رواية للحب فرصة اخيرة الفصل الواحد والعشرون
ف عربية ماهر
ضحى سندة راسها جمب الشباب وبتبص ع الشوارع وهى سرحانة افتكرت لما عرفت حقيقة جواز ماهر
فلاش باك
ترن ترن
ضحى:الو
المتصل:صباح الخير يامدام ضحى
ضحى:صباح النور مين حضرتك؟!
المتصل:مش مهم انا مين المهم ايه الاخبار اللى عندى ليكى؟! استاذ ماهر جوزك المصون متجوز عليكى وقاعد نايم ف العسل مع مراته وزمانهم مولعين الدنيا مع بعض ومش من شهر ولا اتنين لا دة بقاله سنة واكتر لو مش مصدقانى خدنى العنوان اهو.............تقدرى تروحى وتتاكدى بنفسك وتعرفى انه ايداكى قلم معتبر بس فهميه ان القلم علمك مش علم عليكى..ومتساليش انا مين وعرفت دة منين علشان مش هجاوبك..اعتبرينى فاعل خير
ضحى قفلت معاه وعلامة الانكار ع وشها فضلت تعيط كتير وحست انه اكيد الشخص اللى اتصل دة عاوز يخرب بيتها مستحيل ماهر يعمل فيها كدة؟! لا هى لازم تتاكد ولو طلع كلامة صح يبقى لازم تطلق من ماهر ومتعيش معاه ثانية واحد
ف شقة ماهر ودعاء
ضحى وقفت قدام الشقة وبتحاول تبقى قوية علشان تواجه الموقف بكل قلب جامد حاولت تخبط ع الباب بس مش عارفة علشان ايداها بتترعش ذكرت اسم الله وخبطت ع الباب وفتحلها ماهر
ماهر بصدمة:ضحى
ضحى بصتله بصدمة ف اخر ثانية كان عندها امل انه يطلع كل دة كدب
ضحى بعياط:انت بتعمل ايه هنا؟!
ماهر بخوف وقلق:ضحى ثوانى بس هفهمك والله العظيم اللى ف دماغك كله غلط..خليكى هنا هغير واجيلك
ضحى:اوعى من وشى خلينى اخش واشوف مين دى اللى اتجوزتها عليا؟!
ماهر:ايه التخاريف دى ياضحى؟!
ضحى بزعيق:انا مش بقول تخاريف دى حقيقة واوعى بقا من وشى
زقته جامد ودخلت الشقة واتصدمت بدعاء وهى خارجة من الاوضة
دعاء اول م شافتها اتصدمت ولفت الروب ع جسمها وبصت لماهر اللى غمض عينه بوجع مكنش عامل حسابه ان كل دة يحصل كدة هو فعلا خسرها للابد
ضحى فضلت ترجع ورا وهى حطة ايدها ع بقها بتحاول تكتم صوت عياطها..واول م خبطت ع صدر ماهر اللى مسكها من دراعها بس هى زقته ولفت ضربته بالقلم وقالت بكره وعياط: ابعد عنى ...انت تستحق القلم دة..انت جبان علشان اتجوزت عليا من ورايا متجوزها ف السر ليه؟! علشان عارف ان مفيش حد كان هيوافق ع الجوازة دى بسببى..بس انا مش هكون عقبة ف طريق قصة حبكوا الخرافية..طلقنى ياماهر
وخرجت من الشقة..ماهر جرى ع الاوضة وغير هدومه علشان يلحقها كان ف عالم تاتى لدرجة انه مسمعش دعاء وهى بتناديه..اول م خرج من الشقة دعاء قعدت ع الارض فضلت تعيط وتقول:انا واحدة استاهل الشنق ف ميدان عام..ازاى قدرت اعمل فيها كدة؟! ماهر ملوش ذنب اللى فضلت اضغط عليه علشان يتجوزنى...مكنتش اعرف ان ضحى هتعرف وهتطلب الطلاق منه..يارب دة ميحصلش علشان ماهر بيحبها ايوة انا عارفة انه بيضغط ع نفسه وهو معايا بس انا اللى كنت عاوزاه علشان مليش غيره هروح فين لو بعد عنى
ف القصر
فوقية:مالك بس ياضحى؟!
ضحى بعياط:انا عايزة اطلق
هيام:طلاق!
شهاب:ليه ايه اللى حصل ياضحى؟!
ضحى بعياط بصت لماهر وقالت:قولهم ايه اللى حصل؟!
