رواية قصة وجدان الفصل الثاني والعشرون 22 بقلم انين الليل

وصلنه بالليل بيبي من نزلت انطتني ايدها وهي اتكلي

كضي ايدي جده تعبت ودخت من السياره

لزمت ايدها ودخلنه اني وياها لاگتنا عمه رجاء بيبي كالت مسا الخير واني كلت السلام عليكم

شفنا عمه سعاد طلعت من غرفة بيبي الي من شافتها //. هاا سعده اهنا

سعاد //. اي يمه اجيت اشوفج انوب لكيتج ماشيه

عمه رجاء // هلا عمه الحمد لله ع السلامه عبالي تباتون

لا عاصف كال عنده شغل وردينه ويا

جا ليش خو مخليج يم ام كريم وجاي الشغله

بيبي //. شني ما تعرفينه من يكول حجايه بعد هاي هي

سعاد باوعتلي //. ما تعرفين اتگولين شلونج عمه لو محد معلمج

رديت = ليش محد معلمني كلت السلام عليكم وانتي دا تحجيين ويه بيبي

اتخوصرت // اي بعد شنسوي بيبي على گولتج صايره تروح تزور مساجين

بيبي خزرتها السعاد وعمه رجاء باوعتلي //. وانتي شفتي اخوج

هزيت راسي هي ردت /= همزين شفتي واخذتي اخوج وياج احنه التهينه مو مال ندير بالنه على احد

     استغربت من ملام عمه رجاء جاوبتها = براحتج خاله اني مسووله عن اخويه

رجاء // چنچ زعلتي وسميتيتي خاله

هزيت راسي بالنفي = لا علويش ازعل اتي ما قصرتي ويانه الله يخليج وهماتين الله يساعدج جاي دا تعبين هوايه

عمه رجاء // خلي اسويلكم عشا

بيبي // انا راح اصلي واريدلي كوب حليب وشوفي عاصف خاف يريدله لكمه

(باوعت عليه ) وانتي ؟

سعاد حجت قبل ما اجاوب //. هي من تريد الها شي تگوم وتسوي مو كله عليج

بيبي راحت اتغسل وهي تستغفر وعمه رجاء لزمت عبايتها تريد تغسلها بيبي باوعت الها

- - عوفيها باچر واغسليها

رحت للحمام واتوضييت واجيت للغرفه شفت بيبي تصلي وانا هماتين صليت من كملنه عمه رجاء جابت كوب حليب

البيبي ورجعت جابت صينيه بيها كعك وقوري چاي

بيبي اخذت كعكه وصارت اتغمس بالحليب واجه عمي عاصف ويا بهاء وعلاوي

بهاء //. السلام عليكم

ردت بيبي //. عليكم السلام

باوعلي =. عليكم السلام

عمه رجاء سالت عمي عاصف //. اسويلك عشا

:: لا بس چاي شوفي علاوي خافنه جوعان

بهاء // اشلونج جده

   هلا يابعد الجده

شني هاي فرحه شو ما لج خلك

اي ياجده تعبانه ما بيه حييل

شني تردين تموتين

لزمت العكازه //. برد شرك اسم الله عليه

  بهاء //. وداعتج الا متي احسن فاتحه وكلها مفطح وانا منكب واجي يم النسوان الطم واگول

    اكعدي يم هلا لفوج خطار

يم جاي الحلو ويم الخبز حار

  الكل ضحك وانا من ضمنهم وبيبي تكول //. مستخف بهاء شبيك

  بهاء حضنها // اتشاقى وياك ياحلو

اجت فرح عبرتني ولا كاني موجوده //. اشلونج جده اشلونك بابا

بيبي //. هله بيج

عمو خزرها ورجاء كالت العلاوي // اصبلك جاي

اني رديت = عمه هسه اني اروح اسويله حليب وجاي

عمه رجاء //. ها چا ما گلتيلي

سعاد //. خليها رجاء هي مو غريبه اتكوم وتسوي

بيبي //. تريد جاي بهاء

لا جده شربت

بالعافيه ( باوعتلي ) اخذي الصينيه وهاج هذا الكوب

اخذت الصينيه وطلعنه اني وعلاوي الي حاجيته = اذا جوعان گلي اسويلك عشا

هز راسه // لا مو جوعا ن

صبيتله كوب حليب وجاي واني هماتين وصرنا ناكل كعك ويه الچاي ومن كملنه غسلت الصحون والكوابه وخليتهن

بالسله مالت الصحون وباوعت للمطبخ كلش تظيف علي گلي //. وج د ار ييي د. اللع ب بلي (وجدان اريد العب بلي )

= علووش وين تلعب وبعدين هو تلفزيون بالصاله واحد لخ بالديوان البراني ما يصير تلعب بيهن يجوز ما يقبلون

() بسسس اااني اضوووج وار يد. العب. ( بس اني اضوج واريد العب )

= باچر احجي ويه عمو عاصف من يروح البغداد يجيب تلفزيون البلي من بيتنا اصلا علوا نرجع البيتنا

علي هز راسه ( ) لا شنسسووي نرجع اه ننا احسسن ( لا شنسوي نرجع اهنا احسن)

= اي لان مخلصها لعب

استغربت من رد علي يعني عاجبته العيشه اهنا وكلت ويه نفسي =. يجوز لان جهال بعمره ومكان واسع

رجعنا للغرفه واني اشوف فرح گاعده بالصاله وحانقه وبس دخلت اجوي بيت عمي مهدي هو وزوجته وبناته

