رواية عشك أل فراس الفصل الخامس والعشرون بقلم زينب نور
اسد: بدون ما نفهم شي ضربة علي أكتفى بأبتسامة باردة وسكت
أمير:ليش ؟
ابو فهد:هوَّ يعرف ليشش
ام فهد:شمسوي ليش تمد ايدك عليَّ
ابو فهد: ابو المثل يكول ذيل الجلب ماينعدل
علي:ينطبق عليكم
اسد:علييي
علي: ابوكم ماينعدل طول عمرة
ابو فهد : اكسر راسك
علي:اذا تكدر لا تقصر
ام فهد: فهمونة شنو السالفة
ام فهد:ابنج يندك بناس كبار بالدولة ويحط راسة براسهم انا ماصدكت خلصت من ذولك رجعلي من جديد
علي:ياناس كبار هذا شغلي وهذا واجبي اذا انا اخاف وغيري يخاف منو يضل ؟ چا احنه المن دخلنا العسكرية ودخلنا هذا الصنف اذا نخاف انا هذا واجبي امام الدولة وامام الله واجب عليه اسوي واليسكت عن الحق شيطان اخرس وانتَ كفاك تدخل بيه روح لـ شيخ لـ اسد لـ صهُيب شغلة اخطر من شغلي ليش تركض وراي معقولة تخاف بس عليه
اسد: رجعنا لـ نفس الموال
ابو فهد :وهذا الموال ماراح يخلص الى ان تصيرون اوادم وماتحطون روسكم براس هيج ناس
اسد:همَّ بشر واحنه بشر من شنو نخاف ومو من حقك تمد ايدك على علي بعد يومين يتزوج بعد يومين يصيرون اطفال بالبيت هم تجي تمد ايدك عليَّ حاول تتفاهم ويَّ ابنك بدون ضرب هو جبير مو صغير
ابو فهد:احجي ويا يتجاهلني ويمشي
علي: انتَ موجهه كلامك لـ قندرة شكو واكف يمك
امير:مادام السالفة بيها قندرة ترسوا راسه واجه
الجد:خير ان شاء الله
الجدة:شمالكم يمه
جدي وجدتي جانوا ببيت عمي ابو جاسر كعدنا كلنا اجه صهُيب وكف بالباب يستمع ويمه شهد واكفة
الجد:شني موالك الجديد يـ محمد
ابو فهد:ماعندي موال ولا شي
الجدة :چا ليش تمد ايدك عليَّ من عساك بالكسر
ابو فهد :انعم الله عليج
الجدة :ولك يمه راح تموتني حاط راسك براس الولد ليش شتريد منه واكفلة عظم بـ البلعوم الله واكبر على راسك
ابو فهد:يمه ابني وخايف عليَّ خلصت من سامي وربعة طلعلي مدري شسمة هذا يحط راسة براس ناس كبار
علي:انتَ ما خايف عليه انتَ خايف على نفسك خايف اكشف شي من سوالفك انتَ اصلًا ما اطيقني جاي تقنعني خايف عليه
ابو فهد:انتَ ابني مو عدوي ليش حتى ما اطيقك وياسوالف هاي التحجي عنها
علي:خايف اكشفك من جنت صديق لـ سامي من جنت تروحلهم بدون علم احد من جان ابو فؤاد يترس راسك خايف اكشفك قبل لا اتوب وتعرف الله من جنت تشرب
ابو فهد:هاي منو كلك
علي: كلشي مضموم يطلع هذا الخايف منه تخاف على سمعتك انتَ ماخايف عليه
ابو فهد:انا ماعندي شي اخاف منه خليها براسك وكلها تغلط وجانت غلطة وتبت
علي:تبت عن الشرب وقاطعة سامي وتركت هديل تنحب وراك ورجعت وكعت براسي
لا تبررر التحقيق بين كلشي طلع كلشي من الالف للياء هديل حبتك وانتَ ماحبيتها حبيت امي وخذتها وسامي حط ايده بأيدك وراح خبر عن قحطان اللي هوَ اخو وانتَ اجيت وعدمتة وبدا سامي ينتقم منك كدام محسن وعبد وهديل عود انتم اعداء وبالحقيقة غير شي ومن بعد ما قطعت علاقتك بيَّ هنا صرتوا اعداء استغل الفرصة ابو فؤاد وصرت انا الضحية وقبل هذا كله من جايه هديل وشايفتني وانا جنت صغير وضليت براسها الى ان نفذوا الخطة
ابو فهد:هذا الكلام مو صحيح
علي: خوش انا جذاب
ابو فهد :كافي سد حلكك
الجد:عفية ابني عاشت ايدك
ابو فهد:بوية ماضي وراح وتبت وجنت صغير
علي:عوفني بحالي اموت انكتل انذبح شيصير خل يصير بس عوفني
تركنا وطلع وحقه ابوي هواي ضاغط عليَّ اكثر من عدنا كلنا هنا صهُيب بدا يغرد وصهُيب اذا غرد يراد بخت يلا يسكت
صهُيب:ارتاحيت هسة ارتاحيت ارتاح كلبك يعني يابوية ليش ما اتوب مع احترامي الك وانتَ ابوي بس انتَ تصرفاتك مال مراهق صراحة يعني ماتعوف الرجال بحالة صغيرون مايعرف يتصرف انتَ تعرف ابنك من الاوائل بالكلية العسكرية وتعرف ابنك معروف بـ ذكائة وشطارتة بشغلة ومن احسن واشجع الضباط ابنك مرجف داعش وهوَ بهاي الرتبة يعني انا لو منك احطة عكال على راسي بس انتَ شنو ماتعرف تصرف ومع احترامي انتَ ابوي عربانة بس واحد يدفعك تروح كبل
امير:انهد شيسكتة الحمزة
صهُيب:انجب ولك الحمزة يسطرك ويخلصني منك امشي رجع القميص لا اسحلك سحل
ابو فهد:خليت بيها احترام انتَ
صهُيب:والعباس ابو فاضل انتَ تجبرني كوه احجي يعني انا ما اريد احجي بس انتَ تجبرني هسة من اجيت وضربتة عبالك يسكت احسلك هسة من طلع هاي السوالف وانتَ ما اجيت ضربتة علمود هاي السالفة لا والعباس لان ذاك اخو امي دفعك دفعة معدلة
اسد:يمعود كافي
صهُيب:انتَ معليك خليني احجي واذا هيج ماتريده ليش رحت ورا لـ بغداد ماخليتة هناك مرتاح من هالضيم
الجدة :تعال بعد كلبي بس انتَ تبرد كلبي
صهُيب:بخدمتج انا
ومن بعد هذا اليوم ابوي تغير ويَّ علي تمامًا وانتهت مشاكل ابوي وعلي ورجعت العلاقة طبيعية صار الاب الحنون على ابنه لا سمعة كلمة ولا شي
اسد: صهُيب شوكت تزوج
صهُيب:غير انتَ قبلي
اسد:لا يخوي مطول انا ازوج انتَ وعلي وانا خلوني بعدين
صهُيب:لا والله لا بعدين ولا هم يحزنون تعرس انتَ وبعدين انا
اسد:هاي ما تقتنع
صهُيب: خاف اكلك انهي عليها واصير همجي
اسد:تعرف ماعدنا نهوة بس كلبي كتلني
صهُيب:تهون
دخل امير لازم سماعه بيدة وصوتة وصل لـ سابع جار
أنا العباس ابو النوامس..
