رواية سواد القلوب الفصل الثالث والعشرون بقلم ام سامان
ليال
سنين تحملت كلام زوجات حمويني واغلس من اشوف حبه واهتمامه بيه وباطفالي وهذا الشي خلاهم يتمادون من عرفوو مااحجيله كلامهم....
يمكن الصوج مني من الاول لان جنت اضم علي ...او يمكن جان رد للطفه واحترامه وحبه...بس اليوم أنا تماديت وهو طلعني من حياته ...لمجرد كلمة طلعت مني بحالة عصبية...
كبريائي ماسمحلي اضل اواعتذر ...
يمكن لان هو عودني دائما أنا الصح وهو الغلط دائما هو اليعتذر واليسامح وينسى اي كلمة اكولها بساعة عصبية
لميت ملابسي ....وفتت والكل وراي ماعداه هو كاعد وصافن
بغير جهه ...فتت لغرفة براء
متمددة وصافنة...
ردت ألم ملابسها صاح بيه بصوت
_ بنتي ماتطلع لأي مكااان...
بنتي مكانها هنا ببيت ابوها..
فزيت باوعتله
_ وأنا وين مااكون جهالي وياي ...
لاعبالك بس اخذ براء ....
لااااا راح اخذ سالم وخنده وحتىىى أياد ...
بس خلي يبقى ابنك المحترم...
_ وأنا كلت اليطلع من عالباب يعتبرررني مييت
_ شهكت وسكتت
_ حجه فهد. كولو ياالله قابل أنتو أطفال ....يمه تعالي وحدج...
وبراء مو طفلة مو بروئة
_ هلدااا...تباوعلنا بحيرة...
شصاير شبيكم...
اخذت نفس بقهر وأنا اباوعلها ماتعرف راسها من رجليها...شلون اعوفها ...
_ دمعت وانقهرت ...
لان راح أكسر كلامي
_ روح فهد أنا باقية..مستحيل اعوف بنتي بهالوضع ...
وخنده وساالم صغار منو راح يهتم بيهم . ابتسمت باستهزاء خلاص خونجا وصلت للتريده عفية عليها....وعفية بابني السبع
_ يمه أنا
_ اششش مااسمعلك صوت عود وصل البشارة لعمتك الحنونة...وهسه عذروني أريد اكعد ويه بنتتي
"""***"“"""***"""
فهد
أول مرة اشوف امي وابويه يتعاركون كدامنا ...ولابيوم حسيت بيهم متعاركين ...حتى لومتعاركين مايبينون كدامنا...كلنا نباوع لشاد بقهر...لان حيل متغير من يوم الحب بنت عمه
أياد ماتحمل باوعله بأعصاب
_ ان شاء الله ارتاحيت هسسسه
صاح ابويه
_ اياااد اتأدب ...
_ وللليش تسكته ...باوعتله وانا اكمل كلامي
كلت طمعانين ورفضت فلس من ابويه....كلت الميعحبه البيت الله وياه عفتلك البيت....وصلت بيك تريد امك تعوف بنتها المتندل راسها من رجلها...شنوو هالانانيه البيك ...معقولة من الأول أنت تكرهنا وآناني واحنا مجنا نحس بيك لو صدك لو كالو غيرتك النسووان..كمت لحيلي باوعت لابويه
_ ماانكر امي غلطت من كالت ذاك الكلام بس ثق بالله لوما ادري شكد تحب آني ولوما حلفت عليهم جان اخذتهم كلههم واعوفك
_ تعوفني فهد...باوعلي بعتب
_ دمعت وكعدت بصفه....اعوفك ساعة ساعتين واردلك شعدي غيرك ...شجم ابوو عندي ...تاج رأسي حجي أركان
_ باسني براسي..شاد طلع...
_ عبالك بتصرفي أنا مأيده غلطانين ...من الاول محبيت بنت اخوي واعرف نيتها ونية امها شنو..بس إذا ارفضها يزيد بالحقد ...
أريد هو يشوف حقيقتهم...
وبسبب هالشي دااطول بفترة الخطوبة لان متأكد هيج بشر ماعنده صبر طويل وبسرعة حيبين على حقيقته...أنا مو مستهين بقهر امكم...بس هي عصبية واذا أتصرف مثلها جان ضاع شاد منه
تقرب أياد باس رأسه
_ الله يحفظك النا ..مافكرنا مثلك
_ أنتو هم لاتضغطون علي....
