رواي عذابي وقدري الفصل الثالث والعشرون بقلم ارسلان جاف
-روان خابرني حبيبي علاء وكال اختاروني
سايق تنكر ماي…
- وتريدين الصدك اني طلبت هالشي من الضابط
وراح يصير دوووام 10 ايام واستراحه 5
لو 10 ب10…
روان علاء بسس هيج خطر واني اخاف عليك
-علاء الاعمار بيد الله محد يعرف بيومه وولج
لو يريد رب العالمين ياخذ رووحي لو ياخذها
لو اني نايم بحضنج امووت
هي موته وين ماجان…
-روان… اسم الله عليك حبيبي
يله رنووو ارووح… .سديته منه
واني مختنكت من حجيه ماتحمل هيج يحجي
والله امووت… بدووونه…
-وره 11 يووم دوووام نزل بيوم 19 ب محرم
بسس هاي المره بنزلته بملابسه العسكريه
كل مره لابس مدني…
شفته وكتله ليش هيج علاء تسوي عناد بيه
ضحك وكال شبيج… .
-روان تدري الوضع مو زين حيل وانت تجي من
صلاح الدين ل الديوانية هيج …
شبيك فهمني اذا رووحك ماتهمك اني تهمني ..
حضني وكلي انتي والله مخبله وماعندج عقل
وخرت عنه وكتله ماعندي عقل علاء لان اخاف عليك…
- اسكتي بابا شبيج…
-بعد مخلصت اجازته ال 5 ايام التحق علاء
اتصل بي جهازه مغلق مو عوايده… بقيت بقلق
وخوف مر اول يوم ..وماكووو منه اي خبررر
ومررر اليوم الثاني وهم ماكووو… تخبلت عليه…
-خابرر كرار اخوه هو وياه كال ماشفته من لبارحه
ياربي رحمتك…
- الليل كله مانمته الي مر ع الاسلام…
جهازي بيدي واخابره ويطلع جهازه مغلق
وبقيت مكابله التليفون بالليل والنهار وكاعده
اخاف يخابر ومااسمعه…
ثالث يوم دك الجهاز بيدي فزيت وفتحت خط
حتى مباوعت اذا رقم علاء او لا
بسس سمعت صوته كمت ابجي واعيط عليه
بدوون وعي واعاتب بي ..
--ليش علاء يومين جهازك مغلق متتت
واني ابجي واشهك واحجي ..
-علاء… اسف حبيبتي والله جهازي وكع بالمي
وعطل واليوم يله حصلت جهاز واشتريته
وخابرتج واني احجي واحس جسمي يرجف
من راسي لرجليه خوف وفرحه وقلق
وقله اكل ونوم…
ثاني يوم كعدت لصبح كالعاده كملت شغلي
وجنت بالمطبخ… اجتي نبراس
روان يله عوفي الي بايدج بدت المسلسل تعالي
يله بس اغسل ايدي واجي…
- كملت مسح وغسلت ايديه ورحت كعدت يم بنات
جانت لساعه 10 للصبح طالع مسلسل سوري
على قناه الشرقيه احنه نتابعه كل يووم
كعدنه نتابع… .
- اشو قطعوا المسلسل وطلع خبر عاجل…… ..
انفجار منزل في شارع…… بنفس شارع المقر مالت علاء
واستشهاد 12
-ركضت ع جهازي اخابر ماكووو شبكة مغلق
ياربي دخيلك ياللهي سترك… .
انت لقادر ع كل شي احفظلي علاء
متت خوف ع علاء يمكن لو يذبحوني ميلكون
بيه قطره دم…
-بقيت ادك عليه وادك للعصر يله جاوبني ..يالله
رحمتك بعد مامتت من لخوف والقلق…
ملخت روحي كلت راح مني… .
- فتحت خط واسمع صوته يبجي وكوه يحجي
روان علاء حبيبي شبيك
هو يحجي ويبجي منهار كال 7 من اصدقائه
الي وياه طالعين بمهمه مداهمه بيت وطالع
البيت مفخخينه وهمه بنصه ومفجور عليهم
ومطلعيهم بسس كلهم شهداء … .
- روان الله يرحمهم حبيبي ادعيلهم بالرحمه
هذوله شهداء…
ماطول ويايه بالحجي وسده وكال يمكن يومين
وانزل…
روان اول مره اشوف علاء بهالحاله منهار ويبجي
الله يساعد اهلهم شكالووو ويصبرهم…
علاء ..
بعد منزلت بملابسي العسكريه زعلت مني روان
لان خايفه عليه والوضع بعده يخووف مو زين
كملت اجازتي والتحقت للمقر ..
