رواية رهينة لضباط الفصل الثامن والعشرون بقلم مرج البحر
▪️:ولك غيرك ولا عندي
وحيد بكلبي مافرطت بيك شلون؟
صورة ب خوذة الجندي✨...
.......
انصدمت واني اشوف محمد كاعد ع القنفه وجهه بي كدمات وفاطمه لازمه بيدها جيس ثلج وتخلي ع راسه وايده تنزف دم ومجتبى واكف كدامه يسئل بي وامي تنوح وتبجي وحاضنته ...
ركضت لهفانه عليه ودكات كلبي تتسارع وتريد تركض تحنه قبلي ... احتضنته من بين اصرواتهم وتسائلاتهم شلون وليش واحجي ...
اجتني دفعه من امي خلتني انام بالكاع وباوعتلها بستغراب وعيوني تدور ذرت حنيه بعيونها ما لكيت ..
محمد.... يمه شبييييج شجااج هيج دفعتيها
كامت امي وضربتني ع رجلي تاذيت واني بعدني ع نفس نومتي ...
ام فاطمه.... مل الي جاااي يصيرر بينه من وراها ومن ورا مشالكلها من سااعة ما اجت واحنه ماا شايفين منها اييي خيرر وجهههه الفكرر من يوممم يوومج مفكورر من اجيتي للدنيه وانتي نحسست العائله
مجتبى..... يمممممه كااافييي
ام فاطمه.... وقمممه التقممك رجعووووها لرجلهاااا لا احلللف علييييكم محد يطببب هذاا البيت بعد واني متبررريه منهاااا ليوووم الدين
كمت من مكاني بدون ما احجي اي كلمه او انطق اي حرف اخذتني رجليه للدرج واني ما مركزه وياهم بس اسمع صوت صرخات محمد ومجتبى وامي وتدخلات سكينه ...
فصلت عن الدنيا ما اعرف شلون ويمته وصلت لغرفتي ودهلت سديت الباب وركضتت ع الجربايه ونهااااريت بالبجييي ...
الخذلان من اقرب ناس من ابوي بعدها امي شبقاالييي بسس خوواني الي هسسه يله حسيييت بووجووودهممممم لو بخواتي الي اختفنننن وبعدها اجن وصاارن النه موسس بالبلعوم ...
لو عن حياتيي الي ما جاانت حياة بالاصل وضحيت بيهاااا بيييه ذنب جاااي اعيش اليي جاااي اعيشش شنووو الغلط الي سوويته حتى اسستحق هيييج اصيررر بييه ...
الدموع صاارت تنزل ع خددي وتسسابق ع النزول حسيت ع طرقات الباب وصوت فاطمه ينادي باسمي .. اخذت وضعيت السكوت ..
فاطمه.... نور لا تخوفيني عليج فدوه جاوبيني محمد ومجتبى بالهم يمج ودزوني اشوفج افتحي الباب خلي نتفاهم امي هالايام صايره تعصب وطلع تعصيبها بيج افتحيلي الباب
ضلت مستمره تدك ماحصلت مني اي حرف دموعي ما وكفن ومستمرات ونغزات كلبي صارت تضارب .. ما صار الي حتى اسبوع هنا وامي تروح وترجع عليه وتذ الصوج بيه ..
تعاله صوت فاطمه وهيه تصيح عليهم عبالها سويت بروحي شي ... مسحت دموعي ... وباوعت ع التلفون طفيته من الرئيسي ... وضميته ع السريع وفتحت الباب ...
شفتهم متجمعين وفاطمه عيونها ع خدها بس شافتني اجت حضتني ما انطيت اي رد فعل .. ركزت نضراتي ع امي الي واكفه وتباوعلي بعدم اهتمام ..
شغيرها شنو الي كلب حالها عليه تبعدت فاطمه عني وهيه تتفحصني ومحمد الي منتجي ع المحجر وعيونه متسلطات عليه ومجتبى سانده ....
بعد مده من الهدوء والصمت الي بس النضرات تتحرك بيها وامي تركتنه وراحت بدون ما تحجي شي وسكينه لحكتها ...
