رواية عشك أل فراس الفصل الرابع والعشرون بقلم زينب نور
علي: ها هذا انتَ
سامي:اجيتك اعلمك شلون تحط راسك براس الكبار
علي:اذا اكطع البسطال على راسك راح يزعل لان اقلل من قيمتة
سامي: ماشي اعلمك شلون تجاوز على اسيادك
علي:والله لو ما الرتبة واحترامًا للبدلة العسكرية اخليك مضحكة لامة محمد بس راح الزم الساني
سامي: اجيت اكلك كلمتين ومن بعدهي النا غير تصرف وياك
اولًا لا تفكر من سجنت هديل لويت اذراعنا احنه ورانا ضهر قوي يشمرك ورا الشمس
ثانيًا احنه ثارنا كان ويَّ ابوك لكن هوّ انسحب وكعد عاقل طلعت انتَ وخليت الضوء يتسلط عليك لذلك تحمل شنو راح يجيك
علي:اولًا هديل انحكمت مؤبد خليها براسك
ثانيًا لا انتَ ولا الضهر القوي يكدر يهز شعرة مني ضهري اقوى من ضهركم
ثالثًا انتم فتحتوا عليكم باب جهنم وراح احركم حرك بيها فـ يا عزيزي انتَ دير بالك على نفسك وعلى ضهرك القوي والك بس هذا الاسبوع بعدهي بح لو اطير هم اطير وراك اجيبك لو تحط روحك بشيشة هم اطلعك وانا المحمداوي
سامي: الظاهر انتَ ماتحب الهدوء تحب تلعب ولعب قوي
علي: من صغري
سامي:دير بالك على نفسك لان ممكن بلحظة ادكول لدنيا باي
علي:ههههه نشوف منو يودع انا لو انتَ نتراهن
سامي:كلش احب التراهن لهيج خلينا نتراهن
مدلي ايده لـ تصافح واتفاق المراهنة
علي:تؤ ايدي نظيفة ما احطها بيد واحد وصخ مثلك
سامي:انا وصخ
علي:اي
سامي:بس انا اسبح
علي:ما اصدك الا اشوفك بعيني
سامي:نذل والسانك طويل
علي: وايدي هم طويلة تجربها
خزرني وصعدوا سيارتهم وراحوا انتبهت السيارة بيها رقم عصابتيش ذول اخذت رقم السيارة وخابرت راهب كان بالسيطرة
علي:عضيدي
راهب: هلا بعد هلي
علي:اجتك سيارة هي والبيها احجزها وانا جايكم على طريقكم تمامًا
راهب:بخدمتك انا
رجعت من غير طريق وصلت لسيطرة نزلت كان ازدحام بشكل
علي:ها بشر
راهب:السيارة ما وصلت
علي:متأكد راهب
راهب:متأكد السيارة لحد الان ماكو
علي:خرا بيهم
راهب:متأكد اجوا على السيطرة
علي:اي بس مادري خاف بعدهم ويَّ السيارات
راهب:يجوز غيروا طريقهم
علي:الطريق الطلعوا بيََ هم طريق واحد يشمرهم بنص السيطرة ماكو غير طريق
راهب:خل ننتظر
مرت السيارات وسيارتهم ماكو
علي:لعبوها صح هالمره
راهب:خدعوك راحوا على غير فرع يطلعهم لغير طريق
علي: هالمره انغلبت
راهب:يلا ميخالف مو كلها تجي صح
رجعت للبيت وبراسي الف شغلة وشغلة من دخلت شهد واكفة باب المطبخ تريد تبچي
علي:أوشا شبيج
شهد: ها امي
علي:شبيها
شهد:راحت لبيت خالي ابو ادم زعلانة
علي:زعلانة!!
شهد:تعاركت ويَّ ابوي وراحت
علي:تحجين صدك
دخلت من باب الصالة لكيت امي كاعدة ! ويمها خالتي
ام فهد:كواك الله
علي:الله يكويج باوعت على شهد واكفة ومبتسمة
شهد:جذب بس حتى ترجعون تحجون هاي خطهة من يمي كلت لامي علي مريض وانتَ كتلك امي زعلانة شلوني شلون افكر
علي:تستاهلين نعال مكطع على هاي خطتج
شهد:المهم حجيتوا مع بعض وتحققق البراسي اني شهد ام الافكار فديتني
ام فهد: ااخخ منج ام المصايب
ام اسيد:انتم صدك بعدكم ما تتحاجون
ام فهد:والله ياخيه هوَ حتى ما يتواجد بالبيت ماندري بيَّ يحجي ويانة لو لا
ام اسيد :كول يالله ياخالة وعوف هاي السوالف اهلك خايفين عليك
أمير:حيلللللللل
علي:ماعندي شي وياهم خالة عندي دوام ومشغول بيَّ مو قصة ما احجي وياهم
أمير:ولكككك حيلللل
علي:شبيك ومرض حتى مرض
أمير:الرتبة تلمع
علي: جيرة بكصتك كون
امير:انطيني رتبتك البسها
علي:مو لعبة هي سوالف عسكرية هاي ماعليك خليك بالهندسة والبنيان
امير:مهندس انا مهندس معماري لو ما انا چا ما عدكم بيوت
علي:بعدك مرحلة اولى وكوه مثبتينك وتهوبز علينا
أمير :هسة تعال اصعد فوك عندي موضوع وياك
ام فهد:ولككك اوكف تذكرتت
امير:تذكرت سالفة من سوالفي
ام فهد :انت بايك الفلوس اللي مخليتهن بالكنتور
امير:يمه وين اكو واحد يخلي فلوس بالكنتور شلون تخلينهن بالكنتور يصيحن لامهن وابوهن
ام فهد:جاوب ولك اخذتهن من ابوك اريد اشتري بيهن چم شغلة
امير:لا يمه مو انا هاي شهد لو واحد من الضبابيط
علي:ضبابيط!!
