رواية رهينة لضباط الفصل السابع والعشرون بقلم مرج البحر
رحت لها وشفتها و روح حضنت روح
الحقيقه ويه الحلم و اثنينهن طبگ
......
فتحت الصندوك وستغربت بي صور وتلفون وبعض الاشياء مشايفتهن مثل فيشه مالت لابتوب ورام وشريحه ... فرغة الصندوك ع الجربايه ...
وصرت اكلب بالصور وشوفهن الاقلبيه ملات اطفال وكم صور وهما بمرحلة المراهقه ... شلت صورة جان بيها اربع ولد واكفين واحد خال ايده ع متن الثاني ومبتسمين ...
ملامحهم ما بينت عندي وما عرفتهم ... بقيت اكلب واكلب بين الصور صارت بيدي صورة ... لسند بملابس التخرج ... انصدمت هاي شجابها هنا ...
صارت صور ام سند واولادها حواليها صرت كلما اشوف صوره افرزن الشخاص الي بيها ... اكو كم صور السند لابس ملابس عسكريه منتجي ع سيارته ومبتسم ...
وكم صوره هو وسعد وبنصهم حميده ومبتسمه .. سمعت اصوات برا كمت بسرعه لميت الصور ورجعتهن بالصندوك ورجعت التلفون والكلشي وياه ... ورجعت الصندوك المكانه ...
فتحت الباب ع كيفي باوعت محد اكو وطلعت من الغرفه بسرعه وسديت الباب ع كيفي وكفت ع بايات الدرج استطلع الوضع ... مشيت للصاله واني لا زلت اسمع صوت اصياح امي وعصبيتها ...
دخلت كعدت ع قنفه منفرده وامي تصيح وسكينه تسكت بيها حجيت بجمود ...
نور.... شنو صاير؟ وليش امي عصبيه وين جنتن؟
ام فاطمه.... عااايزززتج اني حتى تكمل كوومي من وجهههي ابني يررفضوونه ليشش شنو العايبه وتحاجيني وهيه متغزز من عدنه
سكينه.... يمه عوفج منها وكومي اخذي حباية الضغط لا تجيج جلطه لا سامح الله
ام فاطمه.... كون ميته ولا رافضه ابني كدامي
سكينه.... يمه خليها تولي تعنس بتها ع كلبها ومحد يدك بابها ع هذا اسلوبها ويه خطارها
ام فاطمه.... اني الها اله اخطبه بت ام كاظم وكسر عيونها هيه وبتها خلي يصبرن الي
كوه كومتها سكينه وخذتها للغرفتها اني بقيت فاكه حلكي لا اخذ ولا انطي اذا احجي يمكن تدوس بطني واذا اسكت انفجر شسوووي ...
كمت متضايقه طلعت كعدت بالحديقه وروحي طالعه صرت اشلع باوراق السدرة .. من الضوجه باوعت ع الزرع الكاع جافه كمت فتحت الماي وبديت ارش بي ... وقرا لطمية باسم الكربلائي ... خطار ..
خطار اجاني يا هلا بجيته ...
محلا الابو لو مر ع بنيته ...
لو ما تطيح عيونه بعيوني
شلون اسئله وسئل شلوني
بنيته ... خطار اجاني ياهلا بجيته ...
صرت اردد بيها وارش بالزرع وكفحني الهووا بتسمت سمعت صووت فااطمه وراي وهيه تكول ...
فاطمه.... اليوم ست نور تهتم بالزرعات مو عوايدج
نور.... اووف شسوي مكابله الحيطان وكاعده يمته اجيتي ترا مليت البيت ما بي روح عبالك مسكون
فاطمه..... هههههه ع الاقل جنت متونسه ويه حميده هسه اتونس وياج
نور..... حميده؟؟
فاطمه..... اي جانت يمنه قبل لا تجيكم
نور.... اوكفييي هسسه جاايتج
ركضت ع الماطور طفيت وسحبت الصونده ورجعتها مكانها ورحت كعدت مقابيها ع القنفات ... الي بالحديقه ...
