رواية للحب فرصة اخيرة الفصل الثاني والعشرون
ضحى بصت لماهر بصة تحمل كل معانى الخسارة والالم جت تمشى بس قوقية دخلت وقالت:استنى ياضحى قبل متنزلى لازم اتكلم معاكى واعرفك انتى داخلة ع ايه؟! وانت ياماهر انزل لصاحبك فطمه ع اللى ف دماغك علشان انا لما دخلتله الشاى كان شكله ميعرفش حاجة
ماهر بتوتر:لا يادادة هو عارف وع العموم انا هنزله حالا بس بلاش تاخرى ضحى عايز الموضوع يخلص بسرعة من غير تعقيدات
ونزل وساب ضحى مع فوقية اللى بصتلها بخيبة امل وقالت:ياخسارة ياضحى وانا بقول عليكى واحدة عاقلة..اسمعينى كويس انا مش هقول كلامى دة تانى علشان تعبت سواء منك او منه..انتوا الاتنين السكينة سارقاكوا متعرفوش حجم الكارثة اللى انتوا عايزين تعملوها...انا اللى ربيت ماهر وهو لسة ف اللفة وعارفة بيفكر ازاى؟! صدقينى هو مش هيقدر يسلمك لصاحبه علشان بيحبك
ضحى:واللى بيحب حد مش المفروض يتمسك بيه لاخر لحظة
فوقية:هو متسمك بيكى ومش عايزك تروحى من بين ايديه بس انتى بردو مش مدياه فرصة مش عايزة ترحميه من اتهاماتك ليه انا عارفة انه كل مبرر هو بيقوله ليكى مش مقنع بس ياحبيتى حبك ليه اقوى من اللى عمله فيكى..وانا عارفة ان لسة قلبك بيدق ليه وعمره م وقف دق..هو مش هيقدر يوقع ع اوراق الطلاق قلبه مش هيطاوعه ع دة..ولو دة حصل يبقى انتى اللى كسبانة لانه كدة عمره محبك وخسارتك سهلة عليه...سامى صاحبه هو ضميره الحى ومش هيرضى يتجوز مرات صاحبه وهو عارف حبكوا لبعض عامل ازاى؟! وبلاش تفكروا ب انانية حمزة عينه منشفتش من كتر العياط مصدق عيلتله بقت حواليه ليه عايزين تبعدوا عن حضن امه وسند ابوه ليه؟!
ضحى بحزن:انا بحب ماهر يادادة ومش هحب حد غيره واتصدمت من اقتراح ماهر انه عايزنى يجوزنى لصاحبه مكدبش عليكى حسيت انى رخيصة بالنسباله بس قولت اكيد قال لنفسه انى مش هقدر اسامحه فلازم اشوف حياتى مع حد غيره بس ليه عايز يختارلى اللى اعيش معاه معنديش سبب واحد يخلينى ارتاح من الحيرة اللى جوايا..انا مش عايزة كل دة يحصل..ولازم ماهر اللى يوقف دة كله ويثبتلى فعلا انه بيحبنى ومستحيل يشوفنى مع حد غيره
ف الصالون
ماهر بيهز رجله بتوتر وغيرة وطلع علبه السجاير من جيبه وخد منها سجارة وفضل يدخن بشراهة
سامى بعصبية:ليك انت عن جد مجنون..انا يستحيل اعمل هيك شى..ليك والله كلامك غريب ورغبتك ان تجوز مراتك اغرب فى حدا عاقل يعلم هيك ياعالم..والله راح اجن منك..انا مانى كبرى ياماهر لحتى اوافق ع هيك طلب سخيف انا بعرف بحبكوا لبعض يبقى ليش اقبل انى اتظلم بهيك علاقة ما راح اخد منها اى شى غير وجع قلب..وبعدين انت ما بتشرب ليش هلا يعنى؟! ليش عم تعذب حالك هيك..لو كنت مفكر ان مرتك ما راح تسامحك والله غلطان هى بتعشقك عشق والا ما قبلت ها الزيجة من الاساس حتى لو كيرمال حمزة هيك بس حجة
ماهر:انا هتطلقها ياسامى والمحامى ف خلال ساعة هيكون هنا وكل شى هيخلص وهى اكيد هتتجوز ضحى جميلة ورقيقة ومطمع لاى حد ومش هقبل انها تكون لحد معرفش عنه حاجة
سامى:والله انت مجنون وحساك مانك بحالتك الطبيعية انت ماراح تتحمل تشوفها معى الغيرة راح تاكلك يازلميه
ماهر:بس تشوفها وتتكلم معاها ولو محستش براحة ارفض انا مش هغصبك ع حاجة بس علشان تكون ريحتنى
سامى:ياعالم حد ينجدنى من ها الزلميه ما بعرف ليش قدرى وقعنى بطريق واحد مثلك..اوكى ماهر راح اعمل اللى بدك ياه بتمنى ان عقلك يرجع براسك وتعرف انك بمصيبة وراح تتطربق ع راسك لو موقفتها
ماهر بخوف:يعنى موافق تشوفها؟!
