رواية سواد القلوب الفصل الثاني والعشرون بقلم ام سامان
رجعنا بعد ما عمو خابر عمه ليال الوجهها صوفر
_ شبيها بنتي أركان....حجت بدموع ...تمام تمام....بس دزلي
أياد يوديني لبنيتي
_ شكوو عمه
_ ماادري براء متخربطة...والجهال يم بيت حماي
رحنا وصلنا البيت
_ لا تنزلين أجيب الجهال
""::::""":::
ليال
نزلت أجيب الجهال وكلبي انقبض احس حالة براء أكبر من خربطة..
فتحت خونجا الباب وعوجت حلكها
_ هلا
_ هلا ...جيبيلي الجهال لو سمحتي ...
_ على أساس كولش يهموج الجهال ...كاضه حياتج تركضين ورا جهالج من ضياء وهامله جهالج من أركان رفعتلها حاجبي
_ وانتي منو موكلج محامي لجهالي
_ خطية شاد من يجي يضل يشكي عن اهمالج الهم واهتمامج باخوه واخته
_ هالشي ميخصج...وطبعا انتي ماصدكتي وضليتي تبخين بسمج
اتقدمت بتهجم ودفعتني من صدري
_لو تعرفين شكددد اكرهج ياليااال..بس قريب يصير الاريدده إذا ماحسرتتتج على كل أطفالج وخليتهم يكرهوج مااتسمى خونجا...
صاحت سالم وخنده ..اجوني ركض وهي سدت الباب بقوة
حضنوني وهمه يرجفون
_ ماما اخذو براء باسعاف
كملت خنده
_ ماما من طلعنا اياد جان أكو هواية دم بالكاع
فتحت عيوني ...مصدومه...
معقولة براء جانت حامل واجهضت...ماادري شلون وصلت ..
وصلت يمهم واشوف حالة فهد ومروان الكاعد بتعب وعيونه بالكاع
حسيت كلبي راح يطلع.....
تقدم أركان وهو هم مبين باجي
_ شصاير أركان ...كلبي مقبوض
_ خلي ايمانج بربج قوي ليالي
_لا لا بنتي بخير مووو
_ ششش اهدي عايشة والله عايشه. ..بس وضعها مو مستقر
_ للييش
_ ماادري حبيبتي اهدي
طلع فهد مثل الاعصار وأدهم ومروان لحكوه
_ براء ضاربيها جم سجين شهكت مامصدكه
_ منو ...وليش
_ مانعرف بعدنا ....جانت حابسة سالم وخنده بغرفتها...
_ ياعمري حتى وهي بنص الخطر والتعب تفكر بغيرها
_ هاي هي اميرتي ..
متأكد راح ترجعلنا
_ ان شاء الله ...حسيت بوخزات بكلبي ....وراها ماحسيت بشي""::::::""""":::::"""":::
فهد
دخلت اشوفها بعد توسل ...والجرح البوجهها والاجهزة والصوندات الموصول بجسمها....
ماتحملت فكرة. ..هاي براء
تذكرت عندي الكاميرات ....
أكيد دليل على هدية ...كل الي ببالي هاي هدية حسب كلام فرح الضربتهها كالت سلام من هدية
طلعت بسرعة...اشرت لادهم يلحكني
....ماعرفت مروان هم لحكنا
وصلت لبيتنا شفت مروان وأدهم هم وصلو
فتت وفتحت الكاميرات ورجعتها لقبل ساعات .....لحد ماشفت امي ورفل طلعو....وراها بربع ساعة وكفت سيارة بدون رقم رسمي كدام البيت ...وطلعو منها اثنين زلم ....
لابسين لثام مامبين منهم شي ..فقد مروان اعصابه ضل يضرب الحايط بوكسات
...أدهم لزمه بقوة يمنعه..
تقدم الي بتهجم
_ منو اعدائك خلي نروح نهجم بيتهم
_حجيت وافكر ومالكيت عندي اعداء..ماكو مامعادي احد ..
غير هدية
_ حجه أدهم....فكر فهد....
مبين الشغلة أكبر من امي ....
امي ماتكدر تطلع من محافظة وهي مطلوبة
_ بعدككككك تكول امييي ....
