رواية نارا حيدره الفصل الواحد والعشرون بقلم نمارق رحيم
وخاطري الكُلش عَزيز بكلمة منك ينجبر
..
لبسني الذهب أحساس كُلش حلو تمنيته ما يزول وأبتسامتي ما غابت ولا لحظة من وچهي .. دقايق قليلة وعمتي گالت اله بوسها صارت حلالك داده ..
مسح لحيته بحركة سريعة ولزم ايدي عصرها وباوعلي بنظرات خاطفة وتقرب مني طبع بوسة على خدي بهدوء وأبتعد ..
راد گلبي يخرج من مكانة بسبب بوسته كل جسمي رجف وضليت مدنگه ما رفعت راسي من الخجل الي اتملكني ..
خلونه لوحدنه بغرفة وطلعوا أرتبكت وبقيت ساكتة خجلانة من قربة ومن فستاني القصير الفاضح جسمي كل شوي اعدله من ناحية الصدر وأرفعة وچهي أحمر من الخجل..
گعد يمي كلش ولزم ايديه أثنيهم باوعلي بأبتسامة وهمس بأذني بنبره بيها بحه وحنيه..
حيدرة :- صرتي حلالي
باوعتله بأبتسامة خجولة وضليت ساكتة ما جاوبتة أبتعد ورفع راسي من حنچي وگال بهدوء..
-ناردين..
جاوبته برجفه وبكلمات متقاطعة:- ها ياعيونها..
حيدرة:- سالمات بويه
-يسلمك الباري إليه..
-مممم شو باوعيلي
ضليت مدنگه اطگطگ بأصابيعي تالي رفع راسي وباسني بخدي ..
-ها لا تموعين جوه ايدي ادري بيچ ترفه..
ضليت أجر النفس گوه أحس الغرفة مابيها هوى مدري الخجل عماني وگطع النفس مني
گلتله بتوتر:- أي احچي شنو ردت مني..
أبتسم وجاوبني:- جري نفس بالأول وصلي على نبيچ..
-اللهم صل علي محمد وال محمد
-هههههه أفدي الخجلان أنا من شوكت ناردين تخجل ما أدري بهالصفة وعلي..
-ليش شگالولك مو أنثى وأخجل..
-عمي منو يگدر على لسانچ..
-ليش لايكون ما عاجبك..
-لا يابه عاجبني شلون چا..
سكتنه أثنينه دقايق وهو صافن علية وأيده صارت تتجول على شعري وتتلمسه صار صوت نبضات گلبي تنسمع بحركاته..
تالي تحمحم وگال:- قبل كل شي أريد احچيلچ اإي عندي اعرفي من هسة..
-تمام اسمعك..
-شوفي ناردين يابة الله بالخير من اليوم صرتي تخصيني مسؤوليتي أنا وبس كل شي يخصچ لازم يكون الي علم بي
من اليوم صرتي خطيبتي على شرع الله ورسوله وگدام الناس الكريمة الكل عرف عقدت عليچ أقاربي وأصدقائي
ما اگلچ رح اتحكم بيچ لو اتٲمر عليچ وأفرض قرارات جديدة وأتشرط لا بوية بس كل طلعة وطبه لازم عندي علم بيها واصغر تفاصيل عنچ اعرفها لأجل حمايتچ وما تتعرضين بخطر وأي شي تتعرضين اله حتى لو تحسينه تافه وما يسوى ينگال تعاليلي وگولي اليه متفقين لهنا ؟
-تمام مو مشكلة اصلاً افرح من تبدي تسألني وين رحت وين اجيت أني أحب الأهتمام ..
تنهد وجر نفس طويل :- المهم يابه عندچ شي تگولينه ؟ احچي لا تستحين لا تخلين خجل بعلاقتنه ..
-لا ما عندي والله..
-مممم تمام چَا متفقين يلا بويه طالع أنا..
-بس مو ما بقيت هواي ؟
-بعدين اجي تشبعين مني وتملين وداعة عيونچ الحلوة..
-ههههههه تمام
-يلا سلميلي علئ الجماعة وبالچ علئ نفسچ ماشي ؟ مع السلامة ..
-تمام صار ربي يسلمك الله وياك ..
حيدرة: گمت وطلعت من الديوان سلمت علئ الولد وطلعت بره البيت ..
ركبت سيارتي واخذت راحتي بالصفنات والتنهدات . .
أول مره احس نفسي ضعيف گدامها أو بالأحرى اليوم حسيت بهالشي من المسافة القريبة بيني وبينها والجمال الگاعد يمي گوه لزمت نفسي عنها وما اتقربت..
جريت نفس طوويل.. اااخ يا ناردين يانار الما تطفه من صدري..
شلون راح تگدر تميز الصح من الخطٲ وأنا سيد الخطٲ بحياتها..
أنتبهت على موبايلي يدگ الأتصال صامت فركت راسي وضغطت رد مباشرةً..
-هلا عثمان
- هلاا ، ال ٲسسد خابرتك لحتئ اگلك الي ردته تم وصار .
-كفوو والله عاشت ايدك تمام حبيبي نلتقي بمكان تواجدهم..
-صار أي أوامر ثانية ؟..
-حالياً لا من تبدي خطه جيم ادزلك أمر ابقى متواجد على أي ساعة اخابرك ..
-حاضر ان شاءالله
-زين عثمان يلا دير بالك وفتح عيونك عشرة عشرة ما اوصيك بعد ؟؟
-أكييد لا توصي حريص يلا في أمان الله..
-اعرفك ذيب وما ينخاف عليك الله وياك..
