رواية رهينة لضباط الفصل الرابع والعشرون 24 بقلم مرج البحر

أنة اليسّمع حچِي مَنك

وأرّوح بَلاية مَا أحچِي

وأرُدلك ردّة الجِناز ، بَس

تُحضِني أگوّم أبچِي ..

......

نزلت من السيارة ومحمد اشرلي بصبعه ع شخص جنت مبتسمه ورفعت راسي من شفته اختفت ابتسامتي واني اعاني عليه ...

هو جان لابس ملابس عسكريه وخال الجكاره بين اشفافه تقدم عليه خطوة خطوتين ثلاث خطوات اربعه خطوات صار كدامي ...

دنكت راسي بواهس مكسور اكيد اجه ياخذني وما راح يعبر السالفه ع خير .. رفعت راسي مره ثانيه عليه هو رفع جاجبه ...

وطلع الجكاره من شفايفه وشمرها بالكاع وداس عليها بحذاء .. حولت نضراتي ع عيونه بعد ما جنت اباوع ع الجكاره شلون داسها ...

التقت عيوني بعيونه هو ابتسم بطرف شفه وخله ايده ع السيارة وانتجه عليها ... وقرب عليه وهمس ..

سند.... من اول يوم تردين تاخذين راحتج بالطبه والطلعه لا حسيب ولا رغيب مو

غمضت عيوني بقهر ورجعت فتحتهن وجاوبته بحسره ...

نور.... شنو تريد مني مو جانت حجتك اختك ورجعوها الك وبالحفظ والصون بعد شعندك هنا

سند.... عندي هواي اشياء اولها ابوج واخرها انتي

ودرت وجههي عليه وخزززرته وحجيت بعصبيه ...

نور.... ما كفاك الي سويته بيه خليني ارتاح اشوف معنى الراحه واستقر بحياتي اشوف الدنيا اعيش شبابي

سند.... وانتي تتوقعين اخليج تعيشين براحتج

نور..... شتريد سند؟

سند.... روحج

نور.... شنو مفهمت

سند.... اعوف اهلج مقابل اخذ روحج

باوعتله بنضرات حزينه وقهر وبعدت عنه وتمشيت للبيت ... جان محمد واكف يباوعلنه وشكله عصبي .. فتحت باب البيت حتى ارجع ادخل بس ايد انخلت ع ايدي رفعت راسي ... شفته سند ...

سند..... وين موو ناوين ترحوون لنجف لو قيرتي رايج واختاريتي كعدت البيت

نور.... كافي عوفني تعبت منك ما لحكت افرح كسررت فررحتي وقهرررتني ان شاء الله حوبتي ماا تتعداك ولا تشوف الراحه بحياتك

سند.... رحمه الله والديج يجي منج اكثر بس للمعلومه اجيت اكلج اخذي راحتج بهاي العشر ايام تونسي بيهن وطلعي وطبي بس اياني وياج تنسين روح اهلج بيدي لو طلبتي اطلاك اكتلهم واحد واحد كدامج

جان يحجي بهمس وهو صاك ع سنونه توتر من حجيه وكلبي طار يدك سرريع ...

محمد..... سكتت الك هوواي لهنا وكافي تفضل اطلع من منطقتنه وكلام ويه اختي ما عندك وانسه اختي وشيلها من بالك وبيناتنه بس الطلاك

                                            

              

                    

سند.... اي ليش لا اطلك وانه المنوون ونطيكم بوسه ع الراس اذا تحبون

حجاها بستهزاء وشال ايده من ع ايدي ومشه صعد بسيارته وراح محمد باوع عليه وكال ..

محمد... شبيه هذاا وياج وشنوو كلج احجي لا تسكتين

نور.... اجه يهددني

محمد.... بشنووو هدددج احجي؟

نور... هددني بيكم اذا ورا هاي العشر ايام ما رجعت راح يكتلكم واحد ورا الثاني

امي جانت كاعده بالسيارة من سمعت لطمت ع صدرهاا وصااحت ...