امير :هاي بلغتي معليك انتَ ضبابيط بيتنا كله ضبابيط
ام فهد:سوالفك هاي
امير:يمه هسة هنه نمونة خمسين الف فدوة لعيوني
ام فهد:وانت شدراك خمسين الف امير رجع الفلوس لا اطلعهن من عيونك
امير:هذا ابنج فلوسة تغطي عين الشمس عنده الخمسين مثل الربع اخذي منه
علي:ياهو كلك انا عندي بنك طايح الحظ
امير:يابنك يا صخام عمي غير فلوسك ماتخلص
ام فهد:اسم الله اسم الله كول يالله منيلة مو هاليركض اليل والنهار وكلشي ماكو
امير:ماتبطلون سوالفكم مال ماعدنا
شهد:هسة كافي شنو الموضوع اللي تريد تحجي ويَّ علي
امير:وانتِ كلتي ويَّ علي فقط انتِ حاطة روحج بين كل ثنين شكو
شهد:انا بشر فضولي واذا ما اعرف اموت
امير:موتي ماراح تعرفين
علي:شكو شعندك
امير:فوك نحجي
علي:يلا
صعدنا لـ غرفتي دخل وقفل باب السويت تركتة ودخلت للغرفة خليت غراضي
علي:خير شعندك
امير:مصاري
علي: امير وين تودي الفلوس التاخذهم
امير:اصرفهم
علي:بلا جذب انتَ حتى ملابس تخمط من عدنا وسيارتك صار شهرين عطلانة وكل ساعة بايك سيارة من واحد وفلوس تاخذ من عدنا مبالغ من 500 وفوك ذني وين جاي توديهم راتبي صار يخلص عليك
امير:يعني تعيرني
علي:لا تاكل تبن انا ما جاي اعيرك فلوسي كلها فدوة لرجلك بس اريد افتهم وين تروح بيهم
امير: اصرفهم على الطلعات
علي: يا طلعات ؟ الكوفي اللي براس الشارع اذا كتلت نفسك تخسر عشر الاف لو الطوبة اللي تلعبها بالصبخايه (صحراء) يا طلعات
امير: لا تفتح تحقيق وياي انطيني وخل اروح
علي:تلعب اقمار
امير:لا يابه شنو السالفة مو يم هاي السوالف انا
علي:مطلوب احجي ليش خافي
امير:ولا مطلوب علي انطيني فلوس خل اروح
علي:بالاخير كلشي يبين نفس مكانهم اخذ شكد ماتريد
اخذ فلوس وطلع محد يعرف وين ياخذ الفلوس او شنو يتصرف بيهم يوم الجمعة ومثل العادة تجمع كل عائلة ال فراس يمنا نزلت بـ 8:30 الريوك والغداء والعشاء يكون يمنا لمة اهل من الصبح لليل
لكيتهم كلهم موجودين جدي زعلان مايحجي وياي لا هو ولا ابوي
كعدت يمهم ما حاجيتهم تريكنا ومن بعدهي طلعنا لديوان اخذت الرخصة حتى احجي
علي: عمي جاين خطابة لبنتك نور الولد صديق الي اسمة احمد عمرة 26 محامي
ابو جاسر: الرأي الاول والاخير لـ نور خل يتفضلون ويصير خير
علي:كبل لا يتفضلون تاخذ موافقة نور حتى من يجون يكون كلشي رسمي
ابو جاسر: ان شاء الله عمي
ضلوا يسولفون عن العشاير وخطار اجه يمنا لوقت الغداء دخلنا لجوا حتى نتغدى
الجدة :الولد كبروا مالكم نيه تعرسولهم
الجد:ياريت بس همَّ رافضين
ابو اسيد: مرخصتك بويه خل نزوج هسه الخاطبين جاسر وجسار ورانا بعد صهُيب واسد وعلي واسيد واسر ومحمد ومهند وايمن وياسر وامير
امير:لا انا مو هسة
ياسر :اي اسم الله عليك مو هسة
ايمن: انا هم بعدني اخلص جامعة يلا
مهند:وانا هم اعفوني
محمد:وانا انسوني مو بس تعفوني
الشيخ: جاسر وجسار عن قريب ان شاء الله واسيد ورا عرسهم نخطبلة يبقون اسر وعلي واسد ورا اسيد
اسر:شني وراكم طرادة
الجد:لا يبوية العمر يركض ولازم نفرح بيكم
امير:عرسوا خل نفتكك
اسيد:انا احب بنية
واسر:وانا مثل اخوي
علي:باوعت على اسد ساكت حتى ماحجه شي
علي:ها خوية شو مالك صوت
اسد:خليها سكتة
علي:براسك وحدها
اسد:شلعت كلبي
علي:منو
اسد:رسُل
علي:تقدملها وخليها كدام الامر الواقع
اسد:لا يخوية رافضتني وما اريدها تكرهني
علي:رافضتك انتَ بالتحديد
اسد:اي ما تريدني
علي: ويَّ الايام تقتنع
اسد:زواج يخوية
علي: چا تخليها تروح من ايدك
اسد:اذا راحتها مو وياي ما اكدر اخليها تتعب وتكرهني خليني وياها بالتفاهم والهدوء
علي: الله كريم
اسد:وانتَ
علي:لا انا مو يم هاي السوالف
اسد:عليوي سوالفك مو عليه
علي:هههه غير خطبها ابوي وابوها رفض
اسد:يعني انتَ رايدها
الجدة :انتم شتبسبسون صارلكم ساعة
اسد:نريد نزوج جدي ويانة على الواهس
علي:نجدد
الجدة :يعععع دهر صابكم
اسد:بس لا تغارين
الجدة:وحك هو علي اكوملكم بهاي العوچيه اكسركم تكسر
علي:حب تالي العمر
امير:فروس
الجد:طيح الله حظك ماتصيرلك چارة
امير:رحم الله والديك انتَ شلون تزوجت ام الزوز
الجد:عقدت عليها عقد سيد چا شلون
امير:ادري سيد چا عقد كواد
الجد:سرسري سوالفك كلها طن وبن
امير:لا حول لله المهم حب لو تقليد
الجدة:وانت شنهي مالتك
امير:اهوووو هسة خل يحجيلنا نتونس
الجد:هههه لا بوية حب
ياسر:ايباااا شلون حبيتها
مرح:وين شفتها
فرح:شلون عرفتها
شهد: حب من اول نضرة
مهند: وين جنتوا تشوفون بعض
ازل:جدووو احجيي
الجد:تنطون مجال احجي انتم
قصتنا يابوية حلوة من قصص كبل احنه وادم عشاير وكلها كبل جان عدها حلال واحنه جان بينا وبين اهل حبوبتكم شط وبستان واكو كنطرة تعبرنا الهم
انا جان عندي فرس ابيض وانا جنت حلو من ذول الشباب الحلوين وبعدني يحيلي كل يوم العصر انا اخذ الفرس مالتي وافتر بالسلف كله
