رواية نارا حيدره الفصل الثامن والعشرون 28 بقلم نمارق رحيم

دنحچي انفتح الباب، طلعتنه امي من شافتني انصدمت وگالت :- هاي انتو ،خير ليش جايين ؟ ،ما فاتحين البيت للمعاقيين

سحبني ورا ظهره وهو يباوعلها صار كبالها وكال :- ولا عمي الله يرحمه فاتح البيت لبربو* 

- جاي اتعارك انت ،ماتستحي شلون تغلط 

- الي يفتح الباب يسلم بالاول بس شكلج انتي مو من اهل البيت وعفت المستحه الج ، بعدي منا تكسحي 

دفعها ايدها، وهو يجرني من ايدي وصاح :- سالاار 

راحت جوا وهيه تصيح متعصبه من كلامه ،

.. انفتح الباب وطلع من الديوانيه ،شافني وبقئ صافن و انصدم 

و الفرحه بانت علئ عيونه، وابتسم وهو يباوعلي واكفه علئ رجليه

و حيدرة يمي ،والجنط بالگاع ،اجه يمنه وصوفر 

سالار :- لك هلوو لك كفوو لك عاش لك حلوو ،رجععتي تمشيين ولجچ

ضحكت فرحانه :- مشتاقتلك سوير والله كلشش مشتاقتلكم

ركضت اريد احضنه ،انتبه عليه حيدرة وسبقني وراح حضنه حيل .

و سالار حسيته انقهر لو اتذكر شيء، 

چان يطلعن نبراس ونور من باب المطبخ ويغنن ولازمات السله الملابس يشرن علئ الحبل ،شافني بقن واكفات مصدومات تالي صرخن :- ياااا هاااي انتيي نارردين رجععتي

شمرن السله واجن يركضن حضنني ،واحنه نبچي ونضحك ويشوفني رجعت امشي. 

حيدرة :- الله على الحب والاشتياق ..

ضحكنه علئ كلامه، التفتت لسالار بعده واكف ،اريد احضنه تقربت منه چان حيدرة يسحك رجله وكمز 

باوعله يحاول يسوي روحه دايبتسم ،والابتسامه ما راهمه وياا .. حسيته مقهور ويريد يبچي بهذا الموقف كٲن يريد يحضنني بس شيء مانعه وحيدرة نبهه

حيدرة :- هاا ماادري بيك ،المهم لا تتقرب من رجلك حتئ لو توجعك لا تلمسها ،اذا تتقرب منها اكثر رح تنجرح هيه بالزايد

سالار :- اي اعرف امشوو ادخلووا جوا

دخلنه واني امشي واصفن وبعدها نظرات حيدرة لسالار وكلامه مادايروح من بالي ،مبين ما چان يقصد رجله ،

كعدت بالغرفة وامي من شافتني عبالك شايفة وحدة غريبة تعجبت هلكد گلبها اسود وقاسي عليه حتى كلمة الحمدلله علئ السلامة ما كلفت نفسها وتگولها الي

انقهرت حيل وبدي ابچي، كعدت اسولف وياهن ساعه تالي سبحت ونمت من التعب..

..كعدتني نور وهيه تگول :- حيدرة يريدچ

                                  

              

                    

دريت يريد نرجع لبيته، فبدلت ولميت شعري ونزلت ..دخلت للصالة

كاعد يورث جگاره، ومنكوش شعره مبين چان نايم وهسه كعد ..ومغطي بالبطانية، وسالار كاعد يمه ومدنڰ يتصفح بموبايله

- هلووو

حيدرة :- اهلين يابه

حسيت سالار ارتبك ،وحيدرة طفه جكارته 

وكفت يمهم - شنو شصار..

سالار :- ماكو شيء اكعدي اكعدي اهذا صديقي ديتصل طالع اخابره 

بعدني ما حاچيه اخذ موبايله وطلع بسرعه ،

كعدت ساكته و مستغربه من تصرفه ،،،

- يعني ما شايفني صارله 4 اشهر ومن اجيت بس تحمدلي وفرح بيه لا حضني لا باسني لا كعد يمي و سولف وياي شنيييه !

حيدرة :- لا تنقهرين هو مشغول قابل الا يحضنج يلا يبين هو مشتاقلچ

- اي عادي ..وذا ههه

- اي يلا شنو بدلتي لا خلي نرجع لا يضل بالها طيبة علينه لان كلتلها واصليين من الظهر.. 

