رواي عذابي وقدري الفصل الخامس والعشرون بقلم ارسلان جاف
صباحو داده
روان - بعد مكعدت مفزوعه من الحلم خابرت
على علاء مشغول… دكيت مره ثانيه هم يطلع
مشغول… ستررك ياربي
متت خووف عليه… اشويه ودك موبايل 📱 بايدي
باوعت عليه علاء بسرعه فتحت خط…
روان ..وينك علاء ليش جهازك مشغول
واني متت خوف عليك…
علاء ..رنووو حبيبتي جنت احجي ويه اختي ام علي
هاااا شبيج… جنت نايم كعدت وخابرتها وبقينه
نسولف ..انتي شكعدج…
روان سكتت ماردت اخوفه واحجيله الحلم وبسببه
كعدت كتله مابيه شي … بس شبعت نووم وكعدت
كلت خلي اخابر حبيبي بلكي هسه كاعد واسمع
صوته وانام…
- علاء يله رجعي نامي يعمري… واني اروح انام
بقيت اتعوذ الى ان نمت ورجعت حلمت نفس
الحلم مره ثانيه… كعدت مفزوعه وصاير للفجر
واحس روحي مخنوكه وقلبي يوجعني… .
وخايفه حيل من شنوو مادري… بسس احس
راح يصير شي موزين لعلاء
-نزلت غسلت وتوضيت وصليت وقريت قران
ورجعت نمت كعدت ساعه ب 6 لصبح
نزلت مثل كل يوم حضرت الريوك ومن يخلصون
ريوك اغسل لمواعين وانظف المطبخ وامسح الدرج
ونظفت غرفتي وغسلت الكراج تبللت ملابسي
جان المي بارد واني اشتغل ردت بس التهي بشي
واطرد كل الافكار السيئه من تفكيري وبالي .
ماكوووو…
-طلعت للباب بره اكوو كدامنه ساحه جبيره
كلها نظفتها…
الكل كملوا ريوك ..مااريد اخابر ع علاء وشبكة
ماكووو راحت ..ماكو تغطيه
-حصلته لساعه ب 8 ونص وبقيت احجي وياه
رجع وصاني على نفس الحجي ..اختنكت
احجي وياه ودموعي تنزل
روان… احبك
علاء حبيبتي راح ارووح 5 دقايق وارجع اخابرج
روان… وين رايح حبيبي مشتاقتلك ..
والله يرووحي مااتاخر 5 دقايق واخابر وديربالج
على روحج وعلى الي بطنج وصيري قويه
واهلي هم دير بالج عليهم…
روان حبيبي انت هم دير بالك على رووحك
اني شعليه اذا الله رايدني استشهد ..
ان شاء الله… هاي يم الله موو يم احد ..
روان… علاء انت تريد تموتني
لا يرووحي… يله عافيتي باي وانسد الجهاز
اختنكت حيل وقلبي انعصررر .. احس هوائ
الدنيا كله راح وياه من سد التلفون…
- بالاثناء فاتوا حماي امير وزوجته حنان اجوي
من السوك اني جنت بالحديقه طلعت اتنفس هواا بره مرت حماي
وحماي كالوا تعاي اتريكي…
كتلهم مااريد الف عافيه… فتت جوه اشرب مي
احس نفسي عطشت فتت لمطبخ ومرت حماي
اخذت لريوك وراحت بالهول شلت كلاص اريد
اشرب مي وكع لكلاص من ايدي وحسيت
قلبي انحصر حيل واختنكت وكعدت بالكاع اريد
بس اتنفس ماكووو هوئ اختنكت حيل
بقيت شويه بعدهه كمت غسلت وجهي وجريت
الكرسي وكعدت عليه… دخلت لمطبخ سجى
مرت حماي كرار… وكالت روان عندج رقم علي
اخو علاء من امه وابوه… كتلها اي بسس
شتسوين بي انتي .. كالت امير يريده بسرعه ..