فاطمه..... اروح ابدل واجيج
نور.... مااكوو روحححه مثل كل مره تنكطع السالفه سولفيلي وبعدها روحي وين تروحين
فاطمه.... شوفي حميده بعد فتره من زواجها من ابوي او اصح من الزنا الي بينهم
نور..... صخاااام زناااا؟
فاطمه.... ليش انتي تعرفين شنو الزنا؟
نور..... لا؟؟
فاطمه..... چا شبيج صووختي عبالي تعرفين؟
نور.... حسيت بي شي مو زين فصرخت؟
فاطمه.... الزنا يعني ابوي نايم ويه حميده بدون عقد شيخ فالطفل الي بطنها ابن حرام
نور.... كلشي ما فهمت بس المهم كملي؟
فاطمه.... ابوي باكها واخذ كل ذهبها وعافها وراح وهيه اجت لاجئه عدنه وحنه حميناها
نور.... وليش ما رجعتوها بنفس الحضه وخذتوني
فاطمه..... خفنه لا يكتلونها هيه والطفله
نور.... بيها بنيه؟
فاطمه.... اي والسالفه صارت اطول من ما توقعنه ودخلت بمتاهات لا الها اول لا الها تالي
نور.... شلون يعني متاهات؟
فاطمه.... بعد ما اجت حميده امي ومحمد حاجو مجتبى يتزوجها هو ما عترض وحتى صار يفكر يسمي البنيه باسمه وخلوهم يتاملون وبسبهمم خلوهم يعيشون علاقه حب
نور.... علاقه؟
فاطمه..... اي بس بعدين امي بدون ما تدري شلون حجت السالفه يم جارتنه الي هيه خالة سدن وبدره وليد يمكن الله رادها تحجي حتى ما يمشون بالحرام اكثر من هيج
نور..... حراميش؟
فاطمه.... طلعت سالفه زواج مجتبى من حميده حرام وما يصير لان جينات ابوي وحميده اتلاحم واكو طفل من نطفاتهم وحميده صارت تحل ع مجتبى حالها من حال امي وحالنه
نور.... يااا وبعدها رجعتو حميده؟
فاطمه..... اي هسه رادت تروح وهم امي كالت تروح احسن ما يبقه مجتبى يباوع عليها بغير نضر وندخل اكثر بالحرام الله ستر وهمزين ما تزوجو وتلاحكو الموضوع
نور..... اي والله هم زين بس حميده خطيه بعدهي زغيره الله يرزقها ابن الحلال الي يعيشها هيه وبتها عيشه ترضيها
فاطمه..... ما توقع بتها تعيش وياها لا مجتبى جان مناطر جيت البنيه مناطر ع توقعاتي بس تجيب ياخذ البنيه منها
نور..... لا خطيه شنو تاخذون بتها منها بيا زمن انتو خافو الله بيها لا تاخذونها منها
فاطمه..... ع كيفج هسه هما اخذوها اني جاي اكلج اتوقع اي صدك ما حجيتيلي شنو جانت حياتج يمهم زينين وياج لو لا؟
نور..... هم صح مو زينين بس هناك ما تحسين بالملل اذا امل ما الحك الكه مروه ع راسي اتعارك وياها
فاطمه..... ههههه منو هاي مروه؟
نور.... ضرتي
فاطمه..... ضررررررتج؟
نور.... اي ضرتي واني وياها من الروس
فاطمه.... يمكن انقهرت من اتزوجج رجلها عليهاا
نور.....يطكها مرض واذا تزوج عليها ما احبها لا تذكريني بيها بسرعه اضوج من اسمع عنها
فاطمه..... انتي جبتي اسمها؟
نور.... الساعه السوده التزوجني عليها عوفيني منها وسمعي سويتلج سالفه هناك لا صارت ولا دارت
فاطمه.... لا تكليلي كتلتيها حرام عليج
نور.... فطومه نجبي شنو كتلتها لا بس الي هو زوجي الي جان طبعاً جفصت يمه جفصه
فاطمه..... شنو؟
نور.... ضليت الح عليه يشرحلي شنو الزواج بين المره والرجال
فاطمه..... صخااام الصخمججج صدك تحجين؟
نور.... والله انوب هو كعد يشرحلي عفت السالفه ع النص وشردت فد خجلت وفشلت منه
فاطمه.... عمه بعينج كون ع هاي السالفه هسه الولد عباله انتي جاهليه وماتفتهمين شي
نور..... ليش هسه احنه مو جاهلين خاب خليها ع الساكت وخلي اكلج شغله كله من امي كضتها علينه من تتزوجن تعرفن من تزوجن يضحكون علينه
فاطمه..... لو متزوجه بغير ضروف جان يمكن شرحتلج
نور..... ما ادري يمكن حجت؟
فاطمه.... احجي بعد شنو صخمتي يمهم؟
نور.... سوالف ما تتسولف
فاطمه..... ههههههه واضح مصخمتها
نور.... كومي روحي بدلي ملابسج وروحي شوفي امي اليوم راحت خطبت للمحمد
فاطمه..... خطبتله منو؟ يمته؟
نور..... ما ادري ولا اريد ادري
عافتني فاطمه وخذت اغراضها وراحت تركض ع امي اني ابتسمت من تذكرت سند بعدها لاحظت نفسي اضحك ويه نفسي ووزع ابتسامات ...
