رواية عشك أل فراس الفصل الثامن والعشرون بقلم زينب نور
اسر : نزلت اركض صارت بوجهي امي
ام اسيد:ولك يمه الحككك بنت عمك احتركت بيت عمك ابو جاسر احترككك
طلعت بسرعة بيت عمي ابو جاسر مقابل بيتنا بالضبط دخلت اركض لـ جوا المطبخ محترك
ام جاسر: صخااامم بوجهيييي راحن بناتيييي
اللي كان جوا هوس ومرت جسار المطبخ اشوف بس الدخان ونار دخلت بسرعة مرت جسار كانت واكفة بنهاية المطبخ وتصرخ وهيَّ كانت حامل
مرايم :هوووسس ولججج هوووسسس
تقدمت عليها سحبتها من ايدها وطلعتها برا وهيَّ تصرخ على هوس
اسر:اطلعيييي مابيها شي
رجعت لـ هوس بسرعة شلتها ماكدرت اطلع من الباب اللي دخلت منه لان النار كلش قريبة باب ثاني على الصالة بيَّ نار بس اخف من هذا شلت هوس وطلعت البيت كله دخان
اسر:هوس بوية هوس حاجينيي بوية
ام جاسر:ولججج يمه هووسس سودة بوجهي يمه
كان بيها نفس ما متأذية من النار متأذية من الدخان خانكها اجيت اكوم اخذها للمستشفى انتبهت على نفسي أنا شلابس شورت وكيمونة
اسر:اسيا جيبيلي دشداشة والسويج بسرعة
مرايم :حباب اجي وياكم
اسر:انتِ البسي وتعالي ويانة چيكي حالتج لا يصير بيج شي
الجدة: ولكك يمة خابر اخوانك خل يجون وياك
اسر:همَّ وينهم ولا واحد صدك جذب
الجدة :بيهم راحوا لـ كعدة وبيهم بـ دوام
اسر:هوس بس احجي
خليت راسها على صدري وادعي الله مابيها شي اجت نور جابت شال وعباية لفيتها بيهن لبست بسرعة وشلتها لـ سيارة
الجد:ياستار ياربي استر
ابو جاسر:اسر بوية شبيها هوس
اسر:المطبخ احترك واختنكت خل اخذها للمستشفى احسن جسار صيح على مرتك خل تجي او انتَ تاخذها
جسار:مرتي!!!
عافني ودخل جوا صعدت السيارة اجه وياي جدي وعمي ابو جاسر وعمتي ام جاسر
ابو جاسر:شلون احترك المطبخ
ام جاسر:والله مادري كاعدين بالحديقة وسمعنا ضربة قوية وصرخت مرايم تصيح عمة الحكي المطبخ احترك وهوس جانت بالمطبخ مدري شسوي
اسر: الطباخ طاك لو غير شي
ام جاسر:الطباخ اكيد
باوعت على هوس بين الوعية والفاقدة وصلنا المستشفى اخذوها مباشرةً شوية واجو ورانا عمامي وخوالي ثنينهم ولد عمي
جسار:ها وينها
اسر:بعد الدكتورة ماطالعة
ضلينا ننتظر الى ان طلعت الدكتورة كالت مابيها شي لكن صاير عدها اختناق من الدخان
الجد: روحوا ارتاحوا بوية واحنه ان شاء الله چم ساعة ونجي وراكم
اسر:لا جدي انتم روحوا ارتاحوا وانتَ بالأخص خاف ناس تجي
بقينا أنا وجسار والشيخ وعمتي ام جاسر وياها مرت جسار
جسار راح يجيب علاج وعمتي راحت يم مرت جسار ضلينا أنا والشيخ
الشيخ: ايدك شبيها
انتبهت على ايدي محتركة لهبتها النار
اسر:من النار
اصر عليه اروح اعالجها حطولها مدري شنو ورجعت لحدما صارت هوس شوية احسن رجعنا للبيت مباشرةً لبيت جدي كلهم منتظرين هناك
ام جاسر:سودة علية يايمه
جانت بس تبچي حتى ماتحجي شي
اسر:عليش تبچين اكو شي يوجعج
هزت راسها بـ لا دخلوا لـ جوا وأنا رحت لـ ديوان بيّّ بس الولد
