رواية ذئاب بلا رحمة الفصل السابع و العشرون 27 بقلم خديجة السيد

حياه بشرود : انت مين ؟ 

يبصلها اوي هو كمان دموعه تنزل : ازيك يا ماما انا شهاب !  

حياه بصدمه : شـ شهاب ، شهاب مين.. شهاب ابني 

شهاب : ايوه 

حياه تبكي و تفتح ذراعيها و شهاب يجري و يرمي نفسه في حضنها اوي 

حياه تبكي بحرقه و تحضنه : ااه استنيتك كتير اوي يا حبيبي وحشتني ، وحشتني يا قلب امك.

شهاب بعيط مثل الاطفال : وانتي كمان يا ماما وحشتيني.. وحشتيني اوي 

حياه تبتسم بفرحه : كبرت اوي يا حبيبي ، ماشاء الله ، شوفتي يا رحاب ، شهاب كبر ازاي 

رحاب بعياط : بسم الله ماشاء الله ربنا يحميه

حياه تبعد و تفضل تبوس في وشه و شهاب يمسك ايدها و يبوس فيها....! 

****

شهاب يمسح دموعها : بس يا ماما كفايه عياط 

حياه بحزن : غصب عني يا حبيبي مش مصدقه انك قدام عيني و بحضنك ، انا كنت بحلم و باتمنى اطمن عليك انت و اختك من بعيد لبعيد لكن قدام عيني دلوقتي مش مصدقه حاسي اني بحلم و هصحي مش وهالاقيك 

شهاب بتاثر و حزن : لا مش حلم دي حقيقه وانا قدامك و بين ايدك اهو 

حياه : عرفت مكاني ازاي 

شهاب يتنهد قوي : هقولك........) 

حياه : يعني مرزوق هو اللي قالك مكاني ، كتر  خيرو 

شهاب بدهشة : انتي بتدعيله وهو السبب في اللي حصل ليكي  

حياه بطيبه : أولا اللي حصل ده نصيب ، 

ثانيا مرزوق ملوش ذنب ، عمك هو السبب في اللي حصل 

شهاب :______ 

حياه باستغراب : بتبصلي كده 

شهاب : مستغربك ، انا باتمنى عمي يرجع للحياه تاني عشان اخلص عليه بأيدي ، و مرزوق سبته حي عشان تعبان غير كده كان ليا حساب معاه تاني

حياه بتعجب : هو عمك مات ازاي صحيح ؟ 

شهاب بضيق : راح في ستين داهيه ، جدي قال انه عمل حادثه و مات 

حياه تتنهد قوي : ربنا يرحمه 

شهاب بغضب : لا ده بالذات ما تدعيش عليه بالرحمه لولا اللي عمله معاكي ما كناش افترقنا و كل واحد في مكان و بعيد عن التاني 

حياه : طب سيبك من الكلام ده اختك فين كويسه 

شهاب ابتسم : كويسه متخافيش عليها ، دخلت جامعه واتخطبت كمان 

حياه بفرحه ؛ بجد (بحزن) شكلها كبرت اوي علي كده

شهاب يحس بحزنها يغير الموضوع  : بس قمر شبهك اوي ، هتفرح اوي لما تشوفك 

حياه بحب : وانا نفسي اشوفها وحشتني اوي 

شهاب بحماس : طب يلا يا ماما عشان تشوفيها 

حياه بتردد: دلوقتي بس اكيد فاكراني ميته

شهاب بلهفه : بعد الشر عليكي ، و بعدين انا قولت لي عبد الرحمن خطيبها يعرفها كل حاجه ، و زمانها عرفت 

حياه : طب مش علي طول كده يا ابني واحده واحده

شهاب بجدية : لا دلوقتي هتاجي معايا ، انا من هنا و رايح مش هسيبك خالص ، ولا انتي بقي مش عاوزه تاجي معايا 

حياه بشرود : انا ، ده انا كنت بحلم بي اليوم ده من زمان ، طب استني هسلم علي رحاب و هاجي معاك

