رواية عشك أل فراس الفصل الواحد والعشرون بقلم زينب نور
علي: ثاني يوم رحت لدوام سئلت عن هديل كالوا بعد تحت التحقيق طلبت التقي بيها
علي:شلونج ويَ التحقيق
هديل : طلعني وشتريد انطيك
علي:مثل شنو تنطيني
هديل:كلشي كلشي شتريد بس طلعني
علي: وإذا اطلعج شنو اللي يضملي انُ ماراح تغدرين
هديل :اختبرني اصير عجينة بيدك بس طلعني ما اريد اضل هنا
علي:توبين
هديل:اي اي اي أتوب للابد بس طلعني
علي:هه حلم أبليس بالجنة
هديل : حقيررر تبقى حقيررر ونذللل
علي: احجي كبلج حجوا هواي وتاليهم بالكبر
هديل:انا ام وعندي بنية عساك بالمرض
علي:عندج بنية
هديل:اي
علي:وينها
هديل :مادري
علي:دايحة مثلج
ضلت تبچي وكالت
هديل : انا ضيعت نفسي وعائلتي بنتي شردت بيوم ومادري وين راحت وبيا ارض حاليًا
علي:شسمها
هديل:انهار
علي: أنهاررر!!
هديل:اي
علي:أنهار شنو
هديل:أنهار يوسف
علي:هاي بنتج
هديل:اي تعرفها كلي وينها فدوة
باوعت عليها وطلعت وهي ضلت تصرخ وراي كول وينها احس راسي افتر السالفة الصارت وياي مو خالية ابد انهار بنت هديل يالله شهل المصايب
راهب:ها خويه شبيك
علي:عقلي افتر
راهب:شكو
علي:نطلع واحجيلك
رجعت للمكتب راسي راح ينفجر التمت كلها انهار شلون صارت بالعسكرية وهي هيج ساعدني يالله شهل الغموض الماجاي اكدر اتقبلة لـ4 طلعت من الدوام رجعت للبيت اول مادخلت سمعت صوت امي تبچي خواتي صوتهن عالي
ازل:حقير نذل ان شاء الله ايده تنكسر وتنشللل خللل اروح اطيح حظه هو وابنه وبناتة وحتى امه المابيها خير
ام فهد:كاافيييي لا يجي واحد من اخوانج وتصير سالفة
عسل:وان شاء الله ناويةةة تضميننن السالفةة
ام فهد :إذا احجي ماراح يسكتون
غزل:والله إذا انتِ تستكين احنه مانسكت
وردة :والله نروح نطيح حظه
شهد:كفووو هاي النسوان الزينة
فتحت باب الصالة ودخلت امي مباشرةً لفت عبايتها ومسحت دموعها وبيبتي كانت كاعدة يمها والبنات واكفات كدامها بس مرت صهُيب واكفة على الدرج
علي:شكو صوتجن عالي ويمه ليش تبچين
ام فهد:ماكو شي يمه بس امي تعبانة
ازل:رااااح تجلطنيييييي يربيييييي تررررجف دووووم ترررجف جيبي عبايتج والله اروح اكسر بيتهم على راسهم
علي:تحجن لو شلون
نطقت مرت صهُيب وهيَ على الدرج
غفران:خالك ضارب امك وطاردها من البيت بسببكك
علي:بسببي ! عليمن وشكو ترحيلة
ازل:اول مره احبج
علي:اززززل احجن عاد
ازل:شوف خوية امي من البارحة تلح اريد اروح اشوف امي اليوم الصبح بـ9 راحت كالت العصر ارجع
من رايحة فاتحة موضوع المعرض ومتعاركة ويَ هذا اللي اسمة خالي لان يكرهك ويحجي عليك هو وابنة الحقير وكلمة من امي وكلمة من خالي لازمها وشامرها برا البيت وهاي سميرة الحية صافهه ويَ ابنها وامي ايدها متأذية ورجلها لان واكعة واجتنا تبچي واذا انتم سكتوا والله اني ما اسكت وإذا كلش طابوكةة واحطها براسهه وانعل الساعة الصار بيها خالي
ام فهد :لحدددد يدخللل يبقون اهليييي وحالة عصبية وصارررت
غزل:يمةةةةة لا تخلينا نتخبل
بدون ما ارد عليها طلعت والشر بعيني وازل وراي تصيح
ازل:عفية اخوي حيللل ويا كون تكسر بعد اختك خلي كلبي يرتاح
بابهم كان مردود رد دفرتههه ودخلت لا احترمت حرمة البيت ولا شي كاعدين بالصالة كلهم
ابو فؤاد:علي
علي:اي علي يا كواد
فؤاد:اطلللع برراااا
بدون ترددد سحبت مسدسي صرخت ام فؤاد
ام فؤاد:ولكككك يالمسودددن
سميرة :ولككك ضم المسدس وچفينا شرك
علي:شري يحركج انتِ وابنج وحفيدج ويحرك اليطلع وراكم لا عاش ولا كان اللي يمد ايده على امي ويطردها من بيتة وعدها ولد روسهم تشم الهواء ايدك التمدها على امي اكسرها الك انتَ واليطلع وراك
فؤاد:القانون موجود
علي:اسحلك قانون وعشاير
طلقة بيد ابو فؤاد وطلقة بيد فؤاد وطلقة صارت جوا رجليهم
علي:ثاري ماخلص بس هاي لدموع امي وتاخذون ثمنه اكثر وانا علي ووين ما تردون ترحون روحوا قانون وعشاير والزلمة يفك حلكة
طلعت من البيت وصريخهن لم المنطقة كلها بدون ما ارد على احد طلعت من بيتهم رحت لبيتنا
ام فهد :عفية ابني الربيته لخالة
علي:ههه بخدمتج أنا
الجدة :بس لا كتلتهم
علي:لا مايسون اوصخ ايدية بيهم
ازل:چا شسويت
علي:طلقة بيدهم وطلعت
ازل:ولكككك كفووووو فوخت كلبي
ام فهد :ليش هيج يمه
علي:والله يمه اليندك بينا هاي جزاتهه
الجدة :عفية يبعد عيني