صهُيب:اجه باتمان فرع ال فراس
اسر:اسكتوا عني احسلكم وين جنتوا دايحين
اسد:نحل طلايب الوادم
شاهين:شمدرينا احنه هيج راح يصير
محمد:أنا جنت بالدوام
اسر:وذاك الكواد ابو عيون الملح ماكو
علي:ملح لو شكر مضغوط من عيوني
اسر:وين جنت
علي:اهز چتف بالملاهي ماتشوف ملابسي
اسر:دايحين ماكو نسوان تضبكم
ياسر :شيخلصنا بعد الكاظم
اسر:اذلكم
علي دخل للبيت دخلت ورا لكيتهم كاعدين بالصالة كعدت يمهم
ابو جاسر:بوية فضلك ما انساه طول عمري
اسر:شنو السالفة عمي الفضل لـ الله
الجد:هوس بوية كافي بچي
الجدة:تبچي على شعرها ادكول محترك
اسر:اطرافة محتركة وايدها قليل النار
هوس بدموع:اي محترك شعري صار محلو
اسر:انتِ بكل حالاتج حلوة
انتبهت على نفسي شجفصت من جفصة وعمي كاعد سكتت ماحجيت شي وهمَّ غيروا الموضوع مباشرةً بليل رجعت لـ بيتنا
صارت بوجهي فرح من ذيج السالفة اللي سوتها ويَّ علي أنا ما احجي وياها تجاهلتها وعبرت
فرح:سبحان اللي مايغلط
اسر:أسيا وين تيلفوني
أسيا:مدري غير بـ غرفتك
اسر:اصعدي جيبي
شوية واجوا امي وابوي واسيد ومرتة وابنة
ام اسيد:يمه سودة عليه شلون هبطة
اسيا:تفضل يا اخا
اسر:شكرًا لكِ يا اختا
اسيد:ولا يستچنون
اسر:هذا ابنك نايم
اسيد:اي نايم عوفه
اسر:شكد ينام عليمن طالع
اسيد:على عمه ذاك الشبع عقوبات من ورا النوم
اسر:اها اي شلونك
مرت الايام واجه وقت الاربعين بدت الزوار تطلع من البحر الى النحر من راس البيشة ومن بعدهي انتقلوا الزوار لـ باقي مناطق البصرة
اسر:شلونة الوضع
م،اول سرمد: أمن وأمان
اسر:الحمدلله
رحت امشي حتى اشوف الوضع ماحسيت الا رجال جبير بالعمر لزمني من ايدي
_تعال تغده يمنا
اسر: الله يعزك حجي والله عندي واجب ما اكدر
_ اكل لكمة وروح ثواب
اسر:ثواب واصل ان شاء الله والله ما اكدر
_چا تانيني شوية
ضليت انتظره الى ان اجه بيده اكل سفري
_هاك بوية هذا اخذه وياك
اسر: الله يحفظك ويطول بعمرك
اخذته منه وكملت طريقي وممنوع ناكل بالزي العسكري واذا كنا بواجب رسمي خليت الاكل بالسيارة ورجعت
أمير:كواك الله
اسر:هلا بالزوار كوه حيلكم مأجورين
أمير:بعد عيني مشتاقين
اسر: انا اكثر شوكت طلعتوا
ياسر:صار يومين
اسر:والبقية طلعوا
مهند:بعدهم يمكن باجر يطلعون المعقدين
اسر:لوما العيب من الناس چا هفيتك
مهند:ماتكدر رايح لابو فاضل اسلمك بيده
ايمن:انتَ ماتروح
اسر:الضاهر لا مكلفين بحماية الزوار من البحر الى النحر
ياسر:يلا يلا احنه كل واحد يمشيلك كم خطوة لا تبچي
اسر:كملوا طريقكم لا ارتكب بيكم جريمة
راحوا همَّ صارت فرصة انزل للبيت
اسر:اخذ مكاني بـ 4العصر أنا ارجع
_ماشي الله وياك
رجعت للبيت محد بالبيت اسيد بيته ومهند راح بالزيارة وابوي وامي وخواتي اكيد بيت جدي دخلت للمطبخ جوعان فتحت الثلاجة مابيه حيل اسوي اكل صعدت لـ غرفتي بدلت ورحت لـ بيت جدي اكل هناك
اسر:السلام عليكم