***

في قصر الكينج :- 

نورهان : ما بلاش كده يا زينه ، كده ممكن يسيبك 

زينه بحزن: مش مهم المهم يبطل الشغل ده ، يا نورهان انا مبانمش من الخوف عليه وعلي  ولادي نفسي مره احس بالامان ، بجد و سالم جوه شخص كويس اوي ، بس هو محتاج حد يساعده و يبعدوا عن اللي هو في  

نورهان : بس انتي لسه قالي بنفسك ممكن لو بعد عنهم يؤذيه  

زينه بعدم اهتمام : اللي ربنا عاوزة هيكون ، محدش بيموت ناقص عمر ، وبعدين يعمل اللي يعمله انا مش خايفه منهم 

نورهان بضيق : يعني يوم ما واحد يطلب أيدي يطلع تجار سلاح 

زينه باستغراب : مين دي اللي طلب ايدك 

نورهان : هاه رماح 

زينه ابتسمت : بجد رماح طلب ايدك ..كويس ، و ان شاء الله تساعدي يبعد عن الشغل ، و تعيشوا مع بعض 

نورهان : انا مالي خليكي أنتي مع جوزك ، لكن انا اقول لي رماح حاجه مستحيل 

زينه : هههه يعني انتي موافقه علي الجواز 

نورهان : هو انا زهقت يا زينه من الوحده ، ونفسي في حد يبقي جنبي و حياتي تستقر ذيك 

زينه بجدية : ان شاء الله خير ، و سالم كمان لازم يخاف من ربنا مش منهم ؟!

****

في فيلا شهاب :- 

شهاب يدخل و ماسك أيد امه حياه 

قمر تبصلها و تعيط : ماما 

شهاب ابتسم : دي قمر يا ماما 

حياه بدموع : قمر تعالي يا حبيبتي 

قمر تجري تحضنها و تعيط و حياه كمان 

حياه تضمها بشوق : وحشتني يا حبيبتي كبرتي و بقيتي عروسه ماشاء الله 

قمر بعياط : وانتي كمان يا ماما ، انا فرحت اوي لما عرفت انك عايشه 

عبد الرحمن ابتسم مجامله : حمد الله علي سلامة حضرتك يا طنط

قمر تبعد عن حضنها : ده عبد الرحمن خطيبي 

حياه تمسح دموعها : ازيك يا ابني 

عبد الرحمن : الحمد الله كويس 

قمر بدموع : كان نفسي تحضري خطوبتي اوي ، بس مش مهم ، كفايه انك موجوده دلوقتي وتحضري فرحي 

حياه بابتسامه حزن : وانا كمان يا حبيبتي

، معلش النصيب بقي

شهاب بتاثر : خلاص بقي يا قمر ، يلا ندخل و نخليها تستريح 

****

في شقه ابو نور :- 

علي : قولت ايه يا عمي 

ابو نور : قولت ايه في ايه يا ابني 

علي : هقول تاني ، بقولك اني طالب ايد نور 

ابو نور : ولله مش عارف اقولك ايه الرأي رايها هي ، بس انا بس مستغرب اصل النهارده برضه واحد فاتحني في موضوع جواز نور برضة 

علي بغضب وغيره : نعم مين ده ؟ 

ابو نور : الدكتور اللي بيعلاج نور كلمني النهارده و طلب نور للجواز 

علي بغيره : وهو مش عارف اننا كنا في حكم المخطوبين ازاي يطلب حاجه ذي كده، هو حضرتك موافق علي كده 

ابو نور بجدية : الراي راي نور ، هي اللي هتتجوز 

علي برجاء : طب يا عمي ما تحاول معاها ، انا ولله بحبها و ندمت علي اللي عملته معاها 

ابو نور : بص يا ابني انا هقولك الصراحه ، انا من ساعه اللي حصل لنور وانا ندمت اني ما جوزتهاش ليك ، لاني متاكد انك بتحبها بجد و هتحافظ عليها ، وهي كمان بتحبك ، وانا جربت مره و غصبتها و مش هعملها تاني 

علي : انا ما قلتش تغصبها بس اتكلم معاها و عارفها اني ندمت ولله علي كل حاجه عملتها معاها 

ابو نور : برضه الراي رايها هي ! 

