رواية عشك أل فراس الفصل الثالث والعشرون بقلم زينب نور
راهب: بعد ماصار التعرض وجدًا قوي وكعوا عدنا شهداء وجرحى ومن بينهم علي وكع المكان البيني والبينه اذا اعبرلة راح يستهدفني قناص بقى علي مقاوم
علي:اذا صدك تعزني ويمك الي خاطر لا تتقدم خطوة
راهب: واعوفككك هيج تنززف
علي:ابقى بمكانك راهب لا تتقدم قناص بس تعبر يلوحك
وبقيت مقاوم عين على علي وعين على داعش وكع شهيد برتبة مقدم واربع جنود شهداء وعلي وست جنود جرحى حالتهم كانت خطرة ومتوسطة طلبت الدعم ويجيني الرد
"قاوم المكان صعب ندخلة
راهب:سيدي الله يخليك شقاوم وكعوا شهداء وجرحى اكثر من هيج مانكدر خمس ساعات احنه نقاوم وعتاد مايكفي عندي
"احنه راح نحاول نوصل بالوقت المناسب بس قاوم
ورجعنا نقاوم لحد ما اجه الدعم اللي هوَ طيران حركهم حرك صرت يم علي والنزيف كان ماخذة بشكل فضيع ابتسم بوجهي وكال
علي: عزيز روحي
ومن بعدهي وكع بيدي مباشرةً نقلوهم لبغداد في سبيل انُ يلحكون عليهم الوضع كان جدًا متوتر وداعش بوقتها كان جدًا قوي وهو الطرف المسيطر بشكل كامل واستمر داعش بين فترة وفترة يصير تعرض على قوة معينة
انطيت خبر لـ اهل علي واجو للمستشفى حالتة كانت خطرة صرت مااعرف شسوي بالضبط اروح وارجع وادعي ربي يطلع سلامات
نمر: غير يطلعون مو كلوبنا راحت
راهب:الطلقة بصدرة ونزف هواي
الجد:ليش هيج تأخرتوا بنقلة
راهب:مو بيدنا كان علينا تعرض جدًا قوي وتحاصرنا من اربع جهات
رحت لـ جنود البقية بيهم الحالتة استقرت وبيهم بعده تحت رحمة الله بعد ست ساعات طلع الدكتور
ابو فهد:ها دكتور بشر
الدكتور: ما اكدر اكلكم شي حاليًا الئ ان تمر اربعة وعشرين ساعة إذا ماصارت مضاعفات نكدر نكول تعدى مرحلة الخطر الرصاصة مستقرة بمنطقة الصدر بالجهةة اليسرة جدًا قريبة من القلب اذا متأخر ربع ساعة لا سامح الله مملحكين عليَ ادعولهة يكوم بالسلامة وربي يشافي
ترخص الدكتور وراح طلعت من المستشفى توجهت مباشرةً لـ نجف الاشرف لـ مقام الامام علي علية السلام
بملابسي العسكرية دخلت لـ ضريح وكفت يم الشباك ودعيت الله بجاه علي يرجعلي علي سالم ويكوم بسلامة
صليت وكعدت بچيت بچيت على صاحبي اللي انهد حيله وحيلي من شفت دمة ومن نطق اخر كلمة وغمض عيونة حيل ما ضل بيه هذا اعز من اهلي مو بس صاحبي لو يطلب روحي ماتعز عليَ ، كعد يمي رجال چبير بالعمر شعرة ابيض ولحيتة
"شخيرك يبوية تنحب يم شباج ابو الايتام
راهب: عندي مريض ياعمي وحالتة موزينة
"الله يشافي ابوك امك
راهب:لا والله صاحبي
"الله يبرد كلبك يابوية شنهي مرضى
راهب: ضابط عسكري وصار علينا تعرض وتصوب وحالتة خطرة
"الله يلعنهم لا تخاف يابوية يكوم بالسلامة مادام وكلت ابو الايتام صويحبك يكوم ويرجع بحيلة واذا صار عليَ شي تعال وعاتبني
راهب:الله يسمع منك
لـ 5 الفجر رجعت لبغداد وبعد حالة علي نفس ماهيَ تحت الأجهزة والصوت اللي يقلق اكبر رأس
وبعد مرور اربعة وعشرين ساعة من القلق والخوف والتوتر
تعدى مرحلة الخطر ومن بعد يومين يلا كعد علي وحالتة استقرت ناس كُلش هواي من البصرة ومن باقي المحافظات وغير اصدقائة اربع ايام ورجعوا للبصرة بعد معاناة يلا اقتنعوا
