رواية ارحموني ولو رحمة مرة الفصل الرابع والعشرون بقلم فراقد حسن علي
منى/خررب لشة فرح شكثر خجلت
ألكفج لو ما الكفج فريحة فارة النضد الا اطيح حظج
-شوية ولن عمي عادل أتصل على ابويه
وأبويه بقى يباوع بوجهي ،،مره يبتسم
ومره يعقج حواجبه
-اني لكفت السالفة خليت وشردت للمطبخ
بحجة أريد اخدر الجاي
فرح/بس دخل أبويه للهول
جان يصلي بغرفته
شمرت البشارة بوجه
عادل /اي هاي البشارة الزينة
ومنى خوش منى وبنيتنا
-بس ما انطي دبك البشارة لان سمعت كل الحجي
فرح/بويه ليش هيج تفشلني
-انت اركان انطيني البشارة
اركان/عود من تجيبين انطيج ٥ الاف
حك مده الحمل غيرها ماكو
فرح/يابويه شكد جلف عص كلشي ماايطلع من أيدك
اركان/بابا ورايه زواج لازم أكون روحي
ررررراح أعرررررس
محمود/جنت بالحمام أسبح وسمعت كل الهوسة
دخلت عليهم للهول وأنشف بشعري
-شايف كل الخير أبو أسلام
يابه من البداية وجان لازم يصير هيج وما يصح الا الصحيح
-جديتي كلامها واحد من بعد كلام الله ،، كالت فرح لمحمود
ومنى لاركان بس ليش صارت هاي الفلكة والأستدارة ما اعرف
فرح /ربك اله بيها حكمة
اركان/يوم نفرح بيك أبو شكريه
فرح/هاااا يمعود وين تفرح بي !!
واني شنو ؟؟
محمود/يشاقة وياج
أنتي كلب محمود وريته
اركان/لو ماهي فارة النضد جان شسويت
محمود/لو ما مرتك المستقبلية جنها ألانسة منشن بمسلسل كارتون سالي هم جان شسويت
اركان/يمه انتي شاهدة من هسه شد ويه مرتي
عادل/اي ابو أسلام جنك مستعجل بعد أبوك شبسرعة صارت مرتك ،،
حتى بعدني ما أنطيت خبر لاخوي منو يكول تصير البنية الك
محمود/يابه عجل بالموضوع
تراه طاكه التصحر وراح يصبح ارض قاحله
أركان/افااا أنا أبوك ياأسلام هذا البسمار اليه وعلساس حضرتك نايم بالعسل بس الله ينطي الزركة بعد كلشي ما اكول
محمود/حلوة منك هاي الهجمة المرتدة بس لا تخاف زمن الأزرك ولى من زمان
عادل/ما تنطيني زريگة وياك هم أريد عيش بالعسل
فاطمة/ياااا يرجال شجاك طبكت ويه ولدك عيب البنية منا
فرح/هذوله شبيهم الزلم صدك خرفوا طكوها بضحكة طلعت من خاطرهم
-ابويه عادل خابر على ابويه باسم
وبلغه يريد يمشي على منى لاركان
واذا موافق بالخميس الجاي نروح مشية عليهم
منى/امي أجتي تحاجيني ان اركان متقدملي
واني سويت نفسي متفاجئة !!
ما تدري بيه لو ما عيب اتصل على رقمه وأطكه بهلولة دليل على موافقتي عليه
-يمه بكيفكم ،، اني ما اعرف انتم أدرى بمصلحتي
سهام/يمه اني أكول لو توافقين لان خوش قسمة و اركان وليدنا
صح هو أرمل سودة عليه
وعنده وليد ،، وشويه عصبي
بس لا تنسين يايمه الشين التعرفه أحسن من الزين الماتعرفه
وهم بعد بيت عمج ويعرفوج ومربينج ،،وخالتج فاطمة خوش مراه وهم أخيتج هناك وياج
وانتي بعد بكيفج
-وابوج يكول ما اريد أجبرها لان اركان أرمل وخاف انتي بنفسج تاخذين عازب فكري منا للصبح ورديلي خبر ،،
منى/شوف امي خطية كاعد تقنعني ماتدري بيه اني ذابحة روحي عليه
-حسيت الوكت يمشى بطيئ
والساعة عبالك عطلت
شيجيب الصبح وارد خبر لامي
موافقة وموقعة
وباصمة بعد بعشر أصابعي
خليت راسي ونمت وبقيت أحلم أحلام وردية ب أركان
فرح/بويه قبل لا تنام شو كلشي ماحصلت
اذا ما تنطيني بشارة وديلي مكينتي للمصلح
عادل/أبشري بويه ،، الصبح بسلامة اخذها وياي من أطلع للشغل وأزتها للمصلح
-اكول محمود يابه لساني يخشب من العطش
ورغم احنا هسه علينا شته
وبليل هواي أطلع للمرافق
من يوم هذيج الحادثة الملعونة ولليوم
أنتبهت عندي هاي الاعراض
محمود/اي يابه هاي اعراض السكر
الصبح قبل لا تمشي لشغلك مر عليه للمشتشفى اوديك على جماعتي يسولك تحليل سكر تراكمي
وبعدها نروح للاخصائي يخصصلك علاج للسكر
-يمه لازم أبويه بعد أكله خاص
