رواية ارحموني ولو رحمة مرة الفصل الخامس والعشرون بقلم فراقد حسن علي
-(أصحاب القلوب الضعيفة خصوصاً /
ومحبي أركان عموماً
نصيحة: لا تتابعون هالحلقة 😖
تتذكرون يوم كتبت : ادعوا لأركان؟
هاي ثاني مصيبة تمر عليه )
فرح/دكت الباب طلع محمود أسمعه يسلم وأسمع صوت نسوان دخلن للديوانية
-واني امي بعدنا بالمطبخ
هي هسه بدت تطبخ الغده
واني واكفة أحضر بصينية ريوك ألعرسان
-واني امي بعدنا بالمطبخ
هي هسه بدت تطبخ الغده
واني واكفة أحضر بصينية ريوك ألعرسان
-وأسمع صوت رفل ورايه تسلم
يمه كلبي خمطني من سمعت صوتها
-وأستغربت جيتها ،،أمي وأبويه
راحوا قبل يوم ألحنة يرجعوها
وماقبلت تجي وياهم ،،
-كالتلهم /بعدها نفسيتي تعبانة
ومو سهلة عليه أشوف محمود كبالي كاعد ومرتاح وهو سبب خسارتي وفقدان ابني
الجنت أحلم بشوفته
شكد متوسلين بيها ترجع وياهم بس هي مقفلة ومقابلة تجي
-وأمها تكول /مو سهله علينه نحضر العرس اركان شدعواه مستعجل على العرس وبنتي صارلها بس سنتين من توفت
-سمعت خطوات على الدرج طفرت
نزلوا منى و أركان ربي يسعدهم
شحلاتهم أثنينهم شكران على كولت محمود (زنابير صفر ) ولابسين ابيض
اركان لابس دشداشة بيضة
ومنى لابسه كلبية الصباحية البيضة مال عرايس
-كلووووووش ،
هلهلت ،،وكمزت ،،وهوست
فرحانة بيهم
وامي فاطمة هم هلهلت لنزلتهم سويه
منى/للفجر يلا نمنا عيوننا ما اخذت نوم
واركان كلساع متذكر سالفة ويضحكني ميخليني انام ،، أحس نفسي بس غفيت
فزيت على بوساته بركبتي
-صباح الخير حباب نعسانة
أركان/صباح الأنوار
وشروق الشمس البيضة النايمة بغرفتي
-شو تعاي ولج فاير من الليل بس خايف عليج
منى/حباب نعسانة
عزززة وخر ،، يااااا اركان بس انطيني مجال شكثر حنين وحباب
ويسولف حلو ويقشمر عليه
صح شوية اتأذة بس هو يعاملني بكل حنية
وانوب صدك لو كالوا طاكة الجفاف كلساع يأخذ جولة إضافية //عيوني عيب من ألاهل خل ننزل جوه صارت الدنيا ظهر
اركان/شنو العيب ،مرتي وحلالي
وعرسان،، وطاكني الجفاف
وين العيب بالموضوع
بس الصراحة جوعان فووول معدتي صارت بيها خسفة
اركان/لا لبسي الدشداشة البيضة
وجيبلي وياج دشداشتي واذا تلبسيني تسوين عليه فضل لان تعبان ونعسان وجوعان
منى/بدلت ،،وخليت كحل وحمرة وردية
لميت شعري بقراصة من فوك سويته ذيل حصان نزل على ظهري
اركان/لا يصيبونج بعين ظفري لو تلفي طوبة
منى /منو قابل موجود ويحسدني
-نزلنا جوه وتلكتنا فريحة تهلهل وتهوس
وانوب أمي فاطمة اتلكتنا تهلهل
عاد كالت //رفل وامها بالديوانية تعالوا هنا
-نن دخلنا سلمن علينا وباركن
وام علاء بوست أركان وباركتله
تكله/يوم الله يرزقك بأخو لاسلام وتخاوي
أركان /فرح بعد أخوج ريوك
جيبي هنا خلي عمتي تتريك ويانه
فرح/جبتلهم صينية الريوك
وتوسلنه ب أم علاء ورفل
ما قبلن ياكلن ويه العرسان
محمود شاركهم ،،واني هم كعدت وياهم
-أم علاء فتحت علب الحلويات
وحده بيها بقلاوة وزلابية
والثانية بيها حلقوم ومن السما
وكالت الرفل //كومي وزعي على أهلج
حلاوة عرس أخوج
-محمود أخذ بقلاوة وزلابية وبسرعة اكلهن
وأركان أخذ بس بقلاوة واكلها
واني ومنى أخذنه بس زلابية
-أم علاء فتحت العلبة الثانية
كالت /تاخذون بس من أيد رفل ومتاخذون من ايدي !!