فزيت وكمت وتمشيت ورحت للدرج خليت رجليه ع البايات وباوعت ع الغرفه الي وخيرا عرفت الي جانت كاعده بيها هيه حميده ....
اخذ الصندوك وحتفظ بي لو ابقي بمكانه طولت بوكفتي واني افكر اخذه لو ابقي اخر شي عفته وصعدت ... دخلت الغرفتي وسديت الباب وتمددت ع الجربايه ساارحه بتفكير لحضاتي ويه سند واهله ..
.......
خلصت شغلي من وقت وصار الي يومين ما رايح للبيت الشغل فووك راسي ... سديت الملف ولميت اغراضي ورجعت للبيت وانه بالباب وسمع صوت عياط امي ومروه الي صارت بيهن سوله كل يوم متلازمات سوه ومتعاركات ... مديت ايدي بجيبي طلعت باكيت الجكاير وطلعتلي وحدة ورثتها .. وجريت نفس ودخلت ...
سند..... خيررررر شبيجننن صوووتج ترررن الحيطااان
ام سند..... تعاال يبن امك تعاال شووف مرتك الخاايسسه عاايفه البيت وصخخ من يووم رررحت لحد هاااي جيتك
مروه.... الله يساعدك اصبلك غده؟
سند.... هوو انتي خليتي بيها جوع لو نفسس مفتوحه امششي لمييي ملابسسسج وروحي لبيييت ابوووج
ام سند..... البارحه رجعت من بيت ابوها؟
سند.... البارحه؟ منو گلها تروح؟
اباوعلها تبسمرت بمكانها ولونها انخطف وكامت تتمتم بالحجي ما كامت تعرف تحجي امي تباوع عليها وانه اباوعلها ..
سند.... منو كلللج ترحييين هاااا منوووو؟ رجللل كرسسسي انه بهذااااا البيتتتت؟
مروه.... ابوي مريض رحت اشوفه وخابرتك ما جاوبتني؟
سند.... خابرتيني كلتي؟ مو وابوج مريض؟ سلامته ما يشوف شر !!
طلعت تلفوني كلبت بالاتصالات اصلان ما متصله عليه رغم ادري ما متصله بس كلت خلي اتاكد خاف متصله وانه مخلي صامت ... سديت التلفون وخليته بجيبي وخزرتها ...
سند..... تلفوونج وين؟
مروه.... ليششش؟
سند.... الاتصالات اليمي رايحه جييبي تلفونج؟
مروه... ها تلفوني عطلان
سند..... عطلان چا شلون اتصلتي بيه؟
سكتت ما حجت امي هزت ايدها وعافتنه وراحت الغرفتها تمشيت كدامها وانه احك بطرف شعري ...
سند.... تلفونج عطلان؟ واتصلتي عليه وما جاوبتج؟ ورحتي لبيت ابوج لان ابوج مريض؟ وانه ما عندي علم؟ طبعاً صاير البيت هياتي والمسويتني مزهريه كل ما لاحني تراب مسحتي مو؟
مروه..... لا والله مو هيج بس انته ما جاوبتني وبقه بالي يم ابوي
سند.... اي صدكتج شكد بعد عندج استعداد تجذبين حتى اعرف خلكي كم ساعة اطوله لحضرتج
مروه.... ما جاي اجذب؟
سند.... هسه انتي البارحه يم ابوج؟
مروه..... اي يمه؟
هزيت راسي وطلعت رقم ابوها اتصلت عليه مره مرتين ما جاوب وجهه مبين مصوفر واضح عليها جاي تجذب رجعت اتصلت ع ابوها هم ما جاب ...