ممنوع ياكل بكثرة اي شي حلو
وراح أسويلج جدول غذائي يفيده بي جميع الاكل الي احنا ناكله بس بكميات محدودة
لان الطب يكول//مريض السكر مسموحله
يأكل اي شي بس بكمة محدودة
عادل/لا قبضنا على سالفة الطب خو أفطس أحسن فاطمة مالج دخل بسوالفهم
أكلي حالي حالكم
سهلة يابه عود باجر أمرلك للمستشفى
محمود/بويه تعال بدون ريوك
تحليل السكر لازم على ريگك
فرح/كل واحد راح الغرفته
-واسلام حبيبي الحمد لله تحسنت حالته
بس بعدها مصبوبة رجليه
الطبيب يكول//ننتظر لحد ما يطيب بالتمام والكمال يلا يفتحهن اله وراسه الف الحمد لله ماكو بي لا ضماد ولا شي
بس هواي يبجي يتململ يريد يمشي بالكوة نقنع بي يبقى كاعد
وامي تنومه يمها
فرح/اي أجيت
شو سويلي مكان صدك الغرفة باردة كمت أخاف اعوف الصوبة بيها مشعولة
محمود/أجلدج أبقرب أحزام يجي بيدي بس تعوفين الصوبة لو شمع مشعول بيها
وتحركيها مره ثانية
-صايرة شسمنج شنو هاي الطبقات
انوب سمنج يغريني يذوبني الشحم الأبيض
فرح/الحمد لله كاضيتها بس أكل ونوم
صدك عمري ذكرتني لازم نروح اني وأمي للرعاية علمود اللقاح
جزى موعدي من هذاك ألاسبوع
محمود/ويضربوج ابره بزندج هنا ،،
روحي بألاحد
فرح/ااااخ ليش تعض وجعتني ،،
زعلت وخر عني
محمود /هي عضة زغيرة !
شبيج زعلتي
فرح/ما ارضى الا تجيبلي شامية حمرة
محمود/هههههه شذكرج بيها هسة
فرح/من الصبح طعمها بلساني جيبلي واراضيك
محمود/تذكرين موقف الشامية الحمرة لو لا
فرح/شكد خبيث ،، اي أتذكر الموقف
قشمرت عليه وكتلي أجيبلج شامية حمرة
واخذت من عندي أعز ما أملك
محمود/وداعتج جنت صغير وما اعرف شنو الموضوع بس احلى شي اتذكره من لزمتج ،،،،،،، وفزيتي
فرح/هو صاير مخبل بيه
ويموت عليه
ويموت على جسمي لان سمنانة
وهواي طالعه عيونة
-والصراحة اني هم مو فقيرة وياه أشحطه للدرب وأخبله عليه
-ثاني يوم بس اني وامي بالبيت
الولد بالدوام
وابويه اخذ المكينة للمصلح
وكال مناك أطلع على محمود علمود يچيك صحته
-تقريبا ويه أذان الظهر ابويه خابر امي
وبشرها منى وابويه باسم موافقين على اركان
من الفرحة كمت أدبج هجع راح يصير عدنا عرس
-بس غلق ابويه الخط اتصلت على اركان
-الوو ،،أركان جيب البشارة
اركان/ماكو بشارة اعرف شنو الخبر
اختج موافقة
أبويه هسه أتصل عليه وبلغني
وكال// الخميس نمشي على بيت عمك
فرح/شكد جلف عص كلشي ما يطلع من ايدك
بداعت اسلام اذا أجيت ولكيت وياك بالطريق
شامية حمرة جيبلي وياك
اركان/مو يدلل ابن اخويه هو يستاهل
بس انتي لا
-اكلج هي منى بعدها تحب الشامية الحمرة
والحلاوة الدبسية
فرح/الحلاوة الدبسية اي كل ماابويه ينزل
للكاظمية يجيبلنا وياه ونبقى نعلس بيها
أركان/الصدك اااي هي أختج مال علس
فررح خررب لا تسمعين ترى طفر ألساني
فرح/هههههه محمود يكول عليك خطية
طاكه الجفاف وكام يتخيل المخدة مراه يحظنها وينام
أركان/طيح الله حظ هيجي ميانة زفرة
ولي يلا ما بقوا عليه بس المزعطة
فرح/ههههههه
-ابويه رجع للبيت وأجه ضايج
طالع السكري عالي ولازم بعد يلتزم بالعلاج لان المرض جلب بعد بي ومايروح
-بعد ما كعد وارتاح اتصل على ابويه باسم وكاله//نخصم الموضوع فرد نوب
هي مشية زلم ،،وقراية فاتحة ،،وعقد شيخ وتلبيس ذهب
-بلشنا اني وامي نركض ركض
نرتب ونعدل بغراض البيت
امي طلعت فراش جديد من نضدها
ودته للندف تسكمه للعرسان
-اركان ما قبل يتزوج بنفس غرفته
يكول // جزت روحي منها
-راح هو وامي وابويه على بيت الحجي
يحاجون رفل تقبل تنزل جوه واني اخذ غرفتها الفوك
لو تبدل مكان غرفتها بمكان غرفة اركان
عاد كالتلهم /عفوني فوك بس بدلوا الغرف
ويومين اندك شغل بدلنا الغرف
صارت غرفة رفل بمكان غرفة اركان
واركان حول بغرفتهم