العلبة البيدها بيها حلقوم ومن السما
هي اخذت وحده واكلتها
وأنوب شمرت حلقومة على أركان هم أكلها
وشمرت وحده على منى بقت بيدها
أخذها منها أسلام واكلها
وأني ومحمود شمرت علينا من السما
وانطت العلبة لامي فاطمة
-وأنطت النزلة لمنى وتعتذر عن التقصير
لان الجناين ماكدرن يجن عدهم ترميم وبناء
يعزلون مشتملات للجناين
وهذيج الكعدة الحلوة والشقى والضحك
-جلبنا بيها على الغده ما قبلت تبقى
عاد محمود وصلها بسيارته
كتلها /انتي وفرح وحد اني ما أدخل بيناتجن
-بقت كاعدة يمي وتسولف على جناينهم
وجهال أخوتها وهوستهم
وراح يقسمون بيتهم مشتملات
علمود تخف المشاكل
هي تسولف اني كمت اعدل بغرفتي و أرتبتها
هي كالت /يومية غيري فرشة الجرباية
تطلع غرفتج يومية بشكل جديد
واذا تحبين ابدي من هدية امي
-اني هم أستحيت أفشلها فتحت الجنطة
وهي ساعدتني وفرشت النزلة على الجرباية
بيها ٦ قطع /
وجه للمندر ،، ووجهين للمخاد
وجرجف خفيف صيفي
ولحاف جبير ديباج
ووجه للكوشة الصغيرة
تصميمها كلش حلو ، ونقشتها تجنن
-دخل أركان جان يسبح جوه
هي ترخصت وراحت لغرفتها
من صدك تعبانيين ونعسانيين
بس خلينا روسنا على المخاد رجعنا نمنا وهذيج غطة النوم وللمغرب يلا كعدنا ...
فرح/امي رجعت كملت الغده
واني ماعندي شي ردت أطب أسبح
نزلت رفل من فوك ورافعة جفوف ايدها ليفوك يعني شلون الواحد أيديه وسخة وميريد يطخ ملابسه لحتى لا تتوسخ
نزلت تريد تغسل على المغسلة
-شافتني بيدي هدومي وأريد ادخل للحمام
وكفت هي بصف المغسلة تريد تغسل
كالتلي//الطفل تحسين بحركته ؟؟
وما شاء الله هواي سمنانة
وبطنج جبيرة شكد الج هسه ؟؟
جاوبتها //اي الحمد لله أحس بحركتها اخذت سونار وبيه بنية
ودكتورة اللي برعاية كالت دخلتي بشهر السادس ،، وهذا السمن لان هواي اكل
وامي فاطمة تكول ام البنية تسمن وتنفش
كالتلي/ميخالف ألزم بطنج واحس بحركة الطفل ،،بسلامة هاي الطفلة باجر هم تصير بنتي
-الصدك أنقهرت عليها
وكلت بكلبي خطية هيجي تكول لان فقدت أبنها ،، وشنو يعني عادي واذا لزمت بطني
// اي عادي لزميها
-هي فاتحة بوري المي بس ما غسلت
بقت تسولف وياية ،، من كالتلي// عادي الزم بطنج دخلت ايدها جوة المي
واني رديتلها جواب موافقة
بسرعة لزمت بطني وأيديها ناكعة بالمي
وبقت تتلمس بطني وصدك كل ماتحركها
الطفلة تتحرك جوه ايدها
-كامت تبجي !!!!!