راهب:شيخ روح ارتاح انتَ اجيت من الدوام مباشرةً للمستشفى
الشيخ:وانتَ منين اجيت
راهب:هسة انا لا عندي مراة ولا شي انتَ مرتك تنتظرك وكالوا مريضة روح اطمئن عليها وانا ونمر باقيين هنا واذا تعبنا ندك تيلفون وانتم تعالوا واحنه نرجع
وأخيرًا اقتنع الشيخ وراحوا بقيت ويَ علي
راهب:عشت خوف وقلق مثل الام التخاف علئ ابنها الوحيد
نمر:ادور عليَ لكيته بالامام علي عليه السلام
راهب:هههه من ضيمي ماعرفت وين اروح
نمر:المهم خلصت ان شاء الله ورجعلنا ابو نمر بخير وسلامة وان شاء الله نزفهه بعد كم يوم
كان فقط يبتسم حتى مايحجي جابوا الاكل ولازم ياكل
علي:راهب ما اشتهي كافي عليه المغذي
راهب:هيَ شني بكيفك ماتشتهي والحُسين تاكل
علي:ما اكدر اكل شبيك
راهب:تكدر شلون اطيب اذا ما تاكل
علي:اطيب
راهب:تاكل يعني تاكل
كعدت اوكل بيَّ وكل شوية كال ما اريد شبعت لحدما خلص الاكل مرت اربع ايام كاعدين انا ويا نمر طلع كال عندي شغل
علي: تيلفوني وين
راهب:يمكن عند امير
علي:لا هاي هيَ انفضحنا
راهب:بيَّ اسرار
علي: بيَّ سوالفي الخايسة كلها
راهب:انتَ عندك سوالف خايسة
علي: چا وحد
قاطع حديثنا دخول ام فهد وام اسيد
ام فهد:يمة وليدي
علي:يمه شجابج
رادت تحضنة لزمتها بسرعة
راهب:ها ها عمة صدرة لا يتأذة
ام فهد:صدرة؟!
راهب:اي لا يلچم
ام اسيد:كالوا متصوب بيده مو بصدرة
راهب:حجوا هيج حتى ما يخوفونكم ومابيه شي حالتة مستقرة والحمدلله بس لا تلزمونة لا يلچم
ام فهد:سودة بوجهي يايمه عمت عيني
علي:اسم الله عليج منو جابجن
ام فهد:كلي شلونك يوجعك صدرك ريت الوجع بيه ولا بيك
علي:يمه مابيه شي هاي العسكرية كلشي بيها جاوبي على سؤالي لا تغلسين
ام فهد:محد جابنا احنه اجينا وحدنا
راهب:وليش وحدكم
ام فهد:محد جابنا صعدنا من الكراج لبغداد واجينا
راهب:وشعرفجن بالمستشفى
ام فهد:سئلتهم على اسمة كبل لا اجي
علي:وابوي يدري
ام فهد:محد يدري كعدنا من الصبح لبسنا عبينا واجينا
علي:يمه صدك تحجين يابعد عمري غير تخلين احد يجيبجن
ام اسيد:صار شكد نتوسل محد يرضى كل ساعة عذر طكت روحنا
علي:وجايات وحدجن
ام فهد:چا شمالنا صغار
علي:مو قصة صغار يايمه هذا طريق دولي وكلشي يصير بيَّ غير تنطين خبر لواحد
ام فهد:هسه وصلنا وانتهى الموضوع
علي:هاي انا مابيه شي يومين واطلع راهب رجعهن للبصرة
ام فهد:ما ارجع للبصرة الا وانتَ وياي
علي:يمه ناس تجي كاعدة هنا بس تعب عليج وانا مابيه شي وهاي شفتيني
راهب:كلامة صح وطلعتجن بدون علم احد ما مقبولة
ام فهد :من حركت كلبي على وليدي
راهب:وليدج سبع ومابيَّ شي
شوية واجه نمر اخذهن ورجعوا للبصرة ومرت الايام وطلع علي من المستشفى ورا فترة اتصل بيه وصوتة كان مو طبيعي بيَّ شي
راهب: شكو شبيك
علي:مابيه شي بس تعبان
راهب:غير افتهم شبيك تعبان من شنو تعبان
علي:ماكو شي بس اريدك تجيبلي تيلفون جديد محتاجة
راهب:خرب بدينارك كل ساعة تيلفون
علي:محتاجة ضروري جيبة وبعدين تفهم
اشتريت التيلفون ودزيتة اله وماعرفت شيسوي بيَّ بالضبط ورا فترة التقينا بالبيت الثاني
