رواية رهينة لضباط الفصل التاسع والعشرون بقلم مرج البحر
هلا بحيلي وبعد حيلي 💖
وضوة عيوني وسهر ليلي ✨
......
التوتر والقلق هد حيلي حتى ما اعرف اخذ ونطي وياها بالحجي ... رفعت راسي اباوع عليها منتضرتني انطق عاد اني كحيت وكلتلها ...
نور.... عمه يشهد الله عليه ما عندي نيه مو زينه من دخلت هذا البيت ولا اريد اسوي وياج مشاكل وحتى المشاكل الي صارت انتي مروه جنتن تسونها وياي واني ارد عليج
ام سند.... جايه تردين تذبن بلاج علينه وتاخذين ابني بارده مبرده واحنه نباوع عليج
نور.... ما كلت باوعو عليه بس اني مو ذنبي اذا ابوي اخذ بتكم منكم مو مثل ما انتم متخيلين تزفوها وتفرحون بيها واني هم انضلمت غاطات الي هيه عاشته ع الاقل اهلي راعوها انتم دستوني
ام سند.... حقج علينه بنتي والله من حجتلي حميده عن اهلج ما صدكتها
نور.... اهلي للغريب يحضنون ولبتهم يشمرون
نزلت دمووعي ومسحتهن ورجعن ينزلن كمت اريد اطلع وام سند لزمت ايدي ...
ام سند.... اكعد نور سند حجالي شي قليل عن الي صار عند اهلج وبدامج انتي الي بادرتي وجيتي واني جنت حيل مستحيه منج ما عرفت شلون اعتذر منج وانتي سهلتيها عليه
نور.... والله عمه ما رايده منج شي لا اعتذار ولا شي بس اريد اكسر الحاجز الي بيناتنه
ام سند.... ينكسر ان شالله بس قبل كلشي اريدج تحننين كلب سند ع اخته موتتني بس تبجي والليل ما تنامه وهيه حامل مو زين ع الطفله
نور..... شنو اكل اسوي مستعده اسوي
ام سند..... الله يرضه عليج ان شالله منا ورايح انتي معزتج من معزت حميده واريدج تسامحيني
ابتسمت والابتسامه شكت حلكي كمت بستها من راسها ورجعت كعدت وهيه جرتني لحضنها جنت حيل محتاجه حضن واحس نفسي اختنكت ...
صرت ابجي وهيه تهدي بيه هسه شنو يصير لو امي مثل باقي المهات هاي ام حميده شكد سوت حميده اشياء اذتها ولا زالت تحبها وتريد تراحتها ...
ليش بس اني امي هيج ... هدءت شويه بحضنها وتبعدت ومسحت عيوني ... وهيه باستني بخدي وكالت ...
ام سند.... بعد ما اريد اشوفج بجين والغرفه الي بصف غرفتي بيها حميده روحي يمها وغيرن جو سوه
نور.... فدوه اني هم اريدج تسامحيني خاف اذا بيوم غلطت بحقج او سمعتج كلمه مو زينه
ام سند.....امسامحتج هو اني ومروه دسنه بطنج لمن ما كلنه بس زين ومنج تحملتينه
نور.... شكد حلو طلعتي زينه والله جنت خايفه اجي احجي بهذا الموضوع
ام سند.... الله لا يعيد ذيج الايام بنيتي ولا يرجعهن
بقيت مبتسمه وحجينه شويه عن وضع حميده ويه الحمل وعرفت نفسيتها تحت الصفر من ورا زعل سند عليها خطيه الله يساعدها ...
طلعت من يم عمتي واني مبتسمه احس روحي صرت طير حر بس تبقه بداخلي غصه من امي وهضمها الي تاففت بضجر ...
وغيرت ملامح وجههي ورحت للمطبخ اتفقد الاكل .. فتحت الثلاجه حتى اسوي لبن للغده وحسيت ايدي انجرت وانسدت الثلاجه ...
