رواية اغفري لي الفصل الخامس والعشرون بقلم أوتار حزينة
حمزه
جنت اريد اروح منا اهج حتى لاتظل
تشوف خلقتي ويطلع ابني مثلي
ويعيش نفس القهر والضيم
الي جنت عايش بي
حجيت وياها عدالي راح تفرح اروحن من
يمها لچن هم شفت نظرات الخوف
بعيونها وتخبلت انهارت
ومن شفت وضعها
شلون صار
كلت ماراح اروحن وتفاجأت من اجت
لحظني وختلت يم صدري ذهول صار بيه مامديت ايدي خفت من رده فعلها سمعت
حبوبه حجت
«،،،امشي يمه
سمعت طكه الباب من عافونا وحدنا
لميتها لحظني فرحان هي
اجت اليه حتى لو ادور
امان وسند
اسمعها تشهك ومجلبه بهدومي تردد
«،،لاتعوفني وحدي لاتفكر بيه فكر بابنك
«،،،كافي ماراح اعوفج
ظلت بحظني تبجي حظنتها بهداوه جلبت
بيه بعد اكثر حالي تخردل وصارت
هوسه بعگلي وگلبي
كام يدك بجنون
وخرت وره لحظه عاينت الها العيون
غدت دم من البجي كلت
«،،،لاتبجين والله ماراح يهدني منج غير الموت
نزلت راسها تبجي بشهكه مثل طفله
صغيره خايفه كلت
«،،كافي غاده والله جنت اريدن اخلصج
مني
«،،ماتخلص مني لان انت ربطتني بيك للابد
بهذا الي بطني
گضت بطنها عاينت الها ومنظرها لعب بيه
لعب وخلاني مااعرف شاحجي
«،،حمزه اذا عفتني مره اللخ والله اروح
اذب روحي بالشط
حتى لو تحس بيه امان او سند راضي والله
وكلت بلگي وي الوكت تحس بالي
بگلبي جاوبت مبتسم اريدن
اغير الجو
«،،،عوفي الشط انتي تغرگين بالحوض
مال البستان لان قزمه
صفنت عليه والدمعه على خدها الوجه تغير
كملت
«،،،مو بله محد گلج اانتي قزمه
«،،،خلقه ربك شاسوي ماانطاني من طولك
جاوبتني بنتره ضحكت بصوت عاينت
عليه فاكه عيونها كلت
««،،ورجع لسانج يااام لسان
سكتت ونزلت راسها صارت هدنه بينا بعد الحرب رفعته عاينت عليه
سألت بخوف
«،،،،يعني باجر من اكعد من النوم الكيك بالبيت
مو
«،،،اي غاده
وجهها فك وارتاحت ماجنت اريدن اكوم
من يمها واجت من الله مدري عمه تقصدت هالشي
لان طبت شايله صينيه العشه وكالت
مبتسمه
«،،،،جبتلكم العشه هنا وانت تعشه وياها
ماحجيت كمت اخذته منها وخليته على
طبله يم غاده
«،،،،،اشربي لبن حتى ضغطج مايهبط
«،،،اي عمه
جاوبتها وطلعت من يمنا فرگت
رگبتي وكلت
«،،،،اليوم عشاي وياج
«،،،اي
ردت وكالت
«،،اريد اروح اغسل
،،،،ها اصيح
سكتت من كامت كاضه بطنها كلت
«،،بيج شي
«،،،لااا
«،،،اجي وياج
«،،لا هسه اروح اغسل واجي
مشت بهداوه رحت وراها خايف عليها
وكفت يم الحمام غسلت وطلعت
كعدت خليت الاكل قريب
منها كسرت الصمت
وكلت مبتسم
««،خوش عشه
««،،اي
جانت مشاوي انتبهت اكو فاصوليا
وتمن سالت
«،،،بله منو راح ياكل فاصوليا بهل الليل
«،،،ها
عرفت هي گلبت وكملت
««،،والله انه احبها خبط وانتي
«،،اني هم احبها خبط
«،،چا اكلي وخلي عليهن تكه لحم
«،،،اي
بدت تاكل وهاي اول مره اني وياها
نتعشه سالت
«،،مااجه قائد
«،،،باجر بس انت شمدريك بي مسافر
ابتسمت وجاوبت
«،،من مهيب
«،،ها اي
««،والله الفاصوليا تخبل
«،،ماكلت منها بالغده
«،لا جنت مااشتهي
«،،ها
«،،،،عمتي طبخها فد شي
«،،،،اي اكلها يخبل
«،،،، مثل طبخ حبوبه لو تشوفين القيمه
الي تسويها بمحرمه علوجه وثخينة
كلش
«،،،،الله اموت على القيمه
،،،،مابقى شي للمحرم ونطبخها سلام الله
عليك ياابا عبد الله
«،،،عليه السلام هو وال بيت رسول الله
شفتها اخذت راحتها بالاكل ووجهها فك
لونه فرحت وحسيت بهل الكعده
من صدك اني مزوج وعندي
حرمه
«،،تحبين الطرشي مو
«،،اي يعني احب الحموضه راانيه كالت
بيج
عاينت الها من سكتت سالت
«،،،اي شنو بيج
«،،ولد
گلبي فز ورجعت ليوره صافن عليها كلت
«،،،يعني راح يجيني علي
«،،تريد تسمي على ابوك الله يرحمه
«،،اي
«،،،
هاهي من يجي سمي علي
ياربي هالفرحه حسيتها هوايه عليه لان جانت
تحجي براحه وياي ونتعشه سوه
كلت مااريد اسكت اريد
حوار وياها
«،،،هذا المدير مالتكم غير خشم
«،،،اي شايف روحه
«،،اي بس ماكدرلي طبيت بعينه وخليته يوقع
على الاجازه
صفنت عليه وسكتت كلت
«،،،ها اشوفنج صفنتي
لمت شفتها وهالشي
خربط دگات كلبي كالت
«،،انت بس الله يكدرلك
جن گضت گلبي بايدها من شفتها ابتسمت
كلت
«،،لا اكو وحده هم قزمه وام لسان هم
لساني يروح مني من ادكوم تغرد
«،،،تره اني مو قزمه
جاوبت بضوجه كلت مبتسم
«،،لا قزمه من تمشين بصفي اعاين الج من
فوك
ردت بسرعه
«،،،ليش ماادكول انت طويل كلش جنگ عامود
«،،،هههه
ضحگت بصوت قوي مسحت شواربي ولحيتي
وكلت