شكد أنقهرت عليها لان بجت
مهما يكون تبقى بنية وتريد تصير أم
تركتني وراحت تركض صعدت فوك وتبجي
بشهكة وقهر
-أني دخلت للحمام سبحت وطلعت
امي كالت /ابوج أجه وكاعد بالهول
ورجلج بغرفتج
بس لمي شعرج بساع
وصعدي صيحي العرسان حتى نتغده سويه
وبدربج دكي الباب على رفل وكسرن الشر
-اني هم سويت نفس ما كالت امي
لميت شعري شلون ما جان ما مشطت لان بس ابويه يلكي شعراية بالاكل يعوف النعمة ويكوم تجز روحه خطية
-صعدت دكيت باب غرفة اركان
ماكو جواب أستحيت ألح تركتهم براحتهم
دكيت الباب على غرفة رفل طلعتلي
كتلها/ تعاي أتغدي امي صبت النعمة
كالت /هسة أجيت وراج
-كعدنا على النعمة بالعافية
وهي رفل نزلت وسلمت على أبويه
وهو كيف بجيتها وكعدها بصفه
بس اسلام ما قبل ياكل خلصها يبجي ومتنحس و يون ما نعرف شبي
-غفينا شويه الظهر
وكعدت نفس يومية اخدر الجاي
وياه كعك لو كليجة لو كيك هل موجود
واذا ماكو هذن الشغلات أكسب خبزة على الصوبة واكل وياها خاثرة
-أسلام تخبل بس يبجي
امي كالت//منظور قرت عليه قران وهو تصركع بالزايد
لصلاة المغرب أحتار بي أبويه ومحمود طلعوه بره
أشتروله يفترون بي هنا وهناك
وهو بس يبجي وابد مايسكت
امي شعلت التلفزيون وخلته على قناة القران
وهو استغفر الله تخبل الا تطفون التلفزيون
وانوب يشمر بنفسه بالكاع واحنا ماصدكنا
صار زين والطبيب شال الصبابة مالته
عاد كمت وطفيت التلفزيون
منى/فزيت وكت المغرب
سمعت أسلام يبجي ويصرخ
-كعدت أركان //عيوني شو صحصح الوكت مغرب
اركان/شبببببببج متشوووووفين بشر ناااايم
ومخمووووووود ووووولي من خلقتي وممنوع تكعديني بعد
منى /يمه هذا صاير نار خليت وطفرت خفت لا يضربني ،، وأنقهرت لان صيح عليه
-بدلت ونزلت جوه ،،وأشوف أسلام
صاير خركه من البجي من أيد لايد
عاد محمود شربه (ببي كالم )
مهدى يستخدموه للاطفال
-بقيت كاعدة ويه أمي فاطمة وفرح جوه
فاطمة/يمه مناوي اعذريني الظروف مو شي
وهاي هدية بياضج حجل صياغة خليجي
وكون يوم أشيل وليدج بحضني
منى /مشكورة يمه ربي ينطيج العافية
-نزلت رفل وشافتني ألبس بالحجل
كالت/خالة لعد أني ليش ما نطتيني حجل
فاطمة /يمه كلجن عزيزات عليه
جانن عندي ٤ بتوت بياض عرسي
هدتلياهن امي
ومن أعتاز عمج كتله// بس هذني اعتز بيهن وما ابيعهن
وهل أنطيت ٢ الج و ٢ للمرحومة
وفرح أنطيتها الكردان هم هدتلياه أمي من نزلت بهذا البيت
ومناوي هل أنطيتها هذا الحجل
جابلياه عمج هدية من أشترينا ذهب عرسجن
فرح/اباوع على اسلام هو نايم يتفزز
مانام الا بعد ما شربه محمود دوه مهدى صدك هذا الطفل منظور
-اركان مانزل يتعشى بقى نايم
احنا كلنا تعشينا
بس أحس أكو خنكة بالجو
والبيت مخنوك
-لليل رحت الغرفتي
محمود بعده ما يحاجي رفل
أجه وتمدد بصفي تقربلي بوسة على حظنة
شو تعب وانكطع نفسه خلى وأبتعد عني
ماكدر يكمل علاقتنا الزوجة
من كثر ماتعب واختنك طفرت وجبتله مي شرب ولبس هدومه ترك الغرفة وطلع
-ياااا محمود شجاه بس لا هذا العلاج الازرك الجان ياخذه مال وجع السنون أثر عليه !!!
-رجع للغرفة مغسل بمي بارد
نام بتعب كأنما صارله سنين يركض
وهيجي مكطوع نفسه
-فزينا على صريخ منى كسر الدنيا
طفرنا اني ومحمود ،،
وابويه وامي ركضوا كدامنا على الدرج
واسلام بقى بغرفة امي أخترع
وصوت صريخه كلب الدنيا
منى /خلصت العشه ويه الاهل جوه
شربنا الجاي ويه سوالف أبويه وامي الحلوة
والهول دافي مشعولة الصوبة الواحد بس يعجبه يكعد
-بعدها صعدت فوك لغرفتي
بعد ما مسيت على الجميع
دخلت و قفلت الباب