نور...... اووووي
سند..... وجعوووي بكلبج وبكلبي
نور..... شبيك سند ليش جاي تدعي عليه وعليك
سند.... فتيتي كلبي ما خليتي براسي عقل وهذاا الثووول الي براسسج بطلي وصيريي فطننه موتيني
نور..... هسه اني شنو مسويت الك وجاي تحجي عليه هيج
سند.... بس شويه عدل عقلج وراح ارتاح
نور..... اهووووو سند خبصتني شكوو
سند..... امششي ولي عن وجهيي خليلي زقنبووووت اتزقنب بيي حتى اولللللي اهجججج
نور..... ليشش جاااي تصيح
اشو دفعني ووراح للصاله يصيح ويدردم ويه روحه هززززيت راسي مستغربه من تصرفه جاي يصيح ويغلط واني كلشي ما فاهمه من عنده ...
حضرت المواعين للاكل ... وسمعت صوت الاذان يأذن عفتهن ورحت توضيت حتى اصعد اصلي صعدت لغرفتي فتحت الباب شفتها دخنه كحييت قووووي من استنشقت الدخان بريتي ...
صارت عيوني عليه كاعد ع الجربايه ويدخن ويزفر الدخان دخلت ابعد الدخان بايدي وكح ...
نور.... شنوووو صااايررر هناااا احترركنه
سند..... اطلعي وسدي الباب مالي خلكج
مجاوبت رحت للكنتور طلعت محرم الصلاة والمصلايه وخذتهن وطلعت ورحت لغرفه كاعده تسبح من شافتني بتسمت بادلتها الابتسامه بدون ما احجي شي فرشت المصلايه ...
ولبست محرم الصلاة وبديت اصلي خلصت صلاتي وعمتي جاي تقرا قرآن ضل بالي يم سند شبي اليوم ...
لميت غراضي وصعدت للغرفه الباب مفتوح استغرب دخلت جان الشباك هم مفتوح وسند ماكو ... رجعت المحرم والمصلايه مكانهن ونزلت حضرت الغده وصبيت ورحت فرشت السفره ...
وخلي عليها المواعين نزل حمزه وحازم يسولفون من شافوني اجيب بالصحونه وخلي اجو ساعدوني ... خلصنه السفره وبقه بس دولكت الماي رحت اجيبها ... هما راحو يصيحون لهل البيت ...
واني جاي اترس ودخلت عمتي للمطبخ اخذت صحن وطاسه وتفرق بيهن ...
نور..... خير عمه هذااا الاكل المن ما خذته؟
ام سند.... لحميده
نور.... حسبت حسابها ع السفره غير تجي تاكل ويانه
ام سند..... لا يمه ما تكعد ويانه محرومه من كلشي سند معاديها واذا شافها بالبيت يكلب الدنيه ع راسها وراسي
نور..... اي ليشش؟
ام سند..... بعد شايل بكلبه ع السالفه الي صارت وما قابل ينساها
هزيت راسي وهيه اخذت الصينيه وراحت كل ضني بس زعلان عليها ما جنت اعرف السالفه اكبر من هيج ... كلها كاعد ع السفره ما عده سند ...
صعدت اصيحله فتحت باب غرفتنه ما موجود دخلت للغرفه مروه شفته متمدد ع الجربايه وخال ايده ع عيونه ... تمشيت ع كيف وكفت يمه مديت ايدي ع طرف خده وكرصته بسرعه وبعدت ...
هو فززز مخترع صار وجهه مقابيل وجهي ردت اتفاده وشرد ما اعرف شلون جررراني وصرررت ع الجربايه هوو خاازرني ...
نور..... هاا اكلك غده تريد
سند.... واحد مطمور شكوو جايتله
نور..... ليشش جاي تصيح عليه شنو سويتلك
سند..... نور اكفي شري وروحي عن وجهي مالي خلك احد
نور.... والغده مو كلت حطيلي
سند..... شبعت ماريددد روحي تغدي
بعدت ايده عن ايدي وكمت تبعدت عنه هو رجع ايده ع عيونه اني رحت كلت العمه تغدو سند ما يريد واني اكلت قبلكم ورجعت ركض صعدت سديت باب الغرفه وشمررت نفسسي ع الجربايه وبيدي ضرربته ع صدره ....
سند..... وسممممم شبيج
نور..... سمم بكلبك
سند..... هااااي عليه
نور..... اي عليك ليش انته وحد تغلط واني لا
سند..... لساانج اكصه اذا طال
نور.... وصوتك اشلعه من مكانه اذا صيحت عليه
عيونه تباوع بعيوني ومبتسم اني من غبائي رجعتله الابتسامه وهو طفررر لزمننني من امتوووني قووي ...