«،،،هذا ذم لو مدح
«،،قزمه هم ذم لو مدح
عاينت الها هايم بكل تفاصيل وجهها نزلت
راسها وكالت
«،،الحمد لله
«،،اكلي بعد
«،،شبعت انت اكل
«،،اني هم شبعت اكوم اشيل الصينيه
تشربين جاي
«،،لا مو زين علي عندي نقص بالحديد
«،،ها تمام تريدين شي من بره
«،،لا تسلم
غاده
طلع من يمي صفنت على نفسي مااعرف
شكاعد يصير شفت روحي عادي احجي وي وعبالك اعرفه من زمان مااعرف لان تعودت علي وشفته
مهتمه بيه كلش ويخاف عليه
هوايه امور خلتني اتغير
ويا
كمت مااضوج من وجوده يمي ولا اتوتر
بس من يباوع عليه بذيج النظرات المو مفهومه
توتر يصير بمعدتي واتجنب
بعد اباوع اله
اجه بالي كلام ليلى هذا يحبج بس
رفضت هالشي لان هو كال
ماراح يصير بينا الي
يصير بين مره ورجال واني هم
ماراح اكدر اتقبل تصير علاقه مثل اي مزوجين
رجعت اكول اهتمامه تكفير عن ذنبه
وشفت الاهتمام مالته زاد مانقص لان يوميا
بليل من يطلع هو وجعفر
يجيب لفات صاج او بيتزا ماعدى الحلويات
والعصاير والنساتل وكلهم من هاي
الغاليات
وضعي شويه تحسن عن الاول وهذا الخميس
جان زواج ليلى كاعده وحدي
مقهوره لان ماراح اروح
واوكف وياها بهل
اليوم
هو طب مثل كل يوم لان تعود يتعشه وياي
سلم واجه كعد على كرسي يمي
سال
«،،،،ها شلونج هسه
«،،،الحمد لله زينه
صفن عليه بعدين كال
«،،،شبيج احسج مقهوره
«،،هو مااعرف ليش يعرف شبيه ويقراني
بسرعه
ذبيت حسره وجاوبته
«،،،ليلى راح تزوج هذا الخميس وماراح
اكدر اروح ولا اوكف وياها بهل
اليوم
هز راسه وكال
«،،اي صدك الولد عزمني وكال تعال وي مهيب
«،،،قائد
«،،،اي كتلج خوش ولد وابن اصول رغم شافني
مره بس عزمني لان مهيب ابن خالتي
««،،،راح تروح
««،،اي چا شلون الولد عزمني وراح اروحن انه
وجعفر
»«««شفت حظي اختي هاي وماراح اكدر احضر
عرسها
««،،والله لو اعرفج تكدرين الا اخذج وياي
ونزفهم سوه
«،،،لاا مااكدر مااريد اجازف بابني
سكت وهم شفت ذيج النظرات نزلت راسي
كال
«،،عايني شدكولين افتحلج كامره بالزفه
وتشوفيها
ابتسمت وجاوبت
«،،،صدك حمزه
«،،،،اي كولي لوحده من صديقاتج تفتح
كامره من هن جوه بالقاعه ومن يطلعن انه هم
افتحلج واخليج تحضرين
عرسها وانتي كاعده هنا
«،،،والله خوش فكره
«،،،چا اتفقنا من يزفوهم اخليج تحضرين
زفتهم
هزيت راسي بفرح كمل مبتسم
«،،،جبتلج صاج لحم اعرفج تحبي
«،،،رانيه هم تحبه
اي ام بطن اول ماطبيت كالت
«««،،جبت صاج لحم موو
«،،،،ههه مو خشم رادار
سكتت من شفت النظرات دار وجهه وباوع
ليم الميز كال
«،،،راح اجيبلج ثلاجه اخليها هناك
«،،،ليش
««،احسن حتى تخلين بيها مي شربت شي
تاكلي ويصير جوه ايدج
«،،،لاتكلف نفسك تره رانيه وعمه مو مقصرين
كل ساع جايبين شي
«،،،جيبي عامر ومااريدج تحتاجين شي
وانه موجود
سكتت العشه اجه وتعشينا نحجي
على زواج ليلى وقائد
ليلى
قائد رجع من السفر وردت روحي الي من شفته
عفته كاعد ويا بابا وماما والتهيت
احضر اله صينيه مرتبه
جنت مسويه كيك
اعرفه يحبه
رحت للاستقبال شايلتها طبيت
ابتسم من شافني خليتها
كدامه بابا ترخص
هو وماما وطلعو من يمنا كعدت
اگباله شالها واجه خلاها
گبالنا كعد وكال
مبتسم
«،،،هاي انتي مسويتها مو
«،،اي
«،،،،همزين ماتفلشت
«،،ههه تذكر مو
«،،،،اي
سكتت هو هم عيونه تفرست بملامحي
وبين بيهن الشوگ واللهفه تنهد
وكال
«،،هانت هالخميس راح تصيرين يمي
وبحظني
خجلت ونزلت راسي بوسه خفيفه صارت
بخدي وخرت وكتله
«،،قائد لايجي بابا
ضاج وكال
«،،،هااا يابه شگلنا شحجينا
رفعت حواجبي وسالته
«،،خير اشو كمت تغني اغنيه هيثم يوسف
«،،،،ااسكتي تره طك فويز براسي
«،،،،ههه مو جديده عليه
«،،،،كاعده تصنفين حضرتج
سكتت مبتسمه كمل بغضب حلو
««،بعدنا باولها واكعد قائد منا بابا اجت ماما
واعرف بروحي راح اكل تبن ومااشبع
منج
«،،،اكل كيك طيب
كام يكزكز من غضبه وكال
«،،ااذبحج هسه هي مال كيك مال صخام
اني معطب افادي وهي ادكلي
اكل زقنبوت
اخذت قطعه بالشوكه واكلت كلت
«««،،،الله عاشت ايدي
««،،خرب صفحتج اشتعل جدج السابع عشر
والله متقصده تحركين دمي بهاي
سوالفج
سكتت وباوعت علي بنظرات يعرفها كلش
زين وگتله
«،،قائد ااشتري روحك لا اابطل
ضحك وكال
،،،،لا بداعج ابوج مو تبطلين هسه وزواجنا
هالخميس
«،،،لعد صير عاقل وبطل هاي السوالف
صار اتفاق بينك وبين بابا
التزم بي وبطل كل
ساع تحجي
بي
«،،،ولج ااخ اريد نظل وحدنا هيج انفرد
بييج والعب بگيفي
