رواية ذئاب بلا رحمة الفصل الثانى و العشرون بقلم خديجة السيد
ابوه باستغراب : امال مين ، مش بتقول حد نعرفه
علي بهدوء شديد : انا بتكلم على علياء بنت خالتي....!!
امه بسعاده : بجد يا حبيبي ، و لله علياء كويسه و هي اللي تستاهلك بجد
ابوه بحده : استني انتي ، طب و نور يا علي
علي ببرود : و انا مالي و مال نور ، هي مش اتجوزت و شافت حياتها ، انا كمان بقي عاوز اشوف حياتي
ابوه : يعني عايز تفهمني انك نسيتها مش دي نور اللي سافرت عشان مش مستحيل تكون لغيرك قدام عينك
علي بشراسه : و بقيت لغيري خلاص ، و مابقاش ليا علاقه بيها ، هتجي معايا اخطب علياء بنت خالتي ولا لأء
امه لجوزها : في ايه ما خلاص هو اللي هيتجوز و عايز علياء ، في ايه بقي يا حج مالك و ماله هو حر
ابوه يقوم بعدم رضا : صح انت حر عشان مترجعش بعد كده تقول انت السبب و تندم ، و حاضر هاجي معاك اخطبلك علياء (ويمشي)
امه تقوم بحماس : وانا كمان هقوم اكلم اختي و احدد ميعاد عشان نروح لها و نخطب علياء
❈-❈-❈
في فيلا شهاب :- ""علي السفره""
شهاب : ما بتاكليش ليه
ياسمينا بعدم اهتمام : مليش نفس(وتسال)هو انت عرفت مكاني منين اني رحت المسرح
شهاب بتوتر: هاه
ياسمينا بجديه : بقولك عرفت مكاني منين
شهاب بضيق : طب هقولك بس متفهميش غلط ، انا كنت مخلي واحد يراقبك بس ده من خوفي عليكي مش اكتر
ياسمينا بدهشه : نعم...لا ولله من خوفك عليا برضه و لا عشان مش واثقه فيا
شهاب : لا من خوفي عليكي ، وبعدين ما جي بفيده اهو و لحقتك من الكلب ده
ياسمينا تنفخ بضيق و عدم اقتناع
شهاب يحط ايده على ايدها : خلاص بقي يا ياسمينا متزعليش ، ولله مكنش قصدي حاجه وحشه
ياسمينا تبعد ايدها : طب اوعي
شهاب بغيظ : طيب ، اعملي حسابك هنروح القسم عشان نعمل محضر للكلب اللي حاول يعتدي عليكي
ياسمينا بتوتر: ايه بس انا مش عاوزه اشوفه تاني
شهاب بحنان : متخافيش مش هخليكي تشوفيه تاني
ياسمينا تبصله اوي و تفكر في معاملته ليها....!!
شهاب بخبث : مالك بتبصلي كده ، معجبه
ياسمينا تبصله بغيظ وخجل و تسكت...!!
قمر تدخل وتصرخ بفرحه : ياسمينا ، انتي هنا وحشتني اوي
ياسمينا ابتسمت : قمر ازيك وانتي كمان واحشتني اوي
قمر بزعل : زعلت اوي لما عرفت انك كنتي حامل وما حصلش نصيب، ربنا يعوضك يا حبيبتي
ياسمينا تهز راسها بحزن
شهاب يغير الموضوع: احم خلاص يا قمر ، اعملي حسابك عبد الرحمن و أهله هيجوا يخطبوكي النهارده
❈-❈-❈
في غرفه علي :- طق طق طق
علي بشرود : ادخل
عبد الرحمن يدخل و يبصله اوي....!!!
علي ينفخ بضيق : نعم بتبصلي كده ليه انت كمان
عبد الرحمن : عشان حاسك بتغلط يا علي ، و بتظلم كمان ، انت ما نسيتش نور ذي ماقلت ، و هتظلم علياء معاك
علي بعند اكبر : انا مش هظلم حد انا هتجوز ولا هو عيب ولا حرام
عبد الرحمن : طب ونور معقول بعد كل الحب ده تكون نسيتها ؟!
علي يجز على اسنانه بغضب : ايوه نسيتها و بعدين مش هي اللي اختارت تشرب بقي
عبد الرحمن بتعجب : انت مالك بتتكلم كاني هي اللي سابتك وراحت اتجوزت برضاها ، يا علي ابوها هو اللي غصبها و كلنا عارفين كده كويس ، ولا في حاجه تانيه احنا مش عارفينها
علي يبصله و يفتكر لما خيارها تاجي معاه يوم الفرح ، وهي رفضت...!!!
علي بهروب : هاه لا مفيش ، و من فضلك يا عبده دي حياتي و انا حره
عبد الرحمن يتنهد : خلاص براحتك بس عشان ماترجعيش بعد كده تندم
علي بثقه : لا مش هندم متخافش
❈-❈-❈
بداخل جناح الكينج :-
زينه تدخل...!!
الكينج يتحدث في الهاتف : يعني الشحنه وصلت ، طب ماشي ، سلام (ويقفل)
زينه تبصله اوي بشك...!!