ويومية من العصر لليل يبقون يصبغون
هو محمود بجدران الغرفة
راحو اشتروا غرفة أخشاب نفس غرفتي
يعني مو حيل ضخمة
-الصدك الفلوس متكفي
لان ما صار فترة قليلة مرت على عرسنا
وانوب سالفة الحريق
وجددولي غرفة اخشاب
وحادث اسلام
يعني ما عدهم ذيج الامكانية
وامي بقت تفر براسها علمود الذهب
هي عدها حجول رادت تبيعهن
وتجيب بدالهن ذهب المنى
اني خابرت امي سهام وحجيتلها السالفة
عاد هي حجت ويه امي فاطمة
وحلفتها متبيع لو كشرة من ذهبها
وكالتلها //احنا أهل ولا تكلفين نفسج
-امي صاحت على أركان وكالتله//عندي بس تراجي ،، ومحبس
بقت الكلادة والحلقة شلون ؟؟
كاللها /بس هسه أدينيلي من جدة صفية
بين ما اسويلي سلفة ويه جماعتي
ورايه مصاريف العرس
-امي خابرت على جدة صفية
وحجتلها كل سالفة كالتلها /ماالحك شلون لازم باجر نطلع للمحمودية
عاد جدة صفية كالتلها/هسه ادز خالاته للسوك يشترن للبنية كلادة ثكيلة وحلقة ومحبس زايد هدية من عندي للعروسة
امي كالتلها /خلي يقيسن الحلقة والمحبس على أيد بشرى اتوقع نفس قياسها
-أبويه عزم الحجي أبو رفل هو والولد
على المشية ،،بس تعذر لان عدهم ترميم
وكاعدين يقسمون البيت ويرتبونا للجناين
-صبح علينا يوم الخميس
اجيت اتحضر وابدل شنو البسه كصيف عليه وضاب على جسمي بقيت محتارة
بالاخير لبست دراعة عريضة لونها بصلي
هي ومشمرها احسن شي
ومن اطلع البس عليها العباية
-أجوي ويانه بيت جدة صفية بسيارتهم
وطلعنا كل احنا جميع لبيت اهلنا
منى/من صبح علينا الصبح اشوف امي هي الفرحانه بقسمتي اكثر من عندي
بس كعدت من النوم كالتلي //ها يمه شنو قررتي
منى/يمه بكيفكم انتم اعرف بمصلحتي
واركان ابن عمي أحسن من الغريب
سهام/يا يمه شايفة كل الخير
كون الله يسعدج ويهنيج
هسه أبلغ أبوج گبل مايطلع للشغل
منى /عرفت من اتصالات فرح
بيت عمي مرتبين غرفة اركان
ومشترين غرفة اخشاب
ومتضايقين علمود فلوس الذهب
لو عليه اكلهم ما اريد شي المهم حصلت على اركان شلي بالذهب
-صبح علينا يوم الاربعاء كعدنا على هلاهل عمه شمس هي وهوستها وهلاهلها بجهة
وجهالها وكاحتهم أطيح سبع عربان بجهة
-بقت اليوم كله يمنا
وجهالها ما قصروا عزلوا البيت من هاي التعزيلة المحترمة ،،طه من جهة
وهارون ومروان من جهة
وعهود تصرخ من جهة
وهي بس تكول /وتالي شلون بيكم
هسه أخابر على سلمان يجي ياخذكم
وهي جذب لا تخابر ،،ولا تضربلها واحد
-سوتلي شيرة ونظفتني ما عدها أيدين
لا مسحاة فلاح معدل أخذتني كش طلعتني المع وابرق من النظافة
-صبح علينا يوم الخميس أجني باقي عماتي نجمة ،، وكمرة ،، وعمة شمس جاية من طرت الفجر ونسوان عمامي هناء ورجاء هم موجودات
-لاحظت هالة حيل ضايجة بس واحد يسألها شبيج تكوم تبجي
-ما رحت للصالون صعدت فوك يم عمه هناء هي فيرت شعري وتركته محلول نزل على طول ظهري ولبست طوق فضي بي وردة جبيرة فضية
هالة مكيجتني هي تعرف تخلي مكياج مكياجها زين ومرتب
لبست فستان ماروني سادة مابي لا نقشة ولا تطعيم
الطبقة الاولى ثوب يلطش على الجسم وطبقة ثانية شيفون ينزل من الصدر للكاع واطول من طبقه الأولى
شوية مدلع ومابي أردان بس شيالات رفيعة
الحمد لله وبدون مبالغة طلعت مرتبة بشي بسيط
-هالة شبيج ضايجة ومخنوكة
هالة /ااخ منى شسولفلج وشكلج
أقبال شادة وياية ومشوفتني نجوم الظهر ومن سمعت بيه حامل شدت بالزايد
-أشتكيتها يم رافد
يكول// لخاطري لاتسوين مشاكل
شو اني نازل بس الخميس وارد اصعد الجمعة حتى ٢٤ ساعة ما توصل مدة استراحتي
أني اخلي وأسكت لان أنقهر عليه يجي تعبان من التدريب
- عمة نجمة تموت عليه
والولد حمويني عمر ويونس هواي حبابين ماعدهم اذية ويايه
وعمي بالطبة والطلعة يسألني
شنو تردين وشنو محتاجة