دخلو سلمو وعمي مهدي گل البهاء // رووح يم الولد بالديوان كاعدين

طلع بهاء وگل العلاوي //. تروح وياي

هز راسه وطلعو اثنينهم

عمه نهاد //. عمه حسبالي تمرين ابيت عمي وتشوفين ام كريم

بيبي. // ردت امرن بس عاصف عده شغل وانا هم تعبت

نهاد #ي اي ياعمه هسه هاي هم مودايه الج تعب وانتي مره جبيره

مهدي //. وهو الهرفه شلونه ؟

عاصف ساكت وبيبي ردت //. على الله هو البالسجن شلونه

مهدي // وطبه طووب احد گايله

فزيت من مكاني وحاجيته بعصبيه = لويش اتكول عنه طبه طووب شمسويلك

مهدي //. انچبي لا اگص السانج

صرت ارجف لكن اتذكرت كلام عمو من يكلي صيري سباعيه واخذي حقج بايدج

= اني ما مسويه شي انت غلطت على اخويه

سعاد // واذا غلط طاحن دلاليعه

مهدي // واغلط وانعل والدينه

سمعت صوت عمي عاصف :: مهدي كافي

ما اتحملت بچييت وطلعت واسمع مهدي // هاي البغداديه اله اطيح حظها

سعاد //. اشايف واشايف منها بعدكم ما تعرفونها

رحت وره البيت بالمكان الي تخبز بي عمه رجاء گعدت هناك

 رغم ظلمه وصرت ابچي واعاتب بماما

= لويش هالشكل رحتي بسرعه حتى ما انتظرتي محاكمة ابنج الناس صارو دا يسبوج والكل سكت واني بس

احچي يغلطون عليه ويتهددون

= يووم ما اگدر اكلج اخذيني واريد اروح وياج لان علاوي منو يبقى اله وهشام الي احسب الطلعته يوم يوم

= ياماما اني خايفه وخايفه كولش

صرت اشهك من البچي = مهدي لويش يكرهني اني شمسويتله

= ياريت نرجع البيتنا اني وعلي ياريت اهنا منو الي هذا مو مكاني

سكتت وحسيت بالسكون والظلمه خفت رجعت كعدت بالمطبخ اجتي عمه رجاء شافتني گاعده بالمطبخ ما حجت

راحت ورجعت هي ونهاد الي كعدت مقابيلي وابتسمت وكالت

هاي شبيج زعلتي من عمج مهدي عصبي بس كلبه طيب

رجاء // شمكعدج اهنا كومي للحجره

ما جاوبتها بقيت كاعده وهنه راحن بقيت كاعده ومقهوره من ردة فعل بيبي وعمي عاصف سمعت مهدي يكول

اتصبحون على خير وعمه نهاد اتكله // بالمطبخ كاعده

اجه ما درت وجهي هو كلي

يابه شنو استنكفتي مني

بقيت ساكته نهاد اتكله //. مهدي على كيفك وياها

سعاد //. عوفها خليها اتولي استهضمت چيفن حچيت على اخوها جايبلنه الهلا

مهدي //. اسمعيني ولج بدلي اسلوبج لا انهيج

ما اتحملت جاوبته وانا ابچي =. اني شمسويتلك تحچي وياي هاللشكل ليش تكرهني

مهدي // واكسر راسج انتي ما متربيه يرادلج تربيه

  = اني متربايه

رفع ايده يريد يضربني نهاد لزمتها // امشي مهدي هاي زعطوطه

سعاد // هاي الزعطوطه كل البلا بيها وراح تشوفون

صرت اشهك من البجي ومهدي راح وهو يتحلف بيه //. انا الج اله اربيج خاف ابوج ما عرف يربيج اصطبريلي

سعاد طلعت وياهم اجه بهاء شافني ابجي سالني

شبيج وجدان

ما جاوبته لان مختنكه رد مره ثانيه

گليلي شبيج منو وياج ( حچى بصوت عالي ) يمه يمه

طلعت عمه رجاء //. ها بهاء شصاير

وجدان منو وياها ليش تبچي بالمطبخ

سعاد // شبيك عمه

رجاء تباوعلي //. عمك مهدي زمخ عليها

بهاء // ليش زمخ

سعاد //. السانها طويل وترادد

بهاء // گليلي ليش زمخ عليج

جاوبته واني ابچي = سب اخويه وابويه واجاني للمطبخ يريد يضربني

سعاد غمتني //. انهجم بيتج وبيت السانج

بهاء بعصبيه // يمه صدك السمعته

يمه ما تعرفه عمك

بيبي طلعت // شبيك بهاء ليش تصيح

بهاء // شني جده شني وجودج اهنا

ليش ولك

مهدي ليش يسب وجدان

سعاد //. السانها طويل

بهاء // عمه انا سالت جدتي

بيبي //. غلط على اخوها وهي ما رضت

بهاء // وتالي طلعت واجه يتهدد عليها بالمطبخ وانتي ساكته

بيبي // ما ادري جده وشكو بيها عمها حسبت ابوها

سعاد // شسويتوها طواله عمها وغلط عليها شني يعني

بهاء وهوويهز براسه // لا ما مسموح ايفك حلگه وياها ابيتنا

بيبي // بهاء هذا هم بيته

  بهاء // لا جده هذاك بيته هذا بيت عاصف وبيتي وكل شي اهنا ايخصنا

عمه رجاء // بهاء

صار يعيط // لا تخلوني اكفر ما اله حق يحچي وياها

رجاء// عمها اخو ابوها

    بهاء //. ليش تخلون الواحد يحجي مو اتبرى وگال ما عليه بيها هي واخوها انا اجي اشوف امي واروح مو صدك لو لا

