رواية اغفري لي الفصل الرابع والعشرون بقلم أوتار حزينة
حمزة
انه كاعد يم جدي رانيه اجت وجهها
مخطوف اشرت اليه كمت بسرعه
كلت غاده صار بيها شي
لان شفتها مو تمام
رحت الها سالت
«،،خير خويه غاده بيها شي
«،،،تعال وياي لغرفتها
جانت صايره فده مشيت وراها ماهيه حبوبه واكف تعاين للحمام سالت
«،،،شبيها معدتها
«،،لاا يمه البنت حامل ويمكن طاح ضناك
فگيت عيوني وچن شي ضربني براسي
كلت
«،،يمه شجاي تحجين اانتي
ماردت كامت تروح وتجي تردد بغضب
««،،الله ياخذجن ويخلصني منج ماشفت منج
غير الاذيه والمغثه
واكف بمچاني صافن للباب ومذهول مو مصدك السمعته گلبي انعصر وروحي انمردت
لان اعرف شلون صار كلت راح يطلع
مثلي ويعيش بقهر وعذاب طول عمره
طلعت تمشي بصعوبه وياها عمتي
عاينت لبطنها صوتي طلع
«،،،هذاا مايظل تنزلي غاااده
صفنت عليه حبوبه حجت
«،،،شنهي هالحجي حمزه تخبلت شلون تريد تنزل
ضناك
«،،ماااريده يمه مااريدن ضنا وانه اعرفن شلون
اجه وشلون راح يطلع
مشيت الها رانيه وحبوبه وكفن بوجهي اشرت
بخبال
«،،هذاا مايظل نزلي
غاده
سمعته شحجه من قهري من اهله ومنه
صرخت بي
«،،ماااراح ااذبه ولااا
ماكدرت اكمل
الم ضرب ظهري بقوه وخلاني الزم ايد عمه
بقوه نزلت روحي وصرخت
«،،،ااااخ يمه
وكعت بايدها حسيت نزفي زاد وتبللت
روحي فرفحت من الوجع والدوخه
صارت اقوه
غمضت اون ايد اخذتني منها جان
هو صاح بيهن
«،،،جيبن عبايه وشال بسرعه
لبسني اني صايره فد مره من حسيت
بروحي راح افقد ابني كمت ابجي
بشهكه من الوجع ومن الخوف علي هو شالني
ومشى بيه بسرعه يردد
«،،خرب بيج لااا خرب بيه انتي شعليج
انه السبب بكلشي كاعد يصير
بيج
خلاني ليوره عمه اجت يمي هي ورانيه
روحي ماعت وحيلي راح راسي ثگل وخفقان
صار بگلبي انتهيت
فقدت الوعي
حمزه
سمعت صرخه عمه ورانيه عاينت الها فقدت
الوعي بين ايدهن صرخن
«،،،بسرعه حمزه النزف خذها
عقل ماظل براسي من السمعته ومن وراها
الي انتهت بين ايدهن
مااعرف شلون وصلنا لان دست بالسياره
نزلت بسرعه شلتها من ايدهن حسيت هدومي
تبللت دم هن ورايه اجني واحد شافنا
كال
«،،،للصاله اخويه
طلعنا جدامي وصلنا جاب سديه خليتها
عليها واخذوها لجوه عمتي ورانيه طبن وياها
وكفت بره وسندت روحي على
الحايط عاينت لهدومي كلها
دم حيلي راح وكلت
راحت من ايدي
جهازي دك طلعته بأيد ترجف جان
جعفر فتحت الخط
كلت بخنگه
«،،خويه الحك عليه ماظل بيه حيل
«،،وين اانت احجي
دليته وسديت الخط نزلت للكاع وگضيت
راسي بايدي اردد
«،،،راح تموت ياحمزه وتروح من ايدك وگله
مني انه الي اذيتها وصخمتها
ومالي عذر لا والله مالي
عذر يمك لان عندي
عگل وافكر بي
واكولن هي شنو ذنبها بالصار
عاينت للباب وكمت رحت اله اروحن
واجي اريدن وحده تطلع تطمني
عليها وره دقائق مرت واخذت من عمري
طلعت عمتي طلعت الوجه اصفر ماكدرت
احجي شي خفت اسمع
كلام يموتني بگاعي
كالت
«،،حمزة جيب باص بسرعه
«،،
هي شلونها كعدت
جاوبتني بدموع
«،،لا يمه ماكعدت ضغطها نازل كلش،،،خلو الها مغذي وضربوها ابر حتى لايطيح الجاهل
كلبي هبط لان ماكعدت سالت
«،،،يعني شنوو ماراح تكعد
«،،كول الله يمه هي دائما يصير بيها هيج
لچن هالمره اقوه عبن حامل وهم انغثت من
جدك وعمامك وهي جانت مو ماكله
وتعبانه من الشغل
حجت تريد اطمن روحها وروحي وياها
عاينت لصاله كملت
«،،،روح جيب الباص حتى يكتبولها الدوه
وتنام بالردهه
«،،ليش تنام وضعها مو زين مو
««،لا الدكتوره كالت خلوها بس اليوم تحت المراقبه خاف يصير شي لاسامح الله هي يمنا
ونكدر نصرف
سكتت وگضت ايدي وكملت
«،،روح يمه جيبه وتعال حتى نطلعها
للردهه
«،،اي
جاوبتها رجعت لجوه رحت جبت باص ووديته الها ظليت اروحن واجي حالي حال
شفت جعفر جاي من بعيد شافني اجه
بسرعه وصل ليمي
عاين للدم سال
«،،،شصاير يبو جمره
جاوبته ضايع مااعرف بشنو افكر او
شاريد
««،«مااعرف شصار وشسويت ولك شبيه
ليش القهر ماجاي يعوفني
گضني وكال
««،،،بس اهدأ وفهمني شصار