««،،اهوو كافي عاد تره والله خايفه منك
بس ماجاي تحس
جاوبته ودرت وجهي منه
قائد
جنت ضايج من سالفه كعدتي وي اهل
ليلى لان جنت اريد نكعد وحدنا
هيج جنت احلم واريد
حتى اخذ راحتي وياها ماردت احد
ويانا ردتها بس اليه
اكثر من مره من نكعد سوه بيتهم اشوفها
مرتبكه من اهلها وتخجل ومن عقدنا
نفس الشي كلت هاي راح
تظل هيج وما ناخذ راحتنا ويطيح حتى حظي حجيت وياها وتهددت وجريت عدل
بس من تحلفت اني
حجت وكالت هي خايفه مني وبين
هالشي من تغيرت الملامح
حجيت مبتسمه
«،،،،يولي جاي اشاقه وياج
دارت وجهها عليه العيون مغوركه
كملت
،،،،يابه والله جذاب اني بس حجي
ماحجت شي نزلت راسها تفرك بأيدها حسيتها
توترت كلش غيرت الجو اخذت
كيكه اكلت وكلت
«،،،،،والله من صدك هالكيكه تحفه وعاشت وايدج
عليها
تنهدت وباوعت عليه كملت بغمزه
«،،،،تذكرين ذيج الي تفلشت كعدنا اني
وياج دگينها كلها بكعده وحده
ابتسمت والمزاج تغير كملت
«،،،عمي كمل شغل الفوك مو
،،،،،،،اي كملنا كلشي
«،،،،تعبتي انتي وخالتي مو
«،،لا بابا جاب شركه تنظيف وهم نظفوا كلشي
اني وياها بس رتبنا الغرف
«،،،عجبتج الغرفه مو
«،،،اي كلش حلوه ونازكه طلعت احلى من الصور
«،،،،هسه خلصنا كلشي مو ماظلت بس
البدلات
«،،اي بس اريد اشتري مااريد اجر
«،،عجل شلون مااريد تلبسين شي غيرج لابسه
اريدج تلبسين جديد حتى كلما
نضوج نعيد ايام
عرسنا
ابتسمت والعيون تغيرت صفنت بخلقتها
وكلت
«،،يولي والله يمكن بس اني الي راح اگبر وانتي
راح تظلين صغيره بعيوني
شفت روحي قائد الي جان يكعد يدرسها
وهي يمي تهز راسها باي وتاشر
باصبعها على الدرس
كلت هايم بيها
«،،غربه الناس بس انتي وطن روحي
«،،،تذكر من گتلي وطن لو منفى
«،،،اي ومن سالتج گلبي راد يوكف من
الخوف لايسمع منفى بس
سمع وطن والروح
ردت اله
سكتنا اثنينه بس عيونه تحجي حبنا
الجبير
واجه يوم عرسنا وسويته بقاعه جبيره
وعزمت كل الگرايب والاهل وربعي وناسي
مهيب جاب ربعه وعلكو الجو
فرحان
والدنيا مو شايلتني من فرحتي
بهل اليوم وبيها
ليلى
كاعده بالقاعه لابسه بدله حمره لان سوينا
الحنه والزفه بنفس اليوم وراها
يزفونا لبيت اهله وراها نسافر
لاذربيجان
گلبي جان يدك سريع وخايفه كلش
وبنفس الوقت فرحانه بي وبهل اليوم
رانيه مره جعفر اجت وي رجلها
وحمزه هم
جانت فاتحه كامره بجهازها حتى
غاده تشوف عرسي جابته ليمي شافتني
كامت تهلهل فرحانه بيه عيوني
غوركت لان ردتها يمي
تحضر عرسي
بس وضعها ماجان يسمح صاحت
«،،،،العب ليلو
كامت تهز بشعرها رانيه خربت ضحك
وكالت
«،،،،والله لو مابيها شي جانت اجت وعلكت
الجو
«،،،،اي
جاوبتها اشوفها تهز جتف واطك اصبعتين
دزتلي بوسه اني هم دزيتلها وحده
ماما اجت هي ومنى وكالن
«،،،،راح يطبون الولد
معدتي وجعتني وگلبي كام يدك سريع غطني بگاب
عيوني ظلت على الباب اريد
اشوف للي سكن گلبي
وماعافه ابدا
علكو اغنيه
نسمع احلى هلهوله
طب ويا اخوته،،،،، گلبي مااعرف شصار
بي من شفته لابس قاط رصاصي طوخ
مفصل علي وطالع كلش حلو
امه كامت تهلهل واطش جگليت علي هي وباقي النسوان وخاله رباب مشت ويا تهلهل وتهوس
وي الاغنيه
عيونه جانت عليه والنظرات مفضوحه
وفاضحه حبه الجبير نزلت ،،،راسي خجلانه منه
ومن الولد الي طبو ويا وعلگو الجو
كعد يمي شويه اجه احمد وحسين صديقه اخذو
ليمهم رفعت عيوني شفته يركص وياهم وعيونه عليه
الهلاهل علگت والجگليت انطش عليهم
شالو لفوك وهو يطك اصبعتين
وفرحان كلش والضحگه
بوجهه
قائد
طبيت بنص زفه حلوه وشفتها للي
متت عليها وردتها من كل گلبي الاحمر لايك
عليها ولعب بروحي لعب امشي الها
مو مصدك روحي
هاي هي چدامي ولا مصدك لحد
هسه هي راح تنور بيتي بعد جم ساعه
واصير اني وياها بمكان واحد كعدت يمها
شويه والشباب اخذوني ارگص
وياهم
وركصت فرحان بيها وبهل اليوم كل ساع
ادحك الها ترفع عيونها وتنزلها
خجلانه
رجعت كعدت يمها الولد طلعو وخلوني
يمها منى وخرت الكاب وشفت
البياض وي حمار
اللون وصفنت
هايم بيها
الخدود صايرت دم من الخجل وتجنب
ادحك عليه خلو الها حنه شويه
بأيدها وباصبعي لان مااحبها مسحتها
اني ويها وره كم دقيقه نهله كالت
يله قائد كوم اركص وياها بنص القاعه
حتى نصوركم
لا مااكدر
هي جاوبت مادرت بال لخجلها كمت
وگضبت ايدها واخذتها لنص
القاعه حظنت خصرها
والبنات سون حلقه
وعيوني عليها صارت دم
من الخجل
كلت يم اذنها
