاافي
عمي صاح بيها دفعها من يمنا صاحت
بيه
«،،،يكوون كسر بأيدك ياحمزه ومرض الي ماادگوم منه
«،،كسر بايدج وطاعون يگرفج يااام الطلايب
عمتي ردتها ذيج كالت
«،،اانجبي يالبايره يالمحد خذاج وخلاج
بيته
تخبلت ردت اگبرها لچن
عمي ماخلاها تگمل لان طگها على
حلگها وجرها من هدومها
لبره
«،،،،،هذا بعد مااريده يجي لهينه والله اذا
شفته بالبستان او حولين البيت الا
اخلي جيله براسه وانسى
هو ابن عمي
حجيت هالكلام وكمت رحت لغرفتها رانيه
طلعت وكالت
«،،،نامت
ذبيت حسره طلعت نار من جوه صدري
سألت
«،،،ايدها شلونها
«،،،،زينه لايظل بالك
صفنت على غرفتها وذبيت حسره مشيت
بخطوات ثگيله طبيت غرفتي سديت الباب
ورايه كعدت صاير نار
منظرها شلون اجت لحظني
خايفه وترجف بين عيوني
وصرختها بأذني كلت
بقهر
«،،،،ووولج خلي اطلگج حتى تخلصين مني
ومن هالعذاب،،،،، لان اعرف راح تتعبين
بعد اكثر لان ذوله ماراح ينسون السواه اخوج
واانه والله خايف من روحي لااروحن
اچتل واحد من هلي من وراج
كمت اروحن واجي بالغرفه اردد بهم
وقهر
«،،،شأسوي ياربي لساني يگول هيج وگلبي
گاضها بقوه مايريد يعوفها
رفعت راسي لفوك وكلت
«،،يارب ليش ابتليتني بعشگها ناقص اانه
نزلته وكلت
«،،،لاا مابلاني ربي انه الي بليت روحي من خذيتها
بالقوه وجبتها چدام عيوني وعدالي راح
اظلن اكرهها لچن هالگلب
حبها واعرفنه راح يچتلني لان شفت بروحي
شگثر احبنها من تخبلت وكسرت
ايد ابن عمي من وراها
كعدت مهدود حيلي ومقهور على حالي
ومااعرف شلون اگضي عمري وياها وانه كمت
احسن بهل الشي وااخ من گلب
يحب من طرف واحد محسوب
يم الله شهيد
عطبت واحترك افادي وظليت اجر جگاره
وره جگاره واخذني الوگت بهل
الضيم الجنت بي
عيوني راحت للساعه 3 كمت وطلعت من الغرفه
كلها نايمه وكل العيون غفت الا عيوني انه وعين
الي،يحب وتولع بعشگ ماتنام
رجلي اخذتني لغرفتها فتحت الباب نايمه سديته
ومشيت بهداوه الها وكفت وصفنت عليها
اذكر من نهبتها من اهلها
جانت حلوه كلش
والخلقه تخبل
العيون وساع والوجه گمر من حلاته لچن
هسه كلشي ذبل بيها وانه السبب
بهل الشي
درت وجهي وذبيت حسره مشيت
سمعتها تون عاينت الها كامت ترجف
مديت ايدي لوجهها بارد ثلج گلبي فز من گضت ايدي چن ادور دفه
سحبتها اريدن اروحن اجيب غطه
الها ماخلتني رددت
«،،،لاا لااا
كعدت بالگاع يمها وخليت ايدي بأيدها
جرتها وخلت خدها عليها
مااعرف شصار بحالي
ولا عرفت انه شلون وخرت الغطه
واخذتها لحظني لمت روحها
بي ترجف بقوه لميتها
لصدري اريد
ادفيها
عطرها جسمها هي كلها احتلت روحي
وخلتني احسن بدفو الحرمه
لاول مره
هدأت وره لحظات عاينت الها غافيه
والعيون ورامه من البجي
تفرست بملامحها بشوگ
چن واحد اول مره
يشوف وجهه
محبوبه
شميت شعرها بنفس طويل وكلت
بقهر
«،،،،حبيني ولج مثل مااحبنج
والله انه استاهل واحد يحبني
هي بحظني نامت عيوني لاول مره براحه
كعدت مااعرف بيش الساعه
من حسيت بحركه عاينت
الها بعيد عني
ونايمه
سحبت روحي وكمت بهدؤ مااريدن تكعد
وتشوفني يمها طلعت احسن عطرها
ترس هدومي وروحي
قائد
استعجلت بكلشي اريد بس اعقد،،، وتصير
بأسمي مرتي حلالي حتى ارتاح
واعوضها عن كلشي
سويته بيها وشافته بهل السنين
اخذتها هي وخالتي ومنى مره مقداد حتى
تشتري ملابس المهر ونجهز اله هي
كاعده يمي لان خالتي ماقبلت
تكعد كالت خليها
هي تكعد يمك
فرحان وكل ساع ادحك الها هي
خجلانه من امها ومنى سألت
اريد اتحارش بيها
«،،،،خاله عبالك بنتج رد لونها بهل الاسبوع
«،،،اي غير من فرحتها بيك ليش انت ماتعرف
هي شكثر تحبك