««،،ولك هو ظل شي ماصار انه شراح اسوي
وشراح اگولن الها وانه خليت بطنها
اااثر راح يجي وتشوفه چدامها
عذاب الها والي
جاوبت بگلب ممرود عاينت للصاله
وكلت
«،،يارب اخذه مااريدن خلي يروح حتى
لايذكرها بالسويته بيها
«،،،ياخويه ااذكر الله
صحت من جوه گلبي
«،،يااالله ياالله اخذني وخليني ارتاح
من السوته ايدي
انه الجبل ابو جمرة بذيج الساعه انهاريت
وكعدت مهدود حيلي اون من قهري
ومن ضيمي
هو كعد يمي ماحجه شي رددت
«،،ولك،،، شوف حالي والله راح اتخبل من
الكاعد يصير بيه
«««بس اهدأ الشي صار بعد وهذا امر ربك
كمت ادك راسي بالحايط اون واردد
«،،ااخ مني ااخ من اهلك اااخ منج زهره
شيلوتني ذنب جبير وبعدكم تريدوني اشيلن
ذنبها
درت وجهي على الصاله كالت اذا متت
ابريك الذمه،،،وگلبي وجعني من چلمه
وهسه هي جوة مااعرف شراح يصير بيها
وره مشوار عمتي طلعت هي ورانيه
فزيت من شفتهم طلعوها على
سديه رحت عليها نايمه والوجه الجان
احمر ورد لونه صار اصفر
سالت بخوف
«،،،عمه بعدها نايمه
«،،،اي راح يخلوها تحت المراقبه بالردهه
ماحجيت شي اخذنها لغرفه خاصه ممرضين
رادو يشيلوها ماخليتهم
شلتها بهداوه وخليتها بالفراش صافن
عليها بقهر
وخرت عنها بس عيوني ظلت عليها
عمه ضمت شعرها الطالع
تبجي وتردد
«،،،،،،حسبي الله عليجن ونعم الوكيل البنت
ماقصرت وياجن وشالت وخلت ومن طلعتن
حشيتن براس زلمجن ودزيتوهم عليها
وسمعوها كلام سم بدنا احنا مو
عاد هي
«،،عمه عوفي هالحجي هسه وخلينا بحرمه
ابو جمره
حجه وياها وكمل وياي
««،،عگب للدار بدل وارجع
جاوبته بغضب
«،،اذا هسه اعگب احرك دار ابوك وعمك
وانسى هم اهلي
صفن عليه درت وجهي منه اعاين الها هو
كال
«،،،انه راح اروحن اجيب الك هدوم واجي
رانيه حجت
«،،،اخذني وياك هم اجيب جم شغله الها
«،،،امشي
طلعو من يمنا وعافونا وحدنا عمتي
كالت
«،،،يمه اروحن اغسل واجي وجهي غده نار
هزيت راسي طلعت وسدت الباب وراها
ظليت وحدي انه وياها مشيت الها
احاجيها بگلبي
««،،اكعدي ياجمرة گلبي وفتحي عيونج
الحلوة
گضيت ايدها بارده اذكرت من خذيتها
لحظني بذيج الليله نسيت،،،انه وين مديت
ايدي وشلتها بهداوه ولميتها لحظني
ردت ادفيها بنار روحي ردت
تاخذها وتفتح عيونها
وخرت منها صافن عليها خليت ايدي
على وجهها وحاجيتها
«،،،اكعدي يبعد حمزه تره هديتي حيلي
بستها من عيونها وكملت بقهر
ووجع
«،،اكعدي ياجمرة گلبي اطلبج دين مابريتني
الذمه وبعده ذنبج برگبتي
ونت بصوت ضعيف گلبي فز وعاينت
الها بلهفه فتحت وغمضت كلت
بتوسل
«،،،،افتحي عيونج ياغيده وخلي الروح ترد
اليه
ميلت راسها وخلته يم گلبي الي جان
يدك بجنون عيوني عليها
فتحت بس مو بوعيها لو واعيه
جان رفضتني عمتي طبت
كلت
عمه صيحي الدكتورة چن صحت
«،،،يالله يارب
حجت هيج وطلعت من يمنا بسرعه
رجعتها للفراش مغمضه وتون الدكتوره
اجت طلعت لبره وكفت وره مشوار طلعت عمتي
وياها من راحت سالت
،،،ها عمه شكالت
جاوبتني بقهر
«،،،الحمد لله كعدت ووعيها شويه احسن
لچن الجاهل مهدد يايمه يجوز
مايظل بطنها
بگلبي كلت
«««خلي يروح مااريدنه شأسوي بي وانه اعرف
شلون صار
«،،اروحن يمها
«،،اي روحي
الصبح فحصوها وطلعوها كالو العصر
ودوها لدكتورتها
عگبنا عيوني عليها
كاعده ليوره بحظن عمتي غافيه والتعب والمرض
مبين بوجهها جعفر جان يسوق وانه يمه
لان ماظل بيه حيل حتى
احجي وي احد
وصلنا رحت ليمها عمتي انطتها اليه حتى
حيل للحرگه مابيها اخذتها لحظني
خلت راسها يم صدري
جدي طلع عاين النا قره وجهي وعرف
النار الي بيه اخذتها لغرفتها خليتها على
الجربايه ،،،،،،، نفسها ضعيف
وهالشي خوفني وخلاني
اسال
«،،،،،عمه لو تظل بالمستشفى احسن
«،،لا يمه الدكتورة كالت اخذوها وانطوها شكو
شي زين خلي تاكل حتى تشد
حيلها وترجع عافيتها
بلگي مايطيح ضناك
«،،،،هسه اروحن اسويلها لحم شوي وشوربه
واعصرلها برتقال ورمان
«،،اي يمه امشي اني وياج
عمه جاوبت رانيه وطلعن من يمنا
حبوبه كاعده يمها تعاين الها
بقهر تدعي بدموع