ماهر بهدوء:ضحى لو سمحت خلينا نطلع ف اوضتنا نتكلم بهدوء دى حاجة خاصة بينا لوحدنا مينفعش حد يدخل فيها
ضحى بعياط:انت دبحتنى وجاى دلوقت تومرنى..تصدق انك واحد بحج لا ياماهر لازم الكل يعرف انت عملت فيا ايه؟! ابنك يامرات العمى متجوز عليا واحدة الله اعلم هى مين؟! هتقولى انك معملتش حاجة غلط والشرع محلل اربعة وهتعمل فيها هارون الرشيد يبقى لازم تعرف حاجة هو اة ربنا قال تزوجوا مثنى وثلاث ورباع بس حط شروط مش سبهللة هى...انا واحدة مرياح ف بيتك ومهتمية بنفسى ومدياك ابسط حقوقك كزوج وام لابنك اللى الكل فرح بيه..وبحبك لا لا كنت بحبك دلوقت مفيش حد ف الدنيا بيكرهك ادى..ايه المبرر اللى يخليك تتجوز عليا
هيام:اهدى ياحبيتى متعمليش ف نفسك كدة؟! هى هيطلقها وهيرجع لحضنك تانى واللى اتكسر يتصلح باذن الله
ضحى:اللى اتكسر ف قلبى وروحى عمره مهيتصلح
وقامت من ع الكرسى ومسحت دموعها وقالت:شهاب لو سمحت جيب الماذون حالا علشان ماهر يطلقنى
ماهر بعصبية:استنى ياشهاب..فى ايه ياضحى انتى هتتصرفى ع مزاجك؟!
ضحى:متتعصبش عليا علشان مش هسمحلك بدة خلاص..انا قولت هطلق وانت غصب عنك هتطلقنى
ماهر قرب منها وشد ع ايدها وقال:انتى ملكى ومفيش حد ف الدنيا مهما كانت قوته او نفوذه انه ياخدك منى طلاق مش هطلق واضربى راسك ف الحيط..انا خارج عايزة ارجع الاقى الفكرة دى خرجت من دماغك والا هخرجها انا بمعرفتى
ضحى بزعيق:بكرهك
باك
ضحى مسحت دموعها واترعشت لما ماهر مسك ايدها وباسها وقال:تعرفى انا ممكن اقولك دلوقت انتى بتفكرى ف ايه؟!
ضحى:مش عايزة اعرف
ضحى بعدت ايدها عنه وقالت:بطل اسلوبك دة علشان مش هسمح بيه بعد كدة
ماهر:انى اسلوب؟!
ضحى:انك تمسك ايدى وتقولى كلام حلو احنا مش زوجين عاديبن علشان تفضل تقولى كدة اسمع ياماهر لو عايزنا نستمر ف علاقتنا يبقى تعمل حدود تمشى معايا بيه
ماهر بغضب مكتوم:تصدقى انا تعبت منك خلاص ومبقتش فاهم انتى عايزة ايه؟!
ضحى:انا عايزة ارتاح
ماهر:راحتك ف بعدك عنى؟!
ضحى بصتله وقالت:انا عايزة اسامحك بس مش قادرة..اللى حصل بينا زمان مش سهل عليا انساه واستمر ف حياتى معاك
ماهر بوجع:اكيد بتقولى لفسك انى متعبتش ولا ندمت كفايا علشان تسامحينى..خلاص ياضحى انا هحررك منى
ضحى قلبها انقبض وقالت:يعنى ايه؟!
ماهر بحزن:هطلقك ياضحى للمرة التانية هعمل كدة وانا مش راضى بس انا مش انانى علشان اعيشك معايا غصب عنك..انهردة بليل كل شى هيخلص
ف القصر
ف المطبخ
ضحى ف حضن فوقية وعمالة تعيط وفوقية بتحاول تهديها مش عارفة
ضحى بعياط:انا مش عايزة اخسره..انا خسرته زمان وعيشت اسوا ايام حياتى وانا بعيد عنه..هو سهل عليه يبعد عنى لكن انا لا..روحى كلميه وخليه ينهى اللى بيعمله دة
فوقية:طب انتى ليه متعمليش كدة ياضحى؟!
ضحى بعياط:مش هقدر اقوله كدة...انا عايزاه يتعذب بس قلبى مش عايز..عايزة اسامحه وابدا معاه من جديد بس الماضى واقف قصادى ومش عايزنى اتقدم خطوة
فوقية:يابنتى اللى بينكوا حاجة كبيرة حمزة ثمرة حبكوا والسبب دة كفيل انك تسامحيه وتنسى الماضى وتعيشوا حياتكوا بسعادة وانتوا بتربوا حمزة لحد م تشوفى زى منتى عاوزة وتشيلى ولاده بين ايديكى ان شاء الله
ماهر دخل عليهم وقال:ضحى تعالى علشان عاوزك
ضحى بصت لفوقية بقلق بس هى طمنتها بنظراتها ودعت ليها انه يصلحلها الحال
ف الاوضة
ضحى بصدمة:انت بتقول ايه؟!