صعدت لغرفتي صارت بوجهي مرت صهُيب دنكت واريد اعبر اروح لغرفتي كالت
غفران :اريد احجي وياك بموضوع
علي:تفضلي
غفران :اريدك تزوج ريم
علي:عفوًا
غفران :خلصني منها اخوك يحبها واريدها تزوج
تركتها ودخلت لغرفتي فد اكرها هالبنية بشر غثه صليت المغرب ونمت كعدت بـ 2 بليل فتحت التيلفون مالي خلك احد توضيت وكعدت اصلي وقريت قران صار فترة اصلي واطلع مباشرةً تارك القران وتارك كلشي سمعتة يأذن صليت صلاة الصبح ونزلت لجوا هيج وقت يكعدون يصلون ويرجعون ينامون
رحت للمطبخ اريد اسوي كهوة كان الضوء طافي على ضوء التيلفون
امير:صباح الخير
علي:هلا صباح النور
التفت ورا وشغل الضوء وسد الباب
علي:شكو
امير:اريد منك شغلة
علي: أمر
امير:اريد فلوس
علي:الك
امير:محتاجهن ضروري
علي:شوكت تريدهم
امير:هة او باجر الصبح
علي:اصعد لغرفتي بالكنتور فوك اكو مليونين ونص
امير:خوش
راح هوَ وانا كملت الكهوة وطلعت من المطبخ صار كدامي صهُيب
صهُيب:صباح الخير
علي:صباح الورد شوكت اجيت
صهُيب:بليل اكو اوراق دزهن المقدم ليث الك
علي:تخص الشغل
صهُيب:لا خارج السلك العسكري كال تخص علي فقط
علي:وينهن
صهُيب:خليتهن بغرفتك
صعدت للغرفة فتحت الاوراق دلائل ومعلومات عن تحسين وصور وين موجود بالضبط والله عاشت ايدك الساعه بـ 5:30 الصبح وماعندي دوام اليوم وشابع نوم وين اروح
فتحت الكنتور الفلوس ناقص منهن بس 500 اللي ماخذهم امير نزلت كعدت بالحديقة لـ8 صاحت امي كالت تعال اتريك كلهم جانوا موجودين بالمطبخ
علي:شنو شو بس بيض
امير:الچبن مخلص مايدرون بيَ والاسواق لهسة معزلة
علي:صبيلي شهد چاي اذا مالزمهه البيض
شهد:بعدني مماكلة
الجدة:شبي البيض يخبل
علي: تلعب نفسي منة
الجد: هو انتَ عايش على الكهوة حتى اكل مااشوفك تاكل
أمير: ياكل الاخضر واليابس
علي: انثبر شوكت تقدم على الجامعة هاي ثاني سنة حضرتك تارك الدراسة
امير:بعدني اريد ارتاح من السادس
ابو فهد:تروح تقدم وتحترم نفسك
غفران :ان شاء الله هم ضابط
أمير:لا يابه شبيه تخبلت اقدم هندسة معمارية
غفران :احسلك
صهُيب:علي اذا كملت اريدك بشغلة انتظرك بالديوان
الجدة:راح يجتمعون ابليس والشيطان واستر يالله
علي:انعم الله عليج
كمت ورا صهُيب لكيتة ماخذ الديوان عرض بطول
علي:شكو شبيك
صهُيب: سؤال
علي:جواب
صهُيب:غفران محاجيتك عن موضوع
علي:موضوع شنو
تركني وكعد تنهد وكال
صهُيب:موضوع ريم
علي:اها اي ليش
صهُيب:وانتَ
علي:شبيك شاخط انتَ مع احترامي الك انتَ اخوي الچبير بس عقلك ضارب
صهُيب:هو عقلي ضرب من اتزوجت هاي
علي:المهم ادري شني براسك أطمئن انا احب بنية وريم اخت الي مو غير شي ارتاحيت
صهُيب:لا
علي:چا شتريد بعد
صهُيب:ازوج ريم
علي:صاحي انتَ لو شارب شي مستحيل تقبل
صهُيب:وليش حتى مستحيل
علي:مزوج بابا انتَ مزوج
صهُيب:اطلكها
علي:خايب انجب
صهُيب:ها يالنذل طار الاحترام
علي:طلعت غصبًا عني تنرفز شني بنات الناس لعبة وبعدين انت تعرف مرتك يتيمة ومالها احد ليش اطلكها
صهُيب: ريم الي ماتصير لغيري لو تنكلب الدنيا وهاي اكرها ما اطيقها بعشية الله
علي:خويه شبيك چا ياهوَ كال احبها واريدها واخطبوها الي
صهُيب:الله يلعن الشيطان سالفة والها بداية بس مالها نهاية
علي:شلون يعني
صهُيب:الله كريم
علي:بس لا معتدي عليها
شال الكاسة مال الماي شمرها عليه اجت بيدي
صهُيب:وعلي من اكوم
علي:چا شني تفسيرها ساعة احبها وساعة اكرها وساعة سالفه وساعة مدري شني لو تحجي ونفتهم لو تسكت وتشوف حياتك وتخلي ريم بحالها
راد يحجي ودخلت علينا غفران
صهُيب:خيرررر
غفران: ماكو الله يخلصنا من ريم
صهُيب:اكوملج اصلخج صلخ وانعل ساس اهلج
علي:كول يالله يمعود وانتِ شجابج
غفران:من طلعتوا طلعت وراكم انت الي مو لغيري افتهمت وريم ماتصيرلك لو مدري شسوي
كام عليها يريد يسحلها هي رجعت لورا وانا صرت كدام صهُيب
صهُيب:وخر عني
علي:غفران اطلعي برا وانتَ اهداء وبلا خبال عاد من شوكت تمد ايدك على مراة كافي استهدي بالرحمن
صهُيب:الله يلعن ذيج الساعة
طلع وانا صعدت لغرفتي وهيج مرت الايام ورا فتره سمعنا خطوبة مهيمن وغياث وراها صادف العرس بهاي الايام حيل انشغلت بين الدوام وبين الاعراس
راهب: شصار على هديل
علي: بعدهي محكمتها
راهب:ومحسن وسامي وعبد
علي: بعدهم نفس مكانهم
راهب:وانهار
علي: يرادلها واحد فارغ مو بهاي الخبصة
