رواي عذابي وقدري الفصل السابع والعشرون بقلم ارسلان جاف
-روان… فتنه لمحل ساعات رجاليه اخذت احلام ساعه ماركه لون
ذهبي ..وطلعنه وفاتت لمحل احذيه رجاليه
واخذت شحاطه رجاليه ..وفتنه لمحل عطور هم
اخذت عطر رجالي…
- روان سالتها هذوله لمنوووو… .
لان اعرف عمي بالسجن…
-احلام كالت اريدهم هدية 🎁 لمنووو ماعرف…
احلام ..روان اريدج تروحين وياي انشوف بنت عمي مسويه عملية… منتاخررر
والسيارة منتظرتنه على الشارع…
-اني خفت وعرفت السالفه جذب وهيه رايدتني
بغير سالفه… كتلها لا انتي روحي اني اريد
ارجع للبيت تاخرت…
-جرتني من ايدي وكالت امشي منتاخررر
مشينه وكفنه ع الشارع وكفت سياره سوده عاليه
موديل حديث بس ماعرف موديل سيارة 🚗
احلام كالت صعدي كتلها مااصعد تريدين
انتي صعدي اني ماصعد واني ارجع وحدي للبيت
كالت لا ترووحين وجرتني من ايدي دفعتها
وكتلها اكعد هنا مااولى لاي مكان رووحي
انتي صعدي …
-عافتني وراحت صعدت بسيارة بعد ماخذت جنطتي
الي بيها تلفوني وفلوسي علمود خاف ارووح
للبيت واكشف لعبتها…
اكووو مطعم على الشارع رحت دخلت بي كعدت
اني بجنطت بنوتي مخليه فلوس بس متكفي
ارجع للبيت اشتريت بطل مي وبقيت انتظرها
ونفسي كارهتها …
وبقت عيوني على لشارع مثل واحد ضايع
وفعلا اني جنت ضايعه
جنت بس اريد ارجع للبيت… .
علمود ارووح لاهلي بعد ساعه اجتي هيه
نفس لسيارة ذبتها وراحت ..
كمت طلعت من المطعم… شافتني اجتي عليه
اخذت تكسي ورجعنه للبيت…
طول لطريق محاجيتها شي… وصلنه للبيت
ونزلنه قبل لا افوت للبيت كتلها بعد تحلمين
اطلع وياج ..
ضحكت بضحكه مسموعه وكالت مو بكيفج
تطلعين وغصبن ماعليج
عفتها وطبيت جوه…
بدخلتي للبيت شافتني انوار اخت علاء
--روان شبيج صاير شي ..
كتلها لا بس جو حار وفرت سوك تعبت وين سوسو
كالت نيمتها فوك صعدت لغرفتي فتحت لباب
لكيتها نايمه على الجربايه مثل الملاك ..
خفت ابوسها لا ترووح تكعد ..
شمرت جنطتي ع الجربايه .
ورحت للكنتور طلعت ملابس اريد اسبح لان جو
حار واني تعبانه حيل ..نزلت سبحت وطلعت
ومررر اليوم منزلت ابددد من غرفتي… لثاني يوم
كعدت لصبح… .
بعد متريكت وساعدت لبنات بالبيت صعدت اخذت
ملابس ونزلت قبلها خابرت ماما تسئل محجيت شي. شـكول سكتت… .
سوسو نامت شمرت تلفون ونزلت اسبح كملت
وصعدت فوك اول مفتحت باب الغرفه اسمعت صوت
جهازي يدك رحت عليه نفس الرقم الغريب
نفس الشخص…
--كلت الاارزله ليوم كافي عاد…
كلت الووو اجاني صوته … وجان يكول انتي حلوه
وجسمج بعد احلى واريدج…
وشنووو الي تريدينه اسوي… اني ضجت من
كلامه الي سمعته وعقل ماضل براسي وبديت
اغلط عليه… واسبه… .
وجان يكووول عمتج زوجتي… سكتتت
هنا اني انصدمت هذا شيكول ..
