رواية ذئاب بلا رحمة الفصل السادس و العشرون 26 بقلم خديجة السيد

ياسمينا تفتح عيونها بترقب : مستني ايه يلا 

شهاب بذيبح قلب : انا بحبك ، بحبك اوي ، عملت كل شئ بوسعي عشان تكوني معايا ، بقيتي معايا و كانت أسعد ايام حياتي ، بس للاسف مقدرتش احافظ عليكي ، انا اسف انتي معاكي حق ، انتي طالق....

ياسمينا تحس بارتياح كبير : هههه انت طلقتني صح 

شهاب بألم : اه علشان خاطري بقي سيبي  المسدس 

ياسمينا تهز رأسها برفض : لا.. مش قبل ما امشي من هنا وما لكش دعوه بيا انا خلاص بقيت طلقتك ، سيبني امشي 

شهاب : طب ماشي بس سيبي المسدس وانا هوصلك ذي ما انتي عاوزاه

ياسمينا : لااا لااا لو قربت هموت نفسي انا همشي لوحدي و انت ملكش دعو بيا فاهم

شهاب بحزن : طب خلاص اتفضلي امشي 

ياسمينا تقرب بتردد و تخرج من الباب و ترمي المسدس في الأرض و تطلع تجري بلا توقف و شهاب يترمي في الارض بحزن....

***

شهد واقفه بتبص من الشباك و دموعها نازله علي خدها...! 

شريف من الخلف : شهد 

شهد تمسح دموعها بسرعه وتلف : انت اللي قومك من علي السرير و انت لسه تعبان 

شريف يقرب و يرفع رأسها : بتعيطي ليه 

شهد بتهرب : انا مش بعيط و اتفضل روح ارتاح 

شريف : خايف عليا 

شهد بحزن : اكيد مش اخويا 

شريف يبتسم : انتي بتردهالي ولا ايه ، انا مش اخوكي انا جوزك يا شهد  

شهد : و جوزي بيسأل عن صاحبتي كل شويه ليه؟  

شريف يتنهد : حاضر هقولك مع اني مكنتش عاوز اعرفك عشان متزعليش ، بس عشان تعرفي اني مش اللي في دماغك 

شهد بعد فهم : انت بتقول ايه انا مش فاهمه حاجه

شريف يقعد علي السرير : اقعدي طب عشان مش قادر اقف و انا هحكلك 

شهد تبصله باستغراب و تروح تقعد جنبه ، و شريف يبدأ يحكي....! 

شهد بشهق : يعني اللي ضربك شهاب جوز ياسمينا عشان شافكم مع بعض 

شريف : ولله ما كنا بنعمل حاجه يا شهد انا ذي ما باحكيلك كده في رساله جتلي من تليفونك انك تعبانه وعاوزني اجيلك و ياسمينا نفس الحكايه 

شهد : انت مفكرني بشك فيك لا طبعا انا عارفاك كويس يا شريف مش انت اللي تعمل كده مع واحده متجوزه ولا ياسمينا كمان انا عارفها كويس  

شريف يبصلها اوي و يبتسم بفرحه من كلامها 

شهد باستغراب: بس انا ما بعتش رساله ولا ليك ولا لي ياسمينا ، انا موبايلي اتسرق مني ذي ما قلتلك

شريف : ما انا شكيت في الموضوع من الاول انك مش انتي اللي بعتي الرساله ده حد عاوز يوقع بين ياسمينا و جوزها 

شهد بحيره: طب مين... و هيعمل كده ليه ، ايه اللي استفادوا من كده  

شريف بعد تفكير : ياسمينا ملهاش حد عشان يعمل كده ، اكيد اللي عمل كده من ناحيه جوزها عاوز ينتقم منه في حاجه ، وهي يعيني اللي لبست الليل 

شهد بحزن : طب و ياسمينا تفتكر هيعمل فيها ايه 

شريف باستهزاء : وهو لسه هيعمل تلاقي عمل من زمان ، عشان كده من ساعه ما طلعت من المستشفي وانا عمال أسأل عليها نفسي اطمن عليها ، زعلان من نفسي اوي يا شهد كانت قدامي و معرفتش احميها منه 