وبدلت ملابسي شي خفيف
وشربت الحباية شو اركان ما كالي مال شنو !؟
دخلت جوه الغطه بردت
-سحبني أركان عليه
بس مو هذاك اركان الجان ويايه الصبح. لا تحول وحش
شكو عض ،، تخرمش ،، اتفال ،، أهانة ،، مسبة ،، غلط ،، فشار
لعب بيه طوبة
كلها بجفة والضرب بجفة أيده ثكيلة وضربته تفلش عظمي
-مو دقايق مرت لا مرت عليه سنين
شبعت بجي هواي توجعت
من أدفعه وأقاومه يزيد عليه بالضرب
بس أرتاح تفل عليه وابتعد عني
طفرت اريد أدور على دشداشتي وين صارت
اريد أنهزم واختل جوه بغرفة امي
وأنهزم من ظلمه
كمت مابيه حيل اشيل روحي ارجف من الخوف
انوب من الراشديات والضرب أنثولت اريد اندل دربي وين ما اشوف
-سألني/ شدورين
كتله/دشداشتي أريد أنزل للحمام
كالي/ها تردين تنهزمين من عندي شو تعاي
رجع عليه ابد مو علاقة زوجية
تعذيب ،، أغتصاب ،، أهانة ،، ذل
كل هاي الكلمات قليلة بحق معاملته اليه
شبعني ضرب وعض ومسبة وأهانة
جسمي تكسر من الضرب
والعض ما ينذكر يعضني بكل قوته
تفرفح روحي وما يتركني
ويتقربلي بعنف وأذية
حسيت نفسي تملخت من الداخل
مرعدني تمرعد ،، وبعد ما بيه حيل أقاوم
من ارتاح تركني رجع تفل عليه وابتعد من عندي
راح كعد على طفر الجرباية
ونزل راسه للكاع ويجز على سنونه
الألم الداخلي موتني أريد بس أنزل للحمام
-لبست دشداشتي وردت أطلع
وهو طفر وجلب بيه من شعري
يخمط خصلة من أيده هاي ويشمرها ويرجع ويخمط بيده الثانية
-شكد تحملت وسكتت لان كلت عيب اطلع صوتي،،بس من ملش شعري
شكو عندي صوت طلعته وكمت أصرخ
فرح/ابويه كسر الباب بالدك ومحد يفتحها
وامي تصرخ على اركان// بس افتحوا الباب شعدكم وشبيكم
محمود يصيح // راح أكسر الباب
منى/أسمع الدك والصياح بس ما اكدر اوصل للباب ،، شبعني دفرات وكفخات ويملش بشعري
-طفرت بشكو باقي عندي قوة
وفتحت بس المفتاح مالحكت الزم اليدة وافتح الباب
وهو نام بشعري من وره
لف شعري على ذراعه وشحطني
-مفتوووح الباب ألحكلي محموووووود
فرح/بس سمعنا مفتوح الباب
ابويه فتح الكيلون وكل أحنا دخلنا جوه للغرفة
يمه اخيتي سودة عليه أركان أمرعدها تمرعد ،، حالتها تبجي الكافر
-ابويه ومحمود يردون بس يفكوها من أيده ما يكدرون
امي تسحبها من جوه أيده ما تكدرله
وهو مصنكر عليها ولاف شعرها على ذراعه
-محمود ضربه بوكس على وجه
وهو ترك منى ورجع على محمود
وشكو بيهم حيل واحد يردم الثاني
استغفر الله تكول تحول دمهم دم خنازير مو دم أخوه
-اني وامي نسحب بمحمود
وابويه يسحب باركان
دمايتهم غدت طشار ،،
-منى بعد أنهزمت جوه بس ترك شعرها
-ورفل واكفة مصكوكة باب الغرفة
تبجي و تتفرج علينا ....
-بالشافعات فازعناهم
ابويه دفع محمود ونزله جوه
وامي نزلت تركض وراه
سوده عليه صوتها راح تصرخ وتبجي
خايفة عليهم
عادل /شبيك أنكلبت خنزير على مرتك
وعلى أخوك
أركان/بنت الجلب أتوسل بيها ما تنطيني حقي اني بعد ليش مزوج خو أروح للك... وأونس نفسي ،، تتعزز عليه بنت المطي ،،
مو أركان اليتوسل بمراه
من باجر اطلكها وتولي لبيت أهلها
عادل/تحترم نفسك وتاكل تبن لو أخلي شحاطة بحلكك شنو اطلكها
شنو تروح لبيت اهلها
اعدمك بس تعيد هذا الخريط
أتصير أدمي لو ألزمك الباب مو شخت علينا أركان أفندي
فرح/هذا شبي اركان أول تالي يتلاسن ويه ابوية
انوب خلى أيده بظهري ودفعني بقوة
وطلعني بره غرفته
-نزلت على منى خاتلة بغرفة امي
ومحمود واكف يضمد بوجه على مرايا المغسلة
واسلام صاير وصلتين من البجي
وامي تروح على منى وترجع على محمود
ابويه نزل ورايه وكال لامي//تصعد تشوف اركان خشمه ميوكف من النزف