«،،،،طماطه افرحي واعلگي الجو اليوم
عرسنا وهو مره بالعمر
حجيت هيج وخرت منها ادحك الها
فرحانه والعيون مغوركه هم
شلتها مثل يوم
المهر وافتريت بيها الجو علگ والهلاهل
طشت نزلتها وحظنتها لصدري
بستها من راسها والردتها
اخذتها بعد صبر
طويل
ليلى
السواه قائد خلاني احس بخنگه فرح
ردت ابجي بس مابجيت ظليت
بحظنه وراها وخر واخذني
للكوشه
منى حجت ويا هز راسه باي وعيونه
علي مبتسم والملامح تضحك طلع من يمي
اخذني لجوه حتى ابدل البدله
بدله العرس
ماما يمي تبجي من فرحتها بيه ومنى
ونهله بدلت وتسريحتي جانت
بسيطه سرحت شعري
على طوله وخليت
تاج ناعم
طلعت للقاعه وهم الهلاهل علگت كعدت ساعه
والبنات علگهن كالو يله خلي نزفكم
هم طب بزفه حلوه وعلكو
اغنيه هم عريس هم نشمي
وربعه يزفونا
اجه ليمي نفس الملامح الفرحانه وبس
يضحك اخذنا كم صوره
وي الاهل
وراها طلعنا بزفه حلوه يم السياره
شالني وكعدني ليكدام عيونه
صارت بعيوني عض
شفته وهالحركه
خلتني احس
بوجع بمعدتي والخوف زاد
سد الباب الولد صارو گبال
سيارته كامو يركصون وهو بنصهم يرگص
ويطك اصبعتين مهيب صديقه
وكف مسافه وكام يرمي
خفت علي من الرمي ،،،،ذاك شمرله
السلاح وهو هم رمى
هو جان ماخذ گلبي من زمان واحتله احتلال
كامل من شفت فرحته بيه حسيت
من صدك گلبي اختار صح
اجه وصعد يمي لزم
ايدي وباسها بشمه
نفس طويله
باوع عليه وكال
مبتسم
«،،اليوم ازفج اليه
ابتسمت كام يغني بعيون تضحك
ويهز جتف يمي وذولاك
كدامه يركصون
صاح
««،،وووولكم ااخذتها واليوم عرسنا
علگت بره فرقه ادك والشباب كلها تركص
وحرگو الجو شويه شويه
الكل كام يصعد لسيارته
هو حرك وطلعنا
غاده
كاعده بالغرفه رانيه راحت وي حمزه وجعفر
لان ليلى عزمتها،،،، فتحت كامره بالقاعه
وشفت عرس اختي جنت مقهوره لان مارحت
وبجيت بس بعدين من شفتها وسمعت
الهوسه نسيت روحي
وكمت اهز كدامها
تضحك وفرحانه واني طايره بيها من الفرح
لان اخذت الي حبته وصار من
نصيبها بعد تعب وفراگ
خمس سنين
بالزفه خابرني جاوبته
«،،،هلا حمزه
«،،،هاج شوفي الزفه
فتحلي كامره سمعت
الاغاني وطربگه وعالك الجو فات من يم
سيارتهم شفت قائد
يهز وفرحان وهي يمه نسيت روحي
وهلهلت دموعي نزلت من
فرحاتي بيها
صار وراهم وهو بعده لازم الكامره ويصور
وطربكه وعرس واني شلون اخرب واموت
على الاعراس وهذا
عرس الغاليه
خليت الجهاز على الستاند
ونسيت روحي من سمعت عرس المرجله
وكمت اهز واطك اصبعتين
فريت شعري ومنسجمه واغني
وياها وكل اصيح
«،،،ااالعب
وره وين
انتبهت الكامره مو على الزفه جان حمزه
صافن عليه ومبتسم فشلت
منه وبسرعه سديت
الخط
عضيت شفتي من خجلي وفشلتي رساله
اجتني منه فتحتها كاتب
««،،ارگدي بويه واستري عليه
رجع اتصل كام فتحتها جانت الزفه ظليت
اباوع عليها الما وصلت لبيت
قائد حمزه طفه الكامره
واتصل جاوبته
«،،،ها راح تجون
«،،،اي نبارك للولد ونعگب
«،،،تمام
«،،،محتاجه شي من نرجع
«،،،لا تسلم
«،،،يله بويه اركدي ولاتتحركين هوايه
خافن يصير بيج شي
«،،،اي
«،،مع السلامه
«،،الله وياك
سديت الخط وريحت ظهري على
الفراش صافنه ومبتسمه وفرحانه بعرس
ليلى
باوعت لرقمه لحد هاللحظه اني مو كاتبه
اسمه كلت خلي اكتب اسمه
وكتبت حمزة بس
بداخلي اجه
صوت يردد
بقوه
الامان السند
هالشي جنت احس بي بدون محد يگلي
لان هو من صدك اثبت هو امان اليه وسند
اكدر اسند علي ومااخاف من اي
احد
ليلى
كعدت بالاستقبال شويه لان تاخرنا
بالزفه وراها اخذوني لفوك بطلب منه لان
الولد راح يجون يزفوا
وكفت يم ماما بغرفتنا لازم الباقه بقوه
خايفه من هاليوم كلش وهو
ونظراته وحرگاته خلوني
اخاف بعد اكثر
سمعت الهوسه جوه وگلبي هبط بعد شويه
يطب واظل اني وحدنا نزلت
راسي مااعرف شلون
راح اتصرف بهل
الليله
خالتي طلعت من يمنا سمعتها كامت تهلهل
صارت هوسه يم غرفتنا وعلك الجو وراها
طب يضحك ويا امه
وكف يمها يباوع عليه ختلت يم ماما
اتجنب اباوع اله
«،،،تعال يمه
سمعت خالتي حجت اجه وياها وكف
كدامي رجعت ليوره ماما خلت
ايدها ورايه وكالت
بتاثر
«،،،وهاي صارت الك قائد ديربالك عليها
وخليها بعيونك
،،،،خاله هي من زمان بعيوني وبگلبي هم
باوعت اله شفت النظرات نزلت
راسي بسرعه خالتي لزمت ايدي
وخلتها بأيده حاره واني
صرت ثلج كالت
بفرح
«،،،مبروك يمه وشايفين كل الخير والله
يجعل ليلتكم ليله فرح وخير
ويرزقكم الذريه
الصالحه
««،امين يارب