شهد : وانت كان بايدك ايه و معملتهوش ، كلة من جوزها ده الله يسامحه علي اللي بيعمله فيها ، طب ما نبلغ البوليس 

شريف بضيق : فكرت بس لقيته مش حل ، هو ظابط ممكن يطلع من الموضوع بسهوله ، وكمان خوفت يتهم ياسمينا بتهمه الخاينه و احنا معناش دليل علي كده ، وبعدين في النهايه ده جوزها 

شهد بدموع : يعني هنسيبها لوحدها كده 

شريف : معرفش يا شهد و اهدي وبطلي عياط (يمسح دموعها و يخدها في حضنه)

شريف يسمع صوت تلفون : صوت تلفونك الجديد ده 

شهد تبعد بخجل : اه هو 

شريف : طب ردي 

شهد ترد : الو 

ياسمينا بدموع : شهد انا ياسمينا انا في الشارع و معرفش حد تعالي خديني

شهد :________

****

في شقه نور :- طق طق طق 

ام نور تفتح الباب : علي 

علي باحراج : ازيك حضرتك يا طنط ، ممكن اكلم نور كنت عاوزها في موضوع 

ام نور : اه اتفضل يا ابني ، هي شويه وهترجع 

علي بدهشة : ترجع منين هي خرجت 

ام نور : اه اصلها عند الدكتور بتاعها 

علي بتفاجاه : هي بتروح طب كويس ، انا قولت هلاقيها حابسه نفسها في الاوضه ذي الاول 

ام نور بابتسامه : وانا ولله فكرت كده انا و ابوها ، بس الحمد الله اتفاجئنا بيها تاني يوم طلعت من المستشفي لبست و راحت لي الدكتور و بقيلها شهر الحمد الله منتظمة علي العلاج 

علي بفرحه : طب الحمد الله ، ده كويس جدآ 

ام نور : الحمد الله (نور تدخل من الباب)اهي نور جت اهي 

نور بتفاجاه : علي 

علي يبصلها : احم ازيك يا نور 

ام نور تقوم : انا هقوم اجيبلك حاجه تشربها (وتمشي)

علي : ازيك يا نور عامله ايه

نور تهز رأسها بهدوء : كويسه....خير 

علي : طب تعالي اقعدي كنت عاوزك في موضوع 

نور تقرب وتقعد : طب ياريت بسرعه عشان لسه رجعي و تعبانه و عاوزاه ارتاح 

علي يتنهد : في ايه يا نور ما تطرديني احسن 

نور باقتضاب : مقدرش ده بيت عمك 

علي : عمي بس 

نور باستغراب : يعني ايه عمك بس 

علي ابتسم : يعني مش بيت حبيبتي مثلآ

نور بضيق : كنت وبعدين ما تجيب من الاخر و تقول عاوز ايه 

علي : ماشي بس براحه ، اولا انا فرحت اوي لما طنط قالتلي علي انك بدأتي الحمد الله تروحي لدكتور و بدأتي العلاج

نور بقصد : اصل اكتشفت اني مفيش حد يستاهل اني اضيع حياتي عشانه 

علي : ممممم ماشي كويس ، معاكي حق في النهايه ، طب و موضوعنا

نور ترفع حاجبيها و تظاهر عدم الفهم : نعم ! هو احنا لينا موضوع 

علي بغيظ : ايوه ، لينا موضوع و هيفضل لينا مع بعض 

نور باستفزاز : بمعني ايه وضح مش فاهمه حاجه 

علي بغيظ اكتر : بمعني اني بحبك و عاوز اتجوزك ومن زمان 

نور : مممم في حاجه تانيه 

علي : لا بس عاوز ردك  

نور بجدية : ردي اني مش موافقه ، و ياريت يا علي تنساني ذي انا بحاول افتح صفحه جديد مع نفسي وانسي 

علي : شوفتي قولتي ايه بحاول ، يعني لسه بتحبيني ، يعني مش هتقدري تنسيني يا نور ! 