نمر :بيت المصايب والتخطيط شعندك
علي: تذكرون مازن
نمر:يامازن
علي:القتل هبه
نمر:هبه منين
علي:نمر اكل تبن عاد
نمر:راح احترمك المهم شبيَ
علي:اخوانه رجعوا يردون ثارة مني
نمر:هلاو هلاو كملت السبحة هلهلي يعورة
علي:وحسب المعلومات الوصلتني والاخبارية
نمر :اي بعد اخوك
علي:فؤاد حاط ايده وياهم ومحسن وسامي وعبد وياهم عصابة ضدي
راهب:يا صلاتك يامحمد مانخلص من هالسالفة
علي:السالفة هاي ماتخلص الا ينكطع راس الحية
راهب:وراس الحية منو
علي: مو مهم منو المهم براسي شي
نمر:براسك نعل انتَ شتريد تسوي
علي:وعلي اجيب النعال واحطة بالعرض
نمر:وين
علي:بحلكك يا ادبسززز
راهب:فهمني شتريد تسوي
علي: شوف انا مال اخليهم بخير ويمشون طبيعي لا بالله ما اخليهم وحالف اعيشهم واشربهم من نفس الكاس الشربت منه ومادام صار بيها عصابات وعصابة ضدي وتهديد رايح وتهديد جاي راح ابلش بيهم من الصغير لچبير
نمر:شلون
علي:اخطف فؤاد
نمر:لا حول ولا قوة الا بالله خوية وين عايشين احنه تخطف تايهلك هوَ ماكو قانون ماكو راقبة ماكو عشيرة ورا ماكو اهل ماكو عمام
علي:عايشين بالعراق الحبيب وبيَ كلشي الخطف والقتل والذبح والطائفية والموت والحرب والجوع والعطش والاغتصاب والبوك وخل اكمل
راهب:كلام نمر صح علي ترا مو كلشي سهل مثل الكلام
علي:منو كلكم سهل راح احاول اسحبة لمنطقة معينة وهناك اتفاهم ويا اذا ضبط هذا الشي خير على خير ماضبط نفكر بشي ثاني
نمر: خوش وكول خطفنا شنسوي بيَّ
علي:العب ويا بطريقتي
نمر: مدري بس الشغلة مو سهلة
علي:افتهمت مو سهلة انا عليه كلشي انتم عليكم بس وياي
نمر:هو احنه وياكم بس خوفنا عليك ياخوية شغلك مو سهل ابدًا وبيَّ خطورة ومنا ذول وانتَ جرحك بعده ترا
علي:كلشي مابيه فؤاد اخطفة يعني اخطفة عسى ما اطير روحي
نمر:لاا تاخذ كلشي بالسهولة وكلشي عادي عندك فكر عدل فؤاد مامشمور ورا عشيرة تكسر الضهر ورا قانون ورا عمامة وحتى اهلك ماراح يقبلون بهذا الشي واللي براسك نعرفة كلش زين غايتك مو قتل غايتك تعذيب
علي:شلون ما تكون غايتي خل تكون البراسي اسوي اذا انتم وياي حياكم الله واذا تحسون خطر عليكم لحد يدخل وخلوني وحدي
نمر :وليش شايفنة هالكد ناقصين غيرة نشمر صاحبنا افتهم احنه وياكم عالمرة كبل الحلوة بس انتِ هاي الشغلة مو سهلة شغلة خطف
علي:نمر اخر مرة اكلك تريد تحط ايدك بيدي هلا بيك ماتريد لا تناقشني بعد خلص
نمر :هذا راح يجلطني لككك انت ليش تاكل خرا هواي مو خايفين عليك وكلت عصابة
علي: عصابة مال زعاطيط
نمر :استهزائك هذا راح يشمرك ورا الشمس ماخذ الناس والدنيا كلها بعين الصغيرة
علي:نمر لا تخليني اتندم حجيت كافي عاد لو تحجي حجي بيَّ خير لو تسكت افضل
نمر:شاروخان زمانك انتَ
علي:تستهزء حضرتك
نمر باوعلث وسكت وهذا اخذ كلاص ماي شمرة على نمر
راهب:يااابه زعاطيط شبيكم كل واحد شكبرة كافي سدوا الموضوع نمر اسكت وانتَ اللي براسك سوي بس كافي تالي العمر تتعاركون على شي ما يسوا
علي طلع ونمر انهد بالحجي
نمر:شفتة وشفت شلون ماخذ الدنيا ولا يفكر بنفسة وعنده كلشي سهل
راهب:انت ماتعرف علي شنو لو تحجي لباجر مايفيد خلص عوفة