«،،،يارب گومها من هالشده اريدها منك هي
وضناها
اختنكت وتحسبت
«،،،حسبي الله عليجن قهرتن البنت وهي
مو عايزها قهر
«،،،،اي يمه زيدي ناري حتى اروحن هسه
احرگ بيوتهم واحد واحد
حجيت جاز على سنوني جدي اجه وطب
اول مره يجي لغرفتها هي كامت
وحجت ويا بعصبيه
«،،،مو كافي ظلم يالعود ياجبير ربعك
سكت ماحجه شي اشرت عليها كملت
««،«شوفها شلون غدت لو تموت هسه
بذنب منو تروح انت ماكو
غيرك
مارد كملت بدموع
««،،هذا ضناه للغالي راح يروح من ايدينا وسبب
منو ياهادي سببك انت وذولك بزر
بطني لاا بحظي مو بزري
صارو بزر برنو وسعده
لا سعدهن ربك
««،«بسج عاد ياحرمه حجيتي هوايه وانه والله
ماجنت ادري بيها شايله
«««واذا ماشالت نظل نظلمها يابو علي
سكت مارد انه جاوبت عيوني
بعيوني اخزر بغضب
«،،،،حجي هالكلام وصله لعمامي والي وراهم
هالحرمه
اشرت عليها وكملت
«،،حرمتي الي بعد يجاوز عليها او يمسها
بچلمه راح يشوف مني شي مايسره ان جان
جبيرا او صغير كلها راح تصير
عندي واحد واريدن
بعد اسمع احد غاثها الا اشوف وجهي
الثاني وانتو شفتو من گضيت
عباس،وكسرت ايده لان
تجرأ عليها وطگها
صفن عليه وماحجه شي مشى من يمنا وطلع
عمتي صاحت
«،،،،يمه تعالي
حبوبه كالت
«،،،ديربالك عليها يمه هسه اعگب
طلعت وسدت الباب وراها عاينت
الها غافيه ولا حست باي شي مشيت الها
كعدت يمها صافن عليها بقهر
كلت بوجع وگلب ممرود
«،،،جنتي ورده ترفه نازگه ياغيده وانه
جبتج وخليتج بنص شوگ
وعاگول
عيوني راحت لبطنها هنا زرعت اثر راح
يذكرها ويذكرني بالسويته بيها
شي راح يصير عذاب
النا من نشوفه
جدام عيونه
ذبيت حسره طلعت نار من گلبي شفت
الكانوله بايدها وكلها دم گضيت
ايدها هم بارده حست
وگضتها بهدواه
فتحت شافتني يمها عدالي راح
تفز ادكلي روح من يمي
لچن هي سالت
بتعب
«،،ابني بي شي
صفنت عليها سحبتها گضتها ورجعت
سالت بعيون مغوركه
««،حمزة ابني صارله شي
جاوبتها بخنگه
«،،ولج شسوين بي وهو تعرفي شلون اجه
«،،هو ماله ذنب بالصار
جاوبتني وكامت تبجي
«،،،راح مو
«،،لاا
«،،،كول والله
حبوبه طبت وعمتي سحبت ايدي وكمت
شافنها كعدت فرحن بيها
«،،،،ها يمه شلونج هسه
رجعت ليوره اعاين الها سالت
«،،،،ابني بعده مو
«،،،اي يمه بعده بس ارتاحي واركدي
حتى يظل بطنج
«،،،،يعني ماراح يروح مو
«،،،لا اسم الله علي ماراح يروح
غمضت وبين عليها من حجت تعبت كلش
مشيت من يمها وطلعت لغرفتي
كعدت هناك مخنوك من
الجاي احس بي
جعفر طب سد الباب واجه كعد يمي كلت
«،«شفت اهلك شسوه بيه
«،،،عوفهم مايفيد بيهم الحجي لا امي تفتهم ولا ابويه ماشفت شسوت بحرمتي طگتها
هي وخواتي وطيحن
ضناي
«،،،،اي واجه السره عليه اني وحرمتي
«،،،،اخ يبو جمره البينا ماينحجي لاحد ذوله
اهلنا لو اذيناهم احنا هم تتاذه
«،،،لااا بويه مو اهل ذوله گومه عگارب وحيايه
سكت كملت بغضب
«،،،وحگ هو الله لو صاير بيها شي الا
احرگهم كلهم ومايوكف بعيوني
احد
«،،،محد يلومك اذا سويت هيج لان انه
هم ناري بصدري منهم احجي وي ابويه يگلي
امك وهي وكفت بوجهها وردتها وصار
بعد هالشي شتريد تچتل امك
وخواتك من ورة حرمتك
ورثت جگاره كال
«،،،،انطيني وحده
انطيته جريت نفس وذبيته بحسره
سكتنا ومحد حجه وره مشوار سأل
«،،،،عشكتها يبو جمره
صفنت علي ابتسم درت وجهي منه
«،،،اي جنت عايزه يبن الخايبه كملت عليك
هسه ومن صدك راح يتعب گلبك
ويفين حتى حظك
جنت عدالي الكاعد اسوي الها يعرفو
هو تكفير عن ذنبي لچن جعفر لگف البيه كلت
بحسره
«،،،،،اي واخوك انحسب يم ربك شهيد لان
حبيت من طرف واحد ومنو حبيت الي
نهبتها وخذيتها غصب
«،،،خرب حظك اي والله علتك مالها دوه
يخويه وراح تظل عليل طول عمرك
«،،،اي مامكتوب اليه الراحه ابد
مهيب
نزلت من الدوام كاعد بليل وي امي وابويه
على العشه كالت
«،،،يمه مهيب تكدر باجر تودي ياسين ابن خالتك
صفيه للدكتور
««،،ليش شبي
«،،خطيه مايكدر صارله كم يوم
ابن خاله صفيه جان بعمري بس جان بي ضمور بدماغه وعاش عمره بالكرسي يفهم
