رواية رهينة لضباط الفصل الثلاثون بقلم مرج البحر
اعتقد مليت مني
وصرت عندك مو ضروري
انا اسف لان يمك
بالغت حيل بشعوري ....
........
فاطمه...
واكف باب المطبخ وباوع ع محمد لازم الخاشوكه بيده ويكلب بالبيض ... عيوني تتنقل عليه ويه كل خطوه يخطيها ... بعد ما طلعت نور من البيت كبت العركه ما بين امي ومحمد ...
امي تحلف بالله واهل البيت هيه ما تريد نور حتى لو ماتت ما تريدها تحضر اجنازتها ... محمد جانت روحه شايطه ويتوعد الامي وزعل عليها ...
مجتبى عاتب امي وصدمني من كال الها ... لو تتبرين مني هم راح اروح لرجلها وطالب اشوفها وكعد وياها وازورها واسئل عنها ولا عبالج تهديدج ينفع ويانه بعكس قوانه ما ضعفنه
اما سكينه فهيه اكثر وحده بعد امي جانت فرحانه ونبأ من سمعت فرحتها ما تقل عن امي وسكينه بشي ...
دموعي ع نور ما وكفت وتركت غرفتي وستقريت بغرفتها رغم ما كعدك عدنه هواي ... بس ادعي من الله يجمعني بيها مره ثانيه ...
مرن يومين ع روحه نور ومحمد عزل نفسه اكل ياكل برا واذا اجه للبيت يجيب وياه بيض وهو يسوي النفسه ما يقبل اسوي اله ... وصار ما يجي للبيت اله للضروره ... وحتى سلام ع امي اذا شافها ما يسلم ...
مجتبى اخذ اغراضه واجر شقه بمنطقه قريبه علينه عبر شارعين ... ويجي يشوفني يوميه من الباب بس يطمئن عليه ويروح ...
سكينه الي صارت مسيطره ع البيت وهيه الامر الناهي والغده تطبخه وبس هيه وامي ياكلن ما يصيحن عليه ..
تركت المعهد الحمدالله صرت اعرف اقرا واكتب وهذا المهم امي رغم زعل محمد ومجتبى منها تسئلني ما يجون وتسئل عن اخبارهم وكتفي بزينين وخصم الحجي وياها ...
البيت صار لا ينطاق وممل لدرجه اقلب وقتي صرت اكعد بالحديقه وياخذني التفكير ويرجعني ...
مثل كل يوم كاعده بالحديقه وتصفن اندك الباب كمت تمشيت للبيت ودخلت وخذت حجابي خليته ع راسي ورحت فتحت الباب صار مقابيلي جود ...
من شفته كبل سديت الباب بوجهه وانتجيت ع الباب ودكات كلبي تتسارع رجع دك الباب وكال ...
جود... افتحي الباب فاطمه هذا اغراض دزهن الج مجتبى
تحمحمت وعدلت حجابي ورجعت فتحت الباب وصرت ورا وحجيت كوه اطلع الكلمه ...
فاطمه.... شكرا خويه تعبتك
جود.... شوكت صرت اخوج؟
فاطمه.... مثل اخويه؟
جود... دخذي العلاكه وفوتي كال مثل اخوها
خله العلاكه بيدي وجر الباب من ايدي وسده حيل وراح بقيت واكفه بمكاني متصنمه من تصرفه هذا شبي ... رجعت للحديقه وفتحت العلاكه جانت عبارة عن صبغ اظافر واقلام ودفتر والوان تونسست بيهن حيل صدك اجن بوقتهن ...
سحبت قلم متحمسه اكتب فتحت اول ورقه واول شي كتبته اسمي فوك بداية الورقه ..
ورسمت قلب وخذت لون اسود ولونته ... اخذت ايدي وصرت ارسم وردات ونوع برسمات ... سمعت صوت سكينه تصيح باسمي بعلو صوتها نزلت الدفتر من حضني وركضت للبيت
كل ضني امي صار بيها شي ... دخلت اركض شافتني شمرت عليه المكناسه والماسحه ...
سكينه.... يلا خاتون كنسي البيت وبعدها تمسحينه وتلمعين الشبابيك وتمسحين الدرج وتنضفين المطبخ والاستقبال
فاطمه.... شكو ليش انضف
سكينه.... راح يجوني خطابه وانتي ابقي معنسه ع كلب اهلج
بقيت صافنه عليها هاي جاي تحجي خطابه شنو وابنها وين تودي اخذت الغراض وبديت انضف وهيه وامي اسمع صوت ضحكهن من الغرفه بس اكثر شي هيه تعصر روحه وتضحك ..
كملت تنضيف وهلكت كلشش مسحت المطبخ وصعدت سبحت وتمددت ع الجربايه ضهري يوجعني الله لا ينكيج سكينه ع هذا التعب ....