الكينج يعقد حاجيبه : مالك بتبصلي كده ليه
زينه برتباك: هاه ولا حاجه ، احم انت كنت بتكلم مين ؟
الكينج بجديه : شغل من امتي و انتي بتسالي يا زينه
زينه بتوتر : عادي يعني ، هو انت كنت بتتكلم عن شحنت سلاح صح
الكينج يبصله بشراسه : زينه ، ياريت متدخليش نفسك في اللي ملكيش فيه مفهوم
زينه بحزن : بس اللي بتعمله ده غلط و حرام ، عشان خاطري ابعد عن الطريق ده
الكينج بانفعال : هنعيدوا تاني ، قولتلك انتي مش فاهمه حاجه
زينه : لا فاهمه ، ايه هتخسر القصر و العز اللي انت فيه ، مش مهم المهم انك تعيش في راحت البال ، من غير ما تعمل حاجه حرام
الكينج باستهزاء : العز هو انتي فاكراني مش راضي ابعد عشان العز اللي انا في ، مش بقولك هبله ومش فاهمه حاجه
زينه : طب فهمني ، مش راضي تبعد ليه
الكينج بألم : عشان لو بعت هخسر كتير يا زينه ، و ياريت خسارة فلوس ذي ما بتقولي ، ولا حتي انا ، لا انا هخسرك انتي و بنتي ، و ابني او بنتي اللي جاي يعني هعيش نفس اللي عشته زمان و انا لو خسرتك انتي ولا بنتي ، هتبقي نهايه بجد يا زينه ، و مش هعرف اعيش تاني من اول و جديد
زينه بدموع متجمعه في عيونها : ماهو اكيد في حل ، مش هتفضل كده
الكينج بعصبية مفرطه : لا هفضل كده ، لو مش عجبك اتفضلي عا السلامه
زينه بصدمه : انت بتطردني
الكينج : انتي اللي وصلتني لكده ، كمان عشان تعرفي اللي بعمله ده حمايه ليكي وابني اللي جايه ، فكري كده تمشي و شوفي هتقدري تعيش و تحمي نفسك وابنك ولا لأ
زينه تبصله بدموع و قهر....!!!
الكينج بسخريه : مش هتقدري صح ، يبقي تعيش و انتي ساكته يا زينه احسن ليكي
و يكمل يتنهد و يقرب عليها و يمسح دموعها : مش عايزه تطمني على اللي في بطنك ، الدكتور قال اني حالتك عايزه متابعه
زينه بحزن : انا عايزه اطمن بس على مستقبل ابني في اللي جاي...!!
الكينج بجديه : هيبقى لي احسن مستقبل ، انا هستناكي بره ، البسي و حصليني ....!!
❈-❈-❈
بعد ايام ذهب اهل عبد الرحمن و تم قرات الفاتحه عبد الرحمن و قمر ، وتم ايضا تحديد ميعاد الخطوبه....!!!
في منزل راقيه في الزمالك....!!!
ام عليا ببشاش : نورتونا و لله
ام علي بابتسامه : الله يخليكي ده نورك ، امال فين عروستنا
ام عليا : جايه دلوقتي ، يا عليا تعالي سلمي على خالتك
عليا تخرج بنوته جميله بكسوفه : ازيك يا طنط ، ازيك يا عمي
ابوه بنص ابتسامه : كويس يا بنتي الحمد لله
علي قاعد بشرود و ما بصش عليها...!!
ام علي : بسم الله ماشاء الله ، تعالي اقعدي جنبي يا عروسه
عليا تقرب و تقعد جنبها
امه علي : شوفت يا علي عليا كبرت واحلوت ازاي ، يا علي
علي : _______
ام علي بغيظ من ابنها : علي
علي بانتباه : هاه نعم يا ماما بتقولي حاجه
ام علي بغيظ : بقولك مش هتسلم على عليا
علي بإحراج : اه ، احم ازيك يا عليا عامله ايه
عليا بخجل : كويسه ، و انت
علي يهز راسه بهدوء : كويس الحمد الله
ابوه يبصله بضيق و عدم رضا من تصرفاته
ام علي : بصي بقي احنا ندخل في الكلام على طول ، احنا جاين النهارده نطلب ايدي عليا لي علي ابني قولتي ايه
ام عليا بفرحه : واحنا هنلاقي احسن من علي و اخلاقه
ام علي : تسلمي يا حبيبتي ، يعني نقول مبروك
ابوه بضيق : مش علي طول كده يا ام علي ، اديهم فرصه يفكروا براحتهم
ام علي : هم يعني اغراب عننا ، طالما نعرف بعض يبقي لي ناجل ، ناخد رأي العروسه دلوقتي هاه ايه رايك يا عروسه
عليا بخجل شديد :_____
ام علي : قولي يا عروسه ما تتكسفيش
عليا هامسه: احم اللي تشوفوا
ام علي بفرحه : اهي الحمد لله ، يبقي نقراءه الفاتحه ، و نعمل الخطوبه مع عبد الرحمن ابني ،و لا عايزه ليله لوحدك
ام عليا بعتاب : هو عبد الرحمن غريب ده ابني انا كمان ، مفيش مانع
ام علي : يبقي نقراءه الفاتحه و نقول مبروك
يقراءه الفاتحه و علي ينتبه لنفسه من الشرود اللي فيه علي صوت الزغريط ، ويحس بنغز في قلبه و مخنوق من الجو اللي حواليه....!!