        بيبي //. اي صدك

       بهاء //. خلص يدخل باحترامه ويطلع باحترامه

سعاد //. وانت شدعواك شو محد بعينك

  بهاء بعصبيه // ولا اكبر واحد من يغلط بحقي ما اعترف بي

عمه رحاء // خاب انجب هذا عمك

بهاء // ايي مو انتي اتدافعيله ماخذ اختج

سعاد رجعت غمتني //. انهجم بيتج ساعه صارلج من اجيتي ششتي البيت عاصف رزل بته وبهاء ايتهدد هسه تتكاتل

الزلم من وراج

مسحت خشمي وكفت =. اتي ليش اتكرهيني

سعاد. // تنجبي انجبي السانج اطول من النعال كل التكضينه ليش تكرهني وليش تكرهيني

= اذا ما تردوني خلوني اخذ اخويه وارجع البيتنا

ما احس اله الراشدي على خدي وعمي عاصف صاك اسنانه وهو ايگلي

:: هاي الحجايه مالت اذا ما تردوني خلوني اروح البيتنا تنسينها هذا بيتج انتي واخوج كلنه نطلع وتظلين

انتي وحبوبتج بي والما يعجبه ( صار يحي بعصبيه وصوت عالي ) يطلع وتبقيين انتي

اتفاجات بردة فعله اشوفه شلون يخزرني عفتهم ورحت للغرفه اتمددت واتغطيت وانا اناشغ عاصف صار يحچي

:: بعد مهدي ونهاد وبناتهم يجون يگعدون اهنا بالهول الحجره للبنيه واخوها وامي

سعاد // ها چنه انطردنا من حجرة امي

:: لا بس البنيه منا وهيج ترجع للمدرسه وهم تريد تدرس وتريد اتبدل شنو احنه فووك راسها

سعاد // ياالله يمه انا رايحه من اريد اشوفج لو ابيت مهدي لو حدي بديوان ابوي

رجاء // سعاد لا تزعلين

سعاد // چا مبينه اله يطردونه بهاء يگول البيت الي انا وعاصف وعاصف يكول اليريد ايشوف امي يگعد بالهول بعد كولو

لحد يجي خاف الاميره تضوج ياالله رحمه خلي نروح حتى من حدر راسها ما شفت امي

عاصف :: عيب هذا الحجي محد طردج واذا ع الحجره وجدان هي واخوها تاخذ حجرتي وانا اروح للبيت الثاني

سعاد // خو هي خليها هي واخوها يكعدون بالبيت احسن الها والكم

:: اي مو احنا اتراك نخلي فرخه تكعد ابحدها

سعاد // جا هي وين شو نفس البيت ،

:: سعاد الوداج تحچيين هذا الكلام گليله گطنه ويشلعها من اذانه والما عاجبه هو يروح الذاك البيت انا تعبان اريد انام

بقت سعاد تحجي // هههههي هاي بعدنا اسم الله بالطبك بعد امي عدله وكل ساع واحد طاردنا

رجاء/. اسكتي سعاد ما تعرفينه

سعاد // اعرفه وامي هيه المطيتهم وجه چا شو انا ابني يكعد بالديوان ومن يريد ايسلم عليها هي تروحله ممنوع ايدش للبيت

حتى بطل يجي لهنا خو حسين وعباس ما يوصلون يسلمون وهمه واكفيين ما جنه بيت جدهم وانتي عمتهم اخت ابوهم

بيبي // لان البيوت الها حرمتها اخوتج من يجون حدهم للديوان وانتي ابحدج انتي وفروخج

  سعاد // لا يمه انتي دومج اتفرقين وميزه عاصف علينه كلنه

بيبي. //. وحتى على روحي اميزه والعده حجايه يبلعها لا يطلعها

سعاد. //. شني عمي حتى لو عيشتنا عدها ما تسوون هذا السويتو

رجاء // اسكتي سعاد عمتي تعبانه لا يرتفع عدها السكر

سعاد // ساكته ورايحه البيتي احسنلي ياالله رحمه امشينه البيت خالج مهدي نتاني ابوج اهناك

صار البيت صنطه اجه علاوي نام وبس انا ويا بالغرفه رغم التعب ما كدرت انام حسيت على بيبي اجت وهي تستغفر وتكول

- -بخيرهم ما خيروني وبشرهم عمو عليه وينك غازي تعال وشوف الحمل الجديد الي انذب عليه وكلها متكالبه على عاصف

كلها تريد منه حتى بزر امس وسعدي شلع گلبنه ابته وابنه مهدي كايدته نهوده مسويته طلي شتكله ايكلها آميين

والضييم بس اعلى عاصف مشلوع كلبه من هو هاطوله ولهسه

سمعت صوته وهو يكول :: يمه كاعده

- - اي فووت

   :: و البنيه

- - مغطايه نايمه

دخل وهو يكول :: يمه راسي حيل وجعني

بيبي // سوده عليه تعال

بيبي //. شني عاصف عيونك تدمع

ارتفع ضغطي وراسي راح ينفجر

ما اعرف شنو سووت وهي تكول // لاتبجي يابعد امك ادري حملك ثكيل

:: يمه طگيتها الهليتيمه

مي خالف عمها وتريد مصلحتها وهي هم السان

::لا كله من هاي الحيه نهاد

  بيبي // ادري يمه اتشيش مهدي ويجي يطلع عنترياته اهنا

:: انا اتعجبت شلون ما وگفتي عد حده

   - - وروح ابوك ما ادري كاعده بالحجره عبالي راح البيته وهي الله يسلمها حجايه والثانيه رجعوني