ماما حجت سحبت ايدي منه وباوعت
الها خايفه ومتوتره ابتسمت بوجهي وكالت
بدموع
«،،الف مبروك ماما اني اليوم مااعرف شلون
اوصف فرحتي بيج انتي وقائد
اختنكت بالبجي حظتني وباستني
تردد يم اذني
«،،،لاتخافين هو يحبج ماراح يأذيج
وخرت دموعي نزلت خاله هم بجت
وكالت
«،،يله ندى امشي خلي نعوفهم وحدهم
باركت اله وطلعن من يمي سد الباب
ووكف يمه گلبي هبط من
شفت الضحكه
والنظره كال
«،،،،،هسه شراح نسوي
«،،،كلشي ماانسوي قائد
جاوبته بصوت طلع يرجف ضحك بصوت
واجه باتجاهي رجعت ليوره
وكف وصفن عليه ردد
«،،،كلشي صار حلو بس انتي احلى
شي صار بحياتي
مارديت اباوع اله بخوف وحذر فزيت
من ذب الستره شافني كال
مبتسم
«،،يولي احتريت من الرگص وگبت الحراره
فتح الرباط وشمره على الكرسي
هو والستره
قرب عيونه عليه دموعي نزلت كتله
بتوسل
«،،حبابه لاتباوع هيج والله راح اتخربط
خله ايده على عيونه وكال
«،،ها غمضت بعد شتريدين ياشريان گلبي
اجه ليمي وهو هيج رجعت ليوره
انطخيت بالجربايه باوعت
ليوره بعدين علي فزيت من شفته موخر
ايده وبسرعه حظني
من خصري
كلت بشهكه خوف
«،،قائد ااوكف
«،،،،اني واكف
«،،،بس لحظه وحده
اخذي لحظات مو لحظه وحده
اريد احجي بس كلشي ضاع من راسي من
صرت بين ايده صفن بعيوني
بذيج النظرات وخله حالي يتخربط
نزل راسه وخرت وجهي وغمضت
باسني من رگبتي وشمني بنفس
طويل وخر وره لحظه وباس خدي كمت
ارجف بين ايده همس
يم اذني
«،،،اش لاتخافين ماراح أذيج
مااعرف شصار بعدين لمساته وهو وصوته
خلوني انسى خوفي واعيش لحظات
حلوه ويا
قائد
تعب ذيج السنين راح بهاي الليله وعشت
ويا ليلى اجمل ليله بحياتي
الي ردتها وذبحت روحي
عليها صارت الي
جسد وروح
نمت وهي بين ايدي وشعرها يم خشمي
اشم بي واردد
«،،،افيش هسه من صدك ارتاح گلبي
خليت وجهي بوجهها خجلانه مني والخدود
حمر كلت بضحك
«،،،هسه شراح نسوي
«،،،بس كافي
«،،،ههههه
حظنتها لصدري بقوه مو مصدك هي
بين ايدي وهاي ليله عرسنا
كلت
««،«ولج اگرصيني خاف اني جاي احلم
كرصتني بقوه ضحكت بصوت وكلت
«،،،هاي مو گرصه هااي انتقام
دحگت الها مبتسمه صفنت بكلشي
بيها وكلت
«،،،واخذتج ولج وفزت بيج ومن صدك
راح تصيرين ام بيتي
وولدي
غاده
اني بالغرفه 12 طب حمزه وراه رانيه سلمو
كالت تضحك
«،،،ولج شلون صار عرس يخبل
«،،،بله صدك
«،،اي مو شفتي
«،،،بس شويه مو هوايه
كعدت يمي وكالت
،،،،صلاوات على النبي طلعت تخبل والعرس
جان هم حلو كلش بس هي احلى
منه بهوايه
«،،،،اي هي حلوه
««،،تعرفين من شفتها بالبدله اذكرتج
الج سبحان الله تشبهيها كلش
مو حمزه
باوعت اله الملامح تغيرت رد
««،،اي كتلها مره هي تشبهج كلش
«،،،الله يسعدها يارب تستاهل لان حبابه
كلش واحسها طيبه
««،اي هي طيبه ورغم السواه بيها سامحته
ورجعت اله
جاوبتها وشفته يجنب يباوع عليه
هي كامت وكالت
«،،،اكوم اروحن لبيتي محتاجه شي
«،،،لا حبي تسلمين مو محتاجه شي
«،،،،يله اروح تصبحون على خير
،،،،وانتي من اهله
طلعت وسدت الباب سمعته ذب حسره
اجه كعد اگبالي على الكرسي
سألته
«،،،،الزفه صارت حلو مو
«،،،اي
كملت بحزن
«،،،جنت اتمنى اني وياكم واحضر عرسها
«،،،شسوين وضعج مايسمح لو اعرفج تكدرين
اخذج ويانا
سكتت من جهازه دك طلعه من جيبه
وكال
«،،،هلا ابو حيدر لا كاعد تفضل
صفنت علي من يحجي وي الغير صوته
يصير قوي وبي خشونه ووياي
لا بحنيه وهدؤ
عيوني ظلت ادقق بي جان لابس
دشادشه جديده نيلي طوخ وهم
يشماغ اسود
وعگال
عطر خفيف كام يفوح منه غير ذاك
مايغث كعدته وصوته خلوني
اشوفه شيخ من يحجي
جان داير وجهه واني صافنه علي يفر
بالسبحه بهداوه كمل واني
مو مفتهمه شحجه
سد الخط
نزلت راسي اباوع بجهازي كام
وكال
«،،،من تصيرين زينه نعزمهم يمنا شدكولين
هزيت راسي بفرح وجاوبته
«،،،،اي
«،،،ملامح وجهه تغيرت وابتسم رد
«،،،هاهيه من تصيرين زينة نعزمهم
صفن عليه بذيج النظرات دار وجهه
وكال
«،،يله اروحن انام انتي هم نامي بويه وارتاحي
كلمه بويه من تطلع من حلكه مااعرف
ليش احس بيها حنيه ودفو
وخوف
مشى من يمي تذكرت من وصل لباب باجر
موعدي وي الدكتورة صحته
،،،،حمزه
وكف واندار عليه رد
«،،ها غاده
،،،باجر عندي موعد وي الدكتوره
«،،،باجر جمعه
«،،ها اي هم صدك الدكتوره توهمت بالتاريخ
يله السبت نروح
«،،،اي چا شلون لازم نروح ونشوف وضعج
جاوبني وسال مبتسم
«،،عندج شي بعد قبل لا اروح
«،،،لا تسلم مامقصر بشي
