رواية قصة وجدان الفصل الواحد والعشرون 21 بقلم انين الليل

صرت ارجف وعمي عاصف بس كلي هالشكل وطلع وحتى بيبي بقت ساكته ما عقبت احس بريكي عبالك صار حديده

عيوني غوركن واني اتخيل مثل ما اشوف بالتلفزيون اشلون يحكمون المتهم وتجي امه بس اني وين امي وتحضنه الهشام

وهو ايكللها سامحيني

  صرت احجي ويه نفسي وخاله ايدي على حلكي = معقوله هشام هالشكل معقوله هشام انحكم اعدام

كعدت ع الدوشك وفكري مو وياي اجه علاوي باوعتله وهو بس دخل للغرفه اتمدد على فراشه علاوي الي ما صرت

اسمع صوته ولا يحجي بس متكيف على الوضع سالته

   = علاوي تروح ويايه

هو باوعلي بتساول ابتسمت وجاوبته = نروح اني وياك نشوفه الهشام

بقى ساكت ما جاوبني حاجيته = شنو ما سمعتني باجر الصبح عمو عاصف ياخذنه البغداد نشوفه الهشام

غمض عيونه وهو يحاول يطلع الكلام ( ) بيبي ليش ما كو بغرفتج تلفزيون اريد العب بلي

عرفت علي ما يريد يروح الهشام صار ايكرهه لان قتل رامي

بيبي ردت //. ياحبوبي اضوج من الهوسه روح التلفزيون الهوول والعب

هواتمدد وبيبي هماتين واني بقيت باافكاري. الي ما تقبل تغادرني بقيت افكر هسه هشام شديسوي

كمت من مكاني طلعت لاكتني عمتي رجاء سالتها = عمو عاصف وين

باوعتلي باستفهام. اشرت بايدها على غرفته وراحت صعدت فوك

دكيت الباب مره والثانيه سمعت صوته :: تعال ادخل

فتحت الباب واني بقيت بره وحمحمت

شفته كام من جربايته صاحني :: فوتي بابا

كعد على كرسي وكلي :: ها باباتي

= عمو بداعة كل عزيز على كلبك هشام راح ايعدمونه وانت ماخذني حتى اودعه

صرت ابجي وهو يباوعلي صرت افرك بعيني مثل الطفل الجاهل واشهك واكله

= عمو تاخذني حتى اودعه اني بعد ما الي قابليه

بقى مصفط ادياناته اشرلي على كرسي مقابيله اكعد كعدت ودموعي اينزلن هو اتنفس وكف ورد بعد ان شعل. جكاره

:: اسمعيني بابا انا ما احب اچذب بس هم ما احب اقهر المقابيل اول شي اريدج تمسحيين ادموعج

  = يعني عمو حكمو الهشام

راح يمشي باتجاه الثلاجه فتحها وطلع بطل ماي وكلي :: اشربي

اخذت بطل الماي هو رد عليه :: تره جديد محد فاتحه

فتحت. البطل وشربت شويه مااي لكن لازلت ارجف هو دخن ونفخ الدخان. وكلي

:: شوفي خلي اكلج بيوم ما رحتي انتي وامي البيت عمي ابو كريم والقاضي نطق بالحكم واحنه سوينه تمييز

كلبي صار يدك مثل المكينه يمكن الف بالدقيقه اتقرب عليه :: على كيفج بالتمييز راح يخففون الحكم

صرت اضرب على وجهي = يعني اعدام اخويه راح ينعدم

صار كبالي وهو يحرك بادي لكن اني بقيت املخ بروحي واحجي = يعني اخويه خلص راح ضاع اخويه هشام ضاع

مثل ما ضاع رامي وهماتين يلحك امي

   :: شبيج اهدي اخوج مابي شي

  

باوعتله بكره =. كذاب انت دا تكذب اخويه راح ايعدمو وانت تاخذني حتى اشوفه وهو معدووم مثل من اخذتني الامي وهي ميته

:: اهدي بابا

  صرت اعيط = لا تكول اهدي انت تكذب تكذب اكرهك

اتقرب مني وصرت اضرب بي ما حاول يوقفني صاح :: يمه يمه

بقيت احجي ودموعي ينزلن واتخربطت كل اموري =. انت واحد كذاب اني اكرهك اكرهك

اجت بيبي وشافتني واكفه اگباله او يمكن سمعت كلامي او شافتني واني اضربه هي جاوبت بكل برود //ها عاصف اسم الله

