رواي عذابي وقدري الفصل الثامن والعشرون بقلم ارسلان جاف
--- رنـــا ……
دخلنه للبيت واني مثل اطرش بزفه… ماعرف شيصير ..
جان اكووو بعد ولد بالبيت وامي تكله اخذها
اجه واحد اخذ امي ودخلوا
لغرفه وسدو الباب اني بقيت كاعده وابجي
ممستوعبه الي دايصيررر…
امي تريد توديني لزياره وهاي هيه زياره ..
اجه الولد الي فتح الباب … صااح رنـا
رفعت راسي وحجه اني اريدج واجه اتقرب مني دفعته وكمت مفزوعه واصيح على صوت صياحي طلعت امي لابسه سيت نوم قصير احمر…
وكالت شبيج ولج… واجتي عليه وضربتني راشدي
وسحبتني من ايدي وهيه تحجي عليه دخلنه
لغرفه احنه 4 كاللها اليوم اسوي الي جنت احلم بي
رنـا اني بس دموعي تنزل… معقوله هاي امي
وصلت بيها الدرجة تجيبني هنااا هالمكان حتى
علمود يتونسون وياي ..وكدام عينها واني بنتها
اجتي امي عليه وسحبتني عليها حيل ونزعتني حجابي بيدها جنت لابسه بدي طويل وبنطرون
وفوكاهم عبايه راس تعاركت وياها لان ضربتني
راشدي وكعت بالكاع اجتي عليه ونزعتني ملابسي
كدامهم وخلتهم اثنينهم ينامون ويايه وياها…
هذا الي سوته امي… واني بنتها… .
روان حبابه لا ذبين روحج بالنار مثلي اني هسه
كارهه رووحي من وره امي… اريد الله يخلصني
حتى انتحرت مره ومافاد ردت اموت بس مصارت
-روان… اني بعد مسمعت حجي رنـا تخبلت
مانمت شنوو من بشر هاي شيطان 😈
بقيت كاعده على الجربايه ومخليه بنوتي
سوسو بحضني خفت انام وترووح تسويلي شي ..
صار الصبح نزلت جوه…
وهما كعدوا من النوم انتظرت حماي كرار يكعد ..اكله يوديني لاهلي…
كعد كتله اريد ارووح لاهلي كال سيارتي عاطله
من البارحة وعفتها يم الولد بالتصليح…
كتله خويه عفيه ليوم العقد مال اختي حتى اذا
تخابر احد من اصدقائك يوصلني واني انطي الكروه..
-كال ماشي…
شفته طلع تليفونه وخابر مادري منووو…
حجه وياه كمل وسده وكال حضري نفسج ..
صعدت طلقه لغرفتي بدلت لسوسو وبدلت اني
ولميت غراضي ونزلت اني وبايدي جنطتي
وبحضني سوسو ..
-كعدت انتظرر ساعه وتقريبا سمعت صوت هورن سياره طلع حماي امير واجه كال ولد يصيحلك
كرار طلع كرار ورجع كال يالله…
سلمت عليهم وطلعت،…
صعدت بسيارة بعد ماوصاه كرار علينه وحركت سيارة 🚗
ورجعت لاهلي…
وحجيت لامي كلشي صار… اشوو امي كلبت عليه
غلط وانتي فكرر ورجلج ماات ..
واحنه ممجبورين نتحملج ..وكل كلمه تحجيها
تنغرس سجين بقلبي…
اخذت بنتي سوسو بحضني وطلعت بطارمه
كلت الله يفرجها ودموعي تنزل ..ليش هيج
كلها ضدي وين ارووح والمن اشكي همي اذا امي
متسمعني وتاخذني جوه جنحها وين ارووح اني
ومنووو الي البنيه مالها بالدنيا بعد زوجها غير
اهلها علاء مات مو ذنبي هذا يوومه ومات
يدافع عن وطنه…واستشهد .. ..
--كمت ابجي واعاتب علاء ليش راح وعافنه ..
مر بية ...
اريد اعرف طريق الشوگ
شنهي وين تالية
مر بية ...
اطش اعيوني
والدمعات
فرحة بخطوة الجية….