تدخل نور من بره 

ابو نور : اهي نور جت اهي ، تعالي يا نور

نور تبصله بغيظ و تقرب : نعم 

ابو نور : علي طلب ايدك للجواز 

علي يبصلها بترجي ، و نور تبصله بحده : وانا قولت لا عن اذنكم 

علي يوطي راسه بخيبة امل و حزن

ابو نور : طب استني عشان في كمان عريس تاني متقدملك ، الدكتور بتاعك 

نور بدهشة : ايه ما انا لسه جايه من عنده ما قاليش يعني حاجه

علي بغضب : قال ولا ما قالش هو أنتي ناويه توافقي ولا ايه

نور بغيظ : دي حياتي انا وانا اللي اقرار مش انت 

ابو نور : ايوه يعني اقول للراجل ايه 

نور بتحدي : قل له هفكر و هرد عليك 

علي بصدمه و حزن :______

****

بعد اسبوع......!  

في قصر الكينج :- 

زينه واقفه و حطي ايدها علي بطنها المنتفخة وشويه والكينج يدخل و يتجاهلها و يروح يحضر شنطه  

زينه تلف وتقرب عليه : انت بتعمل ايه برضه مسافر ، عادي كده و هترجع تعمل عمليه بنتك 

الكينج يكمل تحضري الشنطه و ميردش عليها 

زينه بضيق : سالم انا بكلمك ، انت هتسافر فعلا 

الكينج يرمي الشنطه بانفعال : وبعدين بقي ، هنعيده تاني ، انا نفسي اعرف انتي عايزاه ايه بالظبط من اللي بتعملي ده 

زينه بحزن : عاوزك تبطل تجاره السلاح و تبقي انسان كويس 

الكينج باستهزاء : يا سلام بسهوله كده ، طب وانتم و الأولاد فكرتي وضعهم هيكون ايه 

زينه : انت خايف منهم ومش خايف من ربنا 

الكينج بغضب : هو دي اللي انتي فهمتي للدرجه دي فاكراني انسان وحش ، انا يا هانم خايف عليكم انتم مش منهم ذي ما انتي فاكره

زينه تقرب وتمسك ايده وتحطها علي بطنها : وحياه ابننا اللي جاي و لسه ما شافش الدنيا ، بطل الشغل ده 

الكينج بحزن : يا زينه حرام عليكي ، حسي بيا شويه ، انا ولله بني ادم ذيك و بحس ارحميني 

زينه بدموع : انت اللي بايدك ترحم نفسك

الكينج : عارفه يا زينه انا اول ما اشتغلت في تجاره السلاح كنت بيبقي تعبان اوي وانا بتخيل الناس اللي ممكن تموت بسبب السلاح اللي بداخله ، ضميري كان بيوجعني اوي ، اني بقيت من صحفي لتجاره سلاح، و واحده واحده بطلت احس الاحساس ده و ابتدا يموت جوايا الاحساس ، بس بسبب كلامك خليتيني  ارجع احس بي تاني و اتعب 

زينه تستغل الفرصه  : ده عشان ربنا بيحبك و عاوزك تتوب ، ويخليك تحس بذنب ، تعرف في ناس مهما بتعمل غلط مش بيحسوا بحاجه خالص ، 

الكينج بألم : ربنا ،تفتكري ربنا رضي عليا ، بعد كل اللي عملته في حياتي 

زينه بثقه : طبعا ربنا أبوابه مفتوح علي طول ، و ليك ولي ايه حد ، ده بيبقي مستنيك توبتك ...و انت اللي كنت في كان غصب عنك ، و قدامك الفرصه ، بلاش تسافر عشان خاطري وخاطر ولادك 

الكينج يسكت شويه : انا عشان خاطركم لازم اسافر 

زينه بصدمه : برضه ، بس لا انا مش هسمحلك تسافر و تؤذي نفسك 

الكينج يلم حاجاته في الشنطه و يلف يمشي 

زينه تمسك ايده : اسنتي هنا ، قلت مفيش  سفر

الكينج بحده : اوعي يا زينه و ملكيش دعوه بيا

زينه باصرار : لا انا مش هقعد اتفرج عليك وانت بتضيع نفسك ، مش هتسافر 

الكينج يبعد ايدها : ما تدخليش نفسك في اللي ملكيش في و اوعي 

زينه بغضب اعمي : طب ماشي سافر ولما ولادك يموتوا بسببك ابقي افرح ساعتها ، انت فاكر عادي كده هتروح تدمر ناس و ترجع تعمل عمليه لي بنتك و تخف و مش هتم.....ااه  