  اتنفس بعمق :: تعاي هديها

- - ياستار شبيها ،شبيج شكو

  جاوبتها بهستريا وخوف = هشام هشام راح ايعدمونه وانتو تدرون وضامين عليه زين هشام ينعدم اني شكو باقيه

   فد نوب موتوني

لزمتني من اديه // اسم الله جده اسم الله الرحمن ماكو بس الخير

اشرت على عاصف = هذا هذا مو سمعتي يريد ياخذني مثل من اخذني الامي اسالي

بيبي ردت عليه بحزم // انچبي اتگولين على عاصف هذا (خلت اصبعها على حلگها وخزرتني وحجت )

شكو بيها اذا يريد ياخذج الاخوج بعد فوگها مو دووم تتبچبچيين اريد اشوف اخوي مشتاقتله هسه من صارت صدك

صرتي تصرخين وحسج وصل للدنيا كلها

عاصف :: يممه

عمي عاصف راد يحچي بس بيبي سكتته //. صدك ما تنلام بيج سعده ثاريج ما تنطيين عيين ولج عاصف يركض منا

ويرووح منا بس حتى يخليج اتشوفين اخوج وانتي تصيحيين وفضحتينه فوك من العالم هاي جزاته

بين الخوف والخجل بچييت بهضمه =. يعني بيبي اخويه هشام ما حينعدم

فرت ايدها وتاشر على عاصف //. ينعدم وتشوفينه كاعد

اتقربت منها = صدوك بيبي

  ردت بحزم // لا نخاف منج ونجذب عليج فوتي روحي غسلي وجهج ونامي حتى باجر تمشين تشوفين اخوج شهرتينه

طلعت من غرفة عمي عاصف واني كلش خجلانه من السويته فتت للمغسله غسلت وجهي ورحت الغرفة بيبي انتبهت

علي غاط بالنوم استغربت من اجينه علي حتى صار ينام من وكت

اتمددت على فراشي وراجعت الي سويته صرت الوم بحالي

= يعني عمو عاصف جاي يساعدني حتى اشوف هشام لان عرف بيه اريد اشوفه واني هاجمته اكيد زعل عليه

لازم اروح اعتذر منه

= اني شلون اتجاسرت وضربته على صدره هاي ثاني مره اسويها لازم اتاسف اله لا يروح ايفكرني شريره

1

طلعت من الغرفه وصلت الغرفته اجيت ادك الباب سمعته يحجي بعصبيه

:: يمه تره هذا الحجي مو منج

يمه هي هم يصير ابالها

:: شيصير ابالها شتريد

تكول انا وبتي الي حك علي

  :: ليش هنه شعوزهن بيش مقصر وياها او ويه بتها

بس انت هاي صار فوك التلث تشهر انت مشلول حالك ويه بت سعدي

  :: ايي وهي شعليها

شلون شعليها

  :: شتريد رجاء خاتون

+

بيبي // تكول ايدير باله علينه

  :: حجيه ليش اتخليني اطخ بالحجي

حتى انا اكول ب...

قاطعها :: ترديني اعوف بت سعدي اسمعي يمه وهذا الكلام بعد ما اعيده بت سعدي واخوها وحتى ذاك البلسجن

ما اعوفهم اله انا جوه التراب ورجاء انا ما جابرها تريد تروح تكعد بذاك البيت تروح ما تريد تبقى اهنا وتحترم نفسها

بيبي // هي اتگول ليش تصير حزازات ابين البنات هي البنيه تگعد بذاك البيت هي واخوها

:: هااااا وياهو يكعد وياها

چا شعليها شو نفس البيت واذا ع الگعده انا اروح اگعد وياهم

:: وتعوفين بيتج وترحين الخاطر رجاء خاتون خوش وبعد

بيبي // يمه تخ ...