نور...... ااخ سندددد جا تاذيني شبييك
سند.... صووت منو اتشلعينه ولججج
نور...... انتته اكوو احد غيررك هناا
سند..... استغفر الله
بعد ايدي عني ورجع انتجه ع تاج الجربايه ويباوعلي واني خليت ايديه ع امتوني افرك بيهن حسيت بي جراني صووبه ..
نور..... وخرررر عني مزاعلتك
سند.... اويلللي يابه نوب مزاعلتني انه هيج وما مستحمل نوب تزعل احرررك عشيييرتي العاارات
نور.... وعشيرتك شعليها ترا انته الاذيتني وخررر
سند.... عمي انه اسف وها امتونج ابوسهن وحده وحده
نور... هااا لا لا ما اريد وخرر سندد لا
ما اهتملي جر طرف من البدله ونزله ع متوني وطبع بوسه ع متني قشعر بدني دار يريد يحول ع الثاني دفعته من صدره ...
نور.... وخررر كاافي ما جااي ياذيني
بس ماكو اي جدوه الصخر يفهم وسند ماكو عاد الحركه ع متني الثاني تكهرربت تكهرب ... صار نفسي يصعد وينزل ....
حسيت ع ايده تفتح بالحجاب اريد ابعد ايده ما خلاني لزم ايديه بيده وشمر الحجاب وخله وجهه بركبتي ونفاسه تضرب ع جسمي بحروره ....
سند.... نورر
نور..... هاا
سند.... بعد ما اكدر الزم نفسي لا تحرميني
نور..... همممم
جنت فاصله كلمتي ع بعضهن ما اعرف اكول اشفايفه طخت ركبتي لو شصار بيه صخنت ... صار يبوس بركبتي بهدوء وايديه شابكهن ويه ايده ...
رفع ايده الثانيه يبعد بيها خصلات شعري المتناثر غمضت عيوني مرتخي كل جسمي .... حسيت بي من يمشي صابيعه ع اصراف خدي وينزلهن ع ركبتي ويرجع يطخن بشفايفي
سند..... فتحي عيونج نور
فتحت عيوني صار وجهه كبالي وعيونه ذبلانات وشعر متخرربط خله عينه بعيني ورفع ايديه يبوس بيهن ...
سند.... هسه الحلوة بعدهي زعلانه مني
صفنت شويه عليه وتذكرت من لزمني من متوني دفعته من صدرره قووي وجتف ايديه ودرت وجهي ....
نور..... طبعاً لا عبالك بهاي الحركات راح تخليني ارضه لا يعني لا
سند.... ههههههه توها منو الصاير بيدي عجينه لا تنكتين وسرحانه ومسلمتني نفسها
فتحت عيوني وباوعت عليه وخزرته ورجعت تدرت وجهي واجيت اكوم من الجربايه لزم ايدي ...
سند.... لا تعاي ما راح احجي شي وكعد عاقل وشنو تريد تسوين بيه سوي تردين تعاقبيني انه هم جاهز تردين ارضيج تدللين
ما جاوبت بس رجعت يمه وبعدت ايده وحضنته ع الساكت هو ضحك ولماني لحضنه وتمدده ومددني ويه واني راسي ع صدره ... بقينه مده ساكتين هو يلعب بخصل شعري واني استنشق عطره ... كسر هذا الصمت سند
سند.... نور
ورفع راسي من صدره وباوعتله ....
نور.... هاااا
سند.... اذا كتلج تعاي نبدي من جديد حفل وعرس وخطوبه ومهر وعقد وزفه وناس راح تتقبليني ونعيش طبيعين
نور..... مو لزوم الحفل وعرس احنه نكدر نكون طبيعين ونعدل بحياتنه هواي أشياء
سند.... لا الحفله والعرس والخطوبه ضرروريات عندي هذا الشي راح يصعد من شئنج وفرحج وهمشي عندي فرحتج
نور.... بس اني ما عندي اهل انته شفتهم تبر..
ما خلاني اكمل وخله اصبعه ع شفايفي ما نعني خله شعري ور اذاني وكال ....