الكينج يغلي من كلامها و يداري خوفه بانه يضربها بالقلم ، و زينه تقع علي الارض من شده القلم و تبصله بعتاب و حزن 

الكينج يندم علي ضربها و يمشي بسرعه عشان ما يضعفش  

زينه تنهار علي الارض انها ما قدرتش تمنعه من السفر

***

في الخارج :- 

رماح : نورهان 

نورهان بتوتر : نعم 

رماح : فكرتي في الموضوع اللي قولتلك عليه 

نورهان بخجل : موضوع ايه 

رماح يبتسم علي خجلها : موضوع الجواز 

نورهان : اا لا لسه بفكر 

رماح : طب فكري بس بسرعه عشان مستعجل اوي 

نورهان بخجل شديد : حاضر (وتمشي)

الكينج ينزل تحت : رماح خلي بالك منهم 

رماح بطاعه : حاضر يا كينج متخافش 

الكينج يركب العربيه : مش فاهم ليه مصممه اني اسافر المره دي بنفسي 

روما بجدية : البوص هو اللي عاوزك كده ، عشان البوليس عينه علينا الكام يوم دول 

الكينج يتنهد قوي : ماشي اطلع يا ابني علي المطار 

***

في فيلا شهاب :- 

شهاب نايمه علي رجل امه و ماسك ايدها 

و حياه بتمسح ايدها علي شعره : شهاب انت نمت يا حبيبي

شهاب بابتسامة خفيفة : لا طبعا انا خايف انام يطلع كل ده حلم و يروح 

حياه ابتسمت : لا يا حبيبي انا هنا ، ومش هسيبك تاني 

شهاب بتردد : ماما انا كنت عاوز اسالك علي حاجه كده بس متزعليش مني 

حياه : قول انا عمري ما هزعل منك 

شهاب بقلق : هو زين اخو بابا يعني ما لحقش يقرب منك لما بابا شافكم مع بعض ، انا مش قصدي حاجه بس عاوز اعرف 

حياه تتنهد قوي: لا ممكن الحاجه الوحيد اللي ابوك عملها انه جيه في الوقت المناسب و لحقني ، قبل ما اخوه يعمل حاجه 

شهاب بارتياح : الحمد الله ، متزعليش مني يا ماما انا مش قصدي حاجه وحشه 

حياه : فاهمه يا حبيبي ، هو انت صحيح بتشتغل ضابط ذي ما قمر بتقول 

شهاب ابتسم : اه دي كانت امنيتي من زمان فاكره 

حياه بحب : فاكره طبعا انا عمري ما انسي حاجه ، تخصك انت ولا قمر

شهاب يبوس ايدها : ربنا يخليكي ليا 

حياه ابتسمت بحب : و يخليك يا حبيبي 

شهاب تلفونه يرن 

حياه : ده تلفونك 

شهاب بعدم اهتمام : اه سيبك منه ، انا مش عاوز حاجه تبعدني عنك  

حياه تفرح بكلامه : مينفعش كده رد ممكن تكون حاجه مهمه ، وبعدين انا هروح فين ، ما انا جنبك اهو ، و بقالك اسبوع قاعد جنبي 

شهاب يبصلها اوي بحب : برضه لسه ما شبعتش منك 

حياه : بيرن تاني رد بقي 

شهاب باستسلام : طب 

شهاب : الو 

عبد الرحمن بجدية : شهاب سيب كل اللي في ايدك دلوقتي و تعالي علي القسم في اخبار بتقول ان في بضاعه سلاح هتتسلم في شرم الشيخ 

شهاب يتنفض من مكانه : متاكد ....طب انا جاي حالنا (يقفل التلفون)

شهاب : معلش يا ماما لازم امشي 

حياه : روح يا حبيبي شكلها حاجه مهمه 

شهاب بتوعيد : مهمة اوي ده انا مستني اللحظه دي من زمان   

****

في المستشفى :- 

الدكتور : طب كفايه النهارده يا نور 

نور : ماشي يا دكتور ذي ما تحب 

الدكتور : احم نور هو باباكي ماكلمكيش في حاجه 

نور تفهم : اه قصدك علي موضوع الجواز 

الدكتور ابتسم : ايوه ، صدقني يا نور لو وافقتي هبقي اسعد انسان في الدنيا و هحاول اعوضك ان شاء الله ..