ام فاطمه.... يمه ولددي راحووو ولج هااشميه ولدج رااح يطشروووون وتشوفيهم جوه الكاع

محمد.... يمه ما يكدر يسوي شي ارتاحي اذا هو هالمره هددنه احنه نقابله بالمثل ونهدده وهسه صعدي نور خلي نروح اجه ذب سمه علينه وراح

نور.... اااف الله ما ياخذه ويخلصني

ام فاطمه.... لا تدعييين ع الولد تررجع ع خوانج

نور.... يمه شهالخرافات؟

ام فاطمه.... هاااي مو خرافات هااي حجي اجدادنه واذا صاار بواحد من خوانج شي شحصل اني

هزيت راسي بأسه وصعدت بالسيارة ومحمد حرك وحط النه ... لطميه لباسم الكربلائي خطار اجاني .. احنه من محبين الرادود باسم الكربلائي وهواي نسمعله ...

وأكثر لطميه لباسم مدمنتها هيه يا قاروره ... رغم اكو هواي جدد بس اني افضلها عن غيرها ...

طول الدرب بالي مشووش ساعه يروح ع كلام سند وتهديده الي وسااعه يروح شلون راح اقابل عمي .. شلون راح يكون شكل ضريح الامام ...

شلون؟ والف شلون بالي؟ ما اعرف منين ابدي لو لاكيت الامام عن شنو احجيله عن يا قهر يا وجع يا هضيمه ...

صافنه ع الشارع واني اباوع عليه حسيت ع نغزه بخاصرتي درت وجهيي فاطمه تقربت عليه وهمست ..

فاطمه.... هذا الاجه عليج زوجج مو؟؟

نور.... اي هو

فاطمه... مبين شخصيه

نور.... لا تغرج المضاهر ولا مناصب

فاطمه.... الله يبعده عنج ويرزقج الاحسن منه

نور... بس خلي يبعده عني ما اريد يرزقني

هيه ما حجت وياي بعد شافتني مو مال تاخذ وتنطي وياي جنت حيل ضايجه وهيه حست بيه وسكتت ..

امي كاعده بصدر واني وفاطمه وسكينه ورا وابن سكينه محمد كال اله تعال ويه مجتبى لان راح يلحكنه هو وصاحبه نبأ رجعت لعيالها ورا الغده لان رجلها ماقبل تروج ويانه الجو بارد ومو زين ع بناتها ..

طول الطريق اني صافنه وبالي مو الي ... كل شويه صافنه ع موضوع .. واني ع هاي الحاله غفيت ...

ما كعدت غير ومحمد يغسل بوجهي ماي بارد رفعت راسي وباوعتله بجمود ..

            

              

                    

نور.... ليشش جاي تغسل وجهي

محمد.... انتي ما كعدتي ندهناج خضيناج ضربنه ع وجهجج وانتي فاصله اخر شي جبت ماي بارد وغسلت وجهج وهاي كعدتي

نور.... يمكن من التعبب ما حسيت عليكم مو كعدتوني

محمد.... يمكن يلا كومي خلي ناكل لكمه ونصلي وكملن دربنه

هزيت راسي وعدلت روحي وخلت العبايه ع راسي ونزلت جانت الدنيا ليل وامي لزمتني من جهه وفاطمه من جههه ..

مشيت خطوتين وحسسيت رجليه بادن خدرن ما اكدر اوكف عليهن جلبت بفاطمه ...

ام فاطمه.... اسم الله يمه شجاج

نور.... ما ادري احس بروحي تعبانه

محمد.... شويه يمه خلي امشيها

بعدت امي ومحمد تجاني عليه وشالني يمه اني حمريت وخدودي صارت حمر ... الناس صارت تباوع علينه ومحمد يمشي ولا كنو الناس تباوع ...

كعدني ع كراسي خارجيات لصاحب المطعم بعد ما ستذان منه حتى يكعدني والولد ما كال شي ..