طمست بالخجل ودارت وجهها على
الجامه منى رددت
«،،«اي والله مبين تحبه كلش لان شفتها شسوت
بالمستشفى من تخربط
هي غيرت الموضوع
«،،،ماما خلي نروح للمنصور هناك موديلات
كلش حلوه
«،،،مو احلى منج
جاوبتها عضت شفتها ودارت وجهها
«،،،هههه فديت اليخجل وخدوده تصير حمر
ماحجت شي خالتي كالت متاثره
«،،الله يسعدكم يارب ومايفرقگم بعد
«،،،،امين
امشي وياها واشوف العيون عليها وهالشي
تعب گلبي وخلاني كل ساع اخزر
بواحد واريد اتعارك
هي حست وكالت
«،،قائد خلي اليوم يعدي على خير
«،،،راح افگس عين واحد والله
«،،حباب لاتفشلني بهل اليوم عيب من ماما
ومنى
«،،،وانتي شكو خاله حمره وردي ووجهج
يلمع من البياض
«،،والله مو خاله شي بوجهي بس غسلته
بغسول وخليت ملمع خفيف
«،،لاتغسلي بعد بغسول اغسلي بصابونه رگي
ولا اكلج بس مرمحي وجهج
بمي وفضيها
وكفت وصفنت عليه فاكه عيونها
كالت
«،،،صدك تحجي
«،،،ااي وكملي مشي يله
اشرت الها مشت ضايجه واني بصفها سالت
«،،،،زعلتي
«،،،،لا طنگرت
«،،،ههه ماراح تفك لباجر
وكفت صفنت عليه ابتسمت كلت
«،،،اذكر كلشي بسبس مياو
ضحكت كلت
«،،لاتضحگين بالشارع لا اشعلهم لاهلج
«،،،ذيج ماما ماتخاف تسمعك
«،،خلي تسمع ماتزعل مني لان تحبني
كلش مثل بنتها الحلوه تعالي
منا خلي ناخذ عطور
طبينا محل عطور وراها كملنا كلشي اخذت
عشه النا والهم وصلتهم ونزلت
وديت الغراض لجوه
سلمت على عم
فاروق جلب بينا على العشه جنت اريد اظل
بس لان منى عايفه جهالها يم
امي جان لازم نرجع
رجعنا للبيت وبغرفتي خابرتها جاوبت
بسرعه
«،،،تاخرت عليه
«،،من وره الازدحام حب هسه وصلنا وخابرتج
واني بعدني بهدومي
«،،،ها اي صدك من رجعتنا جان هم ازدحام
«،،،هاي شكاعد تاكلين
«،،،فلافل
رحت لذيج الايام وسألت
،،،،بعدج تحبيها
«،،،اي ماتغير شي هي عندي احسن من
الكباب الجبته
«،،،عم فاروق جابهن الج
«،،،اي لگيته جايبلي وكتلهم مااريد الكباب
راح اتعشه فلافل
«،،انتي بغرفتج
«،،،اي كلت اتعشه وارتب الغراض
فتحت كامره ابتسمت من شفتها تاكل
واللكمه جبيره بحلگها
«،،،راح تغصين
«،،ههه يمي مي وببسي
«،،اكلك
«،،،كولي ياشريان گلبي
«،،،اشو مو مقتنعه بالحذاء احسه مو ستايلي
«،،،بدلي اذا ماعجبج
«،،،لا راح اطلب
«،،،ومنو يستلمه بس لا انتي
«،،،لا ماما
«،،،اي عفيه لاتطلعين للباب اخاف عليج
من الذبان
صفنت عليه وجاوبت بزعل
«،،،ليش عيني شايفني وصخه ويلتم عليه الذبان
مو قبل شويه تعارك بيه لان وجهي
يلمع وادكلي لا تغسلي بعد
«،،،هههه قصدي الذبان الي تعرفي
«،،،،لاا مااعرفه وبعنادك راح اني استلمه
«،،،اعقلي ولج وخليني عاقل
عضت اللفه بقوه خربت ضحك وكلت
«،،،عبالك مقصوده
«،،ااي لو يمي الا
قدمت وجهي سكتت وخجلت كملت
«،،،تعضيني موو
«،،،هاي اللفات مو طيبه ماادري بابا منين
جايبها
«،،،بعد وكت الما اكلتها كلها ادكول مو طيبه
«،،،جنت جوعانه واكلتها يله مشوار اكل
من الكباب الجبته
«،،،اي اكلي اريدج مربربه
«،،هو لازم شويه هاا شويه مو هوايه اسمن
حتى البدله تطلع حلوه عليه
تخليتها بدله العرس وگلبي انعلب بي لعب
صار مثل طوبه ويلعبون بي
الجهال براحتهم جاوبت
«،،ولج شراح يصير بيه من اشوفج بدله
العرس يمكن راح افقد واتخبل
عليج لا شنو يمكن
اكيد وشور
خجلت وباوعت لغير جهه
«،،،ههه فديت اليخجل
«،،،صدك انت شلون اخذت راحتك بالحجي
كدام ماما ومنى والله خجلت كلش
وردت انهزم من يمكم
«،،ولج مااريد افوت دقيقه من عمري و مااتغزل
بيج اريد اشبعج غزل ودلال واعوضج
كلشي سويته بيج ليلى
اريد اعوضج عن
ذيج السنين واعوض روحي هم
