رواية سواد القلوب الفصل الرابع والعشرون بقلم ام سامان
براء
_ أحبك مرمر
جاوبني وهو يصيح
_ اويل الله اعششقج ملكتي....
مروان اشبه بحلم وردي لكل بنت ...
احمد واشكر ربي علي كل دقيقة ...أتذكر بغيائي جنت حدمر حياتي ....ليش حتى نجيب المشاكل وندخلها لحياتنا ...ليش مختبر ازواجنا ...أتذكر جانت أكو موظفة دزت صديقتنا تختبر زوجها بس الصار الصداقة لافت عالزوج وتزوجو والبنيه دخلوها انعاش صدمة عمرها صديقة طفولتها غدرت بيها وماننكر الغلط الاكبر عليها...ليش مانعيش حياتنا وننتظر القدر المكتوب النا...ليش ادخل روحي بدائرة شك وقهر وهذا الصار وياي وللاسف جانت راح تكون نهاية حياتي ويه مروان...مروان الي حتى من قرر يتزوج عليه جان لخاطري بحسب تفكيره راح اقتنع إذا صارت صدك ..بس نصيحتي لكل مرة او حبيبة او زوجة لاتختبرين زوجج ولو حتى في سبيل المزاح ..احتمال انتي التدخلي لخط الخيانة ويعجبه الوضع...
وعيت لنفسي من شفته مخلي اديه جوه حنجه ويباوعلي بابتسامة وكأنو آني أعظم انتصاراته...
_ مرمر دتخجلني
_ برراء مدااكدر اشبع من وجهج
خيم الحزن عليه ..وخليت ايدي على إثر الجرح الي بقى صح مو قوي بس مبين حتى من امكيج بعد مبين صح مو كولش واضح بس من قريب واضح
_ صدكيني ماماثر على جمالج....
_ يمكن هاي عقاب من ربي لان لعبت بخلقته
_ اششش شنو هالحجي ...
_ مااعرف بس هيج خطرلي ...
_ صح لو قبل موجود بحياتج ماجان سمحتلج تسويه اخذ نفس وكمل بيبي ...أكدر اطلب منج طلب
_ أكيد حبيبي
_ أريد نبدي بداية جديدة وبمايرضي الله اتمنى تذوبين الفلر الي بوجهج وتضبطين الحجاب
_ امم صح كلامك يمكن الصاربينا وعانه حتى نتقرب من رب العالميين وأهم شي نراجع دكتور على مود الحمل
باوعلي وجاوبني برفعة حاجب
_قصدج دكتورة
_ ضحكت وآني أخلي جبنه بحلكه...أكيد دكتورة
وصدك راجعنا دكتور وذبيت كل ملابسي القديمة واشتريت فساتين مال محجبات ..مو ضيكات لبس شرعي ...ورحت الصالون
اهلي كلهم استغربو لان شكد جانو ينصحوني وآني أغلس ...
حجه بابا بابتسامة
_ ألف الحمدلله من شفت هاليوم...عفية باباتي افضل قرار اخذتيه ..حضني وباس رأسي وهو يكمل آني فخور بيج ابويه انتي
نزلت دموعي وحضنته
_ بابا لو شمااسوي مااوفيلك حك تعبك ويايه انت ونعم الاب ...حتى لو بجنسيتي مذكور غير اب...بس أنت سديت مكانه...ووفيت وحفظت امانته ...مراح اشكرك لان ماكو شكر بين البنت وابوها
حضني أقوى
_ اروحلج فدوة يبعد كلبي ...
باوعت لمروان يباوعلي مدمع...
حضني فهد
_ شتاكيت لدلعج عليه بروئتي
_ اروحلك فدوة يااطيب اخ بالدنيا ...حضنت أياد وبعدين باوعتلهم
_ لعد وين شاد
_ آني هنا ..تقرب حضني بقوة ....
شفت علاقتهم ويه شاد بارده...
كضيت يومين وياهم..ماما احس وجهها مطفي...كلما اسئلها..تكولي ماكو شي...