محمد.... شلون صرتي شنو تحسين اخذج لطبيب

نور.... الحمدالله احسن بس والله عيب شلون شلتني كدام العالم

محمد.... وهما شعليهم لا تهتمين الهم همشي تركزين ع نفسسج ادري بعدج تفكرين بتهديد هذاك المختل بس خلي نررجع واني اعرف شلون اتصرف وياه

نور.... لا هو ما عليه واصلان ما فكرت بتهديده بس ما اعرف شجاني معقوله لان كعدت هواي بالسيارة ما كدرت امشي ع رجيله

ام فاطمه.... اخيتك ما بيها شي ولا كل سالفه جبت رجلها بسالفه خلينه بعيدين عن المشاكل والمشاكل بعيده عنه

محمد.... يمه انتي ما شفتي شلون اجه نافشش ريشه ويحجي وياي باوامر والله لو ما حلفتيني بغلاتج جان كتلته وانعل ابو اليطلع ورا

فاطمه.... السالفه مرت ع خير وما صار شي خلي نسدها هواي احسن واذا هو كد تهديده خل يسوي

ام فاطمه.... صخاام الصخخمج فطييم ومنوو يروح بيهاا غيررر خووانج ويفررهدوونه تفرررهد ويين جانت مضمومه النه هااي السالفه

جنت بس اسمعهم وصافنه ع الوجوه سكينه حالها من حالي وما تدخلت بشي ... امي ترفع ومحمد يكبس وفاطمه تزيد السالفه ما تقللها ...

نور..... كاافي سدد مووضوع سنددد ما اريد اسممع بي احنه اجينه نزور ونغير جو مو نجيب السوالف وياانه ونعكر مزاجنه

محمد.... خلاص بعد ما نحجي بيها بس اريدج تصيرين قويه مو من اول مشكله تضعفين ترا السالفه بعدهي باولها ومشاكلها بعدج ما شفتيها

هزيت راسي وسكتت هو راح يجيب النه شي ناكله من المطعم سكينه تباوعلي بنضرات اول مره اشوفها تباوعلي بيهن ...

            

              

                    

ام فاطمه.... يمه نور قبل لا يجي اخوج اريد اسئلج عن شي

نور.... اي يمه سئلي؟

ام فاطمه..... بعدهي نغزات الكلب تجيج لو ما اجت بعد من رحتي لبيت زوجج

نور.... ليش؟

ام فاطمه..... اذا بعدج مريضه وكلبج مريض لا تطلكين ورجعي الرجلج وخلي سند الج

فاطمه.... يمه جاااي تحجين محمد يحلف يطلكها وانتي تكليها رجعي واذا مريضه اخر وحده عدها مرض قلب وتحتاج عمليه قسطرة

سكينه.... تتشاقين يمه اكيد انتي بيدج تريدين تكتليها وتدفنينها وتبجين عليها

ام فاطمه..... الجااي احجي المصلحتها اكو ام ما تريد مصلحة بتها وتدور راحتها اذا الولد شاريها ويدور رضاها ليش تتطلك منه

نزلت دمووعي وبعدت راسي عنهن معقوله امي خايفه ع اخواني اكثر مني وتريد ترجعني الهم حتى لا يصير بواحد من ولدها شي ...

كتمت الغصه بنص كلبي ومسحت دموعي من شفت محمد اجه وجاايب بيده الاكل وخلا اول شي كدامي وبعدها وزع ع كل الطاوله وسحب كرسي وكعد ...

............

كاعد وخال رجل ع رجل ورافعهن ع طاوله المكتب والجكاره بيدي اخليها ع شفايفي اسحب الهوا وطلعها وزفر الهوا ...

عيوني ع الساعه اريد الوقت يمشي اذا مشه الوقت مشت الايام واذا مشت الايام اجه الحسااب ...

العشر الايام الطيتها الهم اكثر من الي يستحقونه بس مو مشكله يا نور انه وانتي وخوانج نتواجهه ... اذا ما خليتكم تبجون دم ما اطلع ابن امي وابوي ...

اندك الباب صحت تفضل؟ دخل الجندي ضربلي تحيه وكال ...

الجندي.... السلام عليكم سيدي المعلومات الي طلبتها جهزن وكل شخص طلبت عنه معلومات صارن داخل هذا الملف

سند.... عفييه علييك ومثل ما وعدتك اجازتك راح ينضاف عليها يومين اضافين

الجندي..... اشكرك سيدي

سند.... العفوا

طلع الجندي وانه كلبت بالملف وابتسمت بتسامه خبيثه راح نتواجه يا نور لو فكرتي تبقين عد اهلج فوك العشر ايام ساعه وحده بس راح تشوفين شسوي بيج ...