لـ 10رجعت للبيت لكيت اهلي مجتمعين
ابو ازهر:هذا هالجهه
راهب:السلام عليكم
الكل:وعليكم السلام
راهب:شكو شعدكم
ام ازهر :اخيك يريد يتزوج واريدك تكون حاضر حتى الكل عنده خبر بالموضوع
راهب:انور
ام ازهر:لا يمه ذياب
راهب : ومنو تردولة
ام ازهر :يريد بنت عمك قمر
راهب:شني!؟
ذياب:شبيك قمر بنت عمي
راهب: قمر مو من نصيبك
ابو ازهر :شلون يعني
راهب:قمر مو نصيب ذياب شوف غيرها
ذياب :شنو اشوف غيرها شبيك انتَ
راهب:والله قمر ما تاخذها مو نصيبك
ذياب: شنو مو نصيبي
راهب:هييي لا تاخذني بصوتك العالي قمر مو الك وخلص روح اخذلك وحدها مثل رخصك
ابو ازهر:رااهب شهل الحجي هذا
راهب:هذا الموجود قمر لا تفشل نفسك ويَّ اخوك وتخطبها لهذا لان ما يستاهلها قمر تستاهل واحد يصونها ويعيشها ملكة زلمة حوك مو هذا كل يوم ويَّ وحدها
ذياب :كول اريد قمر وخلصها
راهب:كلكم تعرفوني انا احب شهد وغيرها ماراح احب وقمر مثل اختي لكن شخص غيرك يستاهلها اكثر منك
ازهر :منو هذا
راهب:مو مهم منو المهم ذياب قمر مو قسمتة هواي بنات شوف غيرها
ابو ازهر: اخوك جاي يتعالج واكيد يصير احسن
راهب:اخوي ما يتعالج الا دكتور بشنو تعالجونة اخوي مو مصخن او راسة يوجعة
ذياب:انتَ ماعليك انا اتعالج
راهب:تتعالج صارلك تلاث سنوات ادكول اتعالج وترجع لنقطة الصفر
ذياب:انا مابيه شي حتى اتعالج
راهب:باع كلامة
انور: سدوا الموضوع كافي والبنية الله يوفقها وعمي ما ينطيها يريدها تكمل دراسة
راهب:اي بعد احسن
ذياب:ماشي
ام ازهر :الا تحجي بهذا الموضوع
راهب :لا تورطين بنات الناس ويَّ ابنج وانتِ تعرفينا شنو هوّ وسوالفة بنات الناس مو لعبة عدكم من تردين تخطبين نظفي ابنج عمره 25 سنة ولا راتب ولا وظيفة منين يعيش المراة يبقى ياخذ منكم مصروفة ابنج يشرب مخدرات وقبل فترة كتلكم وارجع اكولها اذا ما يستعدل وحق كريم اهل البيت اسجنة
صعدت لغرفتي بدلت ملابسي واتصلت بعلي ما يجاوب يدك التيلفون بس ما يشيله ورا نص ساعة رجع هو اتصل
راهب:ليش ما رديت
علي:جنت اسبح شكو
راهب:ماكو شي شوكت تريد تنفذ البراسك
علي:الجمعة
راهب:شعندك ويَّ الجمعة
علي: يكونون مجتمعين كلهم والجمعة عندي دوام بحجة الدوام حتى محد يشك
راهب:ماشي
واجت الجمعة وطلعنا من وكت
راهب:هسه شنسوي
علي:ترحون تضبطولي المكان وانا رايح لدوام اطلع قبل الضهر واجيكم ونتصرف حتى محد يشك بشي
نمر: استغفرك ربي
علي:انزلك ترا وعلي
نمر:ديلا يلا
بالضبط وصلنا للمكان كان هيمة بيَّ بناية حيل قديمة بس عالية ويمه اشجار واكو بيوت بس بيوت طين ومتروكة من زمان
نمر:وين لكيتة هذا
علي:هذا المكان بهاي البناية
نمر:انظفها
علي:نظافتك طالعه من اذانك بـ12 احاول اطلع
راح علي واحنه ضلينا نفتر بالبناية ماكو بس غرفة وحدها بيها سكف وكاملة والمنطقة هدوء حتى طير ماكو
نمر:هسه يطلع البيت مسكون
راهب:نشوف شنو تالي هالسوالف هاي
لـ ضهر وصل علي طلع تيلفون جديد اتصل على فؤاد وغير صوتة
فؤاد:منو
علي: انتَ فؤاد
فؤاد:اي نعم منو حضرتك
علي: من طرف اهل مازن تكدر تجي لـ منطقة علمود اكدر اتفاهم وياك علمود هذا اللي اسمه علي