بس هي أقبال شادة وياية راح أطلعلي أكرون
-شكيتها العمة نجمة تكلي// يمة هي عدنا خطار باجر جاية قسمتها وتمشي لبيت رجلها
انتي أبنيتي الباقية وياية
تحمليها لان كاعدة عدنا هفت وكت
-منى شحجيلج حتى ما تستحي
تكلي /شعندج كلساع طابة للحمام من ينزل رافد مجاز
ومره شافت بزندي أثر
جنت لابسة دشداشة نص اردان
جان تكلي/هو أخويه شنو يشوف بيج
وهيجي يشتهيج ويعضعضج
بس كليلي هاي شجاوبها وشحجي وياها فتت كلبي فت بكلشي متدخلة
منى/شوفي اريد اسألج بس أستحي
هو الزواج حلو ؟؟ لان دائما أشوفج بالعافية
تحجين بلهفة وشوگ من تسولفين بطاري رافد
هالة /شوفي منى هسه احنا بعد صرنا كبار مو صغار وما نفتهم ،، اي الزواج حلو ومن تزوجين تكولين حرامات ماتزوجت من جنت أصغر عمر
منى/سولفيلي يعني شلون الزواج حلو
هالة/هههههه هسة اعلمج بس شغلات مال مخطوبين قبل دخلتج أعلمج سوالف أطلع بيها عينج
-اذا انتي تحبين اركان ومرتاحتله أستغلي فترة الخطوبة ،، او أكلج لا تعبين نفسج هو متزوج قبل وصاحب خبرة بالموضوع بس أذا صحتلكم ختله وراد بوسة
لو حظن ميخالف
بس اكثر من هيجي لا تقبلين
لان ما تعرفين شنو ضامتلج الدنيا
منى/عززه شنو بوسة وحظن
هالة/ههههههه كومي نزلي جوه هسه ألتمن النسوان ومن يعقدلكم الشيخ هو يعلمج شنو بوسة وحظن
منى/نزلت جوه وامي تخاف عليه من الحسد لان بيضة
وشعري بي شگار ومحلول
والفستان ماروني وضارب على وجهي
كالت//اليوم يكتلنج النسوان بصواب العين
-ركضت وخلت بيدي فصوص مال ملح
وعود ماتدري طشت بحظني شوية ملح
يعني اليسلم عليه لو يكعد بصفي يشوفه
-الدنيا باردة ثلجت كمت أرجف من البرد
جسمي أحسه صار كزاز من كثر البرودة
-هالة شمرت عليه مشمر شتوي جبير
بس ما يفيد لان باب الهول مفتوح ونسوان تجي عيب نغلقة
ومانكدر نخلي صوبة نخاف على الجهال لا تنجوي
-اجوي كل عمامي واولادهم اللي متواجدين بالديرة ،، وبعدهم يلا وصلوا أهل بغداد
-فريحة دخلت وتهلهل عود هي من جانب العريس
-امي فاطمة أخذت النسوان بالسره
التعرفها والماتعرفها تبوسها
-وجدة صفية كعدت بصفي بكرسي اركان
وكلساع مادة ايدها وتلزم زندي
وتكول /صلوات على محمد
أخيتج مرصرصة جنها تين عجم
وانتي منفشة جنج كيك جاهز
يستاهلون وليداتي هيجي نسوان حلوات
-وره شوية دخل علينا عمي أحمد كال //للنسوان هلهلن قرينا الفاتحة
وهن ما صدكن هلاهلن وصلت لذاك الصوب
-فريحة تهوس هي وخالات اركان بنص الهول
وامي فاطمة مكمشة بيها تخاف عليها
-وره شوية كالوا//سون طريق الشيخ يعقدلهم
دخلوني بغرفة امي وبركعوني بالقماش الجبير
أحس كلبي كام يدك سريع ما اعرف خايفة لو فرحانة لو مرتبكة
فرح/دخل الشيخ ومحمود واركان
وابويه باسم وابويه عادل وعمامي محمد واحمدوامي فاطمة وجدة صفية وامي سهام وأني
-نفس أجراءات العقد مالتي
هنا محمود دنك عليه وشاورني
-فرح من يطلع الشيخ لا تخلين منى وحدها اخذيها وطلعي للهول
-اني لكفت سالفة يريد يخبث على اركان
غمزتله وشاورته //أفتهمت قصدك اني لهم بسيطة
-بعد ما كمل الشيخ العقد وباركلهم وطلع
وطلعوا ابويه وعمامي
بقت بس النسوان
اركان/ما تطلعون بدون مطرود
اريد أشوف مريتي
فرح/مو بعيني اني أساعدك كم أخ عندي
صدك الكل طلع بقيت بس اني وياهم بالغرفة
ساعدت منى وشلت عنها البركع وعدلت شعرها
اركان/شفتها لو أنصدمت بجمالها
انوب لابسة ماروني بنت الجلب ناوية تقضي عليه أحتاريت وين أباوع وعلى شنو أركز
-هسه غير تطلع فارة النضد حتى أشوف دربي //أمشي طلعي فريحة وطبكي الباب وراج
فرح/شبيك صبر
//منى شو كومي ويايه اريد اعدل فستانج بس كامت شاورتها //امشي طلعي ويايه للهول ابويه ما يقبل تبقون وحدكم
منى/من فرح شالت البركع عني
وشفت أركان كلبي طلع من بين ظلوعي