فتحت المجر وخليت داخله الملف وقفلته وطلعت ملفات قضايه كعدت ادرسهن واشوف شنو الحل الهن ..

خلصت الشغل الي بيدي وطلعت للبيت ويه اذان المغرب ... تلكتني امي بالباب سلمت عليها ودخلت صعدت ع بايات الدرج جان امي تكول ...

ام سند..... سند نسيت تجيب وياك اكل ناكله

سند.... علمي جنتج تطبخ ما كاعد ع كرسي الحكومه ومخلص راتبي ع الغديات والعشيات

ام سند.... تاالي عمرري تريدني اطبخ وخددمكم ولك صدك غزز حليبي يبن بطني

سند..... استغفرالله يممه كالللت جنتتتج تتتعلم تطبخ مااا كلت طبخي انتي وشووفي واحد من الولد يجيبلكم غده وبسس تخللصين علمييها ترااا ما طلعت هاااي متزووجها المن كلششي ما مستتفاد منها لا نومه بيها خير ولا تعرف تسووي لكمه نتزوهرر بييها

            

              

                    

عفت امي وصعدت دخلت الغرفة نور كعدت ع الجربايه وتنهدت اووف يا نور لو بس ترجعين والله اعوضج بس انتي واضح راح تتعبيني وتختارين الطريق الصعب وتخليني ...

الجأ لطريق الموزين وتعامل وياج بقسووة وعيششج بخووف لا راح يصير ولا صاار .. كمت اخذت ملابسي ودخلت للحمام ونضفت شعري وشمررت نفسي ع الجربايه ونمت ...

كعدت ع حس مروه تندهني دفعت ايدها بنتر وكمت لزمتها من ايدها وطلعتها برا الغرفه ...

سند..... باب هااي الغررفه لا تعتبينه منو عااتب عليج تجيين تكعديني من عز نومتي

مروه.... هااا مو خاله كالت خاف عندك شغل

سند.... لووو مووو خالتج تكلج لا تصعدديلي مخلليج هناا مو لسووواد عيوونج لا خااطر شيباات ابووج الي خاف ارجعج اله وحجيله السويتي تجي جلطه ويموت من وراج

مروه..... كتلك اسفه ما اعيدها ساامحني غلطة والغلط بيه وما اكدر اغيره بس والله تندمت

سند..... هذا كلامج لا راح يقدم ولا راح يأخر توكلي لغرفتج ولا تراويني وجهج

ام سند.... صوتك عالي وع كيفك ويه مرتك هيه غلطة وعرفت غلطتها ليش ما تسامحه

سند.... يمه الله يخليج لا تدخلين لان انتي ما فاهمه شي من السالفه

ام سند.... مروه حجتلي شلون راحت لامها بدون ما تكلك بس هيه لو ما خايفه ع زعلك جان كلتلك

سند.... يمه لا تمااشينها بالخطأ مالتها تدري كلش زين انه ما اقبل تروح الامها واختج لو خوش ادميه جان عمي ما منعها من جهاالها طول هالعمر وترديني اذكرج ماضيها شنو وشنو سووت بينه

ام سند.... ليش اني ناسيه عمايل اختي حتى تذكرني الله يساامحها نزلت روسنه وزتنه كدام الناس وفشلتني كدام ابوك الله يرحمه

سند.... الي سوته بنفسها تستاهله هسه واخر مرره احذررج مرووه لو سممعت واصله لامج لو خاطيه خطوه لمنطقتهم ذيج الساعه ادفنج وانتي عدله ويمه اخذيها من وجهيي ماا جاي اجررعهاا هذا جنت جارعها هذيج السنوات هسسه بعد ما اكدر اجررعها

اخذتها امي من يمي ونزلن دخلت للغرفه وركعت الباب وراي عصبتتتني بت استغفرالله عميي شعليي نسووان مااا منجن امااان ... اذااا امج ابو بييتها غدررته انتي شررراح تسووين بييه ...