-كتله شنووو شتحجي انت تخبلت …
كال لا والله مثل ماسمعتي زوجتي
احنه متزوجين…
-- روان… عزززززه بعينج احلام…
كتله شلون تزوج وهيه متزوجه انت شبيك صاحي مخبل … ضحك
وكال للعصر تدخل للحمام تصيحلج وشوفي جسمها
وراح تعرفين وين رحنه لبارحه … وشسوينه
وعمرج راح خساره لان ماجيتي…
واني احجي بكلبي كبر اي والله كبر الي اخذ
علاء كون ياخذكم… سديته بوجهه
وشمرت التلفون ورحت اتمددت يم بنوتي
وافكررر برووحي واكول شجابني هنااا وشلون اجيت وهسه اذا احجي سوالفها اكووو واحد يصدكني ولدها وبناتها شلون ميحسون بيها
شجاي تسوي بقيت افكررر…
اخاف احجي وهاي حية ترووح تكلبها عليه
لسالفه والله وحده هيج تسوي كلشي يطلع منها
- صدك للعصر جنت كاعده بالصاله شفت احلام دخلت للحمام
وكالتلي تعالي ليفيلي ظهري… كتلها بنتي تبجي
مااكدر اجي لان جانت بحضني… .صاحت على
بنتها ريام كالتلها اخذي سوسو من ايدها خلي تسويلي
ظهري تريد اليفه الها… اجتي اخذت سوسو مني
واحلام دخلت للحمام واني فتت وراهه
لكيتها نازعه ملابسها واثر بوس وعض على ظهرها
انطتني ليفه وكالت ليش ماجيتي عمرج راح خساره
روان… كتلها مشكوره خلي الج مااريد
ليفت ظهرها كملت وغسلت ايديه اريد اطلع
انهزم منها انداريت اريد اطلع ..ماحسيت الا وحضنتني من ورا وكامت تتلمس صدري وجسمي
وكالت ولج انتي ليش ترفسين النعمة بايدج
من جان علاء عايش كلتي ماخونه هسه شبيج
دفعتها بقوه وكتلها عوفيني بحالي… وبسس
وطلعت ركض وعرفت ماراح اخلص من هاي الحية
الي عمي جابها وخلاها بالبيت…
لليل كلها نامت واني كاعده انيم ب سوسو لان
نحسه بالنومه كلش تعبني…
دك جهازي وهم نفس الشخص وفتحت خط
اول ماحجه كال خرررب شعليج جسم حلوه
صحت بي بعد ماكدر اتحمل سخافته وكتله
انت شبيك…
كال هسه اكلج شبيه…
- اجتي رساله فتحتها صور الي واني بالحمام
تخبلت ماضل عقل مابقى عندي من شفتها
وين وشوكت ومنين جايب هالصور وشلون ماخذيلي صور واني مادري ..
وصور هيج منوو اخذهم الي ..
بقيت محتاره شسوي وشلون راح اخلص من هالمصيبه الي اسمها احلام…
ياربي ساعدني ..
بقيت ادك والطم اذا وصلت صوره من هالصور
لبابا مايكلف نفسه غير يخلي طلقه براسي
ويموتني حتى بدون مايفهم السالفه
واني احجي وابجي… بقيت افكررر شلون اخلص
نفسي منهم ليل مانمته…
-بنص قلقي وخوفي وحيرتي… وجنحي المكسور
احاول الملم اشلائي وانقذ نفسي من لوقوع
بحفره عميقه نهايتها الموت والعار…
بسبب ذنب مو ذنبي… .
ذكرت من جنا بكروب اني وصديقاتي جان بيه
ولد حباب واحسبه مثل اخويه ومره من مرات
بنيه بلكروب تعرضت لهيج مشكله وهو ساعدها
يعرف يفرمت جهاز اي شخص ويمسح كلشي بي
واذكر اسمه محمد من اهل كركوك وبوقتها
تشكرنه منه لمساعدته لبنية…
واحنه بينه سلام اخ لاخته…
دزيتله رساله هلا حمودي ..
-جاوبني هلا ام سوسو
-شلونج… .كتله موزينه خويه
-انت شلونك… جاوبني الحمدلله
-انتي وين وليش ماسالين…
-روان والله بالدنيا…
-كال كلنه بهالدنيا ..
- رروان والله مالي خلك افتح وانت تعرف ظروفي
اي اعرف…
روان .. محمد اني حاجيتله كلشي عن حياتي
وعن احلام مرت عمي وحتى حذرني منها…
كتله اني هسه بيت عيالي ..
-محمد خرررب يومج شوداج… كتله حظي المصخم غير ..