اريد اعيش الي ردته وياج
وجنت احلم بي
ملامح وجهها تغيرت وردت وره لحظه
«،،تدري اني تعبت كلش من الصار ومن ورة
فراگك
ذبيت حسره وجاوبت
«،،،اعرف واذيتج جثير واسف والله ندمت
ندم العمر وكرهت روحي لان سويت
هيج
تنهدت وكالت
«،،،اني مااريد نحجي بالماضي لان اريد انساه
قائد واعيش،وياك مثل ماجنا نحلم
«،،،،اي بس صعب اني انسى السويته بيج
انتي ردتي تموتين من
ورايه
عيونها غورگت كلت
«،،،لاتبجين تره اتعب من اشوف دموعج
دمعتها نزلت كلت
«،،،والله لو عارف وانتي ماكو ورايحه من ايدي
الا اخلي طلقه براسي واخليهم
يدفنوني بصفج
كامت تبجي بشهكه
«،،،كافي ولج والله مااكدر اشوفج تبجين
ماسكتت كلت
«،،،،راح اجي عليكم
ظلت تشهك
كمت من مكاني اردد بغضب
«،،،ولج شصار بيج راح اروح احرگ خالج العار
وابنه الگواد وبنته الشريفه بنار وبانزين
«،،،لاا راح اسگت بس لاتروح
وكفت بالصاله الفوك توسلت
«،،،ارجع قائد وخليني فرحانه بيك
«،،،بس اسكتي وكافي بجي
مسحت دموعها وكالت
«،،،،بطلت بجي بس ارجع مااريد اخسرك
مره ثانيه والله اموت اذا
صار بيك شي
«،،،راجع
جاوبت ورجعت لغرفتي ادحك الها الوجه
صار دم من البجي كالت
بخنگه
«،،مااريد بعد نحجي بهل الموضوع خلي
ننساه قائد ونعيش حياه
حلوه
ذبيت حسره وهزيت راسي كلت
«،،اي
لحظه صمت بينا بس عيونه تحجي
الصار بينا بس حبنا بالاخير هو
الي انتصر
غاده
كعدت من النوم وظليت متمدده بالفراش
جانت جمعه واستراحتي باوعت
لايدي وجعها مو مثل البارحه
درت روحي وحظنت المخده
خليت وجهي يمها
افكر بالصار
بارحه
مقهوره ودمعتي بعيوني واحس بروحي
مكسوره وماعندي سند
هو اجه بالي شلون تخبل من شافه شلون اذاني
وگتله وكسر ايده لان ضربني كال
راح اعوضج بس السواه ماجنت
متوقعته منا،،،، يعني عقلي
ماجاي يستوعب هو سوه بابن عمه
هيج ومن ورايه
انتبهت اكو ريحه جگاير بالمخده شميتها
اثر واضح
وقوي
وخرتها وصفنت عليها كلت هاي منين
اجتي الريحه
شميت عطرها هم بهدومي عكدت حواجبي
وكلت
«،،،شنو هو اجه لهنا واني ماادري
الباب اندك عدلت روحي وكعدت هو طب
لابس دشادشه رصاصي طوخ
مفصله ويشماغ اسود
وعگال سده
واجه ليمي
كال
«،،،شلونج اليوم
عيوني غورگت وجاوبته
«،،،زينة
«،،،لا مو زينة اعرفج هسه انتي مقهوره
كلش وتاثرتي بالسواه هذا
الگواد
رد بغضب دموعي نزلت ردد
،،،لاتبجين حگج اخذته بنفس اللحظه وبردت
گلبج وگلبي بي
«،،،اني شنو ذنبي بالصار ليش جااي اتأذه
وغيري عايش حياته
سكت ماكال مثل كل مره ذنب اخوج
رد
«،،،محد راح يأذيج بعد وانه موجود الي يفگر
يگض شعره منج ادفنه بگاعه لو جان
عزيز گلب
صفنت علي من رد هالرد كمل
«،،،انتي حرمتي غاده والي يمسج يمسني
ومو انه الي اقبل حرمتي تنهان
واوكف مااسوي الها شي
وشفتي شسويت
اخذتلج حگج
وخليت حد للكل حتى محد بعد
يتجرأ ويجاوز عليج
ماكدرت احجي شي كلت هذا كله
تكفير ع ذنبه بس،،حسيت بي شي ماعرفت افسره
النظرات جان غير عن الاول واللهجه
هم اجه بالي شلون
جان يرعد بصوت
عالي من گتله
ومن اجه يمي تغيرت النبره وصارت
بحنيه درت وجهي من حسيت
اني صفنت علي هوايه
سأل
«،،،ايدج زينه اذا
قاطعته
«،،،اي زينه
سكت بس وجوده يمي وترني بس مو ذاك
التوتر الجنت احس بي قبل ريحه
الجگاير خلتني ارجع
اباوع علي
كال
«،،،انه رايح بشغل للبصره ويجوز اطول هناك
جعفر راح يوصلج ويعگبج واذا احتاجيتي شي
كولي اله ماراح يقصر وياج
گلبي هبط لان راح يعوفني خفت من الي يكرهوني
بس سكتت ماردت احجي شي
لان كلت المفروض
هو يحس
بهل الشي ومايروح بهل اليوم جنت مكسوره
واحس بالخوف وعذابي واكف كدامي