سند.... اذا اهلج فرطو بيج هذا شي خاص بيهم مو بيه انه اصيلج اهل وعزوه وسند بس اريدج تصيريلي كلشي وتكفين وياي وتسنديني
هزيت راسي هو ضحك وباس كصتي ورجع راسي ع صدره رغم ضوجتي من اهلي وقهري وحزني منهم اله انه سند جاي يسوي المستحيل حتى ما احس بقيابهم رغم كل ساعه احس بيهم وتذكر حجي امي الي يرن باذاني رن ....
سند.... هااا يحلوة شكلتي
نور.... بخصوص شنوو
سند.... صاار ساعه احجي بالج وين
نور... بالي بيك
اشوو اني كلت هيج هو هجم ع شفايفي ويبوس بلهفه وشغف شاال ايديه وخلاهن ع ركبته واني ما انطيت اي رد فعل ... بس غمضت وما اعرف شلون ويمته بادلته وهو صار يبتعد ثانيه ويرجع يفترس شفاايفي ....
تبعد عني يلهث واني هم الهث وهو شفايفه مبتسمه يريد يرجع يبووسني واني خليت ايدي ع حلكي امنعه جاان يضحك بصوت عالي ...
سند..... كومي شوفي النجاز الي حققته
نور.... يا انجاز؟
سند.... روح ع المرايه وهيه تثبتلج
هزيت راسي بي مستغربه من كلامه كمت بسررعه وكفت كدام المررايه وشهككت واني اشوف شفتي صاير حمرر والفوك مشكوكه وبيها دم ومورمات ...
درت وجهي عليه ضايجه هو يباوعلي ويضحك اني من شفته يضحك ابتسمت ورحت شلت المخده وضرتبته بيها هو مستمر يضحك ويقهرني ...
نور.... صاارت عليك زعلتين بسيطه سند منو يحجي وياك بعد
عفته ورحت للحمام دخلت غسلت وجههي وسمعه يدك ع الباب يريدني اطلع واني معانده لا اجاوبه ولا فتحت الباب ...
خليت صابون ع شفتي ولجمتني غسلتها ع السريع ونشفتها بالخاولي وطلعت هو جان واكف بالباب يباوعلي ...
باوعت ع الخاولي وشمررته عليه وصررررخت ....
نور..... عييييع هذا الخااولي مال مروه الزرركه
سند.... عاد هسه انتي شلونج هم زركه
نور.... قصدك انه اشبه مرووه مو وانته تزوجتني الان اشبها حتى ما تنساهاا موو
ما خليته يلحك يجاوب عفته وطلعت من الغرفه رحت لغررفتي ودخلت وركعت الباب باوعت ع الشباك بعده مفتوح رحت سديته وانفتح الباب بسرعه عفته ودخلت جوه الديباج ...
سند..... استغفر الله شلون بيه بخبال النسوان ع كلشي مدققات كومي ولج هو انه لو اشك واحد بالميه انتي تشبهين مروه شكل لو تصرفات وحق ربج جلق ودزج لهلج
واني جوه الديباج حااجيته ...
نور.... يعني تضررربني مووو اي بس عليه كادر
سند.... ياربي رحمتك ولج شوكت كلت اضرربج
نور.... توك كلت اضربج جلق هاا شقصدك وضحلي يعني تضرربني موو اي ادري بيك تريد تضرربي اذا ما تريدني شكو اجيت دكيت صدرك وخذتني
انجر الديباج من فووكي واني احجي وهو صافن عليه من شفته يباوعلي خليت وجريت الديباج من ايده ورجعت تقطيت ...
سند..... ام الساان كومي هااي هيه الخررر مروه بعد ما اجيب اسمهاا والسبوع الجاي جلست الطلاق وخلص منها وحتى غررفتها انطيها بس كون رضيتي
دفعت الديباج وكعدت وباوعتله واني عافسه وجهي ...
نور..... ليش بعد اسبووع هسه طلكها وغرفتها نزلها لو عاجبتك نايم بيها وانييي المطيه رايحه يمك بغرررفتها
سند..... اي والله صدك مطيه
نور.... منو المطيه اني؟
سند.... لا يمته كلت هيج
نور.... لا انته توك كلت تغلط عليه مو هاي لان ما عندي اهل وتدري بيهم ما يستغبلوني تغلط مو
دفعت الديباج وكمت اريد اطلع من الغرفه بس هو ما خلاني قيدني بحضنه ضهري صاير ع صدره ولاف ايده ع خصري وراسه بركبتي ...