الحجي بس مايحجي
كلت
«««اي يمه اودي ليش لاا
«««اي بعد امك خطيه اكسب بي اجر خطيه
خالتك مانشفت دمعتها علي وملتهيه
بي
مو اكول ماشفتها من اجيت
«««صارلها 3 ايام ماتجي من وراه خابرتها
اسال عليها وعلي تبجي وادكول
كام ماياكل اللكمه
«««وهذا اخوه العار وينه ليش عايف اخوه
هيج
««««منو ثابت
««،،اي ليش اكو غيره
«،،،شاحجي يمه انت مو تعرفه لا حنين ولا
يعرف امه واخوه من طلع من يمهم كال الها
انسيني واعتبريني ميت
«««عار ماتصيرله چاره
«،،،اي هاي انت كلتها عار
ذبت حسره وكملت
«««مسكينه ماعدها حظ بولدها واحد ماتهمه
غير نفسه ومرته وجهاله واللخ
هذا حاله
«««بسيطه يمه باجر احجزله يم دكتور زين
وواودي علي
«««اي بعد امك ودي خطيه بكلي يشوف علته
وينطي علاج الها
«،،ان شاء الله
ثاني يوم العصر رحت الهم جانو ساكنين
بالكاظميه بالدرابين القديمه
عفت سيارتي بالشارع ومشيت
لبيتهم
وصلت دكيته طلعت خاله صفيه جان عدها
خبر بجيتي شفتها باجيه سلمت
وكلت
«««ها خاله مانروح
««،والله يايمه راح اتعبك وياي بهل اليوم
«،،،ماكو تعب خاله ياسين بحسبه اخويه
كامت تبجي كلت
«««لاتبجين اني عندج وامشي يله خلي ناخذه
ونروح لان الدكتور كعد
«««اي تفضل
طبيت ممر عريض البيت صح قديم وكله
رطوبه بس نظيف ومرتب اخذتني
لغرفه جوه طبيت شفته
ممدد اصفر وجلد
على عظم كلت
«««الله يساعدك بطل
ابتسم اشر بأيده كعدت يمه وكلت
«،،«هاا ولك شيوجعك
اشر لراسه جاوبته
«««هسه اوديك للدكتور وينطيك دوه يرجعك
حصان
ضحك بس بتعب كمت وكلت
««،يله خلي نروح
««،،خلي اجيب العربانه
«،،لا راح اشيله واطلع بي للسياره وانتي قفلي
وتعالي ورانا
«،،،يمه خاف ثگيل عليك
«،،خاله تره جاي اشيل حديد اثكل منه وهو
ماجاي تشوفي ضعيف كلش
دحگت علي بقهر وجاوبت
«،،ماجاي ياگل مثل الاول
«،،،بسيطه هسه نروح ونشوف شنو علته
حجيت هيج وكملت ويا من شلته
«،،يله يول خلي اليوم اخذك للدكتور وراها
اجيبلك عشه توب وافرك انت وخاله
بغداد
طلعت بي اسمعها تدعي اليه جان خفيف
ماحسيت شايل بشر خليته يمي ليجدام
وهي اجت كعدت ليوره
اخذته للدكتور فحصه وطلب مفراس وتحاليل
اخذتله بعد مادفعت فلوس حتى
يدخلونا بنفس اليوم
رجعت علي كال
«،،،هيج وضع يعني معرض للتدهور باي وقت
«،،،يعني شنو دكتور
امه سالت بخوف كمل
«،،حجيه انتي تعرفين مرض ابنج يعني
اشرت اله لان شفتها فد مره صارت
سكت وكال
«،،،،هو يحتاج مقويات هوايه وغاليه يعني ابر
وحبوب من شركه خاصه
«،،،يعني بيش يطلعن
هي سالته بتردد حجيت
«،،اكتبهن دكتور وشنو الي يفيده اكتبه ولاتقصر
«،،،تمام
كتبله الوصفه وطلعت امشي اضحك ويا
اكله
«،،،ولك اضرب ثريد حتى تسمن
يهز راسه باي جاوبته
««،عفيه بالبطل هسه اخذلك دوه يخليك
تاكل حتى الحصو
خليته بالسياره امه مدت ايدها بفلوس
وكالت
«،،هاك ذني يمه
«،،،خاله اصعدي وخليني عاقل
«،،،مايصير مهيب انت دفعت الكشفيه وو
قاطعتها
«،،،راح ازعل عليج ام ياسين لان جاي تحسسيني
اني غريب عنكم
بجت وكالت
«،،،لا يمه انتو اهل واعز من الاهل
«،،،اذا هيج عجل ضمي فلوسج ولا تزعليني
منج
«،،،،تمام يمه
«،،،يله اصعدي اروح اجيب الدوه وانطي
مي خطيه اشوفه عطشان
«،،،اي هسه انطي
رحت للصيدليه لا دكتور يرحم ولا ابو المفراس
والتحليل وهم اهل الصيدليات كلهم
يگصبون بالعالم هسه العنده
يكدر يعالج
روحه بس خطيه الفقير منين يجيب
يموت وخطيته برگبه كل واحد
جلاد مايرحم
اخذت كم كيس حفاظات اله
دواه وجان غالي كلش بس مادرت بال
كلت ربي يعوضني عن كل فلس
اصرفه علي
لان جنت كل فتره انطي امي فلوس الهم
ولغيرهم والله يرزقني من غير
باب
واني عندي خير من الله راتبي وهم جنت مشغل
فلوس وي صديق اليه بالصيرفه
وهم يجيني خير جثير
منهن
رجعت للدكتور اشوفه الدوه وهم اسأل
من طبيت كلي وضعه مو زين
وكلما تمر علي الايام
راح تدهور حالته وهاي الادويه ااي
انطها مجرد تخلي ياكل وتعوضه عن النقص
الي بجسمه
رجعت الهم صعدت وكلت