نور.... محمد اكدر احجي وياك وحدنه؟
محمد.... اكيد تكدرين
هزبت راسي ودخلت للغرفه وهو دخله مجتبى وكعده ع الجربايه وصارت عيني بعين مجتبى شفته مدمع ... عافنه وطلع ... قبل لا اسد الباب اجت فاطمه جايبه ديتول وقطن ولاسقات جروح وشاش اخذتهن منها وهيه طلعت واني سديت الباب ...
وكعدت ركبه ونص وصرت اضمد بيده هو ما حجه شي منتضرني احجي ... حسيت ع ايده تتمشه ع ششعري بهدوء ...
محمد.... شبيج؟
نور.... سند سوه بيك هيج مو؟
محمد.... لا ابن الناس شعليه بكل سالفه خلتنه امي قبل اشويه تتحسب عليه وتدعي ع اهله وهنوب انتي يابه وغلات امي وغلاتج مو هو رجال لا شايفه ولا شايفني
نور.... صدك چا منو سوه بيك هيج؟
محمد.... عمامي
نور.... صخااااام ليششش شعدنه وياااهم حتى يأذوك بهالطرريقه هاااي
محمد.... اووف نور تعبان ما يتاجل كلامج لبعدين
نور.... لا ما يتاجل اني يلا حظيت بيك
ابتسم واني هم ابتسمت ورجعت اضمد بيده لفيتها بشاش وحس كلبي ارتاح من عرفت سند معليه بسالفه ...
نور.... اذا اكلك شي ما تضوج مو؟
محمد.... لا اذا شي يضوج عوفي ع ما اصحه حتى اعرف شلون اتصرف
نور.... ههههه چا اله احجي هسه حتى ما تكدر تتصرف
محمد.... لو تردين عيوني انطيج اياهن تامرين امر
نور... تسلم عيونك
سكتت هو ينتضرني احجي ... جريت هو وتحسرت وحاولت اتصنغ القوه ...
نور..... اني قررت ارجع لسند قبل لا تخلص المده الي هو حددها النه
محمد.... اسسستغفرر الللله نورررر سدددي هذااا الموووضوع لا تصير مو خوش
نور.... محمد لا تصيح وتفهمني اني اريد ارجع وكون عائله
محمد.... مو جنتي امس واول امس ولي قبله ما قابله ترجعين ليش هسه قبلتي وفكرتي تكونين عائله؟!!
نور.... فكرت بالسالفه زين وهسه قررت
محمد.... لا انتي ما فكرتي انتي تردين هما يفكرون عنج امج سكينه فاطمه مجتبى انا كلنه تردين تجمعينه بفكررره وحده موو؟
نور.... قصدي اني؟
محمد.... تريحين امج وتريحين نفسج من ضغوطاتها
هزيت رلسي بيأس هو زفر بضيق وجر نفس ورجع كال ...
محمد.... اصعب من الاختيار القبول بشي انتي رافضته وضحيتي برفضج لخاطر ضغوطات راح تنسي فد يوم مع مرور اللايام تردين ترجعين الخاطر امي تشغل نفسها بسالفه ثاني بعد ما تخلص سالفتج معقوله تتخلين عن رفضج لخاطر كم كلمه
نور... مو اني تعبت ونفسيتي تعبت محتاجه امي بمقدار حاجتي للهواه الي اتنفسه بريتي امي ما جاي تحس بيه تتقصد تقهرني وتكسر بيه
محمد.... شده وتعدي لا تهتمين الي اريده منج ما ترجعين لسند اله برضااتج التام واذا بعدج تردين الطلاق هم العين ما تعله ع الحاجب من باجر امشي بالمعامله ورفع عليه دعوه
نور.... ما ادري شنوالي اريده ولا اعرف شنو الي ما اريده بس كل الي اعرفه محتاجه ابقه وحدي وصفي ذهني
محمد.... هاي هيه ع ما تخلص المهله الي حدها سند اخذ جوابج وبعدها لكل حادث حديث
هزيت راسي بالقبول ع كلامه هو هم ما كال شي عافني واهذ لاسقات الجروح وطلع وسد الباب ورا.. كمت شلت الديتول والقطن خليتهن ع الميز ...