شكله يخبل
شعره أشكر ومزين جديد والكصة حلوة عليه
وعيونه تلمع وتتلاكط عليه جنها عيون الذيب
وشواربه شكره ومحددها
ولابس قاط لونه نيلي طوخ
يمه راح أحسده من كثر الجمال والهيبة
أثوليت بس أباوع بوجه
وهو يطرد بفرح
-من كالتي فرح//أبويه ما يقبل تبقون سويه خفت لا صدك يعصب،،لان من جان يجينا
رافد يشوف هالة ويروح يسويلنا هوسة من يطلع وجان ما يقبل يكعدون وحدهم
-اني بعد شبيدي خليت وطلعت اني وفرح ورحت كعدت بالهول
اركان/هاي شبيها شو ترخصت من عندي وتركتني وحدي بالغرفة وطلعت
-اني ألج فريحة هاي سوالفج تربات محمود بعد
-انوب فشلت شلون اطلع بعد
رجع عليه محمود يضحك
محمود/خوش بوري مو هههههه
اركان/هااا فرحان مووو مردود الك لا تفرح
وهاي فارة النضد مريتك الا أملص اذانها
محمود /هههه هسه أمشي أكعد يم مريتك
ولبسها الذهب حتى نرجع ظلمت الدنيا
اركان /طلعت وكعدت بصفها بالهول
بس مغثوث من عدها
مديت أيد ورا ظهرها بحجة أخليها على الكرسي وذيج الكرصة الزينة شلعت اللحم بصابعي
مروه/اااخ مو كرصة أصابع عبالك جلابتين وشلعت جتفي عيوني دمعت من الألم
أباوع بوجه يضحك بوجهي ويحركلي بحواجبه
-لبسنا الحلقات
وهو لبسني المحبسين
دنكت يلبسني الكلادة شو هذا طالعة عيونه
اني منصية عليه وهو محاوطني بين أيديه شو يلمس بركبتي
شلت راسي يااا هذا وين مركز ولا يخجل عيونه تتلاكط يريد يفترسني
أنوب مايعرف يلبسني التراجي ولطش
وفريحة تعلم بي وهو جذاب بس يبصبص
اركان/صدك بعد ما بيها مجال فرت عليها
وهمزين ما بقت وياية بالغرفة جان جرمت بحالها
-كمت وكفت على حيلي اخذت جكليتة
عضيت نص وخليت نص ثاني بحلكها
هيجي اريد اتحرش بيها
-رحت بوجهي على ابويه
بعد ما باركولي عمامي والموجودين
شاورت أبويه//يابه حدد ويه عمي من هسه
بوجود الجميع الاثنين الجاي الزفة
عادل/شنو تخبلت انت يعني بعد ٥ أيام
اركان/اي يابه شو كلشي جاهز ،،
الغرفة موجودة والذهب لبسته الها
وعقدلنا الشيخ اذا على عقد المحكمة الاحد أخلصه على المسائي علمود اقدم الاجازة
عادل/اكول أستجن شكو طاير
شنو اليركض وراك خلينا أنشوف دربنا
أركان/يابه ابد ما بيها مجال
هي هسه صارت مرتي ترى من اطلع أخذها ويانه
عادل/امري لله الظاهر انت تخبلت رسمي
ولو أعرف شجرالك وشنو سالفتك
حقك صايم وكاتلك العطش ولكيتلك دولكة مي ومتاني بس وكت الفطور
اركان/كمزت وبست راس أبويه
-اااي يابه جبتها بالهدف عجلي بوكت الفطورذاب حني العطش مو بس عطشان
-ابويه ما قصر وخوش سولف وحرج عمي باسم وما نطاه مجال يسولف ،،
عاد تحدد على الخميس الجاي موعد الزفة
شكد ردت الموعد على يوم الاثنين بس عمي قفل الا على يوم الخميس
-سلمنا على الجميع ورجعنا للبيت
واسلام خلصها بس يبجي
وتحوش من كثرة العالم من النسوان والجهال
وانوب يريد يمشي ويلعب ويه الجهال ونخاف عليه لا يتعور
خلص الحلفة بس يبجي ويتنقل بين ايدين خالاتي وامي وفريحة
-بليل ما كدرت أنام شوفت منى تاكل براسي اتكلب يمنى ،،يسرى ،،ما يفيد
روحي كبت عليه تريدلها ولف بهل ليل ومنين أجيبلها
-نزلت اخذت تلفون ابويه ودكيت على عمي باسم حتى ما انتبهت على الوكت بعد ما سلمت عليه كتله//اريد اسأل منى شنو تحتاج علمود العرس
-مذهب الحلو وره شوية ردت عليه شو طلعت نايمة تحاجيني وهي نايمة لا تفتهم عليه ولا أفتهم عليها
دروحي أشعل بليسج
-صبح الصبح واطلع عليهم بحجة أحتياجات العرس والجهاز
-وصلتهم ولكيت عمي بالشغل
بس خالتي سهام والبنات بالبيت
-طلعت بسالفة //خالتي بس تحضروا حتى تمشون ويايه لبيتنا علمود تشوفون الغرفة وتطلعن انتي وامي والبنات تشترن مناك جهاز ما اريد منى تجهز شي من