ومرة من المرات وانا افتر شفتلي بنية ويَّ امها يترسن ماي من الشط هي حبوبتكم ضلت عيني عليها وهيَ هم باوعتلي بس احنه كبل ماعدنا حب وهالسوالف هاي عيب وكبل الناس جانت ادكول الحب حرام لچن الكلب اذا رادلة واحد مايعرف لا عيب ولا حرام
وانا جدكم وضلت براسي وضليت كل يوم اروح وارجع بالفرس مالتي الابيض وانا جنت اطلع بس عيوني اتنكب وافتر وضليت اشوفها كل يوم مرة يم الشط ومرة بالبستان تحش لو ترعي الحلال وانا افتر عليها
جانت بس تباوع عليه وتبتسم من ورا هاي الابتسامة ارد لـ هلي وجهي ضاحك ومرات ارد اغني وضليت سنتين اشوفها بالبستان
جنت اشمرلها ورد منا لمن خطبتها
امير:هالله خجلت ام الزوز
الجدة:جبح
خلصنا غدا وكعدنا نضحك ونسولف بالصالة الكُل كعدوا يمي اسر وصهُيب وانا صرت بنصهم
اسر:اكلك
صهُيب:ها
اسر:نعرس سوا
صهُيب:بيوم واحد
اسر:هنه خوات وحدها الي وحدها الك
صهُيب:خويه بنات مو مصاص
اسر:اي شبيك بيوم واحد ونخلصها ونشوف منو يخلص اول
علي:والله كواويد انتم شني منو يخلص اول
صهُيب:اخوك الجبير احترمني
علي:باجبير تتقاسمون بكيفكم وانتَ شني ماخذنا حاصل فاصل مو توك طلكت ماشبعت
صهُيب:شوف اللسانة شطولة
اسر:هوَ هم صدك ماشبعت
صهُيب:طايحين الحظ
علي:ادبسززز
امير:يشاورون الضبابيط
اسر:والله كتلني هذا اكوم هسه اسحلك سحل
امير:يائلبي خوفتني
اسر:يبعتلك حمة تسلئ بدنك سلئ
امير:لك ولي على أمتك
اسر:ائريضة اللي تئرضك
ياسر:نعلتوا أبو اللهجة
الجد:اسد شو مالك صوت
الجدة:هادئ فدوة لـكلبة مو مثل هذا مسربت
امير:يلا وتريد اسكت بايك رجلج انا شبيج وياي
الجدة:كوموا بعصة وكسروا تكسر
امير:ولا تستچن شعندج تتمضحكين ويَّ جدي بالبستان
الجد:ياطلابة الماراح تفك انا المن حجيت
امير:اي عود مايرضى على مرتو
ابو فهد: اسد بويه العصر اريدك تروح وياي
اسد:وين
ابو فهد : عدنا كعدة واريدك ويانة
اسد:وانتَ شيخ
الشيخ:اكيد احضر بس انا عندي صلح بغير مكان انتم ترحون كبلي واجي وراكم انا واسيد وصهُيب بس انتَ تروح ويَ ابوي وجدي وبعد منو يروح منكم
اسد:اسر وشاهين وجسار وجاسر ومحمد وعلي شني شغلهم
شاهين:ماعندي شي اروح
اسد:وانتَ علي
علي: لا ما اروح
ابو فهد:عندك مصيبة جديدة
ابو اسيد:عوف الولد خلي بالبيت محد يبقى هنا
امير:شني شو احنه محد يحترمنا
الشيخ:انتَ اكعد اقرا مو صرت كلية وعبالك متيهك وقبل المغرب روح لـ عبد يمه غراض جيبهن
امير:وهم اشوف فؤاد يمه
الشيخ:وهم تعارك ما اوصيك
امير:بالخدمة
للعصر كل واحد طلع بشغلة والبنات فوك وامير وعصابتة طلعوا وامي وبيبتي وعماتي بالاستقبال طلعت كعدت برا كلهم طشوا بين الكعدتين
امير:كاعد بالباب يصچم بنات
علي:واكف بالشارع تأدب
امير:خوش خل نروح لـ بيت خالي
علي:شعندك
امير:مشتاقلهم امشي يخوي
علي:يلا
سديت الباب ورحنا نتمشى وهذا ممذور
امير:هذا بيتنا القديم ايبا
علي:وحريشا سد حلكك كافي شكد تلغي
امير:والعباس ابو فاضل والزهرة ترا ازعل
علي:زعل ابو يعل ماتزعل
امير: لا ما راح ازعل لان اخوي الاكبر مني
من دخلنا للفرع انتبهت على امير يباوع على بيت كبال بيت خالي ويبتسم والباب مفتوح منه قليل بدون ما احرجة دكيت الباب فتحه ادم
ادم:لالالا هذا منو احلف ماغلطان
امير:انا جبتة لكيتة كاعد بالباب جنه مجدي
ادم:انت وين اكو منك تفضلوا
دخلنا لجوا استقبلتنا مرت خالي وبعدين اجت بنت خالي سؤسن
امير:اجت الفاهية
سؤسن:جاية اسلم على علي مو عليك
سلمت وكعدوا يمنا كلهم
ابو ادم:الموضوع يضوجك ادري بس ضلت بكلبي اسئلك
علي:تريد تسئل ليش خطفت فؤاد وهيج سويت بيَّ صح
ابو ادم :جنك عايش بكلبي
مالك:ليش ما كتلتة موت
علي:مو من مصلحتي ، خالي انت تعرف فؤاد شسوالي من جنت صغير هو وابو وشكد انضربت من ورا
ابو ادم :ادري وماجان بيدي شي
علي:محد جان بيدة شي حلفت اعيشة نفس الوجع ومثل ما ضحك عليه اضحك عليَ شديت حيلي ودخلت العسكرية وقبل لا ادخلها حتى انتقم انا هذا حلمي من الصغر ربي وفقني خطفت فؤاد حتى اعلمة انُ الله حق ورجعت نفس الوجع
ادم:مأذي هواي انا من شفتة انصدمت وجهه متشوهه وجسمة يعني ضاربة حيل
علي:ادم مثل هذا الضارب انا جنت احصل كل يوم ولو ما نقلوا للمستشفى چا راجع عليَّ ولو يرجع الزمن اسوي نفس الشيء واكثر وما راح اتندم
ابو ادم:الله يهدي النفوس ويكفيك شرهم
امير: الفاهية جيبي ماي عطشت
سؤسن:منين عطشت حتى ماكحيت
امير:لغسل لهل الجهرة وخروا عني خل اكسر التيلفون
علي:نترخص احنه
ام ادم:يمه ضلوا للعشه
علي:عشه العافية وبيت العامر ان شاء الله يلا امير
امير:خاله شني عشاكم
سؤسن:بتيتة محتركة وطماطة بزيت الحية
امير:همَ عندج زيت چا انا اضل هنا احب ذني
سؤسن:اي تحب زيتك
ام ادم:اذا تكابلوا امير وسؤسن ابليس يدخل الجنة
امير:مهدي مايدخل الجنة لو مدري شيصير
مهدي:غسل حتى غسل انا شعليه