اجتي معلومات اكوو بيت بي داعش
وراحو مجموعه من الابطال
وداخلين للبيت وهمه بنصه ومفجور عليهم ورايحين كلهم مشتشهدين ولا واحد طالع منهم
واستشهدين 12… .
علاء حسيت بشعور بداخلي غريب
من شفت اصدقائي اشتشهدوا حسيت اني وراهم
خصوصا من نزلت بملابس عسكريه حسيت
اخر مره راح البسهم…
وسده ماطوول بالحجي…
- وكال اجازته هاليومين قريبه…
روان ترجع بالسلامه حبيبي…
وخلال هاليومين علاء نزل وكال ماريد اهلج
يعرفون نزلت ..
روان ليش حبيبي
ماعندي سياره حتى نروحلهم خليها ع الاجازه ثانيه
روان حسيت علاء بي شي مو على بعضه
ماعرف احد مسمعه شي عن سياره
لو سالفه طلعه من لبيت صدك ناوي عليها
ماعرف الي بي بالضبط…
- بلليل ساعه 9 طلع وهاي اول مره يسويها
من يجي بالعاده يكول تعبان ميطلع لثاني يوم
ومرجع لساعه ب 12 ونص بالليل… .
روان… هاا حبي وين جنت ويه اصدقائي
بدل ولف راسه ونام وكال كعديني باجر
لصبح من وكت…
روان… ليش حبيبي انت ماعندك دووام باجر
علاء اريد ارووح لسوك واريدج تجين وياي
روان ..شكووو حبيبي
ماكوو شي… بسس اريدج اشتريلج ملابس سود
روان حبيبي عندي وهو ليوم 20ب محرم
كال ميخالف…
نمنه وكعدنا للصبح لساعه ب 9
اتريكنه وكملنه وكال يله روان بدلي خلي نطلع
اني بين مغسلت لمواعين وكملت…
-صعدت بدلت ولبست عبايتي وبيدي جنطتي
- شافتنه مرت عمي احلام… كالت وين
- علاء رايحين لسوك
كالت ارووح وياكم…
فاتت لغرفتها لبست عبايتها واجتي ويانه
علاء مكال شي…
-طلعنه اني وعلاء ومرت عمي احلام لسوك
واخذنه تكسي وصلنه… وافترينه بالسوك
واشترينه افراش بطانيان لون بيجي وجوزي
لان دنيا بارده شهر 11 واخذنه صوبه كهربائية
وفتنه اني وعلاء لمحل ملابس نسائية
وكال اني اختارلج…
- اخذت جبة سوده وعليها شيفون خفيف هم اسود
واخذت بنطرون اسود وقميص طويل مال محجبات وشال…
دخت من فره السوك ونفسي كامت تلعب
-علاء شافني كال لمرت عمي احلام اخذيها
ورجعوا للبيت… واني اشتري ملابس الي وارجع
شاف ابو السمج اشتره وكال مشتهي سمج
وتمن لليوم ..…
- اخذلنه تكسي ورجعنه للبيت
-روان وصلنه للبيت اخذت لغراض وصعدت لغرفتي
بدلت واتمددت شويه ارتاحيت ونزلت… احضر الغده
نظفت السمج وجهزته وطبخت تمن
وجنت واكفه ع الطباغ اكلي بالسمج
فات حبيبي علاء وصاح روان متت جوع
فات حبيبي علاء وصاح روان ميت جوع
خسه الجوع حبيبي…
شويه واكمل ..كال راح اصعد اخلي الغراض فوك
وكال شويه وانزل اريد الغده يكون جاهز
وجرني من خدي ..
روان اني جنت مكمله كلشي جانت اخر كم قطعه
سمج مخليتهم بالطاوه وراح اطلعهم… طلعتهم
ورحت لصاله ومديت السفره وبديت اصب الغده
والبنات خابزات خبز حارررر
جنت واكفه ع الطباخ اصب الاكل حضني من وره
من خصري وخله راسه ع ركبتي وباسني
روان علاء وخرررر عني راح ينكلب الاكل عليه
- كال ولج مشتاقلج ..
روان انت موو تكول جووعان روووح اكل اني
اكمل صب الاكل واجي وراك
علاء ..اذا موو مرتي بصفي مااكل ابد
اني شعندي غير عافيتي وبنتي ..