نمر:ها ولكم
علي:ركبتك
نمر:العباس عليك
علي:طيح الله حظك راح تفضح نفسك
نمر:شمدريني انا خرا بيها
هزيت ايدي وسكتت عنه ثاني يوم العرس نايم اندك باب الغرفة ودخل ابوي
علي:خير
ابو فهد:كوم وياي اريدك بشغلة
علي:وشني هاي الشغلة من صباح الله
ابو فهد :بدل وانزل منتظرك جوا
نزل هو كمت ورا غسلت وبدلت ونزلت لكيت سَحر كاعدة يمه
علي:هاي شعدها
ابو فهد :امشي وياي
علي:غير افتهم وين وهاي وين رايحة ويانة
ابو فهد :امشي وانا اكلك وين
علي:يلا نشوف تاليها وياكم
طلعنا وهاي الابتسامة شاكة حلكها مشيت تقريبًا ساعة
علي:وين اروح هسة
ابو فهد :اطلع كبل
علي:ترا هذا طريق الجنينة شكو رايحين
ابو فهد:نعقد
بنص الطريق على سرعتي لزمت بريك
علي:انتَ ويامن
ابو فهد :هههه انتَ وسَحر
علي:اها
ابو فهد:اي وبعدين نسويلكم عرس حتى يلتم الشمل
علي:ليش ما تنزلون من السيارة لا اخليكم تلمون سنونكم
ابو فهد:احترم نفسك وكمل طريقك انا ابوك مو ابنك احجي وياي عدل
علي: شبيك ؟ لكفت طنطل ركبك من الصبح أنا ازوج وحدها مثل هاي شني جايز من روحي وبعدين اذا تريد تلم الشمل اخذها انتَ
ابو فهد :احترممم نفسكككك عاااد
علي: راح اسكت بس نوصل البيت لو لا
سَحر:شناقصني
علي:ناقصج شرف وأدب وكرامة وهو انتِ حتى خلقة ماعندج
فريت السيارة ورجعت وابوي نزل غلط وسب متجاهلة لحد ماوصلنا للبيت
ابو فهد :تتجاهلني يعلي
دخلت لجوا لكيتهم يتريكون
علي:ابنك هذا اخذهه للعباس ابو فاضل واربطة هناك بلكت يصير براسة عقل ويكبر على تصرفاتة
الجدة:يععع شمالك ولك
علي:شمالني اسئلي ابنج ماخذني من الصبح تعال اعقد على ارخص وحدها شهدها التاريخ
ابو فهد :ولككككك عليييي
علي:من خرا بعلي كااافي عاددد طلعت روحي
الجد: عليمن تعقد
سَحر:عليه
علي:وتحجي عادي
الجد:تعال اكعد وفهمني الموضوع
ابو فهد:ماكو موضوع بوية كل السالفة ردت علي يعقد على سَحر ونلم الشمل بينة وبين خالة واهلها وافقوا والبنية موافقة رحت نعقد يم شيخ وبعدين نسوي العرس والحفلة
علي: هو مو صوجك صوجي انا الكواد اللي رحت وياك
ابو فهد :ابقى بهذا حقدك وعنادك لحد ماتندم
الشيخ:كافيييي لا تحجي شي وعوف الولد بحالة لا يريد يزوج ولا يريد يلم الشمل هيج شمل مانريدة وانتِ روحي لهلج وكلي لابوج بطل سوالفك
سَحر: احنه نريد هيج شمل
ازل:هدوني عليها
علي:الميدان الج
ام فهد:ازل اكعدي الله واكبر على راسكم والله تعبتوني نار ولدي ونار اخوي ورجلي ولكم وتالي وياكم تعبت منكم تعبت الى متى نضل احنه هيج تعبت منكم وحيلي انهد من الصبح لليل مشاكل وطلايب واربعة وعشرين ساعة انتم على فد صيحة كااافي
ابو فهد:ابنج عنودي وانا اكره العنودي
علي:عمي واصلك محاجيك بيش معاندك انت شعليك بيه
ابو فهد :عوف ابو فؤاد وعوف الماضي وانا اعوفك واحطك على راسي عكال
علي: الحجي يفيدك
اسد: كافي علي وانتَ يابه كافي وعوفه بحاله ترا ملينا
علي: اذا انت هيج كارهني شكو اجيت تتوسل ارجع وارجع وانا ابوك ومتندم
ابو فهد :انا ما اكرهك ليش ماتفهم
علي:تصرفاتك شتفسرها حب بس انت حبك بالاذية
ابو فهد: ماشي راح اتركك بحالك واشوفك وين توصل
اخذ سَحر وطلع وامي راحت لغرفتها والولد طلعوا صعدت لغرفتي بدلت ملابسي ملابس الدوام وطلعت
الجدة:عندك دوام اليوم
علي:اي عندي ولا تنتظروني لا غداء ولا عشاء مااجي اليوم
بدون مااسمع جوابهم طلعت الدنيا طلعت من عيني كل ساعة سالفة صفح ضليت بالمركز لثاني يوم من وصلت للبيت فتحت نت بليل انا نشرت ستوري من ضمن الردود انتبهت لحساب كان اسم قمر بالانكليزي ومثبتة صور ليوسف عرفتها الطركاعة
على كلامها ابتسمت وصابتني فرحة مو طبيعية وصار بيه نشاط لدرجة انُ كنت اريد انام ومن شفت رسائل كعدت وطار حتى النوم
تذكرت فؤاد النذل من يتحرش بيها انا الك اطلعها من عينك بيومها تعاركنا انا وابوي على مود فؤاد لان ضربتة
نزلت جوا صادف يوم الجمعة والكُل كان يمنا
جاسر: شنهاي عمي لا تنشاف لا تسئل
علي:حتى تشتاقلي
محمد : تعال تعال يمي مشتاقلك
علي: ما اثق بيك انتَ
محمد:والحُسين مشتاقلك
قاطع حديثنا صوت غفران من كالت وهيَ موجهه كلامها لـ ريم
غفران : بعدج تحبين صهُيب وتردينا
صهُيب:غفرااااان
صاح عليها من الباب وهاي چلفت بمكانها ريم سكتت بس نضرات الصدمة كانت واضحة وكلنا انصدمنا من سؤالها
....