ابتسمت بطرف شفتي مستهزء بيها هيه عبالها صدكتها ورجعتلي الابتسامه .. كلبت بتلفون ع رقم اخوها طلعته وتصلت عليه ... رنه وحده وجاوب ...
مسلم.... الووو
سند.... السلام عليكم شلونك نسييب
مسلم.... وعليكم السلام الحمدالله فاجئتني باتصالك
سند.... والله يا ابن عمي سمعت عمي مريض كلت اطمئن عليه شخيره؟
مسلم.... الله يسلمك ضغطه كلش صااعد والسكر معلك عنده ولا حته جلطه عابره
سند.... چا غير تنطينه خبر تخليني ادري من الغريب محتاجين شي اتريد اجيكم اجيب الكم شي وياي؟
مسلم.... لا خويه جيتك واصله انته هم رجال تجي تعبان واذا علينه ما عدنه شي راح نطلعه للبيت؟
سند.... هو من يمته متخربط؟
مسلم.... امس العصر تخربط واخذنه
سند... عنده العافيه ان شالله العصر احنه يمكن اجيب مروه تشوف ابوها؟
مسلم.... اي والله خويه كاطعين فد مره صار الها شهرين ما جايتنه واحنه هم الدنيا ما خذتنه ما كدرنه نمر نشوفها
خززرتها وتعصبت وكتله ان شاء الله اجيبها وخليها يمكم هو ترخص وانه هم ترخصت وسديت التلفون وباوعتلها ...
سند..... تردين تنكتلين؟ جلدج يحكج؟
مروه.... والله اسفه بعد ما اطلع؟
سند.... وين رحتي البارحه؟
مروه..... يم اختي؟
ردت اجاوبها وطلعت امي من غرفتها واجت تباوع علينه هزيت الها راسي بمعنى شكو؟
ام سند.... ها خابرت عمك شكالك هم جذبت؟
سند.... جايته جلطه عابره وراح يطلعونه حضري روحج العصر نروح الهم ونتحمد لعمي بسلامه
ام سند.... شعجب ما جذبتي هاي المره اخذتي حياتج كلها تجذبين وتلفقين حجي من جوه ليجوه
باوعتلي وما حجت هيه عايزه تحجي حتى اطيح حضها كوه لازم نفسي كدام امي ..
سند.... يمه من رخصتج وانتي مروه كدامي للغرفه
ام سند... هاا ولك حنيت وتدور حقوقك بعد ما راحت ذيج؟
سند.... شلون راح اخذلج حقوقي انزلها الج مشوها من كثر الحقوق
ضحكت امي وهيه راحت تركض كدامي للغرفه دخلت وراها وسديت الباب واشرت الها تكعد ...
سند..... يلا غردي الحجي؟
مروه.... ادري بيك كارهه اختي من اخر مره رحت الها ومنعتني منها بس ما اكدر هاي هم تبقه اختي
سند.... انتي كلتيها مانعج منها شلون ترحين من ورا ضهرر؟
مروه.... اشتاقيت الها تقبل هسه احركمك من اختك؟
سند... انعللللل ابووووو اختجج اختتج لوووووو بيييهااا خيررر ماااا راحت تصاااحب ع رجلهاااا وماخذتتتج وياهاا تعرررفج عليييه انه امججج مااا اواطنهااا بعيششت الله ترردين اواطن بتهاااا الكح.... منو يكول انتي مو مثلهن؟
مروه..... والله والله مو مثلهن
سند..... راح اخابر رجل اختج اذا هالمره هم طلعتي تجذبين صدكيني ما راح ارحمج وطلكج وانعل ابو اليطلع وراج
مروه..... لا لتخابره هو ما يدري اني اجيت الهم
سند.... ماكو شكال هم اخابره وشوفه يدري باختج الكح... وين تفتر وتفرفر
طلعت من الغرفه وقفلت الباب عليها ونزلت للصاله شلت تلفوني وكعدت خابرت ع عمران ...