وبنفس الوقت كمت اشوفه
الامان والسند الي
راح يحميني من غدرهم وغدر
الدنيا
گلبي وجعني من زاد هذا الاحساس ودمعتي
نزلت عرف البيه سأل
«،،،خايفه
«،،،لااا
رديت بنتره ومسحت دموعي سكت
بعدين كال
«،،،لاتخافين ماراح يگدر يأذيج بعد لا هو
ولا غيره لان السويته بي خلاه
يعرف الي يندك بيج
چن اندك بيه
انه ابو جمرة
سكتت وهو هم كال ورة لحظه
«،،،اروحن ورايه طريق
مشى لباب اريد اگله لاتروح وتعوفني هنا
بس ماكدرت احجيها طلع وسد
الباب وراه دموعي
زادت وشهگت بصوت اردد
«،،يااربي مو معقوله الي اخاف منه والي
اعتدى عليه يصير هو نفسه
الامان والي اريده
يحميني من غدر
الزمن
حمزة
ردت اهج من يمها من الشي الي كاعد احس
بي من نمت يمها ولميتها بحظني
وانه احسن بروحي تهت
بعد اكثر وخفت من نفسي لا اتراجع
بچلمتي وياها واگضها
واشوفها حبها وعشگها
شمسوي بيه
جنت اتمنى ادگلي لاتعوفني وحدي لچن هي
ماحجت ماگالت والله لو گايله
الا اهد حتى روحي
واظلن يمها
دگيت راسي بالگشن وكلت بقهر
«،،،هج يبو جمره روح وابتعد بلگي تنطفى
نار گلبك وتكدر تنسى الكاعد تحس
بي من تختفي من چدام عيونك
«،،،اي راح تنسى من ماتشوفها عيونك ولا تسمع
صوتها
حجيت هيج وشفتها بين عيوني شلون
تبجي والنظرات خايفه
چن ادكلي لاتروح
درت السياره وعگبت الها ،،،وكفت على
طرف الطريق وسندت راسي
على الستيرن ادك بي
بهداوه اردد
«،،،،اريدن اعكب الج لچن خايف من نفسي
لاشوگي الج يفضحني چدامج
ومااشوفنه بعيونج
ولا راح اشوفه طول العمر لان اعرف
بروحي شسويت بيج وشعملت
رفعت راسي اعاين للطريق بقهر
«،،،ااخ ولج صرتي چمره نار وتجوي بي
بكل دكه يدگها گلبي
ماعگبت من وره البيه طلعت للبصره
افكر بحالي ومقهور من الكاعد
احس بي
يمامه
طلعت الصبح خلي اروح للمنصور لنفس،المكان
القديم لان غيرته من ورة هذا الضابط
كلت خاف يدورن عليه وياخذوني
للتحقيق
وصلت نزلت رحت اشتريت كلينس من
الاسواق وبدت رحله العذاب
ناس ترحم وناس
تجرح بالكلام
الظهر اجه واني مو ماكله شي رحت اشتريت
كيكه وباكيت حليب كعدت على دجه
محل اكل بيهن وبالي
مشغول بحنين كل يوم يمر عليها حالها
يصير اسؤ،من وره هذا ااكواد تعيس،وامه وخواته
فوك مو مسويها خدامه الهن كامو يكتلون
بيها وهي حامل
جنت انتظر
الساعه الي اخذها واشرد بيها واخلصها منهم
واني هم اخلص من هالعذاب
الي عايشه بي
جنت اريدن احجي لمنتضر حتى يجي
ويانا بس هذه جبان وفاهي ويحجي السالفه
بدون وعي ،،،، كلت راح يحجيها
كدام احد وويوصلها
لابويه وذيج
الساعه يفشل گلشي
كملت وكمت حتى اشتغل وره مشوار انتبهت
لذوله الاثنين الي رادو يعتدون على
حنين يروحون ويجون من
يمي ويخزرون بيه
من وراهم ومن ورة الكاعد يصير بيه واسمعه
يصير بنات الشوارع كمت اشيل
سجين بكيس القماش مال
الدخل
خزرتهم بقسوه ابتسمو ومشو من يمي اختفو
بعد ماشفتهم المغرب اجه بسرعه
لان شتا والنهار جان گصير
والحمد لله كدرت ابيع
الكلينس كله وناس
هوايه رحمتني
ضميت كم فلس بذيال دشادشتي حتى
اخليهن وي ذيجن مشيت الدنيا
مغيمه وراح تمطر جنت
ماخذه الشمسيه الي
انطاها اليه الشايب
الطيب لان عرفت
راح تمطر
طبيت بنفس الفرع مال محلات السگراب
جان فارغ اذكرت ذاك الضابط
شلون انقذته من الموت
امشي وافكر بي هو وحنين بس هي احتلت
مساحه من تفكيري وخلتني
مهمومه الدنيا مطرت
بس خفيف
ردت افتح الشمسيه
وكفت من سمعت صوت بنيه تبجي دورت
عليها ماكو الشارع فارغ والمحلات
مسدوده
مشيت كم خطوه اتبع الصوت كلت خاف
طفله طالعه من يم اهلها
وضايعه
وصلت سگراب مگومه الصوت وراه