  قاطعها :: حجيه هذا الحجي لا تحچينه هذا البيت بيت وجدان واخوها ورجاء اذا ما عاجبها الوضع بكيفها ما اجبرها

تروح البيت اهلها اشو ما شاء الله ذاك حده محد لازمها بكيفها

بيبي // هو هذا شلون حچي

  :: چا حچيها الخوش وانتي ساكته الها

  بيبي // هسه انوب تلومني

  :: حجيه ما الومج هذا العدي رجاء بكيفها وشتريد براحتها بس بت سعدي ما تطلع من بيت جدها واذا اكو واحد لازم

يطلع فاانتي تعرفين منو ورحمه للماتو خليني ساكت

   بيبي // بكيفك يمه انت لا تغث روحك

ابتعدت وما سمعت رده ورحت الغرفتي اتمددت وانا افكر

= يعني عمه رجاء ما تريدني بالبيت وعمي عاصف يريدني اني جاي آآثر على علاقة عمي بزوجته وبنته بس اني

ما مسويه شي ليش عمه ما تحبني وما تريدني اني واخويه

= بعدين فرح حبابه ويايه وحتى عمه رجاء صحيح مرات متنكه وما ترد السلام بس اني ما عليه

لعد هذا الي سمعته شنو

= يعني اني ما مرغوب بيه اول مره عبالي بس عمتي سعاد ما تحبني هسه عرفت عمه رجاء وبنتها ونظرات عمو مهدي

الي الي احس كلها كره بينما علاقة فرح ويه بنات مهدي من احسن ما يكون يجوز لان اباءهن خوان وامهاتهن اخوات

درت على صفحتي قريبه من بوفية بيبي الي اجت واني غمضت عيوني هي حاجتني //. ها نمتي

ما جاوبتها ردت گالت //. ايساعدج الله على المريتي بي لو جبل چان صااخ

ما عرفت معنى الكلمه الاخيره بقيت دايره وجهي وافكاري تتلاطم بين اخوي الي ما اعرف شنو مصيره وليش رايحه

اواجهه وبين الي سمعته من بيبي وهي تحجي ويه عمو عاصف صارت بيبي اتدندن بصوت نااااصي ومتقطع

وبكلمات كلها عتب ممزوج ابكاء وحسيت بيها شعلت جكاره وصارت تدخن

بقيت دايره وجهي وابچي بصمت خايفه على هشام

حسيت على بيبي نامت واني كعدت على حيلي صرت اخذ شهيق وزفير لان اختنگت اتمنيت اطلع بره اروح للحديقه

لكن وصايا بيبي وهي اتگلي

لا تطلعين الاي مكان خصه بالليل اله اتگليلي

بقيت گاعده على فراشي وانا اتنفس بعمق الشهيق سهل لكن الزفير صار عليه كلش صعب

اتمددت واحس وجع بكلبي مانمت مره اكعد مره اتمدد الى ان غفييت حسيت على بيبي وهي تكول

البارحه ابد ابد ما غفت هسه صار الها ساعه من غفت

:: گعديها حتى نتوكل

فتحت عيوني وگفت واني احس بدوار براسي باوعت البيبي كاعده ع الجربايه وتسبح رحت للمغسله بتثاقل اتوضيت وصليت

بيبي كالت //. بدلي بساعج حتى نمشي

رحت للحمام سبحت وبدلت هدومي بالحمام وطلعت لافه شعري بسرعه مشطته ولبست عباتي الاسلاميه وشالي على راسي

اجه عاصف :: ها كملتي

هزيت راسي بدون ما اجاوبه

وانتي يمه

حاضره ما عدي شي

ياالله

اجه العلي شاله وهو نايم فتح الباب الورى خلى علي وانا ركبت بصفه وبيبي بالصدر الصراحه استغربت وانربط الساني

بسبب الخوف وصرت اتساءل هشام راح ايعدمو وعاصف اخذ علاوي حتى ايشوفه

وحتى بيبي ليش اجت على اساس بس اني اي اكيد انحكم اعدام

لاول مره اعتب على ماما لان تركتنا واتمنى بابا يرجع بقيت ابجي رغم كل اشويه اتثاوب اجه صوت بيبي باذاني

شو اكعدي

فتحت عيوني وشفت بيبي مدنكه عليه الشمس صارت بعيوني اتثاوبت هي ردت

اگعدي عمج عاصف ايگول تدخلين للمطعم

تستمر القصة أدناه

ما انتظرت ردي هي جاوبت // انا گتله يجيبلي چاي وانتي اذا تردين روحي ورا

هزيت راسي بالنفي عتبت بيني وبين نفسي حتى بدخولي للمطعم ما ياخذ رايي ويسالني

ما انتظرت الرد لان اجه ولد وبيده صينيه بيها كوبين جاي ولفات انطاهن البيبي اخذتهن وگلتلي