ودخلت تحت الديبااج ابجييي وخلي وجهيي بالمخده حتى ما تطلع شهكاتي ... مر مده واني ع نومتي ودموعي ما تسكت سمعت صوت الاذان كمت رحت للحمام وكعدت اصلي ...
واني ع السجاده ابجي ودموعي توكع ونادي ربي يحنن كلب امي عليه وصبرني ع حجيها ... لحضه ادراك غفيت ع السجاده ...
ما كعدت اله ع صوت اصيااح رج البيت رج كمت مفزوعه واني بعدني بمحرم الصلاة نزلت اركض عبالي شوف منو مات باوعت ع الساعه ...
ب5 ونص الفجر وصوت جايه من الكراج البيت طلعت للباب واني اشوف فاطمه وسكينه واكفات دفعتهن حتى اشوف شكوو ..
وشهكت من شفته سند بزيه العسكري داخل علينه والسلاح بخاصرته وهو ومجتبى متلازمين وامي تفاكك بيهم ومحمد يصيح عليهم ...
ركضت عليهم واني ادفع بسند وامي ومحمد يجرون بمجتبى ... مجتبى شفايفه يصبن دم وسند خش ما بي بس صوته يلعلع ...
نور.... انته شتررريد شجااابك هنااا
سند... جابني رجليه غير؟
نور.... لا خاف اجيت بتكسي واحنه مندري؟
ابتسملي ابتسامه مستفزه وطلع جكارته وجداحته ورثها ...
محمد.... خير جاي علينه من وجهه الصبح
سند.... والله ينسيب جاي اشوف مرتي حرام لو عيب
يحجي برود ومن كال ينسيب ضحك بنص شفه ...
محمد.... لا اكيد البيت بيتك تفضل
دخله محمد للبيت وامي بس شافتهم دخلو اجت جرتني من محرم الصلاة قووي وكالت ...
ام فاطمه.... ولججج وتاالي ويه طلايييب رجللج الي مااا تخلص ليشش ما ترجعين وياه وتخلصينه
نور.... ما اريده ما ارجع تجبررروني
ام فاطمه..... غصبن ع الخلفوووج ترجعين يووميه كااتلي ولد ااذااا ماااتوو وين انطي وجهههي ولج بنت الداايخخخ السكيررر ابووو نسووان جبرررني احببببل بييييج وجنتتتت مااا راضييي والله جااان احسااسي بمحله من ماااا ردددت اخلللفج
نور.... اذا هيج جنتي ما رايدتني جان سقطتيني
ام فاطمه.... ردت انزززلج وابوووج تعااارك وياااي علموود ابقيييج هووو جان كل ضنه ولددد وانيي انغصبببت اخلللفج
نور..... كارهتني بذنب مو ذنبي ليش مو حرام عليج يمه الجاي تسوينه بيه
ام فاطمه.... مااا اريدج متبررريه منج وع جنااازتي لا توووكفين تفكيرررني وحتى النجف ما اوصل
دموعي بعيني نبرت صوتي المخنوكه بيها مجتبى ساكت فاطمه سكينه الكل ساكت ... اني هم ساكته ما اعرف ليش سكتت يمكن من وجع كلبي لو من وجع حجيهاا ...
ام فاطمه.... اذا تعزين خوانج وتحبيهم اطلعي من البيت وروحي ما اريد اشوفج هنا حتى لا اطر اطردج بالشااارع افهميهااا عاااد مااا اريدددج بنت الي بااايعتجج
جاااانه صووووت ....
سند..... واننننه مشترررري البت بنتي قبل لا تصيررر بنتج اذا انتي ربيتي وتعبتي انه صاارت شكه عمرري وهوه اليصعد وينزل انتم بايعين واني شراي والغالي يرخصلها وخلي جوووه نعالها
اكبر شي يلم روح متبعثره جبر الخاطر عيوني ع امي الي تباوع ع سند بتكبر وغرور ...
ام فاطمه.... واني بعتك منك الها ما اريد اشوف وجهه ببعد هنا لو تكتلوها تموتوها تذبحوها صارت الكم
صدمه تتبع صدمه خذلان يوم بعد يوم درت عيوني ع محمد راح ينقذني اكيد راح يوكف بوجهه امي ااي ما راح يقبل انباع بيعه رخيصه ارخص منها ماكو
بس للاسف تلاكت عيونه واني اتوسله يحجي بس خيب ضنوني بي وهو يدنك راسه ويسكت ...