سحلت امير من تشيرتة وطلعت وكل هذا ماسكت مرينا على عبد اخذنا الغراض ورجعنا للبيت لكيناهم موجودين لليل من راحوا الكُل ضلينا بس احنه كالت امي
ام فهد: اريد اكلكم شي
الشيخ:خيرج يمه
ام فهد:عندي ذهب وناقص منهم سوار ومحبس وتراجي
اسد:شنو السالفة يمه دوري زين
ام فهد:والله يايمه كلبت الغرفة كلها وماكو الهن أثر
علي:اكو احد غريب جاينة
ام فهد:لا يمه محد
ابو فهد:چا طارن شني
امير:دوريهن زين
ام فهد:ماكو دورت
ابو فهد:ارجعوا مرة ثانية دوري خلي البنات هم
اختفى الذهب تمامًا ماخلينا الشك على احد
الشيخ:سدوا الموضوع هاي هيَّ احسبيهم صدقة وبالاخير هي تبين
ام فهد:هاي هي يمه فدوة الكم
انغلق الموضوع والكُل سكت ورا اربع ايام بالضبط رجعلي امير يريد فلوس
علي:ولك انتَ والله خبلتنييي البارحةة ماخذ من الشيخ 800 الف فلوسك ويننن توديهمم
امير:رجعنا لنفس الربابة
علي:اقسم بالله اذا ماشي على طريق غلط اكسرلك تكسر اذا تجمع الفلوس التاخذهن بالاسبوع اكثر من رواتبنا مرتين
اخذ فلوس وطلع بدون كلام نزلت ورا
علي:ياسر ما اجانة
ام فهد:والله ياسر صارلة هواي ما جاينة
هزيت راسي وطلعت رحت لبيت عمي ابو أسيد الباب دكيت الباب فتحتة أسيا
أسيا:ياهلا
علي:هلا بيج شلونج
أسيا:تمام انتَ شلونك
علي:الحمدلله ياسر موجود
أسيا: اي بغرفتة
علي:اذا متصير عليج زحمة اصعدي صيحيلة
أسيا:تدلل
دخلت وراها سلمت على خالتي وفرح
فرح : محتاجة مساعدتك جنت اريد اجيكم
علي: ابشري
فرح:رياضيات عقدة حياتي موضوع بس شرح
علي:صار تردين هسة
فرح:لا خاف مشغول هسة اجيكم بليل
علي:ماشي انتظرج
ياسر:هالله هالله منو جاينا اليوم غلطان مو
علي:عندي مصلحة وياك ما مشتاقلك
ياسر:ادري بيك ما تشتاقلي
ترخصت من خالتي وطلعنا للحديقة
علي:اكعد عندي موضوع وياك
ياسر: ياستار شكو
علي:ليش ما تجينا
ياسر: مشغول بالدراسة
علي:بلا جذب احجي عاد
ياسر:علي انا صح من النوع اللي دائمًا ماخذ الدنيا بالضحك والتحشيش والكُل يعرفني هيج لكن وقت الجد جد انا ماكدر اشوف شخص عزيز على كلبي ينضحك عليَّ او شخص يستغلة ولا اعرف اسكت اذا اشوف شي غلط
انا وامير متعاركين صار فترة وقبل كم يوم رجعنا تعاركنا
علي:على شنو
ياسر:انت تعرف امير يحب بنية ؟
علي:اي عرفت
ياسر:هاي البنية امير طاير بيها بس هي انا متأكد ما تحبة
علي:ليش
ياسر : شوف خوية اول ما شافها هيَ جانت خامس يمكن او رابع يعني هيج عمر اخوك تخبل بيها خبال صار يروح كل يوم يم بيت خالي حتى يشوفها لحد ماجاب رقمها وضل يتواصل وياها
البنية كانت تطلب منه فلوس بكثرة الفلوس الياخذهن منك ومن اخوانك وعمي وجدي الها فلوس تطلب وتيلفونات وذهب وهداية كله من العيار الثكيل وكل ما احجي ويا يزعل ويكول ماعليك بينا لا تدخل تعاركت ويا وطلعت قبل فترة عرفت ذهب خالتي انباك مباشرةً رحت لـ امير وشكي كان صح هو ماخذ الذهب وبايعة ومشتري ذهب جديد لهاي الخرا العنده
تعاركت ويا وطلعت كتله بعد لا اعرفك ولا تعرفني ولا ترجعلي نادم بعد يومين وهي كل ما يكلها اجي اخطبج ترفض ادكلة مو هسة بعدين وهاي صار اربع سنوات ؟ شتفسر هذا حب
علي: صدمتني
ياسر:البنية ماتحبة وبذمتي وحدها جذابة طماعة يومين تشمرة وتروح تعرس من تشبع بس اخوك اثول مايعرف يتصرف مايعرف يختار صح لا اصدقاء ولا حتى حب
علي:الاصدقاء شبيهم
ياسر:موضوع ثاني هذا
علي:ويَّ منو يمشي
ياسر:انتهت علاقتي ويا امير لان احجي عليَّ كلهم طايح حظهم وهذا القاهرني واذا عمي يشوفة وياهم كفيلك الله لو للمستشفى لو لنجف اخوك طلع عن الطريق
رجعت للبيت أفكر بهذا الغضب الاسود واذا واحد يحجي ويا ماياخذ الكلام
علي:وردة وين الشيخ
وردة:راح للبستان
كعدت بالصالة شوية واجه امير
علي:وين جنت
امير: بالطوبة
صعد لغرفتة اجت امي كعدت يمي واجه الشيخ
الشيخ:امير وين
ام فهد:قبل شوية اجه صعد لغرفتة
الشيخ:علي شبيك
علي:سلامتك مابيه شي
كامت امي راحت للمطبخ امير انا ويا مانكدر نتفاهم انا عصبي وهو ينرفز ما اتحملة حجيت كلشي لـ شيخ
علي:شوفلك حل ويا تضربة تخنكة تفاهم مدري انا امير اذا الزمة اموتة
الشيخ:انا احجي ويا صار فترة غافل عنة
صار وقت العشاء كال جدي
الجد: حضروا روحكم ان شاء الله چم يوم ونزف جاسر وازل وراهم جسار وانوب اسيد واسر وصهُيب واسد ومحمد والبقية بكيفهم اذا رادوا يعرسون
البقية يقصد عليه لان مايحجي وياي كملت اكل وكمت اول واحد صعدت لـ غرفتي نمت فزيت على دكت التيلفون بـ 6 الصبح شكد نايم
علي:ها راهب
راهب:محسن وعبد صاروا بيدي
علي: حياك ابدل واجيكم
راهب:يلا انتظرك
سديت من راهب وكمت ابدل رجع دك تيلفوني سامي ابتسمت ورديت عليَ
سامي:اقسم بالله الا اطين عيشتك والله العظيم اعيشك رعب اخليك تتندم
علي:جايك الدور
سديت التيلفون كملت تبديل اخذت سلاحي ونزلت الساعه بـ7ونص
راهب: بغرفة التحقيق
علي:منو يمهم
راهب:رائد احمد