:: طفله وكلها متجالبه عليها والمرت بي مو شويه

بيبي // على كيفك يمه شو مدللا وهذا مهدي انت ما قصرت ويا

:: اي ومن انا طلعت هو اتچيون عليها

بيبي // مو توك تگول كله من مرته

:: اي كله منها ما شفتي حتى فريحه هي وبت سعاد ما سلمن عليها

بيبي // وانت هم ما قصرت بفرح طيحت حظها

   :: ولو ما انتي كظيتيني منها جان موتتها

بيبي // يمه وحتى سعاد هالراحت زعلانه

   :: وعلى اساس انتي ما تعرفينها السعاد هي مو اكبر مني بس ما تعرف تحجي

بيبي اتحسرت // حگها يابني

:: وهاي المسكينه شلها غرض شي راح وانتهى والزغير كبر وناس ماتت وهي بعدهي ياناظم وياسعدي

بيبي // اگووم اسويلك چاي

::لا يمه ما اريد شربت ابيت حمود

- - وشصار

:: اتفقت وياهم يحملون بكروتهم

- - جا مهدي حتى هاي ما عرف الها

:: وداعتج بس همبله

- - كافي عميت عيونك

صرت اسمع بس نفسه بيبي سالته // ها شلون صار راسك

::احسن

- - ماتنام اهنا

:: لا وين انام

- - انا انزل بالگاع وانت نام ع الجربايه

:: لا اروح الحجرتي بس يمه بعد اليجيح يكعد بالهول ماكو انا اطيها حجرتي هي واخوها واروح الذاك البيت

   بيبي بنتر // شني تعوف بيتك وتروح اذا بروحه انا وياها والوليد نروح

:: اي هالمره انتي تعوفين بيتج

- - لا يمه هذا البي احنه كله الك

:: يمه خليها يمج والهول لليجي

- - ان شاالله رووح نام وسمي بالرحمن ومن اصبح افلح

طلع عمي الي كنت حاقده علي لان ضربني لكن من سمعت كلامه ويه بيبي عرفت هو سوا هالشكل حتى يحافظ عليه

اي بس مو معناتها اني سامحته ولا راح اسامحه

ضحكت ويه نفسي = هههه ما صار تلث ساعات من اتصالحنه ورجعنه اتزاعلنه

ما اعرف يمته نمت بس ما حسيت بشي حتى الصلاة ما گعدت اصليها بقيت نايمه يمكن بالتسعه اكثر كعدت ما شفت

احد موجود بس علاوي نايم يمي گمت اتوضيت وصليت قضا وبعدها رحت للمطبخ لكيت المواعين بالسنك ما مغسولات

بس قوري الجاي موجود ع الطباخ حميته وفتحت سلة الخبز اخذت منها خبزه وفتحت الثلاجه ما لكيت لا بيض ولا جبن

صبيت چاي وخليته ع الكاونتر وصرت اكل شويه من الخبزه واشرب وراها چاي حسيت اكو احد دخل للمطبخ درت

شفته بهاء واگف بالباب مچتف اديناته ويباوعلي ابتسم وكلي // صباح الخير

= صباح النور

اشلونج اليوم

=الحمد لله

تتريكين

هزيت راسي = اي

ليش بس خبز وجاي

= الحمد لله هذا الي لكيته

فات ع الثلاجه فتحها ما لكى اي شي // هسه اروح اجيبلج بيض واجي

= لا ماكو داعي اصلا شبعت

خليت الكوب بالسنك وكفيت ردني واريد اغسل المواعين سالني

شجاي اتسوين

= اريد اخسل الصحون

ليش انتي اتغسليهن

= عادي اخسلهن ما عندي شي

بس الي عرفته انتي تنظفين البيت

= عادي

لا خلي اشوف امي

=ماكو داعي

بعدج زعلانه ؟

سكتت ما جاوبته

لا تزعلين وهذا بيتج وماعليج بكل احد

= لا شعليه ابقى ايهنا وانتظر اخويه يطلع ونرجع

بهاء // ما ترجعين وجد هذا بيتج تبقيين اهنا وتكفين حياتج والي تردينه يصير

اجت عمه رجاء من الباب الثاني للمطبخ وشافت بهاء سالته // ها انت اهنا

- - اي توني اجيت وما لگيت احد ودخلت للمطبخ لگيت وجدان تاكل خبز وجاي

  رجاء // ليش مو اكو حليب

= اني مدا اشتهي

بهاء // هو انتي شلگيتي بالثلاجه

رجاء// انت امس التهييت بالعمال الاجو ما رحت اتسوكت وهي ما تاكل مثلنه

عكف حاجبه // شلون يعني ؟

رجاء // يعني ذاك اليوم طلعت الها زبد ما قبلت كالت استغفر الله حشا النعمه تلعب نفسي

=اني حبيت الخبز المكسب ويه الجاي

رجاء // هذا هو بعد شني شو من اتشوف اختك ما تكول شكلت اشربت

كملت المواعين وخليتهن ع الرف وطلعت وهو ايكلها // شبيج يمه شلقصه اقلها اختي انتي امها وعاصف ابوها وانا اخوها