فؤاد:اهلًا وسهلًا بس هاي المنطقة بعيده
علي:احسن بعيد عن الناس تكدر تجيني
فؤاد:ماشي
علي:انتظرك
سد التيلفون باوع علينا وابتسم بأنتصار
علي: هسه بدا اللعب
نمر:ماكو هيج شخص اثول ترا
علي:اذا شي يخصني لو ادكولة بالصين هم يكلك حاضر
راهب:ننتظر ونشوف
قبل لا يوصل رجع علي اتصل عليَ وكاله انا قريب غطينة وجوهنا وعلي قبل لا يجينه رايح للبيت مبدل ملابسة مدني كله اسود وكعدنا ننتظر استاذ فؤاد على ما وصل
علي: لا تحجون شي
ضل يفتر ماكو احد طلع اول واحد نمر حط السلاح براسة
فؤاد:منو انتم !؟
نمر:عصابة ابوك
علي:ديلا بلا راح يفضحنا
راهب:يلا ميخالف
تمت خطة علي وكدر يسحب فؤاد وضلينا حراس على فؤاد وعذرنا كان دوام ! كل هذا علي لا ضرب فؤاد ولا عذبة ولا سوالة شي لمدة اسبوع صار عدنا دوام ولازم نروح انا ونمر وعلي كان ما موجود فؤاد ما يكدر يشرد لا يندل شي ومجتف
للعصر رجعنا للمكان صار كدامنا علي اول تلاث دكم من القميص مفتوحة والشعر مخربط وايده كلها دم وحتى ملابسة
نمر:شسويت
راهب:شصخمت يمصخم
علي: خلي مثل الجلب فوك افتهمتوا
تركنا ونزل
نمر:امشي اصعد نشوف شمصخم
صعدنا فؤاد بالكاع يصرخ
نمر:مغتصبة هذا شنو
راهب:ولك اكل خرا وانجب
بالضبط اخذ ثارة مخلي الشيش على نفس المكان اللي انچوا بيَّ علي ! وجسمة مشوهه كد الضرب مطلع حيف الايام كلها
فؤاد:ساعدوني راح اموت
نمر:العار مايموت
راهب:تعال ناخذنا للمستشفى لا يموت
حطينا بالسيارة وانطلقنا بيَ نص الطريق هذا فقد
نمر:ولكككك هذذااا ماااتتت لاااا تموووتتت الله يااخذكككك
راهب:نمرررر اكعدددد وانجبببب
نمر:ولككك مات ماي انطيني ماي
راهب:ماااكو مااي ماعندييي
نمر:هذذااا ماااييي هذااا
راهب:ياربي دخيلككك مو مااييي مو مايييي
نمر:اتفل عليَ تفلتي بيها بركة تخلي يكعد
راهب:لكككك اكعدددد خبلتني شتتفللل
نمر :ولككك خل اتفللل بيه بركة
راهب:ولككك اكعددد جايبلي زعطوط وياي يربي
نمر:دخيلج يالزهرة
راهب:وصلناااا خرا بروحكككك
المشكلة لابسين عسكري اذا تلزمنا الدولة توكلنا خرا نزل نمر صاح عليهم صوت هز المستشفى اجو بسرعة اخذوا
خابرت ابو ادم كتله وصلت اخبار اكو شخص مخطوف ومن رحنا لكينا فؤاد
نمر:يلا خل نروح
رجعنا لنفس المكان لكينا عليّ كاعد فاتح باب السيارة وكاعد جكارتة بيده والعيون اطلع شرار
نمر :راهب حبيبي انتَ الجبير تفضل كدامي
راهب:لا جبير ولا صخام انتَ امشي كدامي
نمر:فدوة لهل الجمال امك شمتنسيه بيك عسل
علي:فؤاد وين ؟
نمر:فؤاد وين
راهب:بالمستشفى
علي:ومنووو كلكم تاخذونا
نمر:زين ما مات متعرض لضرب حيل قوي وانت تخبلت تضربة هيج
علي:عسى ما يموت انتم شكو حتى تاخذونا
راهب:لااا اطبق العسكرية براسنا افتهمت اذا مات انتّ تبتلي
صار بينا كلام هواي اخير شي شغل سيارتة ورا بقت بس الترابة
نمر:اختنقت
راهب:اوي سودة عليه
نمر :قاسي
راهب :ضوجك بعد روحي
نمر :كُلش
راهب:اوكف عدل لا الطشك بالكاع وعلي لو تشوفنا الدولة
نمر:تاخذنا لـ سجن جلاليق
ورا يومين سمعنا فؤاد كلشي مابيَّ طلع وانغلق الموضوع ولكن
.......................................
