رواي عذابي وقدري الفصل الرابع والعشرون بقلم ارسلان جاف
روان… رحت لكنتور فتحته احضر ملابس علاء
طلعتهم من العلاكه كلهم سود القميص والبنطرون
ليش كله اسود… كال حزنان ع الامام الحسين
حضرتهم اله ونزلت خليتهم بالحمام
نزل سبح وبدل وطلع لزياره لساعه ب 4 العصر
لليل وسمعت جهازي يدك شفته علاء فتحت خط
كال حبيبتي اني اغار عليج…
-روان كتله رحم الله والديك مششكور ..سسكت
ورجع كال احتمال اتاخررر ب 4 الفجر يله اجي
وكال رايحين زايرين القاسم وزيد ابن علي
وكربلاء الامام الحسين عليه السلام وراجعين للنجف زايرين
الامام علي عليه السلام ..ورجع خابرني ب 2 بلليل
وكال هسه طبيت للنجف ..وكال يعني اقل شي
ساعه يله اوووصل… تعبت من الانتظار نمت
للصبح اجه…
-وخلصت اجازه علاء واني كلشي ممفتهمه منه
ومالحكت اشوفه ولا افتهم منه شي ..
قبل لا يلتحق بيوووم…
راح اشتره خط اسيا الي واله وخله الخط بجهازي
هو عنده خطين زين وكورك وكال خط اسيا اخذه
وياي واخلي هناااك… .ماشششي
-روان… كعدت الصبح احس راسي ثكيل
بلكوه نزلت حضرت ريوك وغسلت لمواعين
دخت بالمطبخ صحت علاء واخذني للمركز لصحي الي قريب علينه …
قاست ضغطي الدكتوره وكالت
ضغطها 5 لازم مغذيات 2 وابر حتى
يرجع يرتفع ضغطها وصاحت للممرضه تخليلي
الكانونه بايدي اجتي وكامت تضرب بايدي
حتى يبين العصب وتضرب بايدي احس
ايدي اشتعلت نااار كمت ابجي واجتي وحده
ثانيه وشافتني وكالت الها اني اخلي الها
خلته الي عادي ماحسيت بشي… وشكلتلي
المغذي وعلاء كعد يمي ينتظر يخلص وياخذني
للبيت…
- بعد مخلص لمغذي اشويه تعدل ضغطي وطلعت
للبيت واخذت المغذي الثاني وياي للبيت
وصلت للبيت صعدت لغرفتي وعلاء هو يعرف
شكلي المغذي الثاني… وكال اني طالع…
روان ..تطلع وتعوفني واني بهاي الحاله
كال يروووحي بعده المغذي مخلص اني يمج
لزمت ايده وكعد يمي بعدهه نمت ماحسيت
ماكعدت تقريبا لساعه ب 1 الظهر خلص المغذي
علاء ..كال تاكلين شي… .
لا مااشتهي… كتله بسس شيل الكانونه من ايدي
اريد اسبح احس جسمي نحلان وتعبان بلكي ارتاح شويه .. وراسي يوجعني ..
كال ابقئ هنااا… اني راح اجيبلج ملابس
- كام فتح الكنتور وطلعلي ملابس ونزلني جوه وهو لازم ايدي ..
واحنه نازلين شافتنه مرت ابوه احلام
- هزت ايدها وتحجي هاي عياره جذابه مابيها شي
تسسوي هيج تريد ابني يحبها… مووو احنه حبلنه
وخلفنه كلشي مابينه ..لوو بسس هي تختلف
علاء… كال اسكتي معليج ..اني يمج ..سسكتت
مالي خلك الها…
-ورجع كاللها يمه متشوفيها مريضه…
دخلني للحمام وسبحنه سوه وطلعنه وصعدنه فووك لساعه ب 4 لعصر علاء كال حبيبتي جوووعان
روان ..انزل اسويلك اكل… كال لا بسس تعالي
انتي اكعدي يمي بالمطبخ… اخذني من ايدي
ونزلنه للمطبخ…
وسحب كرسي الميز وكلي كعدي… كعدت
كال راح ارووح للاسواق اشويه وارجع… طلع
واني بقيت كاعده بالمطبخ انتظره ..