رجاء //اي بس ما يصير هالشكل حجايه والثانيه ياوجدان ياطلابة وجدان من اجت والبيت معفوس

بهاء// لا مو من اجت اله من اجت سعاد واختج البيت انعفس

رجاء// هو هلبعد محد يجي انخلي الها والعاصف

بهاء //. استغفر الله يمه هو هذا شلون حچي

جاوبته بعصبيه // سكتت لا تكب عليه

دخلت للغرفه نظفتها وفتحت الشباك هويتها واسمع بيبي بصوتها الشجي تنعى وكفت وصارن عيوني يجرن لان العتب

حقيقي والكلام نابع من القلب علاوي گعد شافني ابجي لزمني من كتفي وحاجاني

( ) لا تب چيي ن دم وعج غا لييا ت (لاتبجيين دموعج غاليات)

اتفاجآت من كلامه الي هو مو كلامه اكيد سامعه مسحت دموعي وابتسمت بوجهه بعد ان حضنته سالته =تريد ريوك

هز راسه بالنفي

= ليش

( ) ما اشتت هي ( ما اشتهي)

= حبيبي شتريد اجيبلك

( ) ولا ششي ارر ووح ال بي ت ع ع مو جا ب ر اهنا ك ا ل ع ب ويه ااولادهم (ولا شي اروح البيت عمو جابر العب ويه اولادهم)

= بس همه هسه بالمدرسه

ايي من يجوو ن

= زين لعد فوت اسبح وانطيني ملابسك اغسلهن

اخذت ملابسه علكتهن ويه الخاولي وهو اجه انتظرته ينطيني الملابس واغسلهن

ومثل كل مره اروح استاذن عمه رجاء حتى استعمل الغساله واني استاذنها بكل شي

شفتها بالمطبخ حاجيتها = عمه اريد اغسل ملابس علووش وملابسي

جاوبتني بدون ما تباوع // عمه الغساله بيها اهدووم بهاء وما يقبل احد يخلي اهدومه ويا وتالي اغسل هدووم فرح

وانوب الجراجف اذا مستعجله اغسليهن باايدج

هزيت راسي كالت // الطشت بالترك يم التنور. هااج اخذي تايت من السطل

اتفاجآت من تصرفات عمه رجاء شبيها هالشكل تتصرف وياي هي صحيح مراات اتغنتب بس مو هييج

اخذت تايت ورحت لكييت الطشت خليت ماي وصرت اغسل بملابس علاوي وبعدها غسلت ملابسي رغم لونهن اسود

بس غسلتهن بتايت شويه لان خجلت من نفسي اطلب منها غسول للملابس السود شريت الملابس وصرت اغسل بالطارمه

من بقايا الماي والتايت رجعت واني اسمعه البهاء يعاتب باامه // ليش يمه مو انتي الصبح طلعتي بيض وجبن الي والبتج

رجاء // اكلك بهاء انت شسويتها قصه البارحه محد اتسوك والريوك يادوب ايكفيكم مو كافي كاعده هي واخوها وتتشرط

  بهاء// يمه كاعده ابيت جدها الها بهذا البيت اكثر من عدنا

   رحاء// وانا مو خدامه لا الها ولا الاخوها تريد تكعد حالها من حالكم

   بهاء // يمه

رجاء // شبيك البنيه ما عدها مدرسه تكعد اتشيل البيت حالها من حالي

بهاء // مو من اكول من اتغديتي ابيت مهدي وشفتي سعاد واختج بدلنج وفرنج فر اتزعلين

  رجاء //انجب بهاء شنو فرني شو ما تعرف تحجي

    دخلت للغرفه شفت علاوي طالع من الحمام وكاعد ابتسمت وكتله = نعيما حمام الهنا

() شك را

= ادري بيك ضايج قررت بس يجي عمو اگله يجيب تلفزيون

() مو اتكولي ين. وين ان خللي (مو تكولين وين انخلي )