أبن حيدر علي وراث صفاتة ..
منار الدين ابو الحسنين ..
اموتة بموتتة واحية بحياتة
بدر عدنان ابد ماهان
أجيب الماي من منبع فراتة
حليف الزود اشيل الجود
اخو وتدري الأخو يوفي لـ خواتة
ارد وبجفي راية
وارايها الضماية
واضل وفاي وارد بالماي
اروي الفاطمية ..
صهُيب: يعقلك ابو الحسنين منين بكتها هاي
امير:من الشيخ مال الجامع
اسد:يعابيك علي حتى الشيخ ماخلص
امير:لكيتها برا جبتها واجيت
صهُيب:المن
امير:راح اصير رادود اقرا بيها بـ محرم
اسد:بايكها وتقرا بيها الحُسين بري منك
امير:دروحوا انتم شعليكم انا اقرا بيها حلال ليش شامرها برا
ام فهد:منين ولك هاي
امير:اشتريتها
اسد:جذاب مال حرام بايكها
امير: ماعليج بيَّ يمه تعاي انعيلج
بهاي الاثناء اندك الباب
صهُيب:اجه راعيها
امير:كلوله امير ماهو
رحت فتحت الباب هو ابن الشيخ اللي يقرا بالجامع
اسد:هلا يابه
مصطفى:عمو ابوي يكول ابنكم الصغير هذا ابو عيون الخضر اللي يسوي مشاكل باك السماعة وهي جديدة بعدهي ابوي يريد يقرا بيها ياريت تجيبها لان ابوي راح ينجلط
اسد: اي عمو صار هسة اجيبها
دخلت لجوا صحت على امير مكابل امي وبيبتي وينعى
اسد:جيبها ولك الرجال راح ينجلط يكول جديدة
امير:خل يروح انا انطي فلوس
اسد:جيب وبطل رعونة
اخذتها منه وطلعت انطيتها للولد
مصطفى:رحم الله والديك هسة ابوي راح يصير زين وما ينجلط
اسد:سلم على ابوك وكله يعذرنا
اخذها الولد وراح شفت عمتي ام شاهين وياها البنات
اسد:حياكم الله
ام شاهين:بعد كلبي شلونك عمة
اسد:الحمدلله اسئل عنكم تفضلوا
أسيل:شلونك اسد
اسد:هلا خيتي الحمدلله انتِ شلونج
أسيل:الحمدلله
سلمت سبأ بس رسُل باوعت عليه ودنكت راسها
اسد:شلونج رسُل
رسُل:بخير
ام شاهين: امك موجودة
اسد:اي جوا تفضلوا
دخلوا لجوا اجيت اطلع اجاني صوتها
رسُل:اسددد
اسد:نعم
رسُل:عادي احجي وياك
اسد:بخصوص شنو
رسُل:أني اعرف انُ أني اللي سويتة غلط بس مااعرف شنو صارلي وطلعت الكلمة مني وبعد ماكدرت اتراجع والله أني مو قصدي ارفضك وافشلك
اسد:رفضتيني وفشلتيني كدام الناس خلي الندم يفيدج هسة
رسُل:شلون يعني
اسد:السويتي مو سهل لو ابوج رافضني بيها مجال بس انتِ صعبة لهيج شوفي حياتج والله يوفقج وانا هم راح اشوف حياتي بعيد عنج
رسُل: اسد انتَ شتحجي انتَ مو كلت
قاطع كلامها دخول اخوي علي سلم عليها وراد يدخل جوا
أسد:علي دقيقة
علي:أمر
أسد:خليك شاهد على كلامنا
باوعلي بأستغراب كان داير عليه نص جسمة باوع على رسُل وعليه
اسد:انا كلت شنو
رسُل:هيج انسى
اسد:كلت احبج وكلت رايدج وانا كل يوم اعيش صراع ويَّ نفسي واجيتي ورفضتي بكُل برود لان حجيت لـ امي انُ تخطبلي صح
رسُل: صح
اسد:انتِ مو كلتي ما اريدك
رسُل:فقط كلام
اسد:شفهم
رسُل:شلون متريد تفهم افهم اترخص أني
اسد:شفتها
علي: چا احول
اسد:استغفر الله
علي:ترا تحبك من خلال كلامها
اسد:ادري بس مشاعرها اجت متأخرة
علي:اليحب يضحي ارجع اخطبها لا تخلي الشيطان يلعب براسك وخلي الكبرياء على جهة
اسد:خل هيَّ تضحي مو كله انا
علي:البنية ماتبادر ارجع اخطبها لا تروح من ايدك
اسد: تحلم
علي:صدك تحجي
اسد: چا زينه الي من طيحة حظي
علي:الحب تضحيات وكلشي بيَّ ارجع وياها وعوف كلشي وفضنا عاد
اسد:الله كريم
علي:دروح رايح احاجي جدي والشيخ انا وانتَ ضل
اسد:هالمرة انا اكلهم مغصوب
علي:رد الصاع صاعين
اسد:اي حقي