عمران..... هلا سيدي
سند.... هلا بيك عمران راح ادزلك رقم وحده اريد رقم رجلها واليوم يوصلني
عمران... بعيوني سيدي دز الرقم وتدلل
سند.... ما يدلل عليك ضالم
سديته منه بعد ما ترخصت ودزيتله رقم اختها ... جنت ما اخذه حتى اسئل صدك مروه تجي يمها وجانت بكل مره تكول اي طلعت السالفه هيه وختها تطمطم وحده تستر ع الثانيه بمكسوراتها .... وكمت صعدت فووك ودخلت بسررعه شفتهاا لازممه تلفونها ....
من شاافتني صارت تهز بي ابتسمت وقفلت الباب علينه وتمشيت عليها وجررريت التلفووون من ايدها دست مطفي ...
ضغطت ع الدكم التشغيل وانتضرته ثواني وشتغل هيه خافت وتوترت ... كعدت ع الجربايه وبدون ما احجي وياها صرت اتصفح بالتلفون ...
انه من كلشي مانعها اي برنامج ما الها حق تنزل ما عده الواتساب حتى اخابرها وتخابر اهلها ... كلبت بي ما بي اي شي يجذب النضر او متعديه حدودها بقوانيني ...
شفت الاتصالات كلها ويه اختها وهيه قبل دقايق متصله عليها مرتين واختها ما مجاوبه ... سديته وخليته بجيبي ...
وحاجيتها برود ...
سند.... مو ع ابو تلفونج عطلان؟
مروه.... ما اعرف شغلته شتغل؟
سند.... خير ان شاء الله اليوم لو انه لو انتي ولعلمج انه منتضر زله عليج حتى اديحج للهلج وخلص منج منتضرها من الله بس خلي يوصل رقم رجل اختج وبعدها لكل حادث حديث
مروه.....اريد تلفوني؟
سند..... ههههههههه شتسوين بي تتفقين ويه اختج مثل العاده؟ لا هالمره ما حزرتي انتي واختج ثنينجن راح ادزجن ورا الشمس
دفعتها من وجهي وطلعت وقفلت الباب عليها ونزلت كعدت بصاله دك تلفوني شفته عمران ... فصلت الخط ودزيتله مسج اتشكر منه وهو دازل المعلومات كلها ...
سجلت الرقم يمي واتصلت عليه جاوب ...
- الو من وياي
- وياك الضابط سند زوج اخت مرتك
- هلا تفضل محتاج شي؟
- اي محتاج طلب منك انته وين نكدر نلتقي؟
- لا وين نلتقي انه طالع للشمال ويه الاهل
- هاا من شوكت طالعين؟
- ليش؟
- مو دزيت مرتي يم اختها؟
- خويه صار النه عشر ايام طالعين ونهار مطيه اختها خبر
- والله جانت نيتنه نجي واتعرف عليك بس يلا خيرها بغيرها اترخص اخليك تاخذ راحتك
سديته وصعدت الها طاااايررررر فتحت البااااب بدون سابق انذارر انطيتها ررراشدي ... وتبعه راشدي ثااني ... وصرت اضرربها وين اليوجعك ...
ضارت تصرررخ وكل صرخه تصرخهاا ازيد بالضررب كررهتها وكررهت جذبها وعينك عينك تجذب عليه ... وكل مره تحلف تبطل جذب ... وترجع تجذب ...
حسييت ع سعد ومحمود يبعدوني عنها وهيه تتبجبج ... طلعوني برا الغرفه وانه ارجع اتحلف بيهاا ...
سند..... لمييي ملابسسسج ولي منين مااا جيييتي انعل ابوووج لا ابووو ابووج بنت الكلللب تعللللمتي ع الجذذذب وع سواللف الكحا... بسسس اذااا ماا كسرررتج تكسررر معتببب
سعد..... خويه كووول يا اللله وفهمنه شنو السالفه؟
سند.... هيه ضللت سووالف يوووميه وحده مطيينه روسسنه قبل اشهررر الاخت وهسسسسه هااي وجووهنننه صااارت بطيننن ملفييي اكحاا.... بنص بيتتييي
حازم.... لا يرتفع ضغطك هنا النسووان تخلص سوالفهن ما تخلص يموتنك واهنا ما مخلصات اكعد ارتاح وكل سالفه الها حل بس ارتااح
كعدت ع القنفه وروحي طالعه لو الزمها اموتها ومحد يخلصها من ايدي ... محمود مدالي كلاص ماي وحبايه الضغط اخذتها وسعد قاس ضغطي ... صاعد شربت الحبايه وتمددت ع القنفه ... وخليت ايدي ع عيوني ...