نار صارت تاكل بكلبي قبل ساعه او ساعتين يحجيلي عن الضغوطات واصر ع قراري هسه هيج هنت عليه ماا يحجي ...
دخلت امي للبيت واني بعدني ع وكفتي ما تحركت وسند عيونه عليه ... طلعت امي بيدها جنطه انطتها لسند وكالت ....
ام فاطمه.... ها كل المستمسكات الي تخصها حتى ما تصير الكم حجه تجون النه بعد واذا ع وري امرها فيه مو قاصر وداخله السن القانوني وتكدر تدير امورها بنفسها
مجتبى.... كاااافي يمهههه عااااد طوووختيها احنه النه حق بيها ونررريد نشووووفهااا
ام فاطمه.... مااااا الك حق بييهاا
اباوع ع امي خزررته هو سكت اووف يا كلبي شنو تشوف اكثر من الجاي تشوف ام تبيع بتها علمود شنو وليش معقوله زايده عليها ومستكثره عليه الكمه الي اكلها ....
سند ما حجه كلمه شال الجنطه بيده واليد البيها جكاره شمرها وداس عليها بحذاء واجه لزمني من ايدي ومشه بيه ...
من بين هضيمتي ودموعي وكسرتي ونهياري همست بتعب وحس نفسي طاقتي خلصت ...
نور.... بس اجيب اغراضي
سند.... يولن اجيبلج احسن منهن
نور... لا حباب بس اجيبهن
نزل الجنطه من ايده وحك موخرت شعره بصعه وباوعلي بنضره حسيتها شفقه ع الحاله الي اني بيها ...
سند.... بس ع السريع تجبيهن وتجين
هزيت راسي وعفت ايده وصعدت الغرفتي اركض واني كلبي مكسور طلعت تلفوني وباوعت ع الملابس لخذهن بس بعدين كلت يولن اخذتلي ع المرايه نضره حالي متبهذل تبهذل مهتميت ونزلت صارت عيني ع الغرفه الجانت بيها حميده ...
طره ع بالي الصندوك ع وهلله رحت ركض فتحت الباب وشلته وطلعت ... ما باوعت ع احد بيهم ورحت ع سند الي جان منتجي ع الباب وجكاره بين شفايفه ويدخن ...
من شافني اجيت عليه طفه الجكاره بالحايط وباوعلي بنضرات ما عرفت افسرحن ... اخذ مني الصندوك وصعده ورا وخله الجنطه هم وره واشرلي اصعد ...
اخذت اباوع عليهم وعيوني وقلبي كسرررتهن امي هااي تاليها اولها رهان وشمرني. ابوي وهسه بيعه مقابل بس تتخلص مني ...
اجاني صوت شهكات فاطمه الي زرفن كلبي رجعت بخطواتي ع الباب وباوع الها اجاني صوت سند هو يصحيح بصوت حاااد ....
سند..... كللللللت اصعدددددي
مهتميت لصوته وركضت ع فاطمه حضنتها وصرنه ثنينه نبجي وهيه لزمت وجهي وصارت تبوس بيه ووتتعذر مني بدون سببب ...
بوستها وكمت متبعده عنها صار مقابيلي سند منتجي ع السيارة ومجتف ايديه ع صدره ...
سند.... انههه شكلللت مووو كلت صعدددي بسيااارة خلللي نووووولي
نور..... لتصيح؟
سند.... ااااخ كون اطلع كلبي ودوس عليه بقندره ونعل ابووو الحب لابو السااعه الجيتيني بيها
مجاوبته وصعدت هو اجه صعد ومشيه سررريع وخله الترايَب ورا ... مخليه راسي ع الجامه وتدموع تنزل ربي رحمتك ربي لو تاخذ امانتك لو تنزل الرحمه ع كلبي ...
فززززيت ع ماااي ينضررب بوجههي كعدت مفزووعه اباوع سنددد كدامي فاتح بااب السياره واكف يمي ويغسل بوجهيي ...