-ورجع جايب صموون وكباب وطرشي ومسواك وعصاير وكل الي احبه ..
وكال انتي اليوم بقيتي بدون اكل اريدج تعوضين
كتله اكل الي اكدر عليه ..
طلع الاكل وخله ع الميز وطلع صااح للبنات
انوار ونبراس وكعدنه كلنه ناكل ونضحك
وهو يصنف عليهم ..
- انوار كالت ياريت اني متزوجه وحامل وزوجي
هيج يدللني…
- ونبراس تكول هنيالي احصل هيج واحده مثل علاء
يدللني… كملنه اكل والبنات راحووو ..
علاء كال رنووو حبي بس سوويلي جاي ..
وجيبي الي راح اكعد بالهول .. .ماشي يرووحي
بعد مخلصنه اكل خليت الجاي على الطباخ
وغسلت لمواعين وعزلت المسواك وخليته بالثلاجه
خدر الجاي وصبيته واخذته لعلاء بالهول
كعدت يمه كال رنووو اكلج شي
روان… كول شبيك…
-كال مخنوك وضايج ..تذكرين من جنه مخطوبين
واجي عليكم ومن اطلع اضوج لان راح اعوفج
هسسه احس نفس الضوجه والخنكه…
- شبيك علاء ..
- ماكووو شي يرووحي…
تريد نطلع نتمشه اشويه او تريد نروح لمكان
اني ماعندي شي صررت احسسن…
واني هم اريد اطلع واغير جوووو…
- صدك حبيبي هذاك ليوم لمن اجتي حبيبتك
واني اجيت وسلمت عليها ..اشوو تباوعلي صفح
عبالك تريد تنتقم مني… بسس تريد الصدك
هيه حلووه وجان يشمر المخده الي ع القنفه عليه
وكال… ولج انتي ماتكعدين راحه موو اكلج
انتي تتحرشيين بيه كووووه…
روان… كام علاء واني طكيتها بركضه صرت غزال
ولا جني حامل وصعدت لغرفتي… ..
- وعلاء اجه وراي ..فات وسد الباب وكال وين ليوم
ترووحين مني…
واني صاعده على الجربايه واني اركض بالغرفه
وهوه ورايه… .وكال هااا نسيتي نفسج حامل
روان ..لا تخاف ماعليه شي… بسس صاار هوواي
مامتشاقيين هيج اني وياك…ضحك وسوالف
للمغرب حيل وره الاذان بدل وطلع كال روان
اني رايح للحلاق… .وهو واكف يمشط على
لمرايه شعره…
كتله اريدك عريس ليوم… كلي انجبي شبيج
كتله مبـيه شي بس اكووو بالطريق هواي معجبات
بيك…
بقينه نضحك ونتشاقه وبعدهه طلع…
ماارجع حبيبي لساعه 10 بلليل اشووو ممحلق
وضايج… سالته كال مارحت
-كعد ع القنفه اني جنت هستوني كملت مواعين
العشه كتله اصبلك عشه حبيبي ..
كال لا… .
اجني اخواته انوار ونبراس وصاحلهم وكعدهم يمه…
وحده منا وحده منا حظنهن حيل… وباسهن براسهن
وبقى كاعد ومخليهن بحضنه… .صارت لساعه 11
كام وكال اريد اصعد انام ..
روان… حبيبي تروووح هيج… كال حبيبتي اكعد
الصبح واحلق لحيتي وارووح ..
روان… حبيبي شبيك احد حاجي وياك شي
علاء… مابيه شي…
-كال يله نصعد لغرفتنه فتنه لغرفه وهو كعد على
الجربايه وكالي تعالي اكعدي هنااا… وهو ياشر بايده
على الجربايه وكال اريد احجي وياج… رحت
كعدت يمه .
كلي روان ..اني مابدلت الخط لان شاك بيج
لا والله بسس مااريد مرت ابويه احلام تحجي عليج… ورجع كال روان اريد ورقه وقلم ..