- اجه بابا… شافني ابجي كلي شبيج
امي كالتله شبيها نهارها كله تبجي عليمن ماندري
كووومي بابا طبي جوه والله كريم…
الله يعلم ربج شكاتبلج انتي وبنتج كمت طبيت
جوه ويه بابا عـدنه بالبيت غرفه بالاخير محد
يستخدمها مخلين بيها اغراض لزمتها غسلتها ونظفتها وخليت غراضي اني وبنتوتي بيها
عزلت نفسي وكمت ماكعد يم اهلي هوايه لان امي
تحجي وتغلط،..
امسح وانظف واطبخ واغسل مواعين وملابس
بيت هوسه واختي تريد تزوج وخطار طابين
وطالعين…
وامي اذا وكع شي بالكاع اعتبر رووحي انكتلت
هيج جنت عايشه ..
من يجي بابا من لدووام امي مالها علاقه بيه
متحجي كلشي وبس يرووح بابا تكوم تحجي
وتغلط عليه وحتى تضربني …
ومرت الايام،…
بلليل اكعد ابجي من قهري على نفسي وحظي وعلى بنتي ..
من يوم رجعت من بيت عمي بعد ماعرف عنهم شي
بيوم برمضان جنه كاعدين بعد الفطور دك تلفون
بابا اتصلت بي مرت عمي احلام وكالتله اريد روان
اني رايحه حملة دار لكربله واريد اخذها ويايه
روان اني من سمعت بيها زياره عرفت عدها لعبه
ليش هسه تريد طلعني وياها صار سنتين من
استشهد علاء الله يرحمه وين جانت هيه
هسه يله عرفتني … ماحجيت شي
--كتله بابا ماارووح وياها…
كلي عيب بابا لمره متصله وتريدج تروحين وياها
-- بابا كوللها روان تكول سوسو مريضه
مااكدر اطلع… .كللها بابا وبعدهه نهئ المكالمه
ويتعذر منها ..
- ثاني يوم جنت بالمطبخ واكفه على الطباخ داحضر
للفطور سمعت لباب اندكت … .
رفعت لبرده اشوف منووو طلع بابا فتح لباب
وجان اشوف مرت عمي احلام… .
هاي شجابها… .ماراح اخلص منها ياربي…
شفتها طبت جوه… .
بعدهه بابا صاح… روان
-طلعت اشوفه شيريد مني… .
باوعت عليه احلام وكالت يله جهزي نفسج
لسيارة منتظرتنه على الشارع… .
اني بقيت مصفصفه… شنو سيارة 🚗
-تحضري اني موو لبارحه نهيت لموضوع وكلت مااروح احجي بكلبي…
وكالت اجيت اخذ روان… .
روان… موكتلج بنتي سوسو مريضه ماكدر اعوفها مااررووح…
بابا… كلي رنووو بابا عيب المره اجتي مناك لهنا
روووحي وسكينه يمي خليها…
-بابا كلش متعلق بسكينه وميكوللها الا بنت رووحي
يكول هاي بنتي الله دزها الي هديه من السماء
انحرجت من بابا مكدرت اكول بعد شي…
بدلت لبست رداء اسود وشال اسود وجوه
بدي هم اسود وبنطرون اسود ..
واخذت جنطتي بعد ان خليت بيها سجينه زغيره
وحبوب كلت اذا سوت بيه مثل رنـا الا انتحر وابليها لو اكص الوريد مالتي…
طلعنه رحت وياها… .
- اخذت تكسي لحد سيطرة نزلنه واخذت تكسي
ثانيه بس هذا الي رحنا وياه لكربلاء الطريق كله
كلما اشيل راسي اشوفه يباوعلي بالمرايه…
واحلام تسولف طول طريق وياه… مسكتت ابد
نزلت احلام واجيت انزل مد ايده وانطاني ورقه
مكتوب بيها رقمه ذبيتها بسيارة ونزلت وسديت
الباب هيه شايفته من انطاني الرقم وذبيته
وكامت تحجي شلون وما كامت تحجي شلون وماخذتي وليش انتي هيج
تسوين الى متى تبقين ماتفتهمين وصلنه قبل
اذان المغرب مقابيل الصحن الامام العباس عليه السلام…
احلام ..روان تعالي اخذيلي صوره ...
وكفت اخذتلها كم صوره ..