هاج اخذيلج چاي وعمج مودي لفات كباب واظن جبن

اخذت الصينيه واخذت كوب الچاي وشفت لفات اربعه تلاثه كباب لان بيبي اخذت لفه واني اخذت لفة الجبن وصرت اكل وانا ساكته شربت الچاي لمن ما اجه الولد ياخذ الصينيه ويسالنه اذا نريد شي بيبي اخذت اللفات خلتهن بعلاكه نايلون وقبلها سالتني ما تاكلينن

انا اكتفييت اهز راسي

بعدها اجه عمي عاصف حچى :: يمه اجيب لج بعد جاي

   هزت راسها // لا يمه شربنه

  

  :: تحتاجين ترحين للحمام

غير رحت

  :: يعني نتوكل

اي

  :: علاوي ما گعد

خلي نايم اخذتله لفاته بالعلاكه

+

نزل راح يتمشى بيبي بدون ما تدير وجهها // الا تردين ترحين للحمام روحي هناك تره نظيفات

  عرفتها حتى هي زعلانه عليه من تصرف البارحه نزلت ورحت اتمشى شفت الحمامات دخلت وغسلت ورجعت

شفت عمو عاصف راكب بالسياره اني ركبت بدون ما احجي

بقيت گاعده وهنا علاوي هماتين گعد وهو مستغرب صار يباوعلي ويباوع العمو وبيبي اني ابتسمت وحچييت

= ها حبيبي گعدت

بيبي دارت // ها جده گعدت جوعان

سال () وا جد وييين رايحيي ن

عمو عاصف جاوبه :: رايحين للطبيب اليوم موعدك ويا

بيبي حچت // يمه عاصف نزلني اركب ورا وجيبه يمك

  :: لا حجيه ظلي ما عدنا شي

لزمت علاوي واتقربت بكعدتي وحاجيته

=ما تاكل

هز راسه // لا

صار يباوع من نافذة السياره ما اكدر اسالهم بقت السياره تمشي بينه عمي عاصف مره يسولف ويه بيبي مره

مره يتصلون بي الى ان وكفت السياره واجه المحامي ومن شافه عمو عاصف نزل واتسالم ويا وصار يحچي بعدها عمو

عاصف اجه وحاچى بيبي :: حجيه انزلي اركبي وره خلي ابو ميسم يركب يمنه

بيبي نزلت وركبت يم علي واجه المحامي وهو ايكول // ياالله السلام عليكم

بيبي ردت // عليكم السلام هله بيك يمه

حجيه اشلونج

طاب لونك الله يخليك انت شلونك والاهل ان شاالله كلكم زينين

الحمد لله بخير

الله يطول عمرك وانت ما قصرت تعبت ويانه هوااي مجازاتك على رب العالمين

هذا واجبي حجيه والتعب اكثر عاصف

ادري يمه تعب هوااي. متحمل امانه والامانه ثگيله

الحمد لله والشكر لوما هو ما كان هشام حصل على هذا الحكم

باوعتلي بنظره حاده عرفت بيها لومه الي ردت // الحمد لله يابني ما سامع الدم ايحن

اي والله حجيه ونعم الابن البار (باوع العمو عاصف وطلع ورقه من جيبه الداخلي وانطاها اله )

  هاك هاي ورقة الدخوليه

  :: كثر الله خيرك ما قصرت تعبتك وياي

من ناحية تعبتني فتعبتني حييل بس لان كلت اخته تبجي وتريد اتشوفه

:: شسولفلك ليل ونهار تبچي ولا يوم من الحادث لحد هسه ولا يوم ما تلكاها تبجي

بيبي //. اي ياخاله بچي على طول اليوم عيونها راح تنعمي

دار عليه وكال //. بعد ماكو بجي الايام تمر بسرعه ما تشوفونه اله طلع

ما اكدر اوصف الشي المريت بي كلبي صار ايدك وعيوني انملت دموع واني اجاهد ما ابجي بقيت اترقب

وعيني ع الطريق الى ان وكفت السياره ونزل المحامي وعمي عاصف بقى ودار علينه صار يحجي واكثر كلامه