ام علي : مبروك يا حبيبتي
عليا بابتسامه : الله يبارك فيك يا طنط
ام علي : مش نسيب بقي العرسان لوحدهم شويه
أم عليا تهز رأسها بتفهم و يقوموا كلهم
علي بعد صمت : احم مبروك يا عليا
عليا بخجل : الله يبارك فيك
و علي يرجع يسكت تاني و بعد شويه يستاذن و يمشي....!!!
❈-❈-❈
بعد أسبوعين.....!!!
في شقه نور :-
نور تخرج من الاوضه بتاعتها تقابل ابوها في وشها
ابوها : صباح الخير يا نور
نور : احم صباح النور
ابوها : ملبستيش ليه مش عندك جلسه عند الدكتور النهارده
نور بصوت مخنوق : مليش مزاج اروح النهارده
ابوها بحزن : براحتك بس بلاش تهملي في صحتك يا بنتي
نور تهز رأسها بعدم اقتناع و تسمع صوت زغاريط.....!!!
امها تخرج : ياتري عند مين الزغاريط دي
نور وهي تدخل تجاه المطبخ : ربنا يفرح كل الناس
امها : بس ده شكله حد في البيت عندنا
ابوها يتنهد : ايوه ده عبد الرحمن قرأ فتحته و علي كمان قرا فتحته عليا بنت خالته
و فجاه يسمعوا صوت تكسير كوبايه من وراهم....!!!
امها تلف بخضه : بس الله الرحمن الرحيم ، مش تخلي بالك يا بنتي
نور بصوت مرتعيش : وقعت مني غصب عني ...كـ كنت بشرب ، هشيلها دلوقتي
امها تقوم : لا سيبيها عشان ما تعوريش نفسك ، انا هشيلها
نور : لااا لاا انا هشيلها
نور تنزل تلم في الزجاج و دموعها متحجره و الرؤيه مشوش في عيونها ، من دموعها و تلم بسرعه وهي مش شايفه قدامها و متقدرش تمسك دموعها وتبدا تنزل
امها بفزع : يابنتي براحه ايدك كلها بتنزف
نور تبص علي ايدها بحزن ،و دموعها تنزل اكتر
امها تمسح دموعها : هي بتوجعك اوي كده
يا حبيبتي
نور بصوت متحشرج من العياط : اوي
امها : طب سيبيها وانا ، هلم و روحي لفي ايدك بسرعه
نور تهز راسها و تدخل اوضتها بسرعه
وابوها متابع بحزن و يعرف انها سمعت ، و دموعها مش من الازاز بل وجعها على قلبها
، و يتنهد بحزن انه هو السبب...!!
*****
في غرفه نور :- تدخل بسرعه و تقفل الباب و تسند على الباب و تنزل على الارض بنهيار جامد
و علي كمان قرا فتحته عليا بنت خالته
و علي كمان قرا فتحته عليا بنت خالته
و علي كمان قرا فتحته عليا بنت خالته
لتعلو و تهبط دقات قلبها بعنف اخذت تتردد هذه الكلمات في عقل نور لتشعر قلبها يعتصر بين ضلوعها من شده الالم وتنهار.....!!
❈-❈-❈
في فيلا شهاب :-
يرجع بالليل و يسال عن ياسمينا يعرف انها في اوضتها نايمه فوق بس مش اوضتهم ، يتنهد بحزن و يدخل ليها ، يلاقيها نايمه بهدوء يقرب عليها ، و يبتسم بحب علي شكلها و ملامحها اللي وحشه اوي و يقفد السيطره على نفسه ، و يقرب و يطبع قبلات رقيقه علي وجهها
واتحركت ياسمينا في نومها وتصحي تتفاجاه بشهاب و تشهق بخضه و تبعد عنه : انت بتعمل
شهاب بحب ظاهر : وحشتني اوي يا ياسمينا عشان خاطري بلاش تقسي عليا اوي كده ، تعالي بقي ننسي اللي فات ونبدا من جديد
ياسمينا : نبدأ من جديد بسهوله كده كانك دوست على رجلي مثلا
شهاب بندم : عارف ان غلط جامد فيكي ، و جرحتك لما استغليت فقدانك للذاكراه بس انا عملت كده عشان بحبك
ياسمينا بسخريه : بتحبني يا سلام
شهاب : ايوه يا ياسمينا بحبك و خايف عليكي مش هتكسف اقولها ليكي ، من اول ما قابلتك في وعيني جت في عينيك و انا قلبي دق بشكل غريب ،و مرحتيش عن بالي لحظه واحد ، ولما سالتني في المستشفي مكنش حد بيدور عليا ليه ، انا ما كذبتش وقتها انا كنت ليل و نهار بدور عليكي ، و كنت بتمنى ساعتها الاقيك حتي و ترجعي لخطيبك بس لما شافتك نسيت كل حاجه و اتمنيت تبقي لي انا....!!