علي:فوت يلا على كولت السورين دق الحديد وهوَ حامي
اسد:لا خليني هسة
من بعدهي فترة التحقت من نزلت بعدني بملابسي العسكرية استقبلني جدي اخذ الجنطة اللي مخلي بيها غراضي وكلي تعال وياي وسيارات هواي بالمنطقة يعني هوسة اكو مناسبة
اسد:وين
الجد:امشي بوية
رحت ورا دخل لـ ديوان ملطوم لطم زلم حتى اصدقائي ضليت صافن
ابو اسيد:واخيرًا وصل العريس
كل هذا انا صافن ياعريس هاي الناس شعدها اجهه الشيخ عود يسلم عليه شاورني
الشيخ:سلم على الناس وادخل اعقد على رسُل مفاجاة بسيطة
ضليت صافن بوجهه بعدين استوعبت سلمت على الموجودين كلهم بـ زي العسكري كعدت شوية وبعدين كالوا راح يعقدون رجعلي شعور ذاك اليوم تعوذت من ابليس وكمل السيد كرر الكلام تلاث مرات انطت الموافقة ورجع عليه كذلك انطيت الموافقة
كل هذا انا ما مستوعب بس الفرحة كانت ابينه دخلت لـ جوا حتى البسها الحلقة هواي نسوان كعدت يمها وهيََ طالعه كمر
أسد: رسايل كلبي
اجت امي كالت لبسها الحلقة وهيَّ هم صاحوا عليه الولد بالباب اطلع بسرعة
اسد:خرا بروحكم خلوني متونس هنا
بستها براسها وطلعت الزلم كلها تعال ارجع سلم مرة ثانية وبعدين علكوها لا صدك علكوها رجو الشارع رج
صهُيب:ولكككك مبروككك
حضنته وانا اضحك
اسد:يوم الك وافرح بيك
صهُيب:بعد عيني
سلمت عليهم كلهم ومن بعدهي صعدت بدلت ملابسي ونزلت
اسد:منو سبب المفاجاة
الشيخ:جدي
الجد:لا بالله هوَّ
الشيخ:باعني جنه متفقين اشمرها براسة
الجد:چا تبليني وحدي
اسد:والله احلى بلوة واحلى مفاجاة صارت بحياتي
الجد:بعد ابوك يوم العرس ان شاء الله وافرح بـ أخوانك
أم فهد:امير وين راح
صهُيب:من خلصت الخطبة طلعوا هوَ وعصابتة
ام فهد:الله يستر اذا اجتمعوا
ابو فهد:هسه الدور الكم بويه صهُيب وعلي
علي: زفوا اسد وصهُيب وانا وراهم
صهُيب:ورا عرس أسد اخطب
الجد:الله يقدم اللي بيَّ الخير
علي:شيخ ابنك شوكت يجي ترا طول
الشيخ:مابقى شي اقل شهر ان شاء الله
علي:اول حفيد المدلل
ام فهد:راية الله بيضة اشوف جهالكم كلكم
علي:ان شاء الله يمه وانتِ شبيج كالبة خلقتج
شهد:نعسانه
علي:كومي نامي
شهد: امير كلي الطابق الثاني اغلب الاحيان يكون مسكون واخاف اصعد وحدي انام
صهُيب:الله يطيح حظك امير واكول شبيها البنت وجها اصفر
شهد:والله هو كال منتظره واحد يصعد حتى اصعد انام
اسد:ههههه كومي يلا انا هم تعبان اريد اصعد انام
الجدة :يمه تنامون بدون عشه
شهد:ما اشتهي
اسد:ولا انا يلا
صعدت لـ غرفتي يوم من العمر ماينسي وتمت الخطوبة على خير ومرت ايامنا بهدوء تاام..
................................
علي: ومن بعد ما القيت القبض على سامي وانتهت مسيرتة بالحياة توجهت لـ حياتي لكن الضاهر المصايب تركض وراي ..
بيوم من الايام وضابط كـ شغلي وحالي حال كُل الضباط اللي تجيهم قضاية واللي يجونهم متهمين انواع واشكال انا ارهاب وتجار مخدرات والجرائم الكبرى
طلعت مداهمة على احد تجار المخدرات اللي راسة جبير حيل واله مسند قوي من داهمنا بيتة حط عائلتة رهائن حتى يشرد بينهم نساء واطفال صوت النساء وبچيهم وبچي الاطفال وخوفهم كان شيء صعب علينا
بعد اشتباكات وكلام دام ساعتين بالضبط كدرنا نلقي القبض عليَّ بدون خسائر فتشنا البيت قوطية المعجون هاي اللي يبيعوها بالسوك اللي نشتريها حتى ذني مخلي بيها مخدرات ومخليهم بالبيت على انُ معجون منو يشك مخدرات ؟!!!