غلقت الاتصال واندگ الباب شمرت الموبايل ورفعت الجامة..
حسن:- ها خياي وينك شجاي تسوي؟؟..
-چنت أخابر ليش صاير شي؟؟..
حسن:- لا بس لا تتأخر عيب من سالار وعمامه واكفين منتظرينك وظل بالهم عبالهم رحت..
- اهاا اسمعني حساني ما اگدر اظل اكثر رح احچي وي سالار واگله اريد اروح اعذرني عندي شغل مهم لأن فعلاً عندي طلعه ما يصير اتأخر عليها وعلي الموعد الثابت أنت ابقى وي طيبة اجي عليكم بليل تمام ؟ ..
حسن :- أهاا هيچ السالفة ماشي توكل الله وياك..
سلمت على سالار وبلغته گال اخذ راحتك رجعت ركبت سيارتي انطلقت متوجه لبيتي دخلت وصعدت لغرفتي ..
فتحت الخزنة علئ بصمة ايدي ..طلعت الملفات البنفسجية لازم اسلمهن لرائد ..
غيرت دشداشتي الئ بنطرون وسترة
...فتحت المجر طلعت المسدس خليته علئ خصري ..
طلعت امشي علئ سريع ركبت سيارتي وسقتها بسرعة منطلق لمكان تواجدهم ...الحثاله
...
ناردين
بعد ما عافني وراح طلع خلاني بدوامة اشبه بمتاهة وتفكير عميق بين گلبي وعقلي تهت..
دخلن نرجس ونبراس وعماتي البقية .. عفتهن وگمت صعدت بقيت گاعدة بالغرفة وحدي لحدما مسحت المكياج وبدلت ملابسي
تمددت وأني صافنة علئ ايدي المتزينه بالحلقة واسمه المنقوش عليها بلمعان "حيدرة"..أبتسمت وأني أتأملها ..
خواتي اجن للغرفه بدلن ويسألني شبيه وشنو صار بيناتكم وشنو حچيتوا واجاوبهن ببرود:- ماصار شي والله كلام عادي بين أي أثنين مخطوبين جدد ..
عماتي بعد ماتعشن راحن والكل راح ماباتو .. وطيبة بقت گاعده تنتظر حيدرة وتسولف وي نور.. وبالنسبة لنرجس بقت عدنه لأن زوجها ما اجه عليها وباتت عدنه
بقينه ننظف بالصالة ونشيل بالبطالة المي الفارغة والكلينكس والچكليت المشمر ونغسل بالمواعين العشه طاح حظنه بين قوسين..
دخلت للمطبخ بعد ماكملنه تنظيف وكلشي گعدت اتعشه وياهن..
دخل سالار وهو يصيح :- گالو اليوم الگمر انخطب للشمس القاسي هههههههههههههه
ما رديت گلت الحمدلله وگمت من السفرة ..
سالار :- ليش گمتي ما اكلتي شي وانتي تعبانة اليوم كله احچي وياچ شبيچ مصفنه احسچ ضايجة ؟؟
- ها مابيه شي لا يظل بالك
-چذابه اعرفچ من عيونچ عليه هالسوالف؟ احچي شبيچ شنو مضوجچ حيدرة ؟ سمعتي كلمة موحلوة من الموجودين؟.. احچي وأنا اخوچ..
-لا والله بالعكس كلهم فرحانين على فرحتي بس سالار ..
-ياعيون سالار وروح اخوچ گوليلي..
-مشتاقه لأبويه
حچيت بخنگه ودموعي نزلن على وچهي تنهد وجر نفس بصعوبة..
سالار :- الله يعلم بيه شگد متعذب بموته مشتاقله بگد السمه ابوي لحظة وحده مانسانه شلون ننساه مستحيل اصلاً خليها علئ الله الوجع والقهر البگلبي ماينسولف ياناردين..
بچيت وفتح ايديه گالي تعالي لحضني جرني من الكرسي ولمني لحضنه ..
-شششش لا تبچين ولچ اني ابوچ واخوچ وصديقچ وكلشي ترديني اصيرلچ انتي موكلتي مشتاقه لابوي ؟ هاچ هياتني اگبالچ ابقي حاضنتني لحدما ترتاحين
أبتسمت ومسحت دموعي بعدت عنه تالي صار يضحكني يحاول يطلعني من الجو الي اني بي
- ام اعطوب اليوم طالعه تخبلين والله فرحتلچ اكثر من حويدر هههههههههههه الله يقدرني واسويلچ زفه من هاي التمام زفه بغداديه علئ اصلها ازفچ بيدي لحيدرتچ هههههههههههه
- عابت هسه ليش تضحك صدگ طالعة حلوة؟
-ويا جمال بعد جمال ناردينتي ينذكر؟ طالعة تشگين وعلي..
-لا تخليني أنغر ههههه..
-يلوگ الغرور لهل سمار بوياي..
- فدوا اروحلك ياروحي صدگ سالار هو حيدرة وين راح؟..
-عنده شغل وهسه يرجع ياخذ اخته وحسن..
-ااهاا ماشي لعد..
-يلاا رايح اولي فوگ وانتي ابقي اخذيلچ صفنات ريلاكسيه على گولتچ وجري حسرات صفني وبصفنتچ اتذكري وجهة الحبيب الغالي ورح تضحكين وكل الهم يروح صدگيني جربي وشوفي..
-ننننن هذا بسمار هههههه ولي روووح..