«،،،محتاجه شي خاله قبل لا احرك
«،،لا بعد خالتك ماقصرت
«،،،،يالله
شغلت وطلعت اخذت عشه الهم والنا فريته
بشوراع بغداد اشوفه فرح وياشر
على شنو يشوفه
رجعتهم ساعه تسعه بليل شلته ووديته
لبيتهم امه كل ساع تشكرني
والدموع بعيونها من
رادت تبوسني
من جتفي ماخليتها بستها من راسها
وكلت
«،،،،،خاله انتي مثل امي وغاليه عليه وهذا
الشي السويته تره سويت لوحده مو غريبه
عليه لاتنسين انتي عشره عمر ويانا
وشتحتاجين اني حاضره
اعتبريني ابنج وان شاء الله مااقصر
وياكم بشي
«،،،الله يحفظك يايمه ويرزقك بنت الحلال الي
تسعد گلبك
«،،،ههه مال الله يحفظني اي بس مال بنت
الحلال مااريدها خليني هيج
طير وطاير بالسما
ابتسمت بنص دموعها وجاوبت
«،،،الطير هم يجي يوم ويصيدو
««،ماانصاد اني نسر حر
«،،،اي يمه نسر ويردلك نسره مثلك حتى تگدرلك
««،ههه ماراح تجي ولا تشوفيها لان ماكو
وحده تگدرلي
«،،خلي اشوف يمه الزمن شضام الك
«««،كل خير بس خير النسوان مااريده
حجيت هيج وكملت
«،،،يله خاله اترخص
اروح اودي العشه للحجيه والحجي
««،روح يمه الله وياك
مشيت من يمها وصلت سيارتي
صعدت شغلت وطلعت مبتسم اردد
«،،ماراح تجي هالنسره وحتى لو اجت ماراح تكدر عليه
اجت هاي البنيه بين عيوني شلون كاعده
بالگاع تخزر بعيون ذيبه وماده
ايدها بالسجين
كلت
وين الكاج ولج دورت عليج بكل التقاطعات
اريد بس اشوفج حتى انطيج فلوس
اساعدج بشغله تخلصج
من هالفره بالشوراع وذله العالم الي
ماده ايدج الهم بس ماكو فص
ملح وذاب
ظليت افكر بيها شلون انقذتني من ذوله
الي رادو يگتلوني ومن شفتها شلون تتعارك
وهي مو خايفه تخزر بعيون
شراستها تخبل وخلتني
لحد هاي اللحظه
اتخيلهن بين
عيوني
وصلت بيتنا نزلت ورحت للمطبخ شايل
العشه طبيت للمطبخ شفت اختي
ميسون جايه شافتني
كالت
«،،هلا والله بابو نسر
ضحكت وجاوبت
،،،،،هلا والله بام حميد
كامت تركص واطك اصبعتين
«،،،ها ياحميد يمه اهلي وعمامي ياحميد يمه
ذبيت العشه على الميز وكمت اهز جتفي واغني
«،،،فدوة لتفگتك يامعدل يمه
يازلمه وتعادلك الف زلمه
ولدها،،، اجوي علكوها النا وصارت
هوسه هي تركص واني وياها
والجهال امي كاعده تضحك
ابويه اجه يفر بسحبته
ويركص جوبي
صحت
«،،،العب حجي للگاع
«،،،العبو جوووله ياولد ااختي
صحت واهوس وهم يمي وابويه يمي
امي حجت بضحك
«،،«هذا الاب شيريدون يطلعون الولد ملالي
ابويه راح يمها يهز بالسبحه عضت شفتها
اله وكالت
«،،،اثگل يارجال مو صرت جد
««،،ههه دشوفيني والله ابين اصغر منج
««،عشتو موو هازه كاروكه اني لو ما اكبر مني
بخمسه سنين
«،،،هههه مو مبين مو ولكم
صاح بولد ميسون
«،،،اي جدو بيبي تبين اكبر منك بهوايه
«،،«انعل ابوكم لا بو الجاابكم ماغزر بيكم
الفلوس والحلويات كووايد
الحجيه كامت تغرد وطشرت الجهال
كعدت فاحط ميسون يمي فطيره بس تضحك
كالت
«،،،نزلت الكيلو الزايد
«،،،بنت الاوادم فحط افادي انطيني مي
كامت جابت مي انطته اليه امي سالت
«،،ها يمه وديته لياسين
«،،،اي يمه
«،،وشكال الدكتور
ماحجيت الها الي عرفته من الدكتور كلت
راح تحجي لامه وهي مو عايزه
قهر كلت
«،،«تعرفين وضعه وانطاه مقويات وابر
«،،،،ها يعني راح يفيدنه
«،،،ان شاء الله
كمت وعفت اختي تسأل بيها علي
يمامه
رجعت للبيت وره المغرب انطيت الدخل
لابويه كعد يعده هو والصخله
مالته
رحت سبحت طلعت اريد اگل لگمه مثل
كل يوم شفت ماكو غده ماكلين
ومنيره الوصخه مثل كل مره لا غاسله
المواعين ولا منظفه البيت
ذبيت حسره قهر جنت ميته جوع فتحت
الثلاجه شفت طماطه وجبن مثلث
اخذتهن وسويت لفتين
كعدت بالمخزن اكل
بيهن هن غده وهن عشه اني كاعده
ابويه صاح
«،،،ولج يمااامه
كمت ورحت اله وكفت يم باب غرفتهم
الهوه بارد ويضرب بوجهي اشر
بضبه الفلوس وحجه بغضب
«،،،اشو دخلج صاير قليل ولج
««««الشرطه ماجاي تخلينا نوكف باي مكان
«،،،جذابه ولج اشو بنات قحطان ماكلن هالشي
منيره حجت جاوبتها بروده
«،،،،تعالي ويايه وشوفي بعينج
سكتت ابويه حجه بغضب