نور بألم تحاول اخفاوه : ما انت كنت هتتجوز و تعيش حياتك فكرت ساعتها انا وضعي هيكون ايه 

علي بحزن وندم : لا مفكرتش بس جيت عند اخر لحظه و رجعت و مقدرتش ، عارف اني غلطان و ندمان نور بلاش نعمل كده نعاند مع بعض و خلاص  

نور : بس انا مش بعند يا علي حكايتنا انتهت من زمان من اول ما سيبتني يوم فرحي و تهمتني بي اني خنت العهد و انا بقي سواء اتجوزت ولا سفرت ذي زمان انا قررت أبدا من جديد ومع نفسي وبس...! 

****

في شقه شريف :- 

شريف يدخل من بره : تعالي يا ياسمينا ادخلي 

ياسمينا تدخل و شهد تجري عليها و تحضنها 

شهد : ياسمينا حبيبتي عامله ايه ، جوزك عملك حاجه 

ياسمينا تفضل تعيط في حضنها 

شريف : خلاص يا شهد سيبها براحتها ، تبقي تحكي بعدين ، يلا يا شهد خودها في اوضتك 

ياسمينا تمسح دموعها : لا انا هروح بيتي 

احسن 

شريف بجديه : لا انتي هتفضل هنا معانا ، احسن ليكي ، انا مش هاطمئن و انتي لوحدك  

شهد : شريف معاه حق يا ياسمينا كده احسن عشان حوزك ميجيش و يخدك 

ياسمينا بتعب : خلاص اللي تشوفوا

شريف : ماشي، كده احسن يلا يا شهد خديها 

شهد تهز رأسها و تخدها و تدخل 

ام شريف بعدم رضا: افهم بقي جايبها ليه هنا احنا ناقصين مصايب مش ليها جوز 

شريف بحده : ما بقتش مراته وهي خلاص اطلقت منه 

أم شريف : اه و انت بقي جايبها هنا تخلص شهور العده و تتجوزها صح 

شريف بضيق : يا ماما ايه اللي انتي بتقولي ده ياسمينا لوحدها في ظروف صعبه ، محتاجانا جنبها 

ام شريف بشك : بس كده، يعني مفيش حاجه في دماغك 

شريف بجدية : لا مفيش اطمني 

***

بعد اسبوع....! 

في فيلا شهاب القديمه :- 

شهاب يفتح الباب : عبد الرحمن 

عبد الرحمن بعتاب : اه كويس انك لسه فاكراني ، انت فين اختك قلقانه عليك اوي وانا كمان ، و مال دقنك طويله وعامل في نفسك كده ليه 

شهاب يدخل و يسيب الباب مفتوح ، و عبد الرحمن يدخل وراه 

عبد الرحمن يدور بعينه : هي ياسمينا فين 

شهاب بهدوء : طلقتها ! 

عبد الرحمن بصدمه : ايه ، هي ما رضيتش تسامحك 

شهاب بسخرية : هههه تسامحني علي ايه ، اني ضربتها كل يوم و لا اني اتهمتها بالخيانه و اهانتها ولا علي اغتصابها و ما قدرتش انها مراتي ، بذمتك بعد كل ده هتسامحني عادي كده 

عبد الرحمن يصعب عليه اوي و يسيبة يتكلم  

شهاب : هي معاها حق انا انسان اناني و شاكك و مبفكرش غير في نفسي ، معاها حق تسيبني... بس كل ده بسببها هي( يقصد امه) و لو كانت ست محترمه و كويسه و مخنتش بابا مكنتش شفتها و لا بابا قتلها قدامي هي و عمي، هي السبب في كل حاجه بتحصلي ، ولسه بتحصلي ، انا عمري ما كرهت في حياتي حد ذيها 

