رواية للحب فرصة اخيرة الفصل الثالث والعشرون
ماهر قرب من ضحى وقال:بحبك ياضحى
ومسك ايدها الاتنين وقال:وحيات ربنا م هغلط ف حقك تانى سنين كتير ضاعت واحنا بعاد عن بعض خلينا نعوضها انا وعدتك بخروجى من حياتك بس حاولت والله ومقدرتش ربنا زارع حبك جوة قلبى..انا مش بطلب منك تسامحينى دلوقت خدى الوقت اللى انتى عايزاه بس بعدى عنك ف حاله موتى غير كدة لا
ضحى بعياط:هو انت ليه كدة ياماهر؟! هو انا لعبة تاخدنى وقت وترمينى وقت متحب؟!
ماهر.:لا انتى لعبتى انا ..عندك مانع؟!
حمزة نزل وجرى ع ابوه وامه
حمزة مسك ايد ضحى وقال:انتول هتكونوا معايا ومفيش طلاق؟!
ضحى:ايوة ياحبيبى
حمزة:هيييييييه....احنا لازم نحتفل ايه رايك يادادى نروح الملاهى؟!
ماهر:انا عن نفسى موافق شوف مامتك؟!
ضحى:اكيد موافقة
فوقية زغرطت وحضنت ماهر اللى حضنها وعينه دمعت
فوقية:خلاص ياماهر مش عايزين نحزن تانى وقلبك لازم يرجع يعيش
ماهر باس راسها وقال:ربنا يخليكى ليا
هيام:هو انا مش امك ياماهر ولا ايه مينفعش ينوبنى من الحظ جانب؟!
ماهر حضن هيام وقال:يالهوى ياماما دة انتى الحب كله والناس كلها عندى ف كفة وانتى ف كفة تانية
سامى:يعنى انا هلا ما الى عازة بها البيت
ماهر:ازاى يعنى دة انت من غيرك عمرى م كنت هعرف ان ضحى غالية عندى اوى كدة
سامى:الله يهدى ما بينكم يارفيق عمرى
ف اوضة ماهر وضحى
ماهر:ضحى
ضحى:نعم
ماهر مسك ايدها وقعدها ع كرسى التسريحة وطلع من جيبه سلسلة الماظ ولبسها لضحى
ضحى:حلوة اوى ياماهر
ماهر:لا هى حلوة علشان زينت رقبتك
ضحى:ربنا يباركلى فيك
ماهر:ضحى مش عايزك تزعلى منى
ضحى:خلاص ياماهر خلينا ننسى الماضى ونبدا من جديد..اهم حاجة دلوقت البس علشان نخرج حمزة زى م هو عايز
ماهر:عايزك انتى اللى تختاريلى الغيار بتاعى زى زمان
ضحى:من عنيا
فتحت الدولاب وقالت:هو انت ليه كل هدومك عبارة عن بدل وياريتها الوان دى عبارة عن لونين بس ياسود ياكحلى بس بتهيالى ان دى مش عادتك
ماهر:هى فعلا مش عادتى..انا ابتديت البس النوع دة من ساعت م مشيتى
ضحى:وادينى جيت اهو ومن النهارة كل دة هيتغير هاخدك ونروح نشترى هدوم حلوة جدا هخليك تبص لنفسك تقول مين دة؟!
ماهر:ماشى وانا معاكى
ف دريم بارك
ضحى:بصراحة انا بخاف من المراجيح ومش بحب اركبها
ماهر:ياضحى منا معاكى مش معقول حمزة هيركب لوحده يعنى؟!
ضحى:لا هو مش هيركب لوحده انت هتركب معاه
ماهر:ياسلام واسيبك لوحدك عادى يعنى؟!
ضحى:مش هيحصل حاجة ياماهر
حمزة:ها يادادى يلة علشان عاوزة اركب اللعبة دى
ماهر:طب خليكى واقفة هنا مش عايزك تتحركى من مكانك لحد ماجى
ضحى:حاضر والله متخافش
ماهر وحمزة ركبوا اللعبة وضحى كانت بصة عليهم..حست بمعز شديد ف معدتها ودخلت الحمام جابت اللى ف بطنها كله وغسلت وشها وقالت:انا مالى كنت كويسة الصبح ليه المغز دة؟! اكيد كلت حاجة خلت معدتى يحصل فيها كدة يلة الحمد لله الحق اروح قبل م ماهر ييجى وميشوفنيش اسمع منه كلمتين ملهومش عازة
رجعت المكان اللى كانت فيه..لقت حد بيحط ايده لفتله بغضب وقالت:مين حضرتك وانت ازاى تمسكنى كدة؟!