«،،،غيري مكانج وارجعي للقديم
««،،هناك هم شرطه وضابط بذيج المره راد
ياخذني
سكت كملت
«،،،،يابه اني كبرت والناس ترحم بس الصغار
يعني بعد ماافيدك بهل الشغله
شوفلي شغل بمكان واني
اشتغل واخذ الراتب
منيره غمتني
«،،امدااج اي والله انتي وذيج الي ماشفنا
منها اي خير
كملت
««،،،،شبيها الملاهي ولج مو كومه فلوس
راح تجيج انتي وياها
««،،قصدج انتو تجيكم مو اني واختي
سكتت ابويه كال
«،،،هالشغله كامت ماتفيد خلي احجي
وي سعيد وقويدر ياخذوج تشتغلين يم
هذا ابو جون وذيج من اجيب
هم تشتغل وياج
گلبي هبط لان عرفته ابو ملهى واحد ساقط
بدون شرف يبيع حتى امه من وره
الفلوس
«،،،يابه عوف هالشغله والله مو شريفه وراح
اضيع بيها اني واختي
«،،،ااانجبي ولج الشريفه وين ماتخليها
تظل شريفه لو بنص گحاب
منيره جاوبتني بصياح صحت بيها
«،،،منوووو گلج هالكلام هي من طبت بنصهم
ضاعت حتى سمعتها وصارت مثلهم
كدام الناس حتى لو جانت
اشرف من الشرف
ابويه كام يخزر بيه صاح
««««ولييش تصحين ولج
««««ماجاي تسمع نفسك انتوهاااي شكاعد تحجون انتو شنو ااني راح اتخبل بله هي
مره اب مو انت ابونا شبيك
ماتاخذك الغيره
عليه اني
واختي
شال ايده وراد يضربني لزمتها ودفعته
اخزر بي بقسوه منيره صاحت
«،،،كسر راسها عواد هاي طلعت عيونها
علينا واكيد شايفتلها واحد
كاعد يقره براسها
«،،،ااانجبي ولج ااني اشرف منج
ابويه ضربني راجدي ماكسر عيوني خزرته
اريد اخلي سجين بگلبه صاح
بيه
«،،،،يجي قويدر وهو يعرف شغله وياج
مشيت من يمهم اريد اقتل روحي حتى اخلص
من هالعذاب بس
ماكدرت من وره حنين
ثاني يوم من رجعت قويدر جان راجع من
اربيل كام من شافني يخزر بيه
كتله بروده
«،،،شتريد سوي سوي هالشغله ماراح اشتغلها
لو اشوفكم ملعگين بحبل المشنقه
تخبل ولزمني گتلني كتله موت الا فقدت
جوه ايده كعدت بحظن حنين
تبجي عليه وتشهك
سحبت روحي من حظنها وسندت
روحي على الحديد مال
غرفتنا
الدم تارس وجهي وهدومي سالت
«،،يمامه اذاج
«،،،لاا
جسمي جان مبنج من الگتل وكمت مااحس
بشي،كلت امسح بالدم
«،،،،ماظل شي واخذج وننهزم
ماجنت اريد انهز بيها وهي حامل ردتها تجيب
حتى تكدر ادبر روحها وياي لان اعرفها هي
بهل الوضع كلش صعبه علينا راح
تصير الشردة
جنات
كريم من سمع بيه رفعت عليه قضيه
خلع تخبل واهلي ويا تعاركو وياي عرگه جبيره
وطلعت من البيت ورحت لاختي دانيه
هي وابراهيم ماقبلو على
كلامهم وطوكالو
ابقي يمنا
عزت عليه نفسي لان تبهذلت من بيت لبيت
بجيت دم من وره الصار بيه وهالشي
زيد حقدي بگلبي وصممت
على الطلاك
اعرف اهلي مابيهم خير وهم راح
اسمع نفس الكلام ارجعي اله والسبب
بيتي الي باسمه نسوا شي
واحد وهي الثقه من تنفقد بشخص
جنت تشوفه سند بعد ماتكدر
ترجع ويا مثل قبل
شي انكسر بينكم
وبعد مايتصلح
وهم اجه عليه بيت اختي هو وعمه الجبير
واخوه الصغير
هالمره كعدت وياهم قويه من الخارج
بس من الداخل اصرخ بصمت
مكسوره من حبيب زوج
كسرها وغدرها وخلاها بحلك اليسوه
والمايسوه كال بتوسل
«،،،،جنات عوفي هالشي ولا تهجمين بيتنا
عمه حجه
«،،بنتي الولد عرف خطائه واجه اكثر من
مره عليج والشي بعد صار وهي
بيتها وانتي بيتج
«،،،اني طلگتها وبعد مااريدها لا هي ولا
الي بطنها
هو رد علي وكمل وياي
«««اني اعرف بروحي غلطت واسف واعتذر منج
والله الشي صار بدون مااعرف
شلون صار
باوعت علي وجهه تعبان بس ابتسمت
وكتله
«،،،بس اني اعرف شكاعد اسوي
«،،،طلاك ماراح اطلك جنات اموت وماعوفج
«،،،لا راح تعوفني كريم عفتني اشهر ماشفتك متت
هيانك كدامي كاعد وراح تصير
اب
من حجيت اخر كلمه صوتي رجف بس
تماسگت وكملت وي عمه
««،عمو مثل مامشيت انت وابوه وامه ورحتو
خطبتو اله وعقدتو بدون ماادري
طلكوني منه واني ادري
سكت ماعرف شيرد عليه كريم كال
«،،جنات اني ماراح ااطلگج ولج افهمي اني
ازوجت حتى اجيب ولد يشيلنا
اني وياج من نكبر
«،،،اي جان اجيت وكتلي هالشي شفتني
اوافق لااا
سكت كملت
««جنت تعرف ماراح اوافق ورحت سويتها