-كعدت يم منى وهي بس تون وتبجي
//كومي ويايه الغرفتي ابدل هاي دشداشتج مليوصة
-دخلتها لغرفتي وقفلت الباب علينا
//منى ليش متقبلين أركان يتقربلج
منى /ما صدكت خلصوني ركضت نزلت جوه
وختلت بغرفة امي وقفلت الباب عليه
وره شوية الا هي دكت الباب وكالت// اني امج فتحيها يلا فتحت الها الباب
انوب فرح تلومني ليش ما اقبل اركان يتقربلي//هاج شوفي الدم شلون ينزل عليه
ولج تقربلي مرتين بخبال ملخني تملخ
هاج شوفي جسمي شسوه بيه
نزعت دشداشتي كدامها وبقيت بس بسيت النوم الما باقي شي من عنده
حتى تصدك وتشوف شسوه بيه
فرح/يمه عزا العزاج هاي ليش هيجي
شبي ،، شجاه شنو صاير جلب
- انصدمت من شفت جسمها مليان عض
وخراميش وكدمات حتى اذانها معضوضة
ومبين معنفها خطية نازل عليها دم بس مو نزف
-رحت طلعتلها هدوم كاملة من عندي
وطلعتلها غسولات نسائية يجبهن اليه محمود
وصابونة معقمة وديتول
-سودة عليه حالتها تبجي اليهودي
دخلت وياها للحمام متكدر تمشي لو تتحرك من ينزل المي على جسمها تعيط وتبجي متفرفحة روحها من الألم
مسحت جسمها بالديتول
وساعدتها تلبس هدومها
-وأحنا بالحمام نسمع صوت أركان يصيح
// الكح..... وينج اليوم أعدمج
اليوم أدفنج بالحياة
-وصوت ابويه يتعارك وياه
وصوت محمود يتهدد عليه
وامي تبجي وتهدي بيهم
بس سمعنا صوته ابتعد يمكن صعد فوك
-طلعنا من الحمام و ختلنا بغرفتي
وقفلت علينا الباب
-محد نام للصبح ،،ليلة الكشرة مرت علينا
-للفجر يا دوب غفيت
فزيت على صوت امي تسكت بااسلام
مفرفح من البجي
-ياااا شو اريد أكوم ما عندي قوة !!!
جسمي مكسر تكسر
وتعبانة عبالك حاصدة موسم حنطة كامل بالكوة كمت ما اكدر اتحرك ياااا شجاني !!!
-طلعت من غرفتي واشوف امي شايله اسلام وتفتر بي
تفاجأت يااا شو امي تصرخ عليه وترزل بيه
هاي اول مرة امي هيجي تعيط بوجهي !!
ما زعلت منها
لان حقها الصار بليل مو قليل
واسلام طلع روحها بس يبجي
-رحت على محمود مجطول بالهول على القنفة وجهه مورم كال//اخذت إجازة من الدوام استحي اطلع وهيجع وجهي مكدم
-كمت سويت الريوك بالكوة
أسحل بروحي سحل
رفل اخذت اسلام وياها فوك لحتى تسكته
منى سودة علية بقت نايمة بغرفتي حتى ما قبلت لا تاكل ولا تشرب
محمود بقى مجطول بالهول راسه يوجعه ودايخ من الضرب
-امي اخذت سجادتها وكعدت تصلي
وتقره قران وهو حتى وكت اذان الظهر بعد ما حاكم
-اني بهل القوة البقت عندي نظفت بس المطبخ ورجعت الغرفتي مددت
-سودة عليه ابويه رجع الظهر من الشغل
ماكو غده ،، حررتله الموجود عدنا
خطية اكل وماحجى شي
-للعصر لا قبل الغروب بشوية
مجموعين بالهول وكاعدين يم الصوبة
كتلنا الجوع طلعت شعدنا ريوكات
وكعدنا نشرب جاي وناكل هل قاسمة الله
-دخل أركان من بره بدون لا سلام ولا كلام
عبالنا صعد فوك،،وما نسمع بس صريخ منى
منى/مجطولة من البارحة بليل بغرفة فرح جسمي يوجعني
ومالي خلك ولا بيه حيل اتحرك
حتى ما أكلت نفسي مسدودة
-ردت اروح لأهلي عمي عادل ما رضا
يكول /الناس ما تخليج بحالج شنو معناها رجعتج هسة لاهلج ان رجلج دخل عليج ولكاج مو بنية وهل عجنج وردج عليهم وبدون سبب تثبت عليج الحجاية
وتصيرين ونصير عار بعيون الناس
بعد هذا الحجي شريد اكول وشريد احجي كعدت وسكتت
-راسي يوجعني حتى ما اكدر اكعد
ومجطولة بالكاع انفتحت عليه الباب عبالي فرح لو أمي فاطمة
وما اشوف غير أركان دخل عليه بسرعة وصاك على سنونه وقفل الباب
هجم عليه عصر فجوجي بيده
يكول//اي بعد كح......ولافيه عند كح.....