سامى:اي موافق
طق طق
ماهر:ادخل
ضحى دخلت هى وهيام وفوقيه
هيام:اللى بيحصل دة لعب عيال وانا مش هقبل بيه
ماهر:ماما دى حياتنا واحنا حرين فيها
فوقية:متتعبيش نفسك ياست هيام الواحد اتكلم بما فيه الكفايا
ماهر:احنا برة اقعدوا مع بعض واتكلموا لحد م المحامى ييجى...يلة ياجماعة
وخرخ من الاوضة وهو بيمسح دمعة فرت من عينه
هيام ضربت كف ع كف وقالت:طب هو مجنون ومش عارف هو بيعمل ايه؟! وانتى ياضحى متعرفيش ترجعى لابنى عقله؟!
ضحى بحزن:ابنك هو اللى لازم يوقف اللى بيحصل دة
هيام بعصبية:وانتى جاموسة يعنى يسوقك ف المكان اللى هو عايزه؟!
ضحى ف سرها:لا يامرات عمى علشان عارفة ان ماهر مستحيل يتخلى عنى ولازم اثبت دة لعقلى
فوقية:يلة ياست هيام ملناش دعوة دى حياتهم
هيام بحزن: اللى بيحصل دة مش طبيعى
فوقية:وايه اللى حصل ف القصر طبيعى جت ع دة يعنى؟!
هيام:انا خارجة بس الباب هيبقى مفتوح
سامى:ما تخافى عليها وهى معى باذن الله كل شى راح يكون منيح
هيام:باذن الله يينى
ف اوضة ماهر وضحى
ماهر رايح جاى والغيرة بتاكل ف جسمه وروحه
قعد ع السرير وحط ايده ع راسه وفضل يهز ف رجله نفخ بضيق وعصبية وقام من مكانه وافتكر كلام ضحى ليه ماهر هو انا لو مشيت هتحس بحاجة
انا لما جيت القصر وشوفتك حسيت انك الفارس بتاعى اللى بشوفه كل يوم ف احلامى واللى هيخطفنى ع حصانه الابيض
بحباااااااك ياماااااهر
تعرف ياماهر لو عينك راحت لواحدة غيرى انا ممكن اعمل فيك ايه؟! هدبحك
فضل رايح جاى بيفتكر لحظات بينه وبين ضحى
فلاش باك
ف عربية ماهر
ضحى:ماهر هى الدنيا بتمطر؟!
ماهر:ايوة
ضحى:ايدة الله طب وقف العربية عاوزة انزل؟!
ماهر:مينفعش ياضحى انا مش بحب المطر بعيا منها وبردى شديد مش بستحمله وبتعبك معايا
ضحى:بس انا بحب المطر وحياتى عندك وقف
ماهر:اكبرى ياضحى مش معقولة انتى بجد؟!
ضحى بحزن:انا مخمصاك ع فكرة ومش هكلمك خالص مالص
ماهر:ههههههه خلاص متزعليش ادينى هوقف العربية بس خمس دقايق مش اكتر
ضحى سققت وباسته ف خده وخرجت من العربية وفضلت واقفة والمياه بتنزل عليها وهى مستمتعة...فضلت تدور حول نفسها ومع اخر لفة اتصدمت بماهر بيبص عليها بحب اتكسفت ونزلت وشها ف الارض هو رفع وشها ليه وقال:انتى حلوة اوى ياضحى
ضحى بكسوف:هو انت مش بتخاف من المطر؟!
ماهر:انا مبحبهاش وبعدين هخاف ليه من المطر بتلسع مثلا؟!
ضحى:انا جعانة
ماهر:انتى بتهربى من نظراتى ع فكرة بكلامك دة...كسوفك دة بيجننى بيكى اكتر من الاول
ضحى:يعنى انت فعلا بتحبنى ياماهر مش زى منت قولتلى انك اتجوزتنى غصب عنك؟!
ماهر افتكر هنا لحظة م ابوه ضربه واهانه بعد عنها وبصلها ببرود وقال:انا اتاخرت ولازم نروح
ضحى:مالك ياماهر؟! انت بتتغير بسرعة معايا كدة ليه؟! لو مش عايز تقولى كلمة بحبك اللى هموت واسمعها منك متقولهاش كفايا عليا نظراتك اللى بتدينى الحنية والامان
ماهر بعد عنها جاى يبصلها لقاها بتدور حول نفسها وبتقول:بحبااااااااك يامااااااهر
ماهر ضحك غصب عنه وقرب منها وشالها وقال:شكلك عاوزة تباتى هنا وبطلى تتكسفى من اى فعل انا بعمله لانى معملتش حاجة لسة
ضحى:ماهر نزلنى لو حد شافنا هيقول علينا ايه؟!