عبد الرحمن يفهم : قصدك امك 

شهاب بزعيق : ما تقولش امي ، ده ما تستاهلش انها تكون امي ، انا باكرهها اوي

عبد الرحمن : خلاص يا شهاب اهدي ، ده موضوع قديم حاول تنسي 

شهاب : هههه انسي صعب 

عبد الرحمن يحاول يغير الموضوع : هو مفيش امل ياسمينا ترجعلك 

شهاب بحزن : ترجع لمين ، احسن ليها تبعد عني انا مابعملش حاجه غير اني بجرحها وبس 

عبد الرحمن : عارف لو كنت سمعت كلامي و قولتلها كنت وفرت عليك كتير 

شهاب : خلاص يا عبد الرحمن ياسمينا سابتني و عمرها ماهترجع ليا

عبد الرحمن : طب يلا قوم و نبقي نشوف الموضوع ده بعدين ، يلا اختك قلقانه عليك وانا مش همشي غير بيك 

****

في قصر الكينج :- 

رماح يخبط علي باب المكتب ويدخل 

رماح : حضرتك طلبتني 

الكينج : ايوه يا رماح كنت عاوزك تدور علي شغل لي نورهان صاحبه زينه لو مش فكرها 

رماح بغضب : نعم ! شغل و تشتغل ليه أن شاء الله 

الكينج يرفع حاجيبه : هي عاوزاه كده في حاجه 

رماح بتوتر : احم لا حاضر ، في حاجه تاني 

الكينج يقوم  : لا خدني معاك انا طالع انا كمان 

رماح يهز راسه و يخرج هو و الكينج 

هديه تجري علي ابوها : بابي 

الكينج يشيلها لحضنه : حبيبتي عامله ايه ، ازيك يا نورهان

نورهان تهز رأسها و رماح يبصلها اوي بغضب ، و نورهان تستغرب  

هديه : كويسه بس ابله زينه تعبانه اوي 

الكينج بفزع : ايه زينه مالها 

نورهان تطمنة : هي كويسه بس تعب عادي عشان الحمل و كده 

الكينج بضيق  : طب محدش قالي ليه ، استني يا رماح هطلع اشوفها واجي 

رماح مزال ينظر لنورهان : اتفضل حضرتك 

الكينج يطلع هو وهديه ، نورهان تخاف لما تبقي لوحدها معاه و تلف عشان تطلع هي كمان

رماح بأمر: استني 

نورهان تقف بخوف : نعم 

رماح يقرب عليها اوي : هو انتي صحيح عاوزه تشتغلي 

نورهان بتوتر : اه هو في حاجه 

رماح بحده : اه في انه مفيش شغل ليكي 

نورهان بعد فهم : قصدك يعني دورت 

وما لقيتش شغل مناسب ليا

رماح بغرور: هه انا لو عاوز اجيب حاجه مش محتاج ادور عليها، بس في ثانيه هتكون قدامي واعرف اوصل ليها 

نورهان بتعجب : طب لما هو كده مفيش شغل ليه ؟ 

رماح بغضب : كده انا مش عاوزاك تشتغلي ، و تسمعي الكلام و انتي ساكته

نورهان بصدمه : نعم هو ايه اصله ده ، و انت  بتدخل في حياتي  بصفتك ايه ؟ 

رماح بجديه : بصفتي جوزك المستقبلي و مبحبش مراتي تشتغل 

نورهان بذهول :___________

****

بداخل جناح الكينج :- 

الكينج يدخل بلهفه : مالك يا حبيبتي في ايه

زينه بتعب بسيط : مفيش حاجه انا كويسه ماتقلقش 

الكينج يقعد جنبها : طب اطلب دكتور 

زينه تبتسم : لا مش عاوزه ده شي طبيعيه عشان الحمل ، الظاهر اني ابنك شقي ذيك 

الكينج بخبث : ايه ده هو انا شقي طب عرفتي ازاي 

زينه بخجل : بس بقي 

الكينج : ههه طب ما تبقيش تقولي كلام انتي مش قده ، وبعدين كده هتخليني الغيه سفري عشان تعبك 