محمد: من بعد زواج غفران انطفت حياتي بالكامل ضليت بين الدوام والبيت ملجئي الوحيد صار هوَ النوم ارجع مباشرةً انام حتى اصدقائي صرت ما اتواصل وياهم مره صاحني ابوي
محمد:ها
ابو شاهين:تعال اريد احجي وياك
كلهم جانوا كاعدين اخواني وخواتي وامي وابوي
ابو شاهين:ما مليت من هاي حالتك ماتعبت وانتَ من الدوام للغرفة
محمد:وشنو لازم اسوي
ابو شاهين : بابا انتَ مو صغير واعي وتعرف تصرف البنية انسترت بيت زوجها وحرام عليك تفكر بيها وهاي سنة الحياة وقسمة ونصيب، الله ما قاسملك هاي البنية قاسملك الأحسن
محمد:احسن
شاهين:محمد مو كلشي نريدة يصير ولا كلشي نتمناه يصير هاي الدنيا خوية هاي قسمتك واقبل بيها وكافي ساجن نفسك بالغرفة لا تكعد ويانة ولا تطلع تهلك نفسك بالدوام وتتعب ماراح يغير شي
ايمن :صح الحب متعب وحقك انتَ حبيتها وردتها بالحلال بس مو قسمتك اتقبل وارجع محمد اللي نعرفة ابو ضحكة الحلوة محمد اللي مايهمة شي ولا يتعبة شي اشتاقيت اكعد وياك واسولف واشاقة وياك احنه تعبانين لـ تعبك
ابو شاهين:لا تحجي شي فكر بالكلام بابا واكعد ويَّ نفسك وكول يالله امك تعبانة على تعبك وكلنا تعبانين حاول تنسى ساعد نفسك
ماحجيت شي رجعت لغرفتي وانا افكر بكلام اهلي صح كلامهم غفران بعد ماترجعلي بس كلبي شلون يقتنع ورا كم يوم بدلت ملابسي وطلعت ويَّ صديقي كلي
_محمد راح تجيني بنية خل نروح لـ قسم ملابس الاطفال واشتري
محمد:يلا
رحنا لـ المحل واكفنا نشتري رفعت عيني شفتها كبالي بعد مرور اربع سنوات على فراقنا وياها طفل صغير وكانت حامل ضلينا دقايق واحد يباوع على الثاني متغيره حيل
محمد:شلونج
غفران:الحمدلله انتَ شلونك
محمد: انا بخير
بس عيوني والتعب الباين عليه يكول غير هذا الكلام باوعت على بطنها كانت حامل سئلت وانا اعرف الجواب بس ما استوعب
محمد:تزوجتي
نزلت راسها ورجعت باوعت عليه ومسحت دموعها
غفران :اي تزوجت وانتَ ماتزوجت
محمد:لا
باوعت على الطفل وابتسمت
محمد:ابنج
غفران :اي محمد
محمد:الله يحفظه
صاحني صاحبي رحت وانا كلبي وروحي وعقلي يمها
_شبيك محمد منو هاي البنية
محمد:ها ليش
_شفتك يمها
محمد:هيج هيج اريد ارجع للبيت راسي ضل يوجعني
_هم البيييت
رجعت للبيت حاولت اطلع رجعت لنقطة الصفر
ام شاهين:شبيك يمه
محمد:شفتها يمه شفتها
ام شاهين:لا حول ولا قوة الا بالله حسبي الله على ابوها يايمه فدوة اروحلك انساها
محمد:شنسى يمه شنسى
وراها صار زواج صهُيب وشاهين وخطوبة جسار وجاسر وبدا ابوي ينكد فوك راسي خل ازوجك
محمد:اذا اتزوج اورط بنت الناس وياي انا كلبي راح ويَّ بنيه افتهموووا عاااد
شاهين:خلص يابه اتركة لا تضغط عليَ اكثر من هيج
وراها تصوب علي وخطار وتعب ودوام ومرت الايام بسلام .
.................................