جاوبته بأريحيه هز راسه وجاوب
«،،،ادللي غاده عيوني الج
حجه هيج وطلع من يمي هم صفنت وي
روحي بعدين باوعت للكرسي
الجان كاعد علي
واذكر من جان كاعد يم الشط
والمطعم
مااجذب عنده حضور قوي من يكعد ويحجي
تحسه من صدك رجال وعنده كلمه
يم اهله ويم الغير
شفته بذاك اليوم شلون سكت عمامه من حجو
عليه وبهدؤ بدون غضب وشفته
شسوه بعباس وشلون
كسر ايده من
ورايه
مادار بال لا لجبير ولا صغير من شافوهم
جرحوني بكلمه وفعل وهالشي
ماشفته من اهلي ولا
معتصم الجبان
ذبيت حسره كمت ورحت للحمام فرشت
سنوني وغسلت وجهي بغسول
طلعت ليم الميز باوعت
لخلقتي لون بشرتي
رد من الراحه والاكل والفيتامينات
وزني زاد وبينت بطني لان طبيت بالرابع
ابتسمت وخليت ايدي عليها فرحانه
ماخسرت ابني والحمد لله
ثبت ماوكع
ردت مي طلعت من غرفتي رحت للمطبخ
كلها نايمه اخذت بطل من الثلاجه
رجعت شفت باب المنور
مفتوح
جان باب غرفته مسدود كلت يجوز عمه نست
اسده رحت قفلته بالسرگي ورجعت
لغرفتي طبيت وسديت الباب
كعدت شربت مي سويت جهازي صامت
وراها تمددت افكر
بليلى اعرفها خايفه من هالليله
لان كالت الي هالشي
اجه بالي ليله عرسي وشسوه بيه حمزه لحد
هاي اللحظه اني ماكدرت انسى اثرها
رغم هو تغير وياي وصار يتعامل
وياي بحنيه وكلشي اريده
يسوي اليه بس
ظلت صعب
انسى
النوم طار من عيوني من وره هاي الافگار
باوعت للساعه بالوحده ونص
فزيت وكعدت من سمعت
دكه على الشباج
خليت ايدي
على گلبي
لان كام يدك سريع كلت
«،،،يمه منوو هذا
رجعت الدكه متت خوف جريت جهازي
اريد اخابر حمزه شفته متصله عليه
وداز رساله ماشفتها اتصلت
بسرعه جاوب
«،،،لاتخافين بويه هاي انه مدري منو قفل باب
المنور عليه وانه بره بالحديقه
عضيت شفتي من الفشله وكلت
«،،،هسه اجي افتحه الك
جاوبته وطلعت فشلانه منه رحت فتحته
وخرت طب مبتسم وكال
«،،هاي اكيد عمتي
«،،،،لا اني
جاوبته بخجل منزله راسي كملت
«،،،،عبالي ناسي وقفلته
سكت واني هم جنت لازمه الباب هو قريب
مني رفعت راسي من صارت
عيوني بعيونه دار
وجهه وكال
«،،،روحي نامي ولا تتحركين هوايه
«،،،،اي
مشيت من يمه هو قفل الباب طبيت لغرفتي
سديت الباب ورحت تمددت لزمت
جهازي اريد اتعب روحي
بلگي انام
اجتني رساله منه وره مشوار
«،،،اسف اذا كعدتج من النوم
كتبت
«،،،لا جنت كاعده
تاخر وكتب
«،،،ليش بيج شي وماجاي تكدرين تنامين
«،،لاا مابي شي الحمد لله وضعي احسن
من قبل
«،،الحمد لله والشكر اله
تاخر بعدين دز
«،،،خما خفتي من دگيت الشباج
«،،،اي متت خوف كلت هاي منو وطلعت انت
واني قافله الباب عليك باجر راانيه
من تسمع الا تضحك عليه
«،،،لاتحجين الها تره نصير سالفه بحلكها
««،ههه هم صدك
صفنت على روحي قبل شويه جنت اذكر
السواه بيه بليله عرسنا وهسه
احجي ويا واضحك
رساله اجت
«،،لاتخافين بويه محد يكدر يأذيج
وانه موجود
عيوني غوركت وكلت وي روحي
«،،،هو انت الي اذيتني وهسه كاعد ادواي
جروحي يجوز اطيب بس صعبه
انسى ذيج الليله
كتب
«،،يله اروحن انه مااريد اطول حجي وياج
لاتعبين تمددي بويه واقري ايات
من القران وسبحي
بأيدج راح تغفى
عيونج بدون
ماتدرين
«،،تصبح على خير
«،،وانتي من اهله
عفت جهازي وتمددت سويت مثل ماكال
وغفيت
ليلى
كعدت ثاني يوم نايمه بحظن قائد
وهو كاعد وصافن عليه
ومبتسم كال
،،،صباح الخير ياشريان گلبي
حجه هيج وباسني من راسي سالته
«،،،بيش الساعه
«،،بالتسعه وبعد وكت اهلج ماراح يجون
هسه
حجه هيج وحظني بقوه لصدره كلت
«،،،،تره ماراح اطير
وخر مني يبوس بوجهي بلهفه ويردد
««،ولج مو مصدك انتي صرتي مرتي
يمكن اني جاي احلم
«،،لا صدك ازوجنا وهاك شوف هاي الحلقه
بايدي
اشرت اله بايدي لزمها باسها وخلاها
على خده وصفن عليه كال وره
لحظه
«،،،ولج شسويتي بيه هالليله خبلتني ليلى
خجلت منه ونزلت راسي لزم خدي
باسه وحجه عيونه بعيوني
«،،،،جنت مريض عليل يولي ومن صرتي اليه
طبت
تنهدت وجاوبته
«،،،،،واني هم جنت مريضه بيك ومن
رجعت وصرت الك طبت
ابتسم والعيون حجت كلام باسني من شفتي
وهم نسينا روحنا اهلي اجوي
ساعه 11 تريكو ويانا
ووي اهله
ثاني يوم سافرنا لاذربيجان وهناك عشت ويا
اجمل ايام عمري نزلنا من
الفندق ايدي بايده
كال
«،،،،شوفي شنو اجرت
ابتسمت وكتله
«،،،هاي شنو ماطور
ا«،،ي اليوم افرج بالعاصمه
ضحكت كمل
«،،ماتذكرين من كلتي اريد اجرب اصعد
بماطور وانت السايق
اي