دخلت سبحت وطلعت ملابس طلعه وطلعت .. لاكيت سعد بالباب ... يشرب جكاير ضرربت ع ضهر ضربات خفيفه ...

سند.... شعدك واكف بالباب

سعد.... لا ما عندي شي بس اكو حسبه بالي

سند.... شنو هيه؟

سعد.... عمي صمد شنو سالفته ويانه

سند.... وضح اكثر ما جاي افهم عليك؟؟

            

              

                    

سعد.... البارحه شافني بالكهوة وكلي بعد وكت من رجعتو اختكم جان خليتوها عرضه لرايح والجاي

سند....هذااا يررريدني اشرررب من دممه وانتته سسسكتتت اله وما جاوبته

سعد.... ع شنو اجاوبه نزلت راسي وعفته واجيت

سند.... طيح الله حظك ماا تعررف تجااوبه مرره ثااانيه اذا حجه كلمه كله الزم كح... الي عندك بعدها تعال احجي علينه

سعد.... عيب اكله هيج اذا انته تشوف بنيه وحده كح... مو معناها كلهن كح...

سند.... اسممع المرره الثاانيه ماا تسسكت عمك صمد انه عررفت ملته شنوو يريد دائما هو الحق وحنه الباطل مثل سالفة الفلوس سواله سالفه وبعدها سوه روحه هو الي ع حق

سعد..... هذيج السالفه صارت قديمه شلك بيها

سند.... لا صارت قديمه ولا راح تصير تبقه العيبه بيهم لحد ما يموتون لو بيهم خيرر ما وكفو ويه الكح... ضد ابوي الي من لحمهم ودمهم وكتلو من قهرر

سعد.... الله يسامحهم شبيدنه هسه انته مو ماخذ بنت الكح... الي هيه سبب السالفه وخراب عوائلنه

سند.... عوائلكم هيه ما بيها خير خلت وين الساقطه والما عدها شررف تفررقهم واذا ع مروه فحبن بعمي اخذتها حتى ما اكسرر خاطره بهالعمر مو حبن بيها

سعد.... الله يستر عليها رغم كل السويته الها وهيه ما جاي تجر عدل

سند.... للاسف وارثه اطباع امها واكص ايدي اذا ما طلعت هيه وامها متفقات يبوكني هاي المره

سعد.... انته شاك بيها لو شايف عليها شي؟

سند... شايف وعايف وجاي اعبر ومهد الها بمزاجي بس خلي توكع بيدي واريد اشوف منو يطلع وراها الكح... امها لو عمامها العارات

سعد.... والله ما كمت افهم عليك اذا شايفها تبوك منك ليش عايفها تسرح وتمرح بيتنه

سند.... لا تستعجل كلشي بوقته حلو

سعد.... ونور شنو مصيرها؟

سند.... شبيها عد اهلها وهسه تلكاها تدك وتركص من خلصت مني بس عبالها اعوفها حلم بليس بالجنه

سعد....تريد الصراحه سند البنيه حقها طلكها وخليها تشوف حياتها ليش تدفنها بالحياة

سند.... وسفه عليك عامودي الفقري وحزام ضهري انه اعوف روحي ونام مرتاح وسفه عليك

سعد.... هههههههه هنا الحجي ما تعوف

سند... تؤ ما اعوفها اطلع ناقص ابن ناقص اذا طلكتها وخليتها براحتها تتنفس

سعد.... الله يساعدها راح تشوف البلاوي من وراك اذا انته تحبها وميت عليها ما حاولت تقنعها تبقه

سند... بنت الكلب كلتلها ابقي باااعت عليه الثكل والكبرياء من انعل ابووج لا ابو الجاابج سحلتيني وراج وبعدها بارده مبرده تتمخطر كدامي راح اروح راحت رووحج كون قبل لا تنطقيها

            

              

                    

سعد.... ههههههههههه اللله يسلمها مشتغله خوش شغل قبل لا تروح مخليه اليابس يخضر والصعب يتكسر والعنيد ياكل عناده

خزررته هو كح وتحمحم وسكت ودعته وصعدت بسيارتي وانه روحي تلووب مشتاق الها حيل رغم بس البارحه راحت وحسها صارت سنه عليه ...