ريم : من بعد مااستقرت الاوضاع وتم زواج الشيخ ورا فترة كنت يم بيت جدي كاعدين فوگ اني والبنات نزلت اريد اجيب مي سمعت الشيخ يحجي
الشيخ :نريد نزوج صهُيب
الجد:يالله ياهي التريدها
الشيخ :وحدها مو من عدنا يحبها ويريدها
الجد: هاي هي نتوكل
محسيت غير شخص سحبني باوعت هوس
هوس:اششش اششش
ريم:وانيي هوس وانييي
هوس:صوتج فدوة صوتج تعاليي للغرفة
ازل:شكووو شبيج ريم
هوس :ريمة عمري أهدي
ريم:ولجننن شلون اهداء وحبههه وكلامةةة وانييي اعشكججج وانيييي احبججج هااايييي شنوووو ويييننن راحتتتت
نور:عززااا راح ننفضح كومي للبيت هناك نحجي
ريم:شنحجيييي صخااام حظيي ضحكككك عليةةة واني اريدج واني احبج وعشت على هذا الامل يروح يزوج وحدها غيري
وردة : ريم أهدي ليسمعج احد خل نفتهم الموضوع
ورا فترة كالوا خطوبة صهُيب ماعرفت شنو اسوي شنو اتصرف بالضبط الخبر كان مثل الصاعقة شي مو سهل
نرجع بالوقت
بيوم من الايام كنت كاعدة بالحديقة يم بيت جدي وصهُيب كان يريد يلتحق بوقتة كان بحرب داعش اني كنت احبة بس كنت اوهم نفسي بـ لا حتى اضل بعيدة عن سوالف الحب لكن ماكدرت اجه وكال
صهُيب:قبل لا التحق اريد اكلج شي
ريم :كول
صهُيب:ريمتي انا عاشكج ورايدج على سنة الله ورسولة
كلامة لحد هذا يومنا مطبوع براسي ومن اعترف اني تركت الموضوع وأنتهى ورا تحرير داعش رجع وكال اني احبج واكثر من مرة اسمع هذا الكلام لحدما اقتنعت انُ خلص احبه ويحبني لكن من راح يخطب غير وحدها
كان الخبر صادم الي بدرجة مو طبيعية حاولت انُ ماابين شي واكون طبيعية بيوم الخطوبة كنت يم بيت عمي فـ كاعده بغرفة البنات مخلية ملابسي كدامي وكاعدة حتى مالي خلك ابدل انفتح الباب دخل صهُيب مباشرةً كمت
صهُيب:ريمتي
ريم:اطللع برراا
صهُيب:صوتجج اريد احجي وياج
ريم:كُل كلام ماكو بينا اطلع برا شتريد بعد مو راح تخطب مو اليوم خطبتك شتريد بعد
صهُيب:والعباس ابو فاضل احبج افتهمييي يابنية
ريم:وانييي ما احبككك ولا اريدكك رووح لمرتك ومعليككك بيه بعددد
دفعني على الحايط رفع اصبعة بوجهي وحجهة بعصبية
صهُيب:وحق خدر السكتت زلم اذا ماتسدين حلكج وتحترمين نفسج وتخليني الغي راسج افلشة بالحايط افتهمييييي احبججج ومتخبل بيج انا زلمة مسودن بيجج ليششش ماتفهمين وغصبًا على كل شارب اخذج فهمتيييي
تركني وطلع حقير دخلت للحمام غسلت وجهي وعدلت شالي ونزلت كلهم كانوا مشغولين بعدين صعدنا كلنا حتى نبدل لـ3:30 خلصنا كُلشي
وراها كالوا يلا حتى نروح رحنا لبيت اهل البنية عرفت اسمها غفران البنية حلوة بس المكياج صاير اوڤر بنفسجي والبدلة كذلك واني هذا اللون اتخبل منه
مااعرف شنو شعوري كان بالضبط بس احس نار صارت بكلبي واني اسمعهم يهوسون وفرحانين علكوا الاغاني دخلت وضليت اركص لحد ماسحبتني رسُل
رسُل:اطلعي لتضغطين على نفسج اكثر كافي ريم
ريم:وجع شمسوية وخري خل اركص بخطوبة ابن عمي
شوية وكالوا راح يعقدون كعدت على جهه وحدي اسمع عقدهم انطت الموافقة ورجع صهُيب نطق الموافقة مااعرف شنو صار عيوني صارت شلال مسحت دموعي مباشرةً وكمت
قمر:ريم حياتي كافي
ريم:شبيكم شمسوية
هوس:انجبي كافي خيولون والمايريدج لا تردينة
ورا ربع ساعة تقريبًا دخل صهُيب كعد يمها واني عيوني عليهم دموعي صارت بطرف عيني رفع راسة باوع عليه ورجع لبسها الحلقة وهي لبستة الحلقة وراد يطلع
الجدة:يمه عدهم تلبيس كلادة ومحبس وتراجي وسوار
صهُيب:مااعرف اني انتن لبسنها اريد اطلع اختنكت
بدون ميسمع الرد طلع رغم كُلشي احس كسر خاطرها من تركها وطلع تمت الخطوبة ورجعنا للبيت مباشرةً رحت لبيتنا وحدي انهاريت بكُل معنى الكلمة يوم ولا اصعب نمت كد التعب والبچي ثاني يوم كعدت من وكت وهمت نفسي انُ اني مامهتمة بشي ولا اكو شي صاير
