رواي عذابي وقدري الفصل السادس والعشرون بقلم ارسلان جاف
روان… .
دخلت بالشهر ال 9 وعيالي بعد ماشفتهم ولامره
ولا سمعت عنهم شي غير وره الاربعين اجتي
ام علي اخت علاء الله يرحمه…
كالت روان اني اريد اموت مرت ابوي احلام ولبنات ..
روان ليش شبيهم…
تدرين هذاك اليوم رحتلهم ولكيتهن نازعات الاسود
ولابسات احمررر…بالبيت
احاجيهن يكولن عدنه زلم ولزلم كلشي تريدد
وعلاء راح الله يرحمه… نموت وراه…
ولج متت من وره هالحجايه وتعاركت وياهم وطلعت…
روان… من سمعت هيج تاذيت هواايه
ع الاقل احترام للميت…
بسبب صحتي كل اسبوع اراجع لدكتوره
علمود الي بطني بالبدايه كالوا مفتره ولازم عمليه
وكالتلي لدكتوره لازم تتمشين… هواي
كل خميس اروح للمقبره اكعد يمه واحجيله
شكوو بقلبي واحجيله ساعه واعاتبه ساعات
ومرت الايامي حزينه وصعبه بفراك علاء وبسبب
تعبي والحمل…
وقرب موعد الولادة… .
تعبت هواي يومين عندي الم الولاده وماكووو
ارووح للمستشفى لدكتوره تكلي ماعندج ولاده وارجع للبيت
الالم موتتني… .
والدكتورات وحده تكول الطفل ميت وحده تكول
تعبان واني متت خوف على بنتي…
للعصر رحت لدكتوره اخصائيه سجلنه اسم
وكعدنه اني وماما ننتظر السره واني كاعده الوب
من الوجع امي راحت لسكرتيره كلتلها متشوفيها
راح تموت من الالم خلي نفوت لدكتوره
بقت تحجي وياهه…
فاتت لدكتوره وشويه وطلعت كالت بس تخلص
المراجعه تدخلون…
بعد مطلعت لمراجعه طبينه شافتني دكتوره
كالت صعدي ع السديه تفحصني بعد مفحصتني
باوعت ع امي وكالت بعد نص ساعه اذا ماصارت
عدهه ولاده لازم نسويلها عمليه لان تعبانه حيل
ويمكن الي بطنها مايعيش فطلبت من امي اسويلي
العمليه بالخاص وطلبت مليون ونص ..
امي كالتلها هي مرت سهيد والمبلغ هوايه عاد هي
من سمعت هيج تعاطفت ويايه وكالت من عندي
مساعده لكم جيبي تمن ميه … واني هيج سمعت
متت خوف ياربي دخيلك ودموعي تنزل… .
خلي اني اموت بس خلي بنتي مابيها شي
اللهي عطفك ورحمتك…
روان ..ماما خابرت على خالتي رحمه هيه مساعده
جراح كلتلها لا تسوين شي جيبيها وتعالي للنجف
لان خالتي متزوجه بالنجف طلعنه من لدكتوره
واخذنه تكسي ورحنه للبيت ماما اخذتلي جنطه
زغيره ملابس واغراض الي ولبنوتي طبعا ماما
الي جهزتلها كلشي لان اني جنت بالعده وماكدر اطلع…
طلعنه لنجف ورحنه للمستشفى الي تشتغل بيها خالتي رحمه. طبعا بابا طاير بالسياره يمشي فوك ال 170 السيارة تحسسها طايره من خوفه عليه
وعلى بنوتي ..