علي:انلاصت
راهب: لا منتظرك يعرفهم
رحت لغرفة التحقيق دخلت ضربت التحية
رائد احمد: ذول حصتك
تركنا وطلع سديت الباب وتوجهت الهم
علي: مشتاقين
عبد:عرفت انتَ ورا السالفة يا نذل
علي:دنجب واسكت لا تلغي
فتحت الملف مصايبهم كلها موجودة انواع واشكال فتحت ويا عبد تحقيق وانوب محسن اندكوا دكة معدلة رسمت بايسكل على الحايط احد انواع التعذيب
علي:كوم اصعدة
محسن:شلون اصعد
علي:مو مشكلتي كوم اصعد لا اسلكك سلك
راهب:كافي شسويت بيهم مايصير هيج
علي:اطلع برا معليك كوووم انتَ
راهب: مو حقك تعذب بهذا الشكل
علي:وشلون يعترف
راهب:يعترف شوف مايكدر يحجي بعد موتة
علي:ارجعلك
طلعت من يمهم غسلت ايدي وعدلت شعري اجه وراي راهب
راهب: بيا حق هيج تعذبهم
علي:وشتريد مثلًا اكعد اسولف وياهم انا ما صدكت من صاروا تحت التحقيق بعد سامي اخلي يشغل مولد
راهب:لا حول لله الله لا يحط شخص بيدك
علي:مجرم قاتل كواد شتريد اسويلة لو شخص مضلوم الك حق بس ذول يستاهلون اكثر ولو بيدي اموتهم
راهب:بعد ما توصلهم هاي اول واخر مرة القضية مو الك
علي:فديت
راهب:راح يجلطني يالله
طلعت من الدوام بـ 4العصر راهب طلع وياي
علي: شبيك
راهب:تصرفك غلط انا لو ادري هيج تنجلب والله فلا اخابرك
علي:حتى اصلخ جلدك عن عضمك
راهب:تسويها بس مايصير هيج علي
علي: المهم ارتاح يصير مايصير انفذ البراسي
راهب:احمد الله واشكره وكعوا بيد القانون مو بيدك چا ماتوا
علي:كلشي مابيهم نمر شو مختفي
راهب:تلكي ويََ ذني البرابيك العنده
علي: ما تاب
راهب:الكح*** اتوب ونمر مايتوب
علي:هههههه الله كريم
وصلته للبيت ورجعت لبيتنا
ابو فهد: هسه تروح اطلعهم هسة
علي:ياهمَّ
ابو فهد:تعرفهم زين سامي خابر ويهددد وتعرف سامي شنو
علي:واحد مخنث خل يهدد شيريد يسوي خل يسوي
تركتة واجيت ادخل لجوا سحلني من ايدي
ابو فهد:مابيه حيل اخسر واحد منكم ولا بيه حيل انفجع روح طلعهم وتكفى الشر كافي عاد ماعيزني ضيم طول الايام انا عايش بـ قلق وخوف عليكم
علي:لا تخاف كلشي ماعلينا صاحين لـ كلشي
ابو فهد:جاييي اكلك اطلعهمم مابينا حيل مشاكل ليش ماتفتهم انتَ ليشششش
علي:حقي واخذه يعني اخذه
ابو فهد:لا تجبرني امد ايدي عليك
علي: عادي مايهمني
ام فهد:شكو شبيكم ما تتلاكون انتم
ابو فهد: خلي ابنج يحط عقلة براسة ويمشي عدل لا والله العظيم اتصرف غير تصرف وياك
علي:شسوي يعني تضربني ؟ شتريد تسوي مايهمني شي ولا اخاف من شي والبراسي اسوي ومحسن وعبد ما يطلعون وسامي جاي الدور عليَ واليحط ايده بيدهم هم ينسحل وياهم
ابو فهد :خليك انتَ وسامي ناركم تاكل حطبكم عسى ما يكتلك موت تستاهل ويطبك مرض حتى فاتحة ما اسويلك عار وطايح حظك ومابيك خير تبقى طول عمرك
علي: ماشي خليني هيج انا قابل بنفسي
دخل هو لجوا باوعت على امي تباوعلي وتبچي
علي:عليمن تبچين متعود من صغري جبتها ويا
ام فهد:لا تاخذ خطوة اتعبني اكثر
هزيت راسي وصعدت لـ غرفتي تعبت من ابوي تعبت وكلمة عار رجع عادها رجع كررها وصار سنين احاول اطلع منها ،تذكرت فرح بنت عمي البارحة نمت ومادري جاية او لا بدلت ملابسي ونزلت
علي:فرح البارحة اجت
ازل:اي ومن عرفت نايم رجعت
علي:غير تكعدوني منو درسها
ازل:محد رجعت لبيتهم
علي:روحي شوفيها حتى اشرحلها اذا محد شارحلها
ازل:ماشي
شوية واجت ازل وياها فرح كعدت اشرحلها وكل شوية صافنة
علي:انتِ وياي
فرح:ها اي
علي:وجعي انتبهي شماكلة انتِ
فرح:نعسانة
علي:انتبهي هاي رابع مرة اعيد مرة خامسة راشدي حتى تصحين
فرح:انعم الله عليك
علي:خدام للطيبين
وأخيرًا افتهمت راحت هي لبيتهم وانا بقيت كاعد بالاستقبال دخل ابوي شمر عليه ورقة
ابو فهد :اقرا
فتحت الورقة كانت تهديد بالقتل من سامي قتل ابوي او واحد من اخواني لمدة يومين اذا ماطلعوا محسن وعبد
علي:حلو عصفورين بحجر تهديد بالقتل القانون وياي واحنه عايشين تحت قانون هو يتصرف اخلي التهديد بيدهم وسامي يجي من سابع كاع
ابو فهد :ماتصيرلك چارة ماترتاح الا تموتني
علي: اموتك ؟ ليش شمسويلك انتَ تدخل بشيء مويمك
ابو فهد:اشوفك بحلك الموت وتريد اهداء واسكت
علي:يعني هسة انت خايف عليه مو
ابو فهد:طبعًا غير ابني
علي:لا تخاف ماعليه شي صاحي لـ زماني واعرف اتصرف وسامي مو صعب كلش سهل يومين وتسمع بيَّ بالسجن
باوعلي وطلع وهيج مرت اربع ايام يلا كدرت الزم سامي بعد اشتباكات صارت بينا كان واحد من اكبر تجار المخدارت
علي: اعدام قليل بحقك
سامي:لا تفكر خلصت مني
ومن بعد تحقيق اعترف سامي بهواي جرائم منها
الاغتصاب
وبيع وشراء المخدرات
والقتل المتعمد
وسرقة أموال بمقدر الدولارات
وغير الجرائم الصغرى
ومشاركته بجرائم الارهاب
والابتزاز
هذا سامي اليعرفة يعرفة والمايعرفة يكول الف رحمة على روحة
راهب:ارتاحيت
علي:هسه صار الوقت اتوجة لحياتي ومستقبلي
راهب:يالله
..................