مرت الايام واجه يوم الحنة وكُل هاي الايام اني عايشة صارع وتناقض مو طبيعي
بيوم الحنة الصبح اجت كرايب جدي شمس هيَ واهلها صديقتنا من زمان تصير بعمرييي
شمس:ولجججج غيغيييي
ريم:عزززااا شمسسس
شمس:ولج مشتاقتلج عزااا بعينييي اشتياااق مشششش طبيعي
سلمت على الكُل وكعدنا فوك علمود نبدل
شمس:بشرفج من شفتها بالصور حسيتها حيه ايع مع احترامي بس هذا اخوجن معنده ذوق
ريم:مو فد مرة ترا البنية حلوة
شمس:ازل انطيني القندرة خل اكطعها على راسها والله مو حلوة
هوس:ماكو بشر مو حلو البنية حلوة بس المكياج مخربها لكن والله حلوة مو كلش عاد
وردة:انجبن انتن راح تصير مرت حماييي اييعع امداج ريم
ريم:وجع اني شعبية
انصدمنا من كالوا بيوم الحنة صهُيب بالدوام
ازل:حيل خل يروح شلون وجهه هيَّ
غلست وكمت بدلت وخليت مكياج خلصت كُلشي ونزلت لجوا تمت الحنة وتم العرس شي صعب علية من بعد العرس صرت ما اروح لبيت عمي
التقيت بغفران اكثر من مرة لكن كانت تكرهني بشكل مو طبيعي ! رغم ابد مبينت شي الها ولا وصلت الها او لصهُيب أبدًا ورا فترة عرفت انُ صهُيب يحبني شلون ماعرف
صارت تكرهني اكثر وكُل ما اروح لازم تشمر كلام اتجاهلة لكن بعد فترة من زواجهم بديت احس بشغلات غريبة واحلام جدًا مزعجة
واحد من الاحلام اللي اتكرر علية اكثر من مرة انُ رجال يجيني من بيت عمي مخيف جدًا ويدفع الباب يريد يدخل علية الحلم كان اكثر من مرة يتكررر
المغرب صرت اختنكك حيل ومااعرف شنو صار بيه بالضبط وكنت سادس كُل عقلي انُ ضغوطات وبسبب حالتي النفسية
بيوم من الايام كنت كاعدة اتصلت علية غفران انصدمت ومنين اخذت رقمي كالت تعالي البنات يردجن ضروري ! استغربت لان البنات اذا يردن شي لو وحدها تجي او هنه يتصلن لبست شالي ورحتلهم
دخلت للبيت فارغ حتى بيبي ماكو
ريم :وين البنات
غفران : محد موجود
ريم :شنو محد موجود
غفران :سمعي لج اقسم بالله اذا ما بعدتي عن صهُيب اموتجج صهُيب الي وبس وبطلي توصلين لهنا زوجي كافي فكي عنه معندج كرامة انتِ شهل لزكةة كااافي عوفييي بحالة
باوعت على ايدي ضربتها راشدي لدرجة ايدي صارت حمرة
ريم:شوفي لج لا انتَ ولا عشرة منج يخوفني وصهُيب اني معلية بيَ مهناية بيَ مو مثلج رخيصة اني اشمر نفسي عليَ وديري بالج تهددين اقسم بالله امحيج اذا متعرفيني زين اسئلي واذا متعرفين بنات فراس عدل اسئلي عنهن انبهج للمرة الثانية لا تحطين راسج براسسييي
تركتها وطلعت اجت وراي لباب المطبخ دفعتني على الحايط وكالت
غفران:اموتج والله ديري بالج توصلين صهُيب
ريم:اكلي تبن وانكلعي عنييي لا تخليني اسحلج سحل
غفران اطول مني واضخم اذا تلزمني تسحلني سحل ضلت تغلط وتصيح ورشت على وجهي مي مدري شنو بهاي الاثناء دخلوا علي وأمير يمكن جانوا بالدوام
أمير:شكووو
غفران:تعال شوف بنت عمك
علي:شبيج ريم
مااعرف شنو صار بيه اسمعهم بس مااكدر احجي ولا ارد عليهم سمعت صوت صهُيب
صهُيب:ريم ولج ريممم جيبلييي مااي
غفران:عساج
علي:سكت مرتك لا وحق علي اكوم اكسرها تكسر
صهُيب:امشي وليييي طبيي جوا وانا جايج بنت الـ
سمعت صوت اهلي بس ماكنت اكدر احجي او ارد عليهم احس شي خانكني ذبوا عليه مي يلا استوعبت من كعدت اول مافتحت عيوني نفس الشخص بالضبط كان جاي بـ تجاهي لكن هالمرة شكلة مخيف اكثر عبارة عن دم وسجين بيدة صرت اصرخ انُ اجاني راح يذبحني تخبلوا شنو اللي اجه وهمَ ميشوفون شي
جاسر:خل ناخذها للبيت
ورحت للبيت ونفس الشي ماتغير شيء نفس الشخص بقى وراي باوعت بالمراية وحسيتة كبالي كانت يمي رسُل ومرح ونور وهوس صرت اصرخ بكُل قوتي انُ راح يقتلني الشخص اني اشوفة وجاي علية منين ما اباوع هوَ جاي علية بكُل معنى الكلمة تخبلت !