وصلنه للمستشفى ورحنه للاستعلامات خالتي
جانت تنتظرنه وكالت هسه تشوفها لدكتوره
اخذتني ورحنه لدكتوره شافتني لدكتوره وكالت
ماما انتي وطفلتج بخير…
ارتاحيت شويه… وكالت بسس اريد سونار ملون
علمود اتاكد من سلامتكم انظتني ورقه ورحنه
لسونار انتظرنا لازم حجز وننتظر سره كعدنه
بقينا منتظرين نص ساعه صاحو اسمي وفتت
لدكتوره سوتلي سونار… بس سالتني ماما زوجج
اسمر دمعت عيوني وكتلها اي…
ماجنت اعرف شنو تقصد بسؤالها…
ماجنت اعرف تقصد اسمر حيل…
كملت واخذت لسونار ورجعت لدكتوره
شافته وكالت ماما وضعج تمام ماكوو اي خوف
وخطوره واسبوع ونسويلج العملية… بسس الالم
موتني وتعبت حيل حسيت نفسي انتهيت
واني بعدني كاعده يم لدكتوره وهيه تحجي
حسيت الدنيا افترت بيه واغمه عليه…
من التعب والالم والخوف واكل ماكوو مااكلت شي
انتهيت…
صحيت شفت نفسي على السرير ومخليلي بايدي
المغذي بعد مخلص المغذي كالوا تدخل عمليات
ليوم انسوي العمليه الها… .
وكالوا خاف تحتاج دم… اني جنت بعدني مخلصه
العده وميصير رجال يشوفني ودكتوره تخدير ماكووو بس دكتور اتصلوا على مستشفيات اثنين
الخفر دكاتره . مو دكتوره… اخذوني لغرفه
العمليات قبل لا ادخل انطتني الممرضه ملابس
خاصه لبسوني لبس العمليه وقع وبصم ابويه
لان كالوا زوجها شهيد ابوها بمكانه…
دخلوني لغرفه العمليات ومااشوف غير اضويه
صارت بعيوني وعقمو جسمي كله وغطوه خلو
بس فتحه زغيره يضرب بيها دكتور التخدير ابره
بظهر ع اساس تخدير نصفي جان بمستشفيات
للنجف ضربني ابره الدكتور وطلع بعدني مامخدره
جسمي ماخذ غطوني… رجع ضربني ابره ثانيه ونفس الشي
كالوا جسمها ماياخذ اذا مو بنج عام…
ضربوني ابره بالكانونه بايدي وخلوه جهاز التنفس
ع خشمي وبديت اغيب عن الوعي بعدها ماحسيت بشي ..
-لحد مفتحت عيوني واني اصيح علاء جيبولي علاء
والكل يمي ويبجون سالتهم عن بنتي سكينة
كالو يم ابوها اتصورت علاء رجع بقيت باردهه
وحدي مايصير رجال يشوفني ولا يسمع صوتي
بعدهه اخذوني لغرفه لممرضات وجابولي بنتي
جانت بحضن بابا .. الي توقعته لبرهه علاء رجع
من شفتها واني ماعرف الي صار بيه
البنج بعده مفاكني ومااكدر اتحرك خلوها بصفي
ولزمتها ماما نمت من تعب… بقيت يومين
بالمستشفى محد وياي بس اهلي بابا وماما
واهل علاء ابد ولا واحد منهم اجه ولا سال
رغم ابويه خابرهم بس محد منهم كلف نفسه
واجه…
- طلعنه للبيت وبقت ماما واخواتي يداروني
اني وبنوتي صار عمرها 7 ايام اجن عماتها كلهن
لس مكعدوا 5 دقايق وراحوا… وره يومين صار بيها ابو صفار اخذتها لدكتور كالوا لازم تدخلوها
مستشفى واني عمليتي بعدهه مفاتحه لخياطات
كالوا ابقى انتي ماترووحين اخذوها ماما وبابا
وامي باتت بالمستشفى وبابا رجع لان عنده دوام
واني بقيت ابجي لليل كله…
للصبح بابا طلع لدوام كال حضري ملابسج
وكال نيم الكشن لسيارة واخذج الها
لبست ع السريع وبقيت منتظرته يرجع من دوام
وياخذني كاعده انتظر واحسب لوقت شوكت يجي بابا لان احسس قطعه من رووحي ماكووو…
اجه واخذني الهم اول مطبيت روحي مفرفحه
عليها اشوفها نايمه بحضن امي…
اخذتها وكمت اشم بريحتها افيشش… ياريحه لغالي ..