هزيت راسي = مشكلتهم ما دام يردونه نبقى وياهم يجيبولنه كل شي نريده

ضحكت على نفسي لان هالشكل اتشرط واحچي ويه نفسي باستهزاء

= هي عمه رجاء منعتني استخدم الغساله واليوم ما خلتلي ريوك هنوب اتشرط على عاصف

= يجوز هالمره مو بس يضربني ايجوز ايموتني هذا الشرير

هزيت راسي = لا عمو عاصف مو شرير عصبي بس مو شرير

الشباك مفتوح وبهاء راح يم بيبي سالته // شمالك جده

مابيه شي

خوش الا ما بيك شي شتريد

جاي اكعد يمج ضايج

شني المضوجك

حبوبه امي من امس وهي مگلوبه على البنيه واخوها

شمالها ؟

حجايه والثانيه انا مو خدامه وهي مو زغيره وكاعده خلي تشيل البيت وياي

مي خالف جده هي هم تتعب

شتتعب شو البنيه ما مكلفتنه شي حتى مرات ننسى عدنا ابنيه او ولد ويانه

حكك ماشفتها شلون رجفت على مهدي

بس لا تزعلين هو مهدي ما يعرف يحچي ومرته كايدته عبالك طلي

غير جدك اخذي بنات اخوي لا يرحن للغريب

جده امي فقيره مو مثل نهاد

  بيبي // هاي انت اول مره اسمعك تحجي على خالتك

لان ادري بيها هي وسعاد شيشن امي ومهدي على وجدان

ها وجدان كاسره خاطرك

بت عمي غصبا عليه تكسر خاطري

والله ما ادري

جده احجي على امي خليها تدير بالها على البنيه خلي اتعاملها حالها من حال فرح

هزت راسها هو سالها // عاصف وين راح

كال عدي شغل

لو كايلي اروح ويا

كعد الصبح ومر عليه وگالي رايح عدي شغل

اجت عمه رجاء يمهم وكالت البهاء // ها انت اهنا

اي اهنا

بيبي سالتها // طبختي

اي تشريب لحم وشويه بعد اطبخ التمن

عود طكيلج خبزات خاف يجي عاصف

ادري عمه بعد هذا شغلي كل يووم لا توصيني

بيبي // حس سياره لو متوهمه

رجاء // لا ما متوهمه يجوز عاصف

راح بهاء يشوف منو لمن ما سمعت صوت سعاد اجت

ها يمه اشلونج

هلا بيج خير شصاير

يا جايه اشوفج

خايبه غير البارحه يمي شني متعاركه ياستار

يمه شلقصه هو البارحه اشفت منج من وره العرس السوته بت ابنج حتى رحت ما خلتني اسولف شعدي

سولفي

تستمر القصة أدناه

يمه هورحمن راد يجي ويحجي بس كالي هذا الشي بينج وبين اخوتج

شني چا هو ابن عمهم شكو

نريد نخطب الغزوان

ها صلوات بيها الخير بس مو تشوفينها واكفه توه ابن اخوج وامه ما صار شهرين

وشلي غرض بيهم شني ترديني احزن عليهم

ومنين هاي التردين تخطبينها

يمه بت حاكم ابن حجي سلمان

ها

يمه هو رايدها

شني عاشگها

لا يمه بس شايفها اظن ويه امها ما ادري ويه مرت اخوها وداني وشفتها وحجيت ويه امها وهي ردتلي خبر وگلنه

فرد نوب الجمعه هي خطبه هي عقد

وابنج عده مهر وفلوس عرس

اي يمه كل شي عده الحمد لله ما عايز

ما كلت عايز بس انتي دومج اتكولين نهبني بسوالف السيارات يشتريها غاليه ويبيعها برخص

اي بس انا ضامتله فلوس عرسه

بيها الخير

سعاد // انا عاد اجيت على عاصف اكله يروح ويانه هو ومهدي والولد

بيبي // عاصف مو اهنا طلع من غبشه

وين راح ؟

ما ادري شتعرفينه من يطلع ايگول وين رايح

بهاء اجه وهو ايگللها // اشلونج عمه

الله يسلمك حبيبي انت شلونك

بخير ونعمه

ياالله شد حيلك حتى نخطبلك

لا انا ما مستعجل

شني متاني تكبر

ضحك وبيبي سالته // وديت الخالك ماي جاي

اي حبوبه وديت

باوعت العمه رجاء طلعيلج دجاج واطبخي

شني يمه احنه خطار البارحه رحنه منا بس سواد الليل ع الموجود لا تكلفون روحكم

بيبي // مي خالف وانتي هم ساعدي مرت اخوج يالله خلي اندش

كامت بيبي واني سديت الشباك ورديت البرده وحتى الباب رديته ما احب اشوف سعاد

بيبي اجت للصاله وسعاد اتكللها // عود صدك يمه راح اتكعدين بالصاله

بيبي هزت اسها // اي يمه اكعد من يجينه احد

سعاد باستهزاء// والله خوش تعوفين حجرتج الوحده زعطوطه وفرخ جاهل

بيبي ما ردت وعمه گالت // اگوم اشوف رجاء احنه ما جايين نتغدا بس انظل نتاني عاصف

دخلت بيبي للغرفه وشافتها شلون نظيفه ومرتبه سالتني وهي مبتسمه

هاي انتي كفظتيها ونظفتيها

= اي بيبي

عفيه عاشت ايدج اطيني عباتي خلي اروح اسلم ع الرجال عيب

انطيتها العبايه الي معلكه وره الباب سالتني //. انتي غسلتي اهدومج وهدوم اخوج وغسلتي الطارمه

= اي بيبي الغساله عمتي تگول بيها ملابس بهاء ف انا غسلتهن بايدي بسرعه

عفيه هيج اريدج بساع تكفين شغلج وتكعدين وما تخلين احد يمن عليج

لبست العبايه تريد تطلع حاجيتها =. اوكفي بيبي

ها

وصلت يمها عدلت شيلتها وخليت الها عطر ابتسمت // هههه عشتي

راحت بيبي وانا بقيت كلت خلي اروح للمطبخ اشوف عمه رجاء اذا محتاجه شي دخلت لكيتهن يسولفن وبس شافني

سكتن حجيت = = صباح الخير

صباح النور

سعاد // يا الدنيا ظهر وانتي تكولين صباح الخير

ردت ارد عليها اسالها شتريد مني بس ما ردت احجي لان اعرف بيها تسوي مشكله حاجيت رجاء

= محتاجه شي اساعدج بي

لا جاي اطبخ

رحت للسنك وصرت اغسل المواعين الي مستعملتهن للطبخ بعدها طلعت كعدت بالصاله واجت بيبي