علي: من بعد ما تصويت واستقرت حالتي وطلعت للبيت شفت الكُل اجه وسلم الا قمر ما اجت ولا شفتها ولا حتى رسالة راسلتها ماعدها نت
ماكدرت اسئل احد عليها وضل بالي مشغول وخطار هواي ورا عشر ايام اتصل عليه سامي من رقم جديد
سامي:سمعنا بيك مريض
علي:شعندك ولك
سامي:اخر تحذير الك اذا ما تتركنا واطلع هديل من السجن وتترك عنك هاي سوالفك اندمك
علي:خوفتني
سامي:لا تفكر من اريد أذيك اجي احط طلقة براسك واموتك لاا انتَ تعرف زين اروح عدل وكبل لـ احباب كلبك عندك اخوانك اربعة وخواتك وابوك وامك واصدقائك ذول ثنين وياك وعمامك وعندك بنية خطبتها من كرايبك اتونس بيها
علي: ونحر الحُسين اذا رميتهم بوردة ارميك بنار دير بالك توصل لواحد منهم امحيك وعلي امحيك
سامي:الايام جاية وسوالفك صارت هواي
علي: الايام جاية واعيد بيكم الماضي الغرفة البيضة الخليتني بيها اقسم بذات الله اخليك بغرفة اخس منها واعلمك انُ الله حق نفس العذاب النفسي الخليتني اصارعة وانا طفل اخليك هسة بيَّ وايامك بهاي الدنيا راح تكضي وموتك انا سببه
غلق التيلفون اتصلت على راهب ردت تيلفوني جديد عشت بـ قلق هاي اختفت وفترة امتحانات وهذا يهددد وكلشي يسوي وهيَ وزاري وغير اهلي
وعشت على هذا الحال بين يومين يوصلني تهديد جديد ورجعت سالفة مازن انفتحت من جديد وفرصة جديدة لـ فؤاد حتى يستغل الوقت المناسب اتخذت خطوة خطف فؤاد وخطفتة ونفس الجرح والاثر الحطوا بيه حطيته بيَّ ونفس الوجع بالضبط
مثل ما ضحك ضحكت ومثل ما اشمت اشمتت بالضبط وماردت ياخدوا للمستشفى حتى يعيش بنفس الالم بالضبط من رجعت للبيت لكيت عدهم خبر
الجد:لازم نروح يضل من عدنا
علي:اي واجب اهم شي الواجب
راحوا جدي وابوي وعمامي الولد محد راح سبحت ونزلت لجوا لكيت امي واكفة بالباب لابسة عبايتها
علي:ها وين على الله
ام فهد:ها يمه هنا وين
علي:تردين ترحين لـ فؤاد
ام فهد:لا يمه لا شروح ما اروح بس هنا واكفة
علي: روحي اصحاب واجب انتم
ازل: تيلفونك يدك
علي:منو
ازل:مكتوب عليَ احمد
علي: جيبي
ام فهد:انتَ شعندك هنا طب جوا وجرحك بعده يايمه
علي:مابيه شي جرحي الجسدي طاب
ام فهد:اذكر الله يمه ترا ادري انت ورا خطف فؤاد
علي: وشنو يعني
ازل:تفضل
علي: هلا ابو أشهاب
احمد :الغالي شلونك شخبارك
علي:الحمدلله انتَ شخبارك
احمد :الحمدلله اريد منك طلب صغير
علي:بخدمتك انا كول
احمد:لا مو على التيلفون ان شاء الله بليل اذا ما عندك شي امرلك
علي:حياك الله بكل وكت
ترخص وراح وكل هذا امي واكفة تريد ادخل
علي:والله ما ادخل جوا وما ترحين واذا ترحين مايصير خير
ام فهد:يمه شجاك
علي:وعلى شني تبچين علمود واحد عار علمود واحد ما يستاهل تنزلين دمعتج عليَ نسيتي شنو سووا بيج هو واهله لشوكت تبقين هيج فهميني لشوكت
ام فهد :يبقى ابن اخوي وعزيز عليه
علي:عزيز ؟ هههه خوش خوش
ام فهد: لا تحطني بنصكم انت ابني وهو ابن اخوي وياكم من الصغر
علي: وانتِ تعرفين شنو صار وياي ببسبه من الصغر
ام فهد: فؤاد ماعليَّ
علي:انتم اهلي لو اهل فؤاد اريد افتهم
الجدة :عوف امك يمه وتعال يمي
علي:شعوفها اسمعي كلامها تعرفين فؤاد شنو بالنسبة الي
ام فهد: انت ماتترك الناس من شرك
علي:ههه مادام هيج انتظروا الايام وانتظروا شري
كلامها ودفاعها عن فؤاد حيلل أثر بيه اذا امي هيج وهي تعرف كلش زين فؤاد شنو بنسبة الي من رجعوا حاجي فؤاد كدامهم انا الخاطف
الجد:وين عايشين احنه بغابة
علي:اي بغابة واحد ياكل الثاني طين ياكل طين هيج عايشين احنه
ابو فهد: الف مرة كتلك امشي عدل وعوف فؤاد بحالة
علي:ثق واعتقد بالله لو اموت كل شي شفتة بصغري راح ارجعة الهم حتى يعرفون انُ الله حق وكما تدين تدان والدنيا تفتر وانتَ اذا تحط ايدك بأيدهم انسى انتَ ابوي واسوي بيك اكثر منهم وعلى كولتك مسودن وكلشي اسوي