بس لدكتور مانعهم انطيها حليب من صدري
لان اني ابجي واضوج علمود
بس لدكتور مانعهم انطيها حليب من صدري
لان اني ابجي واضوج علمود علاء…
الله يرحمه .. وهذا موزين عليها يومين وطلعوها
للبيت كمت انطيها حليب قواطي… صارت زينه واني خلصت العده مالتي
وبيت عيالي بعد ماشفتهم ولا رحتلهم
ومشت الايام وكبرت صار عمرها سنه بنتي سوسو الي ملت عليه
حياتي واهلي كلهم يحبوها ويلعبون عليها وعلى
سوالفها وتصيح لابويه بابا ..
- وبيوم اجت مرت عمي احلام وكالت جدها يريد
يشوفها ومايكدر يجي لان مريض…
روان… اني اتفاجات شنو هالمحنه الي نزلت فجاه
اشو صار سنه محد سال وكال شنو محتاجين
وكال اريد روان وبنتها واني ارجعهن…
روان اني جنت خايفه ومتررده ادخل للبيت
الي جان بيوم كل حياتي رغم القهر الي شفته منهم
مااريد ادخل للبيت وعلاء مابيه…
وبلسانها الحلوو وكلامها المعسول قنعت بابا
وكاللها مثل ماهيه بنتنه هم بنتكم وماكو فرق
ان شاء الله…
- بسس ديربالج عليهن وماتخليهن اكثر من يومين
لان بنتي سوسو عدها لقاح
حضرت ملابس الي ولبنوتي سوسو وبدلتها وبدلت
وطلعت من البيت اختنكت صعدت بالسيارة
بعد ماسلمت ع اهلي خليت بنوتي بحضني
واني متمسكه بيها بثنين ايديه وكعدت يم لجامه
طبعا جان وقت للعصر وسياره لابن حماتي
شغل المسجل مخلي قرص كله ع لفراك…
…… تكول الاغنيه… ..
كولولة شووو طال البعددد……
موو كافي ياناسينه ..والروح ماتصبر بعد….
صاااررر البعد ياذينه… .
كولولة نشفنه الدمـع ومشتاكة عيني لعـينه… .
روان… اني ابجي ودايره وجهي ع الجامه وبنوتي
بحضني … لفراك صعب يشبه الموت لكن بطئ
سمعت سوسو تصيح بكلام ممفهوم باوعت عليها
تباوعلي وتبتسم مسحت دموعي وابتسمت الها
وحضنتها…
- خلصت الطريق كله ابجي ومخنوكه…
وصلنه نزلت من السيارة اباوع للبيت جنت متردده
ذكرياتي كلها بهالبيت صح مشفت بي بس القهر
منهم بسس البيت الي جان بي حبيبي علاء
الله يرحمه…
طبيت للبيت وبحضني سوسو سلمت عليهم وعمي ماكووو…
انداريت عليها وكتلها ..هااا عمه لعد عمي
وينه اشووو ماكووو…
احلام… اني ماكدرت احجي كدام اهلج بسس
عمج بالسجن…
روان… ليش شمسوي…
-يكولون عليه دعوة قتل وتهريب وانحكم مؤبد
لطمت ع صدري… يااا
احلام ..روان اني جبتج وياي علمود اكللكم
خاف واحد يسال عن جدها لبنتج ..كولو مريض
ومايكدر يجي يشوفها لان عيب منا الناس شتكول
علينه…
-روان اني بقيت صافنه شنوو قتل شنو تهريب
لا وانوب محكوم مؤبد… الله يستر بعد شضامين
لليل بنوتي تبجي مدري شبيها واني شايلتها
واروح وارجع بيها بالغرفه اخذت الغرفه طول
وعرض امشي بيها واهزها اريدها تسكت
خبصتني يمكن لان تغيير عليها المكان…
اخذتها ونزلت جوه… .اجتي احلام مرت عمي
كالت روان شلون تبحثين على احد بالفيس
وتراسلينه…
اني جهازي قبل لا اطلع من البيت خله بابا بي
رصيد وفعل النت على الخط علمود يخابرني
صوره وصوت …
-كعدت اعلمها انوار صاحتلي سوسو تبجي جهازي ورحت على بنـوتي… وبقى جهاز يمها…
… واني ع نياتي يعني حتى اذا بقى
قابل شراح تسوي بي…
جنت مخليه بالجهاز رام كله صور الي ولعلاء
وصور خطوبتنه والحنه والزواج… وصور
لحد اخر يوم اجازه لعلاء نزل بيها ماخذين
صور الي اني وياه وصور الي بالبيت…
اخذت سوسو وصعدت انيمها…
بعد منيمت بنوتي اذكرت جهاز عفته يم احلام انزلت اخذت جهازي منها… .