طلعنا أنا واياد من شفت امي واكفة وسمعت كلامه....
""""""""
ليال
من سمعت تفكيره..خجلت من روحي ...دومي متسرعة وماافكر بكلامي ودومه هو الواكع بلساني ..شافني وكام يريد يعوفني ومبين ضايج أول مرة نتعارك كدام ولدي من جانو صغار مسويناها من كبرووو يلا ..لمت روحي هوايه لان جرحته..
راد يمر من يمي لزمت ايده
_ اسفة ....
_ ابتسم بقهر ...تدرين مو صوجح..صوجي من يوم التزوجنا أجي على روحي لخاطرج...تغلطين اسامح واعدي بدون مااعاتب ...أكول هاي حب عمري ...وامانة صاحبي ...كمتي تزيدين باغلاطج وكأنو انتي الصح وأنا الغلط...بس لا ليال ...وصلت بيج تصبحين كدام ولدنا الكبار وتخيرين ابنج بين زواجه وبين زواجنا الي إله عمر ...وكأنو بلاقيمة ومعنى ..هنا راح أنسى انتي منو ....من يوم التزوجتج ...مسحت سالفة الكرامة بينا .....لان لو افكر بالكرامة جان من زمان انفصلنا....تتذكرين يمتى ...باليوم التعاركتي ويه خونجا وصحتي باعلى صوت وكلتي مستحيل أنسى ضياء ولاراح أحب أركان ربع حبي لضياء...كل اهلي لاموني ...بس أنا تحملت كلامهم ونظرات الشماته بعيونهم...كلت ميخالف أنا الكتلها اتحمل كل شي منج...بس بعد هالسنين مااسمحلج تذليني بيج...تردين انفصال بعيني من باجر....ننفصل لا محاكم ولاطلايب أنا قاضي مايحتاج احد يعرف هم....نزلت دموعي
_ بس أنا أحبك
قاطعني بعصبية
_ اكككبر جذابة انتي .. لليوم كل ليلة تباووعين لصور ضيياء وأنا أغلس مااريد ادمر زواجنا الصارله عمر ...أكول ميخالف دام محترمتني ...وبالسر تباوع الصور عادي غلس وعدي أركان....تباووعين الفهد وبراء وكأنو همه أكبر انجازاتج ...عبالج احساس ولدج اجا من عببث ...يمكن خونجا سممت عقله بس السبب الحقيقي انتي ليال ...انتي الزرعتي التفرقة بينهم ..من وهمه صغار تكولين طلعو على اخوكم فهد...ياريتكم مثل فهد ..ومن انصحج تكبين بوجهي وبلا خجل تكولين لان مو من صلبي وأنا الافرق ...بس الصوج مني لان من الأول انطيتج مجال ... تزودين بالحجي وأنا اسسكت...بس لهنا وبس ليال ..لاتتهمين خونجا وانتي أساس هالمشكلة فكري وراح تعرفين كلامي هو الصح.... دائما جنتي توكفين ويه فهد حتى لوغلط...وشاد واياد من يغلطون تمسحين بيهم الكاع...تتذكرين اغلاطهم كدام القريب والغريب ....
لدرجة كامو يلتجئون الي من يغلطون حتى مايوصل الج...
_ لهالدرجة شايل عليه وعلى فهد..
_ هسسسس ديري بالج تعيدين هالكلمةة فهددد ابني ...
سمعتي لاانتي ولاالف غيرج يغير هالحقيقة أنا تعبت عليه وعلى براء...ولايوم فرقت بينهم رغم مو من صلبي بس انتي فرقتي بين أطفالج الي كلهم من صلببج.. وهسه عوفيني يابنت الحلال
و الله يهديج...
عافني وكعدت بتعب وافكر بكلامه...فعلا كلامه...حبيت اطفالي من ضياء اكثر من اطفالي من أركان...بس مو لأن ماحب أركان ...لاالله يشهد...بس لان
جنت اشوفهم ايتام ويحتاجلهم حب وحنان اكثر ...ماردت بيوم يحسون أركان مو ابوهم...
يمكن تفكيري غلط ...وتصرفاتي هم .. ..بس الكل فاهم تعلقي
بفهد وبراء بس لان من ضياء ...