قمر: من وصل خبر انُ علي متصوب اول ما كالوا انُ حالتة خطرة ارتعبت بشكل ومو بالبصرة ببغداد كلهم راحوا حتى امي راحت يم اهلة
رياهم:ولج اهدي كافي
قمر: ياربي دخيلك
رنا:كافي ان شاء الله مابيه شي ويطلع سلامات اهدائي يروحي
قمر:حالته خطرة شلون راح اطمئن عليَّ
رياهم:اول وتالي نعرف شنو حالتة ادعيلة بدل البچي
ايام قليلة كانت تفصلني عن الامتحان الوزاري انشغل بالي عليَّ بشكل ورا يومين يلا كالوا حالتة استقرت بنفس اليوم وكع تيلفوني وانكسر
ابو مهيب:خلصي امتحانات والج احسن منه
سكتتت وضل بالي يمه حتى رقمة ما حافظتة ومن طلع ابوي كال البنات محد تروح بس امي فـ مقبل
قمر:خرب حظي
رنا :شعجب عمو هيج كال
رياهم:خاف لان ابو خطبج ورفض
قمر:اني كنت منتظرة هذا اليوم حتى اروح اشوفة امداني هسة اكيد راح تجي الف فكرة براسة وليش ما اجت واكيد مراسل ومتصل
صرت كل يوم اوكف على شباك الغرفة حتى اشوفة بس كان ميطلع اكيد ميطلع لان ميكدر ومرة اني واكفة شفتة صعد سيارتة وطلع الصبح الفرحة بينت على وجهي لدرجة خلصت فصلين احياء من الحماس والطاقة اللي صارت عندي
وبلشت الامتحانات وحيل انشغلت بيها طك صبري وفاض الاشتياق اخذت عباتي وطلعت للبستان بدون علم احد ضليت كاعدة على أمل يجي وما اجة ورجعت ثاني يوم نفس الشيء يلا اجهه وشفتهه
علي كان ميعرف بيه مريضة فـ قررت احجيلة حتى لا ينصدم واذا يريد ينسحب قبل لا يصير كُلشي رسمي
كنت متوقعة انُ راح يرفض كلامي وطلع توقعي صح ومن هذا اليوم عرفت اختياري صح اختاريت رجال بكل معنى الكلمة
رجعت لبيتنا اضحك بالوجة
رنا:وين جنتي
قمر:شفته
رنا:اهلهل لو عيب
قمر:لا عيب
كعدنا بالحديقة اني ورياهم ورنا فرحتي كانت حيل جبيرة بكلامة صار بلسم على الجرح
رنا:الله يوفقكم ويسعدكم يوم نفرح بيكم
رياهم:امين اووييي يمااا فدوةة الحلوة راح تصير عروس وتزوج
قمر:هههه يروحي
خلصت امتحانات اشترالي بابا تيلفون ورجعت اتواصل ويا علي على طول اليوم كان وياي خطوة بـ خطوة رغم انشغالة يذكرني ماتمر ساعة اذا ما يراسل
شغلة ودوامة والمايخافون الله ماتاركي بحالة وتعامل ابو ويا كل هذا هو ما ينساني اذا اتمرض يسندني واذا ابچي بكلامة يخليني اضحك يستاهل كل الحب يستاهل كلشي اسويلة
ورا شهرين خابرت ازل كالت عرسي بعد كم يوم اريدكم وياي بيوم الحنة الصبح تخربطت كلبي ضل يوجعني بشكل كعدت من النوم كلبي يوجعني لدرجة ضليت ابچي من الوجع
مهيمن:كومي نروح لـ دكتور
قمر:لالا هسة اخذ العلاج واصير زينه
العلاج بس اخذه انام اخذتة ونمت ماكدرت اروح للحنة رغم كنت متحمسة حيل وفرحانة حتى اروح وماكدرت خابرت ازل واعتذرت منها ثاني يوم بالعرس رحت وهم متأخرة رحت
ابو مهيب:بابا اذا تعبانة لا ترحين
قمر:لا بابا مبيه شي زينة اليوم
رحت للعرس وكنت بس اريد اشوفة وماكو شفتهم كلهم الا هوَ بس لا التحق
قمر:ياربي شهل الحظ
علي:ياربي شهل الجمال
قمر:عزا انتَ هنا
علي:شعندج لازمة الشباك
قمر:ها اريد اشوف يوسف
علي:يوسف لو رجل عمة يوسف
قمر:ها
علي:كتلتيني بهل الـ ها شنو الجمال هذا يابه
قمر:وانتَ ليش لابس اسود غير عرس
علي:بيوم عرسي اللبس ابيض
قمر :هههه خل اروح لا يجي واحد
علي:ضي عيني
ابتسمت وطلعت الحمدلله من شفتة شهد كانت واكفة وتضحك
قمر:شبيج
شهد:احم احم ولا شي
قمر:شهيدان
شهد:حبيب كلبي انتِ
قمر:ولججج انتِ صحتيلة
شهد:فقيرة اني
قمر:سوالفج هاي
شهد:شفتج ردتي تنجلطين
قمر:تعاليييي تستاهليننن بوسةةة بعيونج ذني اليخبلن
شوية وكالوا راح يدخل العريس ومثل العادة يدخل الجد وابوها والعريس وهالمرة دخل ابو العريس والبقية برا كلهم
الجد:مايحتاج اوصيك يـ جاسر هاي الغالية دير بالك عليها وحطها بعيونك ولا تخليني اسمع بيوم مزعلها وبنياتي محد يثني عليهن
طلعوا همَّ راحوا يصورون مو مباشرةً للبيت وافتروا البصرة الزفة كانت كُلش حلوة
ثاني يوم العرس طلعت النتائج
ام مهيب:يالله ان شاء الله معدل زين
قمر :الرابط ميفتح ياربي
ابو مهيب:اهدائي بابا وجهج صار اصفر
وصلتني صورة من علي دخلت عليها النتائج مطلعها
قمر:يماااا ناجحةةةةة معدليييي 96 ناجحةةةة
صرت اضحك وابچي بنفس الوقت تعبت حيل تعبت حضني بابا وهو يردد الف الحمدلله
غياث :منو دزلج الصورة
قمر:ها شهد
غياث :اها الف مبروك يروحي
جمدت لمدة ثواني من سئلني منو دزلج الصورة ورا عرس جاسر ورا فترة صار عرس جسار البنية واهلها اجوا للبصرة لان الطريق بعيد وجسار يريد زفة ميكدر ياخذ كل هاي الناس لصلاح الدين اقترحوا عليهم يجون همَّ للبصرة