«،،،سويتها الج يله امشي اصعدي
وصدك فرني بالعاصمه لازمته من خصره
واضحك فرحانه بي وبهل اللحظه
الحلوه
كعدنا بمطعم احس روحي طايره
بالسما من فرحتي سال
«،،،ها حلوه الفره
«،،،اي بس خلي نسويها بغداد
«،،،لا بله عايزه افرج هناك غير نصير فرجه
لامه محمد
«،،،ههه البس دشداشتك والف يشماغ
ومحد يعرفني اني بنيه
ابتسم وجاوب
«،،حتى اول صيطره يلگفونا وجيب الي
يقنعهم انتي مرتي مو صاحبتي
««،،هههه وياخذونا اني وياك ويخلونا
بالسجن وانت تتعارك وي
الي بالسجن وتحميني
منهم
«،،،صار فلم هندي ناقصه فيل ويكمل المشهد
«،،ههه
خربت ضحك كمل مبتسم
«،،انتي هسه بسجن
رفعت حواجبي وسالته
«،،،ياسجن بله
اشر على الحلقه وكمل
«،،بالقفص الذهبي ياضوه عيوني
«،،،هههه وانت وياي
«،،،ههه هم صدك بس احلى سجن مو كله
عسل وشهد
حجه هيج وعض شفته اشرت بعيوني
على الناس حجه كلمه جبيره
عضيت شفتي كال
«،،،ماايفهمون عراقي خليني اغرد براحتي
«،،،قائد لسانك هذا يردله اعاده فرمته
جاوبته مبتسمه
«،،اكلج كومي خلي افرج ساعه ونرجع
للفندق هناك فرمتي براحتج
دفع الحساب واخذني من ايدي وهم افترينا
رجعنا دنيا مغرب صعدنا لغرفتنا
بس طيينا شالني
لصدره وكام
يبوس
ويردد
«،،اشتاگيت والشوگ ماراح يطفى الا
بيج
جنات
اليوم موعد القضيه مالتي اني وكريم ابراهيم
ودانيه اخذوني للمحكمه وصلنا
نزلت وطبينا جوه المحامي
مالتي موجود اجه
من شافني سلم
على ابراهيم
وعليه
«،،،شلونج ست جنات
«،،،،اهلا استاذ فيصل
«،،،،،هسه لازم تروحين انتي ويا للباحثه
الاجتماعيه تسالكم كم سؤال يله عاد ترفع
القضيه
«،،،،تمام
«،،،،هو اجه
دانيه سالته جاوب
«،،،اي واكف يم المكتب
باوعت عليه ماحجيت شي كال
«،،،ست جنات انتي بعدج على قرارج
«،،اي
«،،متأكده
«،،،اي استاذ وماراح اتراجع
««،،،تمام يله عجل خلي نروح
«،،،اي
مشيت وي اختي ورجلها وصلنا ممر
شفته واكف وي واحد عرفته
محامي من شافني
اجه باتجاهي
ماخلاه لزمه
«،،،،شوفي شصاير بي
دانيه حجت بقهر وصدك جان ضعفان
ومبين علي القهر
روحي اختنكت وگلبي كام يوجعني بس
دست على كلشي بيه وخليت كرامتي
فوك حبي اله
«،،تفضلي ست
مشيت وي استاذ،،،فيصل اجنب اباوع
اله من فتت من يمه حجه
«،،،ابراهيم احجي وياها
«،،، استاذ تفضل وياها لجوه
واحد حجه ويا طبيت هو ورايه محامي
يمه وهم المحامي مالتي يمي
بنيه بعمري قرت
ملفنا سالتني
«،،،شنو سبب طلبج الخلع
«،،ماكو تفاهم بينا
جاوبت حسب ماعلمني المحامي
سالت مره اللخ
«،،،حاولي تكعدين ويا وتوصلون لتفاهم
«،صعبه ماكدر بعد اتقبله لان اذاني كلش
«،،،مثل شنو الاذيه تعدى عليج
«،،،لا عمري مااذيتها
هو جاوب وكمل
«،،،ست اني مااريد الطلاك هي مرتي واني
احبها كلش
باوعت علي بعدين عليه كالت
«،،سمعتي زوجج شحجه
«،،،اي سمعت ومايهمني هو يعرف شسوه
ويعرف الاذيه الي خلاها بيه
صفنت عليه كملت
«،،،ست مثل الله حلل الزواج هم حللل
الطلاك واني بعد مااكدر اعيش،وي انسان
فقدت الثقه بي وكمت مااشوفه مثل
قبل
«،،،جنات اني صلحت كلشي
مادرت بال هي حجت
«،،حاولو تكعدون وتتفاهمون يعني حرامات
خمس سنين زواج تروح هيج
وبسهوله
المحامي مالتي حجه
،،،،ست كلشي منتهي من يمنا لاستحاله
العشره من طرف الزوجه
المحامي مالته كال
«،،،موكلي بعده متمسك بزوجته وياريت
هي تعيد النظر بهل القضيه
«،،،سمعتي ست جنات
حجت وياي جاوبت بروده
«،،،واني مو متمسكه بي كلشي انتهى بينا
واطلب منج تتفهمين هالشي
«،،،تمام بس راح انطيكم مهله شهر
راجعو نفسكم بيها اذا
ماوصلتو لحل بينكم
ترفع قضيتكم
للمحكمه
باوعت للمحامي هز راسه شكرها وطلعنا
بالممر وكف كدامي خزرته
كال بتوسل
«،،،،جنات كافي عاد والله عرفت غلطي
المحامي لزمه وكله
«،،،،استاذ كريم مايصير هيج تسوي
عفته يحجي ويا ومشيت لبره ابراهيم
جان يم الباب شافنا اجه
بسرعه سال
«،،،ها شصار
دانيه جاوبته
«،،،تأجلت شهر
سكت وهز راسه استاذ فيصل اجه
سالته من وصل وبعصبيه
«،،،،هاي ليش اجلتها شهر
«،،،،، كل قضيه طلاك لازم الباحث ينطي
فتره زمنيه يخليها فرصه
للحوار بلكي يتراجع
الطرفين عنها
سكتت من شفته اجه باتجاهنا درت
روحي ومشيت للسياره
صعدت وكعدت
ليوره
اشوفه يحجي وي اختي وابراهيم والمحامي
ماالتي ويباوع عليه نزلت راسي
لان عيوني غورگت اردد
«،،،،انت الجبرتني اسوي هيج من بعتني
برخيص
اجوي عليه هو ظل واكف ولا شال عيونه
مني اختي صعدت تردد بعصبيه