- اي هسه رح يأذن المغرب مبدله ماعندي شيء

- اي زين 

لبس قميصه وگام وگمت وياا

نبراس :- بعد وكت وين رايحين خلي تبقى صارلنه هواي ماشايفينها ماشبعنه منها 

نور :- حيدرة عفيه خل تبقئ الليلة وباچر تعال عليها

حيدرة :- لا بابا تروح وياي بعد ترتاح ببيت زوجها إن شاءالله فد اسبوع هيچ واجيبها

- على راحتك.. 

سلمت عليهن ، و حچيت :- بنات وين ماما ؟

حيدرة :- ناري امشي اتأخرنا

- ليش ما اجت تسلم عليه

حيدرة :- ناري امشي.. 

..حصرتني الدمعه ودنگت ،شافني رح ابچي حضنني گدامهن ،وگال :- انا ابوچ و امچ و اخوچ و كلشي تريدينه لا تهتميين

-لا .. عادي ما مهتمة ..

مسح دموعي وبعد عني شال الجنط وطلعنه 

حيدرة :- كافي بچي شلون بيه وياا هلدموع انا؟

-ما حاس بشعوري اخوي بصفحة وامي بصفحة ماكلفت نفسها وتحمدلي علئ العافية هو اني شترجها منها اذا هيه من شافتني عيرتني وتگلي معاقة ههه.. 

- معليچ يابه طنشيها مثل ما هيه ما مهتمه بيچ لا تهتمين وتنقهرين وما ناقصچ سلامتچ منها 

- لا بس الواضح بعدها تحب لؤي رغم بعد كل السوا بيه بعدها تحبه ولسه حزنانه عليه لهل عار ولابسه اسود وهو ابوي من مات قبل ماتطلع اربعينيته نزعت الاسود.. 

-لأنها تحب العارات الي مثلها بويه 

- اي بس،لا تحچي عليها 

تنهدت ... :- تبقئ امي شما سوت 

            

              

                    

- ام جيس حب ؟ 

هزيت ايدي وضحكت بأستهزاء وصلنه للبيت دخلنه ،شافتني طيبة اجت حضنتني وحضنت حيدرة وتبچي بفرح.. 

كعدنه بالاستقبال جابت عصاير دا اشرب وهيه كعدت بحضنه وتبوس بي ظليت اباوعلهم صفح وهو انتبه وغمزلي.. 

ضحك وگال إلها :- ديري بالچ منهاا ناري اذا تغار عليه يعني اقري الفاتحه على روحج

طيبة :- هههه فدوة اي يحقلچ تغارين غير زوجته وتحبينه

- مريتي هيه بويه ،ويحقلها كلشي 

سكتت ما جاوبتهم وظليت اطكطك بأصابيعي.. 

دخل حسن شاف حيدرة عاف البيده وراح حضنه خطيه شفت عيونه دمعت حقه اشهر وماشايف اخو.. 

حسن :- لك بعد روحي مشتاقلك ورب الكعبه 

حيدرة:- عليم الله مشتاقلك هواي.. 

حسن :- وها وها وها ،حيدرنه اجه اجه لبغداد اجه نور فرات ودجله اجه هو و خبلته المعذبته اجه

ضحكت علئ هوساته ..

حيدرة :- الظاهر رح تتوالمون انت وناردين نفس الخبال.. 

حسن :- يلا شريكتي بالخبال صارت 

ناردين:- هههههه اتشرف والله 

حسن :- خبالي سر نجاحي 

حيدرة :- الله يحفظك

طيبة :- روحوو اصعدو فوگ لغرفتكم ارتاحوا شوي نكعدكم من اصبن عشه

باوعلي وگال :- روحي اصعدي ،شوي والحگچ

- ماشي.. 

حيدرة

عفتهم ورحت للغرفة الي بيها امي عاينتها متمدده بفراشها.. 

- السلام عليكم 

فزت علئ صوتي :- هذا انت يمه هله هله تعال يمي اشوفنك.. 

- اي شلونچ شلون صحتچ؟

- الحمدلله يمه من شفتك صرت زوينه

- خير ان شاءالله 

- يمته اجيت ما عاينتك گالي حسيون مسافر اجيت من سفرتك مو يمه؟؟

- اي اجيت انا وزوجتي

- دريت بيك متزوج طيبة گلتلي، ما شايفتها خليها تجي اشوفنها ما حضرت عرسك انه

- اي ترتاح و تجي يمچ تشوفينها

- اهيه شسمها 

ابتسمت :- ناردين 

- شنهي اسمها طويل 

- اي واحبه.. 