مديت راسي شهگت من انجريت
بقوه من واحد بس صار عندي
رده فعل وضربته بالشمسيه
صاح ووكع ليوره
رجعت بسرعه اللخ هد عليه جانو ذوله
الي رادو يعتدون على اختي
لزم الشمسيه من رفعتها
عليه وجرني علي
هديتها وكع يم رجل صاحبه الي كام
يخزر بيه طلعت السجين بسرعه
ووجهته عليهم صحت
«،،،شتريدون ولكم
ابتسم الي انضرب بالبدايه وكال
«،،،نريدج الج عدنا ثار وياج ولازم
ناخذه
بسرعه تحركت اريد انهزم منهم بس اثنينهم
سدو علي الطريق واحد صار
كدامي واللخ ورايه
السمين،،،،،هجم عليه مد ايده عليه من لزمني
بسرعه ضربته برجلي وتعمدت
اجرحه غميج وكع
يصيح من الالم
جان گلبي ميت مااخاف من اي شي،
وكلت اموتهم ولا اسلم روحي
الهم
مهيب
هم رحت ادور على هاي البنيه جان وكت
مغرب وكفت ادور عليها بعيوني
ماكو اختفت ومااعرف
وين ادورها
شلت هم كلت بس لا ذوله اذوها بس عيوني
لمحتها من بعيد وعرفتها لان بس هي
جانت تتلثم طبت لنفس الفرع
نزلت من سيارتي بسرعه
كلت مااروح بيها خاف
تسمعها وتشوفني وتنهزم مشيت بخطوات
واسعه وصلت اله فگيت عيوني
من شفت واحد هجم عليها
وضربته بشي بايدها
صاح ووكع بالگاع رگضت الها اللخ
هجم عليها وجان اشوفها
تضربه بايده وتفتر
تضربه بجتفه
صحت
«،،،وولكم كوووايد عوفها
العار ضربها ووكعت بالگاع وصلت
گضبته ضربته گله وراها بوكس قوي اجه بخشمه
وكع فاقد
اللخ هد عليه ضربته جلاق وكع
على السكراب وراسه انضرب بحديده وفقد
الوعي
انداريت عليها عبالي فاقده الوعي متأذيه
بس شفتها كاعده على رگبه وحده وسانده ايد
بالگاع وايد اللخ مادتها بالسجين
وتخزر بيهم بقسوه وشراسه
صفنت عليها مبهور بهل
النظرات القويه كلت
بأعجاب
«،،،انتي شنو شي عجيب وغريب
حجيت هيج وكملت
«،،،،عوفي السجين لاتاذين روحج
صاحت بيه
«،،،مكاااانك لااتتقدم
الضوه جان عليها العيون هي نفسها بس
بيهن شراسه تخوف چنها عيون ذيبه
كلت
«،،،ماراح ااذيج والله
تقدمت صاحت بيه
«،،،كتلك لااااتتقدم
وكفت فرت راسها بسرعه مثل دور شي
مشت ليوره عيونها عليه والسجين بايدها
كلت
«،،،ماعرفتني اني الي انقذتني بذاك
اليوم
نزلت للگاع وهي نفس وضعها تخزر
بيه والسجين بايدها شالت علاكتها
كامت وكالت
«،،،مااعرفك ولا اريد اعرفك
حجت هيج وجان تركض بسرعه صحت بيها
«،،وولج اوكفي والله ماااراح اذيج
ردت اركض وراها بس وين وصلت نهايه
الشارع واختفت اليكول غزاله
من تركض
صفنت على ذوله لاعبه بيهم طوبه
مجرحتهم جرح رجعت باوعت للشارع وكلت
«،،،ولج شنو انتي غير ذيبه
اعتقتلهم وسلمتهم للمركز رجعت صافن
ومنظر عركتها وياهم خلاني
اردد باعجاب
«،،،بنت الخره اليكول مدربه ويانا غير
شرسه وينخاف منها وهاي بعدها صغيره
لو تكبر شراح تسوي تأسس
عصابه العب يابه
بس والله يلوك الها نعل اهلج مو
عيون بشر عبالك عيون ذيبه
شلون تخزر بدون خوف
وتتحرك مثل الفهده
وصلت يم الولد لان جنت متواعد وياهم
طبيت من بعيد قائد اشر
اليه
رحت ليمهم سلمت
«،،،،الله يساعدكم شباب
«،،،،هلا بالخفيف
حسين رد كتله
«،،،،خلينا الثگل الك ولك
كعدت وصفنت كال
«،،،خير اشو صفنت ابو صابر
«،،،ولكم هسه صار موقف لو احجي الكم
ماراح تصدگو
«،،،خير شصاير
قائد سأل جاوبت
«،،،تعرفون هاي البنيه الي خلصتني بذاك
اليوم
«،،،اي لگيتها
حسين سأل كتله
«،،اي بس
«،،،،بس شنو دحجي مو عليت گلبنا
رد كلت
«،،،ولكم شفتها اليوم من بعيد ونزلت بسرعه
عليها طبت بفرع تاخرت يله
وصلت ومن طبيت اله
شفتها تتعارك وي
اثنين
فگو عيونهم وسألو
«،،،اااذوها
فريت ايدي جاوبت مبتسم
«،،،لا يابه هي الي لعبت بيهم طوبه ولك