اي عندي بالخط الثاني وعلاء كلي لا تخلينه
سجى… روان افتحي انطيني الرقم ورجعي وخري
من لجهاز خفت وبالي كله يم علاء صار بي شي
صعدت لغرفتي اني وهي وامير وزوجته
- طلعت الخط الثاني وخليته بالجهاز وفتحت الخط
وانطيتهم رقم علي اخو علاء .. خزنه امير بجهازه
وطلع يركض ولونه مخطوف… كتلهم علاء بي شي سجئ احجي علاء بي شي شبي امير…
بعدهه ماحس الا الدنيا افترت بيه… نزلت ركض 🏃
وكعت و انضربت رجلي بالدرج وانحرجت كامت
تجري دم واني مو بحال رجلي ولا اهتميت وماحس
بالالم لان الالم بروووحي اكبر بهوااي من الم رجلي.
-دخل حماي امير للبيت اني شفته جمدت بمكاني
اجه عليه وحضني حيل وكال روان علاء مات
ولج بعد ماكوو علاء وهو يبجي…
اني حسيت جبل وكع على راسي شلون وليش،
عافني بقيت مصدومه ماحجيت ولا كلمه
- صحت بي ولك والله جذب عفيه حباب امير
كوول اتشاقه وياج كول حبيبي علاء مابي شي
وراح يرجع…
- علاء مايعوفني انتم تجذبون عليه كتلهم جذب
هسه اخابره ويحاجيني… رحت ركض مثل لمخبله
صعدت فوك لغرفتي نزلت جهازي وخابرت علاء
يدك مايشيله واني ارجف كلي…
واصيح والله انتم جذابين جهازه يدك ومايرد
صار صياح والتمت علينه الجيران وكعت لزمني
اثنين نسوان من الجيران… كمت اعيط واصيح
فقدت وشكيت دشداشتي الي لابستهه تخبلت
ماضل عقل براسي…
طلعت اركض بالشارع ولزموني ودخلوني للبيت
واخذوني لغرفتي فوك…
واجتي مرت امير حماي حنان وكالت هااا يافكر
(كمعتي ) موتي لرجال وارتاحيتي…
خابرت على بابا واني ابجي واحجي واكله تسمع
بابا انت تصدك علاء يعوفني حباب تعال انت
وجيب علاء وياك هو يسمع حجايتك كله خلي
يجي لا يبقئ هناك …
- كعدت بالكاع وكمت اعيط ملخت شعري وخرمشت
خدودي وادك ع صدري ورجليه ..صرت مخبله
وقليله هالكلمه…
ولك علاء انت مو تكلي اني احبج ليش عفتني
والله كلي شويه واخابرج…
النسوان يبجوون واكللهم اششش…
-علاء هسه يجي شبيكم تصيحون…
تخبلت رسمي كمت اشوفه واكف يمي واكلهم
هذا يمي واكف شوفووو انتن شبيجن
وفجاه يختفي خياله مني . … .
- بقيت هيج مخبله ساعه ابجي واملخ نفسي
وساعه اشوفه كبالي… خياله لعلاء يتراوالي
كدامي علاء احجي وياه يختفي اكووم اصيح
واملخ نفسي واكلهم جذب انتم جذابين
ماتريدونه … للمغرب وجابووو الجنازة
جابوووو حبيبي علاء… .
جابوووو حبيبي بتابوت . …
جان عليه العلم العراقي . … .
كل هالطول والهيبه والكشخه كلها تصير بالتابوت
جذب…
يوم 25 بمحرم يووم وفاة الامام السجاد عليه السلام…
-خلووو التابوت بالكاع وشمرت رووحي عليه
واني احجي وابجي ليش عفتني علاء ملخت روحي. بست رجليهم وتوسلت بيهم بسس
اشوفه مقبلوا…
اشويه ودخلوا حمويني كرار وامير وشالوا لجنازه
طلعت لكراج اركض وراهم لزمتني امي وحده
من اخواته…
من شالوا اخذوا روحي وياه ..وراح كلشي
روووحي وحياتي كلشي راح شلي بعد بالدنيا
وانت مابيها…
كالوا راح يخلونه بالجامع يبيتونه ولصبح يطلعون
بي للنجف… .بلليل كل واحد يفوت من اخوته
ولد عمه اتكالوا راح يخلونه بالجامع يبيتونه ولصبح يطلعون
بي للنجف… .بلليل كل واحد يفوت من اخوته
ولد عمه اتوسل بيهم بسس اشوفه ميقبلون
ردت بس اشوفه واشم ريحته واصيح والله جذب
حبيبي علاء مايعوفني كال للموت سوه…
مايخليني وحدي ويرووح… علاء منتظرت بنتك
تجي وتلعب وياهه شبسرعه رحت بديت اضرب
على بطني حيل واحجي وياها ولج ابوج عافنه
وراح… ليش تجين لدنيا وابو ماعندج وتعيشين
يتيمه…
جنت اجذبهم واكووو لا جذب حبيبي ميعوفني
بقيت لصبح كاعده منتظره بلكي يخلوني اشوفه
بالجامع… .