- عود شنهو معناه 

- ورد 

- كون اسم علئ مسمئ خافن تطلع چلحه وزرگه

- لا، جمالها بغدادي يمه

            

              

                    

- ياا چاا انت متزوج بغداديه من اهنا يعني مو من البصرة 

- اي من بغداد الحبيبه، ارجعي نامي فد ساعتين وتجيلچ تشوفيها ، واجيت اشوفج واطلع لا اكثر.. 

هزت راسها وسكتت طلعت سديت الباب طيبة تعالي وينچ.. 

طيبة :- هااا اجيت حيدرة شنوو؟

- طالع بشغله المهم انتي ابقي وياا ناردين تمام حبيبتي.. 

- اي صار بس وين رايح خويه توك وصلت لبغداد ارتاح شوي چاا ما تعبان ؟

- بويه شغل المهم ابقي يمها.. 

-بعيوني.. 

طلعت ركبت سيارتي ،،

وتوجهت اله ،،

...

ناردين

دخلت للغرفة گعدت علئ چرباية تمددت عيني على الكنتور كلت اخلي الغراض والملابس الي بالجنطة.. 

گمت فتحت الكنتور اتفاجئت مصفطات ملابس جديدة اليه ونص من ملابسي الي بالبيت اكيد خواتي جابنهن بفترة الي جنت بيها بلندن

ابتسمت ،دخلت طيبة رتبت وياي الملابس اخذت الخاولي وتراك رحت سبحت تالي نمت على بروده السبلت.. 

حسيت علئ صوت حيدرة وهو يگلي اكعدي فزيت وكمت غسلت وجهي دانشف اجه وكال

:- روحي لأمي تريد تشوفج.. 

استغربت :- امك شنو؟ جايه اهنا صدگ موجودة؟

- اي بالغرفه الگبالچ اسمعيني ترحين تسلمين عليها كونچ اول مره تشوفينها وما تحچين شيء لو يفلت السانج وتجفصين بكلمة من جفصاتج اوويلي.. 

-اي تمام.. متشوقة اشوفها.. 

-اكلج تره مسويه حادث

-عزه صدگ حادث شنوووو؟

-بعدين احچيلج يابه هسه روحي شوفيها.. 

-ماشي.. 

دخلت لگيتها موجودة ابتسمت كعدت يمها خليت ايدي علئ راسها ..

-ها خالة نايمة كاعدة

فزت :- ها يمه ها منيه انتي يبنيه

-خالة اني ناردين مرت حيدرة ابنج.. 

- هااا يايمه مرته انتي، صلاوات علئ محمد شارده من الجنه شنهي شحلوچ يمه حبوبه

ضحكت :- عيونچ الحلوات خاله، شلونچ شلون صحتچ عافيتچ؟، والحمدلله علئ سلامتج ما تشوفين شر 

- الله يسلمچ ويحفظچ حبوبه وينه حويدر 

دخل وهو يگول ..موجود

- صيحلي الطيبه خلي تجي اريد اغسل.. 

حيدرة:- اي هسه

صاحلها واجت گال الها تعاي غسليلها تريدج 

            

              

                    

گامت علئ عكازتها گومتها وياا طيبة وطلعن للحمام 

گتله :- خطية مبينه حيل متأذيه.. 

- بسبب الحادث 

- صح شلون سوته ويمته 

- قبل زواجنه ،اندعمت بسيارة 

- عزه ياا شلوون ،زين ماعرفت منو الداعمها يعني مقصود الحادث لو شنو؟

- هو ما دام من عائلتي هيه وبحياتي ،فكلشي يصير مو صدفة و مقصود شيء اكيد، 

- ومنو القاصد ؟

- انا ،والداعم اعرفه ..ناري

- نعم.. 

- صح تونه جايين من سفر وتعبانه انتي من العلاج وسفر بس ،عندي موضوع وياچ

- لا، عادي احچي

- اي بس منتظر سالار يجي لحتى نحچي

- قلقتني شنو الموضوع؟

- رايد من زمان اكلچياه ،و وصيت سالار ما يگول لأحد من چنه مسافرين لما نجي يلاا نفتح الموضوع ،والليله نحچي بعد ما بيها مجال نضم عليج و علئ خواتچ. 

- خواتي؟ ،شنو شعليهن هنه ؟

- لان الموضوع ما يخصچ بس انتي، لا يخصكم انتي وعائلتج كلهاا. 