نور.... باااردد
سند.... وكفتي كلبي شبيج ع فجئه تخربطتي وحاجيج ما تحجين
نور.... ما ادري؟
سند.... ما ماكله شي موو؟؟ احجييي ما ماكله؟؟
نور.... ما ادري؟
سند.... چا دخيللل ربججج شتدررررين ولج بنيتي جوعانه اجيبلج شي لا تمرغدين كلبي تمرغد
نور.... ما ادري ما اشتهي؟
سند.... هذا الحجي ما يمشي عندي تاكلين وغصبن عليج
نور..... مووو بكيييفك
سند.... چا بكيفمن بكيف ابوج؟
نور.... لا بكيييفي انييي
سند.... هذا الحجي قنعي بي نفسج مو تقنعيني
ما جاوبته هو نزل من السيارة راح يجيب اكل انتجيت ع الكشن وغمضت عيوني ... بعد وبعد شنو مضموم الي ...
كم مصيبه ومصيبه بعدهن ما طلعن كم صدمه راح تصدمني الدنيا كم عزيز راح يخذلني ويكسر بيه ... كطع صفنتي سدت الباب وعلاكه نخلاها بحضني ..
سند.... جبتلج عصاير وكيك ماكو مطعم مفتح هسه
نور.... ليش بيش الساعه هسه؟
سند.... ب6 ونص
نور..... سند
سند.... دكات گلب سند وعمره
نور.... رجعني لهلي؟
سند.... اي هسه راح نوصل لبيت اهلج
نور.... صدك؟
سند.... ليش مجذب عليج قبل
مجاوبته وسكتت رغم ادري بي ما راح يرجعني لهلي لو يريد يرجعني ما اخذني من الاساس ... شلت العلاكه من حضني وشمرتها ورا ع الكشن .. ودرت راسي وصافنه ...
هو شافني ما كبيت شي ما حجه اي شي جر باكيت الجكاير وصار يدخن ... اباوع ع الشوارع وع لحضه تمنيت اني بت وحده من هاي البيوت ..
وصرت بعائله غير هاي العائله يمكن حياتي راح تكون احسن او يمكن العكس ... نفضت الافكار من بالي من حسيت السيارة وكفت ...
باوعت نفس البيت نفس المكان الي نذليت بي ويمكن راح انذل ازيد ... فتح الباب من جهتي ...
سند... ناويه تبقين بالسيارة
نور.... يكون احسن
سند... بنيتي نزلي البيت بيت ابوج والي يفك حلكه اسده اله بنعاااال
نور.... بيت ابوي؟
سند.... ليش مو بعينج اننه؟
نور.... شنو قصدك؟
سند.... قصدي واضح منا وجاي انه ابوج وانه امج وانه اخوانج وخواتج وانه الزوج وانه الصديق والعمام والخوال بعد شتردين
نور.... فدوه سند رجعني منين ما جبتني
سند.... اشوو انطيتج وجههه زايد
جرراني من السيارة ونزلني وسد الباب ولزمني من ايدي وجراني ورا ... وصلنه الباب البيت واني دكات كلبي تنسمع من كثر تضارب القلب بالصدر ...
فتح الباب ودخلني واني ورا تلكتنه امه بالباب وترحب بي بس من شافتني عكرت وجهه وسكتت ... سند باوعلي ورجع نضراته ع امه ...
سند.... يممه نورر مرتي راحت لهلها ترتاح ورجعت اذا عندج حجي احجي
ام سند.... وانته مو كتلي بس تطلك مروه ازوجك ع مزاجي اشو رجعت العله الثانيه انه من الاولى مخلصانه نوب رجعت هاي عليه
اشرت بصبعها عليه بطريقه كلش مستفزه ما حجيت ولا نطقت بشي الي بيه كافيني ...
سند.... اول شي انسيلي سالفه الزواج وركزيلي ع رجوع مرتي اليوم الغده ناكله من ايدهاا المعدله مو
التفتلي وهو يحجي وع وجهه ابتسامه ابتسمت وهزيت راسي بايي ... امه عوجت حلكها وهزت ايدها وراحت اني ابد ما حجيت هو تقدم وخله وجهي بين ايده ...