سهام/يا يمه ما اعرف شكلك بس خابر عمك وانطي علم ،،اذا وافق نمشي وياك ما عدنا شي
اركان/خابرت على عمي
أخذله دقيقه صمت على ارواح الشهداء يلا بعدين كال ميخالف أخذهن
بس يرجعن باجر
-رجعتلهم خبر عمي وافق يرحن ويايه
-منى بس عندي كلمة وياج لوحدنا
خالة اذا ما بيها احراج عليج
بس عندي شغلة خاصة وياها
سهام/يمه هي بعد مريتك أكعد بالديوانية
بين ما نحضر غراضنا حتى نمشي
اركان/بس تعاي من خرررب ببليسج
دخلنا للصالة وقفلت الباب
منى/عززززه ليش قفلت الباب لا تجي امي
اركان/بس أريد أشوف مكان الكرصه
لان كرصتج وتندمت
مروه/ترى وجعتني وهسه يمكن صار مكانها أزرك
اركان/تقربت عليها ولزمت أيدها
لا تخافين شبيج انتي مو مرتي
قربتها عليه ،،خررب حظج هاي ذابت بيدي
منى/صدك لو كالت هالة صاحب خبرة
واني ثولة شو بس بوسني وما أعرف شصار بيه معت بين ايدين وهو أستغل الفرصة حبسني بين جسمه والحايط يعني بس يبتعد عني أوكع بالكاع
اركان/خرررب لشة عمي باسم كتله اريد اعرس الاثنين شمرني على الخميس
منى/ليش تغلط على أبويه
اركان/لان راضي بشلة حالي
يعني عاجبه هيجي وضعنا
اطلعي كدامي عيب من خالتي
منى/كلبي يمه كلبي صار يرجف
يارب عقلني ما اريد أفشل نفسي واكوله بوسني مره ثانية
اركان/اخذت خالتي والبنات ورجعت لبيتنا
امي تفاجأت بس ماكدرت تحجت شي
رحت على جدة صفية جبت من عدها فلوس
دين على الراتب
ورجعت أنطيتهن لامي كتلها//جهزيلها ملابس والشغلات التحتاجهن ما اريد تشتري شغلات مناك
-طلعن الظهر امي وخالة سهام ومنى وفريحة
وما رجعن الا لليل
لليل كل احنا أنجمعنا على العشه بهذيج اللمة الحلوة والسوالف والضحك والشقه
-ومذهب الحلو أني أريد بس أصيدها
وهي تتهزم من عندي
بعد ما الكل نام نزلت ساعة فوك ال ٢
البيت أظلم ،، دخلت بهدوء للهول
ندستها ،، كعدت مطفية ،، أشرتلها أششش وتعاي ورايه
طلعت وصعدت فوك
باوعتلها من محجل الدرج
طلعت من الهول تتلفت ما تشوفني
همستلها// أصعدي فوك
هي بس صعدت شحطتها ودخلتها للغرفة وقفلت الباب
منى/عزززززة ،، عزززة بعيني
اركان فدوة أفتح الباب أمي هسه تبتلي بيه
اركان/بس تعاي مو جدي طلع من كبره
بالمختصر جرمت بحالها بس كلشي مخفي ماكو أثر ظاهر ،، طلعت بيها القهر مال السنين العجاف
وهي تبجي وتتوسل ودفع بيه
بس اني طافي لا اسمع ولا أرى ولا اتكلم
منى/أنكلب وحش لا اكدر أوخره عني
ولا أكدر ادفعه بكل الطرق ردت بس أخلص روحي من عنده ما كدرت
شبعت بجي لان نزعني هدومي وشبعني بوس وعض ولمسات خشنة فرفحت روحي
أركان /يالمخبلة لا تبجين لو تعرفين شكثر
روحي فايرة عليج جان عذرتيني،،ترى بالكوة سيطرت على نفسي وما أخذتج هسه
أضم هاي السالفة للدخلة لان يدورون ورانا البياض ،،كومي لبسي ونزلي لو أتندم هسه وأدمر أحوالج
منى/كتلني الخوف من عنده وحش مو بشر
وكتلني الخجل من نظراته الجريئة
وحركاته وتصرفاته مال شخص صاحب خبرة لان متزوج من قبل
-لبست هدومي وكاتلني الرجيف والخوف
نزلت اركض ما صدكت خلصت من عنده
اني شورطني وقبلت بي
طيح الله حظج هالة أنوب تكول الزواج حلو
-ابد ما نمت هلكثر ما خايفة ومتندمة
بس طر الفجر كمت حظرت غراضنا
وكعدت امي كتلها// هسه نروح لبيتنا
-عاد كعدت فرح //صباح الخير شعدجن رايحات من الفجر
سهام/يمه ابوج وحده بالبيت خطية
فرح/بس خلي اكعد ابويه عادل يوصلكم
منى/فرح كملت الريوك وكعد عمي عادل
تريكوا بس أمي والبنات
اني ما اكلت خايفة وعيني على الدرج لا ينزل
انوب اخذني الهم والتفكير والخوف من باجر اااخ يأركان شضاملي ليوم العرس
عمي عادل رجعنا للبيتنا
-من صار يوم الاثنين اجه علينا بس ما طلعت عليه
ابويه كال//يلا كومي بدلي لحتى تعقدون محكمة على المسائي،،علمود يلحك الرجال يقدم إجازة الزواج