اي ماتطلع بس تكدر دز احبابها لو شرأيك أدهم...حجيت وأنا مامفكر بكلامي اجرحه..رب الخانت زوجها وهي كاعدة ويه عيال وتشتغل سحااارة راح يصعب عليها الأمر زلم تساعدها....ماعدها عصابة ....رب الخطفت وعذبت حفيدها يوووكف بطريقها سيطرةةة وشرطةةةة....ماسكتت لماا شفت عيونه المدمعه...يمكن مامتوقع بيوم نعايره....
_ كلامك صح....حجه بكسره و
طلع باوعلي مروان...
_ ماجان لازم تحاجيه هيج
_ براء حتضيع منا....
كعدت بتعب ...كعد كدامي ..ساكتين اثنينا ..
دك موبايلي ...ابويه ....خفت لاصار ببراء شي ...
_ هلا بويه...شنننووووو..جاي جاي
_ شكو شبيها براء
_ امي مروان امي ....
_ طلعنا للمستشفى شفت ابويه....مخلي رأسه بين اديه ...
_ بويه ....رفع رأسه بتعب...امي
_ جاوب بقهر بالانعاش.....ضربتها جلطة
_ كعدت بصفه ومروان انتجا عالحايط يباوعلنا بقهر....
_ شتكول قويه
_ ماتحملت الصار ببراء...
وكعت بين اديه..ماكدرت اسويلها شييي...
_ حضنته اهدي...أنا اكثر واحد أعرف شكد يحبها....خلاص بويه امي وبراء قويات وراح يردون النا....
::"""""":::::"""""""
مر اسبوع ووضع براء بعده مو كولش تتحسن بس بشكل بطيء ...دك موبايلي ...
رقم دولي ...
_ الو.....منو وياي
اجاني صوتها
_ هلا حب حب
_ شيماء
_ اوي فديت الماينسى صوتي ....شلونها حبيبتك فروحه واميرتك بروئه
_ شلون عرفتي
ضحكت بصوت عالي
_ شلون مااعرف وأنا الموصلتهن لهالوضع
_ فتحت عيوني مصدوم
_ لعد شعبالك...كتلك انطيني الاريده وأنت رفضت ..وآني مستحيل اطلع من اي عملية ببلاش ...دزيت سلام خاص باسم هدية السمعت عنها وكت جنت عدكم...وعن المشكلة البينكم خليتك خايف من طرف ماله وجود حاليا حتى اضرب ضربتي...وبصراحة ردت امك هم تحصل هدية على هيج تربية ....بس القدر ساعدها من طلعت قبل لايهجمون زلمي...
بس خوش جنت مخلي فلوس جوه ايدك
_ 16مليون مو قليل
_ ليش ...يابنت الحرام مدام اخذتي الفلوس ليش اذيتيها ...ليش شوهتي وجهها
_احمد ربك اكدت عليهم مايعتدون عليها ..المهم شوهت وجهها لان حبيت كلما تباوع بوجهها تتذكر حبيبتك شيومه...وهسه بيبي أروح لزوج غيرك...
سدت الخط ...ماحسيت يمتى نازلة دموعي
تقرب مروان
_ شبيك فهد .. منو وياك ..
_ مو هدية مروان ....
عكد حواجبه موفاهم
_ مافهم
قاطعته
_ مو هدية الأذت براء..شيماء السوتها
فتح عيونه مصدوم
_ شتحجي. ..شون عرفت...
حجيتله اتصالها
_ الرقم
_ انطيته الرقم...باوعت المعرف..عرفت تركيا
_ بتركيا ...
_ اخخخخ الله بس لو توكع بايدي
_ اففف واحنا كسرنا بادهم واصلا طلعت مو امه المسويه هيج
ويه كلامنا أجا باتجاهنا مسحت دموعي فتح عيونه خايف سرع خطواته
_ براء شبيها.
_ على وضعها ....جاوبه مروان
تقدمت وحضنته بقوة ...حسيته جمد بمكانه بس مابادلني
_ آسف آسف آسف ...لو اضل اعتذر لباجر ...ماعرفت شحجي وشكول دفعني بخفة
_ شصاير ....
_ حجاله مروان وهو طول مايحجي مروان يباوعلي بعتب استحيت اباوع بوجهه طلعت من المستشفى بقيت بالحديقة...