تدرين اختج وحده ساقطة محمود لعب بيها طنب من هي صغيرة وخلف الله على ابويه نهى عليها وسترها لحتى ما تنذبح
وبعد الله اعلم شلعبت ويه مخلد لان مفتوحة ما تنعرف ونامت براس محمود الاغم
-يااا الكح...تعرفين كم مره دخلت عليه اختج للغرفة واني معرين ،،ادري بيها تتمناني لان أبيض واشكر ورجلها أجلح املح
بس اني ما انطيها مجال
انتن كلجن كح.... وتورطنا بيجن
منى//من تفليش البارحة مابيه أشيل ايدي وهو مخبل ابد مو صاحي و فد قوي
ملخ هدومي عليه ،، وملخني تملخ
تقربلي بكل قسوة و عنف
يصيح//هيجي المفروض الواحد يعاملجن اني متأذية وهسه تقربلي بوحشية
صرخت صريخ وكعت جدران البيت
فرح/من سمعنا صريخ منى طفرنا كل احنا باب الغرفة مقفول
انصيح نعيط //اركان أفتح الباب
بس ماكو جواب تكول أطرش
محمود كام يدفر بالباب برجله
وانوب هو مابيه حيل بقى يدفر بالكيلون انكسرت الباب ويه الدفرة انفتحت على حيلها
-يبووو الفضيحة اركان جارم بحال منى
ابويه ومحمود ما كدروا يدخلون لان معرينهاوهو نازع بس بنطرونه
دخلنا اني وامي وبكل قوتنا بعدناه عنها
سحبت الغطه وسترت أختي
وامي كامت تسب وتفل وتغلط عليه
هو يلبس بنطرونه
-أنوب رجع عليه ما احس الا نام بشعري
وبطحني بالكاع على ظهري
-يبووو العياط لم الجيران
محمود هجم عليه وخنكه
وابويه يكفخ بيه بشحاطة على راسه
-امي وكعت بالكاع وتصيح//كلبي وكف لحكوني
-اني اريد أتحرك ما اكدر ظهري يبس من الوكعة
-منى تخبلت من الخوف
صوت بجيها وخوفها من اركان
خبل ابويه ومحمود بالزايد
جنزوه من الضرب تمدد بالكاع وفقد
عادل/لا اله الا الله الولد مو خالي
هذا متلبسه جن
فرح/محمود كعد أمي وغسل وجهها
-واني بالكوة سندت نفسي وكعدت على حيلي ،، انوب بطني صارت حجارة
احس الطفلة صارت طوبة
-منى متغطايه وتبجي وتصيح //ودنوني لاهلي راح يموتني ما ابقى هنا
خابروا ابويه يجي ياخذني
-هو بقى على جطلته بالكاع محمود شافه
كال/ هذا شارب ونام مو فاقد
-ابويه سمع بي شارب لو تخبل
هو خطية يصوم ويصلي
وحتى نسوان ماعنده
ليش هسة يشرب
عادل /ربي عفوك ورضاك
ربي رحمتك ليش هيجي يصير بعايلتي
ربي هل شوفت عينك
وكلشي يصير با امرك وبعلمك
لا غلطت ولا زليت
ولا اكلت مال يتيم ولا اكلت حرام
فاطمه/الولد متلبسه جن طالح
اول تالي يسكر ويجي للبيت
عادل سويلي حل
لو اكتل نفسي واكسب جهنم ولا اشوف اولادي هل الاثنين كلساع مذابحين كدامي
فرح/سودة عليه امي تحجي وتبجي وتمسح بدموعها
عادل/بس الله وابو أيوب البدوي يعرف شنو الموضوع
بس وين الكاه هسه وهو يومية يرتحل بمكان باجر اطلع وادور عليه وانشد عنه وبلكت احصله درب
فرح/ابويه ومحمود شالوا اركان
ونوموه بالهول ،،
-واني اخذت منى للحمام غسلت
ورجعتها بغرفتي
-وامي تسكت ب اسلام اللي انكلب جن بدال ابوه يصرخ ويبجي ويملش بشعره
-ورفل بس تبجي هسه لو بس اعرف عليش بس تبجي جان ارتاح كلبي
وكل اللي تسوي بس تسكت اسلام ويه وامي
منى/اخذتني فرح للحمام خطية ساعدني لحتى اغتسل ،،بس جسمي مو اليه متكسر
-فرح اريد اكلج شي بس لا تحجين
سولفتلها شنو سمعت من اركان
فرح/عزززززة بعين الخلفوني
يول صدك رجلج متلبسه جن
ما اضم عليج سالفتي ويه محمود صحيح
بس شي مو بيدنا لان جنا صغار وما نفتهم
بس سالفة اريده واتمناه لا صدك ملبوس جن
منى/عوفينا هسه من سالفتج بعدين افتهم منج ،،ركزي وياية هو نطاني شريط حبوب
لون الحباية ابيض وكالي// يومية أشربي حباية ،، حسبتهن ٢١ حباية
ماعرفت مال شنو ،، عبالي حب مانع حمل
بس هذا مو نفس الشريط التشرب امي من عنده هذاك الشريط بي حب جوزي
فرح/وين مخليته هسه اجيبه
وخلي محمود يقراه ويشوفه شنو
هو يشرب من عنده؟؟
مروه /فوك بجرارة كومدي الجرباية
من الجهة اليمنى
-بس بعد ما اعرف هو يشرب من هذا الحب لو لا وهيجي يتخبل عليه
فرح/قفلي الباب ورايه هسه اصعد اجيبه وارجع ركض
-صعدت لغرفتها وأندليت الشريط على وصفها ضميته بصدري ونزلت اركض
-محمود مجطول بغرفة امي راسه يوجعه
أشرتله تعال ،، أجاني للمطبخ
// محمود هذا شنو الشريط مال علاج
محمود/ هذا حب مانع منين جبتي
فرح/هذا الشريط شوف ماخوذ من عنده
اركان يخلي منى تشرب من عنده
محمود/ليش يشربها ؟!