- كتلني الفضول حيدرا احچيلي هسه مايصير بس الي؟

- لا 

- رح تخليني احوس وافكر لو ما گايلي احسن 

- يجيلچ الصافي يغاتي بس اصبري انتظري 

- اي منتظره معندي شيء 

صاحتلنه طيبة نتعشه لكلت خفايف ما مشتهيه غسلت وصعدت للغرفة باردة طفيت السبلت وطلعت الموبايل من الجنطة وتمددت اتصفح

دقايق وچان يرن والمتصل ( أمي )

استغربت شكو متصلة بهالوقت عليه؟ شنو حن گلبها عليه وتريد تسمع صوتي لو شنو؟؟

گلت البسها وما ارد وانقطع الاتصال بس رجعت دگت ورن مرة الخ خفت لا صاير شيء بأخواتي رئستاً جاوبت وفتحت سبيكر.. 

- الوو ها ماما خير؟

- يا خير ادبسزز لا هلاا و لا مرحبا، ساعة السودة الشفتچ بيها لچ فلك ٲسود انتي، 

حيوانه ...اني اني الي يطردني ابني من البيت علمودچن انتي و اختچ الچلبه بسيطة الا اطلع حرگه گلبي بيچن ولا يتسمئ اسمي سعاد اذا ما سودت عيشچن 

- مشكورة ما قصرتي متصله علية حتى تغلطين عليه؟ وتتعاركين؟ تره عيب عليچ بنتچ اني مو عدوتچ وشنو منو الطاردچ انتي مو كاعدة بالبيت؟

- اغلط واسبچ واطيح حظچ اذا ما اموتچ علئ ايدي فلا ارتاح انتظرري و شووفي المشاكل و المصايب المنتظرتچ و تجيلچ مثل المطر تنزل عليچ 

- انتي شبيچ هااا شبيچ شمسويتلچ اني گوليلي خاف مأذيتچ بشيء وهيچ حاقدة عليه؟؟

- انتي البيه انتي واختچ 

- شتريدين ليش اتصلتي عليه

ضحكت بأستهزاء وجاوبتني :- اتصلت حتى اكلچ شيء يخص ابوچ عزيزچ.. 

- ابويه لا تجيبين طاري على لسانچ.. 

- ما ميته لاعليچن ولا على ابوچ الفگر يعيوني تدرين منوو الداعم ابوچ؟

- لاا احچي منوو؟؟

- ههههاي عيوني كاعدة و مرتاح ببيت زوجج حيدرة الميته وكاتله روحج عليه ،وهو ابوو الكاتل جاسم وحرمچن منه 

انصدمت وايدي صارت ترجف وسدت المكالمة بوچهي.. صرخت بصدمة ودموعي على خدي لا ارادياً التفتت الگا حيدرة واكف يباوعلي بعصبية وقابض ايديه.. 

حيدرة :- سمععت ككلشي امچ فلا تصيرلها چاره بس بسيطة ثاري بعدهي ما تعرف منو حيدرة واذا هدد أحد وما اخذ الحچي شيسويله وشنو العقاب الي متحضر الها

- حيدررا بس بس جاووبني صح ابوك هوو الداعم ابويه؟؟

- تريدين جواب لسؤالچ وتريدين تعرفين الحقيقة؟

هزيت راسي بمعنئ (اي) ..وجسمي يررررجف تقدم تقرب سحبني من ايدي و طلعني من الغرفة نزلني من الدرج واني اصرخ بكلمات متقاطعة.. 

- جاوووبني بسبب ابوك انحرمنا اني وخواتي من اكثر شخص عزيز علينا !

انحرمنه من ابووي ،،،،

جاوووب حيدررة جااوووبني جاووووبني ليييييش سااكتت شنووو معنى سكوووتك؟؟؟

دخلني بالصالة وگال.. 

حيدرة:- بعد ماكو داعي اضم عليچ انتظري دقايق ورح يوصل سالار هو وخواتچ لحتئ تنكشف الحقيقة بس اريد منچ تقوين گلبچ قبل كلشي

واستعدي زين لان مو بس سر واحد رح ينكشفن اسرار قوية وصدمات ويمكن عقلچ ما رح يستوعبها !!

بس خلي ابالچ .. يا ناري ،حيدرة موجود يمچ وما يسمح لأحد يٲذيچ و اخذ حقچ من حلگ السبع ..وما رح اسمح لدمعتچ تنزل علئ خدچ ،دام زلمتچ بظهرچ .......

الفصل التاسع والعشرون من هنا