للصبح اجه حماي وكال يله واخذوني لجامع حتى
اتشوفه زوجته… طبعا اني مشي ماكدر امشي
احس رجليه ميتات لزمتني امي وحده من عماتي
وخلوه ع راسي العبايه وطلعنه ويانه وحده من
اخواته احس رجليه انشلت .. من الصدمه
وصلت قريب على الجامع ..جان يجي خالهم
هادي تلكانه وكال زلم هووواي ومحد تكدر تطب
وتشوفه اني دنكت على رجله بستها كتله عمي
بسس اشوفه اخررر مره .. والله ماريدشي
خلي اتاكد منه والله علاء مامات عافني وكال
ارجعي للبيت واني قبل التشييع اجيبه تشوفينه
للبيت… .
رجعت للبيت وكعدت بالمكان الي خلوا بي التابوت
احجي وياه وساعه املخ روحي لحد مافقدت
صاااررر وقت التشييع ..
عبالي راح يخلوني اشوفه بقيت انتظر التابوت
بسس اريد اشوف حبيبي ماريد منكم شي
اجوي يشيعون وقبل لا اوصل خلوه ع السياره
وراحوا بي للنجف…
واني كاعده مقابيل الباب انتظر يجي جذب مو هوه
جهازه يدك يومين وراه مااستشهد والتلفون يدك
من رجعوا من المقبرة صدك هنا عرفت حبيبي
عافني وراح خلص… اني حامل 4 اشهر وكعت
بعد مااكدر فد مره بس بجي واكل مااكل تخربطت
وطببوني لغرفه اجتي مرت ابوه احلام وجان
تكلي …
اكلج انتي بعد بكيفج تزوجين تبقين شتريدين احنه
الي جان يربطنه بيج علاء وعلاء ماات…
- كمت ادك والطم على وجهي واصيح فقدت
اني بياحال وهيه جايه هيج تحجي…
وكعت وكعدت لكيت روحي يم الدكتوره وماما يمي
ماما حبيبتي هذا امر ربج وكلشي بيده ..
انتي كولي الحمدلله جابوا الج واله قبر وتزورينه
اكووو غيرج اهلهم مايندلون وين محد يعرف
خبرر عنهم… واني دموعي تنزل…
- رجعت من الدكتوره تعبانه حيل موو سهله احد
ياخذ عمرك كله ويروح… بلحظه… .
صرت مجبور ادفنك يا عشك يا شوك ..
وقرأ الفاتحة وبالوحشة ...ااصليللك "… .
شماتة "الاجو واسوني ثالث يوم . ..
روان طبيت للبيت اني وماما اجه حماي امير
سال امي بالباب كلها هااا عمه روان اكلت شربت شي… مرته حنان جانت واكفه جان تكله وهيه
شنووو و منووو تسال عنها ومهتم بيها
اني مرتك صارر يومين لا سالت لا كتلي اكلتي شربتي
هسه تسال روان اكلت شربت …
-كاللها روان راح منها علاء تعرفين شنوو علاء
رااح منها انتي شبيج تخبلتي…
روان بعد مخلص يوم 7 ايام وبعد الي سمعته
من مرت ابوه احلام ومرت امير حنان… .
كتلها ماما مابقى هنااا ارووح وياج… جهزت جنطتي وطلعت واني اودع غرفتي وبيتي بكل
زاويه ومكان عندي ذكره لعلاء… اتذكره
دمووعي نزلت نزلت شفت الكل موجودين ونسوان
حمويني كاموا يبجوون مووو همه نفسهم الي صاحن عبالهن رااح ابقى واخذ واحد من زلمهن
هيج سهله هيه عبالهن طلعت منهم يوم لسابع
بسس ماقبلوا اخذ شي من ملابس علاء وياي
كالوا مايصير اذا مايطلع الاربعين… طلعت
ودموعي على خدي ..
- مادامك مشيت اخذ الاحلام وياك ...