بس السبب الأكبر هو شعورهم بالنقص وبالذات من عرفو أركان مو ابوهم الحقيقي ...
""::::'''::::''':::
مروان
قررت اراقب بيت أدهم غير ولعل اوصل لهدية وسعدون الشيخ كال تشفى من العمل ...بس يرادله تحمل بس السواه يكدر بسهولة يفك العمل...تعبت وأنا أسمع منها اسم رجال ثاني ...الكل يشوفني صبور .. بس أنا حسبته عقاب على خيانتي الها وغصبا عليه لازم اتحمله...صار يومين اشوف محمد ابن أدهم واكف بالباب وتجي مرية منقبة تحاجيه وتحضنه....
عرفت هاي هدية ...لحكتها ...وصلت لمكان شعبي....راقبت البيت لما شفت بيوم سعدون طلع...لحكته قبل لايوصل لمنطقة ثانية ضربته بكعب المسدس...وبلغت أدهم بمكان
امه...ربطت اديه ورجليه....بحببل
باوعتله وتفلت عليه
_ أنت حصتي ياابن الكلب..
وديته لبيتي بالكوه فوته الثور...ربطته بكلبجات عندي ...
وكعدت أنتظر كعدته...
_ هااا كعدت يك....
_ سسيدي..
ضحكت بصوت عالي
_ المفروض احنا نكولك سيدي ..تنهزم وتساعد هدية تنهزم...عمي حكومة انتو
_ التريده أنا حاظر سيدي
_ ليش عرضت على شاهين يساعدك مقابل براء زوجتي يعني يعار
_شاهين غبي ...عباله لولا ماكدرت انهزم....بس أصلا هاي طلب هدية ..جانت طلبها مو شاهين...عكدت حواجبي وانتظره يكمل ..هدفها جانت براء وفهد....وحتى أدهم ابنها هم
_ ليش انت هيج خاضعلها
_ لان هدية حب عمري ...
جنت راح اعوف سوالف السحر والشعوذة إذا اهلها ينطوها...بس الصار ابوهما هانا أنا وابوي ...وطردنا وقلل منا وأنا حلفت انتقم منهم...هدية حبيبتي حتى من تزوجت ماعافتني ...جانت زوجة ضياء بالعالم وزوجتي بالسر
فتحت عيوني مصدوم اشمئزيت منه ومن هدية
_ المهم ...هي وياي ..
وحبنا يكبر ...كامت هي تجيبلي بنات انواع واشكال وهي تجهزهم الي لان تشوف نفسها مذنبة من تزوجت ضياء ...وأنا عجبني
الوضع استمرت علي...من عافها ضياء صارت كل يوم تجيني بحجة تروح لامها....امها بيوم ماقبلت تجيني وأنا خليتها ببالي بعد ماانشل ابوها ..بالليل دخلتني على امها كسرت امها ...وامها من القهر ماتت
فتحت عيوني مصدوم من هالنذالة حتى امها ماخلصت من شرها....
لعبت نفسي ماتحملت وفرغت كل الي بمعدتي
رجعت وهو ولاعبالك ندمان أصلا
_ كمل ...شون تقربت من رؤى جنت تدري هي بنتك
_ ابتسم بنشوة...اي عجبني اتقرب من بنتي وساعدتني هدية .... اووف جابتلي اشكال والوان...حتى زوجة شاهين جانت فرسة اويلي بس هدية امرتنني اموتها...فخبلتها وسويتلها سحر تنفذلي الاريده وطلبت منها تنتحر وتموت ابنها الي هو أصلا ابني ...
_ أنتو مستحيل تكونون بببشر انتووو شياطين...هسسه كلي شلون افك السحر السويته
_ تعوفني وأنا افك العمل....
_ مستتتحيل أنا مو شاهين الغبي....تفك السحر وأنا اعوفك يانذل ولو حرام واحد مثلك ينعاف لازم تموت بس مااوصخ ايدي بنجس مثلك
_ تمام تمام لاتوجعلي رأسي ....السحر موجود بكبر موجود بحوش بيتي
_ عكدت حواجبي كبر منوووليش ببيتك
_ ابني وابويه
_ شعجب
_ ابويه وكف ضد شغلي وضد حبي وجان لازم يموت ولازم استفاد منه الكبر مليان اعمال
_ خابرت فهد اجاني بسرعة ثاني يوم اخذناه لبيته القديم بعد مابلغنا أدهم يجيب دورية وصلو قبلنا وسعدون انصدم
_ لاعبالك حساعدك تفك العمل ماهتميت...طبعا امه ودوها لدار عجزة ....