زينه باستغراب : ايه ده انت مسافر ليه ؟ 

الكينج بتوتر : شغل يا زينه 

زينه تفهم : ااه لا انا كويسه ماتقلقش عليا ، روحي انت عشان شغلك مينفعش يتاجل 

الكينج يبصلها بضيق وسكت و شويه ويسمع صوت تليفونه

الكينج : الو نعم 

الدكتور : الو حضرتك انا بتصل عشان اقولك ان في اخبار كويسه اوي ، التحايل اللي بعتها لي المانيا ردوا عليا ولقوا قلب مطابق لبنت حضرتك 

الكينج بفرحه : انت بتتكلم جد....طب شكرا اوي ..... يومين كده و هجهزها ونسافر ماشي سلام 

زينه باستغراب : في ايه 

الكينج بسعاده : هديه خلاص لقوا قلب مطابق ليها ، و هتعمل العمليه 

زينه بفرحه : بجد طب الحمد الله ، طب هتعملها امتي 

الكينج بتفكير : هخلص شغل الاول وبعدين ، هاجهز لموضوع سفرها عشان ابقي معاها براحتي 

زينه بضيق : هتروح تسلم سلاح و ترجع تعمل عمليه بنتك عادي 

الكينج : ززززينه وبعدين مش كنا خلصنا 

زينه باصرار : لا مخلصناش انت مش واخد بالك انت بتعمل حاجه غلط ، و كمان فلوس عمليه بنتك بفلوس حرام ، و ممكن لقدره الله يحصلها حاجه و ..

الكينج يقطعها بصراخ : بس ما تكمليش هديه مش هيجرى حاجه ليها و هتعيش أن شاء الله 

زينه : مش انت اللي تقرر ، ربنا هو اللي عارف و شايف ، ابعد عن الطريق ده احسن ، بدل ما تخسر بنتك بسببه

الكينج يفكر في بنته و يخاف يبصلها بغضب و يخرج 

زينه بحزن : سامحني يا سالم لازم افوقك و افضل وراك لحد ما تبطل شغل حرام و تبعد عن السكه دي  

*** 

بداخل مكتب شهاب :- 

العسكري : في واحد عاوزك بره يا باشا و مصر  يقابلك 

شهاب يتنهد : ابتدينا دخله

العسكري بأدب : ماشي يا باشا 

العسكري يخرج و بعد شويه يدخل واحد

عادل يدخل : ازي حضرتك يابيه 

شهاب بشك : انا شوفتك قبل كده صح 

عادل بتوتر : جيت لحضرتك من مده بس انت  طردتني

شهاب باستغراب : وطردتك ليه ساعتها  

عادل : احم انا جئتلك في موضوع بخصوص والدتك   

شهاب بغضب : ايوه افتكرت انت ابن مرزوق البواب و انا طردتك وقلت لك لو شوفتك تاني هاحبسك ، جاي ليه بقي عاوز تتسجن 

عادل بيأس : لا انا عاوزك في موضوع مهم مساله حياه او موت اسمعني لو مره واحد و لو معجبكش الكلام ساعتها براحتك 

شهاب بنفاذ صبر : اخلص عاوز ايه 

عادل : هو الحقيقه مش انا اللي عاوزك..

هو والدي ، و تبقي كتر خيرك لو جيت معايا و تسمعة

شهاب بحده : انت اتهبلت عاوزاني اجي معاك 

عادل بترجي : ارجوك توافق تاجي ده شهاده حق.... 

****

في شقه شريف :- 

شهد : يلا يا ياسمينا عشان تاكلي مينفعش كده 

ياسمينا بحزن : مليش نفس لي ايه حاجه يا شهد ونبي سيبني لوحدي 

شهد : لا مش هسيبك انتي كده بتقتلي نفسك ، مش خلاص اطلقتي منه و هو اهو ولا جي يخدك ذي ما كنا فاكرين الحمد الله ، هتفضلي بقي حبسه نفسك كده، انتي ولا اول واحده ولا اخير واحده تطلق 

ياسمينا بألم: مش مسأله طلاق يا شهد اللي حصللي مش قليل مش قادره انسي 

شهد : لا هتقدري ان شاء الله بس حاول ، وكل حاجه هترجع ذي ما كانت واحسن 

****

""في مكان ما بداخل شقه ""