اااخ يا نورر والله لو الزمج اله اطلع ضييم كلبي بيج وراويج الضوه بعزز الليل بنت النعاال عوودتني عليهاا واجت بكل برود تكلي رايحه ويه اهلي ...

من احتركتي انتي واهلج بنار جهنننم ... ولا بقه منكم اثرر ... شغلت السيارة وطلعت بيها ع بيت ولد صديقي اعرفه ...

عايش هو واخوانه ثنين وحدهم امهم وابوهم متوفين هو عاف بغداد واجه كعد بمنطقتنه .. اول ما وصل انه ساعدتهم وصارت علاقتنه قويه ..

وصلت صفطت السيارة ونزلت دكيت بابهم وانتجيت ع السيارة ... طلعلي اخو من شافني رحب بيه وستقبل ستقبال حلو ... دخلت واخو الثاني راح جاب الضيافه وضيفوني ..

...........

خلصنه اكل وكمت اغسل داخل الحمام الي بالمطعم وفاطمه اجت وياي ولزمتني من ايدي حتى توصلني للحمام عبالها بعدني تعبانه ...

نور.... ماكو داعي تلزميني صرت احسن

فاطمه.... لاحضتج ما اكلتي شي وانتي حتى غده ما تغديتي عدل

نور..... لو اشتهي جان اكلت بي ما اشتهي

فاطمه.... لا تهتمين لحجي امي محمد ما راح يخليج ترجعين وانتي خليج واثقه من محمد وكلشي راح يمر ع خير

نور.... اتمنى

دخلت للحمام وغسلت وفاطمه غسلت وطلعنه ورجعنه كعدنه بمكانه وراحت امي وسكينه غسلن ورجعن وبعدها كام محمد راح غسل واجه ...

تمشينه للسيارة ومحمد كل شويه يسئلني شلونج تعبانه اشيلج واني اجاوبه ما بيه شي صرت احسن ..

صعدنه بالسيارة ونطلقنه نكمل طريقنه رجعت اضرب صفات بس هالمره ع كلام امي بدال ما تفكر تدور راحتي قدمت راحتها وراحت ولدها عليه ...

ما الومها يمكن خوفها تفقد شخص وما تشوفه بعد يقلقها ... بس اذا رجعتني راح تكدر تشوفني وتشوف خواني بنفس الوقت ...

بعد صفنه طويله خربت كل افكاري غيرت قرارري ويمكن ها الصفنه لحضه صحو الي ... فزيت من صفنتي ع محمد يحاجيني ...

محمد.... نور بنيتي ع شنو صافنه مو كتلج لا تفكرين ما راح يكدر يسويلج شي واني عايشش

نور..... لا ما جاي افكر بي بس جاي افكر شلون راح يكون لقائي بعمي

محمد..... لا تفكرين وتعبين نفسج كلها ربع ساعه ونوصل وتشوفينه

هزيت راسي وسكتت فاطمه تباوعلي بقهر ما اعرف ليش ... مرت ربع ساعه بسرعه ومحمد كال ...

            

              

                    

محمد.... وهاي لافتت النجف الاشرف ترحب بكم

فاطمه.... يعني دخلنه هسه

محمد.... اي تردون ترحون تزورون لو اخذكم كبل لوادي السلام

ام فاطمه.... يا وادي السلام بهاليل وندخل المقابر لا يمه ما نروح تريد يتلبسنه جني المقابر

محمد.... يمه شلج بهالحجي منين اكو جني المقابر منين جايبه هاي الخزعبلات

سكينه.... ترا محمد تخوف المقبرة باليل

محمد.... يا خويه شنو السالفه راح انزل وياجن قابل ترحن وحدجن

ام فاطمه.... متوازين ع الدخله هسه اذا عدنه وقت نزور امير المؤمنين وباجر من القبجه نروح للمقابر