دخلنا ...فتحنا الكبر ...انتشرت ريحة عفونه قويه ...انصدمنا من شفنا وحدة من الجثث عبالك جديد يعني شهرين اقل او اكثر
_ تقرب أدهم منه
_ منوو هذاا
_ ابني
_ لانجذب سئلنا ودرينا ابنك متوفي من زمان
_ جان عندي ولد من هدية
_ أدهم رجف أيده...هالرجال انفضح اكثر من مرة والسبب وحدة المفروض الجنة تحت اقدامها ...بعدين عرفت اللواء داز اليثق بيهم ومحذرهم كل شي يضل سر وماينفضح أدهم
قبضو على هدية وسعدون ...وهالمرة زيدو الحراسه زممنوع زيارة غير المحامي الكفلها الهم المحكمة ...
ادهم للأسف استقال من عمله اللواء حاول وياه هوايه ...بس كال استحي اضل بعد كل الصار ومقرر يبيع كل العنده ويعيش قريب من فهد....
"""'''::"""":::::
رنا
شاهين يومين يموت ويحيى كدامنا ...درينا رفل ببيت فهد ...وحجت لابويه كل شي ...وللاسف ابويه وصل للمستشفى وصل اسبوع وهو يتعالج من الجلطة ..مامصدك ابنه الجبير يطلع منه كل هذا ...ومايكدر بالوضع يعاتبه وياخذ منه موقف ...بس راح لاخوانها وفهمهم هو البعد رفل عن شاهين لان راد يعاقب شاهين ...وسكت حلكهم بمبلغ ....
وطلب منهم ينسون عدهم اخت ....وهمه رحبو بهالشي ...حصلت فلوس وخلصو منها....هذوله مو اخوه اعداء و الله يساعد رفل شلون جانت متعايشه وياهم....
شاهين بدى يتشافى بوجود الدكتور المختص...ووقلت نوباته بمطالبة الحبوب والأبر....علاقتي برضوان بعدها مثل ماهي مااكدر اسامحه على كلامه وتصرفاته....
الحمدلله حمزاوي نجح وراح يدرس سادس السنة التجي...هو مسوي عبور بمرحلة من الدراسة ...الحمدلله هالسنه سادس وبنيتي مريم حاليا صف ثاني متوسط...الله مارزقني بغيرهم ...مريم وصارت بالشافعات....والسبب ماكو مرة الدكتورة كالت كيس مرة النهاية هوايه اسباب واحنا اكتفينا بحمزة ومريم...
رجعت للبيت ...مااكدر اضل هواية عايفته....
العصر اندك الباب ....
_ فاتت مريه ووياها شاب مبين أكبر من حمزة
_ تفضل خيه
_ أنا سعاد ..وهذا ابني رضا...انا طليقة رجلج وهذا ابنه
فتحت عيوني مصدومة مامصدكه الاسمعه...طلع حمزة تقرب بسرعة
_ شبيج يمه ليش ماصحتيلي أنا افتح الباب
تفضلو المن رايدين
حجه الشاب
_ أنا اسمي رضا اخووك
_ حمزة انصدم يجوز حتى اكثر مني
_ حجيت برجفة ...رضوان يدري بوجوده
_ اي خيتي يدري جان ويانه من صار عمره 3سنوات عافنه وطلكني وأنا كرامتي ماسمحت أجي واتوسل بي يردلي..بالذات من دريت عافنا لان زوجته حملت ويخاف لاتعوفه
نزلت دموعي
_ جا ليش اجيتي هسه
_ تفضلو فوتوو دخلهم حمزة وأنا اخزر بي وهو مامهتم
دخلهم وجبرني افوت يمهم
_ احجولنا ليش هسه
_ رضا وحيد ماعده لاخوال ولاخالات وهالسبب الله رضوان يذبني مثل وصلة وصخة من حصل مني ليريده..وأنا اجيت حتى تحتوونه لان أنا على فراش الموت
_ اسم الله يمه لاتحجين هيج
_ الله يشهد ماكرهته بيكم ...بالعكس يعد يوم بيوم يتعرف على اخووانه....بس ماانكر كرهي لرضوان واتمناله الموت على كل تعب عايشته وعلى كل كلمة ذلك واهانة حصلتها من الناس الجنت اشتغل عدهم
_ كلامها خلاني حتى أنا أكره رضوان ...شلون كدر يتخلى عن مرته وابنه حتى لو على حسابي
_ كملت كلامها...أريد توعدوني ماتعوفون وليدي إذا صار عليه شي ...خلي يعيش بكنف ابوه ...حتى لو كبر يضل محتاج يحس بحنان ابوه
_ ليش مابلغتي رضوان
_ تواصلت وياه هددني يدمر حياتي إذا اوصل لهنا
_ يعني خذلكم للمرة الالف
_ مازعلانة مني
_ حجيت وأنا امسح دموعي . وليش تاازعل منج...حالج من حالي ...واذا تردين راح اخلي يردج..