نور بتوتر : بس هو الصراحه

الدكتور باهتمام : ايو اتفضلي سامعك 

نور تتنهد قوي : انت حد بجد عزيز عليا ، و ليك جميل عمري ما هنساه ، و كنت دائما بتحفزني ان اقف علي رجلي وابدا من جديد ، و انا فعلا عملت كده بمساعدتك ليا ، بس انا بصراحه بعتبرك ذي اخويا 

الدكتور بزعل : اخوكي 

نور : مش عايزك تزعل مني ، بس لو وافقت هبقي بظلمك معايا 

الدكتور يتنهد قوي: عشان لسه بتفكري في علي صح

نور بتهرب : مش موضوعنا دلوقتي

الدكتور : لا يا نور عشان أنا ذي اخوكي ذي ما بتقولي، انتي لسه بتحبي علي ، بس عامله تعندي مع نفسك عشان اللي عملة معاكي ، بس علي حسب كلامك هو عرف غلطته و بيعمل المستحيل عشان تسامحي 

نور :_______   

الدكتور : طالما لسه بتحبي يا نور نصيحه مني ، ما تضيعيش الفرصه و فكري تاني !

****

       

نور تخرج من عن الدكتور تقابل علي 

نور : علي 

علي بغضب مكتوم : ايه نقول مبروك ولا لسه ما حددتيش معاد الفرح 

نور تتنهد بيأس و تمشي ، وعلي يمسك ايدها ويدخل بيها اوضه فاضيه

نور بعصبية : و بعدين معاك مش هتبطل الطريقه دي 

علي يتجاهل كلامها : انتي بجد هتتجوزي حد غيري 

نور بمرارة : ايه يعني ما انت كنت هتعملها ، ولا هو حلال ليك و حرام عليا 

علي بغضب : ما قولتلك زفت ندمان ، اعملك ايه تاني ، ايه ملاك مش بشر وباغلط

نور : غلط عن غلط بيفرق 

علي بانفعال : ما تفتكريش انا بس اللي غلطان ، انتي كمان غلطتي ، كان ممكن تتمسكي بيا اكتر من كده ، و ابوكي كان ممكن يرفض الجواز ، بس انتي روحتي للطريق الاسهل 

نور بغضب وحزن : تصدق صح ، انا استسلمت ، تعرف يا علي انا كل حاجه حصلتلي بسببك انت 

علي بحده : انا ازاي ؟ 

نور : ايوه انت ، انا بابا جوزني غصب عني بسببك عشان حولت اكلمك رغم رفض بابا، و جوزني غصب عشان لاول مره اقف قدامه واقول لا علي حاجه ، و ازعق و اقول قدامه اني بحبك ، هو ساعتها ضربني و حبسني و حلف اول عريس هيتقدم ليا هيوافق علي طول ،ومن حظي طلع مدحت اللي عشت أسوأ ايام حياتي معاه ، و اللي حصللي من مدحت برضه انت السبب فيه ،في الاول غصبني اني انام معاه بسببك لأنه فكر في حاجه حصلت ما بينا و انك سفرت بعد اللي حصل بينا و غصبني علي كده مش مره كذا مره ،

تكمل ببكاء : وابني اللي مات كان بسببك برضه ، لما كلمتني وما ردتش في التلفون ، هو دخل عليا وانا بتكلم و زعق فيا جامد و فكر بكلمك من وراه من اول جوازنا و فضل يضرب فيا لحد ما ابني مات في بطني قبل ما اشوفه ، و بعد كل ده تقولي ، انا اللي غلطانه عشان ما تمسكتش بيك 

علي بيسمع و قلب بتعصر عليها و يندم علي كلام و علي المعاناه اللي شافتها وهو بعيد عنها 