طلع من المطبخ وطيبة كاعدة علئ الدرج هيه ونور دايسولفن صارت بوجهه ،دنگ راسه وصار علئ صفحه ،كاكت وراح صعد علئ السريع مرتبك وهيه خدودها صارن حمر
بقيت اضحك عليهم ،،وعلئ شكل طيبة صارت طماطه
اندك الباب عرفته اجه من دگته للباب مميزة..
وحسن ومصطفئ كاعدين بالديوانية يلعبون بليستيشن واصواتهم عاليه يضحكون وحسن ينصب علئ مصيطف وهذا يصيح ،،والباب ماسمعو
طلعت للطرمه باوعت من الزروف حيدرة واگف منتظر عدلت شعري وفتحتله الباب..
دخل وهو يگول :- السلام عليكم يابه..
-هلو بيك تفضل..
باوعلي وسحبني من ايدي وگال:- شكوو شبيچ
-شنو شبيه مابيه..
-لابيچ شيء والله شنو باچيه ؟
-لا متوهم
-چا عيونچ شبيهن حمر ؟
-هيچ من الله
-ها هيج صارت والنعم بالله زييين امشي ادخلي
-لا تنتر..
-وعلي تعبان وطاح حظي اليوم لود وشغل هالكثر لا تزوديها عليه..
-هو حظك طايح من زمان
-لا الله وكيلچ من عرفتچ
-تلونت حياتك غير
- بالاسود
- سيد الالوان
-بالطيحان الحظ
باوعتله ببرود وسكتت..
حيدرة:- يمعود حسن يلااا تعااال لك مستعجل
-ليش مستعجل؟ ها وين رايح؟..
-ليش مهتمة
تعصبت وگلت:- ترا خطيبتك
ابتسم وغمزلي..
-منو المزعل الحلوة ومضوجها ؟..
-ماكو..
-لا انا متأكد اكو شي سمعتي كلام موحلو؟
-لا
-چَا؟..
-اشتاقيت لأبوي اليوم حسيت بوحشه وتمنيته وياي ويشاركني احلى لحظات عمري بچيت ولذلك صارت عيوني مورمه وحمرة..
تنهد وگال:- الله يرحمه ويصبر گلبچ اهديله سورة على روحه وأستغفريله هو وياچ بكل مكان ما يفارگ عزيزة روحه وبنته
جريت نفس گوه وجاوبته وأني أهز راسي.. ان شاءالله امين
صاح ...لك حسساني ديلاا وين صرت يمعوود ويننك خوما نمت اجيبلك مخاد لراسك لمربع
حسن :- براس الشارع اجييت عليش يااابه تصيح
-امشي ولك عندي شغل والله اركب يلا طيبة وينها ؟
اجه سالار كاله حيدرا صيح لاختي بلا امر عليك
راح يصيحلها ..وحسن طلع من البيت
بقينه واكفين وهو ايده على خده گالي لا تضوجين وتنقهرين القهر ما يرهم لجمال عيونچ..
هزيت راسي وطلعت مني ابتسامة گالي ديري بالج على نفسج وطلعوا بعدما اجت طيبة ركبوا بالسيارة وراحوا..
...
مرت خمس ايام واني گاعدة بالبيت ونرجس بقت عدنه لان تريد تروح ويانه للنجف نزور ابوي وسالار باقي بالبيت يمنه
اندگ الباب الظهر جان تدخل امي وخوالي الثنين ..
گالوا لسالار هيه تريد ترجع لبناتها وبعد ما تجبرهم علئ شي وسدو السالفة
سالار ماقبل وطردها بس خالي حلفه بداعة ابوي خل تبقى وبدون مشاكل ودوخه راس ..
وهيه دخلت وگعدت نزعت عبايتها وراحت لغرفتها ولا عبالك مسويه شي وطبيعي الوضع عدها..
ثاني يوم رحنه كلنه اني وخواتي وعماتي للنجف وراحت امي ويانه..
رحنه للمقبرة ولو بعد شهر ونص علئ سنوية ابوي بس احنه اتفقنه انروح انزور قبرة براس السنه ونبدي سنه جديدة وياا وهم خواتي طاگ گلبهن عليه وما صبرن للسنوية ..
رشيت مي ورد علئ قبرة وخليت بخور وسورة البصرة مشتغله صوت القارى حلو وهادئ..
سالار زارع يم القبر ورد وحشيش اخضر ومكان نضيف والهوى دافي ..
شمرت روحي على قبرة وحضنته بأثنين ايديه خليت راسي علئ القبر واحس مخليته على صدرة ودا يسمعني
صرت اشكيله وبنفس الوقت اسولفله على خطوبتي واني اگول بهمس- بابا حبيبي انخطبت بنتك انخطبت لشخص التحبه واتمنته بابا ردتك وياي بهيج يوم مهم انت چنت تتمنى هلشي وفرحت من دريت احبه وفرحت من قريت الفاتحه بابا لوما متت بهذاك اليوم چان هسه انت يمنه ليش عفتنه ورحتت باباا والله الدنيا بدونك ماتسوى وبدون صوتك وعيونك وحنانك بابا مشتاقتلك هواي هواااي
بچيت واجن خواتي يبجن يم راسي وعماتي ينعن بصوت واطئ..
قريت سورة يس وبست قبرة وشغلت بخور ..
التفتت الكل اهنا موجود بس امي قرتله الفاتحة بسرعة وبچت شوي ورجعت گعدت بسيارة ما طولت دقايق ..
استغربت منها ،هزيت راسي .. هه شتوقع منها !
زرنه الامام علي عليه السلام وگعدنه بالكوفة نتغده وسط الناس والعوائل ثاني يوم طلعنه لكربلاء زرنه وبقينه يومين ورجعنه لبغداد
مرت فترة ما نحچي ويا امي واحنه النطبخ ونضف وهيه تطبخ لنفسها ومعليها بينه..