موجهه الي لكن بدون ما يباوعلي :: عود من تنزلن دنگن واذا اروح ويجي احد يحجي وياچن يمه ردي انتي

بيبي //. اي ياحيلي

فتح النه باب السياره ونزلنه علاوي لازم ايدي حييل باوعتله شفت بعيونه عتب غلست ما حاچيته الى ان وصلنه

للباب الرئيسي واهنا لازم نفترق للتفتيش عمو عاصف لزم ايد علي واني وبيبي دخلنه للمفتشات الي طلبو هويتي

وطلعتها بيبي ويه هويتها

ما اتاخرنه طلعنه وشفنه عمو عاصف واگف منتظرنه ويه علي الي عرفته زعلان عليه لان اجه لهنا

رحنا نمشي وره عمو عاصف والمحامي دخلنه الغرفه گعدنا والكل ساكت ومترقب مرت الدقايق يمكن ساعات طويله

الى ان انفتح الباب وشفت اخويه هشام الي باوع الي وعيونه انملت دموع لا اراديا رحت حضنته وصرت ابچي حييل

وهو ساكت اسمع بس دكات گلبه = هشومي حبيبي

صرت ابوس بي بخده وبرگبته وبكصته لزمت ايده وبستها

اهنا هو طلع صوته وصار ايكلي //. والله مو بقصدي اقتله الرامي انتي شفتي بعينج

جاوبته بكلام متقطع =. اي شفته انت ما تقصد اتقتله هو هو الي قتل نفسه المهم انت انت ياخويه محتاجينك

انتبهت النفسي الي نسيتها شفت بيبي تمسح بدموعها وهي تردد ترانيم وعمي عاصف واكف منتجي ع الحايط وبعيونه ادموع

ايكابر ما ينزلهن وعلي بصفه

مسحت دموعي حتى انطي مجال الهشام ايسلم راح صافح المحامي وبعدها حضن عمي عاصف وحضن علاوي الي ما بدر

منه اي شي اتجاه هشام والي يمكن هشام ما انتبه له وراح البيبي باسها براسها وباس ايدها وهيه بقت بترانيمها الحزينه وتكله

شسويت بروحك جده ليش هيج

هشام وهو يمسح بدموعه // بعد صارت غصبا عليه انا مو بنيتي اقتله اسالو وجدان مو بنيتي غصبا عني

اتفاجانه بعلي ايكله //. ( ) ان. نت ما قت للت رااام ي اننت قتلل ت ماما ااني اك ررهك

( انت ما قتلت رامي انت قتلت ماما اني اكرهك)

بقى صافن واني لزمت علي وبعصبيه =. اسكت علاوي

( ) ليييش ممو ههي هاا ي ال حقيقه راامي رااح (صار يبچي ) واامي هم رااحت ( ليش مو هاي الحقيقه رامي راح وامي راحت )

صرت ابجي واكله =. اسكت علاوي اسكت

ساد السكوت فتره المحامي حجى //. هشام عمك سووا المستحييل بس حتى ايواجهك هالشكل ما تدري شكد ركض وشكد خسر

  هشام بقى ساكت عمو عاصف ساله :: محتاج شي اجيبه الك

  هز راسه //لا عمو كل شي عندي

بيبي //. وعمك ما راح ايعوفك انت صير زلمه والرجاال كل شي ايسدي عليهم

المحامي //. وهاي ماال تنتحر بعد لا تفكر بيها

+

اتفاجآت من كلام المحامي اتقربت بعد ان عفت ايد علي سالته =. هشام شنو يكول انت منتحر ليش هشام ليش واني وعلي

ما فكرت منو النه ليش هالشكل تريد اتحطمني فووك ما اني متحطمه مو كافي امي الي راحت

هشام // اني ما ردت اعيش اني قتلت اخويه

هزيت راسي = انت ما قتلته هو راد ايقتلك ولو ما متعثر بالكرسي كان انت ميت وهو بالسجن هشام انيي محتاجتك

اريدك ( صرت اضرب على رجليه ) اريد اخويه ما اريد افقدك

تستمر القصة أدناه

هو لزم ايدي وحضني // كافي حبيبتي كافي امسحي دموعج اني ان شاالله اكمل محكوميتي واطلع بس ها ( رفع اصبعه )