ياسمينا بعقل رافض التصديق : طب لما هو كده ليه كنت بتحط حبوب منع الحمل ليا...؟
شهاب يتنهد : كنت خايف لما ترجعلك الذاكراه تسيبيني و ابني او بنتي ساعتها يعيش بعيد عني في عذاب
ياسمينا : بذمتك انت مصدق نفسك ، ده مش مبرر لي انت عملته معايا ، انت غلط كتير معايا يا شهاب ، و مابقاش ننفع لبعض و ياريت بعد خطوبه اختك نطلق بهدوء بدل ما تجبرني علي حاجه مش عايزاها....!؟
شهاب يبصلها بغضب و يمسكها من دراعيها بقسوه : مش هطلقك يا ياسمينا ، و لو قعدتي من هنا لبعد ميت سنه تقولي الكلمه ده برضه مش هطلقك ، عارف ليه عشان انتي بتاعتي انا وبس....!!
ياسمينا تتخض من تحوله فجاه....!!
شهاب يبعد عنها بعنف : اقولك انا ماشي و سيبهالك مخدره...
شهاب يمشي و يقفل الباب وراء جامد و ياسمينا تبص علي فارغه بندم....!!
❈-❈-❈
في قصر الكينج :-
الكينج يدخل الجناح بتاعه : ما نزلتيش ليه هترجعي لي الحبسه تاني...؟
زينه تبص الناحيه التانيه بضيق
الكينج يتنهد ويروح ليها : مالك..؟
زينه تنفخ بضيق : مفيش
الكينج يشدها لحضنه : كل ده و مفيش ، انتي زعلتي عشان زعقتلك الصبح ...؟ طب انا اسف متزعليش...!!
زينه تبعد عن حضنه : من فضلك ابعد..!!
الكينج يشدها لحضنه و يحكم عليها بذراعه و يهمس بحده بسيطه و يقبلها من خدها برقه : اوعي تاني مره احضنك تبعدني عنك..انتي مكانك هنا في حضني و معايا ومش هسمحلك تروحي و تسيبيني انا بقوي بيكي و بضعف بيكي انتي ، انا بتنفس حبك و عشقك و قلب خلق مخصوص عشان يدق ليكي انتي وبس...!!!
زينه لم تعرف بماذا ترد عليه و تلتزم بالصمت....!!!
الكينج يكمل تقبلها بنعومه ..خدها ... عيونها..شعرها..و بدا ينزل بقبلاته علي رقبتها... بقبلات رقيقه... تاره عنف ، و تاره نعموعه ... وهي مستسلمه بين ذراعيه ، لقبلاته الدافئه... و يرفع رأسه ليتناول شفيتها في قبله جعلتها قلبها يتنفض بين ضلوعها بعنف...و اغمضت عينها كامغيب في هذا الشعور ، ليستمر هو في تقبلها...و يفصل قبلته و ليحملها و ينزلها علي الفراشه..... و اجتمعاه بالنهايه علي الحب...!!!
❈-❈-❈
في مكتب شهاب :-
شهاب بعصبيه مفرطه : بقي انا عمال اطبطب و اسكت علي كلامها و اجي على نفسي ، عشان تسامحني و اقول انا غلطان ، وهي لسه مصممه علي الطلاق برضه
عبد الرحمن : عاوز الحل اتكلم و احكيلها عن ماضيك و اللي حصل ليك زمان
شهاب صاح بغضب : ما انا لو قادر اتكلم كنت اتكلمت بس انا مش قادر ولا عارف اعمل ايه و كل اللي حاسه اني انسان ضعيف و مكسور وانا لاول مره احس الاحساس ده ، ومش عاوزها ترجع شفقه و لا ابين قدامها ضعيف و مكسور مش هقدر
عبد الرحمن بعطف : خلاص يا شهاب متزعليش نفسك و طالما مش قادر تتكلم معاها ، اتكلم مع ربنا و صلي و ادعيله يخرجك من اللي انت فيه ده
❈-❈-❈
في قصر الكينج :-
بعد مده طويل....!!!
اترمي الكينج علي الفراشه بانفاس متلاحقه ، و يشدها لتتوسط علي صدره العاري في احضانه...!!
انتي حلوه اوي يا زينه...!!
انهي كلماته وهو يقبل شعرها بنعومه..!
زينه لم ترد كانت تحول تجمع نفسها بعد كل هذا الحب...!!!