-بدلت شلون ما جان
وراحوا ويانه امي وابويه
وهو كمل كل المعاملة
بس ابد ما سلمت عليه ولا باوعت بوجه
اركان/أستغربت هاي ليش هيجي ما تريد تشوفني ،، انوب حتى سلام ما سلمت عليه
-كملت اجراءات عقد المحكمة
بقى بس تصديق العقد على باجر
رجعتهم للبيت واني رجعت لبيتنا
-الاربعاء سويت حفلة الحنة بالشارع
والعشه على العرس
-ثاني يوم ضرغام صديقي النقيب
انطاني سيارته مظللة زروقناها للزفة
واخذت كوستر وحدة فارغة هناك لاهلنا للي يحب يجي
والسيارات الطلعت ويانه بالزفة من الاصدقاء والمعارف
فرح/اركان افندي مرتاح والهوسة وكعت براسي وبراس امي نركض ومانلحك
خلف الله على جدة صفية وخالاتهم
يركضن ويانه
-بيوم الحنة امي عزمت بس نسوان الشارع
وبالعرس قليل من النسوان راحن ويانه للزفة
منى/بيوم الاربعاء حفلة الحنة ما رحت للصالون ،، اكو مراه تعرفها عمه شمس
حفافة وتعرف بسوالف الصالون
خطية أجتني للبيت رتبتني ومكيجتني
حتى أجرها قليل ما اخذت هواي
والحفلة سويانها بيناتنا ،، هن بس النسوان كرايبنا عشيرة
-بليل عمه شمس وعمه هناء حجن ويايه
اني أفتهمت شوية من الموضوع بيوم اني ثولة صعدت للغرفة من صاحني
بس اليوم شرحلي بطريقة مفصلة
-شكد خفت من باجر هذا وحش مو بشر
حتى حبي اله نسيته وبقت افكر بخوف من باجر
-عمة عفية يصير أبطل وما اتزوج!؟
شمس/كولي يالله
شنو صرتيلي فرح الثانية بيوم حنتها من مخلد من حجينا وياها تخبلت علينا
وتصيح ما اريد أتزوج
أنجبي وسكتي لا أسويلنا سالفة بهل ليل
منى/سكتت لان ما بيدي شي اسوي
بيوم العرس عمه هناء اخذتني للصالون
نفس كل عروس البدلة والمكياج والتسريحة
كلشي بجفة وتفكيري بليل بجفة
اركان مخبل هلمرة يفترسني وما يرحمني
-رجعنا للبيت
وحتى ما تغديت من الخوف
سمعت اجتي الزفة لو جسمي صار ينفض من الخوف اريد بس أسيطر على روحي الرجيف موتني
الموجودين أنتبهوا على طكت سنوني وعبالهم ارجف من البرد
اركان/يالله الصبر ،، شطالعة بنت الجلب
-كعدت بصفها باوعت عليها تريد تبجي
وترجف حتى ما باوعت بوجهي
-شويه وكومها أبويه
بعد ما لفنها البنات وسترنها
جماعتنا كلهم واكفين بره
-سلمت على عمي باسم وعمامي الباقين
اخذتها وطلعت صعدتها بالسيارة
حسيتها راح تتخربط من كثر ما ترجف
-بين ما صعد الكل بالسيارات وهوسة الزفة
حركت سيارتي
-ماروكو وخري البركع السيارة مظللة محد يشوفج غيري
-وخرته بس عن وجها وأشوفها تبجي
-ليش البجي
منى/خايفة ،، وشهكت بصوت عالي
اركان /ابويه انتي منين تخافين
منى/خايفة منك
بداعت أسلام مو تأذيني نفس هذاك اليوم هواية خايفة رجعني لاهلي حباب بطلت ما اتزوج
اركان/لااا بعد ماكو رجعة
لا تخافين ،، و هذاك اليوم جنت مشتاقلج وروِحي فارت عليج وما سيطرت على نفسي لا تخافين كولي يا الله
منى/كل ما اشوف أثر العض بجسمي أخاف هذاك اليوم وهيجي أفترستني اليوم شراح تسوي بيه
اركان /ما اسوي شي لا تخافين وأطمئني وأخليج على راحتج
-واني بكلبي أكول جذب بس خلي اوصل اني أعرف شلون أقنعج
منى/دخت ونثولت من الهوسة
وصوت الهورنات وصياح الشباب
وهلاهل النسوان وصريخ الجهال
-وصلنا لبيت عمي عادل دخلوني جوة كعدوني بالديوانية
واركان طلع يم الزلم بره
وره شوية صعدني هالة وفرح لغرفتي التعب يقرأ عندي الف
هالة /منى لا تخافين ولا تبقين تبجين
ترى يتنرفز منج ويأذيج نفس ما رافد أذاني
صير مطيعة تخلص سالفة بسرعة
فرح/حجي هالة صح بس اهدي ولا تصدينه
واتذكري كلامي هلكثر ما سالفة راح تعجبج
تكومين انتي تشحطينه شلون ما اني هسه أشحط مجرم روحي
منى/شو طالعة عيونجن بنات امي
فرح/اكيد تطلع عيوننا
وحده تربات محمود ،،وحده تربات رافد
منى/شوية بقن البنات يمي هديت