_ لا لا بس المهم تتقبلون رضا لا اريد رضوان ولا اريد شوفته
طلعو واننطتنه العنوان...
_ بالليل رجع يباوعلنا
_ خير شبيكم
_ تعرف شخص اسمه رضا يابويه
فتح عيونه وأنا ابتسمت باستهزاء
_ شتحجي وليدي...منوو رضا
_ بوييه لاتنكر أجا هو وامه الاخرين عنهم قبل اكثر من18
_رنا
_ خنت لولا
_ كل الصار قبل لااتزوجج حتى
_ واستمريت وياها حتى بعد زواجنا صح لولو
سكتت
_ بحياتي مشفت رجال نذل مثلك
_ رناا اتادبي
_ مؤدبة غصبا عليك أنت واهلك المحترمين....فتح عيونه مصدوم لان عايرته
_ شلون اثق بيك وأنت ذاب ابنك وماتدري عنه شي ..معقولة أنت تتسمى ابب
_ بويه شلون تكدر تنام وتغمض عينك وماتدري ابنك عايش ميت جوعان شبعان....
_ شراح يجاويك أصلا ماعنده جواب ...واحد خاين وغدار .
عفته مامتحملة شوفت وجهه
_ لهالدرجة انغشيت بيك ...مع الاسف ...نزلت من عيني حيل ياابن عمي
"":؛'؛:'::''''::
براء
كعدت اليوم واحس همم وانزاح من على جتفي ...احس جنت بغيبوبه وهسه كعدت باوعت آني نايمة ببيتي أنا ومروان استغربت بس الراحة الجنت بيها أكبر من استغرابي واسئل واستفسر وجودي هنا..أتذكر البارحة أجا لاهلي ...وأني جنت دايخة واحس بنار يضرب دماغي بس كل هاي اختفى... طلعت للحمام سبحت وطلعت للحديقة الهوه يضرب بوجهي الساعة جانت بالسبعة
..وبداية خريف
الجو الأحبه
وصلني صوت فنانتي المفضلة فيروز
_ أنا لحبيبي وحبيبي الي
ياعصفورة بيضه لابئى تسئلي
انداريت واشوفه مروان واكف ومجتف اديه لصدره ...يباوعلي بابتسامة ولابس تراكسود وتيشيرت اسود منظره طير عقلي ....تذكرت من جنت انفر منه...بس ماشفت عتب بعيونه..مروان أكبر عوض حصلته بحياتي
تقرب وهو يغني
_ حبيبي صباح الخير
صباحك ورد وفل
ابتسمت
_ آني شمسويه بالدنيا وحصلت رجال مثلك
_ أنا الشمسوي وحصلت ملكة مثلج...مشتاقلج ملكتي
_ مروان مااتذكر كل شي بس ماما حجتلي وكرهت روح
قاطعني وهو عاصرني بحضنه
_ اش اش اش مدام رجعتيلي راح ننسى كل شي وتعيش حياتنا ...ونحسب هالفترة الفاتت ماعايشيها ونمسحها
عكدت حواجبي
_ يافترة قصدك...
_ خيانتي ووضعج والمريتي
_ صار شكد ماكلتها
عكد حواجبه
_ شنو
_ مرمر أحبك
_ اوييييل الله اعشقج ملكتي
شكرا لزيارتكم عالم روايات سكيرهوم