رجعنا للبيتنا...الله بيتنا صار شكد ماكايله هالكلمة.. وراها سافرنا شهر عسل جديد لدبي مااحب أروح لمكان مااعرف لغتهم ..لذلك حبيت دول عربية ..صح انكليزيتي زينه بس أميل دائما للدول العربية بكل شي ...كضيت بيها أحلى ايام ...ضلينا اكثر من اسبوعين رجعنا لان عدنا موعد ويه الطبيب بعد جم يوم
___:::&&__&::&___
رنا
عفت البيت ورحت لاهلي ماكدرت احجيلهم خيانة رضوان الكل جان يحسدنا على هالحب والتفاهم بس ما يعرفون الاني مريت بي والواجهته....كاعدة ومخليه ايدي جوه حنجي ماحسيت من فات ابوي ....
_شبيها بنيتي ...وكأنو جنت محتاجة هالجملة نزلت دموعي
_ لا لا شبيها بنيتي...
_ بويه رضوان عنده ولد جبير
باوعتله منصدم وومصدك
_ شتكولين بويه ...
_ السمعته...أجا ويه امه متزوجها قبلي ومن متزوجني مستمر وياها طلكها من حبتت بحمزة ومتخلي عنهم مطلكها ومهددها توصلني..بس هسه كالت أنا على فراش الموت تريدني احبها مثل ولدي...
_ شكد عمره
_ أعتقد 19مدري20..
_ وشيكول رضوان
_ بالاول نكر بس كل شي ضده سكت...
_ وانتي شتردين
_عوجت حلكي دلالة على حيرتي ..مااعرف بويه ...لان بحياتي ماتخيلت يجي يوم وامر بالداامر بي ....
_ راح اخابره وافهم منه ليش سوه هيج بيها وبيج ...
طلع يخابره ماهتميت...
رفل ابويه طلب ترجع ...وبالاخص من درى بحملها محد جان يدري ...ماادري شاهين جان عنده علم اولا ...بس امي كالت آني جنت شاكه هي حامل ..شاهين هسه حيل قريب من الشفاء وشفت ابويه ابتعد عنه واعتقد أجا وكت حسابه بالسواه برفل وببراء وبنفسه....
بالليل أجا رضوان ووياه حمزة الماقبل يجي وياي لان يستحي من جده. ..أسمع صوت صياح ابويه على رضوان الماسمعتله صوت بعد سكوت أجا شاهر وكأل ابوي يريدج دخلت...شفت رضوان العيونه بالكاع
_ بويه رضوان يريد رضاج وبالشروط التردي...بهذا الكلام اتأكد يعني ابوي مايقبل بالطلاك...صح لحظات فكرت بيها بس تذكرت ابني الجبير وبنتي الدتكبر ..احنا عايشين بمنطقة كلمة طلاق عدهم مصبية وكفر ومو كانو حل حلال رب العالمين مخليها النا....
_ أريد يرد زوجته ويحافظ على ابنه ..
_ بويه تردين يجيبلج ضره
_ من زمان جان عندي بويه ولاتنسى هي جانت الأولى وأنا الثانية يعني أنا الخربت حياتها
قاطعني حمزة
_ يوم شنو هالحجي
_ غلطانة حمزة ...
_ لابس
_ هذا شرطي يبو حمزة ...إذا تريدني أرد رد ام رضا هي كالت أنا على فراش الموت عوضها تاتبريلك الذمة بعد ماخذلتها كل هالسنين..
_ رنا
_ بويه إذا تسمحلي أريد نتفاهم وحدنا ..ترخص ابوي وحمزة وشاهر هم طلعو
_ من اليوم أنا بالنسبة الك ام حمزة ومريم وببس. ..حقوقك الزوجيه انطيك ياها بس حتى مااحصل ذنوب والا انا مسحتك من كلبي يرضوان . ...جنت تشك بيه تحت لخطيبي بينما أنت أصلا خايني شكد عينك كويه ...شلون اثق بيك وأنت ذاب ابنك وامه بالشارع ....الله يسامحك يبو حمزة ....
_ هذا آخر كلام
_ اي ردها وأنا اردلك ...