من ورة ظهري
ماكو رد دانيه حجت
«،،،انت مو تعرف هي مابيها شي وو
قاطعتها
«،،هذا الشي بعد مايهم هو شاف حياته وخلي
يطلگني حتى اني هم اشوف حياتي
كام وفك عيونه صاح
«،،،شتريدين جنات تزوجين غيري
ردت اكله اي واحرگه بس كلت
«،،،لا كريم لان انت خليتني افقد الثقه
بشي اسمه رجال
سكت وكملت بوجع وقهر
«،،،انت اختاريت حياتك وعوفني هسه اني
اختار حياتي
«،،حياتج وياي ااني
ضرب على صدره وكمل
«،«ووياي اني جناات ماكفرت من رحت ازوجت
ردت طفل يشيل اسمي ويشيلنا
بگبرتنا
«،،لااا كفرت كريم
صحت بي كمت وكملت
«،،وغلطت غلطه جبيره بحقي من ماانطيتني
حريه الاختيار
كملت واني اخزر بي
«،،،،بكيفك اانت تروح تزوج من ورايه وبكيفك
ماتريد اطلگني ااااصحى
صرخت بي واشرت بايدي بوجه
«،،،،اااصحى كريم واعرف ااني منو
ااني جنااات الاولى والاخيره
«،،،انتي الاولى والاخيره
حجه بتوسل وعيون مغوركه مابجيت
دست على دموعي وگلبي وكملت
بغضب
««،،لاااا صرت الثانيه العقيمه الي ماتخلف
مو هذا كلام امك لو نسيت
مارد كملت بعصبيه
«،،،روح كريم وعساه حوبتي تطلع بيك انت
وكل واحد مشى بزواجك
عفته ومشيت صاحني مادرت بال ومشيت
بقضيه الخلع هو تخبل مره يحجي
بتوسل ويجي يريد
بس يحجي
وياي وارفض حتى اشوفه
ومره كام يهدد وهم مادرت بال لاني
خليت كرامتي فوگ حبي
اله وكلت اذا ارضى
ارجع راح ابدي اقدم التنازلات وحده
وره اللخ واني مستحيل اقبل بهل الشي او اقبل
ارجع لواحد باع حبنا والعشره
برخص
غاده
بعد الصار بيه اخذت اجازه طويله حمزه راح قدمها اليه ووياها تقرير طبي بحالتي هو بعد ماحجه
وياي ولا كال ذبي الطفل ابتعد عني يجي مره باليوم يسال عن وضعي ويطلع بس
جنت اشوفه تعبان ومقهور
لان عرف هو زرع
اثره بيه
السواه بعمامه وجده خلاه يكبر بعيوني وحسيت گلبي كام يبرد من يمه شويه شويه
لان شفت اهتمامه بي وشفت
شصار بي من تخربطت
وهم عرفت اني ماعندي سند من
بعد الله غيره هو اهلي عرفو من بيبي وماما
ومريم وهيفاء اجني عليه شفت نظرات
الحزن بعيونهن لان يعرفن شلون صار
ماما رادتني اجي وياها للبيت
حتى تعتني بيه ماقبلت
اروح وياها جانت تعرف
السبب ومالحت من ورة وضعي ظلن يتصلن عليه ايام مرت واني نايمه على ظهري خايفه اتحرك
واخسر ابني دمعتي بعيوني لان
شفت شصار بحالي من
صار مهدد بالاسقاط
واني جنت اريد اموته بأيدي جهازي
دك جريته من جوه المخده جانت ليلى
جاوبت
«،،،هلو ليلى
«،،،هلو حبي شلونج اليوم
«،،،الحمد لله احسن
«،،،النزف انگطع
«،،،اي مو مثل قبل
«،،الحمد لله يعني وضعج تشوفي احسن
من قبل
«،،،اي ان شاء الله احسن من قبل انتي
شلونج قائد رجع
«،،،باجر يوصل
«،،،كمل كلشي
«،،،اي وحدد العرس هالخميس بس
«،،،،بس شنو
حجت بحزن
««،،انتي ماراح تكدرين تجين مو
ذبيت حسره وجاوبت
«،،لا حبي مااكدر من وره وضعي
،،،«اعرف وجنت اتمنى اكدر اجله الما تصيرين
زينة بس هو مايقبل
«،،لا تأجلين ازوجو ليلى وافرحو عاد بروحكم
مو كافي خمس سنين راحت من عمركم
«،،،،اي هو هم هيج يحجي يكول تعبت
من الفراگ واريد عاد ننجمع بيت واحد
ابتسمت وسالت
«،،،،وانتي مو هم تريدين هالشي
سكتت خجلت جاوبت
«،،،،اي بس خايفه منه غاده بس يتحلف بيه
والله راح اموت من الرعب
غمضت عيوني من اجت ليله عرسي
اني وحمزه براسي كلت
«،،،قائد يحبج مستحيل يأذيج ليلى
«،«اعرف بس هي يعني مااعرف شاحجي ولج
«،،،باعي لاتضيعين هاي الليله من وره خوفج
اهدأي وخلي هو يصرف يعني
شلون افهمج سلمي روحج
اله واذكري حبج وحبه
وذيج ايام الفراك
الطويله
«،،،،،اخ غاده شفتي شصار بيه من وراه
«،،،اي واجه اليوم الي راح يعوضج عن كلشي
سواه بيج وانسي ليلى كلشي
لخاطره ولخاطر روحج
عيشي ويا مثل ماجنتي تريدين لان
انتي تستاهلين تعيشين بفرح
وهو هم
«،،،اي غدو والله تعبت من فراگه ومن تخربط
ردت اموت وراه
««،«لا اسم الله عليج وعلي عدت ليلو والحمد
لله
سكتت وبعدين كلت
«««صدك اكلك حمزة طلع يعرف قائد
«««يا منين يعرفه