نزلت امي من غرفتي عبالها نايم صارت تحجي ع بهمس ويه خواني وانه اسمعها ...
ام سند.... ما مخلي بيها شي صاحي وكل هاي وهيه ما تقبل تروح لهلها اخوكم ما عنده حظ بنسووان لو عنده جان ارتاحيت
سعد.... يمه شفتيها خاف ايدها مكسورة شي يوجعها ناخذها للمستشفى
ام سند.... كلشي ما بيها اصحه مني وخلي واحد منكم يحرك نفسه وياخذني للسوك
حمزه.... ع بختج يمه احنه بيا حال وانتي تفكرين بسوك
ام سند.... نمووت من الجووع ع ابوو مرت اخوكم العكربه انكتلت عادي جسمها اخذ ع الضرب صار عدها زلاطه
شلت ايدي عن عيوني وكعدت وباوعت ع امي لابسه عبايتها وعلاليكها ملات المسوالك بيدها ....
سند.... كوم محمود وديها تتسوك وهذيج الي فوك ترووح لهلها لا اكووم احط طلقه براسها وخلص منها
سعد.... كول ياالله عوفها فوك وخلي ترتخي اعصابك وتفاهمو
سند.... ماكو تفاااهم تدزوهاا لبيتتت ابوها لا اصعد اخلص منها وكضي بيها التوبه
حازم.... صار خويه هسه ندزها بس لا تتعصب وكلشي تريده يصير
هزيت راسي وعفتهم وصعدت لغرفه نور دخلت وسديت الباب شمرت نفسي ع الجربايه وتحسرت ... هسه لو عايفه كبريائها ع صفحه وباقي وياي ..
طلعت باكيت الجكاير وصرت ادخن وجكاره تجر جكاره وباكيت يتبع باكيت ... والدخان ترس الغرفه وانه روحي مجمره اريدها تطفه ماكو ...
حسيت ع تلفون يهتز جنت مخلي صامت رفعته جان حازم ... جريت التلفون وجاوبته ...
- الووو ها حازم شصااير؟
- ما صاير شي بس وصلت مروه لبيت اهلها وطلعلي اخوها مسلم ومن سئلني شبيها وشصاير وياها كتله سند يمركم ويتفاهم وياكم
- زين سويت بدام وديتها هاي هيه السالفه بقت يمي وعرف شلون احلها
- هاي هيه منك الهم يلا اترخص
- مرخوص
سديته ورجعت ادخن صار الدخان تارس الغرفه وحتى تنفس ما اكدر اتنفس ... كمت بسرعه فتحت الشبابيك وطلعت من الغرفه وخليت الباب مفتوح حتى تتهو الغرفه ...
كعدت بالصاله طالعه روحي جريت التلفون ردت اتصل ع ريان حتى اعرف وين وصل بالسالفه صار اله اربع ايام ما مخابرني ..
اجيت اخابره ودخلت امي من السوك محمله علاليك ومحمود وحمزه شايلين نصهن وهيه بيدها علاكه وحده ...
محمود.... اول مره واخر مره اطلع ويه مررره لسوووك شووازاني وسممعتك كلامك يا سند تفتر بينه بالسوك الي يكول حمير وتجيب وتحمل علينه
ام سند..... وشبيها الحمير ع الاقل فايده مو نفسكم لا نفع ولا دفع بس تاكلون وتمسحون ايدكم بالطوفه
ضحكت بهدوء ومحمود صعد لغرفته ويدردم وامي تحجي عليه وتصيح راحت هيه تعزل المسواك بالثلاجه واخذت حمزه وياها وصااحت ع حمازم يساعدوها ...
تمددت ع القنفه وافكر بيا حيل اجيب نور لدرب ادري بيها شاده ضهرها بخوانها ...
......