محمد.... نور شتكولين

نور.... بكيفكم

فاطمه.... محمد فدوه اريد منك طلب زغيرون؟ بدام ما راح نروح للمقابر

محمد.... اطلبي؟ فطوم عيوني الج

فاطمه..... اريد اروح لسوك النجف

محمد.... تدللين بعيوني افرفرج بي لحد ما تصحين شبععت

فاطمه.... ههههه ربي يخليك الي

محمد... ويخليج وانتي نور ما تردين شي؟

نور.... لا ما ريد شي

محمد..... وانتي سكينه؟

سكينه.... اني؟

محمد.... اي انتي اكو غيرج هنا سكينه؟

سكينه..... لا ما محتاجه شي بس بالي يم فلاح

محمد.... لا تخافين عليه اطمنت عليه من كعدنه كلينه هو ويه مجتبى والفجر يوصلون

سكينه.... تمام

مشه محمد مسافه وبعدها صفط السيارة بالكراج وكال نزلو ... نزلنه محمد راح يحجي ويه ولد ودقايق واجه وكال امشو ...

مشينه ورا وكل ما نمشي مسافه تبين القبة رف كلبي واني احس اجدامي بدن يخدرن ودكلت كلبي صارت قوويه ...

هذا صدك الجاي اشوفه لو اني بحلم ربي طلبتك اذا حلم لا تكعدني منه اله واني شاابعه من ابو الحسنين وما خذه مرادي منه ...

نزلت دموعي واني اهمس بيني وبين نفسي يا قالع باب خيبر اول مره اجيك واول مره ازورك واجرب شعور الزيارة ...

صرت اشههك بصووت عالي وناس صارت تباوعلي خليت ايدي ع حلكي اكتم صوتي .. احتضني محمد واني زدت بالبجي ...

فرقت قهري كله بحضن محمد هو ما حجه وياي كلمه بعدت منه ومسحت دموعي هو ما سئلني شبيج ولا واحد منهم سئلني وكملو مشي طبيعي ولا كنو صار شي ...

وصلنه لضريح واني اتخربطت اموري ابجي واهذي ويه روحي ... وفاطمه هم تبجي لا اني ولا هيه زايرين .. والي فهمته امي جايه للزيارة من رايحين ياخذون سكينه وسكينه زايره وياهم ...

            

              

                    

محمد راح من جهه الزلم واحنه من جهه النسوان دخلنه للتفتيش من طلعنه من التفتيش لاكينه محمد ينتضرنه ...

محمد..... دخلو زورو ومن ترتاحون كلش يلا طلعون ولني من اطلع انتضركم بالصحن مو تيهن واذا ما لكيتكم سكينه عدها رقمي تتصل عليه

سكينه..... ما عندي رصيد

محمد.... ادري وجبتلج وياي خلي رصيد للضروره

اخذته سكينه منه وخلته بتلفون ورحنه للامانات خلينه اغراضنه ودخلنه ... اول ما خليت رجلي باب الضرريح اجاني شعور الراحه والطمئنينه والامان اول مره يجتاحني هيج شعور ...

فاطمه تمشي وتتلفت ع المكان واني ما افرق عنها بشي ونقلد امي وسكينه شنو يسون نسوي ...

خليت ايدي ع شباك الضريح صابتني قشعريره بجسمي وضرربتني ريحه مسسك خلتني اغمض وتنفسها براحه ...

ازفر الهوا ورجع اسحبه من جده وجديد ... بدون ساابق انذار نزلت دموعي وبدون وعي حجيت ...

يا امير المؤمنين اجيتك لاجئه من ضيم الدنيا وناسها اجيتك وادري ما راح تقصر وياي ... اجيت وكلني امل راح اطلع منه شخص ثاني شخص مرتاح ونفسيته مرتاحه ...

حيل مقهورة وحيل متاذيه من اقرب الناس الي اجيت ورايد من الفرج وتدليني ع الطريق الصح اعووف زوجي لو ارجع وستر ع روحي وع اهلي ...

حسيت ع ايد انخلت ع متني درت وجهي عليها جانت مره جبيره بالعمرر طلبت مني اسويلها مجال حتى تزور ...

بعدت شويه وهيه باست الشبك وتبجي اني حاجيتها من فضولي لا اكثر ...