اريدج ترفعين راسي ترجعين للمدرسه وتدرسين وتنجحين وهاي العيون ما اريدها تبجي (باسني جوه عيوني وابتسم )

تديرين بالج على علاوي وعلى نفسج

سحبت هوا = توعدني تطلع ونرجع نعيش سوا

هز راسه ومسح على راسي ودار وجهه على عمو عاصف //. اما انت ياعمي ما اعرف شنو اكول وشلون اتشكرك

تدري من القاضي تلى الحكم رجفت وخفت وعزت حياتي انا ياعمو مدين الك بحياتي

الي سويته الي والتعب الي تعبته على مودي ابويه لو كان موجود صدك ما يسوي نص الي سويته

  عمو بابتسامه هادئه :: انت رجال والرجل كل شي ايمر بي انت حتى ما غلطت ردت اتحافظ على بيتك وعلى عرضك

  اخوك الله يغفرله غلط والسبب ابوك (اتحسر ) الله يرحمهم.

   لزمه من گتفه وحچى ويا بحزم :: انت يابابا سبع وما ينخاف عليك صلي وادعي الامك خلي اكلك شي صدكني

ماتت راضيه عنك ادعيلها وخليها ترتاح ابكبرها ( مد ايده مسح دموع هشام ) ولا تحمل نفسك ذنب انت ما مسوي

حاول تنسى ولا تخلي احد يجرفك صير نچر اي نچر

ولا تخاف ودير بالك من اصحاب السوء واي واحد يعترضك الزمه من ياخته وكله

الي كتل اخو مستعد يكتل عشره وبدم بارد حتى ايخافون منك ويحسبولك الف حساب تره تشوف هذا المكان لو يخرج زلمه

  سبع واخو اخيته لو يخرج واحد انت تعرف شنو وكافي ياعمي بجيت هواي واذيت نفسك

هسه انت مسوول اكبر مسؤوليه مسؤول عن نفسك

هشام رفع راسه وهو شفايفه ايرجفن // عمي المحامي كلي انت شسويت وشكد خسرت

    جاوبه بثقه :: كله فدوه ما دامك اخذت حكم مخفف فدوه شنو عشر سنين بعدك شباب تطلع رجال

  اتفاجآت صرت اضرب على خدي =. هشام سجنوك عشر سنوات وانت عمو تگول شنو سهله عندك سهله اخويه

ينسجن عشر سنين عبالي اخذ حكم مخفف اشهر سنه

المحامي اتقرب عليه //. اهدأي بابا لو باقي على كلامه اول مره كان اخذ اعدام ما تعرفين هذا عمج الي جايه تلومينه

شسوى حتى اخوج ياخذ هذا الحكم وحتى بيبيتج الحجيه اجت واتنازلت

هشام لزم ايد عمو وهو ايكله //. عمو السويته الي شي ما اعرف اوصفه الله يقدرني من اطلع ارد بعض من جمايلك علينه

ما اوصيج بيبي وجد وعلي امانه عندج وعد عمي اي احد ما مسوول عنهم (باوعلي ) وانتي وجد اتسمعيين كلام بيبي وعمي

همه مسؤولين عنج وعن علاوي

اتقرب من علي وحضنه //. انت حقك تلومني وتكرهني يمكن من تكبر تعذرني

اجه وباسني براسي //. وجد ديري بالج على نفسج وعلى علي اريد حنية امي اشوفها بيج امي المسكينه المظلومه

وان شاالله اطلع واعوضج عن كل شي

ما جاوبته ما بطلت بچي ما اتصور اخوي هلكد يبعد عني اني بحاجته لكن صوت بداخلي ايگلي انو لو ما عمو عاصف كان انعدم

صارت بيبي توصي بي يدير باله على نفسه وينتبه وتذكره باان هو مو شخص اعتيادي هو ابن ابن حجي غازي

الي كان الناس تحچي بشجاعته وعمامه بدر الي للموت ما طخ راس وعاصف الي من هو زغير عارك الدنيا وماكو ابن مره

ضحك علي ومهدي كلهم رفعة راس

بعدها المحامي كال خلص انتهت المواجهه هشام حضني وهو يوصيني على علاوي وعلى نفسي

وباس راس بيبي وصاها عليه وحلفها بروح عمي بدر تدير بالها عليه ومن وصل العمي عاصف راد يبوس