نور بحزن : كنت فين انت من كل ده ، انا محدش اتوجع ذيي و لا شاف اللي شوفته ، ارحمني بقي شويه و بطل كلامك ده 

علي يشدها لحضنه و يضمها اوي رغم مقاومتها : بس خلاص يا نور.. انا اسف يا نور سامحني يا حبيبتي 

نور بألم : تفتكر اسفك يفيد بحاجه ، هيرجع اللي راح مني 

علي : يا نور انا نفسي اعوضك بجد علي

اللي شوفتي في حياتك

نور تبعد عنه : مفيش حاجه هتعوضني ولا هتريحني ، غير انك تبعد عني خالص 

علي بحزن : ده اخر كلام عندك يا نور 

نور باصرار : ايوه 

علي بجدية : حاضر اوعدك مش هتشوفي وشي تاني في البلد كلها كمان 

نور بشك : قصدك ايه 

علي : انا هرجع تاني ذي ما جيت 

نور بصدمه وحزن : هتسافر تاني

****

في شقه شريف :- علي سفر الاكل :- 

ياسمينا قاعده سرحانه و بتلعب فى الاكل 

شريف : ما تاكلي يا ياسمينا مالك 

ياسمينا بانتباه : هاه باكل اهو ، انا بقول كفايه كده وارجع شقتي تاني

شريف : ليه ما انتي وسطينا حد زعلك 

شهد : خليكي يا ياسمينا صحيح ، بدل ما شهاب جوزك يجي و يخدك وما نحسش بيكي 

ياسمينا بحزن : ما افتكرش هو خلاص شكله كده نسيني  

شريف : مممم وانتي بقي زعلانه عشان مش بيسال عليكي ولا ايه 

ياسمينا بخجل : هاه لا طبعا ، عن اذنكم انا شبعت (وتقوم) 

شهد بعتاب : ليه كده يا شريف  

شريف بلا مبالاه : انا قلت حاجه ، و بعدين دي الحقيقة.. ياسمينا زعلانه عشان شهاب بعيد عنها و متعرفش عنه حاجه ، رغم اللي عمله معاها 

شهد تبصله اوي : وانت في حاجه مضايقاك في كده 

شريف بعدم اهتمام : و انا مالي ده حاجه تخصها هي مش انا ، انا همشي انا كمان اروح الشغل 

شهد بشرود : سلام 

شريف : انا هاعدي علي جامعتك صحيح عشان اشوف النتيجه بتاعتك 

شهد بدهشة : تصدق انا نسيت خالص الموضوع ده 

شريف ابتسم : بس انا بقي فاكر كويس اي حاجه تخصك 

شهد تبصله اوي باستغراب

****

في شقه علي :- 

علي يدخل من باب الشقه و يدخل الاوضه و يروح يلم هدومه في الشنطة 

امه تقرب عليه بشك : انتي بتعمل ايه يا علي 

علي بعدم اهتمام : بلم هدومه عشان مسافر أمريكا تاني 

امه بصدمه : نعم هو انت لحقت تقعد.. عشان تسافر تاني ، هو انت جيت في ايه و مشيت في ايه ..كل ده عشان ست نور 

علي بحزن : ريحي نفسك يا ماما كده احسن ، انا جربت مره وجيت و ادي النتيجه ، عمال اؤذي كل اللي حواليا ، مره نور و مره علياء ، ياريتني ما جيت و فضلت هناك 

ام علي بحزن : وانا يا علي حرام عليك مش امك وليا حق عليك 

علي يقفل الشنطه : اسفر احسن بدل ما اؤذيك انتي كمان 

ام علي بلهفه : طب اذا كان علي نور انا هاكلمها بنفسي بس بلاش تسافر 

علي بألم : مش هتوافق و معاها حق انا جرحتها اوي ، وهي قالتلي راحتها في اني ابعد عنها و انا هبعد 

ام علي : انت كده بتغلط يا علي بلاش تسافر هتخسر المره دي اكتر 

علي : هو انا لسه ما خسرتش (و يخرج و هو شايل الشنطه و نور تشوفة من البلكونه مصدومه انه كان بيتكلم جد و هيسافر تاني)