نور.... خاله بيج شي تردين اجيبلج ماي تشربي؟

- لا والله خاله ما اريد الماي اريد المعافات والرضه عني ومغفرت اللله الي وع السويته

نور.... الله يريح كلبج خاله وينولج الي بالج

- تسلمين بنيتي جزاج الله خير وينطيج مرادج

ابتسمت بهدووء الها ومسحت ادموعي ومشيت خطوتين ع الشباج وكع عليه شي غطاااني ... ماا شفت شي بس اسسسمع صووت النسوان تصيحح

- ابو الحسسسين انطاها مررادها

وقسم تصيح ... انطاج مررادج امير المؤمنين

بعدت عن وجهي واني اخلي العلك ع خششمي اشم بي وفصلت عن العالم ولفيت روحي بي ... اكو نسوان يشتغلن بضريح .. شافتني وكالت ...

- داحي الباب انطاج مرادج وفرج همج وهذا العلك صار من نصيبج اخذي الج

ابتسمت بوجهه ع شويه جان بستها ... كل ضني راح تاخذه مني .. تمشي صوب امي وخواتي الي فرحتهن ما تقل عن فرحتي بشي ...

فاطمه جررت العلك من ع امتوني واخذته لفت روحها بي ... صليت صلاة المغرب والعشاء قصر ... وصليت ركعتين الزيارة وركعتين لقضاء الحوائج ... وزرت الزيارة الي امي جانت تقرها ... واني اردد وراها ...

انصدمت من شفت فاطمه تتفتر بالضريح وتقرا الافتات بدون مساعدة احد صح كم كلمه تتهجاهن تهجي بس صدمتي بيها جانت جبيره ....

كمت تمشيت صوبها وسئلتها بصدمه؟

نور..... فاطمه تقررين؟

فاطمه..... اووف نسيت اكلج مو محمد ومجتبى دخلوني معهد وجاي اتعلم وتحسنت قرأتي

نور.... هااا حلو احسن شي سويتي بحياتج هو تعلمتي تقرين

فاطمه.... نور حبيتي لتضوجين بس تطلكين من هذا رجلج ما ادري شنو اسمه راح يدخلوج وياي بالمعهد وعرفج ع روحيه صديقتي

نور.... وعندج صديقات؟

فاطمه..... اي عندي وحده لان ما احب الختلاط

نور.... فررحتلج هوواي يكلبي عسااها من فرحه لفرحه ومن مرتبه لمرتبه

فاطمه.... وانتي وياي

ابتسمت وسكتت واتمشه ويها وهيه تقرا ... امي لكتلها مره وهيه وياها يسولفن وسكينه معزوله وحدها ....

بعد زيارة طويله طلعنه من الضريح وشفنه محمد كاعد بالصحن والحمامات تطاير فوك الصحن من شافنه اجه صوبنه رحنه للامانات اخذنه اغراضنه وطلعنه من امير المؤمنين الي نفسستي تغير 180 درجه وصار بيه حماس مفرط ...

افترينه بالسوك لخاطر عيون فاطمه الي مخلت شي ما اخذته وكلشي عاجبها ومحمد يشتريلها وما يكول لا واني وسكينه بس نمشي ونباوع ...

وكفنه يم محل يبيع كلايد فضه ومحمد طلب من الولد الكلايد تكون ع اسماءنا انطه الاسماء والولد كله باجر تعال تخذهن ...

تمشين وفاطمه اكتفت بالغراض الي اشترتهن طلعنه من السوك واجرنه فندك كبال امير المؤمنين بمسافه بعييده شويه بس من نباوع من الشباك لو البلكونه نشوف الضريح ...

محمد شمرر روحه ع الجربايه ام النفر جان ست جرابي هو نام ع وحده واحنه كل وحده نامت ع وحده ...

راح محمد بسابع نوم لان ما نايم طول الطريق وفاطمه ما مصدكه اشترت هالكد اغراض اني حضنت العلك ولفيت روحي بي ونمت ...

كعدت ع صوت سوالف محمد طلع يجيب مجتبى وفلاح ينتضرونه بكراج ...

كعدت كدام امي اتريك وهيه تباوعلي واني اكل اجت فاطمه مغسله وجها صبحت علينه وكعدت يمي ع الريوك جان امي تكول ....

شكرا لزيارتكم عالم روايات سكيرهوم