"""::؛؛؛""""""
مروان
حجه ادهم
_ المهم براء تكوم بالسلامة مارايد شي
_اعتذر أدهم على كلام فهد
_عادي .....مجبور اتحملهم مثل ماتحملوني وكت الجنت ائذيهم واكسرهم
_ لاتحجي هيج أدهم ...همه نسو الموضوع
_ اتمنى ..فرح طلعت مو
_ اي قبل يومين طلعوها...الحمدلله تحسن وضعها ...اخذت نفس يوم الاميرتي
_ طبطب على جتفي ..عده الصعب باقي قليل
_ دك موبايل ادهم
_ الو ام محمد..فز ...شدتحجين تمام تمام جاي
_ شبيك ادهم
_ محمد ...امه تكول متخبل ..
_ ياستار ...تمام اجي وياك
_ لا لا خليك عد براء...
طلع بسرعة ... لليل كعدت براء ....فتت يومها أنا وامها البقية مجانو موجودين...تقربت امها حضنتها على كيف
تقربت لزمت ايدها وبستها
_ اميرتي ...
_ فتحت عيونها ابتسمت
_ ماما ....مرروان
_ ياروحي ..حاوبتها امها ..اما أنا ردت روحي من حجت اسمي ...صار شكد ماسامع منها
_ باوعتلي ووجهها اصفر ...
شاهين
رجعت تحت الصفر ..جنت ناسي وضعها القبل الحادث ..ابتسمت بقهر ....
_ شاهين شاهين شلون نسيته ابن الحرام....وهو هسه حالته حالة ...بس مستحيل اعوفه....بس خلي تكوم براء بالسلامة أعرف شلون اخذ حقنا منه.....
"""""":::؛؛؛""""
رنا
كعدت ...باوعتله نايم بالكاع...دمعت هذا مو رضوان ...أبد مامسويها بوكت الجنت أحب غيره....طلعت اشوف نظرات حمزة الكاعد يدرس ..
عبالك يعرف البينا ...
صبحت عليه ..وفتت اسوي بالريوك ..واجت مريومه تساعدني ....
تقرب حمزة ...
_ مريومه عوفيني ويه امي ...
عافتنا باوعتله ...
_ شكو حبيبي
_ شنهو الصاير بينج وبين ابوي
_ ابتسمت بتعب ...شي بين رجال ومرته أنت لاتدخل...
_ ماتحمل أشوفج بهالحالة يمه
نزلت دمعتي
_ شبيها حالتي ...
_ يمه انتي يوم عن يوم تنطفين اكثر ....
_ ماتشوف المشاكل الاحنا بيها ..وخالة خالك...وجدادك
_ يممممه اححجي عن وضعععج
_ شنو هالصوت العالي ...
_ طك بوجه ابوه ...عاجبك حالة امممي
_ لاترفع صوتتتتك حمزةةة سمعتتت
_دمع ...شلون تكدر تكون سبب بحزن شخص وأنت العالم جان يحجي عن حبك لهالشخص...
جنت دوم أكول من أكبر أصير مثل ابوي واحترم وأحب الانسانة الاختارها تشارك حياتي....جنت دوم المثال الاقتدي بي ..
_ وهسه شنو نزلت من عيونك
_ لا لا بويه مو هيج قصدي...بس آني ماتستاهل هالمعاملة....
صدكني تحبك والقهر والخالة الي هي بي بس لان أنت مزاعلها...فدوة بوية
لا تكسرها اكثر من هيج
عافنا وطلع ..درت وجهي مااصدك وصلنا لوضع جهالنا يحسون بالمشاكل البينا ..
_ صباح الخير
_ مجاوبته ودموعي بعدها تجري على خدي
_ لزم ايدي وجرني لغرفتنا وهو يباوع لحمزة
سوو الريوك شويه ونجي ...ابتسم..مابينت الهم قهري وحزني منه
سد الباب ..ماهتميت كمت ألم بفراشه ...