ايده بس عمي رفعها وحضنه وهشام العبره بصدره // عمي ما اعرف شنو اكلك وشلون اجازيك

  :: انت بس انتبه النفسك وصير خوش رجال وكل شي ما اريد منك

هز راسه // ان شاالله عمي وجد وعلي امانتك بهالشارب ( ولزم شارب عمي ) الي هز راسه وكله

:: اتطمن ولا تنسى الوصيتك بي

هشام //. صار عمي وانامطمن لان هي يمك

    :: المهم انت تدير بالك على نفسك وانا ما راح اكطع بزيارتك ودووم بس تحصل مجال (اتقرب منه وشاوره )

اتصل بيه وما عليك لا تحمل هم الفلوس

      ودعنا هشام وعيوني ما بطلت دمع كان ابدي ابقى يمه لكن لابد من ان اتركه يروح للسجن

   طلعنه واني صرت ابجي بصوت ولاول مره بيبي ما تگلي اسكتي ركبت بالسياره ويمي علي وبيبي وانا لازلت ابجي

المحامي نزل واتسالم ويه عمو عاصف الي كله اامر عليك

اتقرب مني علي ومسح دموعي وكلي () كه كا في لا تبچيين

زدت ما ادري ليش لكن علي كلي () الخاطري لا تبچيين وجد

  سكتت وعلي اخذ البطل مال الماي مالته وانطاني ايا () هاج وجد اش ربي وغس لي وجهج

شفته مبرطم سالته =. ليش تبچي

   ما جاوبني بس دموعه نزلن انا مسحتهن =. ياالله حبيبي شوف اني بعد ما ابچي انت لا تضوج

   شربت شويه ماي وبللت ايديدي ومررتها على وجهي وصارعمو يسوق بسرعه عرفته زعلان مني لان من طلعنه

من البيت الحد ما شفنه هشام هو ما حجى وياي ولا كلمه اكيد زعلان لان ضربته وحتى واني بمواجهة هشام هماتين

حچييت وصرت اعيط وكانما هو القاضي الي حكم على هشام بعشر سنوات 

استذكرت كلام المحامي وشلون عمو سوا المستحيل حتى ايخفف الحكم على اخويه احجي ويه نفسي

= يعني عمو عاصف من يطلع الصبح وما يرجع اله بالليل لو من ايبات بره كان حتى يشوف حل المشكلة هشام

واني الغبيه صرت الوم واحچي واعيط

= اني لازم اعتذر منه اي هسه اعتذر

هزيت راسي = لا بيبي نايمه وهو دا يسوق سريع خلي نوصل للبيت واعتذر منه كدام بيبي

بقيت دايره وجهي ع الجامه واتحاشى اباوعله رن التلفون هو جاوب

:: هلا ابو محمد

  :: لا بعدنا

  :: ما ادري

  :: ان شاالله خير

  :: ها وشگلك

   :: خوش شكد انطاك

   :: چا وبهاء وين

  :: زين اجي ونتحاسب

  :: لا خليهن يمك انشاالله من اجي اتحاسب وتدلل بس هسه خليهن ولا تاخذ منهن شي

:: عدي حسابات مهدي من اجي

:: ان شاالله فيمان الله

بيبي گعدت // ها شعده مهدي يريد فلوس

  :: يمه جايله واحد اطلبه فلوس وجايبهن ومهدي ايكلي عوزي مصرف

بيبي // ليش انت مخلي بعازه بس هاي سوالف نهوده وفروخه

  :: يمه شريد منه

بيبي // انت ما دايم له چم دووب يظل هيج

  :: شسويله هاي قدرته

بيبي // كله من ابوك دللا على بو مريض وزغير واخافن اعلي وهاي تاليها

  :: يمه لا تضوجين التردينه يصير

     بيبي //. عساك سالم هم نمر على بيت عمك كاظم

  :: حجيه ما سمعتي الشغل الفوك راسي غير مره اجيبكم

بيبي. // بكيفك

  :: مو بكيفي بس وداعتج مشغول

بيبي // لا هذا هو لا تحلف

كنت اتمنى يمر ابيت عمو كريم حتى اشوف بيبي هديه لكن هو رفض من بيبي كلتله بقيت ساكته واراقبه شلون