الكل:وعليكم السلام
الجد:هلا بوية كواك الله
اسر:الله يكويك
سلمت عليهم وكعدت البنات محد موجودة
اسر:يمه جوعان
ام اسيد:سودة عليه يمه هسة احطلك اكل
اسر:البنات وين
ام اسيد:فوك بالغرفة
اسر:انا صاعدلهن
صعدت لـ فوك الباب مسدود دكيت الباب
ريم:تفضل
اسر:السلام عليكم شلونكم
البنات:وعليكم السلام الحمدلله
اسر:اسيا اريد اكل
اسيا:صار هسة
اسر:هوس شلون صرتي
هوس:الحمدلله احسن
سَحر:بس شعرها
اسر:شبيَّ
سَحر:احترك غير
اسر:ما احترك فقط الاطراف ويَّ الوقت يرجع لا تفكرين بشيء
هوس:ان شاء الله
نزلت اسيا وانا نزلت وراها كعدت بالمطبخ
اسيا:اكلك شغلة
اسر:كولي
اجت كعدت كبالي باوعت يمين يسار
اسر:شكو
اسيا:احم شوكت ناوي تعترف لـ هوس
اسر:بشنو
اسيا:اسررر
اسر:يبُا شبيج مو وكت هذا الحجي
اسيا:وشوكت من تروح من ايدك
اسر:وليش حتى تروح من ايدي اول وتالي الي
اسيا: اسرر ترا مو بكيفك وتعرف عدنا اذا رفضتك جدو مراح يجربها وتالي لا حضت برجليها ولا خذت سيد علي وهوس هواي ناس خطبوها ورا محرم ممكن تنخطب
اسر:مو بكيفهم هيَّ
اسيا:قابل بكيفكك ترا تعرف كُلش زين جدو مراح يجبرها
اسر:قيسي النبض وانا اتصرف
اسيا:احم غصيت
اسر:اسيااا
اسيا:يا شبيك اتصرف اتصرف الطريق أمن وأمان
اسر:اها هيج الحجي
اسيا:اي راح اروح يم البنات
اسر:كملت شيلي
اسيا:بس ما اكلت
اسر:لا شبعت
طلعت لـ بيتنا افكر بـ كلام اسيا مو وقت هاي السوالف احنه مقبلين على اربعين ابأ عبدالله علية السلام
فزيت من صفنتي على صوت ابوي
ابو اسيد:اسر بوية وين شارد
اسر:ها يابه
ابو اسيد:بيك شيء
اسر: لا يابه مابيه بس شوي تعبان من الدوام اجيت ارتاح
ابو اسيد: سمعتني شحجيت وياك
اسر:ها
ابو اسيد:هههه الضاهر كلش تعبان روح ارتاح وبعدين احجي وياك
اسر:لا يابه احجي
ابو اسيد:بيوم اللي اجيت وحجيت ويا جدك علمود خطوبة بنت عمك تذكر
اسر:اي
ابو اسيد: بنفس اليوم جدك حجه ويَّ عمك وكاله البنية الكم
اسر:احلف
ابو اسيد:انجب ولك ابوك انا
اسر:العفو منك يابه بس تحمست يعني حجيتوا ويَّ عمي
ابو اسيد:معذور وحقك ان شاء الله ورا عرس اسد نخطبلك ونخطب لـ صهُيب وما نطول بالعرس هذا كلام جدك والبنية ان شاء الله الك
من الفرحة حضنت ابوي وهوَّ يضحك ويطبطب على ضهري
اسيد:هااا شو حضن وضحك
ابو اسيد:فرحنا كلبة المطفوك
اسيد:كتله غير تخلي يستوي زين
اسر:هذا انتَ اخوي
اسيد:الحب بدون تعب مابيَّ طعم صدكني حلاتها من تتعب وبالاخير تاخذ التريده
اسر:هم تعبت
اسيد:هههه الله يسعدكم ويتمم على خير
وراها صعدت لـ غرفتي نمت وكعدت بـ 3:30 سبحت وبدلت وطلعت حتى اكمل واجبي
اسر:ماصار شي
_لا الحمدلله ماكو شي كلشي تمام
انتهت الزوار من البصرة وتحولوا للمحافظات البقية احنه مباشرةً من البصرة انتقلنا لـ طريق النجف _كربلاء لحدما انتهت الاربعين التعب كان ابين علينا كلنا لكن كل التعب فدوة لـ ابا عبدالله انتهى الانذار رجعت للبيت