ليالي وايام مرت اني ما انام وعلى فد صرخة وبچي والخوف مو طبيعي والكُل اقتنعوا سحر ماحطوا الاتهام بأحد أبدًا
مرح:مااااكو غيرررهاا هاي الحية الاصفرة ولحد يكول لا انييي متأكدة من يوم ماعرفت صهُيب يحب ريم وهيَ تخبلت وريم بعد ابد ماصحت شنو تفسيرها
جاسر:مانريد نحط احد بـ ذمتنا
مرح:لا تحطون احد اني راح اخليها تحجي غصبًا على راسها
بيوم الجمعة على اثر التعب نمت فـ همَ كلهم راحوا
مرح:تركنا ريم ورحنا يم بيت جدي الكُل كان ماله خلك لان حالة ريم كانت جدًا صعبة اجهه صهُيب من الدوام بدون كلام او سلام صعد لغرفتهه
أمير:راح تعلك
ياسر: هو كل مايصعد تعلك
ايمن:انوب صوتها شعلوه بوياي
مهند: هاي اذا تطلكك تلم الدنيا كلها
الجد:بسكم عاد
أمير:دفاع الكل
ياسر: شني شو لهسه هدوء
أمير:لو خنكها لو خنكتة
ياسر: راح ابو الصوصو
ايمن:راح وليدنا خنكتة مرتة
الجدة:خايبين ماكو نعال يابس كون
مهند:وين اكو نعال يابس بس ياسر وذبينا عليَ ماي رجع طبيعي
ياسر:صح لا شني لحظة جنه القصف عليه
أمير:يمكن يقصد انتَ نعال يابس
ايمن:خليك محضر خير يقصد جان نعال يابس هسة رجع نعال عادي
الشيخ:كوموا اطلعوا برا
أمير: لا شيخ لا كلشي ولا هاي
بهاي اللحظة نزلت غفران لا شال لا ملابس مستورة الولد كلهم كاعدين وتصرخ وتبچي صارت جوا رجلين جدو وهيَ تبچي نزل وراها صهُيب عبارة عن نار صاح علية بصوت عالي
صهُيب:كومييييي اصعديييي فوك لا انعللل والديجج بنت الخرراا
الجد: كومي بويه كومي شجاكم
غطاها جدو بشماغة بس شيغطي منها جسمها كله طالع
شاهين: استرنها بشيء
اجت عمتي ام فهد لبستها عباية شمرتها وكالت
غفران:ماااريد عبايةة ولا اريددد شي خلييي ابنكم يفتهم
صهُيب:كومي اصعدي فوك لا وحق دين محمد مااخلييي بيج عضم صاحييي بنت الفكر انا تضحكين عليه
الجد:فهمونهه شني السالفة
غفران :من يوم اللي تزوجنا لليوم هوَ ميطيقني وكُل بالة يم ريم ويحب ريم واني حتى بيوم زواجنا متقربلي ولا وصل يمي كل بالة ريم اذا يسمع اسمها يتخبل وريم وريم عنده ريم كُل حياتة عايفني ويريد ريم
صهُيب:تاكلين تبن وتنچبين وكومي لمي زبالتج ولي لهلج يلا ورقة طلاكج توصلج
غفران: ما اطلككك مو بكيفكك
اجهه سحلهاا من شعرها وصعد فوك محد صعد ورا كلهم ضلوا واكفين
ابو فهد :اصعدوا ورا لا يموتها
أسيد: رجال ومرتة احنه شعلينا
بس صوت صهُيب كان عالي بشكل شوية ونزل كعد يمنا
علي: عليمن ضحكت عليك
اسد: وشلون ضحكت عليك
صهُيب: بنت الفكر
اسر:احجي عاد
صهُيب: قبل فترة كلش طويلة اجاني واجب بمنطقة وهاي المنطقة مشبوها واكثر من مرة أدخلها واكثر من مرة اشوف هاي الخرا الفوك اخير مرة واكف تفتيش بيتهم طلعت لزمت رجلي وكالت وهيَ تبچي ومنضرها كان جدًا صعب
غفران :انقدني الله عليك خلصني من هذا الضيم
صهُيب: ماعرفت شنو السالفة وانا كنت بواجب رسمي كومتها وكتلها شبيج شنو صاير وياج
غفران: اني يتيمة الابوين وعايشة يم بيت عمي وشابعة مذله اريدك تساعدني
صهُيب: ماعرفت شلون اساعدها بالضبط او شنو اسوي تركتها وكتلها ارجعلج رجعت ثاني يوم وعرفت قصتها ورادوا يقتلوها كدام عيني العم وابن العم. فـ اتفقت وياهم انُ ازوجها واتفقت وياها هيَ بس تخلص السادس اطلكها وكُل واحد يروح بحال سبيلة لان فهمتها انُ اني احب بنية بس راح ادوس على كلبي في سبيل المساعدة هذا كان اتفاقنا
وهيَ وافقت وكالت اعيش وياك بخيمة واقبل بكُلشي بس خليني اكمل دراستي ومااريد شي منك ازوجتها بالسر ومحد يعرف ومن وصلت السادس مادخلت وزاري وماكدرت اطلكها لان مثلت تمثيل مو طبيعي
اجيت وحجيت لشيخ واسد اقترحوا علية اعلن زواجي حتى ماتصير مشكلة احنه بأغنى عنها وكالوا فترة ونشوفلك صرفة وتروح الله وياها
وسويت مثل ما كالوا وتزوجت ورادت بيوم الزواج يكون زوج رسمي بشكل كامل ورفضت لان مستحيل اتقبلها
من بعد الزواج صرت اشوف تصرفاتها وكلامها ولبسها وكل مرة احجي ومايفيد وكل ساعة عركة وهم مايفيد صرت اسمعها تخابر ومن ادخل تسد التيلفون وصرت اسمع اسم ماما وبابا ومن اكله اهلج ميتين ادكلي اي بس ذول عمي ومرت عمي واغلس وشكيت بالوضع
لحدما البارحهة وانا بالدوام وصلتني رسالة من رقم مكتوب بيها
السلام عليكم شلونك اخي اني من كرايب زوجتك غفران الله شاهد لا اخرب بيوت ولا كرهه ولا شي بس هذا اللي جاي يصير حرام وماكدر اسكت عن هذا الشي ، غفران اهلها عايشين امها وابوها لكن غفران اخذتك عن طمع وبتشجيع اهلها علمود يعيشون غفران مو يتيمة وغفران موحبًا بيك حبًا برتبتك واملاكك وفلوسك وعيشتكم ومنصبكم
انصدمت من الرسالة ورجعت واجهت غفران بالرسالة صدمتني من كالت
غفران :اي اني اهلي عايشين واني اخذتك عن طمع بس هسه الله شاهد اني احبك واقبل اعيش وياك بخيمة
تقريبًا نفس الكلام انا ينضحك علية بهيج شي !!