مااعرف حسيت روحي بفلم اكشن
شفتها بعيوني شلون ضربتهم بسجين
وجرحتهم جرح
«،،،صدك تحجي
صاحو جاوبت
«،،اي والله اكلكم مااعرف ماجاي اصدك
الشافته عيوني بس والله هذا الصار ومن
ردت احاجيها مدت ايدها
بالسجين تخزر
بيه بعيون ذيبه كلها شراسه وقسوه
«،،،اوف ولك هاي شنو معقوله اكو هيج
بنات
«،،والله ماشايف اني مو شرطي وبمركز
ابد مو شايف هيج بنيه
«،،،وتالي ماحجيت وياها ساعدتها
«،،لا حسين اصلا من كتلها اني الي ساعدتي بذاك اليوم جاوبتني تخزر بيه مااعرفك
وجان تركض بس شنو بنت الخره عبالك
غزال بلحظه اختفت من يمي
«،،هاي البنيه گلبها ميت
قائد حجه وكمل
«،،،اي مادام تربت بالشوارع گلبها ميت
وماتخاف من اي شي
«،،،اي اني هم هيج كلت
جاوبته حسين كال
«،،،هذني وين اهلهن وليش،هيج ذابيهن
بالشارع يعني هاي بله خلصت
روحها من ذوله الجلاب
غيرها مايكدر وجثيرات يروح شرفهن
ومحد يدري بيهن ومن يزوجن
ينگتلن بحجه غسل العار
«،،،اي شكد تجينا هيج حالات
جاوبته وكملت
،،،،بلاوي وقهر اشوف بشغلي والله مرات
اكول شجابني شورطني بهل
الشغله
«،،،الرتبه عيوني والحبايب يموتن على
ابو الرتب
حسين جاوب يلعب بحواجبه جاوبته
«،،،الرتبه اي لان جنت اريد اصير ضابط
بي الحبايب لا
«،،،اااريد ااصدك
جاوبني ضحكت وجاوبته
«،،،انااا ايضا اااريد ان اصدك نفسي
«،،،ههههه
خربنا ضحك دفرت قائد وكتله
«،،،عار شوكت عقدك
ابتسم وجاوب
«،،،،هذا الخميس
«،،،العب الا اعلكها الك اني وهذا العار
حسين رد
«،،،الا احرك الجو حرك بس جيبو
دجي بي خير وكله اغاني ساريه وساجده
واني اشوفكم شلون ماراح
اعلكها للمدكك
««،،لاتقصرون وخلوها فرحه جبيره
وخلوني افرح بهل اليوم
قائد حجه جاوبته اطك اصبعتين
«،،،عجل شلون والله راح اجيبلك جماعتي
وراح تشوفهم شراح يسون
الا يحركون الجو
حرك
غاده
جان لازم اجهز روحي لمهر ليلى لان ماظل
شي عزمت رانيه وخواتها على مهرها
لان شفتهن يريدن يجن
كلت الها مااعترضت بالعكس
فرحت وكالت
«،،،جيبيهن لان اعرفج تحبيهن ورانيه وكفت
وياج وكفه حلوه
ردت اشتري فستان لان جان ماعندي
ورانيه هم جعفر ماقصر اخذنا واشترينا
رجعت للبيت،،، وجان لازم اروح ثاني يوم يمها
ابات جنت شايل هم شلون راح
اروح لذيج المنطقه ماجنت
اريد اشوفها ولا
ردت اشوف بيت اهلي اعرف بروحي
راح اختنگ واضوج كلش بس جان لازم اوكف
وياها بهل اليوم لان هي ابدا ماعافتني
لا بمهري وي معتصم ولا وي
حمزه
ذكرت اسمه وصفنت من راح للبصره واني
مو سامعه صوته ولا خابر ولا
سأل
خليت ايدي على بطني افكر اذا عرف
بيه حامل شراح يسوي يفرح
لو يكوم يموت لان
شاف السواه
بي صار ثمره بطني اجت
نتيجه اعتدائه عليه
جهازي دك كلت هاي ليلى جريته
من جوه المخده الي جنت افكر بي اتصل
رقمه بدون اسم لان ماكتبته
لحد هسه ذبيت حسره
وجاوبت
«،،،الو
«،،،،شلونج
بس هاالكلمه جاوبته
«،،،،زينة
سكت واني هم سال وره لحظه
«،،،باجر تروحين لحرمه قائد
«،،،اي
هم سكت سمعت طكه جداحه عيوني
راحت للمخده وذكرت عطرها
كال
«،،،ديربالج على روحج واكلي زين
واذا احتاجيتي شي،كولي لجعفر
«،،،اي
جنت ارد مختصر بس،ردته يسأل بعد
كال
«،،اروحن عفت الولد كاعدين وحدهم
«،،،تمام
سكت واني هم بعدين كال اسمي
«،،غاده
«،،ها
«،،،لا ماكو شي يله في امان الله
سد الخط مااجذب من راح واني احس
بالخوف حسيت البيت فرغ ووجوده هنا جان
امان اليه لان شفته شسوه حتى
لو تكفير عن ذنبه قابله
بي مادام احس
بالامان وهو
يمي
نسيت اگله راح اروح وياها للصالون
كتبت اله بالواتس
«،،اني راح اروح وياها للصالون