بدلت وطلعت يمنا ساحة كُلش جبيرة كل فترة وفترة الخيالة يطلعون بيها
وانا بطريقي الهم صادفت هوس ومرت عمي مدري منين جايت ابتسمت من شفتهم
اسر:الله يساعدكم
ام جاسر:هلا يمه يساعد كلبك شلونك
اسر:الحمدلله اسئل عنكم هوس شلونج
هوس:الحمدلله
اسر:بعدج ضايجة على شعرج
هوس:شعري وايدي مااعرف شوكت راح انتهي من هاي المهزلة
اسر:صدكي ماكو شيء يسوا تضوجين شعرج اطرافة فقط ومع الوقت راح يطلع ويرجع طبيعي وايدج استمري على العلاج وراح تروح
هوس:والأثر
اسر:ليش هالكد مكبرة الموضوع الاثر ويَّ الوقت يروح اكو علاجات واكو كلشي فـ طبيعي يختفي لا تفكرين بشي وتنطي اكبر من حجمة
ام جاسر:والله يايمه طاحت وصلة من اللساني وانا احجي ومايفيد بس تبچي
اسر:ماكو شي يسوا يخليج تبچين وكلشي راح يرجع كافي تفكير بهيج شغلات جدًا تافهه
ترخصت منهم ورحت يم الولد وهيج مرت ايامنا وبدينا نحضر لـ عرس اسد تم العرس على الخير وراها كالوا خطوبتي انا وهوس وبعدين صهُيب وريم
امير:ايييي واخيرًا راح يخلصون الضبابيط
اسر:يوم خطوبتي راح احترمك اسدددد يلااا
اسد:خايب وهرش غير اطلعك حلو
اسر:هو أنا حلو ديلا هنة خمس شعرات
اسد:دكوم كوم مو مال احترام
علي:يلا يابه ترا تأخرتوا شصار عدكم
اسد:غير نكمل
علي:ديلا جدي يكول تأخرنا لا يضل يحجي شيخلصنا بعد
نزلنا استقبلتني امي بالجكليت طلعنا لـ بيت عمي بدا السيد يعقد اخذنا الموافقة ورا كالوا لازم تدخل تلبسها الحلقة
اسر:اكلكم شلون البسها
صهُيب: حذائي نضيفة ترا ما اريد اكطعها
اسر:غسل حتى غسل چا وين اعرف انا انوب نسوان
اسد:خايب حلقة حطها بـ اصبعها وتغزل واطلع ااخخ ومرض
جاسر:اكل خرا لبسها الحلقة واطلع اذا فكيت حلكك اشكة الك
ضحكت ودخلت لـ جوا شكد نسوان تهت منين ادخل شفتها كاعدة كعدت يمها
اسر:دخيل الله
هوس:ها
اسر:دخيل الله شكد احبج
سكتت ماحجت شي لزمت ايدها وبستها أشرلت لـ اسيل اطفي الديچي باوعت بعيونها وحجيت بـ صوت عالي
اسر:اشهدوا على حبنا وعلى حبي الها من الطفولة اشهدوا على كل كلمة راح اكولها كدام الحاضرين كلهم ، اشهدوا انُ حبيت هالبنية مثل حب علي لـ فاطمة وعد وكدام الحاضرين كلهم شاربي مو عليه ولا تسميني زلمة إذا بيوم من الايام نزلت دمعتج او خليتج بعازة او اسببلج حزن وازعل عيونج الحلوة راح اكون وياج على المره والحلوة راح اسندج بالغلط كبل الصح أنا أحبج ويشهد الله عليه وعلى كلمة حجيتها وراح ابقى احبج ويزيد حبج يوم عن يوم ..
كان ردها الوحيد الابتسامة ارتفعت الهلاهل اعلى واعلى بعدين جابوا الحلقات لبستها وهيَّ كذلك ومن بعدهي طلعت
طلعت بالباب شفت جدي بست ايدة وراسة
اسر:الله لا يحرمنا من وجودك ويديمك ذخر النا
الجد:يابعد ابوك وكلبة ولا يحرمني منكم يوم اللي اشوف جهالكم بيدكم وافرح بـ اخوانك كلهم
اسر:الله يديمك النا
.................................