الكينج بحنان : زينه كنت عاوز اقولك علي حاجه مش عارفه هتزعلك و لا تفرحك
زينه اعتدلت وهي تلف الملايه حوليها : حاجه ايه...؟
الكينج يسألها: مش نفسك تشوفي والدتك
زينه بدهشة وقلق : ماما
الكينج : ايوه انتي قولتلي انك سيبتها و متعرفيش حاجه عنها يعني الوضع دلوقتي اختلف ، ممكن اخليكي تشوفيها و تتطمني عليها كمان
زينه تدمع و بصوت مرتعش : بلاش.. بلاش احسن انا مش هقدر ابص في عيونها بعد اللي عملته زمان
الكينج يمسح دموعها و يشدد من احتضانها : حبيبتي ده كان زمان ، و بعدين مش لازم نقول كل حاجه حصلت معاكي ، وبعدين دي امك يعني اكيد هتسامحك
زينه بحزن : انت مفكرني مش عايزه اشوفها بالعكس ده وحشني حضنها اوي ، بس خايفه ادي لنفسي امل ، و تكون جري ليها حاجه او ماتت (لتبكي بشده) ساعتها مش هسامح نفسي أبدا
الكينج : هششش بس.... هو انا هديكي امل من غير ما اتأكد من كده
زينه تبص بلهفه : قصدك ايه تعرف عنها حاجه
الكينج يبتسم : ايوه هي عايشه و كويسه و لسه بتخدم في البيوت
زينه بفرحه : بتتكلم بجد
الكينج : ايوه بس
زينه بخوف : بس ايه فيها حاجه
الكينج : لا هي كويسه بس أنتي مقولتليش انك ملكيش قرايب ، بس رماح لما جابلي المعلومات عنها ، بيقول اني في ست كبير عايشه معاها من مده طويل علي طول
زينه بدهشه : ست كبير ! ، مين دي ؟ احنا فعلا مالناش قرايب !! طب هي اسمها ايه ؟؟
الكينج يتذكر : اسمها حياه...!!
❈-❈-❈
في المستشفي :-
نور تدخل بسرعه و تسمع حد بينده عليها...؟
نور تغمض عيونها بشوق و تلف : ايوه
علي بلهفه مستخبيه : انتي بتعملي ايه هنا جايه تكشفي ولا ايه
نور بارتباك : هاه
علي يبص على أيدها مربوطه بشاش : مالها ايدك
نور : مفيش ده جرح بسيط (لتغير الموضوع ) و انت بتعمل ايه هنا
علي : كنت جاي اقدم لشغل هنا ، انتي نسيتي اني بشتغل دكتور ولا ايه
نور بحزن : عمري ما نسيت حاجه تخصك
علي يضحك بسخريه : بجد...طب مش تباركلي قرات فتحتي امبارح علي علياء بنت خالتي
نور بقلب ذبيح : سمعت مبروك
علي باستهزاء : من قلبك
نور : ااه عليا كويسه وان شاء الله ربنا يتمملك علي خيري.. عند اذنك
علي يتغيظ منها اوي و يمسكها من كتفها و يدخل بيها اوضه فاضيه
نور بصدمه من فعلته : علي انت اتجننت سيبني
علي بعصبيه : كنت بتقولي ايه بقي بره ، مبروك صح ، عايزه تفهميني انك فرحانه اوي اني هكون لغيرك صح
نور : امال عاوزاني اقولك ايه ، اني بموت من جوايا عشانك
علي بانفعال : و مين السبب في الوجع ده مش انتي لو كنتي سمعتي كلامي و سفرتي معايا ، كان زماننا دلوقتي عايشين في سعاده ، بس انتي غبيه
نور : عايشين في سعاده انت متاكد اننا هنكون مبسوطين !!
علي : انت لسه برضه مصممة انك صح ؟
نور تبصله اوي : انت اللي رجعك يا علي ؟
علي بحزن : مقدرتش ابعد اكتر من كده ، رغم اني كنت معرفش انك اطلقتي ولا لأ بس و وجودك قدامي كان كفايه اني اشوفك كويسه حتي لو هتكوني مع غيري ، اول ما رجعت كان نفسي تكوني اول واحده اشوفها انا عمري ما نسيتك يا نور لحظه ولا غيبتي عن بالي ، لانك حب عمري كله دا انا بحبك من واحنا عيال مقدرتش...!؟
نور بحزن هي الاخري : انت عارف رجوعك ده لخبطلي كل حاجه في حياتي و كركتبها من تاني بعد ما كنت خلاص كنت بحاول ارجعها ذي الاول !
علي يسأل بلهفه داخله : لسه بتحبيني يا نور ؟
نور تنزل دموعها المحبوسه من عيونها : عمري ما نسيتك لحظه انا كمان
علي : بس اللي بيحب ما بيوجعش يا نور ، وانتي وجعتني اوي !
نور باستهزاء : انت اللي اتوجعت ، ده انت هربت و سافرت عشان متحسش بالوجع عشان مقدرتش
علي بغضب : بتحسبيني دلوقتي علي سفري ، ما انا جئتلك و اتحيلت عليكي تسافري معايا و رفضتي عشان اهلك اللي مفكروش فينا ،و اذا كان علي الوجع انا مهما بعيت هتعذب و أتوجع برضه
نور تمسح دموعها : انا مش بحسبك ، و اذا كنت بتقول و انت بعيد اتوجعت ، فاانا كنت فـ الوجع نفسه و اتعذبت اكتر ، المهم مبروك يا علي ...!؟ (و تلف لتخرج)
علي من غير ما يلف : هستناكي تحضري خطيبتي يا نور
نور لتغمض عيونها بألم و تخرج و لم ترد
❈-❈-❈
في شقه شريف :-
شريف يخرج من اوضته و يعدي علي اوضه شهد يلاقيها بتذاكر...!!