شافها كتب بس
«،،روحي
«،،رانيه وياي هي وخواتها يعني مو بس
اني
«،،،اي
رد مختصر واختفى خليت جهازي
بحظني اجت رساله
فتحتها كاتب
«،،اذا احتاجيتي فلوس انه خال بالجراره
الي بالخانه مالتي خمس اوراق تصرفي
بيهن لان هذني مصرف الج
كتبت
«،،عندي مو محتاجه
عبالي راح يگلي انتي حرمتي ومصرفج
عليه بس،كتب
«،،،براحتج هن الج
هم راح عفت جهازي وكمت وره مشوار
رحت لخانته فتحتها باوعت لهدومه
معلگات وكلهن دشاديش
سود والوانهن غامقه
عطره فاح ولعبت نفسي فتحت الجراره شفت
كم دفتر واوراق وجنطه شفافه
بيها فلوس عراقيه
ودولار
سديت الجراره وصفنت على هدومه ماسويت
السويته قبل من جنت اضربهن
بغضب لان حسيت
اكو شي تغير بيه
ماردت اظل اتعامل ويا مثل قبل لان
سمعت كلام مره عمه وشفت القبح الي بي
وشكد اذاني مو عاد هو
رجعت لمكاني افكر بالكاعد يسوي اليه
اعرفه تندم وكره روحه وكل
الكاعد يسوي تعويض
عن اخطائه بس خطئه جان جبير
وصعبه انساه
تمددت لازمه جهازي اگلب بي رحت
للفيس شفت رانيه ناشره
فديو حلو دعاء للزوج
قريت التعليقات خواتها وجعفر رادين
الها وكم وحده من اقربائهم
كتبت
«،،اللهم امين
انتبهت اسمه موجود ومعلق على المنشور
صار عندي فضول اشوف صفحته طبيت
الها مفتوحه مو مغلقه صفنت من شفت
صورته كاعد بوگت غروب
ويباوع للشط
جان منطي ظهره وبأيده جگاره وصافن
للغروب كاتب
«،،،،القهر چاس روحي والگلب تعب يمه
رغم النشر اليوم بس شفت هوايه تعليقات
جايته على منشوره وكلها ادكول
«،،،سلامتك ابو جمره وكلام هوايه
نزلت لجوه صور ماطورات ومواد احتياطيه
الهن شفت وحده كاعد بحظره
خال يشماغ اسود
على راسه
وهم مو مبين وجهه دايره على
مرقد عرفته من شفته
كاتب
،،،،السلام عليك يابا عبدالله السلام
عليك يابا الفضل العباس
فتحت التعليقات كلها تسلم مثله واحد كاتب
،،،ماحجيت ماكلت حتى اروحن وياك
هو رده
«،،الروح اشتاگت بهل الليل وطلعت اله
لان الگلب صاير خراب
التاريخ جان وره زواجنا نزلت لجوه بعد ماكو
صور اله والشفتهن كلهن بدون
مايظهر وجهه
طلعت من صفحته وخليت جهازي يمي
صافنه على حالي ومااعرف
الايام شراح تشوفني بعد
معاذ
روحي انمردت بعد اكثر من عرفت غاده راح
تجي لهنا بس ماتجي لبيتنا تروح
ليم بيت عم فاروق على
مهر ليلى
اروح واجي بالغرفه مالتي زهره يمي تباوع
عليه القهر تارس
ملامحها
من ازوجنا ولحد هاي اللحظه اني مو لازمها
ولا كدرت اطخها من وره قهر اختي
الي راحت بذنبي اني
وياها كلت بقهر
«،،،شفتي حتى ماقبلت تجي ليمنا
«،،،بعدها زعلانه من الصار
«،،،ااي ليش ماتزعل ليش السوينا بيها قليل
فگيت روحي بيها رحت انطيتها
لابن عمج واني اعرفه
شيريد يسوي بيها
«،،معاذ والله حمزه تغير وياها وكام يعاملها زين
«،،،اااخ ولج بعديش بعد ماااخذها غصب
وو
سكتت من اختنگت وكعدت لازم راسي
اردد
«،،،والله ماردت كل هذا يصير وانكسرت نفسي
حتى من عندج من ورة السويته بيها
زهره
سمعته شحجه وكمت ابجي رددت
«،،كافي معاذ تلوم بيه انت الي گلت تعالي
وردت تشوفني
«،،،ااي من خرب بيه وبذيج الساعه الي
كتلج بيها تعالي جان لا صار الصار
ولا اختي راحت بذنبي اني
وياج
زدت بالبجي من سمعت كلامه كام راح للباب
كال
«،،،،اروح اشوفها يم بيت عم فاروق
فتح الباب وكف ضربه بقوه وكال
«،،،شلون ااروح ااشوفها روحي ولج شلون
زهره راح اگدر اوكف كدامها واني
خليتها تروح لهذا وبسهوله
گض راسه بقوه وصاح
«،،،ااخ ياابه راح اموت من السوته ايدي
كمت علي بسرعه لان اعرفه من وره الصار
كام ضغطه يصعد حظنته انهار
يبجي بقوه ردد