وحجيتله شلون اجتي احلام وقنعت بابا ورحت وياهه للبيت…
روان ..فدووه محمد رايده منك خدمه ..
كلي انتي تامرين امررر…
ماعرفت شلون احجي وابدي بالموضوع…
كتله حمودي مصيبه… كالي ولج شكوو خبله
روان ..حمودي مرت عمي احلام دزت كل صوري
لواحد وحتى ماخذتلي صور واني بالحمام ماعرف
شلون ..
صاااح لا بربج… كتله اي والله
كتله حمودي شسوي…
اريد بسس الصبح يطلع واروح لاهلي…
كال سهله عندج رقم هذا الشخص او حسابه بالفيس
اي شي…
روان كتله اي عندي اثنينهم رقم تلفون وحسابه
بالفيس لان دزلي صور عليه…
-كال دزيهن الي وانتظريني نص ساعه ونحجي
ماشي… كتله ماشي حمودي انتظرك…
باي ..باي
- دزيتهم اله… وبقيت انتظر والتلفون بايدي وارجف
وبعد نص ساعه من خوف وقلق واني ادعي ربي يخلصني من هالمصيبه… دزلي رساله
وكال تمت المهمة بنجاح…
-روان كتبتله هاااا حمودي بششررر
كال اني حمودي الهكررر انمسح كلشي بجهازه
بعد ماعنده لا رام ولا ذاكره بجهاز كلهن راحن طيرتهن… اله
وران… اي الحمدلله
كال من الصبح تطلعين و ترجعين لاهلج كتله هوه
اني منتظره الصبح يطلع احسبله ساعه ساعه
ودقيقه دقيقه… حتى ارووح
بعد مشكرته وراح… سديت تلفون وكعدت ابجي
اجتي حماتي اخت علاء من ابوه اسمها رنا
وكالت شبيج البنيه تبجي…
كمت عليها واخذتها بحضني… اهز بيها تسكت
وامسح دموعي كالت اريد احجي وياج كتلها احجي
اسمعج…
كالت بس مو تكولين لامي…
روان كتلها لا والله ليش اكلها احجي .. شبيج
+لزمت ايدي وكالت ابوس ايدج لا تتورطين مثل
مااني تورطت… .
روان كتلها شبيج رنا
روان… شتورط
وهيه ماتدري هستوني طلعت من ورطه بس الله ستر ومساعده محمد الي…
دنكت وكالت امي ..وسكتت
-روان ..ولج تره خبلتيني شبيج احجي
-- انتي تدرين اني متزوجه
ومطلكه… .. اي وادري علاء حجالي
-واذا مطلكه شبيها يعني اول وحده بالدنيا
هذا امر ربج… انتي لا اول وحده تطلك ولا اخر وحده
كالت ولج امي .. كتلها شبيها… دنكت وبدت تحجي . … .
--قبل شهر امي جابتلي تلفون وكامت تاخذلي صور
بكلشي حتى بملابس الداخليات ومن اسالها
تكلي اريد اشوف بنتي شلون شكلها يخبل بصورة
وبعدهه كامت امي تمارس وياي العلاقه الجنسيه
روان… كتلها انجبي وين اكوو هيج حجي
كالت اي روان امي هيج تسوي قبل جنت ماقبل
بس هسه لا اسوي الي تريده ولازم اسكت
كالت قبل 25 يوم… .امي كعدت لصبح جنه
كلنه كاعدين نتريك وكالت لاخوتي اريد اخذ
رنا ازورها لنجف وابات بالامام علي عليه السلام
واجي…
رنا … اني بيومها فرحت لان زياره وابات هناك
تحضرنه وبدلنه وطلعنه اني وامي من البيت
مشينه على لشارع العام…
وكفنه شويه وكفت سيارة بيضه حديثه امي
كالت خل نصعد ..
صعدت امي بالصدر اني بقيت صافنه امي شلون
تصعد ليكدام بالسيارة… ويه واحد منعرفه
المهم صعدت . …
مشينه وكفت سيارة يم بيت ضخم كلش جبير وحلوو ..
الولد الي يسوق بالسيارة فتح الباب ونزل
دخلنه للبيت واني مثل اطرش بزفه… ماعرف شيصير
شكرا لزيارتكم عالم روايات سكيرهوم