اني استغربت من طلبه سالته حبيبي شتسوي بيهم
كال كلي روان ..اني مابدلت الخط لان شاك بيج
لا والله بسس مااريد مرت ابويه احلام تحجي عليج... ورجع كال روان اريد ورقه وقلم ..
اني استغربت من طلبه سالته حبيبي شتسوي بيهم
كال جيبيلي ورقه وقلم...
-كمت فتحت المجر طلعت ورقه وقلم وانطيتهم اله
اخذهم مني وبدا يكتب ماعرف شنووو .. وكال
روان اني هاي الفتره احتاجيت ودينت هووواي
روان حبيبي شبيك... كال هاي دنيا ومحد ظامن
باجر يعيش...
وكال روان الي بطنج اسمها سكينه ومن اليوم
تكوليلي ابو سكينه مووو علاء... واني اريدج تصيرين قويه وديرين بالج على روحج وعلى
بنـتي واني ادري اهلي شنوووو... صيري قويه
ولا تهتمين للحجي... .
واني راح اجيج بعلم وهذا الي احلم بي واتمناه
بسس انتي صيري قويه...
روان شبيك علاء حجيك خووفني وكمت ابجي
مد ايده يمسح دموعي وكال... هاي دموعج لا تخليها تنزل بسهوله واريدج تفكين كل الدين
واني ادري اهلي بالفاتحه راح يتعاركون وياج
على الفلوس فلوس فاتحتي... انتي تنطيهن
روان... علاء كافي اسم الله عليك حبيبي اذا تبقئ
هيج تحجي والله بعد مااحجي وياك...
كال انطيني التلفوني انطيته اله ..
وخابر على اهلي وسلم عليهم بس ماكاللهم اني بالبيت وخابر على اخواته المتزوجات وحده وحده
واسمعه وهووو يحجي وياهم كانما يودعهم
وبعد ميشوفهم .. صحت بي شبيك علاء كلي
كال شبيج تخبلتي مابيه شي جرني وخـلاني
بحضنه وهو يحاول يهديني... واني ابجي
نمنا لساعه ب 2 بلليل... كعدت ساعه ب 4 على
صوت علاء يكعدني روان روان كووومي
نزلنا سبحنه وسويتله ريوك كمل وصعد لغرفه
بدل وكمل والتفت عليه وكال روان...
افتهمتي الحجي الي كتلج عليه لبارحه
هزيت راسي اي ..
- وكتله علاء حباب لا ترووح وتعوفني واني
بعدني مريضه ..اجه حضني وكال حبيبتي دووامي
مااكدررر ماارووح...
بعدهه وخرني من حضنه ولزمني من ايدي وابيده
ثانيه جنطته ونزلنه على الدرج...
-بنزلتنه جانت اخته انوار نايمه بالهول ع القنفه
من شافتنه كامت وكفت على طولها وكالتله
همزين كعدت قبل لا تروووح حتى اسلم عليك
قبل لا تطلع حضنها وباسها من راسها وسلم علينه
وطلع وصلنه لباب اندار عليه باسني وحضني حيل ودعني وراح...
من راح حسيت رووحي راحت وياه حسيت قلبي صار نصين وقلبي انقبض احساس غريب
ذبيت طاسه الماي وراه وبقيت واكفه اباوع عليه وهو يبتعد بخطواته عني حسيته اخذ قلبي وروحي وكلشي بيه وراح بقيت بالربع ساعه واكفه وسديت الباب وفتت جوه
رحت ركض صعدت لغرفتي خابرته...
روان... علاء فتح خط وكال بعدني ماصعدت
بالسيارة هسه راح اصعد ..صعد بالسياره وبقينه
اني وياه نحجي رسايل هوه يكتبلي واني اكتبله
اخر رساله دزها ب 6 كال هسه سيارة اتحركت
من الكراج... الديوانيه
روان ليش مابقيت يمي لعد اذا جماعتك يتاخرون
صار ساعه تنتظر بالكراج ..هيج صار ساعه كاعد
وحدك بالكراج ..