بس وياا نور تحجي وياها علئ رغم نور ضايجة وزعلانة منها حييل وما تحچي وياها ..
وحتئ مصطفى وسالار مبتعدين عنها ملتهين بدراستهم..
الكلية ما جاي اداوم حتى نبراس گاعدين بالبيت والهدوء قااتل ..
گلت اگول لسالار خاف لا انفصل ونوب ما يخلوني اداوم وتعالي عيدي من جديد ..
صعدت لغرفته وكلتله اريد ارجع اداوم صارلي اكثر من ثلاث اسابيع ما رايحة للجامعة ..
سالار :- ولكعبه ناسي وملتهي بشغلي ناسي هلموضوع اي ارجعي وابدي داومي من باجر
-خاف يفصلوني
-لا لاتاخافين داومي ومعليج هسه اخابر ابو الخط يجي عليجن باجر واروح وياج احجي وياهم وافهمهم وضعنه
-ماشي ان شاءالله يلا تصبح علئ خير
- وانتي من اهله حبيبتي..
طلعت والملل كاتلني ما اعرف شسوي الموبايل چان موجود علئ شحن اخذته وفتحت الفيس تمددت وضليت اتصفح ماكو شي حلو لو خبر بي حظ يفرحني ويغير جوي
تالي بحثت علئ صفحة حيدرة طلعتلي اول وحدة بسرعة.. اخ هذا يطلعلي بالمقترح وين ما اروح ..
لا لا ما اراسله هو ما بادر ما سئل عني خطبني وكال مع السلامة ليش اراسل..
رجعت علئ صفحه ماتحملت الشوگ چان قاتل .. بقيت صافنة بالكيبورد وايدي تكتب وتمسح..
شگد حلوو لو يراسلني ويگلي شلونچ ياحظي مشاقلج بس هو وين يعرف يراسل ملتهي يفكر ويروح لعيادته وشغل وكذااا..
گلت خلي اراسله بدون ما اگوله أني ناردين والي يريد يصير خلي يصير اشوف شنو يرد عليه..
دزيتله مسج:- السلام عليكم
ما فتح الرسالة مع إن هو فاتح نت ومتصل
رجعت كتبتله - هلو يلثگيل..
شاف الرسالة تالي ورا دقايق منتظرته يلا رد ..
-اهلين
رديت :- شلونك يلمحترم..
دز - زين الحمدلله وانتي ؟
عزه بعينه هذا ماخذ راحته يحچي وياا بنات ويسئل علئ حوالهن بسيطة..
-بخير من رديت ياحلو نتعرف ؟ ..
جان يدز - تعاي اتصال
گال هيج وعيوني صارن بكصتي يحچي صدگ لو يشاقة ما توقعتها منه!..
تالي دز - وين طمستي ناردين
اتفاجئت وي صخام بعينج يا ناردين شلوون عرفني شنو هذا جني خوما جني ..
-وينچ ماتردين ؟ أدري بيچ يا خبله
تالي هو اتصل گلت خلي ارد بعد انكشفت ما يفيد ..
رديت - هاا نعم..
رد وهو خربان ضحك :-هاا ولج موتيني ضحك قسم بالله وعلي ونوب مسميه حسابها (عنيدة وكلامي مااعيدة) خرررب يومج
-هاي شلوون عرفتني هاي اني..
-من ياحلو هههههههههههه
-جذااب عوف الشقه جديات شلون عرفتني
-سر المهنه يابه
-خوش يلا بيباي اترخص
-تعاي ها سالمين وين رايحة
-شدخلك
-اكلي تبن
-ماشي
-بالعافية
-اشكرك ما تقصر
-واجبي هذا
- الله يوجبك
-جاوبيني شعندج مراسله عندچ حسااب علئ فيس من يمتى بويه وما گايلتلي ؟
-اووو من سنة
-عفيه واني اخر من يعلم بهالحساب ليش ما گلتي بأول ثلث أيام الخطوبة..
وبعدين تعالي شنو هاي يسموها مراسلتني وعود انتي غير وحده شنو جاي تختبريني ست ناردين
-اي يجوز تخوني
طكها ضحكه قوية طرشت طبل اذني
حيدرة :- الله بالخير شهلحچي خو ماكو شي ..اخونج؟ متحلمه خاف ؟
-لا تخون خالتي الشگره..
-ناردين ما أحب الشقه الماصخ..
-اي اخليلك ملح؟
-كلچ ذووق غير
-اصدمك بأذواقي
-من اختاريتيني عرفت ذوقج حلو هممم..
-لاتنغر يلمحترم يلدكتور..
- هههههه لايابه ليش انغر يلا مشغول هسه بعدين احجي وياج ونسولف ماشي
-اي خاف ازعجتك
جاوبني بنبره متعمد يستفرني ويشوف عصبيتي ..
-اي والله جاي اشتغل وانتي خابرتي عطلتيني..
-مع السلامة سلملي على شغلك ياابو شركات..
ضحكت وسديته منها أحب أشاقيها وأشوف عصبيتها وخبالها رجعت اشتغل علئ لابتوب وأشرب چاي..
ربع ساعة ورن موبايلي عبالي رجعت ناردين دگت فما جاوبت..
تالي لح هلأتصال رفعت الموبايل شفته رقم مجهول اتفاجئت..
رديت باستغراب - الو يابه خير منو؟..