وفعلًا اجو للبصرة
العرس كان يجننن عرس عراقي بعد ماخلوا بالقاعة لان جدهم مقبل كلهم اريده بالبيت والمعازيم كلش هواي وحيل تعبوا صح فرحة بس التعب موت
امير:ناس تعرس وناس تبتلي الله واكبر نسوان بكد النمل واطيح براسنا
اسر:نردها الك بعرسك بس فكنا
امير:اي فراس كايم علينا عرسوا وعرسوا وراح يزوج الضبابيط كلهم واطيح براسي
كلنا ضحكنة على كلمة ضبابيط وصح كلامة خلال اربع اشهر تقريبًا يعني صار عرس ورا عرس حتى صرنا منلحك نشتري ملابس جديدة
صار عرس جاسر ورا جسار ورا أسبوعين خطوبة اسيد وشمس البنية من بغداد بس همَّ كرايب يعني واسر وهوس بنت عمة وريم وصهُيب واسد ورسُل وهذا كان تخطيطنا انُ هيج راح يتم زواجهم كلهم خطب اسيد وخطب اسر واجه يوم خطوبة اسد والكل كان فرحان
كالوا راح يدخل السيد حتى يعقدون سووا مجال بدا يحجي
_رسُل احمد فراس هل تقبلين الزواج من اسد محمد فراس على المهر المعلوم ان قبلتي قولي نعم وانتَ وكيلي
كررها خمس مرات ورسُل ماحجت شي رجع كال
_اخر مرة اذا ماحجيتي معاناة ماموافقة
رجع كررر وانصدمنا من كالت رسُل
رسُل:لا
السيد:انتِ مجبورة على هذا الزواج
رسُل:اي
السيد:خلص انا ما اكدر اعقد الله يوفقك
صارت الصدمة على وجوه الكُل !!
الجدة:منهو جابرج
ام شاهين:ولج منو جبرج مو ابوج حجه وياج وكلتي اي موافقة
الجدة:چا ليش فشلتي ابن عمج
الصدمة كانت باينة علينا كلنا والكُل صار يسئل رسُل ليش رفضتي ؟ ومحد جبرج
.................................
اسد: رسُل كانت من زمان براسي بس كنت اعرف شنو مشاعرها اتجاهي علاقتنا كانت علاقة طبيعية انا كنت احبها وعاشكها وهي لا
كبرت رسُل وصرت اسمع امي ادكول فلان خطبها وعلان رايدها وجنت اكتم على نفسي واتحمل واسكت بلكي يحن كلبها
لكن من سمعت كل ساعة واحد جاي عليها قررت اصارحها وشيصير خل يصير لان مليت هيَ دوم تجي يم البنات
اسد:تعالي اريد احجي وياج
رسُل:وياي أني
اسد:اي تعالي
كعدنا بالحديقة الورا محد بيها
رسُل:شكو
اسد:اريد افتهم ليش ماطايقتنيي
رسُل:أني
اسد:چا ابوي مبتعد عنج الف متر وانتِ وجهي ماطايقة تشوفينا
رسُل:اني ما اكره احد ومعندي شي انتَ ابن عم واخ الي
اسد:رسُل افتهمي انا مو اخوج
رسُل:وأني ما حاسبتك غير اخو وابن عم انت افتهم مو اني
اسد:ليش ماتفهمين انُ انا ابن عمج فقط انا مو اخوج
رسُل:الحجي بينا مبيه فائدة لازم اروح
اسد:اوكفي بمكانج واسمعي زين
رسُل:اسد ياريت تفهم انُ احنه مانصلح لـ بعض
اسد:وانتِ ياريت تفهمين وتقدرين حبي الج ليش ماتفهمين انا احبج ليش مخليه براسج انا اخو الج منو حط براسج هاي الفكرة
رسُل:محد حط براسي الفكرة اني ما اريد لا ازوج ولا شي عوفني بحالي
اسد:يعني انتِ رافضة فكرة الزواج بالكامل لو انا بالتحديد
رسُل:انتَ بالتحديد
عافتني وراحت هنه كلمتين بس يهدمن الحيل من بعد ذاك اليوم تركت الحب والتهيت بدوامي وشغلي صرت اخلص وكتي بين الدوام والديوان ويَّ الشيخ وجدي وابوي اجه يوم عرس جاسر شفتها موجودة بس تجاهلتها
اسد: يمه
ام فهد:ها يمه
اسد:شوفيلي مراة
ام فهد:راية الله بيضة هيج واشوفك عريس
اسد:دوريلي مراة وتشوفيني عريس
امي كانت مصدكة باوعت عليها بعدم اهتمام وطلعت مادري التصرف كان صح او خطأ بس استفزتني
وراها عرس جسار بس ماشفتها بيوم خطوبة أسيد صعدت ابدل وشفتها باوعلتي ورفعت حاجب
اسد:ها خير
رسُل:منو يمك انتَ
اسد:جيرة لهل الوجه الحلو
رسُل:مليق
اسد:اسم الله عليج مليق
اجيت ادخل غرفتي سمعتها تحجي من بين كلامها كالت
رسُل:يعرس هو انت منو تقبل بيك
اسد:شعليج بيه اعرس ما اعرس شعليج مو ما ترديني والله حلوة هاي
رسُل:اروح انزل احسن
اسد:يلا ان شاء الله يوم النا
ابتسمت ونزلت ورا الخطوبة بـ ايام قليلة رجعت من الدوام صاحني جدي
اسد:ها حجي
الجد:بوية كبل چم يوم خطبنالك بنت عمك رسُل واليوم رجعوا الموافقة شوكت تريد العقد
اسد:رسُل رسُل بنت عمي احمد
ابو فهد:اي بويه ليش
اسد:متأكدين موافقين
الجدة:يععع خايب شمالك موافقين شجاك
اسد:شوكت ماتردون بكيفكم انا جاهز
بين الـ مصدك وبين الماصدك معقولة وافقت معقولة مجبورة مستحيل !عمي مايجبر بناتة على شي
بدوا اهلي يحضرون للخطوبة والكُل كان فرحان وانا مو اقل منهم واخذتلها مشية كلها ضباط وشيوخ وكانت الفرحة طاغية على الكُل
دخل السيد حتى يعقد خمس مرات وهيَ ماكانت تنطي الموافقة صدمتني! من انطت الرفض وكالها مجبورة كالت اي!