شنو موضوعه هذا الارعن راح يخبلني
فرح لا تدخلين بيناتهم وأطلعي من الموضوع
فرح/لا اني شعليه بس هي عبالها هيجي يتصرف وياها بسبب هذا العلاج
لان ماتعرفه مال شنو
-خليت محمود يرجع لمكانه
ورجعت لغرفتي كلت لمنى// هذا مانع حمل
طلعت للهول لكيت امي كاعدة تهز اسلام على رجليها كعدت يمها وخرطتلها السالفة
وهي كامت تلطم على وجهها
-كامت ويايه لغرفتي وأفتهمت السالفة من منى
فاطمة/مناوي يمه هذا العلاج بعد لا تشربي
ترى مو زين تاخذي بداية عرسج يسوي عندج عقم ،، ومن يسألج عنه اركان كوليله //اي شربت الحباية
وانتي شوفي وين تشمريها وتخفيها عن عيونه خاف يشوف الشريط وراج
فرح/وهاي ثاني ليلة كشرة وسودة ومصخمة تمر علينا
-منى متكدر تنام تبجي ومتأذية
وجسمها يوجعها
محمود طلعلها من الصيدلية كبسول مهدئ
-امي جابت أسلام واجتي بغرفتي
ومحمود نام بغرفة امي فرشتله مندر بالكاع
وابويه على جربايته
واركان بقى نايم بالهول
-بس طر الفجر ابويه كمل صلاته وطلع
كال//اروح أنشد وادور على أبو أيوب البدوي بس هو يعرف شنو سالفة اركان
عادل /ابو ايوب هو رجال بدوي
مو دجال ولا سحار ولا مشعوذ
هو يتعامل بالخرز ويعرف بسوالف السحر والجن والخرز.
تعرفنا عليه عن طريق عمي نوري أنسجن بداية شبابه بقضية تهريب اسلاح. وتعرف على ابو أيوب بالسجن
انطى لعمي نوري خرزة بس شالها بيوم الحكم النهائي
لان المحامي كاله// اذا مو اعدام فحكم مؤبد وصدك القاضي سجنه بس ٣ سنوات
-بس المشكلة هو بدوي رحال
هسه وين الكاه ،، وين ادور عليه
طلعت لديرتنا وبوجهي على عمي نوري سولفتله مصيبة اركان ،،وكال نفس توقعي
كال/هذا متلبسه جن
-طلع ويايه بسيارتي وبدينا نهبد وندور على ابو ايوب البدوي
وندور من مكان المكان وين منشوف بدو وعربان ننشدهم عنه
وهل جلجل علينا الليل وما وصلناله
رجعت لبيت عمي نوري حتى من غبشة هم اطلع أنشد عليه
فرح/ابويه طلع من الفجر
وره شوية اركان كعد شايش علينا
امي واني ومحمود نايمين بركبته
وهو يتهدد على منى ويصيح//اليوم أذب حها
محمود/مابيه حيل أتلاوه ويه حايط اني وامي وفرح ورفل ومانكدر عليه جبت حبل وربطت أيديه ورجليه لا يطفر ويذبح البنية
-امي اتصلت على جدة صفية وجدي سليم
وحجتلهم سالفة
-وهو أستغفر الله بده يكفر على الكتلوك
البوذي ما يكفر نفس كفرانه
-أنوب أسلام يشوفه مربوط
ويصرخ ويكفر ويفشر ويعيط
الطفل تخبل بالزايد
-للعصر كلت لامي تأخذ منى للدكتورة النسائية لان فرح كالتلي //خطية متأذية وبس تبجي
منى/أخذتني امي للدكتورة
يمه متت من ألمستحه من الفحص
هاي اول مره اروح للدكتورة
هي شافتني وكامت تحجي على امي
الدكتورة /حجية ترى البنية مجروحة ومتعرضة للأغتصاب ومعنفة جنسياً
انتي متأكدة هذا زوجها لو تستحون تقدمون بلاغ للشرطة ان هي مخطوفة ومغتصبة
اني مستعدة هسه أكتبلج تقرير طبي بحالتها
فاطمة/يااا يمه مو كتلج متزوجة وبعدها عروس ،بس رجلها سكران مو بوعاته وهيجي اذاها
منى/الدكتورة خرطت على أمي بهذاك الحجي اليوجع،،
وأتهمتها هي متعاونة ويه أبنها
ومتقبل تنطي بي لحتى تكتب بي تقرير للشرطة
-كتبتلي أبر مال ألتهابات