و امه تطلع و تبص عليه بحزن 

نور من البلكونه : طنط هو علي رايحه فين 

ام علي بعياط : علي سافر يا نور مش انتي اللي عاوزة كده اهو سافر 

نور تبص عليه بغضب وغيظ و حزن : غبي واناني وعمره ما فهم انا عاوزاه ايه ؟

***

في شرم الشيخ :- 

الكينج عمال يتصل بزينه مبترديش 

روما بغيظ : ايه مش قادره علي بعد الهانم 

الكينج بحده : روما خليكي في حالك انا مش فايق ليكي  

روما تقوم : احسن ، انا هروح اشوف الناس وصلوا ولا لاء 

الكينج ينفخ بضيق و يرجع يتصل بي زينه و برضه ما تردش ، و يقوم يدخل الحمام و يبص في المرايا و يبص علي صور زينه في الموبايل 

الكينج في نفسه : كده يا زينه هونت عليك ، تقلقيني كده ، بس اكيد زعلانه مني عشان ضربتك معاكي حق ، بس انتي اللي عصبتيني عليكي ولله ما كان قصدي ، انا بحبك اوي ، و نفسي نبقي مع بعض ، انتي فاكراني مش نفسي ابقي انسان كويس ، بس غصب عني لازم اكمل ، ااه وجعتني اوي يا زينه لما قالتلي ممكن هديه يجري ليها حاجه بسببي دي روحي و انتي عارفه كده كويسه.....و يفتكر كلامها 

زينه : طب ماشي سافر ولما ولادك يموتوا بسببك ابقي افرح ساعتها ، انت فاكر عادي كده هتروح تدمر ناس و ترجع تعمل عمليه لي بنتك و تخف ومش هتموت بسببك 

الكينج بحزن : بس هي معاها حق انا هفضل كده لحد امتي اعمل الغلط ، و انسي ربنا اللي شايفني ، و ممكن هديه يجرا ليها حاجه بسببي ، بس لو ده حصل انا مش هسامح نفسي أبدا ، طب والعمل ؟ 

زينه : انت خايف منهم و مش خايف من 

ربنا 

ربنا

ربنا 

الكينج يسكت شويه ويفكر و يقول بجدية : لاا لااا انا مش هكمل البضاعه المره دي ولا بعد كده ، انا هبعد عن السكه دي ، و علي طول ، ايوه كده صح ، زينه معاها حق ، اكيد ربنا هيقف جنبي ، زينه هتفرح اوي بالخبر ده ، انا لازم اتصل بيها 

الكينج قبل ما يدوس علي التلفون ، يسمع صوت بره جامد ، و لسه يلف و يطلع يسمع....

صوت مسدس : اوعي تتحرك و خليك مكانك !  

الكينج يبص في المرايا : انت مين ؟ 

شهاب بابتسامه و سخريه : انا الرائد شهاب يا يا كينج مش بيقولوا ليك كده برضه 

الكينج بصدمه :_______

***

نور قاعده علي البحر و دموعها نازله : كده يا علي هو ده اللي ندمان و هتفضل طول عمرك جانبي ، انت اناني اوي ، و هتسافر تاني و تسيبني.. بس المره دي عمري ما هسامحك مهما عملت 

نور تحس بخيال حد جنبها و يمد ايده بمنديل ليها 

نور تستغرب و تبص جنبها و تتفاجأ 

علي يقعد جنبها : تفتكري انا عملتها مره و سافرت وندمت قوي يبقى ممكن هاعملها تاني 

نور تبصله و دموعها تنزل اكتر : انت ما سافرتش ازاي انا شايفاك وانت شايل الشنطه و ماشي  

علي يبصلها و يبتسم : كانت تمثيليه عشان ده (و يشاور علي قلبها) يتحرك و يدق و يقولك انه لسه ليا و بيدق عشاني .. و يبطل عند و كدب 

نور بصوت مليء بالحب و البكاء : انا بقي ابقي بكذب لو قولت اعرف اعيش و انت مش موجود في حياتي...و انا مش عاوزاه اكدب تاني 

علي يفرح من كلامها و يحضنها اوي بحب : اخيرا يا نور