عادل : اتفضل يا باشا ابويا في الاوضه دي مستنيك 

شهاب يتنهد : ماشي (ويدخل يلاقي واحد كبير في السن علي السرير باين عليه التعب)

شهاب : سلام عليكم 

مرزوق بتعب شديد : كحح و عليكم السلام، تعالي يا ابني أخيراً جيت ، متعرفش انا مستنيك بقالي اد ايه 

شهاب بتعجب : خير 

مرزوق : طب اقعد الأول ، وانت يا عادل روح و سيبنا لوحدنا 

عادل : حاضر انا هروح اعملك حاجه تشربها (ويمشي)

مرزوق : اخيرا رضيت تاجي انا بعت عادل ابني يدور عليك واول ما الاقيك راحلك بس انت طردته ، مع اني انت اللي محتاجني مش انا 

شهاب : انا مش فاهم حاجه ممكن حضرتك توضح اكتر و تدخل في الموضوع علي طول 

مرزوق : حاضر ، انا كنت بشتغل عند والدك بواب بقالي سنين و لما اتجوز امك فضلت برضه شغال معاهم كانت ست كويسه اوي 

شهاب بغضب : وحشه ولا كويسه انا مالي بيها مش عاوز اسمع سيرتها 

مرزوق : اسمع للاخر ، انا في مره سمعت عمك زين وهو بيحاول يضايقي ست حياه وهي كانت بتحاول تبعدوا عنها اكتر من مره ، ولما شوفتهم في مره هو خاف و مشي بسرعه ، و ست حياه كانت بتعيط و قولتلي ما تقولش لحد مش عاوزاه مشاكل بين ابوك و اخوه ، ده غير اني ابوك كان شكك اوي و ممكن ميصدقهاش ، صعبت عليا اوي وانا فعلا سكت عشان المشاكل ، بس في مره ابوك راح يشوف جدك عشان تعبان وانت كنت صغير ورحت معاه ، و فضلت ست حياه لوحدها هي و بنتها لاني الخدم كانوا اجازه اليوم ده

شهاب بانفعال :  كل ده انا مالي بيه بتفكرني بالموضوع عده علية سنين و بحاول انسي 

مرزوق : يا ابني اسمع الباقي 

شهاب بغضب : عارف الباقي و حافظ كويس ، عمي جاء لها الفيلا ، و حظهم الأسود عشان ربنا يكشف خيانتهم بابا جي بدري و شوفهم  مع بعض   

مرزوق : بس اللي متعرفهوش امك مخنتش ابوك 

شهاب بحده : انا شايفهم بعيني انت هتكدب

مرزوق : شوفت ايه شوفت امك مع عمك في سرير واحد 

شهاب يسكت شويه و يفتكر : لا بس بابا شاف 

مرزوق : ولا ابوك ما شافش حاجه ، ابوك شاف اللي هو عاوز يشوفه ويصدقة هو 

شهاب بحده : قصدك ايه 

مرزوق : سيبني اكمل ، بعد ما مشيت انت وابوك هو جاء لها علي طول ، انا استغربت و قلت له ان ابوك مش هنا لسه ماشي ، رد عليا و قالي ما انا عارف ، انا جاي عشان ست حياه ، انا فهمت علي طول هو عاوز ايه 

شهاب بتركيز : كمل 

مرزوق : و قلت له لا مش هينفع تدخل ست حياه لوحدها في الفيلا ، عمك زين اصر أنة يدخل ، في الاول هدتني بعيالي ، و كمان للاسف غاويني بالفلوس و انا ساعتها كنت محتاج عشان عمليه ابني ، و قالي انا كده او كده هدخل ، فخليها بمزاجك احسن ،و قال لي مهما سمعت صوت صريخ ملكش دعوه ، و دخل و حصل اللي حصل ، حاول يتهجم عليها وابوك جي و فكر انهم بينهم حاجه ، ميعرفش ان كل ده من تخطيط عمك ، و انا ربنا انتقم مني و عشت باقي حياتي مريض و بدور عليك عشان اخلص ضميري و انا رايح اقابل وجه كريم 