سند... وداعت امي وروح ابوي الي جوه التراب لا مستغلج ولا اريد استغلج واذا ع اهلج طز بيهم هم الخسرانين هيج بنيه تخبل مثلج وداعت عيونج جنت اتشاقه وياج وما جنت اعرف انتي ما تتحملين شقه
نور.... والله مو ما اتحمل شقه بس ما اعرف شبيه صايره اي كلمه تقهرني وضوج وتعصب ونفعل
سند.... مو مشكله قابل بيج بكل حالاتج
ابتسمت ودرت حضنته هو هم حضني وايده تتمشه ع شعري ...
سند.... صدك اكلج شلون تطلعين من الغرفه بدوون حجااب هااا
نور.... هااا ما ادري انته خليت براسي عقل
سند.... هل مره سماح لان جنتي متعصبه المره الثانيه ما اضمنلج شسوي
هو يححجي وعيونه ع شفتي دفعته من صدره ورحت للجربايه كعدت عليها هو عافني وطلع ... ورا شويه رجع بيده جيس ثلج فتحه وطلع مكبات ثلج وقربها ع شفتي ...
سند.... خلي الثلج ع شفتج خلي يخف الورم تذيج مو
نور.... اي
سند.... جنيتي ع روحج من بادلتيني
نزلت راسي من عيونه خجلانه هو رفع راسي باصابيعه وتقرب باسني بخدي وبعد ....
سند.... ادري بيج ما تغديتي راح اروح اجيب غده من برره واجي
نور.... منين اكو مطعم مفتح هسه
سند.... هههه حبي ترا الساعه بالاربعه
نور.... شنووو مسررع مر الوقت هيج
سند.... هو الوقت وياي يمشي بسرعه وما تحسين عليه
ضحكت هو خله الثلج بحضني وطلع صدك من خليت شويه ع شفايفي راح الوجع ... كمت وكفت ع المرايه اريد اشوف الورم خف وطلع نازل شويه ...
اجه سند وجايب دجاج مشوي كعد بالكاع يفتح بالصينية واني جبت الثلج وكابلته وكعدت ... من باوعت ع الدجاجه تذكرت وفززيت ...
سند.... شبييج شكوو
نور.... مو انته ردت ركبه وصدر وراس سويتلك خلي اروح اجيبهن واجي
سند.... من امدا حضي ع هييج قسسسمه
نور.... شنووو
سند..... اكعددي بويه جان قصدي غير شي وانتي فتهمتي شي ثاني اكعد اكلي هو انه بحياتي ما ضايك الراس ولا الركبه وهسه ترديني اكلهن
نور.... ترا كلشي ما افتهمت جاي تحجي
سند.... احسن وروحه لبوي احسن اكعدي راح برد
كعدت اني وياه ناكل ونضحك ونسولف نسينه ارواحنه ونتشاقه كل ما اخلي ايدي ع الدجاجه يضرب ايدي ونتعارك عليها ...
دك تلفونه واني اضحك اشر الي اسكت كحيت وسكتت هو فتح خط ...
سند.... الووو... هلا والله بريان ... هاا اي صار دزهن بيد اي واحد ... لا لتعب نفسك ... عزيز وغالي ابو محمد ... سلملي ع الوالده والاهل ... يوصل حبيبي
سده واني سئلت ...
نور.... منو شيريد
سند.... شغل انه خلصت رايح اغسل خلصي وشيليهن وياج وشعلي بخور لو ترشين عطر ترا الريحه تبقه بالغرفه واذا بقت الغرفه ما ادخللها
نور.... تمام
راح هو يغسل واني لميت الاكل ونزلت الزايد خليته بالثلاجه والباقي الماكلينه طلعته للبزازين الي برا .. جان اكو بزونه زغيره توها تريد تفتح عيونها ما تكدر تاكل عفتهن وصعدت لسند اريد اكله يجيبلي حليب للبزوون ...
وكفت للباب متصنمه واني اسمع كلامه الي اذاني حيل وكسر كلبي ...
شكرا لزيارتكم عالم روايات سكيرهوم