ما ادري يمته غفيت وكعدت ع صوت فاطمه تندهني ع الغده كعدت وجاوبتها ما اريد ورجعت نمت ... كعدت ع صوت صياااح من كد الفزعهه وكعت من الجربايه ع وجهي ... ايدي تاذت شويه بس ما هتميت الها وطلعت بسرعه من الغرفه ... ونزلت الدرج اركض باوعت ع امي كاعده ع القنفه وتدك وتلطم وفاطمه تروح وترجع وتلفون بيدها ... وصلت يمهم وسئلت بستغراب ...
نور..... شكو شصاير؟؟
كامت سكينه من مكانها وهجمممت عليه!!
سكينه.... ارتاااحيتي هسسسه محمددد من طلع من البيت لحد هسسه مااكوو اكيددد رجلللج اخذذذه
نور.... انتي جاي تحجين؟
ام فاطمه.... والله يا نور خلي يصير شي بمحمد ما تلومين غيرر نفسسج وغصبن ع الجابوج ترجعين لرجلج وتفضينها
فاطمه.... يمههه هيه شعليها محمد تاخر وهسه يجي لا تكبرون السالفه هسه يجي ونفتهم ليش تاخر
خزرت سكينه ودرت وجهيي كارها وجودي هنا .. مر الوقت وصارت 12 باليل ومحمد اي خبر عنه ماكو مجتبى يخابره وكله جهازه مغلق الخوف تسلسل لعماق كلبي ...
معقوله سند نفذ تهديده وهسه يريد يكسررني باخوي لا يا ربي .. امي صارت تحجي عليه من جهه وسكينه الي من تحجي تزيد النار حطب ... وفاطمه واكفه وياي ضدهن ...
الوقت كلش تاخر وتعدت ال2 ومحمد اي خبر عنه ماكو ارواحنه تشعوطت وكلوبنه احتركت عليه وامي تروح وترجع تذب الصوج بيه وتعاتبني ...
واني صرت لا اخذ ولا انطي بالحجي من كثر لحاح امي وسكينه عليه انو اني السبب بختفاء محمد ...
تركتهم وصعدت الغرفتي مهضومه من حجيهم يمكن صح كلامهم بس اني شنو ذنبي ... فتحت الكنتور وجريت كارتون التلفون ...
عيوني صارت تصب ليش سند ليش هيج تسوي بيه وتحرك كلبي ع اخوي ... دكات كلبي زادت واني اطلع التلفون ودست الدكمه التشغيل ...
اشتغل التلفون واني توترت كلش وخفت خاف اتصل وتصير الي سالفه وخاف اذا ما اتصلت يسوي شي باخوي ... كمت بسرعه قفلت باب التاكدت محد يسمعني وشلت التلفون...
واني متردده اتصل لو ما اتصل ... خوف ع قلق ع توتر كلهن اجن عليه نغزني كلبي من كثر التفكير ...
ترددت اكثر من مره كل ما اخلي ايدي ع الاتصال ارجع اشيلها .. لحد ما اتخذت قررار اتصل عليه ولي يريد يصير خلي يصير ... خليت ايدي ع الاتصال وتصلت رن من رنه وحده جاوبني ...
تلعثمت ما عرفت شحجي سديته بوجهاا وكمت ارجف رجع هو اتصل عليه واني صررت ابجي ونااشق منا محمد ماكو ومنا اخاف من سند لا ياذي اخوي وياذيني ...
هو ضل كل ما ينفصل الخط يرجع يتصل شجعت روحي ورفعت التلفون وجاوبته واني خانكه العبره ...
- الووو
- ليشش اتصللتي من جاااوبت سددديتي وصاار ساعه اتصلللل ليشششش ماااا جاااوبييين هاااااا
- خايفه !
هو نبرت صوته تغيرت من اصياح وعصبي الئ هدوء وحنين وسئلني بقلق ...
- شبيج من شنو خايفه؟
- خايفه منك؟ هسه خطفت اخوي يمكن المره الجايه تخطفني الي؟
ردت اسمممع رد بسس صوووت صرررخت اميي خلللتني اشمررر التلفووون وفتح البااااب وانززززل اررركض وانصدددمت وانيييي اشووووف .....
شكرا لزيارتكم عالم روايات سكيرهوم