_ اجيبج لبيتج يارنا
_ هلا بيها أنا الداخله عليها مو هي....
_ ماتغارين رنا
_ ابببد ...كتلك طلعت من كلبي .....
فعلا صارت وابنها رضا مقنعها توافق واجت سكنت وياي ...وعرفت مريضة سرطان بالمراحل الأخيرة ....والسبب بوضعها مجانت أحصل الرعاية المضبوطة والسبب ضعف المادة ...دائما اباوع عليها تباوع لرضوان بكره
داريتها مثل اخت الي مو ضرة بيوم التضرب كيمياوي تضل يومين بالفراش اخدمها بعيوني ..ماادري ليش أحس بذنب لان اخذت منها زوجها ...و الله يشهد لو ادري ماجان وافقت....عرفت الجان يخابرها رضوان ببداية زواجنا هي ...أبد ماحملتها قهري ...لان جانت لاحول ولاقوة ...وبعد سنتين بوجودها وياي توفت ام رضا ...والحمدلله بريت ذمتي يوميه جانت تردد وتكول ماشايله بكلبي ومبريه الذمة لان مالج ذنب أنا الجنت غبية...
ورضا الله يحفظه ماله صوت بس مبين بعده مامسامح ابوه ..بس صار ونعم الأخ لحمزة الطاير بيه وهو هم مايحاجي ابوه...رضوان الجنت أشوفه حبيب وزوج واب مثالي جان برواز لشخص خاين وغدار ....لليوم مستمره حياتي وياه بس عايف جرح غميج بكلبي شكد يتوسل اتشرط بس حتى أنسى واردله نفس قبل ماكدرت ...بيومها حسيت بجرج براء من زوجها تزوج عليها ....بس الفرق مروان مو مثل رضوان ...ماكدر يخون.
&&&&&"""&""&"&'
شاهين
تشافيت . بعد ماطلعت روحي ....رجعت رفل ...القبلها ابويه واجهني
_ اكعد اكعد ياابني الجبير ..يامثقف يامحترم. عرفت عرف بالسويته ببراء ورجلها
_ بويه ..كام الحيله وضربني راشدي ...
_ جبببب ولاكلمة شنو عفت لقليلين العقل والجهلة ...ولك تسسحر بنت عمك. صحت
_ ايييي ردتها ترجعلي وماهمني الحرام والحلال ردت البنيه الوحيده الاختارها كلبي ...جبرتني أتزوج بنت اخووك الشريفة خاطر ماننفضح طاوعتك وكلت تدلل....من حبيبت براء وطلكتها تدري شسوت بنت اخوك الشريفة ...راحت نامت ويه سعدون وحبلت ....وكالت ابنك ...جبرتني اردها تعرف شلون جبرتنني ..راح صورته فديو لرنا ورضوان وهمه سوووه ...هددتني تنشرها ....بلغت رضوان وقبلت اردهأا....لازم اتحمل كل شي تزوجت براء وأنا كلبي ينزززف ومااكدر ااكوللها لااا تتزوجين أنا جذاب ماحبيت غيرج ...أنا رديتها تااحمي شرف اختي وشرفي....الكل يكلولي اناني اي لأول مرة ردت افكر بروحي واصير اناني ...براء جانت حقي وضيعتها من ورا بنت الحرام بنت اخوك الك.
كلما احجي ينصدم اكثر مامصدك...
_ شتحجي بويه .
_ اي ...وجبرتني اخذ رفل عبالك اكدرانسى براء ...ماكدرت اشوف كل النسوان ك... بس براء الشريفة ...موبيدي ..ماحبيت ولااختاريت غيرها....
كعدت ابجي وانحب أنا الرجال الي حياتي ماباجي بجيت على خسارتي وضياعي لبراء
حضني ابوي ...
_ رفل حامل ...وأنت كبرت بويه ارجع لحياتك والتفت لزوجتك وابنك الجاي بالطريق وعوف بنت عمك ...خبلت بنت عمك. جنت حتضيعها بوما اخوها ورجلهاولخاطري عافوك. ...ارجع شاهين ابو كلب الطيب ..صدكني رفل طيبة وبنت حلال ...لاتخسرها وليدي ...