عبد الرحمن :- انتظر باجر حبيبي وشوف الاميرة خطيبتك شنو رح يصير بيها الا اكسرها ومااخليك تتهنئ بيها وشوف ،اذا مان*** اني واصدقائي عليها وناخذ شرفك بسيططة واذا انت رجال تعال وخلصها منها وانقذها اذا انت كفو
شمرت الكلاص وگمت من مكاني هذا عبدالرحمن ايا كلب جاوبته بحدة وكل اعصابي تلفت..
-ابن الگوا* * ابتعد من ناردين لا يكون موتك على ايدي لا تلعب بذيلك ياكلب والكائنات الحية اذا تحاول تخطفها لو تلمس شعره منها وعلي انسيك حليب امك يا* ***
عبد الرحمن :- انشوف يلا دي
سده بوچهي رگعت الموبايل بالحايط تفلش ماظل عقل براسي لزمني من ايد التوجعني..
لا اگدر اروح الها لان انا مو بـبغداد وعندي شغل لازم يتنفذ باچر لااازم !! ما اگدر اروح واعوفه بدون ما منفذه ..
ولا انا الاگدر اتصل على سالار لو حسن من خطي هذا او ابلغ ناردين ! يالله ما ناقصني الي بيه مكفيني!! شنو من كااارثه هاي منين اجتلي ما چنت حاسب
ثاني يوم گعدنه متٲخرات بـ7 ..والسايق يدگ هورن مالحگنه بسرعة لبسنة لفيت شعري شلون ماچان حتئ نسينه نأخذ الجنطة ،ركبنه بالسيارة
وصلنه ورحت لكليتي لقسمي دخلت بالقاعة وچان الأستاذ دا يشرح عزه صخام بس لا يطردني!!
دگيت الباب بهدوء ودخلت وأني لازمة الملازم وعيني بعينه والطلاب تباوعلي ..
-مرحبا أستاذ عادي ادخل وأعتذر هواي لأن اتأخرت بس ساعتي غلط عبالي بعد وقت للمحاضرة
عاف القلم وجاوبني: أنتي ناردين ؟
هزيت راسي بـ أي وگلتله:- نعم أستاذ
رد بنتر:- وحضرتج شكو اجيتي مو صار اكثر من ثلاث أسابيع وانتي ما مداومه ؟ دزينه تبليغ وكذلك ما داومتي وكل المحاضرات ما حضرتيهن ست ناردين !!
-أعتذر استاذ بس ضرووف والله
- ماكو لا ضروف ولا غيرها روحي وجهج كبل للعميد يلا
همست بگلبي هسه هذا شلون بي يا ربي نوب فشله رزلني گدامهم .. طلعت من القاعة ورحت للعميد..
گلتله على الي صار وچانت عندي مشاكل عائلية وبعدها سنوية ابوية وما گدرت أجي
گال:-الله يرحمه
سمع بٲبوي وسكت ماحاسبني گال :- روحي لمحاضرتچ وگولي للأستاذ قادر يدخلچ تمام بنتي..
-شكرااا هوااااي..
رحت بأنتصار وأبتسامتي شاگه حلگي دخلت حضرت محاضرتين وبالأستراحة بقيت گاعدة اخذت محاضرات مال أيام الفاتت من طالبة وياي
گلت بلكت ادرسهن بالبيت والحگ لأن أمتحانات الفاينل قربت
طلعت من خلص الدوام..السايق أنتظره عشر دقايق يلا يجي ..
وگفت بالباب دخوليه التفتت يمنى ويسرى خاف جاي محمد السايق وما أنتبه على سيارتة ..
تالي حسيت بأيد انخلت علئ چتفي انگمزت التفتت والگا ولد وهو يگول :- انتي ناردين ؟؟
أستغربت أبتعدت عنه منين يعرف أسمي أول مرة اشوفه هذا هزيت راسي بمعنئ "ٲي".. وعطت بوجهة ..
- منو سمحلك تلزمني ومنوو أنت أصلاً شرايد؟؟؟
گال :- حيدرة يريدچ
صفنت بوجهة متفاجئة وما مصدگه كلامه:- شنووو ! منين تعرف حيدرا أنت ؟؟؟
- حيدرة گاعد بهذيچ السيارة وگالي صيحلها لناردين خلي تجي ضروري وأنا صديقة بالشغل
التفتت ورا فعلاً شفت سيارة الأشر عليها مصفوفه بالركن بعيدة عن المكان الواگفة بي ..
مشيت وصدگت بكلامة وهو يمشي وراي ويفرگ بشعره ...خفت خاف هذا ناصب عليه ؟ توقفت بمكاني وأباوعله بتوتر
گلتله:- شنوو يثبت صحة كلاامك ؟؟ رووح مني ما أجي ورااك
درت ظهري ومشيت تالي رجع صاح بيه وگفني وگال..
-ترا ما مضطر اچذب عليج قابل وين اعرفج اني وشعندي وياج واذا جذاب شلون عرفت أسمج وأسم خطيبج ترا واضحة وترا منتظرج من ساعتين هنا تخلصين دوامج وترحين وياه
خزرته وگلتله:-رووح مني لا ألم الناس عليك..
أشر على السيارة وگالي باوعي على الجامة وشوفي گاعد بالصدر منتظرج ..
التفت وباوعت شفته نزل الجامة وأشر علية بأيدة سوالي بحركة تعالي ..
راح الخوف مني وصدگت وگلت يعني فعلاً هذا حيدرة مو جذب أي اكيد حيدرة دزه لعد شلون عرف أسمي غير دزه عليه وهاي ايده يريدني اجي يمه
اطمئنت بس السؤال الدار ببالي هاي سيارة منو ؟ مو سيارتة هاي نيليه وسيارة حيدرة سودة اعرفها كلش زين بس نفس التصميم
وگفت يم الباب وفتحه إلية دنگت راسي
لحتى اشوف منو بالسيارة گاعد واتأكد قبلما اصعد ..