جرني من ايدي
_ ليش كلما تشوفينه اشووف دموععج لييش حتخبل رنااا
_ ابتسمت بقهر ...بعد شهرين يلا اجيت دور تفسير ...بعد ماخليت جهالنا يحسون وينقهرون..بعد ماكسرتني اكثر من مرة أجيك تروح ألف راسك وانام...بعد مافصلت فراشك عني ....ياترى مهم بعد هالشهر تسمع مبرري اولا...ماتحس اتاخرت ...مااصدك أنت رضوان التزوجته والحبيته
_ لان مااصدك حبيبتيني ...
ابتسمت بقهر ..
_ ما أعتقد بيوم قللت منك او قللت من احترامك بتصرف ومو مشكلتي إذا ماتشوف حبك بكلبي ...المهم همزين صار ربنا كلام حتى أكولك...أنا حامل صار 3شهور
فتح عيوننه مصدوم...
ماهتميت....كعدت بهدوء
_ ليش ماكتيلي
_ مالكيت فرصة.
عفته وطلعت ..
كعدت اتريك وبالي مشغول بحالة شاهين.
_ راح اتريك واروح لشاهين...
_ ابوج جابله دكتور شاطر ...وراح يعالجه
_ الله يشافيه ...
_ لزم ايدي أيده الدافية وايدي الباردة...
_ ليش هيج ايدج باردة
رفعت جتفي بمعنى مااعرف
سكت ..راحو حمزة لمحمد ..ومريم لغرفتهايمكن رضوان اشرلها...
كمت الم بالسفرة ..كام وياي... خليت المواعين بالمغسلة ...حضني من ورا
_ شسوي حتى تسامحيني على هالجم شهر الجنت حقير وياج
_ نزلت دموعي
_ بعد 17سنة تشك بيه رضوان
_ لا لا و الله مو ششكك اااغاار اموت قهر من أتذكر هو جان أول حب بحياتج..
_ ابتسمت بقهر ...بس أبد ماذكرتك بماضيك رضوان ...بحياتي معايرتك بشربك ..ولايوم حتى بيني وبين روحي ماحجيت لاحد اول سنة من خنتني ويه اكثر من وحدة.....من انطيتك فرصة وكتلك راح يضل بالماضي بالفعل بقيتها بالماضي ...اما انت ماوفيت بوعدك رضوان ...للأسف ماوفيت
بهت لونه من كلامي الظاهر نسى نفسه ونسى السواه بأول سنة ...صح غلطت من صحت باسم ادهم بعد شهرين من زواجنا صح ماضربني بس صار يتعمد يحجي ويه بنات حتى شرب ...ماحجيت لاحد ...
لحد سنة ورا زواجنا ....
تذكرت
_ من رجع راد مثل كل يوم يخابر وحدة من ك....
_ ممكن اخذ من وكتك دقائق
_ خيررر
_ خلاص رضوان عدت اكثر من سنة
_ يعني
_ يعني إذا اطلك محد راح يكدر يفك حلمه
فز
_ شتحجين رناا
_ السمعته ...حتى أطفال ماعدنا..نكول ماتفقنا وخلااص
_ رنا
قاطعته
_ ماانكر غلطت بس عقابك جان قاسسي...أنت تزوجوني وتعرف جنت أحب غيرك...وعدتني تساعدني وعدتني تخليني احببك وكتلي رااحح أصبر وياااج صببر ايووب تتذكر رضوان ....كسرتني من اول غلطة وين صبرك واحتوائك...
خلاص رضوان أنا هم بشر وقدرت تحملللي لهناااا وبسسس
_تقرب مني بهدوء ..كلامج صح رنا ...كتلج أصبر بس ماعبالي راح انكسر هيج من تجيبين باسمه وآنتي نايمة ...عبالي قوي واكدر اتحمل بس طلعت غلطان من توصل يمج اضعف مني ماكو...
متت رنا متت من صحتي باسمه...رنا أنا أحبج من عمرج 12سنة ...