«،،ضيعت ااختي زهره وكامت تكره حتى
شوفتنا
ماعندي اي كلام اله لان اني هم خسرت اهلي
من ورة حبي اله واخذته وماارتحيت
عشت بعذاب خذلاني الهم
وخصوصا حمزه الي
جان اليه اخ واب وكلشي بحياتي
اخذته للجربايه كعد يون
ويگول
«،،،ولج اريد اشوفها گلبي نار عليها
«،،،گوم اني وياك نروح الها
«،،ماراح تطلع وتشوفني كلت لامي ومريم
ماقبلت وكالت مااريد اشوف
لا معاذ ولا بابا
رد علي بقهر ووجهه احمر كتله
«،،،اني اروح عليها
صفن علي ابتسم بس بوجع ردد
«،،،وهم كالت مااريد اشوف زهره لان هي
سبب الصار بيه
كعدت يمه اشهك بالبجي مااعرف شاحجي
لان صدك كلامها اني السبب
بالصار لو كايله
لااا ومو طالعه ويا جان مو هذا
حالنا لا اني فرحت بي
ولا هي فرحت
برجلها الي طلگها من ورايه
ليلى
اليوم عقدي وگلبي يدك سريع وفرحانه
كلش اشوف نفسي بالمرايه
طالعه حلوه كلش
غاده يمي ماعافتني ولا لحظه بس جنت
اشوفها مخنوكه ودمعتها بعيونها
لان اجت يمي وصارت
قريبه من اهلها
انتبهت لنظراتي ابتسمت وكالت
«،،،طالعه تخبلين
«،،،ااي
جاوبتها بعيون مغوركه ومو مصدگه دقائق
قليله وراح اصير للي حبه گلبي وعشگته
عيوني ماما طبت فرحانه
بيه كلش كالت
«،،،يله ماما راح تعقدون
مشيت وياها اسمع الهلاهل والفرح اهله
كلهم يمنا خاله رباب خاله غزوه وبناتها لان
ماما عزمتهم
وكلت بابا وصار وكيلي كعدت بالكوشه
فرحانه ومااعرف بشنو احس اريد ابجي
من فرحتي بيه عيوني غوركت
بس ماجانت دموع قهر
هالمره لا دموع
فرح
ماكو حزن بعد،،،، لان الي راد گلبي
وحبيته بجنون بعد شويه راح يصير زوجي
وابو بيتي
وره لحظات طويله سمعت صوت
صياح فرح من الشباب وعرفت عقدنا
وصرت اله للابد
قائد
كاعد وخال ايدي بايد عم فاروق
اردد وره الشيخ الكلام الي يگوله وبكل كلمه
اخذ عهد على نفسي اني راح
اعوضها عن الشافته
بذيج السنين
سمعت
«،،،مبروك وشايف كل الخير
كمت ويا عم فاروق بسته حظني
لصدره متأثر كلش يردد
«،،،وهاي صارت الك ديربالك عليها وخليها
بعيونك
بست راسه وكتله
«،،،بعيوني وبگلبي راح اخليها وهسه تشوف
عم شلون ماااعوضها عن كلشي
عيونه غوركت وباسني مرة اللخ
مهيب وحسين وواحمد علگو الجو بالتصفير
والهوسات هو گضبني وكال
«،،،يله يابه روح ليم عروستك حتى
تلبسون الحلقات
اشر للباب شفت امي واكفه هي وخالتي
مشيت گلبي يدك بجنون وعبالك
اول مره راح اشوفها
واصارحها بحبي
طبيت امي تلكتني تهلهل هي وامها والبنات
وخالاتي عيوني عليها گمر يضوي
والگلب تخربط وتبهذلت
احواله من شفت
الابيض لايك
عليها
«،،،،مبروك يمه ويوما اشوف ولدك
امي حجت وهي تبجي بستها من راسها
وكلت
«،،،وانتي حاضره يمه
خالتي هم باستني ماكدرت تحجي من
دموعها وفرحها مشيت للي
اخذت گلبي وعقلي
وخلتني اصير
مجنون ليلى
ثاني
منزله راسها والخجل مبين عليها وكفت
يمها وقريب كلش صافن
الها اذكر كلشي جان يصير
بينا وشصار وفرگنا
شفت روحي ذاك قائد الفقير الي حبته
ليلى بكل تعبه وقهره وشلون
خلته يشوف الدنيا
حلوه
ليلى
باوعت اله من طب جان طالع يخبل
لابس سيت كله اسود تارس على جسمه
انيق وجذاب كلش الكل وكف
يمه يبارك اله بس
هو عيونه تباوع عليه بنفس ذيج النظرات الي تلعب بروحي لعب نزلت راسي اريد
ابجي من فرحتي بي
تقدم وصار يمي وقريب اني منزله
راسي ماحجه شي وطول رفعت
عيوني اله شفت بعيونه قصتي اني
ويا وشلون انتهت بهل اللحظه
مد ايده وشاالني
لفوك افتر بيه بهدواه مبتسم والفرح
بعيونه الهلاهل علكت
نزلني ولزم وجهي صافن بعيوني بوجه
احمر دم ردد بخنگه
واخيرا صرتي حلالي
شكرا لزيارتكم عالم روايات سكيرهوم