شريف يدخل : في حاجه واقفه معاكي في المذاكره
شهد تبصله : هاه لا شكرا
شريف يقرب يقعد جنبها : لو في حاجه ما تتكسفيش ، مش اول مره اذاكر لك يعني
شهد باستغراب من إهتمامه : هاا ماشي اتفضل
شريف يقرب الكتاب : قولي مش فاهمه ايه
بعد ساعه شريف يشرح لي شهد و شهد بتبصله اوي....!!
شريف : هاه فهمتي ولا اشرح تاني
شهد :______
شريف باستغراب : شهههد
شهد بانتباه : هاه نعم
شريف يضحك : بقولك فهمتي ولا اشرح تاني
شهد : لااا لاا فهمت خلاص شكراً اوي
شريف يبصلها اوي : في واحده تشكر جوزها
شهد تتنح : هاه
شريف يحاول يكتم ضحكته : انتي مالك النهارده ، مقضياها هاه في ايه
شهد : مفيش حاجه خلاص انا هقوم انا شكرا
شريف يقرب عليها : هو أنا لسه قايل مفيش واحده تشكر جوزها ، هو انا غريب عنك
شهد : لااا
شريف يقرب اكتر كالمغيب : لاا ايه
شهد بتوهان: لاا مش غريب...شريف
شريف كاد ان يقترب و يقبلها
شهد تحاول تجمع نفسها و تقوم : انا هروح اشوف خالتي متهيالي بتندهي عليا
شريف ينتبه لنفسه : اه صح ، ممكن ، تصبح على خير
شهد تحط ايدها علي قلبها و تحاول تهدي دقاته....!!!
❈-❈-❈
""في الصباح "' "'قصاد الجامعه""
في التاكس :-
شريف : انزلي يلا يا شهد و خلي بالك من نفسك
شهد :_____
شريف بقلق : شهد مالك انتي كويسه
شهد بتوتر : ااه بس خايفه اوي من الامتحان
شريف يمسك ايدها : اهدي و متخافيش و خليكي واثقي في نفسك ماشي
شهد تبص علي ايدها : تمام ماشي
شريف يبتسم : طب يلا انزل عشان متتاخريش ، ولما تخلصي اتصلي بيا طمنيني عليكي ماشي
شهد تبصله اوي بفرحه داخلها و تهز راسها
شريف بغضب : اللي جاب الواد دي هنا
شهد تبص وراها باستغرب و تشوف شهاب وهو بيوصل قمر
شهد : اخته هنا معايا في نفس الجامعه
شريف يهز راسه بتفهم : طيب خلي بالك من نفسك
شهد تنزل و تروح لقمر و يدخلوا الجامعه
❈-❈-❈
" في حي شعبيه قديم بداخل منزل "
كانت سيده كبيره في السن تجلس بحزن ، و قهر علي سجاده الصلاه و تسجد لله و تدعي لها و لي اولادها بان يحفظهم من اي شر و تشوفهم...!؟
رحاب من الخارج : بتعملي ايه كل ده.. الفطار هيبرد يا حياه....!!
لترد حياه : حاضر يا ام زينه....!!
لترفع حياه يديها لله و تقول : يارب انت الوحيد اللي عارف إني اتظلمت اد ايه و اتحرمت من ولادي ، اظهر الحق و احفظهم لي ياااارب....!!