علي:زين انتَ ماشفت الاسماء
صهُيب:ههه مغيرين كلشي بالكامل اسم امها الحقيقي فاطمة وهنا غير اسم وابوها مصطفى وهنا غير اسم وكلشي متغير بالكامل حتى العمر
الجد:والله سالفة ماتسولف مصيبة
اسر:شراح تسوي
صهُيب:اطلكها وانعل ابوها لابو الجابها
مرح :يعني هي ورا سالفة السحر اكيد
صهُيب:ياسحر؟
مرح : ريم مسويلها سحر
الشيخ :عوفها لا اطلكها هسة اتركها وبعدين طلك
صهُيب:ليش
الشيخ:سوي هيج وبعدين تعرف ليش
بليل رجعت للبيت ريم نايمة خفت اكعدها وترجع تتعب مرت اربع ايام وكذلك رجعنا يم بيت جدو احنه البنات كاعدين فوك والبقية جوا
وردة :اشتاقيت لريم السززز
نور:كلنااا تعبنااا الله لا يوفق اللسزسوا بيها هيج
فزينا على صوت عالي
فرح:دخيلج بالزهرة كومن ولجن
نزلنا لجوا صهُيب وغفران سحلها من ملابسها شمرها بالكاع ونزل عليها دك كتل بالف ياعلي بعدوا صهُيب عن غفران رغم هذا ماكدرنا لا اني ولا شهد نلزم نفسنا ومنضحك
كانت مخليهه مكياج فـ من ضربها وبچت الكحلة وصلت لخدودها والحمرة صارت مدري شنو والكفشة فـ ضحكنا
الشيخ:عوووف البنية تخبلتتت شبيككك
صهُيب:اييي تخبلت بنت الزمااال ولييي لهلج دقيقة ماتضلين هنا
ابو فهد :ولك شمسوية
صهُيب:كول شمامسوية هيَ اللي مسوية سحر لريم بنت الحيوان
ام جاسر :ليش يمه ليش شمسويتلج وتأذينها هيج وتوصلينها للموت
غفران :تستاهل اي اي تستاهل بشنو احسن مني حتى يحبها ومايحبني بشنووو
مرح :بكلشييي احسن منجج يااحقيررةةة بكلشي ماتوصلين اضفررر ريممم جلبةةة
الجدة:ريم شنهي دخلها وتسوين هذا الصخام من الله يصخم وجهج كون شحصلتي هسه لغسل كون
ابو جاسر :كبل لا اطلكها خلي تبطل السحر
غفران :ما ابطل السحر لو مدري شيصيرررر
صهُيب:وخر عني خل اكوم افرك حلكها بعد اكثر
اسيد:اكعد مو أنچلبت عاد
اخير شي اعترفت غفران انُ مسوية السحر هي واخوها مشتركين بيَ ومرشوش بيت جدي وبيتنا
جاسر:لبيتنا شلون وصل
غفران : من اجيتكم رشيتهه اني
الجدة:رشوج بنار جهنم يالماتستحين
صهُيب:اخذها اشمرها لهلها ورقة طلاكج توصلج وفلس احمر ما تشوفين انا الج
طلكها صهُيب واخذها اسد
الشيخ:كول لابوها باجر احنه يمكم والنا حجي وياكم
اسد:ماشي كومي يلا
راحت غفران ومر أسبوعين من شيخ لشيخ ومن سيد لسيدد لحد ما انفكك السحررر عن ريم بعد معاناة وحيل تعبتتت لدرجة ضلت نوم متكدر تنام والمغرب تضل تبچي وتختنكك اذا تروح لبيت عمي ابو شاهين مبيها شي بس بيتنا وبيت جدو تختنكك ضلت يم عمي ابو شاهين لحد ما رجعت طبيعية وانتهى السحر .
...........
قمر : على صوت غياث طلع غيث فقط
غيث :شكو شبيهم ذول
قمر:ماادري يمكن ضربهااا
طلعوا ورا مهيمن ومهيب
مهيب:ولكككك غيااااث
ام مهيب:شبيهم شجاهم
رنا :والله مدري هو يصرخ وهي تصرخ
نزلت صابرين تركض بدون حجاب وتبچي احتمت ورا مهيمن وماما وغياث نزل تيلفونها بيده وعصبي حيل
مهيمن:كافي شبيك عوف المراة شبيها شمسوية وادم عدنا شبيك
غياث :لكككك بنتتت الزماااال على فراشيييي وتخونيييي
مهيب:اهداء عيب خطار عدنا انجب واسكت وخل نفتهم
صابرين :اني ممسوية ممسوية شي
غياث :لاااا تجذبيينننن قيسسسس منووووو
طلع جدو على صوتهم وصاح على غياث كعدوا كلهم
غياث : من يوم زواجنا انا ما مرتاح وياها أبدًا لا تتعامل وياي عدل ولا عدها أسلوب
اجي من الدوام تكلب وجها عليه كلمة كواك الله الله يساعدك ما اسمعها
اليوم اجيت من المختبر ولكيتها نايمة وكل مرة اضغط على نفسي واتناسى الماضي في سبيل انُ ما اغثها
نمت وكعدت وهيَ بعدهي نايمة كاعد اللعب بالتيلفون وسمعت تيلفونها يدك ورسائل غلست لان ابد ما اللزم تيلفونها ولا ادور بيَ
صابرين :حبيبي اموت عليك اعشكك اني
ابتسمت على كلامها وهيَ نايمة كُل عقلي تقصدني لكن صدمتني من كالت
صابرين :قيس والله العظيم احبك
ماعرف الله راد يكشفها الي او شنو بالضبط سحلتها من شعرها
غياث :منوووو قيسسسس ولجججج
صابرين :شبيكككك عوفونييي
كل هذا تيلفونها ماسكت اخذته والرسائل والحب انواع واشكال وكاتب اخير شي