روان… كتلها يله ندخل لتفتيش… كالت لا منتظره
بيت عمتي نرووح نفطر عدهم ونجي نزور بالليل
هسه ازدحام ومااكدر ازور اخاف اتيهج
وشلون بيه…
- بقت تنتظررر اجتي السيارة اني عاندت اصعد
ماصعدت لان عرفت نيتها موسليمه…
وهاي الصور اخذتهن علمود اذا سالوها ولدها
تكول هذني صور…
بقيت واكفه مقبلت اصعد كامت دفع بيه
دفعتني قوي وانضربت رجلي باب لسيارة
شاقت رووحي .. اتحركت سيارة ومشت مسافه
وكفت يم بيت بي صالون مطلعي بره من للبيت
وكالت نزلي ..
-- روان كتلها شكووو…
كالت بيت عمتي شبيج… جرتني ونزلتني
دكت الباب طلعت وحده سمينه شويه عمرها يطلع
نهايه لثلاثينات…
هلا عيني شلونج شخبارج وكامت وحده تباوس
لثانيه وطلعت ابنيه ثانيه اصغر منها تطلع بالعشرينات هم سلمت
احلام كالتلهم هاي مرت علاء الله يرحمه ..
فتنه جوه للبيت ..
هاي لمره السمينه باوعت عليه وكالت
اي خطيه بعدهه زغيره… ودخل للبيت لرجال
الي جابنه بالسيارة ..وكالت من رخصتكم
اكمل لفطور اذن الاذان… .ومدوا لسفره وخلوا
لفطور الاكل اشكال… اني جنت خايفه ماكلت شي
كتلهم معدتي توجعني وتعبانه من الطريق
شربت بس مي وللبن وسويت لفه زلاطه بسس
وحده منهن كالت اكلي يرادلج حيل بعد شويه …
وضحكت…
--اني هيج سمعت لو الدم جمد بشراييني…
مرت عمي احلام راسن داركت لوضع وعضت شفتها
الها حتى تسكت…
روان… اني عرفت اكوو شي كملوا فطور
كتلها نرووح نزوور هسه وحده منهن ضحكت
بصوت عالي وكالت زيارة شنووو…
روان… كتلها احنه اجينه نزور غير وكامن يضحكن جانن هوايه 5تقريبا…
البيوت بكربلاء اكوو منهن الواجهة بيت وبعدين
ممر وبيت ثاني…
احلام كامت وكالت تعاي اراويج بيت عمتي
البيت حلووو بي صاله جبيره باب وشباك ع شارع
ومطبخ وصحيات وغرفه مفروشه وبيها غرفه خشاب كامله ..
فتحت غرفه من الغرف ودخلنه بيها جانت حلوه
ومؤثثه اثاث كامل…
-اجه رجال ورانه ضخم وطويل اسمر وكال مو كتلج اجيبج اجيبج
غصبن ماعليج ..
طبعا احلام طلعت…
روان… باوعت عليه كتله شنووو وياي
كال ..اي وياج لعد ويامن …
اقترب كلي اكعدي نحجي ابتعدت عنه وكتله
مااريد احجي اريد ارووح ازور وارجع لاهلي…
بنتي عفتها مريضه وعيب من عمتي اجيت وياها
كال شوفي اني اريدج… تريدين نتزوج متعه
تريدين انطيج فلوس الي تريدينه اسوي بس
كولي واني حاضر واذا خايفه من عمتج احلام
شنوو تريدين عليها تصوير اني وياها. .