❈-❈-❈
وضع علي الخاتم باصبع علياءو
لوووووووووووولي
ام علي بفرحه : مبروك يا ولاد
عليا بخجل : الله يبارك فيكي يا طنط
علي يتظاهر الفرحه : الله يبارك فيكي يا ماما
علي الجانب الثاني
يضع عبد الرحمن الخاتم باصبع قمر
عبد الرحمن بسعاده : مبروك يا قمر
قمر بفرحه داخله و تبتسم : الله يبارك فيك
عبد الرحمن يقبل كفها : مبروك عليا انتي يا قلبي
قمر تبص للارض بخجل و بصوت منخفض: احم احم
عبد الرحمن : لا خلاص مفيش كسوف تاني و مش هتخبي عيونك الجميله عيني ، انا خلاص بقيت خطيبك
قمر بصوت هامس : احم ان شاء الله ، بس دي خطوبه يعني مش جواز
عبد الرحمن بضيق : اعمل ايه بس ما اخوكي الغلس اتحيلت عليه يخليها كتب كتاب حتي بس هو مش راضي
شهاب يحط ايده على كتفه : مين بيجيب في سيرتي ، عايز ايه
عبد الرحمن بخوف مصطنع : لا لا انا لسه بشكر فيك ، حتي اسال قمر
شهاب بابتسامه : مبروك يا قمر
قمر : الله يبارك فيك يا ابيه
ياسمينا : مبروك يا حببيتي
قمر بابتسامه : الله يبارك فيك يا ياسمينا
بعد مده يقوموا يرقصوا مع بعض
"'عبد الرحمن و قمر ، علي و عليا""
❈-❈-❈
ياسمينا : احم احم قمر شكلها حلو اوي النهارده
شهاب بجمود : اه
ياسمينا بغيظ : الفرح كله حلو كمان
شهاب ليهز راسه بجمود تاني : ماشي
ياسمينا بضيق : هو ايه اه ماشي ، ماتتكلم ذي ما بكلمك يا شهاب
شهاب بزهق : يعني انتي اكلمك مش عجبك ، مكلمكيش برضه مش عجبك ، احترت اعمل ايه معاكي بصراحه
ياسمينا بتوتر : انا مقولتش متكلمنيش
شهاب بنرفزه : امال عايزه ايه ؟
ياسمينا : طب بس عشان اختك ، و بعد الخطوبه ان شاء الله هنتكلم
قالتها بابتسامه ليبادلها الابتسامه و يصمت و ليسمع صوت رساله عبر هاتفه ليفتحها و يقراءها
""خلي بالك مراتك بتخونك ، لابستك العمه و ضحكت عليك المره اللي فاتت ، وانت صدقت ، و ما نسيتش حبها القديم""
لتتغير تعابير وجهه و يغلي بداخله من الغضب و الغيره...!!
ياسمينا بتعجب : شهاب في حاجه يا حبيبي
شهاب يبصلها اوي....!! : دلوقتي بقيت حبيبك ""قالها بهمس""
ياسمينا بقلق : شهاب مالك
شهاب بابتسامه زائف : لا يا حبيبتي مفيش حاجه ، متشغليش بالك، اقولك تعالي نرقص احنا كمان
ياسمينا ابتسمت : ماشي يلا
❈-❈-❈
"عبد الرحمن وهو بيرقص مع قمر"'
= اوعي تكوني زعلانه يا حبيبتي عشان عملت الخطوبه مع اخويا ، مش ليله لوحدينا
قمر : لا خالص بس هو اخوك ليه حاسه ذي اللي مغصوب على الخطوبه
عبد الرحمن يبص عليه باشفاق : هو فعلا مغصوب بس غاصب نفسه
قمر باستغراب : ازاي
عبد الرحمن : متشغليش بالك بس يارب ما يندمش متاخر علي اللي بيعمله في نفسه....!!
قمر : انا مش فاهمه حاجه !
عبد الرحمن : قولتلك متشغليش بالك ، خلينا في نفسنا كنا بنقول ايه ؟
قمر بخجل : مش فاكره !
عبد الرحمن بخبث : بس انا فاكر كنت بقولك بحبك ، و انتي رديتي عليا و قولتي ؟
قمر بنبره هامسه : وانا كمان بحبك
❈-❈-❈
"''علي بيرقص مع عليا بس مش مركز معاها وعمال يبص علي باب القاعه مستني نور تاجي""'
""و نور تاجي تقف من بعيد الناحيه التانيه و دموعها مغرقه وشها وهي شايفه الحلم اللي كانت بتحلمه غيرها بيحققه ""
❈-❈-❈
في منطقيه شعبيه :-
حياه تقلب في الاكل و سرحانه
رحاب : حياه....مالك سرحانه في ايه
حياه تتنهد اوي : هيكون ايه غير موضوع عيالي....!
رحاب بعطف : معلش يا حياه بكره تقبليهم و يعرفوا انك مظلومه
حياه بحزن و دموعها تنزل: يعرفوا منين بس ، هو انا اعرف مكانهم فين ولا حتي شكلهم بقي ايه ،حسب الله ونعم وكيل في اللي كان السبب
رحاب بزعل عليها ؛ استهدي بالله بس ، و بكره ربنا يظهر الحق
حياه بدموع : ونعم بالله ، منك لله يا زين انت و ابوك انتم السبب في كل اللي حصل ليا و حرمتوني من عيالي
#فلاش_باك
""في فيلا كبيره ""
حياه ترضع بنتها و تحطها في الاوضه ، و تخرج تاخذ شاور و تلبس البرونس و تخرج تتفاجاه بي.....!!
حياه تشهق بخضه : زين انت بتعمل ايه هنا
زين يقرب عليها بخبث : في ايه بس يا حبيبتي مالك اتخضيتي ليه ؟ اصل سمعت انك قاعده لوحدك قلت اجي اونسك
حياه تبلع ريقها بخوف و تبعد لورا : زين اطلع بره اخوك لو جي مش هيحصل كويس ، و هيفهم غلط
زين باستفزاز : ما يفهم غلط ، انتي عارفه اني من ساعه ما شوفتك و انا عيني منك ، بس انتي اللي عامله شريفه عليا
حياه بزعيق: زين اطلع بره و احترم نفسك ده انا مرات اخوك
زين يقترب منها بشهوه : و اخوي مش هنا تعالي بقي.....