الشخص:انا اسف جدا افتكرتك حد اغرفه...صدقينى مكنش قصدى
ضحى:ولا يهمك حصل خير
ماهر رجع هو وحمزة
ضحى:ها اللعبة كانت حلوة
حمزة:ايوة جميلة جدا يامامى..احنا هنركب الشلال تعالى اركبى معانا؟!
ضحى:لا بلاش اللعبة دى الجو ساقعة وانت ممكن تعيا اركب اى حاجة غير اللعبة دى
ماهر:ماما معاها حق ياحمزة
حمزة:خلاص نركب الصاروخ
ماهر:تعالى اركبك
واول م وصلوا للعبة
ضحى بصدمة:يانهار اسود لا مستحيل حمزة يركب اللعبة دى ممكن يقع لا قدر الله
ماهر:متخافيش ياضحى الموضوع امن ومش هيحصله حاجة باذن الله
ضحى بقلق:انا خايفة عليه ومعتقدش انى قلبى هيستحمل يشوفه بيلعب اللعبة دى
ماهر:ضحى قولتلك متخافيش خليكى واقفة معاه عقبال م اعمل حاجة خمسية وراجع
ضحى:لا خليك هنا لحد م حمزة ينزل بعد كدة اعمل اللى انت عاوزه
ماهر:خلاص تمام
حمزة اول م ركب اللعبة ضحى خافت عليه ومسكت ف دراع ماهر وقالت:حرام عليك ياماهر قلبى هيقف
ماهر:ابنك قلبه جامد ميتخافش عليه
حمزة لعب اللعبة واول م نزل فضل يتنطط ويقول:انا عاوزة العب اللعبة دى تانى..وهنركب سفينة نوح وهتركبى معانا يامامى مليش دعوة والا هزعل منك
ضحى:لا ياحبيبى هو انا اقدر اخليك تزعل منى ابدا
تانى يوم
بليل
ف عربية فؤاد
ضحى:هو احنا رايحين فين ياعمى؟!
فؤاد:هتعرفى لما نوصل
ووصلوا للمكان المطلوب كانت الدنيا ضلمة وضحى مش شايفة حاجة
ضحى:هات ايدك بقا ياعمى علشان فعلا انا مش شايفة حاجة
فؤاد:حاضر ياحبيتى..يلة بينا
فضلوا ماشين لحد م الدنيا نورت ونزلت ع ضحى ورود وسمعت سقيف من الناس اللى حواليها
ماهر عمل عيد ميلاد لضحى ف مكان كبير وعزم كل الناس اللى يعرفهم
ماهر قرب منها ومسك ايدها وقال:كل سنة وانتى معايا
ضحى:وانت طيب..انا كنت ناسية خالص موضوع عيد ميلادى
ماهر:انا عمرى منسى اليوم اللى اتخلقت فيه حبيبة قلبى
شدها لحلبة الرقص وقال:ثانية واحدة وراجع
وراح للديجى وخلاه يشغله اغنية وراحلها
وقالها:الاغنية دى اهداء منى ليكى
تروح فين من اللى بيحبك
وعشان خاطرك على استعداد
يبيع نفسه علشان نفسه يكون جمبك كفايا بعاد
حبيبى والله منا سايبك
ولو بينك وبينى بلاد
هعديها واسوق فيها
خلاص قلبت معايا عناد
اسيبك لا دة مقدرش اسيبك
الف الدنيا علشان عينيك
ادوس ف النار علشان بس اجيبك
ومين يلايمنى عليك
دة تضييع وقت وحياتك خسارة بعدنا ولو يوم
جيب من الاخر دة ف الاخر
كلام فاضى ملوش لزوم
معنديش حاجة اعملها
غير انى اشوفك يوم
لو اوصفلك او احلفلك
الدنيا ف كوم وانت ف كوم
اسيبك لا دة مقدرش اسيبك
الف الدنيا علشان عنيك
ادوس ف النار علشان بس اجيبك
ومين يلايمنى عليك
ماهر باس راسها وحط جبينه ع جبينه وقال:خسارة والف خسارة بعدى عنك ياضحى..انا بحبك
ضحى بصتله وكانت هتقوله انها بتحبه بس اللى منعها صوت رصاص الكل اتخض وجرى برة القاعة والبادر جارد اتحركوا وقدروا يمسكوا اللى ضرب الرصاص ع ماهر والشخص دة كان........ضحى برقت عنيها من الصدمة ومسكت ماهر من كتفاته وهى بتقول بعياط:ماهر انت كويس..قولى ياماهر
ماهر بصلها بوجع و غمض عينه ووقع ع صدر ضحى اللى وقعت ع الارض وهو ع رجليها
ضحى بصريخ:ماااااااهر
وبصريخ اكتر وعياط:عماااااااى هات اسعاااااف بسرعة ماااااااهر بيموووووت