وعلاجات نسائية وغسولات
يبوو لو أدري هيج العرس صخام وعززة فلا أحب أركان ولا أقبل على الزواج
-رجعنا للبيت ولكينا بيت جدة صفية يمنا وجدي سليم يقره قران يم أركان
وهو أستغفر الله يكفر ويصرخ
ويتفل على جدي سليم
-امي من شافت حالته هيجي تعبانة وشلون متعذب ومربوط
هلي يامن ضيعوني كعدت تبجي وتنحب وجدة صفية تصبر عليها
-فرح ورفل حايرات با أسلام متفرفح من البجي سودة عليه
ومحمود بس مجطول مايكدر يشيل راسه من المخدة
-عمي عادل اتصل بليل
كال//اني ابات بيت عمي نوري لحتى نطلع من الفجر ندور على أبو أيوب البدوي
فرح/الله أكبر شنو من مصيبة وكعت على روسنا
اركان متخبل بجهة
وأسلام متخبل بجهة
ومنى تعبانة ومتأذية بجهة
واني محمود كاتلنا التعب ومنكدر نتحرك بجهة وامي فاطمة بس تبجي وترزل بينها من جهة
-كمت للمطبخ اسوي عشه عيب
جدة صفية يمنا وجدي سليم
اجوي يساندونا ويساعدونا على ضيمنا
لكيت الثلاجة مايعة هذا البلك مالتها تعبان يرادله تغير
طلعت المسواك وشكو شي حافظيه بيها بالباب الجوة وخليته على الكاونتر ،، حتى أغسلها وارجع الغراض والمسواك بيها
صحت على محمود يجي يبدل البلك حرامات لا يموع الفريزر الحمد لله محافظ على الثلج البي وحافظ الاكل المجمدي
-اجى محمود وبقى واكف يبدل بالبلك وايرها نظيف بس راس البلك تعبان يشيل هذا البلك ويخلي بداله واحد شو محمود خلى وكعد بالكاع ماكدر يوكف
على رجليه ويكمل تبدل البلك
ويأشرلي يريد مي
-صحت على أمي فاطمة اجتي تركض شافته صار وجه أصفر ويزخ عرك وديناه اني وياها للغرفة وأنجطل على الجرباية يكول // الخفقان ذب حني
-جدي سليم خطية هو كمل بلك الثلاجة
وجدة صفية احتارت ويه اسلام وتقرا على راس قران
الشكوى لله حالتنا لليهودي خطية
-وهاي ثالث ليلة تمر علينا كشرة وسودة ومصخمة
-اركان كام يصيح يريد يروح للتواليت
مربوطة ايديه ورجليه ،
وسوده عليه اليوم حتى مي ماشرب
-فكوا رجليه جدي سليم ومحمود
وبقوا أيديه مربوطة
وامي ورفل يمشون وياهم
وصل للتواليت
وبالباب دفر رفل بخاصرتها
وكب الصريخ
رجع محمود يضربه
وامي تفازع
وجدة صفية تسمي بسم الله
وجدي سليم يفازع بيناتهم
-منى كامت شالت أسلام وأثنينهم يبجون
اني بقيت بعيدة لان لحد هسه ظهري يوجعني من الوكعة
-اركان خطية وكع باب التواليت
وامي بس تبجي وماتعرف شسوي
جدة صفية دفعت محمود ودخلته للغرفة
رجعت هي وجدي سليم دخلوا اركان للتواليت وتعال أسمع الغلط والفشار والكفران يجيب التايه
-رجعوا للهول
وجدي سليم رجع ربط رجليه
وشغل التلفزيون على قناة القران
يمه صوت صريخ أسلام
وكفران اركان
أستغفر الله وكع صفحة من الكاع
ركضت وطفيت التلفزيون
محمود كال /سويلي كلاص شربت
دك بي حب منوم وشربوه بالكوة لاركان
وأسلام أنطاه شراب مهدى بيبي كالم
-صبح علينا الصبح بالضيم والبجي والقهر
وأستمر هذا ضيم حالنا أسبوع
بهذاك الظهر تقريبا ساعة ب ٣ اكثر أقل ما أتذكر ،، خابر أبويه على محمود
عادل /بويه حصلت ابو أيوب
حضرولي بطل حليب من جوه الكاع
وكل الموجود بالبيت يغسل ويتوضى .........
(( للقصة منحى أخر و أخير ))
شكرا لزيارتكم عالم روايات سكيرهوم