حياه تبعد بسرعه و تحاول تخرج من الاوضه و زين يحلقها بسرعه و يشيلها و يحطها علي السرير و يثبتها جامد و يبدأ يبوس رقبتها برغبه ، و حياه مش عارفه تصرخ و لا تبعد من تثبته ليها و يحط ايده على بوقها ، و مع ذلك بتحاول تبعد عنه.... لحد ما تفقد الامل و دموعها تنزل بضعف و استسلم.....!؟
و زيد المغازي جوزها يدخل ، و يشفيهم و يحصل اللي حصل....!؟
زين يتبعد عنها بتفاجئء و صدمه : انت اللي رجعك
زين بصدمه وغضب و صوت عالي : رجعت عشان اشوفك انت والزباله اللي معاك..
(ثم يوجه كلامه ل حياه)انتي يا حياه تعملي كده...!!! امال فين صلاتك اللي بتصليها وتقعدي تقولي صلي وقرب من ربنا, اتاريكي رسم قناع البراءه وأنتي الوخ***
حياه تعدل هدومها و تهز رأسها بلا : لاااا لااااا انت فاهم غلط انا ولله....
زين يقاطعها بمكر : هتكدبي ليه يا حبيبتي لازم يعرف من الاول ان انا وانتي بنحب بعض من زمان
ومع مده من الخناق بينهم ينتهي.....!! طخ طخ
حياه بوجع و ضعف : ااااه ليه كده انت فاهم غلط (و تقع على الارض و تفقد الوعي)
❈-❈-❈
""في المستشفي""
حياه تفتح عيونها باجهاد وتعب : اااه انا فين...؟
الممرضه : اهدي يا مدام انتي في المستشفي ، ده انتي ربنا كتبلك عمر جديد ، ده كنتي بين الحياه والموت ، الحمد الله انك فقتي
حياه بتعب : اا ولادي فين....؟
في فيلا الجد المغازي :-
المغازي صاح بغضب : انتي ايه اللي جابك ، هنا ليكي عين بعد اللي حصل ، بعد ما كنتي السبب في موت ولادي الاتنين
حياه واقفه بتعب : حرام عليك انا ذنبي ايه ؟ ابنك هو السبب اكتر من مره حاول معايا و انا كنت بمنعه على قد ما اقدر عشان ما يعملش مشاكل
المغازي : اخرسي انتي هتتبلي على ابني عشان تطلعي براءه ، مش عارف ليه مكنش حد من عيالي عايش بدالك وانتي اللي موتي !
حياه بحزن : امر ربنا كده ، فين ولادي عايزه اشوفهم
المغازي ببرود : ولادك مين ؟ انتي ملكيش حد ، انتي فاكره هسيب احفادي مع واحده خاينه ذيك تربيهم
حياه بفزع وخوف : قصدك ايه
المغازي يضحك بشر : يعني ذي ما حرمتيني من ولادي ، انا كمان هحرمك من اولادك .....!!
حياه بصراخ : لاااا حرااام عليك لاااا ولادي
#نهايه الفلاش_باك
= حياه...حياه انتي سرحتي تاني
حياه تبكي بحرقه : أعمل ايه يا رحاب دول ولادي ، هو اللي حصلي شويه ، ده انا كنت بشوفهم من بعيد لبعيد وهم صغيرين لما جدهم منعني اشوفهم و انتي لما كنتي بتخدمي هناك كنت بتخليني اشوفهم و احضنهم ، ده انا عمري ما هنسي ابني شهاب لما قالي انا مش عايز اشوفك تاني انتي واحده خاينه و السبب في موت ابويا...!
رحأب : معلش يا حياه انتي متعرفيش جده كان بقوله ايه لما كان بيسال عليكي ، شهاب كان بيحبك ايوه و على طول بيسأل عليكي ، انا لما كنت بشتغل هناك كنت بسمع و بشوف
كل حاجه
حياه بالم : وهو كمان وحشني اوي هو واخته ده انا قلبي و جعني اوي لما عرفت ان جدهم اخدهم و سافره بيهم
رحاب : طب انتي متعرفيش اي حد تسالي هما رحوا فين ، ممكن لما يكبروا و تحكلهم يصدقوكي
حياه : معرفش حد و مش عاوزه اكلمهم انا كفايه عليت اشوفهم من بعيد و اطمئن عليهم ، اذا كان شهاب وهو صغير قال ليا كده ، امال لما يكبر و يشوفني هيعمل ايه (لتنهار في البكاء)
رحاب باشفاق : بس يا حياه متعمليش في نفسك كده
حياه بوجع: اصلك متعرفيش الضنا غالي ازاي ؟
رحاب بحزن : لا عارفه كويسه
حياه بزعل من نفسها : معلش يا رحاب ربنا يعترك في طريق بنتك انتي كمان ؟
رحاب بحزن : يارب ..يارب تكوني بخير يا زينه....!!
حياه بحزن هي الأخري : يارب تكون بخير يا شهاب انت و قمر....!!