من بعد ذاك اليوم بديت التحقيق ويا الضاهر اله ضهر قوي واسطة وفلوس ومحامي وماكدروا يطلعوا القضية جانت بيدي وضابط ثاني احنه ثنين ومعروفين لا رشوة ولا واسطة تشتغل عدنا
من بعد ايام ضل يوصلني تهديد يوم بالتيلفون ويوم يخلوا على السيارة ماجنت مهتم المهم عندي انُ اكدر اوصل لـ شيء اللي انا اريدة
لكن دزوا تهديد لـ ابوي وهنا ابوي تفاهم وياي بـ أسلوب انا حيلللل اكره اسلوب العصبية والضرب وهذا مستحيل اتحملة انفجرت بيَّ وطلعت من البيت رحت يم راهب واجه يمنا نمر كعدنا بالاستقبال
راهب:اهداء يخوي والله ماتسوا
علي:تعبني وخدر الزجية تعبني ومليت منه
نمر :يبقى ابوك شسويلة يعني
علي:چا هيج الابو عثره
راهب: علي خوية لا تحرك دمك على شي مايسوا موضوع انتهى وراح وابوك اتركة بحالة واذا تريد اترك البيت كم يوم ارتاح وارجع اذا يضوجك لا تحرك دمك على كلشي
نمر: كلام راهب صح كافي حارك دمك وعصبي راح تشيب وانتَ بالعشرين ابوك اتركة اتجاهلة يا اخي شيء يضوجك اتجاهلة خلص يومك بين الدوام والطلعة اكتفي الشر
راهب: كافي عاد اربعة وعشرين ساعة عاكد الحاجب وجهك مايكصة السيف اضحك مشتاقين لـ غمازتك هاي الوحده كافي الله ماراح ينساك انتَ جبتها تعب وضلم من الصغر وربك راح يفرجها وراح ينطيك على كد صبرك ربك ماراح ينساك واحنه اخوتك تشلع عيونة شتريد خدام الك بس كافي عاد اضحك والله اتعب على اتعبك اسندك بروحي ولو ما ابوك واله احترام الي غير تصرف وغير كلام بس ابوك والله وصى بالوالدين
نمر:كافي ياخوية شوف هذا راح يبچي وانا راح ابچي والحمزة مانكدر نشوفك تعبان لا تسكت لو تضحك لو اطلع البكلبك لا تبقى ساكت والتعب بعيونك بس كول وعلي ابن ابي طالب احركلك الدنيا والـ بيها
ابتسمت على كلامهم الوحيدين اللي يكدرون يفهموني ويطلعوني من مود الحزن
نمر:يالله ابتسم
راهب:وراها ضحكة العافية بالتدريج
اندك الباب طلع حارث فتحة اصدقاء ذياب احنه ترخصنا وطلعنا بليل كعدنا برا صرت كبال شباك غرفتها
علي:اكلكم
راهب ،نمر:ها
علي:غمضوا عيونكم
راهب::شني ليش
علي: غمض ولا صوت
كمت من يمهم حتى حافي شلت حجارة صغيرة شمرتها على شباك
نمر:ذكرتني بهذا النمس
علي:مو اجيك
شوية وفتحت الشباك بس شافتني ابتسمت انتبهت للوراي
علي:ماعليج بيهم خيولون
قمر:ولد عمي
نمر:ماعدنا غيرة عادي
علي:شلونج ضي عيني
قمر:تمام انتَ شلونك
علي:هسة صرت زين المهم باجر راح التحق واجيت اشوفج
قمر:الله وياك بس وين
علي:الموصل
قمر:يايمه دير بالك على نفسك حباب
علي:الله الحافظ اخذي علاجج وديري بالج على نفسج قدمتي على الجامعة
قمر:لا هاي السنة راح اترك
علي:ليش
قمر:مدري ما اريد اداوم تعبانة
علي:اسم الله على كلبج من كل تعب يابعد عيني
قمر:شوكت تنزل
علي:ما اطول
صاحتها امها سدت الشباك وراحت رجعت يم راهب ونمر
راهب:نمر
نمر:ها
راهب:احنه صدك بدون غيرة
نمر:ولا جنه عراقيين جنوبين مملوحين شروكين عبالك ذول تركين فاهيين يصجم بنت عمنا واحنه كاعديين
راهب:راحت الغيرة ياخوية
علي:انجب باجر ياسيارة نروح بيها
نمر:نروح عبرية
علي:دنجب واسكت عبرية يروح حتى نوصل بليل
راهب:انا ويَّ ابن عمي
علي:خرا عليك وعلى ابن عمك
لـ ١٢رجعت للبيت جاي احضر بجنطتي دخلت امي
ام فهد :تلتحق شنو
علي:اي باجر
ام فهد :وليش ماكلت نحضر غراضك وملابسك منو غسلهن بدلتك العسكرية
علي: مغسولات وغراضي انا احضرهم على ايدي احسن
ام فهد:تروح وجدك زعلان منك هو وابوك
علي:انا ما مزعل احد اليزعل وحده يرضى وحده
ام فهد:جدككك هذذا شبيك انتَ
علي: يمه عوفيني بحالي عليج رسول الله
ام فهد:شبيك تخبلت فد مره
علي:هسه شتردين مني بالضبط
ام فهد :لا تلتحق وجدك وابوك زعلانين انزل سلم عليهم وراضيهم
علي:اي الصبح
ام فهد :عناااد يمشيي بالدمم
علي:سدي الباب وياج
خزرتني وطلعت خليت غراضي واللي البسهم حضرتهم خليت منبة شيوصلنا وذول يردون عبرية طفيت الضوء واجيت اريد انام توني غفيت والباب اندفر دخل أمير
علي:وقزالقرط شبيك
امير: جوعان
علي:وياهو كلك عندي مطعم سد الباب واطلع برا اريد انام طايح الحظ
امير :اوي عيني ازعجتك
علي:مو اكوملك امسح بيك الغرفة
تجاهل كلامي وراح لـكنتور يطلع ملابس ويشمر
امير:لا هذا لابسة هذا حلو اخلي بعدين
علي:لككك حيواااان الملابسسسس
امير:لمهن بعدين خل اختار عندي طلعة باجر مهمة
علي:اخلي طلعتك لـ نجف باجر حيوان
عاف الكنتور مفتوح راح فتح الخانة الثانية
علي:ملابسييي العسكرية كفيلك العباس اذا شمرتهن اكوم اشمرك من الدرج
تركهن واجهه على الميز يفتح بالعطور استفزني كمتله قفلت باب الغرفة وشغلت الضوء