ها كاعده اهنا

= اي بيبي رحت اساعد عمه رجاء كالت ما عدي شي عاد اني خسلت الصحون

عفيه عليج هاج اخذي عباتي علكيها

اخذت العبايه وطلعت سعاد ورجاء كعدن بيبي سالت // كملتي الطبخ

رجاء// اي ع النار شويه واهدر التمن

انا اكوم اتوضى

راحت بيبي تتوضى ومن اجت تدخل للغرفه سعاد كالت // جا ليش تصلين بحجرتج اهنا وصلي خاف تزعجين وجدان

بيبي ما جاوبتها دخلت وفرشت الها المصلايه واني هم طلعت اتوضى من دخلت اسمع سعاد تحجي بهمس ويه رجاء

شنهي تصلي

اي ولا تعبر فرض

من كملنه صلا اجه بهاء وكال

ياالله اطلعي روحي للمطبخ

بيبي سالته // ليش

جايين عمال

دخلت للمطبخ ولگيت قبلي رجاء وسعاد وهي تسال شعدهم

بقيت واكفه وهنه گاعدات سعاد سالتني

انتي دومج واگفه

ردت اغيظها جاوبتها بدلال = ما اعرف اكعود بالارض

لمت حلگها باستهزاء // الارض چا مو جنتي اتصلين بالكاع

= اي الصلاة فرض او واحب واني ما متعوده اگعد بالگاع على كولتج

چا مو تنامين صارلج فووك الشهر ونص بالكاع

= مضطره بس ما احب اگعود ع الارض

هزت ايدها وهي تدرم //. والله ما ادري

سمعنا صوت عمي عاصف :: تعاي ام بهاء

راحت عمتي رجاء وهي اتكله //. ها عاصف

:: امي من كاعده بالهول ليش ما مادتلها دوشك تتمدد علي

توها عمتي اجت للهول

:: ليش وين جانت

بالحديقه البرانيه وانوب اجت سعاد وراحت اتسلم على رحمن

طلعت سعاد // اشلونك ابو فرح

:: هلا حياج الله (حجى ويه رجاء ) :: اذا كامل الغدا صبي

اي كامل

راح للديوان وبهاء اجه جاب كراسي دخلهن للمطبخ وهو ايگول // اي عيني بعد شتردين حتى ميز طعام جاب على مودج

سالته بفرح = لعد وين الطاوله

هسه اجيبها تدللين

= متگدر ابحدك

اجت رجاء وهي اتگله // اخذ السفره راح اصب

اجت سعاد وگالت //. ياصلاة محمد انوب كراسي وميز والله عمي بخت

صارن ايصبن لمن ما دخلت فرح باوعتلها رجاء // شني يمته اجيتي

باست سعاد بخدها // من چانو العمال اهنا درت من الحديقه وصعدت فووك

سعاد // شفتي ابوج شجايب

اي هاي لو انا طالبه منه ميز جان گلي اكلي تبن

هزيت راسي = مستحييل عمو عاصف هالشكل ايكلج وانتي غرفتج ما قاصره

فرح // وانتي شعليج بغرفتي حاسدتني عليها ؟

هزيت راسي وابتسمت = لا فروحه اني مدا احسدج بعدين تره الميز والكراسي ما جايبهن بس الي النه كلياتنه

اجه بهاء وعلاوي وصار يشيلونبالصحون وعلي اخذ الخبز والخواشيك واللبن

رحت للغرفه واتفاجآت من الشفته عمو عاصف جايب جربايه طابقين خشب وكنتور بابين فرحت بيهن

بس بيني وبين نفسي گلت = ما اسامحه

رجعت والفرحه مبينه على وجهي وبنفس الوقت شفت الضوجه بوجه عمتي رجاء وفرح والكره بعيون سعاد

بدون محد يكلي اخذت القوري وخليت ماي وخليته ع الطباخ وحضرت الاستكانات واخذت عمه رجاء

تشريبة لحم البيبي وصحن ثاني بي فخذ دجاج ولبن

بيبي گالت الها //. اخذي الدجاج ما اريده

ورجع بهاء الصحون خلاهن ع الكاونتر واني صبيتله الجاي هو گلي

خلي بالقوري على ما اودي الاستكانات صاير ثلج

= لعد منو يصب

انا

= تعرف ؟

سعاد باستهزاء // لا منين يعرف اياجرله جايچي

ضحكو واني ما ضحكت لان عرفت كلامها استهزاء بعدها صبت عمه رجاء النه غدا واني لان فرحت بالكراسي

والطاوله اخذت صحن زغير وخليت بي شويه اكل يعني الي ايكفيني وگعدت ع الكرسي وصرت اكل لمن ما اجه بهاء وكلي

ياالله انتي وفرح تعالن شيلن وياي الميز

ورحنه شلنه الميز هو من جهه واني وفرح من جهه لخ وعلووش لازم ويه بهاء دخلنا للمطبخ وصرنه من نخلي

بجهه عمه رجاء ما تقبل الى ان قررنا انخلي قريب ع المجمده لان ما قبلت انخلي بالوسطه طلعت شفت بيبي متمدده

گعدت يمها سالتني // شفتي عمج شجابلج

هزيت راسي

حلوات مو

= اي

من يجي گليله شكرا عمي طال عمرك

هزيت راسي = لا

ليش ولج

= ما ناسيه راشدي البارحه

سمعت صوته وهو يگول :: ياالله ياالله

فوت يمه هله بيك

وصل يم بيبي واني گاعده ع القنفه مقابيلها هو دنك :: اشلونج اليوم (باس راسها )