لحد ما زفوا اركان وصعد للغرفة
خرطت العافية سنوني صكت من الخوف
اركان/هاي شبيج خايفة ؟؟
اروح أطلع بره الغرفة انام بغرفة محمود الثانية وانتي تبقين هنا وحدج ترتاحين!؟
مروه/لا لا ميصير
بس اصبر عليه شوية لان خايفة ومرتبكة
أركان /لا تخافين ،،
اكول هاج هذا شريط العلاج هسه أشربي حباية وحده وبعد يومية تشربين وحده
وقبل لا يخلص الشريط كوليلي اجيبلج جديد وممنوع تكولين لاي شخص عليه يبقى الحجي بيناتنا
-ومن هسه أكلج ماروكو أتخبل من المراه صوتها عالي تسولفين بهدوء وممنوع تعلين صوتج
-وكلمتي وحده وماتصير أثنين
من اكول اي بالعافية عليج
من اكول لا لاتناقشيني بعد
-الحجي اليصير بيناتنا بهاي الغرفة خاص ممنوع يطلع بره هاي الباب
-محمود أخوج ،،وابويه ابوج ،،وأمي أمج وفريحه هي بعد أخيتج ،،
-تبقى رفل زوجة محمود الثانيه ممننوع توصلين حدها تاذيج تجين تشكيلي واني اتصرف وياها
-واسلام ما اريد أوصيج بعد عليه
وأتمنى أنتي أداري من ذاتج
خطية يتيم والج أجر برعايته
ترى هو فقير ويتألف بسرعة علمي عليج
-هسه تبدلين لو تبقين كاضيتها صافنة بوجهي ادري بروحي حلو
منى/لا مو علمود فد شي بس تعال أفتحلي السحاب وعادي تساعدني اطلع الماشات
اركان /وماكو أحلى من هذا الشي
تعاي اطلعلج الماشات
-بقيت أسولف وياها واحنه نطلع الماشات
مخليه بشعرها ماشات يمكن بعدد سكان البرازيل انطلع وبعدهن نزل كل شعرها مبرمن
-هاي فرصتي ما احب أطول بالسوالف ولازم أذب حلها البزونة من اول ساعة
بس فتحت الها سحاب البدلة قشمرت عليها
-بس مشكتلها فقيرة
مو مثل ألمرحومة جريئة ووكحة الله يرحمها
منى/صدك طبعه يختلف عن ذاك اليوم
صار شكثر حباب ويسولف حلو
ويسوي الموضوع كله بحجة الشقى والضحك
واني احبه واموت عليه سلمته روحي تراب
بس شويه تأذيت أبتعد عني
أركان/أكول ماركو حبابة بس أخير بوسة
حتى انزل أصيحلج أمي
ويصعدولنا العشه ترى ميت جوع من الريوك
منى /لبست دشداشة وردية حلوة ومستورة
وشلت شعري صار صوف مندوف
ومسحت المكياج بكلينكس مرطب
وهو لبس دشداشتة البيضة ونزل
-صعدت فرح وانوب هالة
وامي سهام وامي فاطمة
وفريحة صايرة خفيفة تصفك وتهوس
أنطيت البياض بيد أمي سهام
وامي فاطمة هلهلت
وهالة وفرح كامن يركصن هجع
فرح/من زفوا أركان حضرتلهم العشه
محمود راح جابلهم مشواي ومقبلات وحلويات وشرابت من بره
صعدته الهم
-هااا منى شلونج ،،غمزتلها
منى/امشي ولي طالعة عينج
حبابة بس أريد أنزل للحمام وأستحي هواية متحاصرة حبابة دبريني
فرح /لا عليش تستحين حضريلج هدوم حتى فرد نوب تغسلين وتصعدين وغرفتكم صلوات دافية تعشوا
ولفي راسج ونامي أرتاحي
-عمامي همه ونسوانهم وجهالهم باتوا عدنا البيت أنملى بيهم صلوات ،،
امي وخواتي نومتهن يمي
شته وباردة الفراش يادوب كفى
-ما صدكت خليت راسي على المخدة ذبحني التعب ومن كثر ما تعبت أحس الجاهل مابي حركة،،بس خليت راسي نمت
منى/نزلتني فريحة ليجوة
نسوان عمامي كلهن باركلي
والموجودين من عمامي يباركون اليه ولاركان بعدها أستخدمت الحمام
وغسلت بسرعة وصعدت
لكيت أركان صاعد كبلي ،، تعشينا سويه أخجل من عنده
بس هو لا ما عنده خجل
يسولف ويشاقيني ويضحكني
بقينا للفجر كاعدين عيونه متاخذ نوم
فرح/كعدت من الصبح
كعدت ويايه امي وفاطمة ومريم يساعدني جهزنا الريوك للكل
ميتة من التعب بس عيب أبقى نايمة لان جميع اهلنا يرجعون للديرة
-للساعة ب ١١ الضحى الجميع مشى ورجعوا لبيوتهم،،حتى أمي وخواتي راحن ويه عمامي
وشكو بيه حيل ويايه امي فاطمه ومحمود كشينا البيت
-دكت الباب طلع محمود أسمعه
يسلم وهاي صوت نسوان
دخلن للديوانيه واني امي بعدنه بالمطبخ وأسمع صوت رفل ورايه تسلم .......
شكرا لزيارتكم عالم روايات سكيرهوم