باوعت على عمتي وعلى الموجودين الكُل جان مصدوم بدون ما احجي طلعت ورا السيد صار بوجهي محمد
محمد:خير
السيد:البنية مجبورة ورفضت هذا الزواج
دخل السيد يمهم وانا ضليت واكف برا
اسد بعصبية:اذا مجبورة ليش ماحجيتوا
محمد:منو جابرها شبيك انتَ تمسلت هاي
اسد:يعنيي هيج وحدهاااا رفضت وادكول مجبورة
محمد:خل تروح الناس ونشوف
طلعوا اخواني والبقية والكُل كان بوجهم علامة استفهام
اسد:يافشلتي من التعنوا من غير محافظة
اسيد:لازم اكو سبب
ايمن:محد جبرها ابوي حجه وياها وكالت موافقة وراحت لغرفتها
من راحت الناس دخلوا جدي وعمامي وابوي حتى يفهمون ليش رفضت
الجد:وينها رسُل
ام شاهين:فوك ماتقبل تنزل
الجدة:خل نروح للبيت البنية هي ماتريده
اسر:ليش فشلتة من البداية ورافضة ليش خلت كلشي يصير رسمي
طلعت من يمهم الدنيا طالعة من عيني خرا بالحب اليذل بشر ويفشلة هيج
ثلاثه ايام انا افكر ليش فشلتني هيج ليش مارفضت من البداية ليششش
راسي انسطر سطر والف فكرة وفكرة اجت براسي تعوذت من الشيطان ونزلت يم اهلي
الجدة:هلا بهالطول
امير:وانا صار ساعة كاعد هنا ترزل بيه لان ام عماد جنتها جابت بنية ورجلها ضايج
اسد:هههه وانت شلك دخل
امير:والله مادري ادكلي وجهك فكر شعلية انا
الجدة:ههههه ياا دهر دهرهم رجالها ضوجني ولكيتك كبالي
امير:انعم الله عليج
محمد:السلام عليكم
الكل:وعليكم السلام
محمد:اسد اذا ماعندك شي اريد بكلمة راس
اسد:بخدمتك
محمد:خادم ربك خل نطلع للبستان
ترخصنا وطلعنا كعدنا بأطراف البستان
اسد:خيرك
محمد: لا تفكر اريد اخلص من اختي هاي قبل لا ابدي رسُل من رفضتك كلنا نعرف لازم اكو سبب بس السبب شنو مدري صح
اسد:صح
محمد:السبب انتَ
اسد:انا !!
محمد:لا تتفاجى هي ماحجتلي بس حجت لـ خواتها
اسد:شحجت محمد انا ما مأذيها بشيء
محمد:هههه السبب تافهه انتَ حاجي ويَّ امك علمود تزوجك كدامها
سكتتت ما جاوبت شكلة احبها وحجيت هيج حتى تغار او تحس شوية
محمد:اسد احنه كلنا مرينا بالحب كلنا أحفاد فراس شلع قلع عايشين قصة حب بنات وولد انا اعرف انت تحب رسُل ورايدها وحجيت ويَّ عمتي حتى تخليها تغار وفعلًا هي غارت لان على حسب كلامها انتَ ملك الها هههه ومن حاجي السيد ومذكرة كلامك وي امك رفضت هذا السبب
اسد:متأكد؟
محمد: اي متأكد
اسد:بس هذا مو سبب
محمد:مو كتلك تافهه
اسد:فشلتي كدام الناس ليش ماحجت يعني هي مافكرت عفت الكُل واجيت اعقد عليها
محمد: تفكيرهن يختلف عن تفكيرنا احنه صح احفاد شخص واحد بس تفكير حفيدات فراس يختلف عن تفكير احفاد فراس
اسد:محمد رفض اختك كسرني
محمد:حقك انا اجيتك وكتلك هذا السبب حتى لا تفكر غير افكار وهسة انا اترخص
راح هو وضليت كاعد بين المقتنع والمامقتنع مو سبب حتى ترفض والله مو سبب رجعت للبيت امي كاعدة بالكاع خليت راسي بحضنها
ام فهد:يايمه شوكت اشوفكم مرتاحين واحدكم التعب غافي على صدرة
اسد بأبتسامة:
لوليلي خل ارتاح
يمه ارد أحاجيج
هلبت ارد زعطوط واغفى على رجليج
ضلت امي تحجي وياي عسى ولعل تطفي نار كلبي دخلوا امير وعلي
امير:شني چا بس اسد والحُسين انام بحضنج
اسد:حتى هنا حطيت روحك
امير:شني بكيفك حضن امي من زمان الي
اسد:مسجل بيَّ طابو
احنه نحجي علي كان واكف يباوع علينا انتبهت عليَّ حيل ضايج ورا دخل ابوي بدون تفاهم ضربة راشدي بدون مانفهم شي .
......................
هلاو هلاو احاول انزل بارت بأقرب وقت
غلسواعلى السحكات
شكرا لزيارتكم عالم روايات سكيرهوم