المن ضال حلمك ...
كاعد براســـــــي… .
............................................
روان… رحت بالاربعين لبيت عمي اهل علاء رحت
جبت ملابس علاء… رحت اني وماما
صعدت لغرفتي فتحت الكنتور
واخذت دشداشته لبسها وكال ظميها لا تغسليها
بقيت اشتم بيها اوووف ياريحه هلي … وابجي
واخذت تراك جان يحبه وقمصله جان لابسها
قبل لا يستشهد صديقه كايله بردان ونازعها
ومنطيها اله ومن استشهد علاء صديقه من نزل
اجازه اجه ورجعها…
-كامت مرت عمي تصيح كتلها اخذت هذني
،والغرفه هيه والبيها الكم .. بعد مااراح علاء
عود نفسي بشي لو اباوع بشي اخذت ريحته وبس
ودموعي تنزل مااشوف حتى دربي احسس
دموعي نااار وتنزل تحررك كلشي بيه
- وكالووو لازم باجر محد يشوفج بالمقبرة
كتلهم من لصبح اطلع ..بابا كال لا اني اخذج
وره مايطلعون اهله من يمه وبسس اني وانتي
وامج واخوج واخواتج وياج…
- بقيت لليل كله مانمت منتظره للصبح يطلع كل
تفكيري ارووح اشوف علاء جنت احسب يوم يوم
للاربعينية وكل يوم يمر جنت اكول راح يجي
علاء ليوم احتمال مصوب وكع على شي وفقد لذاكره كمت اتخيل اشياء من بالي… وخيالي
الي رافض فكره موووته…
-واقنع نفسي بيها علمود بس مااكول مااات
صعبه حيل حبيبي وابو بيتي بلحظه يروح مني
صااارت لساعه ب 6 للصبح طلعنه للمقبرة للنجف
اني وبابا وماما واخويه علاوي واخواتي رقية ورونق
لازم محد يشوف مني شي… لان جنت لازمه
عده ولا احد يسمع صوتي لبست دشداشه سوده
وعبايه وبوشيه صايره 3 طبقات كمت كلشي مااشوف وجفوف وجواريب سود لبست وتحضرت وانتظرت اهلي كملوا وطلعنا للمقبرة
ب 6 بسيارة بابا واني اريد اشوف علاء ماصدكت
راح مني الطريق طويل والدنيا خنكه من طبينه
للنجف اختنكت بعد الهوئ رااح… وكفت السيارة
نزل بابا واندار عليه نزلني وهو لازمني من ايدي
ويحجي وياي بابا روان على كيفج فكري بنتج
الي عندج امانه الموت حق علينه كلنه…
لا اعتراض على حكم رب العالمين وهذا يومه ..
ومحد يموت وره احد لازم تصيرين قويه
وتتحملين وتشيلين المسؤليه لازم تصيرين اب وام
بنفس الوقت… هوه يحجي واني دموعي
تنزل من عيني نار تحركني حرك وصلت لقبره
معقوله حبيبي وهيبته وكشخته كلها راحت جوه الترراب…
- كعدت يم كبره مادري احجي وياه لو اعاتبه
مدري اعاتب الوكت الي اخذه مني…
بقيت ابجي واح بقيت ابجي واحجي وياه واني حاضنه القبر
ومخليه راسي عليه وابجي واحجي وساعه ادك
والطم لحد ماتعبت اجه اخويه هيثم شالني
واني اكله حباب عوفني ولك خليني يمه
خليني اموووت شلي بادنيا بدونه والله ماريد من
الدنيا شي… بسس اشوفه دقيقة وحده
- رجعنه للبيت واني رووح بلا جسد كلشي بيه مات
بداخلي ..رووحي بقت يمه بالمقبره…
بقيت لازمه عده 4اشهر و10 ايام لباب لبيت ماطلع
ولا اسوف احد ولا احد يشوفني بس بابا واخوتي
وماطلع الا لضروره لدكتوره والمستشفى كل خميس اني يصفر ضغطي ومغذيات وابر يله
استعدل واصحه من الحركه والقهررر… الي بداخلي.
دخلت بالشهر ال 9 وعيالي بعد ماشفتهم ولامره
ولا سمعت عنهم شي… ..
شكرا لزيارتكم عالم روايات سكيرهوم