ماهر:اللى سمعتيه
ضحى بعصبية:مش من حقك تقرر حياتى زى منت عاوز..مش انت عاوز تطلقنى تمام اعمل كدة بس سيبنى اعيش حياتى زى منا عايزة..مش تختارلى اللى اعيش معاه وتقولى اتجوزيه بعد م عدتنا تخلص دة اسمه جنان
ماهر:ضحى دة الشخص الوحيد اللى هكون مطمن عليكى وانتى معاه..وبعدين طلعى فيه عيب واحد وانا هسكت ومش هتكلم ف الموضوع دة تانى..دة كله مميزات وسيم ومعاه فلوس وخلوق وهيكون اب كويس لحمزة
ضحى:اب كويس! انت عايز تجوزنى سامى وكمان يكون اب لحمزة بدالك
ماهر بعياط:ايوة دة عقابى اللى استاهله..انا حرمتك من ابنك سنين ودلوقت الدور جى عليا..انا متنازل عن حمزة ليكوا وصدقينى الوجع اللى ف قلبى ربنا يعلم بيه وانى مش هقدر اشوفك مع راجل تانى كفايا وجعى لما عرفت بجوازك انا كنت مهقور وكان هاين عليا اصرخ وانا بتخيل انك ف حضن راجل تانى غيرى...انا كنت مقهور عليكى ضحى علشان خاطرى اسمعى كلامى والله العظيم سامى انسان كويس وهيراعى ربنا فيكوا خلينى اختار الشخص اللى هياخد منى روحى ع الاقل مش هعرف اكرهه علشان دة صاحب عمرى
قعدها ع السرير وركع قدامها وباس ايدها الاتنين وفضل يعيط بصوت عالى وهى بصتله بوجع حطت ايدها ع راسه ورفعت وشها ليه وقالت:دموعك بقت قريبة اوى
ماهر:لما القلب بيتوجع الدموع بتعبر عن الوجع دة
طق طق
ماهر مسح دموعه وقال:ادخل
فوقية بحزن:لسة مصمم ع اللى ف دماغك يبنى
ماهر:دة الصح يادادة صدقينى علاقتنا دى مينفعش ليها اى فرصة
فوقية:ضحى متقولى حاجة؟!
ضحى بعياط:اقول ايه بس يادادة؟!
فوقية:انتوا مش بتحبوا بعض؟!
ماهر:الحب مش كفايا لازم الثقة والاحترام ودول مكنوش ف علاقتنا علشان كدة اتهدت بسرعة...لازم ضحى ترمى الماضى ورا ضهرها وتعيش مع واحد يقدرها انا مستاهلش واحدة زى ضحى ف حياتى ابدا
فوقية:مش عارفة اقول ايه غير ربنا يهديكوا للصالح
قفلت الباب وهى حزينة بجد ع حالهم
ماهر:هتوحشينى
ضحى بصتله وقالت بعياط: كان نفسى اسامحك بس
ماهر حط صباعه ع شفايفها وقال بعياط:مش عايز اسمع حاجة تانى ياضحى بس عايزك تعرفى انى بحبك وسعادتى هتتحقق لما اشوفك سعيدة ومبسوطه حتى لو مع غيرى..بس انا ممكن اطلب منك طلب؟!
ضحى:طلب ايه؟!
ماهر:عايزك تبقى معايا بس ليلة واحدة اعيش ع ذكراها عمرى كله
ضحى بعياط:انت ليه بتصعبها ع نفسك وعليا؟!
ماهر بعد ايده عنها وقال:اسف..بكرة هجيب الماذون وبعديها هعرفك ع سامى بس صدقينى لما تعيشى معاه هتعرفى انى اختارتلك الشخص الصح..بس ياريت متقوليش عليا انانى علشان دى مش الحقيقة..انا هنام مع حمزة انهردة وهتكلم معاه بهدوء وحمزة ع الرغم من عمره بس بيعرف يتكيف مع الوضع اللى هو فيه..بس اتمنى ياضحى انك تسامحينى وتعيشى حياتك مع سامى بهدوء وسعادة
ماهر قام جاى يفتح بس ضحى نادت عليه وفتحتله درعاتها هو جرى عليها واترمى ف حضنها وفضلوا يعيطوا هما الاتنين وقعوا ع ركبتهم ولسة شدين ع حضن بعض واول م بعدوا مسحوا عيون بعض وف قلبهم يوجع ملوش نهاية
ماهر بوجع: ع عينى امشى واسيبك صدقينى صعب عليا اشوفك مع غيرى بس صدقينى انا ليكى لوحدك ومش هتجوز عليكى لحد مقابل وجه كريم
باس راسها وخرج من الاوضة
ضحى قعدت وفضلت تعيط ع حبها اللى ضاع من ايدها ومش عارفة تعمل حاجة
ف اوضة حمزة
ماهر:حمزة انت هتفضل ساكت كدة كتير؟!
حمزة:عايزنى اقول ايه يادادى دى حياتكوا وانتوا حرين فيها
ماهر:لازم ياحبيبى تكون راضى علشان احنا مش هنعمل اى حاجة من غير موافقتك
حمزة:طالما هتكونوا مرتاحين انا مش هرفض بس ياريت تكونوا معايا انتوا الاتنين ومش عايز احس انكوا منفصلين عايز اشوف احترامكوا لبعض ظاهر ما بينكم
ماهر حضن حمزة وقال:حاضر ياحمزة...ربنا يقدرنى ع دة
تانى يوم
ف اوضة ضحى وماهر
ضحى:انا موافقة اشوف سامى بس موعدكش انى هوافق عليه
ماهر بغيرة:انا مش عايز اكتر من كدة