چان يدفعني وهذا إلي بسيارة جرني من ايدي قووي ودخلوني وسدو الباب صرخت بصدمة وجسمي كزبر حركوا السيارة وشخطوها بسرعة وأني مستمرة أصرخ وگلبي يدگ حييل..
-منووو أنتم ؟؟ عوفونييي الله ياخذكم ويين حيدرررا حيدررررا وينننه ياجذاابييين ياكلااب شترريدون مني احچووو؟؟؟..
گاعدة بالنص واثنين محاوطين ايديه من يمنه ويسرة ..واكو واحد بالصدر يسوق چان مخلي قناع وما عرفته منوو ومنو الدازهم عليه..
من صرخت حيل خلو سچين حادة علئ رگبتي راد گلبي يوگف بلحضتها وشهگت ودموعي نزلن..
واحد بيهم گالي:- بس كلمة وحدة اكص راسچ ولا صوووت فاااهمه ياحلوة صيري عاقلة وما نكتلچ ماشي؟؟..
ضليت ساكتة مخلوسه جسمي كلة يرجف ومقبوض گلبي بعدني مصدومة وابچي واتسأل نفسي منو هذولي؟ وليش گالو حيدرة يصيحلي؟ وين موديني!؟؟
علئ تفكيري والطريق الطويل ،توقفت السيارة
خلو لاصق علئ حلگي ونزلوني بــ منطقة
أول مرة اشوفها بــ بغداد!
منطقة شبة معدومة وخالية من الناس وبيوت عبالك صحراء قاحله بيها قليل زرع
دخلوني ببيت وصعدوني درج هلدرج نهايته باب ،دگو چان ينفتح وانصدمت
من شفت الفتحهه "عبد الرحمن" !!
انصدمت يعني هو الگلهم يخطفوني
ويجيبوني اهنا ايااا نذل
دخلوني لشقة وبيها ثلاث غرف وممر فتحو الباب ودخلوني شمروني وطلعو ريگي نشف وعيوني راحن خلصن من البچي
وخرت الاصق من حلگي وتوجعت ..گعدت ابچي يا ربي وين اني وين جابوني وهذا شيريد مني
بقيت الوم بروحي كلة مني صدگت بي وعبالي حيدرة صاحلي لوما رحت وسمعت كلامة چان حالي مو هيچ اخخخ عضيت ايدي وادگ راسي بالحايط
حتئ موبايلي ما عندياه ماجايبته لان مستعجلة من رحت للجامعة ونسيت حتى جنطتي
انفتح الباب ودخلن بنات اثنين ملابسهن تخزي ومشلحه حتى استحي اباوعلهن ويمشن عبالك مخدرات لو سكرانات ضليت أذكر ربي واباوعلهن بقرف ..
خفت حيل شيريدن مني هذن ..
شمرن علية سيت نوم مثل الابساته
و وحدة منهن گالتلي:- حبيبي يلا البسي بدون أعتراض أنتي جديدة توهم جابوچ فلا تخافين يلا استعجلي البسي هلسيت
صرخت بيهن بأشمئزاز :- شتريدن منيي ما البس شيء أنتم منو ويين جبتونيي شمسويتلكم وتخطفوني احجووو!!
تقربت وحده وگعدت يمي تباوعلي بتعجب ومدت ايدها على صدري دفعتها بقوة بعصبية وابتعدت عنهن
- الله على جسمج كُلش حلو حركتيني يموت صدگي نتونس وكلشي موجود تردين احنه لو ولد ؟
لعبت نفسي حيل من كلامها :-انتن شنووو من بناات أعوذ بالله منچن بعدن عنيي لا اموتجن
چان تجاوبها الثانيه :- لا الشباب يريدوها بس هم عدهم وحدة من يخلصون منها يجون عليها
كالت هيچ وصرخت بوجها :- حيوانات والله العظيم اكص ايده الي يلمسني روحن وخرن مني قذرررات وصخاااات جايفااات
دخل عبد الرحمن اشر الهن يطلعن وسدن الباب
انهديت بي واني اصيح بي بحرگه گلب:- ايا حيوان ياكلب ياسافل شسويتلك گول شسويتلك اني لأن رفضتك وما قبلت علئ زواج منك لان ما ردتك زوج الية لان ما ردت ارتبط بيك هيج سويت بيه وتخطفني لشقة قذره وبنات ساقطات بيها بنات ملهى لييش هييج سووويت لييش خطفتنيي الله ياخذك
عبد الرحمن :- ٲريد احرگ گلب حبيبچ وخطيبچ من خطفني وعذبني اسبوع كامل وبلكوه خلصت نفسي منه،وشردت منه وعاهدت روحي الا اكسرچ واغتصبچ حتى برتاح گلبي ويحترك گلبه
-حقير الله ياخذك حيوان حيدرة ما رح يخليك عايش اذا تتجرء تتقرب مني وتلمسني وربي يدفنك وانت عااايش الله ينتقم منك عدديم الرجولة شگالتلك روحك من جبتني هنا گلبك فارغ من ذكر رب العالمين وعبادته وقادك الشيطان
سكت وصار يفتح بدگم قميصه قطرة دم ما ضلت بجسمي كلشي بيه توقف عن النبض راد ينغمي عليه كل تفكيري راح يسوي الي يريده ويشمرني عيوني غوشن حاولت اسيطر واتوازن ضليت اخزره ومبتعده عنه حاضنه نفسي
بده يتقدم واني اغلط عليه واسبه
عبد الرحمن:- تدرين انتي حلوة كلش وجسمج يخبل هنيال حيدرة بيچ شلون صيده تدرين ما ردت اتزوجج بس اخطبج وانام وياچ وتالي اشمرج مثل بنات الملهى افرغ رغباتي وشهواتي واعوفج حالج حال البقية تعالي لحضني يلا انسي حبيبج انسيي..