««،،مو مهيب ابن خالته زينب يصير صديقه
لقائد
«،،ها صدك هو عنده صديق اسمه مهيب
ضابط مو
«،،اي
«،،هاي شلون صدفه
«،،اي من كلي تفاجأت وكلت هم شلون صدفه
«،،ههه يله بلگي يصيرون اصدقاء
مادام طلع يعرفه
هو طب كلت
«،،،اترخص ليلو
«،،،الله وياج وديربالج على روحج والبيبي
«،،،ان شاء الله حبي باي
«،،باي حب
سديت الخط قرب من يمي سال
«،،شلونج اليوم
«««الحمد لله زينة
سكت واني هم اعرف
بشنو يحس وكالها مااريد الي بطنج
لان يعرف شلون صار ذب
حسره
رفعت راسي صافن عليه بوجه مطعون
من القهر تردد بعدين كال
««،،انه ماحجيت الحجيته الا من خوفي
عليج من العذاب الي راح يصير
جدام عيونج وهم
سكت دار وجهه وكمل
««««وهم خايف لايطلع مثلي
جنت عبالي بس من وره السواه بيه
بس طلع خايف لا يطلع بي
وحمه مثله
كمل بدون مايباوع عليه
«،،،غاده انه خايف يطلع مثلي ويعيش
بعذاب طول عمره يدور الحنيه بالوجوه
ومايشوفها
دار وجهه شفت عيونه حمر
كمل بوجه دم
«««انه تعبت من هالشي وعشت مقهور وقاهرتني
عيون الناس بكل مچان
عيوني غورگت من شفته يحجي بحرگه
قلب وصدك جنت اشوفه شلون
يضم وجهه عن عيون الناس
ردد
«،،محد حبني من وره وجهي غير اوادم
قليله وينعدون بكد اصابع
الايد الوحده
وانه والله مااريدن اشيل ذنبه هذا
ضناي ماكو اب يأذي ضناه
حجه هيج وااختنگ دمعتي نزلت بس
علي مو على روحي لان شفته
شكد متعذب وسمعت
اهله شلون يعيرو
بوجهه
شاريد احجي وشلون اواسي اگله لا ماراح
يطلع مثلك اجرحه بالكلام اكله
اي هم راح يموت بس
من كال
«،،انه راح اسافر ماراح اظلن جدام عيونج
افتهمت شيقصد وگلبي هبط لان راح
يعوفني كتله
«،،وين تريد تروح
«،،،لتركيا
«،،واني
حجيت بشهكه خايفه من اهله لان شفتهم
شسوه بيه ردت اموت من وراهم
وابني يروح مني كملت
«،،«حمزه انت شبيك تره هاي طفره جينيه
يعني ماراح تكرر واصلا مالها
دخل اذا شفتك او لاا
كمت ابجي واردد
««،،انت شتريد تعوفني اهنا وانت شفت اهلك
شسوه بيه
«،،،محد بعد يكدر يمسج بچلمه
«،،«كلتها مره وشفت شصار ماراح يعوفني
وراح ياذوني وياذونا ابنا
الملامح تغيرت كملت بقهر
««««شتريد حمزه اموت وماابريك الذمه
«،،،ولج افهمي انه اريدن اولي منا مااريدن
اظل واشوفن روحي شسوت بيج
صحت بي
«،،،وسويت وصار تريد تعوفني اني ويا
الهم للذيابه البره ماشفت ابن عمك شسوه
بيه عمامك وجدك
الحجيه طبت وراها عمته حجيت
وياهن متهستره
«،،،تعالن علي يريد يعوفني هنا ويروح لتركيا
اجني ليمي بيبي سالته
«،،رايح بشغل
اني جاوبت
«،،لااا يريد يروح حتى ماااشوف شكله
ويطلع بابني مااريد يظل يمي
ويشوف اثر السواه
بيه
«،،،اش يمه لاتصحين لايصير بيج
شي
الحجيه حجت وكعدت يمي عمه كالت
«،،،،ابو جمره روح منا هسه
«،،،،لااا مايروح
صرخت بي وكملت
«،،،،،مو بكيفك انت تروح وتجي انت اخذتني
وخليتني اصير حامل صير كد هالمسؤوليه
وبطل هاي الاعذار
«،،اافهمي غاااده اني جااي اموت من السويته
بيج
«،،واني حمزه ماااجاي اموت ماجاي تشوفني
يوميا متخربطه
صحت بي وكملت بشهكه
«،،«مو اني هم كمت اموت بس سكتت لخاطر
الي بطني وانت هم لازم تسكت
وتتحمل السوته ايدك مو
تروح وتعوفني
وحدي هنا
«،،،لا ماراح يعوفج
الحجيه حجت وكملت بغضب ويا
«،««انت شتريد تموت ضناك
««،،ولكم اافهمو راح يطلع مثلي
«،،،،لااا ماراح يطلع
صرخت بي وكملت
«،،،كتلك هاااي طفره افهم عاد هالشي
انهاريت ليوره اشهك وابجي الحجيه
صاحت بي
«،،،ولج كاافي راح هم تتخربطين ويفين حظج
وحظ الي بطنج
«،،،كول مااروح واعوفج
«،««ماراح اروح واعوفج بس اسكتي
سمعت صوته فتحت جان كاعد يمي وقريب
جاوبته بدموع
«،،،جذاب راح تروح وتعوفني الهم
ابتسم بس بهم وقهر رد
«،،لا بويه مو جذاب انه وراح ابقى يمج
بس اسگتي
اني جنت مااعرف شبي من الضغط والتعب
والقهر والحمل والخوف كمت احس بروحي
احتاجه هوايه لان شفته شلون
تغير وياي وكام يتعارك
وي الكل من ورايه
نسيت الزعل وشسوه بيه ورحت
لحظنه
شكرا لزيارتكم عالم روايات سكيرهوم