الجدة :شجاك ييمه كول يالله
صهُيب:اهداء واحجي بهدوء عوف العصبية جاي تحجي كلام بدون تفكير
علي: ماضل بيه تفكير
ابو فهد:الماضي انغلق وخلص
علي:الماضي هسة بدا وهسة الدفاتر بدت تنفتح اذا عدكم انغلق عندي لا وهسة انفتح الماضي ما راح اتركة الى ان انفذ البراسي لو اعرف تروح روحي هم اسوي البراسي الماضي اذا عدكم سهل وانسد بسهولة عندي صعب وماراح ينسي ليوم الدين وراح اضل بالماضي اكرررر واعيددد الف مرة ومرة وراح اضل على هذا الحال
الجد:كاافييي عاد
علي:انتم كافي عاد مو انا بوقت انتم نايمين انا جنت اتعذب بوقت انتم فرحانين انا جنت ابچي بوقت انتم تعيدون انا جانت جمرة بكلبي بسبب ابنك وشنو ذنبي انخطف واتعذب وانضرب والى هذا يومي همّ وراي بوقت ما انتم تاكلون احسن اكل انا افتر بتقاطعات بغداد ادور لكمة حلال من تعبي كافي انتم وارحموا حالتي ولا تتدخلون بيه محد جان وياي غير الشيخ يقطع طريق ويجيني وما جان مقصر وعمر كان وياي فقط انتم شنو ؟
الجد: هاي هي بوية عاشت ايدك
علي:لحد يدخل بيه حتى ما تحركم ناري
هز راسة جدي وسكت الشيخ واسد وامير جانوا طالعين والبنات كاعدات على الدرج صعدت لغرفتي وكعدت راسي ضل يوجعني طلعت دفتري صار فترة ما كاتب بديت اكتب الى اخر حدث صار وياي وكعدت راسلت قمر همَ ماكو اتصلت ماكو
علي:ويننن راحتتت هااييي ويييننن
بليل اجاني احمد
علي:كول
احمد :رايد القرب منكم رايد اناسبكم
علي:نتشرف بيك
احمد:نعرفكم ونعرف شنو انتم قبل لا احجي ويَّ اهلي اجيت انطيك خبر انا طالب ايد بنت عمك اللي دوام بالكلية
علي:منو منهن ؟
احمد :اللي اداوم كلية تخدير بنت ابو جاسر احم نور
علي: شعرفك بأسمها
احمد:سوالف الغيرة خليها على صفحة رجاءً
علي:هسه انت جاي تريد مراة
احمد:اي
علي:افكر ومن افكر انا واقرر ارجعلك خبر اوافق او لا وراها يلا انطيهم خبر
احمد :هو انا صوجي اجيتك
علي: هههه عيَن خير
مرت ايامي كانت صعبة وجرحي بعده يوجعني فؤاد طلع كلشي مابيَّ عار والبقية اختفى صوتهم رحت للبستان شفتها بالبستان
علي:شلونج عيني
قمر:تمام انتَ شلونك
علي:هسه صرت بخير وين مختفية
قمر:تيلفوني عطل وامتحانات ولحد الان ممشترية تيلفون اخلص امتحانات احسن
علي:وشوكت تخلصين وشلونج بالامتحانات
قمر:بقى امتحانين وكُلش زينه
علي:الحمدلله
قمر:اريد اكلك شي واريدك تفهمني
علي:تعالي نكعد واحجي
قمر: علي أني مريضة وممكن بلحظة تنتهي حياتي
علي:شهل الحجي ومريضة بشنو
قمر:عندي قلب وميصيرلي شي فقط علاج ومستمرة عليَ وممكن بلحظة تنتهي حياتي اريدك تشوف حياتك انتَ الف بنية تتمناك ويمكن احسن واحلى مني بالف مرة لا ادمر نفسك وياي
علي:اشش كافي شنو هالحجي هذا عاقلة انتِ لو سادس شال عقلج شبيج بابا روحي لـ روحج فدوة الف بنية فدوة لرمش عينج افتهمتي وانتِ مابيج شي وراح تتعالجين ونعيش حياتنا اتركي عنج هذا الموضوع ماكو شخص يترك روحه انتِ روحي من الدنيا الحجي هذا بعد لا تعيدينا افتهمتي
قمر:افتهمني علي ما اريدك تتعب وياي
علي:كاافي عااد ما اتعب منج ما اتعب منج وتعبج الي راحه
سدينا الموضوع ورجعت للبيت افكر بيها كون المرض بفؤاد ولا بيج
ازل: ابشرككككك
علي:شكو
ازل:راح تصير عم وخال بنفس الوقت
علي:شني
ازل:هههه وردة حامل وغزل حامل
علي:والله
ازل:والله والعباس
اول حفيدين للعائلة فرحتنا كانت جبيرة بيهم !
ورا يومين كنت راجع من الدوام طريقي رجعت بيَّ كان فارغ الضهر وناس قليلة تطلع صارت كدامي سيارة نزلوا منها ثنين
صار زمان ما شايفين هذا الوجه الحلو
شكرا لزيارتكم عالم روايات سكيرهوم