علي:شكو شي خربتة هسة ترجعة لـ مكانة
امير:اريد انام
فتحت الجنطة طلعت المسدس
علي:يلا كدامي
امير :بخدمتك انا
علي:يلا بسرعة كلشي ترجعة لـ مكانه كواد طايح الحظ بس يخرب
امير:كنتورك ارتب من حياتي شلون هيج وانتَ ماتلحك ترتب
علي:كمل وانجب ومن تخلص طفي الضوء ولي اريد انام بـ 4 التحق
امير :اروح وياك
علي:اي تلم هدوم داعش
رجع كلشي لـ مكانة واخذ قميص وعطر وساعة
علي:يلا امشي اطلع الفكر
امير :شهادة اعتز بيها
طلع هوَ رجعت نمت دك المنبة بـ 4 سبحت وبدلت واخذت جنطتي ونزلت جوا لكيت امي كاعدة
علي:صباح الخير
ام فهد:هلا يمه صباح النور
علي:شمكعدج
ام فهد:راح تصير الصلاة واسويلك ريوك
علي:ابوي كاعد
ام فهد:يقرا قران
هزيت راسي ورحت اريد اسوي كهوة
ام فهد:يمه اسمع كلمتي لو لـ مرة بعمرك
علي: أمري
ام فهد:روح احجي ويَّ
علي:فوك حكه دكه
ام فهد :ميخالف ابوك
باوعت عليها تنهدت وطفيت الكهوة ورحت باب الغرفة مفتوح وهوَ كاعد بالكاع يقرا قران من شافني صدق وكال
ابو فهد :ها بوية متوكل
علي:اي اجيت اسلم عليك واتوكل
تقدمت عليَّ ثنيت يمه
علي:ابريني الذمة وانطيني رضاك انا رايح للموت واعتذر على الكلام الصار
ابو فهد :مودع بالله بوية وانسى الصار الله يحفظكم ويردكم سالمين
سلمت عليَّ وطلعت لكيت جدي كاعد يشرب جاي دنكت عليَّ بست ايده
علي:طال زعلك هالمره
الجد:من ايدك
علي: مو قصدي هسة رايح انا يمكن ارجع ويمكن
قاطع كلامي حط ايده على حلكي وأشر بأصبعة
الجد:ترجع ترجع بالسلامة ازفك لـ مرتك موش للموت انتَ سبع الله وعلي وياكم
سلمت عليهم واخذت الكهوة بيدي وطلعت راهب ونمر منتظريني يم الشارع
علي:مصرين والله تعب
راهب:لـ بغداد ومناك للموصل
علي:همَ تعب ست ساعات ويمكن سبعة سيارة خاصة للموصل عليمن بعد
نمر:بدل هذا الكلام هسة واصلين بغداد
علي:ديلا امشي اذا ماوصلنا بليل واكلنا خرا
طلعنا لـلكراج صعدنا وطلعت السيارة
راهب:طلعنا بسرعة
علي:ديلا همزين
بالطريق لازم يطبك على مطعم احنه ويانة نسوان اخذوا الاخير وبالنص عائلة واحنه ورا السايق وثنين شباب بالسدر
علي:كتلكم ناخذ سيارة خاصة مارضيتوا كتلكم ناخذ غير هاي السيارة مارضيتوا نشوف هسة شراح يصير واحنه لازم قبل اليل هناك يلا بلا
راهب:يمعود هسه نوصل صدك جذب
علي:اي هسة طيارة زط بط بنص الموصل وشرط بالمكان النريدة
نزلوا للمطعم نص ساعة وكلها اجت الا النسوان هنه كبار بالعمر ومن طلعنا من البصرة طبك السايق بالحلة سردوا قصة حياتهم بالكامل
نمر:تأخرنا هواي
علي:لا تفك حلكك انتم خليتونا بهاي الورطة
راهب :واحنه شمدرينا هيج
علي:شمدريك هيج سيارة تاخذك وترجعك شبيكك بعد الا عبرية هاي العبرية
راح السايق يدور عليهن اجوا ورا يحجن عليَّ
نمر:ها شبيها
السايق:رزلني هههه لان صحتلهن
_نبطل ماناكل
علي:ديلا يايمه يلا فدوة العمرج ورانا طريق وازدحامات بغداد ماتخلص
وطلعنا وصلنا بغداد بـ 12:30 الضهر وتوجهنا للموصل دخلنا لـ بيت عاد بينا ذكريات التحرير
2015
كانت الدنيا المغرب صعد احد الجنود على بيت واحنه صرنا يمه كان صوتة كُلش حلو
راهب:أذن يلا
جاي يأذن من وصل
أشهد أن عليًا ولي الله
اشتد علينا الرمي بشكل جدًا مكثف راد ينزل
علي:استمررر معليككك كمل
النار صارت علينا بشكل جدًا مكثف لحد ما خلص أذان والرمي مستمر
راهب:كثفووواا النااارر
كان عددهم اكثر واسلاحهم اقوى رغم هذا ما استسلمنا أستمرت المقاومة
د١١عش:سلمووا نفسكم وعليكم الامان !
انصدمت انُ يحجي عراقي
راهب:شنسوي صاروا علينا من كل الجهات
علي:نقاوم وما نسلم نفسنا لو اضل اخر طلقة اذا سلمنا نفسنا نروح بالرجلين نموت بشرف احسن
راهب:بس احنه ماعدنا سلاح يكفي
علي:لو طلقة وحدها محد يستسلم اصمدوا
وبالفعل ضلينا نقاوم لحد ما اجاني نداء
_علي انتَ وين ماجاي اشوفك
علي:موجود سيدي بس محاصرين بأحد البيوت
_ يابيوت هاي ماجاي اشوفك
علي:سيدي بالبيت فوك والرمي علينا وحتى سلاح ماضل عندي
_ماجاي اشوفك
علي:استغفر الله سيدي شلون تشوفني جاي اكلك محاصرين فوك
_قاموا لحد ما نكدر نوصلكم أنتهى
علي:اكله محاصر يكلي اريد اشوفك هسة اوكفلك على الستارة
راهب:هسة شنسوي ترا تحاصرنا
علي:خلينا نقاوم ويفرجها الله
احمد (احد الجنود): شنقاوم واحنه كل واحد طلقة وحدها ضلت بجيبة
علي:هيَ هاي الطلقة اذا شفنا ماكو حل نقتل نفسنا بيها ولا ننذل بيد الاعداء
سامر(جندي): خل نصلي ويفرجها ربكم
نزلنا لـ جوا ممكن شوية أمان بنص الصلاة اجت المساندة كملنا صلاتنا وطلعنا فوك
راهب:ديروا بالكم راح يقصف
علي:خل نعبر على السطوح لحد مانصير بالمكان المطلوب ..