فتحت عيوني مصدومة
-اي لاتعانين هيج...حبيتج مااعرف شلون. ...وحلفت بس تكبرين ماتصيرين لغيري ...ماحجيتلج حتى ماافتح عيونج على هيك شغلات وانتي بعدج صغيرة...تالي تندمت ....تندمت من أدهم خطبج من ابوج حسيت بغلطي الصوج مني لان تاخرت ماعبالي راح تحبين ...وماجنت أعرف يحبج...غصبت روحي حتى انساج....بس بعدين صار الصار وحسيتها فرصة ولازم استغلها وارجع الحبيتها لحضني
-ليش ماحجيت قبل
_ خفت تحسبيني نذل لان حبيت حبيبة صاحبي بس يشهد الله حبيتج قبل لاهو يحبج حتى ...خلي ننطي نفسنا فرصة...صح غلطت ...الغلط كله مني المفروض مثل ماوعدتج انفذ وعدي...حقج إذا تعوفيني بس اترجاج رنا خلي ننطي فرصة ثانية لروحنا واذا مانجحنا انا بايدي ارجعج لاهلج
والحمد لله ماتندمنا بعد ماانطينا ارواحنا فرصة
باوعتله
_ تذكرت مووو ...شفت الفرق بينا ..وكت الوعدنا ننسى الماضي واخطائنا نعوفها بالماضي جاي بعد كل هالسنين تذكرني بغلللط ونسيت اغلاطك الطغت على خطئي...شفت
منو متحمل الثاني ...
_ كل هاي بكلبج
_ لاا ابببد ماشلت بكلبي عللللييك....وروح اسئل اهلي كلهم إذا بيوم حجيتلهم الصار بينا...بس من تجي تشك بيه لا يارضوان مااسمحلك....سمعتني مااسمحلك تشكك بتربيتي وباخلاقي مااسمحلك تشك بحبي االك....
واذا تشوفني ادمع من أشوفه ...مو لان احبه بس لان أدهم يضل ابن عمي ومقهورة عليه وعالصار بي من ورا امه....اخذت نفس وهسه إذا تكدر وصلني لاهلي ...لان هالفترة محتاجيني
راد يحجي ماهتميت كمت الم جم قطعة الي ضحت بمريم
_ ماما مريم ....
اجت
_ ها ماما
_ حبيبتي لميلج جم قطعة ملابس تكفي حم يوم نروح لبيت جدج
_ ماشي يوم
حجيت بلا مااباوعله
_ ابات ويانه لولا
_ لا ابات مااكدر اعوف شاهين
_ تمام...وياريت منبين مشاكلنا كدام احد
وصلت لاهلي...
واسمع صوت صياح شاهين...الصعدوه فوك
وابويه كاعد مهدود حيله مامصدك الوصله ابنه الجبير...الله ياخذج هدية ويحركج وين ماجنتي
امي كاعده بالمطبخ ودموعها على خدها....
كعدت يمها وفات رضوان على ابوي...
_ يمه
_ سامعه صوته ...رنا تصدكين وين وصل شاهين الرزن والعاقل شسوو بي
_ازمة وتعدي يمه اذكري الله ....
_يارب مالنا غيرك ...شافيلي ابني ..
""":::"""""
شاهين
ماجنت متخيل بيوم انانيتي وحقدي من الدنيا يوصلوني لهيج طريق دنيء ... بيوم الشيطان وزني اطلع سعدون ...أتذكر بيوم اجاني شاب عمره تقريبا 17...كلي سعدون يريدك....
وأنا بوكتها جنت حاقد عليه......كلي يكولك العم سعدون أكدر ارجعلك حبيبتك
الشيطان وزني أشوفه واعرف شون يردلي حبيبتي...
_ جنت متأكد راح تجي..
_ شرايد ياابن الحرام
_ تلاكيلي مكان ابقى بي ...
وارجعلك حبيبتك براء اسمها مو
عكدت حواجبي ...ومامصدك
_وشنو اليثبت راح تكدر ترجعها هي متزوجه وتحب زوجها
_ابتسم بوجهه الشيطاني.. يمكن نسيت شنو شغلتي
باوعتله بحيرة ...اساعده واتخلى عن مبادئي والاهم أكدر أنسى براء نهائي...لو اوافق والمهم براء تنورحياتي
_ شلون تطلع منا
_ حبايبي هوايه....المهم تلاكيلي مكان مرتب كرايبك مراح يعوفوني بس أكيد محيشكون بيك
_شنو اليخليك متأكد راح اساعدك
_ أنت مثلي من تحب ماتكدر تنسى
باوعتله بحقد
_ مو مثلك ومستحيل أكون مثلك
_ معناها اطلع منا وانسى براء ....