علاء... يرووحي طلعت من وكت علمود ماتاخر
عليهم... اني احبج يرووحي واموت عليج
روان احبك ... وطول طريق وهو يراسلني
وراسله لحد لساعه ب 1...
وكلسع ترووح وترجع لشبكة والطريق ازدحامات
من الديوانيه لسامراء... .
علاء... قبل لا التحق بيووم حسيت شي غريب
بداخلي وضايج ومخنوك احس نفسي مااراح
ارجع مرة ثانية وراح اعوفهم...
بالليل رجعت للبيت شفت خواتي خليتهم بحضني
وشميت ريحتهن واني بيني وبين نفسي اكوول
اذا اني استشهد خواتي منوو الهن... بعدي
اجتي روان اخذتها وصعدت فوك لغرفه
سالتني شبيك ..وحجيت لروان الي احس بي
وصيتها انو من تصير عدهه بنيه تسميها مثل
مااني اريد سكينه...
للفجر كعدت جنت مااريد اعوفهم واطلع بسس
جان اكووو صوت بداخلي اقوئ يكلي لازم
تلتحق وتحقق الي تتمناه الشهاده...
سبحت وصليت واتريكت وطلعت بقيت انتظر
ساعه بالكراج وروان خابرتني وبقينه نتراسل
مانامت لحد ماكعدوا اهلي عاد نزلت تشتغل...
بقيت افكر شلون راح تتحمل الدنيا بدوني
وشراح تسوي ويه اهلي واني اعرف بيهم
لمصلحه تلعب دور عدهم جبير...
روان اخر مره حجيت ويه علاء لساعه ب 1 الظهر
نزلت اشتغلت وكملت صعدت لساعه ب 4
خابرته كال هسه يله وصلت وكال بالطريق اكو تفجير تفجير رتل عسكري وانسد الطريق اكثر
من ساعتين ... وتعبان من طريق راح اغسل وانام
ومن اكعد اخابرج... وسده
- واني بداخلي قلق وخوف ماعرف من التفكير
لليل خابرته وحجينه شويه
بعدهه كال تعبان اروح انام... ماشي حياتي
روان تصبح على خير حبيبي... بسس من سديت
التلفون واني احسس قلبي انقبض حيل وبقيت
لليل كله اتكلب بفراشي مكدرت انام
- خووف وقلق وتوتر ماادري الي بيه شنووو...
ماحسيت الاوغمضت عيوني من تعب وقلق وتفكير
حلمت زفة عرس المن ماعرف وهوسه وهواي عالم
سالت هاي زفت منووو... جاوبتني مريه هاي زفه
علاوي معرفت ياعلاوي...
واني احجي بين نفسي اني شجابني هنااا
شفت هواي من اقاربنه ونسوان وهوسه عرس
ومنتظرين الزفة تجي ومن نص هاي الزفة شفت
عمي كريم ابو علاء شايل بايده توثيه اجه لزمني
من شعري وطلعني من نص الهوسه يضرب بيه
ويصيح مااريدها بنت الكلب ..بنت النع.....
هاي شتسوي هناا مااريدها بيتي
واني بس ابجي واشهك وهوه يضربني ويصيج طلعوها واباوع بلوجوه اريد احد يخلصني منه
ماكووو ماعرف شلون خلصت روحي منه وانهزمت
وره باب واخابرت علاء مجاوبني... رجعت خابرت
على بابا واني ميته من الخوف وابجي واحجي
وعمي يصيح واكله بابا انت تسمع شيحجي
تعال بابا فدووه خلصني ومااحس الا وفزيت
من النوووم...
-شفت نفسي بحلم اريد احرك ايديه ماكدر
احركهم جسمي كله مشنج من الخوف بديت اقرا
المعوذات اريد ارجع انام مكدرت... باوعت لساعه
ب 3 بلليل... ياربي دخيلك شنوو هالحلم
- خابرت على علاء مشغول انوب كتلني الخوف
اكثر خفت ومنا كعدت حلمانه وخايفه ...
رجعت دكيت هم مشغول...
شكرا لزيارتكم عالم روايات سكيرهوم