علي: رحت لـ نمر لكيتة كاعد على الرصيف والناس ملتمة يمه انا طبكت وطبك وراي راهب
راهب:شكو
علي:والله مادري خابرني كلي تعال انا بـ حي الانتصار
رحنا يمه كان كاعد باوعت على الجهه الثانية سيارتهه محتركة
راهب:سيارة نمر هاي
كعدنا يمه ناس هواي ملتمة عليَّ
راهب:شكو شصاير
نمر:احتركت السيارة
علي:شلون وانتَ بيك شيء
نمر: لا مابيه شي كاعد بالكوفي وفجاة كبت وحدها
علي:لا حول الله كوم وياي بالكزيز ولا بالعزيز فدوة الك المهم انتَ مابيك شي
نمر:اي مابيه شي
همسلي راهب بصوت خافت
راهب:سكران الاخ
نمر:راسي يوجعني
علي:اخذه لـ سيارة واخذه للبيت انا اشوف السيارة والوضع واجي وراكم واذا تكدر حطة جوا الدوش خل يصحى
اخذه راهب وراحوا وانا شفت السيارة
علي:اكو كاميرات هنا
_لا والله ماكو
علي:كوفي مابيَّ كاميرات معقولة
_ايي والله ماكو
علي:تمام
_ نجمعلة تبرعات
علي:والنعم منكم بس حالته ميسورة والسيارة سهلة
_الله يحفظكم
اخذت السويج مالتة كان عند واحد من الولد ورحت الهم اول ما فتحت الباب صوت راهب يرعد
علي:ها يمعود چا كتلك هيج
راهب: ياكل خرا هواي دشوفة حالتة حاله شاب ضابط والك مكانتك بين الناس تتوجهه لـ هيج درب ليش اذا ما تخاف من بشر خاف من الله شوف حالك يا اخي واتجهه لـ ربك كافي بهاي السوالف سكران وشرب ونسوان وطيحان حظ لا تعرف الله ولا رسولة بيا ساعة تموت شنو يفيدك صلاة ما تصلي قران ماتعرف شيء عنه بس سامع بيَّ شنو تعرف عن الدين مرجعنا حرم زواج المتعة رحت تبعت ناس سكط وحللوا بكيفكم روحك بحلك الموت على ساعة ممكن نموت شنو يفيدك فهمنييي نسوان لو الشرب ابوك من يعرف بيَّ شنو موقفة بين الناس انتَ شنو موقفك لو بيوم من الايام دخلت عليك الحكومة وانت بذاك المكان وسحلتككك عوف هاي كلها ما تخاف من الله اذا ما تخاف من عقاب الدنيا خاف من عقاب الاخرة الله واكبر على راسك
علي:نمر انتَ مو صغير واحنه نعلم بيك الى متى تبقى بهذا الدرب تعرف حياتنا شكد خطرة وعلى ساعة تنتهي منو الك بذيج الحفرة منو يفيدك غير أعمالك وصلاتك لا تخلي الدنيا تغرك وتاخذك بجمالها الدنيا فانية بيوم من الأيام راح تنتهي بينا محد راح يفيدنا لا اهل ولا فلوس ولا شغل ولا منصب ولأ شي متر ونص اذا لكيت احد يدفنك ويترحملك زين ياعيني اتجهه لـ ربك وصلاتك عوف الدنيا ومغرياتها ماراح تفيدك صلاتك اهم شي وهيَّ عمود الدين
راهب:احنه اخوانك وخايفين عليك اكثر من روحك والله العظيم كافي من هاي السوالف فدوة خلي قدر لـ ابوك واهلك كافي من هالسوالف كافي رحمة للعباس ولا تخلي عذرك اريد انسى شتريد تنسى بالضبط انُ تحب بنية وابوها رافض ؟ لو كُل واحد بينا يريد ينسى الوقع بهذا الشيء چا شيصير بالدنيا ياخوية كافي وحط عقلك براسك
ماحجه شي سكت اكتفى بالسكوت نام وحط ايدة جوا راسة وغمض عيونة
أشرت لـ راهب طلعنا للحديقة كعدنا بيها
علي:أنا كتلك هيج تحجي ويا
راهب:حرك كلبي والحُسين ماشفتهه شلون اول ما اجينا لك كوه سيطرت عليَّ مرتين من ورا زين ما انكلبنا ولحد ما وصلت لـ هنا شلون يفكر ويفشر تخيل وين واصل انُ يكفر
علي:ويّّ الوكت يهتدي واحنه ويا ماراح نتركة بس اهداء راح تنفجر من العصبية
راهب:حقي والله العظيم يحرك الكلب
دخلت لـ جوا نايم غطيتة وطلعنا
بعدنا بالباب طبكت علينا سيارة ضربت تلاث طلقات المقصود أنا وراهب شمر نفسة كدامي
علي:راااااااااهبببب
شكرا لزيارتكم عالم روايات سكيرهوم