اسمعه ولعبانة روحي منه ومن كلامة ومن كلشي حتى المكان الي اني بي صار يتلفظ بألفاظ وسخه وجريئة كشت روحي:- ياقذر الله ياخذك ويلعنك تحلمم تسوي الي تريده بيه سمعتنيي تحلممم
عبد الرحمن :- رايح شوي واجي وانتي هيئي نفسج مااتحمل اريدج بكل رغبه بيه
تفلت عليه وهو مااهتم وضحك وراح وصوت ضحكاته تتعالى صدگ حيوان وعديم الشرف والرجولة
كعدت بالكاع وسجدت لــ الله ، ببكاء :- يا الله انت سنداً من لا سنداً لهُ ،يالله ساعدني وانقذني ،،ياعلي فدواتك فدوه لأسمك ...
مر وقت واني گاعده وحدي سمعت صوت دگه الباب الرئيسي مال الشقة ..
وگفت بالباب الغرفة فتحته وبقيت بمكاني اباوعلهم خايفين وعبد الرحمن اسمعه يگول:- خاف هذولي همه ولكم اندلوا شقتنه خررررب ياگو* * نبهتكم تصيرون حذرين وما تخلون احد يشك بهالشقة ولكم شلون شنسوي هسة احجوو
وهذن يبچن واجن يمي دفعتهن بقذارة وبعدت منهن كاشه روحي كلش .. ما فتحو الباب وبقو يترجفون ..
تالي دقايق وسمعنه صوت عالي يگول بنبره حاده:- الموجودين بهالشقة اذا ما تفتحون الباب رح نكسره الكم مهله دقيقة فقط ورح احسب من هاللحظة
رجعت دخلت للغرفة بس خليت الباب مفتوح شوي واباوع الهم من فتحه صغيرة وايدي على گلبي يدگ حيل
بقو حايرين ما يعرفون شيسوون تالي صدگ لحظات وانكسر الباب قوووووي ودخلو رجال
مسلحين "الشرطة"..
فررحت حيل واني احمد ربي واشكرة ،مااعرف شلون اجوو واندلو الشقة ومنو كلهم بس مااهتمت اهم شيء اني مو وحدي
الحمدلله ااجوو الشرطة بالوقت المناسب وخلصت من عبد الرحمن! صدگ صارت معجزة الله دزهم ينقذوني وما اتوصخ بقذارتهم
تالي الصدمني حيدرة واگف وياهم!!
بس مو مثل لبسهم لابس بنطرون وقميص أسود بأسود ولازم مسدس بيده وجهة تعبان حيل وصاير احمر..
..شلوون عرف حيدرا اني اهنا؟ ،
شكلة يدور على فد شي يباوع بالغرف بحذر وعصبية والشرطة تصيح وحاصرت الشقة كلها وهذن يصيحن ويتبچبچن واني ما مفتهمه شنو دايصير ياربي شهگت وغمضت عيوني واردد اسماء الله بگلبي ..
فتحت الباب بسرعة طلعت ،ركضت اله التفت شافني ،شمرت روحي بحضنه وهو حضني حيييل بقوى واني ابچي واگوله :- حيدرا خاايفة وروح ابوية فدوة طلعني مناا
همس :- شششش عمري انتي،لا تبچين اني يمچ كافي وعلي فحطان وخلصان گلبي عليچ
بقيت مغمضة عيوني ابچي وحاضنته بقوة وما اريد اعوفه دقيقة وحدة لزمني گعدني على الكرسي واني كلي ارجف واگف يمي ومنطيهم ظهره وغطاني بجسمه..
بنفس الوقت أشر بعيونه على واحد منهم هو فهمه وهز راسه ونزل من الشقة دقايق قليلة ورجع بيده عبايه انطاها لحيدرة
اخذها منه وخلاها على جسمي غطاني بالكامل بقن بس عيوني طالعات نزل راسه ودنگ همس بأذني بنبره فحطانه..
- يصير اضم عيونچ بگلبي هالعيون شلتني ولچ گليلي شلون ارتاح هسه ولچ ناردين بووويه..
جاوبته وانه اشوف شلون عيونه ذايبه وحمره وعرگان والتعب واصل لحدر عظمه..
-گلبي حسيتك رح تجي حسيت عندي سند وما رح يخليني اتأذه.. كافي لاتحچي شي شوف روحك نفسك رح ينگطع وتعبان
-يابه كلش تعبان كلش..
لفاني بالعبايه عدل وسكتنا ظل واگف مخليني ورا ظهره الشرطة كلبشتهم كلهم من شاف عبد الرحمن عافني وركضله بسرعة واستلمه دگ بوكسيات بوجهة وببطنه وهو يصيح ويغلط بي ..
واحد گال لحيدرة:- لا تعب نفسك ابو الحيادر راح ياخذ عقابة واشد العقاب هلمره..
اباوع للبنات مصدومة ،هواي بنات طلعن من الغرف اكثر من 20 وحدة والشباب اضعافهن
حيدرة بقى يغلط بيهم وشبع عبد الرحمن ضرب يضربه بحرگه گلب وفشار وصياح ضليت مخليه ايدي على اذني وابجي بصوت واشهگ.. طلع دم من وجهة وتشوهه يريدون يعوفه ماكو..