تسجيل مكالمه صور انتي اختاري واني انطيج
روان… كتله مع اللاسف طلبك موعندي…
بس اني شنووو احجي وارجف حاولت ماابين اني
خايفه وبقيت احجي بصوت عالي … ماعرف منين جبت كل هالقوه وهيج حجيت…
صاااح على عمتي احلام… احلام بصوت عالي
وغاضب اجتي لابسه سيت نوم قصير لون وردي
وتور وكلشي ملابسه جوه … كاللها تعالي هناا
فاتت لغرفه وبده يبوس بيها ونزعها ملابسها
وهيه نزعته كدامي جان المنظر مقززز ومقرف
كتلهم اريد اغسل كالوا الماي بالمطبخ…
طلعت ركض…
طبعا الباب الي من جهه البيت قفله … كل الابواب
مقفوله ياربي شسوي… خلصني منهم
جانت بيدي جنطتي فتحتها وطلعت مرايه عندي
زغيره ضربتها بالحايط وانكسرت الى قطع
اخذت قطعه وشكيت ايديه اثنينهم
وبقيت لازمتها بايدي ودمي يجري من ايديه
وكعدت بالكاع كلت امووت احسن ولا اخلي
ياخذ شي مني غصب عني… وكدامها تريد تذلني
بشرفي مستحيل…
اجتي احلام شافتني هيج بالكاع وايديه مدمايه
كامت تصيح عليه لزمها وصم حلكها وكلها
راح تفضحينه اسكتي…
- احلام ..ولك شاكر راح تمووت ونبتلي بيها
روان ..اجه شاكر عليه لزمني دفعته المرايه جانت
بايدي لازمتها جرحته على طول ايده شكيتها
كام يصيح بنت الكل…. … وغرك بدمه
احلام التهت بيه…
الباب الي على لشارع من لصاله بس مسدود مو مقفول لكيته فتحته وطلعت اركض برووحي
يارووح مابعدج روووح…
جانت ساعه ب 11 ونص بالليل يمكن طلعت اركض
ركضت مسافه كلت بعد ماراح يلكوني
اريد اندل اني وين… كلشي مااندل برمضان
الشارع بي ناس … واني دم بايديه وجهي
واني اركض وخايفه شفت شايب كاعد بلحيه
بيضه مبين عليه الوقار بالشارع رحت عليه
وكتله حجي ابوس ايدك بس دليني الكراج وين
كتله حجي اريد ارجع لاهلي…
كلي بويه شبيج وهاي ايديج شبيهم ..
جنت ابجي واحجي وكتله حجي مرت عمي
كتلتني وهاي ايديه تشكتت بالكزاز… شوفتهم اله
اريد بسس اروح لاهلي…
-كلي هاج هذا ماي شربي وغسلي وهسه اني
وام علي ناخذج ونوصلج لاهلج هم ..
كتله حجي اهلي مو هنا بالحله… كال لو اهلج بمكه
هم اوصلج انتي بنيتي…
طب صاح ام علي اخذتني جوه لبيتهم وغسلت
شويه واجه الحجي وكال يالله ام علي…
وصدك طلعنه وصعدنه بالسيارة
جان بيها ولد شاب يسوق والحجي صاعد بالصدر
واني وام علي صعدنه ليوره… المريه خلتني
بحضنها وبقت تمسد على راسي وتقرا ايات ومعوذات واني ارجف مثل السعفه وابجي
الطريق كله وطريق اكثر من ساعه ونص
دليتهم على بيت اهلي… وصلنه
كتلهم ادخلوا… الولد نزل وياي ..
- وكال اني هم اخوج احسبيني وشتريدين اني موجود
كتلهم فوتو جوه اصيج بابا…
كالوا لا يله هم نلحك نرجع قبل لا ياذن الفجرررر
علمود نسحر اتشكرت منهم وراحوا…
واني طبيت للبيت لان عندي مفاتيج الكل نايمين
كبل رحت لغرفتي اخذت ملابس وفتت للحمام
سبحت وطلعت ولفيت ايديه ولبست دشداشه
ردن طويله علمود محد يشوفهن شبيهن…
وحلفت ماراح احجي شي من الي صار ليوم
لاهلي لان اعرف راح يذبون الصوج بيه ..اكيد
وبيت عيالي بعد تحرم عليه طبته ..ابد
ولا احجي ويه مرت عمي احلام ..ابد…
سوسو ماهيه بالغرفه عرفتها يم بابا سوسو ماهيه بالغرفه عرفتها يم بابا وماما بغرفتهم
من تعب والخوف ذبيت روحي قتيله ونمت
مكعدت لصبح على صوت سوسو تبجي ..
كمزت يمه شبيه بنتي طلعت اركض
رحت اخذتها من حضن ماما… اشش ماما شبيج
واهز بيها… اباوع الكل يباوعولي…
بابا… روان شوكت اجيتي…
كتله لبارحه بلليل بوكت متاخررر… ونمت
سكتت محجيت شي ..اخذت سوسو سويتلها مميه
وشربتها الها… بعدهه كملت شغل بيت وللعصر احضر وفطور…
كملت لكيت احلام داكه عليه مكالمتين ورجعت
دكت مجاوبتها خل تولي…
بعد كل الي سوته الها عين بعد تتصل…
شكرا لزيارتكم عالم روايات سكيرهوم