ها يروحي وينج
نايمة شنو
شوكت تجين لـ اهلج علمود اشوفج
هذا الثور اللي عندج اجه شنو
تخوني بنت الزمال ومن لزمتها شردت وهاي هي كبالكم
ابو مهيب :ليش بابا هيج
صابرين :ما احبه مو كوه اني من البداية ما اريدة
مهيب:ليش وافقتي
صابرين :امي قنعتني وجنت زعلانة على قيس وردت انتقم منه وهيج سويت
غياث :هيج مراة انا ما تشرفني ولا اتشرف تكونين مرتي او اذكر انُ كنتِ مرتي بيوم من الايام تلمين غراضج والله وياج ورقة طلاكج توصلج والغايب تاخذينه وخرا بهيج نسوان
صعد فوگ والبقية طلعوا وهيَ اخذت غراضها وخابرت اخوها وراحت
رنا :يمه شنو هاي
رياهم :قبل كم يوم صهُيب واليوم غياث وكُل واحد قصتة تختلف شي ميتصدك
قمر:هيَ صابرين من البداية مچلوبة من كثرت روحاتها لهلها وكعداتها بالغرفة
رنا :معلينا بيها بعد الله يستر عليها
ورا كم يوم رسميًا غياث طلك صابرين وانسد الموضوع وانتهى كُلشي ورفض رفضًا قاطع انُ ينفتح موضوع الزواج مرة ثانية
وهيج مرت الايام بكُل هدوء علي بعد لا شفتة ولا حتى راسلتة او هوَ راسل
بس اشوف الستوريات بالشهر مرة يذبلة ستوري ادري قحط
رحت يم البنات بالبستان فـ سئلت شهد على علي كالت التحق وكال هالمرة اطول يلا انزل حددوا عرس غزل وهوَ ما حضر يعني لا حضر الخطوبة ولا حضر الحنه بيوم العرس غزل ضلت تبچي لان ماحضر
غزل :لا خطوبة ولا عرس شلون حظ هذا
عسل:ميخالف يروحي شبيدة هوَ غير دوامة ومجبور
غزل: شلون دوام
مسكتتت ابددد وضلت تبچي راحت لصالون ورجعت هيَ تبچي قبل لا تجي الزفة بساعة تقريبًا كاعدين احنه يم غزل تسكت شوية وتبچي.شوية حتى ماضل النا واهس نركص او شي
الجدة :خايبه يمه اليشوفج يكول مغصوبج شجاج اخيج ان شاء الله ينزل شيسوي مابيدة شي
بهاي الأثناء اجانه صوتة
علي:السلام عليكم
محد كان غريب رفعت راسي كان لابس عسكري ومبتسم قيافة عسكرية كاملة صاير يجننن
غزل:ياروحي
علي:هههه يابعد هاي وهاي
غزل:عبالي مراح تجي
علي:تركت دوامي واجيت وكالوا اخيتك تبچي هههه شجاج يبعد عيوني
غزل:عبالي مثل الخطوبة مراح تجي انقهرت لا خطوبة ولا عرس تحضر
علي: حقج بويه والف مبروك شايفة كُل الخير
غزل:يوم الك ونفرح بيك
علي: ان شاء الله
طلع من جيبة كلادة ذهب
علي: مو هديتج الج غيرها بس عجبتني وجبتها الج ديري بالج على نفسج وعلى بيتج ورجلج وعيالج وصيري مراة ام بيت وغضب ماراح يقصر وياج بشي واحنه اخوانج موجودين عيونة الج شتحتاجين لايردج شي وإذا احد ضوجج بس كولي وماعليج بأحد وعيالج احسبيهم اهلج
غزل: تجننن ربي لا يحرمني منك
علي:ولا منج
اندار سلم على عماتهه لان جانن موجودات
جنات :مانشوفك شنو السالفة
علي:والله ياعمه مالحك دوامي ماخذ كل وكتي وصار فترة ما جاي لناصرية
جنات متزوجة بالناصرية وجنة بصلاح الدين يعني بعيدات عليهم
جنة: دير بالك على نفسك والله ذيج المناطق خطرة ياعمه
علي:الله الحافظ واجبي هذا
احنه واكفين على جهه كلنا البنات التفت علينا وابتسم
علي:شلونجن بنات
ردينا عليَ ومن بعدهي اترخص وطلع وقبل لا يطلع كال لـ غزل
علي:مثل ما وصيتج ودموعج لا تنزلينهن بعد عيونج الحلوة مايصير يبچن
ابتسمت غزل وهوَ طلع وراها اجت الزفة وراحت غزل لبيت زوجها وانتهى العرس على خير
طلعت للبستان كعدت وحدي كان اكو نهر او شط يعني هوَ جبير وبستان فـ كعدت كان محد موجود وهدوء فززني صوت من ورا
علي:تتمشى بالبستان بت النجيبة
سوت شخط بالكاع طرف الكصيبة
لابس دشداشة سودة وبيده سبحة ومنتچي على الشجرة ومبتسم
قمر :انتَ من شوكت هنا
علي: من زماان
قمر:مراقبني
علي: نوعًا ما
سكتتت محجيت شي تقدم عليه وكال
علي: عيونج طب عرب حبوبتي ادكلي
قمر :خليني اروح تأخرت
علي: ضلي يمي شعندج رايحة
قمر:علي وخر لا يشوفنا احد خل اروح
علي: بعد احسن خل يشوفنا
كنت فرحانة بس بنفس الوقت خايفة لا يشوفنا احد او يصير شي حتى مااعرف شنو ارد عليَ
سَحر:هههههه والله الا احط التصوير بيد لابوج !!!!!
شكرا لزيارتكم عالم روايات سكيرهوم