على الله يمه

اجت سعاد ورجاء وفرح الي كالت //. الله يساعدك بابا

هلا بابا

باوعلي :: جيبيلي چاي

سعاد //. عود حمي

رحت حميته وجبتله باستكان اخذه مني وكلي :: شكرا

هزيت راسي سعاد //. اگلك عاصف بيش اشتريتهن

:: شننه

الجربايه والكنتور

:: ليش

اكول يجوز اشتري مثلهن الجهالي

:: من تردين تشترين كليلي وانا ادليج على ابو المحل واخابره اكله هاي اختي وداريها بالاسعار

لاصدك عاصف جا هي سر

:: بفلوس اگلج سعاد ابو رحمه گلي تردين تخطبين الابنج لو شويه تاجلينها

هزت راسها // لا خويه من زمان حچيت ويه اهل البنيه وهمه رضو بعد عليمن هالتاجيل

:: اكول على ظرفنه احنه

سعاد باستهزاء// يمعود اليموت من فگر روحه ياهو مات وره المات بدر الله يرحمه لو سعدي لو مرته وابنه هاي بتهم

ما تعرف تاكل اله على كرسي وميز ورحتو جبتو الها وجربايه وكنتور من وصلت الابني لا خلي نتاني عيب

خويه الصدك اهل البنيه ودولنه خبر ع الجمعه وانتم خواله ومربينه وگدام الناس

بيبي // تدللين يمه اخوانج يجولج ويرفعون راسج

سعاد // عساهم سالمين انا اريدهم گدام العرب هيبه لا اريد فلوس ولا اثاث

عاصف وكف :: سعاد محد ماكل حقج اخذتي وزياده

دخل للغرفه وسعاد گالت البيبي // تجين يمه مو

لا يمه تدرين بيه ما احضر لا خطبه ولا عرس

واليمته يمه

اخوانج يجولج ونسوانهم ووليداتهم وهم يجيبون وياهم گرايبنه كلهم الموجودين

خوش يمه الله يطول اعمارهم ياالله انا اروح

رجاء // ما تبقيين

لا خيه وراي الف شغله وشغله نسلم عليكم

ونزلت باست بيبي بخدها وهي اتگلها //. الله وياج

وراحت عمه سعاد واجت فرح وياي بعد ان ساعدت بيبي حتى تروح تتمدد على فراشها وشافت الچربايه وهي تكول

يمكن انطي غرفتي العلووش وانا اصعد فووك اهنا

= علوا بس علووش بعده زغير خلي يكبر وانطي غرفتج اكولج خلي انكل العمو عاصف يجيب چربايه ام النفر العلاوي

واني وياج على هاي الچربايه

فرح // خوش فكره

بيبي فزت // انجبن ولجن شني ردهة مالت مستشفى

ها حجت فرح گلتي انجبي

گلت انجبن اسمعي زين

= صدوك بيبي خلي فرح تنام ايهنا

اي ياهو مانعها خليها تنام على جربايتي وانا انام بالكاع

فرح // اي حتى عاصف يگولون چانت عده بت اسمها فرح

= لويش

غير ايگطعني

بيبي // هسه لا اتعايرين من تردين اتنامين يم بت عمج افرشن بالكاع اثنينجن ونامن ولا تظلن اتعايرن

= شدا تگول

شنهي ما تعرفين شگول ياالله نامي لا بالعوجيه

وكفت واني ابتسم = لابيبي اني هطلع اكعود بالصاله

وينهي الصاله

فرح // شلقصه حبوبه يعني الهول

انسى شمدريني

طلعنه بعد ان طفينه الگلوب وكعدنا بالصاله فرح حاجتني // ترحين تصعدين وياي الغرفتي

هزيت راسي = لا ايهنا ابقى

زين انا راح اروح اقرا باجر عندي امتحان فيزيا

= اي

بقيت اباوع للصاله اتصدكون ما كاعده بيها ولا منتبهه الها كانت كبيره بحيث طخم القنفات ضايع بيها ونظيفه لان

يمكن لان محد يكعود بيها او لان ما عدهم جهال صدك هذا البيت كبير او واسع بي هواي ابواب عجبني اشرب جاي

رحت للمطبخ وخدرت كد كوبين مو اكثر صبيتلي كوب وصرت اشرب حسيت بعمو عاصف طلع من غرفته حاولت

ما ابين انو شفته اجه كعد مقابيلي وكلي

:: صبيلي چاي

بدون ما اباوع ولا اجاوب رحت صبيتله بااستكان وجبته اله خليته ع الطبله اعرف بي جاي ايباوعلي ويجوز يخزرني بس

اني بعدني زعلانه ولو شما يصير ما اصالحه

حمحم :: عجبتج الجربايه

بدون ما اباوع =. اي

:: والكنتور

= زين

:: جبتلج علاكه خليتها بالثلاجه

باوعتله ونزلت عيني = ما شفتها

:: يعني خاف تشتهين كرزات وعصاىر وجبس انتي لو علووش

هزيت راسي ودنكت حسيت بي اتقرب كلي :: بعدج زعلانه مو

ما جاوبته

اتنفس بعمق ودخن جكاره :: تدرين لو احد غيرج وهالشكل لبسني شسوي

صار گلبي يدك هو رد :: يمكن يكولون جان فلان لو جانت فلانه لو اخلي بي عاهه مستديمه

جاوبته بدون تفكير = لانك ظالم