اتصدمت صدمه كبير من الكلامه اللي سمعه و كانة دلو مياه بارد وقع علية

شهاب  : اا انت تقصدي ايه ؟ 

مرزوق : قصدي ان امك بريئه و عمرها ما خانت ابوك ولا بصت لحد غيرة 

شهاب بذهول وعدم تصديق : انت كداب ازاي و بابا شايفهم ساعتها 

مرزوق : يا ابني قولتلك ابوك شاف اللي هو عاوز يشوفة ، امك ست كويسه طول عمرها ، عمك هو اللي من زمان حاطط عينه عليها 

شهاب بزعيق : انت كداااب عاوز تقول ان كل السنين دي و بابا ظلم ماما و انا كمان انا ظلمتها كداااب

مرزوق : تفتكر ايه اللي ممكن استفاده وأنا بين الحياه و الموت في اني اكدب 

شهاب بوجع : لاااا لاا لازم يبقي كدب ، ازاي ، جي بعد ما كنت بقول عليها كلام وحش  وعلي طول بقول انها ست خاينه ، و كل حاجه بتحصللي اقول انها هي السبب فيها ، جاااي بعد ما ماتت تقول انها مظلومه ، يبقي لازم يكون كدب 

مرزوق بدهشة : مين دي اللي ماتت يا ابني ست حياه عايشه ، انا شوفتها و طلبت منها تسامحني كمان 

شهاب بصدمه اكبر : مين دي اللي عايشه ماما مات من زمان ، هي صحيح جاءت لي و انا صغير و كانت بتشوفني بس انا طردتها و قولتلها كلام وحش اوي انها السبب في موت بابا و ست خاينه ، و عمري ما هاسامحها و بعد كده جدي قاللي انها ماتت من زمان 

مرزوق : لا عايشه انا دورت عليها ذي ما دورت عليك ، هي عايشه مع الخدامه اللي كانت بتخدمكم زمان ، جدك كدب عليك هي كانت بتموت في اليوم الف مره ، كان نفسها اوي تشوفكم ، بس جدك هو اللي منعها كثير  

شهاب : جدي 

مرزوق : قال لها ذي ما كنتي السبب في موت ولادي الاتنين هحرمك من ولادك ، وسافر بيكم وبعد كده و هي متعرفش عنكم حاجه 

شهاب بألم : كمان جدي ظالمها ، انت متاكد انها عايشه 

مرزوق : ايوه انا شوفتها و رحت و اترجاها تسامحني ، وهي سامحتني 

شهاب : طب طالما هي عايشه ليه ما جيتش تزورنا ولا تعرفنا انها عايشه 

مرزوق : متظلمهاش ياابني ده ياما راحت لجدك و باست ايده ورجله عشان يخليها تشوفك بس هو ما رضيش و قسي عليها اوي ، امك اتعذبت اوي ، كان صعب عليها تروح ليك و تقولك انا امك وانت شاكك فيها ، ده غير انها متعرفش مكانكم 

شهاب بدموع : انت قولتلي عنوانها ايه

****

في شقه علي :- 

عبد الرحمن : مالك في ايه 

علي بحزن : نور شكلها كده نسيتني وبدات حياتها من جديد بعيد عني 

عبد الرحمن : مستحيل نور تنساك بعد كل  الحب اللي ما بينكم 

علي بضيق : بس هي قالت كده بنفسها ، كل بسب غبائي ضيعتها مني 

عبد الرحمن : يا علي هي بتقول كده بس عشان ترد شويه من كرامتها و اللي عملته معاها ، عاوزه تخليك تدوق من نفس اللي عملته معاها 

علي بتفكير : تفتكر 

عبد الرحمن : ايوه ولازم انت بقي متستسلمش و تفضل وراها لحد ما تسامحك و ما تسبهاش تاني 