درت وجهي اطلع ...بس تذكرت كعداتنا بالحديقة ..وجهها وطيبتها ...
درت وجهي إله يباوعلي باستهزاء
_ تمام ..بس و الله إذا ماصارت الي
_ اششش أنت هيج تهيني...تهين خبرة سنين بشغلي
_ عاد شلون شغل طايح حظه...بعدني ماناسين دكتك بيه وراح اردها الك بالوكت المناسب
_ بالانتظار ...المهم أنا راح اطلع يوم الاثنين ساعة10بالليل انتظرني ب.....
_ تمام...
وديته لبيت بمنطقة باطراف المدينة بيها بيوت قليلة....أول ماوصل ضربته على رأسه فقد ..
ربطته ...كعد ...باوعلي باستفهام
_كتلك بينا حسااب ....3ايام ...لعبت بي طوبه
_ هااا خلص شقة غليلك
_ بعدني ..بس المهم براء تردلي...
_ عندك وحدة ثقة
_ مافهمت
_ وحدة تكدر ادزها لبيت براء ..
_ لييش
_ اتجيبلي من ملابسها هي ورجلها ...حتى اسويلها عمل تكره زوجها
ابتسمت من عرفت يكدر يخلي براء تكره زوجها ....
راح يجي اليوم الاشوف بي مروان مكسور...مروان الجان يعرفني احبها كلما يشوفني يتعمد يبوسها لو يحضنها بس حتى يحرك بكلبي...
رجعت للبيت شفت رفل ...اشرتلها تجي وراي
_ كعدت . ..وكفت كدامي.
_سمعي رفل ...كدامح خيارين
يا تساعديني اوصل لبراء وانفءين الاطلبه منج..لو الفقلج تهمة شرف واسلمج لاخوانج...
فتحت عيونها مصدومة
_ ششقصدك تتهمة شرف
_ يعني اطلعج ك....وفهمح كفاية
_ نزلت دموعها...كلبت عيوني على هالدراما
ماانكر يعجبني شكلها ...وصح تقربت منها لان رجال ومااتحمل وحدة وياي بجمالها ومااتقرب الها بس كلبي لبراء ورلازم أحصل عليها حتى لو غصب عنها
_ بلاها الأفلام .. براء حبي الوحيد كلكم انجبرت عليكم بس هي كلبي اختارها...
_ كل هالوفت الجنت وياي محبيتني ولو شويه
_ لو عالعقل فهو اختارج ...بس كلبي يختار براء للأبد. .وبهيج أمور الكلب يفوز..وهسه لاتكلبيها دراما لاتخافين مراح اطلكج حاليا لان داخلة مزاجي ...شكلتي
_ حجت بخوف.. شنو المطلوب
_ وصارت تنفذ كلامي وماتمنع روحها عني ...لحد مانهزمت ...مستغرب ماتعرف احد ولاقابلت احد شلون انهزمت ووين ...
لحد مابيوم رحت لسعدون وهناك...وكعت بين اديه هو وهدية...ربطوني وصار ينطوني مخدرات ويذلوني عليها ...لماصرت مدمن...واجو الشرطة ونقذوني...وهاي حالتي مربط لغرفة مبيها غير دوشك اسفنج....وسلسلة رابطين بيها اديه ورجليه....من يرجع عقلي يضل بالي على براء ووضعها ..ورفل وينها...عايشه ميته بأمان اولا ..نزلت دموعي
_ شسويت بروحك شاهين
من يغيب عقلي ماايضل بعقلي غير المخد.رات وشلون احصله وأنا مربط
""":::'''''""":::؛؛"":؛؛
لينا
طلع محمد مثل كل يوم ...بس ضل بالي لان حمزة مااجا عليه...طلع وحده...الحمدلله تحسن حالته....
بعد ساعة رجع أول ما وصل صاح بوجهي
_ ليييش ساعدتيها. .
_ بسم الله شبيك يمه...دفعني بقوة بالكوخ سيطرت لااوكع
_ اكرررهج ...انتي وهدية وحتتتى أدهم
فات لغرفة قفلها واسمع صوت تكسير ..طلعت ميرنا على الصوت
_ شكو ماما
_ ماكو شي فوتي لغرفتج....