يسوق بالسياره وبيبي تحجي ويا حتى بيبي زعلانه عليه بس ما تبينها احجي ويه نفسي = اكيد من اعتذر منه وابوس

راسه راح تقبل عليه

وگفت السياره وهو يگول :: ياالله يمه انزلي حتى نتغدا

بيبي // اي والله متت من الجوع

   :: ايخسى الجوع تردين امفطح هم اجيبلج

   ابتسمت // بعد روحي الله يحفظك

اشر الها عليه گالت ابرود /./. ياالله گعدي اخوج وتعاي انتغدا

همه راحو قبلي انا ندهت علي == حبيبي اشو اكعد

() وصلنه

  = لا وين بس عمو وبيبي جاعو ونزلو يتغدون وكالو اندهي يتغدا ويانه

حك شعره وهز راسه ابتسمت ورحنه للمطعم شفته واكف اباب المطعم ابتسم العلي ولزم ايده ومشه كدامي

رحت ورا شفت بيبي گاعده

باوعت مكتوب حمام رحت اغسل اديه وهو اخذ علاوي الحمام ثاني غسلت اديه اوجهي وباوعت بالمرايه عيوني حمر

وحتى خدودي مورمات من البچي اتنفست وكلت = من ناكل ونخلص ونطلع قبل لا يركب بالسياره اعتذر منه

رجعت لگيتهم گاعدين اني گعدت يم بيبي مقابيل علاوي بصراحه ما اباوع بوجه عمو لان خجلانه اجو العمال

جابو الاكل الظاهر طالبين اكل شفته تمن ولحم ودجاج هو دنى الدجاج البيبي وكلها :: مشوي هذا يمه

ادري يابعد امك

  باوع العلاوي وابتسم :: ياالله عمو اكل حبيبي

اني محد قلدني صرت اكل بالمقبلات وبعدها صرت اكل ويا بالصينيه مالته عجبني اللحم هو ياكل بخبز واني اكل بالتمن

من كملنه الحمد لله والشكر رحت اغسل لان بيبي راحت قبلي اتغسل رجعت وجابولي جاي وعلي طلب ببسي

هو كال :: ياالله خلي نتوكل

طلع هو وعلي قبلنه وبيبي ورا واني وراهم حاولت امشي بسرعه لان اعرفه ما يركب بالسياره اله كلنه نركب بس هالمره

غيير مجرد ما تركب بيبي يعوفني ويركب شفته واكف يدخن اجيت بجهته وكتله

= عمو

دار عليه وهو عاكف حواجبه بلعت ريكي لكن دموعي غلبني حاجيته =. عمو اني اسفه ما كنت اعرف ارجوك سامحني

حضنته وبسته بخده واني اردد =. عمو بداعة بنتك فرح لاتزعل عليه اني ما كنت اعرف عمو بداعة كل عزيز عليك

لاتزعل عليه اني بروح ماما ما راح اعيدها واسمع كلامك انت وبيبي بس سامحني

صرت اشهك من البجي بيبي مدت ايدها عليه //. ياالله عمج ما زعلان ياالله بسج

هزيت راسي = لا بعده ما تشوفينه ما يحجي ويايه

   بيبي // لا ما زعلان خلي نركب

  = ما اركب اذا ما يحجي ويايه شوف عمو(لزمت اذاني واصبع على حلكي ) =اسفه وبعد ما اعيدها بس كلي سامحتج

ابتسم بهدوء وهز راسه :: سامحتج بس بعد لا تفسرين الامور بكيفج

ولو ما عرفت شنو قصده ابتسمت بسعاده هالمره ورجعت حضنته وبسته بركبته لان اطول مني هو كال :: ياالله خلي نتوكل

  رحت البيبي بستها بخدها ركبنا علي بصفه واني وبيبي ركبنا وره وعاهدت نفسي انو اسمع كلامه وكلام بيبي وابدي

من جديد احاول اعيش وادرس الى ان يطلع اخويه من السجن لكن بمجرد ما اتذكر هشام انحكم عشر سنين غصه تصير بصدري

ورغم هذا لازم اتحمل فراك هشام ولازم ادير بالي على نفسي وعلى علووش اخوي واتعايش ويه حياتي ابيت جدي

حياتي الي صارت امر 

الفصل الثاني والعشرون من هنا 

شكرا لزيارتكم عالم روايات سكيرهوم