روان ..بنتك
اي بنتي ..ان شاء الله ابنيه…
طلعنه اني وياه وكعدنه اكلنه وكملنه وكال اريد جاي…
-لان اريد اطلع خطيه ولد صديقي خابرني
مشتري غرفه نوم مالته ويريدني اشدهه اله
كتله بسس اتغده واجي… كملنه اكل وسويت جاي
واخذت اله كوب جاي وانطيتهياه… ورحت للمطبخ
اكمل شغلي …
واني واكفه على السنك اغسل لمواعين سمعت
مرت عمي احلام كالت لعلاء اكعد اريد احجي وياك
واسمع علاء يكوللها ليوم عندي شغل ومواعد
ولد صديقي وتاخرت عليه باجر اكعد يمج
واسمع منج كلشي…
روان… اني ضجت وكلت هاي شتريد منه
هووو طلع…
-واني كملت شغلي متت تعب احسس روحي انتهيت
صعدت لغرفتي حتى ارتاح وانام…
-اول مفتت لغرفه لكيت جهزي يدك شلته شفت
ماما تتصل وبقيت احجي وياها واسال عنهم
وحجيت ويه اخواتي رونق ورقية سوالف وضحك
بهالاثناء خابرني علاء سويت مكالمه جماعيه
وبقوووا يسسولفوون سوووه…
بعدهه راح وبقينه اني وماما والبنات نسولف
اشويه ورجع خابرني علاء… كملت ويه ماما وسديته ورجعت خابرته رفضها…
- شمرت جهاز فوك ونزلت جووه… لكيته كاعد
جوه شافني وكال ممكن اعرف شصار هالكد تحجين
شعندج… .وهويحجي و مبينه عليه العصبيه
وليش بغرفتج كاعده ماتنزلين معتكفه فوووك
لو اهلي مايعجبونج… من طريقه كلامه عرفت
مرت عمي احلام شاحنته عليه…
- محاجيته مردت تصير مشكله رحت للمطبخ
واسمعهه تكله يمه مرتك ماتسمع لحجايه
و 24 ساعه فوك وتخابر ودك عليها ارقام اشكال
اني اسمعها وسويت نفسي افتح لثلاجه اخلي بيها
المي…
-هي شافتني يمه مريتك شعندك غيرها
ديربالك عليها بعدهه زغيره
اني بقيت فاكه حلكي 😲 عزززه
مثل لحربايه الي تغيير لونها هي تغيير كلامها
طلعت… من لمطبخ وجان تكول لعلاء
اني اريدك تشوفلها حل لا تشتغل ولا تسوي شي
والنهار كله فوك بغرفتها ونايمه ..وتليفونها على
اذانها…
-روان من سمعت هيج صدك بعد ماتحملت طلعت
من المطبخ وهديت عليها وكتلها شنوو انتي
ماتخافيين من الله… بسس العتب مو عليج
العتب على الي مصدكج…وكاعد يسمعج…
ناررر وشبت بكلبي وصرت اعصاب عفتهم وصعدت
لغرفتي وكعدت ابجي لان صدك اختنكت
بعد كلشي الي سسوته وهيج تحجي
لا ونوب علاء مصدك بيها… لعد اني شنوو هنا
وليش مخليني بيته اذا اني كح… مثل متكول
مرت ابوه احلام… .
- واني ابجي اسمعت انفتحت الباب رفعت راسي فات علاء لغرفه .
وركع الباب وراه… .
- كال وين جهازج كتله بالمجر راح وطلعه
وكال ليوم هذا الخط طلعينه
من جهازج وبعد متخلينه واني بعد شويه طالع
واجيبلج خط جديد وياي وتخلينه ومحددد
يعرفه بسس اني وانتي وامج غيرنه لا ..
ماكووو لا عمه ولا خاله ..
روان… كتله مششكور حبيبي هي هاي ثقتك بيه
مو صوجك الصوج بيه اني الي اتحملت
كلشي علمودك بسس شنو الفايده وبيش جازيتني
تشك بيه رحم الله والديك ركضت على المجر فتحته وطلعت التليفون وكتله هاااك…
-اخذه وكلشي مااريددد منك… اذا كل ما اخابر امي
وهي تكلك تخوونك… حتى امي بعد مااخابرها
ارتاااح انت ومرت ابوك ..بسس الله موجود
شوف شراح يسوي بيها الله…
-علاء كافي سدي الموضوع وكومي حضريلي
ملابسي اريد اسبح واطلع لكربله اريد ازور
وماراح اخذج وياي لان مالحك ازور بالاربعينيه
روان… جنت اتصور لان دوووام وميكدر ينزل
علمود لزياره…
كمت فتحت الكنتور وطلعت ملابس لعلاء
ونزلت خليتهم اله بالحمام… .
شكرا لزيارتكم عالم روايات سكيرهوم