_ شبي محمد ..
_ صحت بتعب كلت فوتي لغرفتج
_ فاتت وأنا خابرت أدهم وحجيتله
_رجع نص الليل
_ ماطلع من غرفته
_ هزيت براسي لا
_ بويه محمد افتحلي الباب
فتحها عيونه حمر
_ لييش جنت تطلب منها تعاقبني...ليش تكررهني ..بس لان مو ابن رناا
فتحنا عيونه مصدومين ...شعرفه بهالكلام
باوعلي
_ هووو وخلي نكول عنده مبرر...انتي ليش كرهتيني وعفتيني ...ونسيتيني
تقدم أدهم بهدوء
_ منو محاجيك ومجذب عليك
_ موو جذب تنكر سنين نسيتوني ومادورتو عليه
_ حجيت بتبرير..لان اختفيت
_ شفتووو جثتي ...لااا معناها ليش ماضلبتو دورون ليش كملتو حيااتكم ولاكانو أنا ابنكم
_ بويه محمد
صاح
_ لاتكوول بويه...سنين تعاقبوني عالضحكة عالكلمة ... تنطوني حبوب ضل يضرب براسه ماااضل عقل براسي
_ خلاص اهدا محمد ..
_ بس لان مو ابن رنا
صاح أدهم
_ كااافي عيبب من حمزة صااحبك...رنا بنت عمي وزوجة ابن عمي ....لاتضل تجيب بسيرتها.....
_تتمنى حمزة ابنك مو صح .حجه بقهر وهو يباوع لابوه
_ تقرب منه أدهم ....اجت وسممت عقلك موو
_ منو
_ هدية ...
_ قصدك حبوبة
_ ضحك أدهم بصوت عالي ..وخلتك تصيحلها حبوبه..رجع ضحك
_هي مجانت تكرهني ..بس أنت جنت تجبرها تاذيني
_ يااحيف نسيت تعب كالهالشهور بجم كلمة منها ..
طلع أدهم وهو مقهور
_ ابوك ولايوم نساك او ايس ...كلما عمامه يكلوله ابنك مات ..يزاعلهم...لمايعتذرون منه ...يوميه يبجي على فراكك أنا امك ايست ترجع بس هو ماايس تالي عرفنا
قاطعني
_ ميهمني ..عافني وفات لغرفته
طلعت للحديقة أشوفه كاعد يدخن
كعدت بصفه خليت رأسي على جتفه
_ شنسوي حبيبي
_الله كريم....
طلعت بره ....شفت ابو عبود جيرانه
_ شونك خويه
_ هلا ابو محمد...
ضليت امشي مااعرف وجهتي وين...اتذكرت كلام أدهم كدام مروان...كرهت روحي كرهت ابوي ابوي كرهت امي الصارت سبب معايره بحياتي ...رفعت رأسي للسما يارب شنو ذنبي تصير هاي امي...
""::::""':"'"'"'
فهد
نفسية براء سائت وبالذات من عرفت وجهها بي جرح مع انو الجرح مو غميج بس ماصدكت اضطر الدكتور يسويلها عملية تجميل ...
الحمدلله من أكو علاج...بس كال مراح يختفي نهائي حيبقى إثر خفيف...شيماء اختفت هي وزوجها وذلك الجان يساعدهم ...أدهم ميحاجيني يادوب جم كلمة يخص حالة براء
_ تقرب مروان ....تدري علاقة أدهم وابنه رجعت للصفر ....فتحت عيوني مصدوم
_ شلون
_ اي و الله ...بين يوم وليلة رجع يتهمهم بالاهمال ...
_ لاحول ولاقوة الا بالله .. من هاي مختفي
_ هز براسه اي ...خايف لايعوفهم .. يريده يضل كدام عيونه
هزيت براسي ....
عدت الايام والاسابيع ....تحسنت وضع براء. ..بس بعدها تتطالب بوجود شاهين....ومروان ..
اخ يامروان وصبره ....يغلس ولامهتم او يمكن مهتم بس يعرف بوضعها رجعنا نجيب الشيخ ....
واحس بدت تتجاوب ...