كلبت بي اباوع مخابره عل رقم غريب
كتلها هذا منووو… كالت معليج بي
-روان شلون معليه وانتي مخابره من رقمي
عفتها وصعدت لغرفتي… شفت بلاوي…
ياربي سترررك…
فتحت الماسنجر… لطمت ع خدي عزززه
بعينج روان شـراح تسوين صوري كلها
دازتهن لواحد… .لا وانوب كاتبلها هاي بعدهه زغيره
وحلوه اذا كدرتي عليها راح تعيشين اميرة زمانج
اغركج فلوس وذهب ..
- واني مصدومه من الي شفته دك جهاز بايدي
اباوع نفس الرقم الغريب الي متصله بي احلام
ماجاوبت دك مره مرتين 3 مراات مجاوبت
دز رساله كاتب بيها ..
روان اني اعرف الجهاز يمج جاوبي اريد احجي
وياج…
روان اني احجي بقلبي هذا شيريد مني
غلست مجاوبت… ومسحت الرقم ورساله
اندكت بابا الغرفه غرفتها احلام غطيت وجهي
بالبطانيه وسويت نفسي نايمه حجت مجاوبتها
واني ارجف من الخووف…
- وبقيت ابجي واحجي اني ليش احجيت وشعندي
جايه علاء وراح ..وشراح اسوي بالمصيبه الوكعت
على راسي…
واذا احجي منووو راح يصدكني…
بقيت بحيره وقلق لليل مانمته من التفكير 💭 والخوف…
كعدت الصبح عيوني مورمه من البجي ومنمت
نزلت جوه غسلت شفتها مرت من كدامي تتمشى
كانما ممسويه شي ..
- دخلت للصاله وكالت لابنها الجبير كرار
اريد اخذ روان وبتها لسوك اشوفها خاف محتاجه
شي…
روان والله كلبي مارتاح لروووحه .كتلها لا
ممحتاجه شي تسلمين كلشي مااريددد…
كالتلي اريدج تروحين وياي تختاريلي ملابس
كتلها سكينه شلون ماكدر اروح لسوك
والسوك فره وتعب ..كمت اتحجج حتى مااروح ..
لان عرفت اكوو لعبة بسالفه ..
-احلام ..عوفيها هناا يم البنات
كتلها ..لا عيني بنتي مااعوفها…
حماي كرار حجه كال روان خطيه امي صار ساعه
تحجي وياج رووحي وياهه ..وصار سنه ونص
مشايفتج واكيد حقها تشتاقلج وتريدج تروحين
وياها ..
استحيت منه ..ورحت بلكوه وهم عيب شكلهم
امكم هيج وهيج…
- صعدت بدلت وطلعنه اني واحلام مرت عمي
اجرت تكسي صعدنه بسيارة لسوك دك تلفوني
نفس الرقم جمدت بدمي ..
كالت جاوبي… كلت الوووو
سمعت صوته كلي عمتج وين كتله بسيارة
كال اعرف رايحين لسوك واني 5 دقايق لحكم
وانسدددد…
--ياربي شنو هالورطه الي وكعت بيها…
وصلنه لسوك ونزلنه من لسيارة واني اتلفت
من الخوف… اما مرت عمي احلام افترت واشترت
عادي واني الي متت خووف…
فتنه لمحل ساعات رجاليه اخذت ساعه ماركه لون
ذهبي ..وطلعنه وفاتت لمحل احذيه رجاليه
واخذت شحاطه رجاليه ..وفتنه لمحل عط
واخذت شحاطه رجاليه ..وفتنه لمحل عطور هم
اخذت عطر رجالي…
روان سالتها هذوله لمنوووو
لان اعرف عمي بالسجن
شكرا لزيارتكم عالم روايات سكيرهوم