رجعت رفل ...حاولت احبها ولليوم ماحبيتها ..بس اكنلها الاحترام ...لان اليوم تحاول تقربتي الها ومااسمع منها الا كلمة صار وحاضر ...براء اليوم غصة بكلبي ....وبالاخص من شفت ابنها نسخة منها....
&&&“&_&""&&&
ليال
حاولت ببكل طريقة اعتذر منه ..ماجان يسامحني بالبداية بس استخدمت سلاحي التستخدمه كل مرة .....زرتها كعدنا نتعاتب لزمت ايدي وبسته
_ شمااسويلك مااوفيلك تعبك أركان ..كلامك صح باهتمامي بفهد وبراء بس الله يشهد مولان ولد ضياء لا لان جنت دائما اشوف الدااقدمه الهم قليل ...وايتام ويحتاحون رعايةوحب واهتمام اكثر....يمكن طريقتي غلط وحسست ولدنا دافرق بينهم بس كتلك تفكيري جان غلط جنت اشوف اي شي تقدمها أنا وياك قليل بحقهم ..
_ جاوبني بابتسامة ....الفات مات ...حاولي من اليوم تهتمين بيهم....
_ أكيد
كعدت الصبح بنشاط عكس الايام الفاتت ....
سويتلهم بان كيك وبيض ابو العيون ...فات أياد
_ اويلي اويلي اليوم ام فهد مدللتنا
انداريت وتقربت منه ....حضنته بقوة ...
فات شاد وهو يباوعلنا ...تقربت منه حضنته هو هم ..
_ تعالو كعدو عندي حجي وياكم...
كعدنا وكملت كلامي
_ الام ماتفرق بين أولادها واذا حسو أولادها بهالشي مو معناها تفرق...فهد وبراء اهتميت بيهم اكثر منكم مو لان احبهم او معزتهم أكبر لا الله يشهد بس لان ايتام وماردت بيوم يحسون باليتم ..صح ابوكم اهتم بيهم هوايه بس آنا جان تفكيري غلط ...وجنت دائما اشوف اهتمامنا قليل بحقهم...وهذا الخلاني اتقرب منهم اكثر واهملكم.. أنا اسفة حيل .. لان حسستكم أنتو مو مهمين ...بس من يوصل الحب والمعزة الكل نفس الحب والمعزة عند الام
كامو وحضنوني
_ آسف يمه لان شكيت يم الغرب واوعدج من اليوم مستحيل يطلع اسرارنا من البيت
_ أنا الاسفة لان ردت اجبرك تعوف ليان.. واذا تريد من باجر نروح ونحدد موعد
_ قاطعني لا يمه .مو هسه
عكدت حواجبي لان جان مستعجل
_ ليش يمه.
_ هيج حسسبة ببالي.
_ براحتك ..فات أركان
_ شنو هالخيانة وخرو عن زوجتي لللك
مرت الايام ....وتفاجئت من شاد اليوم كلي يمه عمي بيت عمو شاهو...ابو خطيبته....صح مااطيقهم بس لخاطره....
تعشينا وأنا اشوف شماتة خونجا بيه بس أنا بالي صافن بشاد الموجه نظره لليان..
من كعدنا نشرب جاي ....
كام أياد وشغل التلفزيون .. وشفته يربطه بموبايله ....
_ طبعا اريدكم تسمعون شي ...
شغلها وانصدمت بصوت خونجا وليان بنتها
_ اوف راااح
_ شبيج ليان.
_ كل الديصير بسببج انتي الجبرتيني اوافق على شاد وانتي تعرفين ماكو بكلبي غير فهد .
_ انجبي لج ابن عمج اولى بيج ...وبعدين أني كتلج هدفج تدمرين ليالي ... فرصتج تنتقمين من فهد الرفض حبج ..
انظاري راحت على فهد الباوع لشاد باسف وقهر
شكرا لزيارتكم عالم روايات سكيرهوم