«،،،عباله ماراح تسويها
رجلها رد من صعد
«،،،بله اني اوكف بهل اليوم ووي منو جنات
وكريم
دموعي نزلت وكمت اشهك بصوت قوي
شافني كعد على دجه ولزم راسه
ابراهيم حجه
«،،، خرب حظك شوفي راح يموت
«،،من ايده محد گله روح ازوج من وراها
اختي جاوبته وكملت
«،،،،،حرك ابراهيم اختي الجاي تموت مو هو
وصدك اني من جوة متت انتهيت خسرت
حب حياتي وبيتي انهجم
كاعده بالغرفه الفوك الي انطوها اليه بيت
اختي وصافنه ودمعتي بعيوني
مانشفت
اذكر اول مره شفته بيها جنت متعينه جديد
بالمصرف هو اجه يصرف راتب
ابوه مال التقاعد جنت واكفه احجي وي
بنيه اشرت بعيونها انداريت
شفت واحد واكف
صفن عليه بعدين
سلم
«،،،شلونج ست
«،،،اهلا وسهلا
انطاني الماستر
عديت الفلوس وانطيتهن اله شكرني بس
ظل مركز بعيونه عليه بعدين
راح
جنت اشوف هاي النظرات هوايه بعيون الرجال
لان اعرف بروحي حلوه كلش واكثر
من واحد تقدم عليه
رفضتهم لان جنت ملتهيه بدراستي وهم
ماجانت فكره الزواج براسي
وتكررت جياته للمصرف وهم شفت من
نظرات وابتسامه اني بطبعي ثكيله
مااحب اطلع من اطار الرسميه
بالشغل حتى وي
الموظفين ماانطيته
وجه وره فتره كمت مااروح
اسلمه الراتب
اخلي بنيه غيري تسلمه بيوم اني بالبيت
اجاني اتصال من رقم غريب
جاوبته سمعت صوته
وعرفته كال
«،،،شلونج ست جنات
«،،،منو انت
«،،اني كريم الي يستلم راتب ابو من يمج
«،،،اي وشرايد استاذ كريم ومنين جبت
رقمي
من رديت بعصبيه كال بهدؤ
«،،،على كيفج ست تره اني خابرتج
وقصدي شريف
«،،،تفضل اسمعك
«،،،اني الصراحه ومثل ماتعرفين كل شهر
اجي استلم منج الراتب وشفتج
انسانه خلوقه وصاحبه
اخلاق
«،،،اي وبعدين
سكت كملت
«،،استاذ اذا بالك شي شيله من راسك
وامسح رقمي
«،،،لا اني كتلج من البدايه قصدي شريف
يعني خابرتج اسالج اذا اتقدم
الج توافقين عليه
«،،،لاا ماراح اوافق وبعد لاتتصل
سديت الخط وحضرته ماجان بالي الزواج
جنت متعينه جديد وفرحانه
بوظيفتي كلش
بس هو ماجاز مني دز امه وحجت وي امي
من سمعت بي من عائله معروفه وموظف
وحالتهم زينة كامت تقره براسي
وتلح ورفضت اسمعها ورفضته ورفضت
ويا ابن شيخ هم شايفني بالدوام بس ماعرفته منو هو وهذا هم لح لان دز ناس كبار
علينا مره ثانيه وهم ماقبلت
بي وانسحب بعد مادز
احد بس كريم
ظل يلح
بالدوام هم اجه وتجاهلته طبيت الغرفه
تدقيق ماطلعت الا ورة ساعه
وره ايام هم اجاني اتصال من رقم
غريب كلت هو بس ردت اتأكد
فتحت الخط هو حجه
«،،عليج الله لاتسدين الخط واسمعيني زين
«،،،انت شلون وياك يعني الي اشتكي عليك
يله جوز مني
«،،،،بس اسمعيني والله اني رايدج بالحلال
«،،،واني مااريدك غصب اقبل بيك
«،،لا مو غصب بس خليني اعرف سبب الرفض
«،،،مااريد ازوج هسه
«،،،اوكي اخطبج فتره وشوكت ماتريدين
نزوج
«،،،ياربي انت شنو لزكه
«،،،اي وماراح اعوفج ابدا
«،،،استغفر الله ياربي والله مو صاحي انت
«،،،اي والله من شفتج اول مره مااعرف
شصار بيه كلت لو اخذج الج
لو ماازوج ابد
«،،،ابشرك لعد ماراح تزوج ابدا
سديت الخط وحضرته وهم مافاد دز
ناس شيوخ على ابويه وقدم
مهر عالي وشاريد
يسويلي
وهالشي خبل اهلي لان شافوه لگطه
اهم شي عدهم عنده فلوس
وابن ناس معروفه
من شفته شلون صمم عليه وذبح روحه
حتى ياخذني گلبي تغيير من يمه
ومن اتصل مره ثانيه
حجيت
«،،انت شلون وياك تره الكاعد تسوي
ما
قاطعني
«،،لا راح يجيب نتيجه اذا مو هالسنه
سنه اللخ
سكتت كمل
«،،،اعرفي اني قفلت عليج لو انتي لو ماازوج
«،،،انت شتعرف عني غير اني بس حلوه
«،،،صح اني اول مره من شفتج انعجبت
بشكلج لان حلوه كلش بس بعدين
من شفت اخلاقج وثكلج
وي الكل عجبتيني بعد
اكثر
سكت وكمل
«،،،انتي مااعرف شسويتي بيه خربطتي
حالي اني جنت عايش بساطه
بس من شفتج كلشي
تغير وعالمي
صار هوسه
ابتسمت كمل
«،،،شتريدين اني حاضر بس كولي اي
وكلت اي بعد عده محاولات منه وياريت
كايله لاا جان ماعشت هاي
الايام الصعبه
يمامه
ابويه شد ويايه على سالفه الملهى وقويدر
ويا ومنيره تحرك بيهم سايستهم
وكلت
الما اجيب حنين ونروح اني وياها
سوه مااريد اروح وحدي
الا هي وياي
قبلو بهل الشي وعافوني جنت اريدها بس
اجيب حتى اخذها وننهزم من ذوله
الي بله شرف
رجعت المغرب هي بالي ومااعرف شبيه مخنوكه واريد بس ابجي طبيت للبيت
بعدني بالباب منيره كالت
«،،،،اختج كاعد
شكرا لزيارتكم عالم روايات سكيرهوم