علي بجدية : اسيبها تاني مستحيل ، واذا كانت بتعمل كده عشان تاخد حقها مني تعمل اللي عاوزه ، انا مستعد اعمل اي حاجه بس ترجع ليا 

عبد الرحمن يبتسم : ان شاء الله هترجعلك 

علي يتنهد اوي: يارب 

وشويه و عبد الرحمن تلفونه يرن : الو يا قمر وحشتني 

قمر بحزن : عبد الرحمن تعالي بسرعه ابيه شهاب رجع من بدري و حابس نفسه في الاوضه وشكلة تعبان اوي 

عبد الرحمن بغيظ : اقولك وحشتني تقولي ابيه شهاب تعبان ، هو انا المصلح الاجتماعي بتاعكم  

قمر : عبد الرحمن مش وقته تعالي بسرعه 

عبد الرحمن بضيق : حاضر 

****           

في فيلا شهاب :- 

طق طق طق 

عبد الرحمن : افتح يا شهاب انا عبد الرحمن ...د.يا شهاب افتح ما تقلقنيش عليك 

قمر بدموع : شوفت مش بقولك في حاجه 

عبد الرحمن : اهدي بس يا قمر أن شا الله خير ...افتح بقي يا شهاب 

و فجاه الباب يتفتح  

عبد الرحمن بدهشة : مالك يا شهاب انت عيونك حمراء كده ليه انت كنت بتعيط 

شهاب بدموع نازله علي خده : ماما يا عبد الرحمن 

عبد الرحمن يفتكر افتكرها : الله يرحمها يا شهاب ادعيلها بالرحمه 

شهاب بوجع : لا ماما طلعت عايشه 

عبد الرحمن بصدمه : نعم ! 

بداخل غرفه شهاب......

عبد الرحمن بذهول : يعني امك طلعت بريئه و كمان عايشه 

شهاب بألم : ايوه شوفت بعد كل اللي عمال اقوله عليها طلعت بريئه ، انا مش عارف ليه بيحصللي كده كل حاجه جت وراء بعدها انا تعب 

عبد الرحمن بعطف : طب اهدي يا شهاب ، اللي بتعمله ده مش حل 

شهاب بيأس : امال ايه الحل... هي فيها حل اصلا

عبد الرحمن : الحل بايدك انت ! 

شهاب : قصدك ايه ؟ 

عبد الرحمن : انت اول ما عرفت ان امك عايشه ايه اول حاجه جت في دماغك 

شهاب بحزن : اني اعرف عنوانها واروح اترمي في حضنها و اخليها تسامحني

عبد الرحمن : اديك حلتها اهي  

شهاب : لاا مش هقدر ، صعب اوي يا عبد الرحمن مش هقدر احط عيني في عينها 

عبد الرحمن : بالعكس ده الحل ، واجهه الامور ببعض و هترتاح

شهاب يبصله ويفكر 

قمر تدخل : انت بقيت كويس يا ابيه 

شهاب يمسح دموعه : تعالي يا قمر 

قمر تقرب و شهاب يحضنها : قوليلي يا حبيبتي مش نفسك ماما تحضر فرحك 

قمر بزعل : اكيد نفسي اوي بس ماما الله يرحمها 

شهاب بغموض : بس انا هاحققلك اللي نفسك في....؟  

***

بداخل شقه :- طق طق 

رحاب تفتح الباب : ايوه مين حضرتك 

..... : احم هي استاذه حياه هنا 

رحاب : ايوه بس مين حضرتك 

...... : هي فين طب انا عاوزها في موضوع مهم 

رحاب : هي جوه بتصلي ، اتفضل لحد ماتخلص .......

عند حياه قاعده بتصلي ذي كل مره و بتدعي لي عيالها 

حياه ترفع ايدها : يارب احمي ولادي و احفظهم ليا يااااارب 

حياه تنتهي الصلاه وتقوم وتلف تتفاجاه بشخص واقف وراها و تفضل تبصله اوي 

حياه بشرود : انت مين ؟ 

يبصلها اوي هو كمان و دموعه تنزل : ازيك يا ماما انا شهاب !