وقل سؤالها عن شاهين ...بس بعدها ماطيق مروان ...وهو استقال من شغله ....شكد حاولنا وياه ...
ماقبل كال براء اهم شي عندي بالحياة ...اهله كل اسبوع يجون وعرفو بالصار ...وعاتبو مروان ...بس مفتخرين بابنهم الماعاف زوجته بهالوضع ....
فرح...فرح الموجودة بكل مصايب تصيرويانه وتهون علينا ...
بس بعدني اشوف البرود بنظراتها...اليوم حيجون اهل ابوي أركان .
امي الحمدلله هم تحسنت بس الدكتور طلب نوخرها عن كل ضغط توتر وقهر
كاعدين وعمام خواني ..
وشاد الكاعد وبصفه خطيبته ليان المامرتاحلها من اول يوم مبين نفس امها ...
حجت امي بهدوء
_ خونجا ...باوعتلها خونجا ببرود ...بيوم الأجيت اخذ ابني وبنتي شكتيلي
عكدت حواجبي ..
_ كلتها وخلص...
_ لاا أريد أسمع من جديد لان بيومها بالي جان مشغول ببنتي ...
_ شصاير ام فهد...باوعتله
_ الصاير ياابو فهد....مرت اخوك...تهمتني بالاهمال وتريد تفرق بين جهالي ...ومسنمه أفكار شاد الصاير مايطيق اخوه وواخته
شاد باوعلها بتوتر
_ يمه شنو هالحجي
انفعلت امي
_ اششش من تروح عند الغرب تكول امي تهتم باخواني من زوجها الأول شكلت لروحككك ...هذووول اخوانك ...ابوووك ابوهم حتى لو بالجنسية غير ...كامت لحيلها وهسه حخسرك بين زواجك وبينا
الكل انصدم...باوعت لخونجا المنصدمة
_ لاتكبريها ليال ...آني بس نصحتج...
_ انتي نصحي بروحج الأول ابنج رزكار ابتعد عنج لان ماخليتي يتهنى بحياته ويه زوجته..هج منج ومن تحكماتج
_ هادي ليالي العصبية مو زينه لوضعج...
كام زوجها
_ كولو ياالله ياجماعة ام فهد اعتذر نيابة عن خونجا...ولاباوعتله اباوع لشاد...حجت ايام
_ عمه امي من كلامها جان قصدها تلتفتين لحياة ولدج البقية بس انتي ضاله لاحكة براء وفهد
_ حجيت باستهزاء وامج ماعلمتج من الكبار يحجون الصغار يسكتون
طلعو الكل ...وخونجا تباوع لامي بحقد..شاد راد يفوت لغرفته ...امي صاحته
_ تعال تعال ...هسه تختار بين زواجك وبينا .
_ ليالي كولي ياالله...هاي حياته
قاطعته امي
_ طبعا ماتريد تكسر ببنت اخوك...بس أنا من سنين انكسر من معاملتهم عادي مووو
_ باوعلها ابوي بعتب ...سنين بعدت عن اهلي لخاطرج...
_ وهي لازم يختار شاد بيني وبينها
تقرب وهمسلي
_ لاتخلين ابنج يحقداكثر
_ مااهتم ...المهم ماتفوت بنت خونجا لحياة ابني ...
_ خلاص يمه راح اطلكها ارتاحي
_ شكلت لروحك وأنت تشكي مني ومن اخوك واختك ..جاااوووبني ...
_ آسف جنت تعبان
_ ضحكت بقهر تعبان وتروح تحجي علينا يم الغرب
_ ابني هسه امك تعبانة أجل موضوع طلاقك
_ يايطلكها لو احنا ننفصل
الكل شهك...باوعت لعيونه التوسعت عالاخر
تقرب فهد
_ يمه فوتي اعصابج الظاهر تعبانة
_ اي تعبانة تعبت من اهله
_ فهد اخذ امك وياك...خلى ترتاح اعصابها
انصدمت يعني بعد هالسنين تخلى عني .
رفعت رأسي ببرود. ووجهت كلامي لشاد
_ مااوصيك وصل الصار لخونجا وبنتها..ومالها نجحتي وخربتي حياة امي ...
شكرا لزيارتكم عالم روايات سكيرهوم