وطلعنا وخلصنا حربنا وانتصرنا
راهب:البيت نفس ما تركنا اهله ما راجعين
علي:الضاهر هيج
أنتهى واجبنا ورجعنا للمقر اتصلت عليه امي طلعت برا جاوبتها
ام فهد:شلونك يمه شو كلبي يوجعني بيك شي
علي:اسم الله على كلبج لا مابيه شي
ام فهد:عليك الله يمه لا تخفي عليه
علي:والله يايمه مابيه شي وبالمقر أنا
ام فهد :الله يحفظكم يا يمه نسيت اكلك
علي:كولي
ام فهد :صرت خال غزل جابت وليد
علي:هههه يابعد خاله الحمدلله على سلامتها شلونها وشوكت جابت
ام فهد:الحمدلله زينه الله يسلمك اليوم الصبح
علي: يتربى بعزهم وابن الشيخ ماله نيه يجي
ام فهد :هههه ان شاء الله ماضل شي
علي:سلمي على الموجودين لازم اروح صار عندي شغل
ام فهد:يوصل دير بالك على نفسك يمه وعلى الوياك والله يحفظكم وينصركم
سلمت عليها وغلقت التيلفون انتبهت حركة غريبة وركضة سريعة كبالي صارت بس بسرعة خطف لدرجة ماستوعبت هذا واقع او خيال
رجعت للمقر وثاني يوم نفس الوقت بالضبط تكررت هاي الحالة
علي:هذا مو داعش بهل السرعة هاي
راهب:لو داعش چا على الرمي انكتل
علي:هذا جني
راهب:يضحك علينا
علي:المنطقة هاي متروكة
راهب:بس اكو ناس ساكنة بيها
علي:قليل هاي البيوت الكبالنا كلها فارغة وصار هواي متروكة
راهب: صح
علي:نروح
راهب:وين
علي:الهم
راهب:تخبلت شبيك تريد تجلطني
علي:شبيك حلوة المغامرات
راهب:هيج نعالات ماااريدها
علي:يطبك مرض انا رايح اتونس وياهم
راهب:تعال ارجع لا تخليني الطم عندك واجب امشي نطلع يلا
علي:اروح يعني اروح
طلعت واجبي كان متعب مطاردة ورا داعش من اليل لضهر يلا كدرنا نرجع بعد ماقتلنا منهم والقينا القبض على الاخرين وأمنة المنطقة بالكامل
كاعد احجي ويَّ قمر ودخل عليه راهب مفزوع
علي:شكو
راهب: سيارة مفخخة
علي:شنوو لهنا
راهب:اي
اخذت سلاحي وطلعنا السيارة كانت متوجهه علينا رجعنا الهمرات لورا وانسحبنا ورا الساتر في سبيل نقللل الخسائر
علي:لحددد يتقدممم
السيارة كانت مصفحة مع كل الاسف شكد مانرمي مايفيد صار ضوء السيارة على وجهي مستحيل اضحي بـ جنودي او بأحد الضباط الوياي
راهب:سيديييي عليكككك الله لااا تتقدم خل ننسحب السيارة قريبة راح تنفجر
رفعت ايدي بالانسحاب انفجرت وصارت علينا شضاية تأذينا لكن مو حيل مباشرةً صوت من داعش موجهه النا
_سلموا انفسكم واخرجوا من مداخلكم وسلموا قائدكم ولكم الامان
راهب: الطريق الورانا فارغ لا تختطي خطوة لـ كدام
علي: لازم نقاوم مستحيل انسحب
راهب:ماراح ننسحب لكن لا تخطي خطوة لـ كدام
علي: انقسموا نصين مباشرةً وخلوا الهمرات ساتر وصيروا وراها وخلي القناص يعالج ولحد يخطي اي خطوة
صارت اشتباكات ومن بعدهي طيارة وحدها حركتهم حركة
علي:عاشت ايدكم
كل بالنا انُ خلصوا لكن طلقة اخترقت قلب احد الابطال صدمة اللي صرت بيها وانا اشوفة وكع يمي والطلقة مرت من يمي اذني صوتها رن اذني رن وكع هوََ بيها شهيد .
........................................
وردة : من بعد ما تزوجنا احلى عيشة عشتها فهد كان ممقصر عليه بشي وحبه يزيد ماينقص
حياتنا هادئة بعيدة كُل البعد عن المشاكل والغيرة والشك وكُلشي ماشين على مبدأ التفاهم والثقة والاحترام هاي حياتنا اللي مشينا عليها بعد العرس بأفترة شكيت بنفسي اني حامل
ماكنت متوقعة فرحتهم هالكد صدموني فرحتي كانت اكبر بهواي مرة رحت يم اهلي كاعدة اني وخواتي وامي
وردة :ماما
ام اسيد:ها يمه
وردة: يعني هسة اريد اسولف عن عيالي وكذا بس ماعندي سالفة
ام اسيد :ليش
وردة:لان حبابين يعني لا عمة حية لا حماة حية لا حماي خبيث لا زوجي خبيث شنو هاي
ام اسيد:غيرج يتحرس عليها انجبي واكعدي هيج سوالف مااريد
وردة:يااا اريد اسولف شلون
أسيا:جذبي اكعدي جذبي ماكو غير حل
وردة:مو خاف الجذب يصير صُدك
فرح:لا اسكتي تعالي سولفي عن علي
وردة:شبيَّ. اصلاً ماشايفتة دوم برا
فرح:حقه عمي بس يجي يتعارك ويا
ام اسيد:ولج انتِ شعليج بيه
فرح:غير ابن خالتي وابن عمي
ام اسيد:فرررح
وردة :ولج ليش شمعنى علي
فرح:يبوي يبتلي الواحد يسئل
ماما كامت واني واسيا سحلنا فرح
أسيا:اول مرة تسئلين بس لا تحبينا
فرح:الصراحة لو اختها
وردة:لا الصراحة طبعًا
فرح:هو مو حب اعجاب وبداية حب يعني شوفوا من شخصيتة وكلامة يعني هواي شغلات بيَّ حلوة انعجبت بيَّ صرت احس بديت احبة ومن اجانة قبل فترة صاير يخبل ومن رحت يمه حتى اقرا وصرت قريبة عليَّ