ماهر:ولا يهمنى اى حد المهم انتى بتحسى بايه وانتى معايا
ضحى:بحس انى فرحانة ومش عايزة ابعد عنك برجع طفلة وحساك ابويا واخويا وامى لانك انت دنيتى كلها
ماهر باس راسها وقال:ربنا يقدرنى واسعدك
ضحى:بعشقك ياواد يامز انت
باك
ماهر غمض عينه بوجع وكل ذكرياته مع ضحى بتهاجمه
فلاش باك
ضحى:انت بتعمل ايه ياماهر ورينى كدة ايدة انت بتشرب خمرة؟!
ماهر:خمرة! انتى قديمة اوى ع فكرة اسمها ويسكى شمبانيا انسى بقا الحارة اللى انتى جاية منها
ضحى:ايا كان اسمها ايه دى حاجات بتضيع العقل وبتخليك مش حاسس بالدنيا وربك بيبقى غضبان عليك انت لازم تبطلها
ماهر:دة امر؟!
ضحى:لا مش امر بس انا خايفة عليك من عقاب ربنا
ماهر:حاضر مش هشربها قدامك بعد كدة ارتحتى
ضحى:لا مش هرتاح غير لما تبطلها اقولك ع حاجة؟!
ماهر:نعم
ضحى:هاتها خلينى اخربها
ماهر:نعم ياروح امك
ضحى:ايه هى حلال ليك وحرام ليا
ماهر:بت انتى حلى عنى.. مش هديكى تشربى حاجة طعمه مر ومش هتحبيه
ضحى:كدة ياماهر طيب قابل منى بقا
شدت الازازة منه وجريت ع الحمام وقفلت ع نفسها ورمت اللى فيها وكدبت عليه وفهمته انها شربت الازازة كلها
ماهر بزعيق:افتحى ياضحى دة انتى يومك مش فايت انهردة..عليا النعمة لخليك تحنى لعلقات ابوكى زمان...ضحى افتحى الباب
ضحى فتحت الباب ورمت نفسها عليه وقالت:الله يخربيتك جمالك..متجيب بوسة
ماهر بصدمة:ضحى انتى شربتى الازازة كلها؟!
ضحى:بقولك عايزة بوسة
ماهر:طب قومى خلينى افوقك من اللى شربتيه
ضحى:مش عايزة افوق قولى ياماهر انت بتحبنى؟!
ماهر بصلها وقال:ايه اللى خلاكى تشربى الزفت دة؟!
ضحى:مش عايزاك تشربه ياماهر ولو هو كويس كنت خليتنى اشربه معاك..اوعدنى انك هتبطله وتصلى وتقرا قران وتقرب من ربنا علشان يحميك من الحاجات دى اتفقنا؟!
ماهر:اوعدك اومى يلة خلينى اغسلك وشك
ضحى:لا ادينى بوسة الاول
ماهر:ههههههههه حاضر
ضحى بخوف:انت بتعمل ايه؟!
ماهر بعصبية:اللهم طولك ياروح...هبوسك يابنتى مش انتى عايزة كدة؟!
ضحى:تعالى اغسلى وشى احسن
ماهر غسلها وشها وقال:انتى كويسة؟!
ضحى:ايوة كويسة
ماهر:تعالى نامى..شكلك دايخة اوى
ضحى:ايوة انا دايخة..شيلنى ياماهر
ماهر شالها وحطها ع السرير جاى يبعد بس هى مسكته وقالت:انا عايزاك
ماهر بصدمة: انتى انحرفتى امتى يابت؟! ايه عايزاك دى؟!
ضحى: انت جوزى وانا مراتك وانا بحبك وانت حلالى
ماهر ضحك وقال:بس انا تعبان
ضحى ضربته ف صدره وقالت بحزن:امشى ياماهر
ماهر مسك ايدها وباسها وقال:ههههههه خلاص وانا اقدر ابعد عنك دة انتى النفس اللى بتنفسه
ضحى:بجد ياماهر؟!
ماهر:بجد ياعقل ماهر..احنا هنقضيها كلام ولا ايه؟! استعنى ع الشقا بالله
باك
ماهر:لا انا مش هضيعك منى...انا لازم اوقف اللى بيحصل دة
ف الصالة
فوقية:المحامى وصل ومعاه اوراق الطلاق
ماهر بخوف:ضحى مضت؟!
فوقية:.لا لسة
ماهر تنهد براحة وقال:الحمد لله
المحامى:اوراق الطلاق معايا زى م حضرتك امرت
ماهر مسك اوراق الطلاق وقطعها وسط صدمة الكل
ماهر:انا مش مطلق ضحى...مش هخليها تبعد عنى امشى من هنا يلة ومتجيش غير لما اقولك
المحامى:تحت امرك...