سند.... راح تتقبلج اذا جانت بالبدايه خايفه هسه خوفها راح اريدج تعوفين حجي امي وتهتميلي بالغده ميت جوع ومشتاق الاكلج
نور.... تمام
سحب ايدي وخلاها ع اشفايفه وباسها وعيونه بعيوني كلش خجلت منه وسحبت ايدي هو ابتسم وكال ...
سند.... انتضريني اجيب الاغراض من السيارة واجيج ونصعد سوه
نور.... تمام
كرصني من خشمي وراح واني بقيت انتضره ما طول واجه جايب الجنطه والصندوك ... اخذت منه الصندوك وهو لزم ايدي وصعدنه ...
جانت غرفتي ع حطتها ابتسمت وخليت الصندوك ع الجربايه وركضت ع الكنتور فتحته ملابسي وكلشي الي باقي ع حطته ...
سند.... لا تخافين جان يعز عليه افرغ الغرفه وخليتها مثل ما هيه حتى بس ترجعين ما تلكين اي نقص
نور.... ليش جاي تسوي هيج؟
سند.... العالم بس الله اخذي راحتج انه رايح للصاله واخذي راحتج بعدج ام البيت ومرتي
من كال مرتي ابتسم وطلع اخذت الصندوك خليته بالكنتور وركضت اخذت ملابس ورحت للحمام سبحت وتنعشش وطلعت امشط بشعري ...
باوعت ع الساعه توها ب 7 شمرت المشط ورحت ع الجربايه خليت راسي ع المخده ورحت بسابع نوم ..
........
كعدت بالصاله وانه مبتسم ما ادري مبتسم لان رجعت لو مبتسم لان ما سويت الهم شي حتى ما اتندم بعدين ... طلعت تلفوني واتصلت بريان ونهيت وياه كلشي جنه متفقين عليه هو استغرب مني بس انه فهمته بعدين اشرحله ...
طفيت الجكاره بطفايه وكمت باوعت ع امي تحوس بالمطبخ رحت يمها سحبت الكرسي وكعدت هيه تروح لثلاجه وترجع ع الطباخ ...
سند.... يمه شبيج
ام سند.... شبيه مثلاً تزوجتها حتى تاخذ حق اختك ونوب ضيعت حق اختك ونسيتها وحتاريت بالي جبتها محد خرب علاقتك ويه مرتك غيرها هاي الحيه ام راسين
سند.... يمه لا تدخلين هاي بهاي هيه ما الها دخل بشي وعار بنتج هيه ضيعت حقها بحقها من راحت ويه هذا الي بكد ابوها وحتمال اكبر واذا ع مروه فهاي من تزوجتها لحد ما طردها هيه عوجه وما اجت لطريق الصح
ام سند.... تدافعلها مو ليش هيج غيررتك وخلتك ما تندل دربك هيج يبن بطني يلا وينهاا اشوو بعدهي ما نزلت تريدني اخدمها من هسسه
سند.... من سابع المستحيلات اخليج تخدمين احد وانه عايشش هييه تخدمج وتبوس راسج لا تكولين هيج هسه اصعد اصيحها الج وطيحلج حضها
هيه سكتت ومسحت دموعها صبتلي كلاص جاي وكعدت هيه يمي تحجيلي عن بنات جوارينه تريدني اتزوج هو انه ثنين وما شايف منهن بس وجع الراس ...
نوب اجيبلي وحده فوكاهن صدك ما عندي عقل وانضربت ع راسي ... عيني ع الدرج هسه تنزل هسه ماكو طولت واني روحي شااطت شتسووي كل هذا الوقت فوك ...
خلصت جاي ع السريع وكمت صعدت فوك شفتها نايمه تمشيت صوبها ما هان عليه اكعدها وابتسمت ع منضرها وهيه نايمه ...
رحت طفيت الضوه ودخلت وياها بالبطانيه وجريتها عليه وهيه عبالك ميته ذابه روحتها ... خليت راسي بركبتها اترس ريتي بعطرها ...
ما ادري شوكت غفيت كعدت عليها تحوس بحضني تريد تفك ايده منها ما تكدر ....