وردة:ديررري بالج ابتعدي عنه الف ميت متر لا توصلين علي
فرح:ليش شبيَّ شنو ناقصة
وردة :حبيبي علي مو الج علي مرتبط ويحب بنية وان شاء الله ورا زواج اسد ورسُل هو وصهُيب يخطبون خليج بدراستج وديري بالج تخلين الحب براسج افتهمتي ابتعدي عنة
ام اسيد: وانا اكول عليمن كاتلة روحها على علي والا علي يقريني وعلي وعلي ثاري مو منها لـ الله بعد ماكو روحة واذا سمعتج لو شفتج رايحة عود يقريج لو حجه حظج اطيحه
وردة :ماما مو هيج هو الحب مو بيدنا وفرح مراح تعيدها وهي كالت اعجاب ويَّ الوقت ينتهي اكيد تنشغل بدراستها وبس
ام اسيد:احسن الولد ماعايز ضيم كافي عليَّ ضيم ابو
فرح:هو هم حظي
ضلت تبچي وصعدت فوك اني واسيا وحدها تباوع لـ ثانية
اسيا:هاي صُدك تحجي
وردة :مخبلة خلي بالج يمها واني هناك اذا اجتنا اضبها عززاا رابع واحب
أسيا:اني جامعة واستحي صُدك وردة شنو متكملين دراسة
وردة:تدرين لحد هسة محاجية ويَّ فهد والحمل متعبني
اسيا: كولي الشيخ اني ما اعرفة فهد وهسة لا تفتحين الموضوع من ان شاء الله تولدين بالسلامة ويكبر ابنج ترجعين
وردة: ان شاء الله وانتِ صُدك تستحين تحبين
اسيا:اني عاجبني ابو أشهاب رجعت اباوع باب الحارة علمودة
وردة:طيح الله حظج هذا حتى ميدري بيج عايشة
اسيا: يمعودة خليني بعيدة ضيم المحاسبة كافي عليه عبالي قسم المحاسبة سهل حاسوب اقلب بيَّ واطلع طلع ضيم وضلايم
وردة:ماكو قسم سهل
بليل اجه عليه فهد ورجعت للبيت طبيت لغرفتي فحطانة
الشيخ:هههه مدكليلي وين جنتي تركضين
وردة:يمه والله مبيه حيل صايرة كُلش ثكلية واتعب
الشيخ:يلا هانت صايرة جنج بطة
وردة:بس والله صاير حلوة
الشيخ:هو انتِ من يومج حلوة
وردة:يابعد روحي
الشيخ :ههههه وردة كلبي
ورا يومين غزل صارت عدها ولادة وجابت ولد سموا الفهد اني صار عندي خوف مو طبيعي غزل اجت لـ بيت عمي لان هناك محد يكدر يخدمها هنا على الاقل شهد وعمتي
ام فهد:وردة يمه لا اصعدين كل شوية
وردة :ياخالة صعدت ملابس وفحطت
امير:ديلا هسة شوكت يجي ولي العهد ويخلصنا
شهد:الله صرت خاله وراح اصير عمه
امير:زين اذا احترموج
شهد:استغفر الله
وردة :اسوي عملية
الجدة:يعععع شلج بيها
وردة:والله اخاف من الطلوك
الجدة:يايمه شمالج تخافين
سكتتت لليل اجه فهد وصعدنا لـ غرفتنا هوَ نام واني ضليت كاعدة أفكر والخوف كاتلني لدرجة حتى بطني ضلت توجعني باوعت على فهد نايم خطيه وابين تعبان الساعه بـ 3:30 الفجر ماتحملت كعدت فهد وضليت ابچي
وردة:فهدد فهددد كوم كوم
كعد مفزوع عبالة صار عندي طلوك
الشيخ:شكو بويه شبيج
وردة:اريد اكلك شغلة
عدل كعدتة وشغل الضوء باوع عليه وأني ابچي ضل مصدوم
الشيخ:بوية شبيج عليش تبچين
وردة :أني اريد اسوي عملية ما اريد أجيب طبيعي
الشيخ:وانتِ تبچين على هاي
وردة:اي حباب ما اريد والله اخاف ما اريد
الشيخ:افاا تخافين وانا موجود هههه كافي بوية كافي شجاج لا تبچين خلص تردين عملية اسويلج عملية بس لا تبچين
وردة:احلف
الشيخ:وداعت عيونج السبني باجر ان شاء الله العصر نروح لـ دكتورة وتشوف شوكت العملية بس كافي لا تبچين
وردة:خاااب احبكككك هواي
الشيخ:خايبه اعشكج وردة كلبي
ثاني يوم رحنا لـ دكتورة كالت ماما الطفل نازل وعمليتج اليوم لازم بـ 7:30 بليل اسويلج عملية واذا تردين طبيعي لـ 11 او 12 بليل تولدين
رجعنا للبيت حضرت غراضي والكُل دخل انذار وكلهم واكفين ابوي وعمي وجدي جانوا عدهم كعدة مااعرف خلصوها او خابروهم واجو
ام فهد:الله يسهلج يايمه
وردة:فدوة اروحلج خاله تجين وياي مو
ام فهد :اكيد يمه وياج ما اعوفج
الجدة :الله وياكم يايمه الله وياكم
اني وامي وخالتي واسد يسوق والشيخ بالسدر امي وخالتي متوترات اكثر مني
اسد:دكااافي عاد هي عملية كم ساعة وتخلص مو حتى كمت مااعرف اسوق عبالك انا اطلك
الشيخ:يخوي انا توترت من وراهن ماتشوف شمرت السيارة عليك
اسد:صارلهن ساعة مدري شيحجن والخوف باين عليهن ادري شني السالفة
ام فهد: يايمه غير بنيتنا
اسد:اي شحجينا بس كافي حتى البنية راح تجيب طبيعي من وراجن وبعدين كافي تقرين انتِ واختج على بطنها راح يطلع من بطن امه يلعن الساعة الصار بيها حفيدتجن
ام اسيد:ولك خالة غير بنتي دشوف حطي