عثمان:- حيدرة عوفه يمعود خل ناخذهم للسجن امشي اخذ مرتك حقق وياها خاف تعرف شي يفيدنه
ماسمع كلامة وگال بصياح:- كلبببب شلون تتجرء وتخطف وتاخذ زوجتي لبيت دعاره ؟؟ اليووم اموووتك بيدي وحق الكائناات..
عبد الرحمن :- هه المهم هيه ريحتني موجسم عليها يموت شفت كلشي .....
بعده مامكمل كلامة ،حيدرة چان ملتفت عليه وقابض ايدة بصبر من سمعه كال هيچي التفت عليه وصاوبه طلقة بصدرة وبرجله ..
أنصدمت وما فتحت حلگي بكلمة من صوت المسدس وبچيت بصمت فاقدة بمكاني ..
حيـدرة :- حلفت والرب السموات والأرض
أموتك ونفذت كلامي ..
واحد من شرطة گال بذهول:- لااااا تخبلت حيدرة شسوووويت ولك!!...
غطو البنات بغطى والشرطة محاصرتهم
حيـدرة:- وأنتن ماعندچن اهل طاح حظ
هيچ تربية قذرة تربية سزز
كالت اله، وحدة تبجي ومدنكة راسها :- سيدي فدوة ادري غلطانات بس لاتاخذوني للسجن اخلي يموتوني فدووة
حـيدرة :- لج بـ** خايفة من اهلچ بس ماخفتي من الله وانتي بحضن شباب وتزنو ؟
- سيدي فدوة لعمرك والله متندمة الله ياخذني
حيـدرة :- أي والله الله ياخذچ وياخذ البنات إلي مثل امثالچ حسافه امچ الحملت بيج نگسه وقذرة
- سيدي والله مستعده اكتل نفسي لاتوديني لاهلي فدوة
شمر عليها المسدس:- هاج يلا اكتلي نفسچ
شمرته بخوف وهيه اتگوله :- اخااف والله اخاف
هز ايده وباوع لي ابصفه گله -اعتقلهم كلهم وخليهم بالسجن ال45 وهذني بالسجن ال49،يلا
شالو عبد الرحمن وهو ينزف واجت دورية الاسعاف، والشرطه بكل مكان
طلعو كلهم وحيدرة شافني ارجف خايفة
شالني بين ايديه حضنته قوي من ركبته
طلعني برا الشقة وفتح باب سيارة وصعدني بيها السيارة حجمها كبير والظاهر مالت الشرطة
گعدنه بنفس الكشن راسي بحضنه وايديه بيده وابچي بخوف مفرط ..
حيدرة :- شششش اسكتي ولج راح حيلي بدموعچ انا يمچ اطمئني..
-حيدرا خفت حييل راد گلبي يوگف من چان ويااي واحنه وحدنه
- ولكائنات الحية وعلي كل دمعة اخليهم يدفعون ثمنها غالي أدري بيج خفتي بس مو أسوء من حالي تخبلت عليچ وحق محمد
أجيت لبغداد طاير واني ادور عليچ،لحد ماعرفت بيهم موديج لهاي الشقه الدعارة شرب ومخدرات وخمر أعوذ بالله راح يتعاقبون لا تخافين
-همزين اجيت رااد يعتدي عليه..
- يخسي يلمس شعره منج الا احركة بتيزاب مثل ماحرك گلبي
-ابقى يمي..
-بگلبي اخليچ..
- حيدرا أنت رميته برصاتين ؟
- هلرصاصتين مانشفت غليلي ..گليلي شنو صار بالتفاصيل سولفيلي ؟
-سولفتله"..
قبض ايده بعصبية:- لج يا نار الما تطفى بصدري لچ وعلي اذا عاش هلحيوان ارجع انبت طلقة براسه وراس الخلفوه..
- لا عفية عوفك منه ما اريدك تتدخل للسجن بسببه
- لا تخافين السجن مصمم الهم مو لرئيسه
-شنو يعني؟ صدگ ما گلتلي شلون أجيت ويا الشرطة وشون دريت عبد الرحمن خطفني ؟
-خابروني وگالولي واني دورت عليچ وعرفتچ بهذه الشقة..
- ليش يگولولك سيدي؟..
- ناردين لاتفكرين بعد ارتاحي..
- أنت إلي ارتاح گلبك دايدگ بقوة
أبتسم برياحه وهمس:-جاي تسمعين نبضات گلبي بويه ؟..
هزيت راسي "اي"..رفع أيدي وخلاها علئ صدره الأيسر
-هسه يهدئ..
سحبني وحضني حيل وگال بنبره حنينه ممزوجه بتعب واضح:- اخخخ ياا ناردين..
-حيدرة صوتك بي بحه تعب؟..
-تعب وهو يصيح ويدور عليچ..
-فدوا وليش چان بيدك مسدس؟..
-هذا سلاحي المعتاد..
-أنت شرطي لو شنو هههه..
ضحك وهز راسه بمعنى:- لا..
-گول والله ؟
-والله مو شرطي
-لعد؟..
- انسي لا تفكرين بهلموضوع..
- ماشي ممم حيدرا..
-عيونه وگلبه..
- ليش حضنتني؟..
- تردين أبتعد متضايقة ؟؟..
- لا بالعكس من احضنك احس بالأمان وايدك كلش ارتاح من تحتويها ايدي..
-خلص بوية چا تعالي لحضني يا ناري..
شكرا لزيارتكم عالم روايات سكيرهوم