سند.... ع وييين رايحه؟
نور.... شنو هااي منو سمحلك تحضني وتنام يمي
سند.... لا بالله خاف متقبلين
نور.... اي ما اقبل شلون تتجرء تحضني
سند.... تجرءت وخلص وحضنتج وسويت هواي اشياء وانتي نايمه شوفي صدرج يثبت صحت كلامي
اباوع عليها وضحك نزلت الدهداشه وتباوع ع صدرج تتفحص بي هنا متحملت صرت اضحك ونضراتي عليها وهيه من شافتني رفعتها بسرعه وخدودها صارن حمر من الخجل ...
ضربتني ع صدري واني اضحك عليها ومقيدها بحضني ... ع شويه تبجي ...
سند.... شبيج صرتي حمره ترا كلشي ما سويت جنت منتضرج تكعدين حتى اسوي
نور.... شتسوي؟؟
سند.... هههههه بصدرج
نور..... لتضحك وفك ايدددك عنييي سخييف
سند.... شكلتي ولج؟
نور.... سخييييف
سند.... طالع لسانج
نور.... لا والله ما طالع؟
سند.... مو هيج قصديي طولان
نور.... هددددنيي وخررر عنيي بعددد لتحضني ترا والله بعددد مااا ادخل هاي الغرفه وانته شلوفلك غير مكان نام بي
سند.... وين انام ع السطح حتى ترضين
نور.... خوش فكره روح نام ع السطح
سند..... متخافين ابرد وموت من البرد وتدخلين بخطيتي ويسجونوج
نور.... اصلان الزلم ما يبرد؟
سند.... لا الله عليج منو كلج الزلم مو مخليله جلد ضد البرد
نور.... يمكن
سند..... اكلج عوفي البرد وخلينه ندور دفو ع شغلات تفتح النفس
نور......
كلبني وصار فوكي وشعر مخربط نازل صفح وعيونه يباوعلي ذبول جاوبته بدون وعي ...
نور.... مثل شنو يفتح نفسك؟
سند.... ركبه او صدر او
مخليته يكمل وجاوبته بحمااس ...
نور.....ياااا همزززين كتلي اني اليوم نويت اسوووي دجااج راح احسبلك الصدر وركبه واذا تريد الجناحات هم اسويهن
سند.... صدك لو تشاقين؟
نور.... لا والله راح اسووي
كام من فوكاي وهو يتافف ويستغفر وصل للباب قبل لا يطلع كال ....
سند.... عود لا تنسين خليلي وياج الراس حتى يلتم شمل الدجاجه
نور.... ايعععع صدك تحب الراس
سند.... لا بس حبيت اضيفه بالكت ينطي نكها للتشريب
طلع بدون ميسمع جوابي وركع الباب ورا هذا اشبي هسه اني شحجيت ... تاففت وكمت اخذت فستان حلو ونسقت وياه حجاب ونزلت جوه ...
جانت عمتي كاعده بالصاله تباوع ع التلفزيون من شافتني كامت ودخلت الغرفتها وسدت الباب ...
محجيت شي رحت للمطبخ وبديت اسوي دجاج وروح يمنه ورجع يسره ... خلصت كلشي والوقت مر وبطني كامت تززق من الجوع ...
طلعت فواكه وكمت اكل حتى اسد جوعتي .. بالي راح يم حميده مشفتها وبالي انطيها الصندوك ... هذا الشي يعتبر امانه ولازم اوصله الها ...
هدرت التمن وخليت السلطه بالثلاجه ورحت دكيت باب غرفه عمتي طلعتلي عمتي شافتني اجت اسد الباب مخليتها دفعته بيدي ع كيف وحجيت ...
نور.... عمه بس خلي احجي وياج واذا ما عجبج حجي شنو ترين تسوين بيه سوي بس اسمعيني
فتحت الباب ع قووته واشررتلي ادخل دخلت واني ابالي اخطي هاي الخطوه حتى اصفي الكلوب وسحبها الصالحي الي متى نبقه اني وياها نتعارك رغم العركات مو مني دائماً منها او من مروه وهيه تحيز المروه بالصح وبالغلط وما تسمع مني ...
كعدت بالكاع واني متوتره هيه سدت الباب واجت كعدت يمي اني ابتسمت ابتسامه خفيفه وكلتلها ...
شكرا لزيارتكم عالم روايات سكيرهوم