رغم الخوف بس شبعت ضحك عليهم وصلنا المستشفى وبدوا يسون الاوراق لحد ماصارت بـ 7:30 صاحوا اسمي ودخلت صالة العمليات
الحمدلله شرف الدنيا أبني اجوا ابوي وعمي وجدي
الجد:اللهم صلِ على محمد وال محمد
الشيخ:أذن بأذنه حجي
الجد:چا ليش مو انتَ
الشيخ :انتَ أذن وسمي
اأذن بأذنه وباوع علينا وكال
الجد: فهد من هو وصغير يصيحولة ابو صكر وهالجهه صكر
اسد:احلى ابو صكر والله
وشرف صكر الدنيا الفرحة كانت ما واسعتنا اول حفيد ولي العهد وثمرة حبنا
شوية ودخلوا امير وياسر وايمن ومهند خبصوا المستشفى بالهلاهل
اسد:فضحونا عبالك محد عنده ولد بس احنه
دخلوا كل واحد بيده چيس جكليت ويهلهلون
ياسر:ولكم نسيت الهوسة الكالت عليها بيبيتي
امير:جاانه ولد جانه ولد يوم الهنا ويوم السعد
مهند ،ايمن:كلللللللللللوووووووشششش
اسد:بعد چبدي
ياسر:شسمة
ام اسيد:صكر
تقدم ياسر سلم عليه وشمر عليه جكليت طشوا الجكليت بعدين كلهم راحوا بقوا يمي امي والشيخ فقط
ثاني يوم من الصبح بـ 6:30 حتى بعدني توني كعدت اجو امير وياسر
امير:يلا يلا بسرعة
الشيخ:بعد وكت شبيك
امير:ماكو بعد وكت يلا
لمينا غراضنا وراح الشيخ يسوي اوراق الخروج أمير شال صكر وياسر شال الجنطة
عيني ضلت على امير كلت راح ابني شايل الطفل بيد وحدها ويهوس
امير:اها ومبارك للحر خلف حر من اشكالة مبارك للحر
تكابلوا هو وياسر يدبچون ويهوسون بنص المستشفى حتى الناس ضلت تباوع وتضحك وبعدين دخلت مراة جبيرة بالعمر ربطة فيشة وياهم وتهوس
ياسر:ومن عمه وخاله كحيل مصلصل
ضلوا يهوسون وامير شايل الطفل بيد وحدها وبعدين رفعة لـ فوك لحدما اجهه الشيخ كال يلا ينتظرونا هناك
طلعنا للبيت عساس لـ بيت اهلي بس الشيخ مقبل غزل راحت لـ عيالها ورا عشرة ايام استبقلونا كلهم بالباب اخواني وابوي ولد عمي كلهم بس علي كان بالدوام
دخلت لـ جوا والهلاهل تركع مثل ما هوسوا لـ غزل وابنها اني كذلك رحت للغرفة حتى ارتاح جابوا ابني خلوا بـ حضني نزلت دموعي شعور الامومة بسرعة مرت الايام كبرت وتزوجت وهسة ابني بـ حضني
فرح:صرت خاله ياعمري فدوة لـهل وجهه
دخل اخوي أسيد
أسيد:ابچي اضحك هسة انا وردة صارت ام ذيج الصغيرونة
وردة:هههه شفت ياخوية شلون ركضت بينا السنين
فرح:من كالوا طلعتي من العمليات واجه الحلو لدنيا أسيد ضل يبچي ويضحك بنفس الوقت
وردة :ياروحي
ورا اسبوع نزل علي جانت يمي اختي فرح وجنت ارضع بـ صكر وسمعت صوته سلم بسرعة لبست حجابي وعدلت ملابسي وخليت صكر بـ حضني دك الباب
وردة:تفضل
علي :مساء الخير
وردة:يامساء الورد الحمدلله على سلامتك
علي:الله يسلمج ام صكر مبروك ماجاكم يتربى بعزكم يوم عرسة
وردة:الله يبارك بعمرك يوم الك ونفرح بيك
شلت صكر وهوَ اجه اخذه مني باسة وابتسم بوجهه
علي:ياحبيبي الشيخ وين
وردة:يمكن بالديوان
الشيخ:الحمدلله على سلامتك
علي:الحبيب الله يسلمك
سلموا على بعض وتباركلة علي ورجع انطاني صكر بعدين انتبهه على فرح
علي:شلونج فرح
فرح:تمام
طلع هوَ فرح كانت طول الوقت عيونها تراقب علي
وردة:فررح
فرح:احبه احبه مو معجبه احبه
وردة:حبتج حيه انجبي واكعدي كل عمرج 16 سنة وينج وين الحب مراهقة انتِ يحب غير بنية
فرح :وهي احلى او احسن مني حتى يحبها شبيها شناقصني
وردة:لج فرح تأدبي لا اكوملج بنعال شهل الحجي هذا الولد ميحبج كافي عاد
فرح:واني احبه واخذه يعني اخذه بالطيب بالغصب اخذه
وردة:اصيح امي والله تأدبي احسلج ميحبج ومن تكبرين تتندمين على كلامج علي راح يخطبوله قمر يحبها وتحبة
فرح:مستحيل ياخذ هاي المريضة
وردة:لجججج شهل الصلافةةةة
فرح:انتِ اختي لو اختها اني احبه احبه
وردة:هذا مو حب ياعمري مو حب انتِ بعمر المراهقة وهذا العمر يفكر وينعجب بشكو واحد بس من تكبرين وتعقلين وراح تفهمين هذا مو حب وقمر مو مريضة افتهمتي والله اذا كررتي هاي الكلمة يصير غير كلام
فرح: حتلو ثانية همَ اخذه
عافتني وطلعت من الغرفة راح تموتني هالبنية وبس لاتسوي مشكلة بينهم او تسوي شيء خطأ يالله دخيلك
ورا كم يوم صرت زينه وبعدهي صعدت لـ غرفتي كنت جاي ارتب بيها وصكر نايم دك تيلفوني اسيا
وردة:هلا بأختي
اسيا:هلا بيج وردة الحكي
وردة:شكو ياستار
اسيا:ولج اختج سوتلها سالفة ويَّ علي تسود الوجههه
.........................................
شكرا لزيارتكم عالم روايات سكيرهوم