توني غاافيه وفزيت ع شخص باس راسي رفعت راسي فازه شفته محمد نزلت عيوني ع ايده شايل جنطه
فاطمه.... وين رايح اشو ماخذ ملابسك
محمد.... اي قررت اكعد ويه مجتبى بين ما اشوف النه بيت واجي اخذج يمنه خاف امج الها نيه تشمرج الج هم وهم منها اروح اجيب نور تعيش ويانه
فاطمه... صدك
محمد.... اي ان شاءالله اندعيلي ربج يفرجها علينه بسرعه
رفعت ايدي اندعيله هو باس راسي وخدودي وطلع دعيت من كل كلبي يلكه مكان وروح يمهم خاف صدك امي مثل ما طردت نور تطردني ...كمت سديت الباب وقفلته بالمفتاح ورحت للجربايه ....
خليت راسي ع المخده ونمت كعدت ع صوت ركعت الباب فززيت مخترعه كمت فتحت الباب صارت بوجهيي سكينه وجهه احمر ومتعصبه وخاله مكياج وفوكاها تخزرني ...
فاطمه..... خيررر شبيج جايه هاده عليه تنضيف ونضفت وحضرتج تتقززين تاكلين من ايدي وتلعب نفسج بعد شكو جايه دكين الباب
سكينه.... انزلي المرره جاايه خطاابه عليج شلون شكوول طالبيج بالاسم بس لو اعرف شلون عرفتج وحتى من كلتلها انا فاطمه نكرت
فاطمه.... شسويتي؟ اخذتي اسمي صدك ما تستحين ع نفسسج فشللتي روحج وفشللتينه وياج
هزت ايدها وضربتني ع كصتي وسحكت ع رجلي قوي وهيه مخنزره ...
سكينه.... بالكت الله وما تصير قسمتج عليه نذر اوزع جكليت ع الجوارين
ضحكت بضحكه سخيفه ورفعت اجتافها تهز وشعرها مسرحته ... بقيت اباوع عليها هاي من كل عقلها تريد تتزوج مره ثانيه ...
بعدني ما مستوعبه الخطابه جاين الي من سمعت صوت سكينه يلعلع وهيه تكول ... راحح تنزل العرروس ...
يلا استوعبت رحت للغرفه بدون اهتمام لبست بدله عاديه وبس جريت شعري بالمشط كذا مره ونزلت جانت بنيتي ارفض ...
دخلت للاستقبال نسوان ثنين كاعدات وروحيه وياهن من شفتها انصدمت سلمت عليهن واني مصدومه من وصلت يم روحيه همستلي ...
روحيه.... عمي داك رجل لو انتي لو يبقه معنس
تبعدت منها وهيه تباوعلي وتضحك كعدت بصف امي وسكينه مشتعله نار ... تريد تفترسني بنضراتها ... كالت وحده منهن ...
- شوفي يا ام محمد ما نريد نطلول الموضوع واحنه اول ما اجينه كلنالكم جاين خطابه ع فاطمه روح تعرفها وبقت وياها شهرين بالمعهد
ام فاطمه.... والله خيتي جيتكم ع عيني وراسي والولد ابنكم ما يعيبه شي بس هم لازم اشوف خوانها ونردلكم خبر
- يشرفنه هاي الحلو تصير مرت اخوي هو يستاهل وهيه تستاهله
نزلت راسي خجلانه هما شويه ترخصو وراحو بس طلعو اجت امي عليه لزمتني من ايدي وهيه تصيح ..
ام فاطمه..... مودينج تتعلمين لو رايحه تدورين زلم ما استحيتي ع نفسج ولا حسبتيلنه حسااب
فاطمه.... والله ما مسويه شي
سكينه.... شلون ما مسويه شي وهو الولد ياخذج ويرجعج يعني تردين تقنعينه ما عندج علاقه بي
فاطمه... جاااي تحجين انتي والله بس سلام بيناتنه وما حااجيه ويااه
اذاني حجي امي وهيه تغلط عليه وسوتني ساقطه وما عندي شرف وام زلم وغير هذا تكلي الله اليعلم يمكن مو بنيه وشابع بيج شبع ...
انقهرت كلش وسكينه تزيد النار حطب عفتهن وصعدت لغرفتي ابجي وسديت الباب عليه وبعد ما طلعت ... اكثر من اربع ساعات واني بس ابجي سمعت الباب يندك ...
وصوت محمد ومجتبى برا يدكون بالباب كمت بسرعه فتحت الباب وشمرت نفسي بحضن محمد ابجي وناشق هو ما حجه شي بس ضمني ع صدره ويمسح ع راسي ...
رفعت راسي ع مجتبى من كال ....
.........
انتجيت ع الحايط حتى لا يشوفني واني مخليه اذاني ويه كل كلمه يكولها وعصر ايدي بكل قوتي ..
سند.... رياان كتلك خلاص لا اخطف اخوها ولا الهم غرض بيها ولا هيه الها غرض بيهم ... اي شبيك شمروها عبالك قنفه قديمه .... لا خويه زين جنت هناك وجبتها وياي ... لا رحت اشوفها وصارت السالفه كدامي ... هاا لا خويه شدعواك تريد بس تلزم قضيه وبراسي ... هااي هيه صايرين احلى غده وعشه ويلهن جاي ...
سكت شويه وطول بسكوته مديت راسي واني الدمعه بعيني كلش استهضمت من كال قنفه قديمه وشمروها ... شفته واكف ولازم بيده قلم وما اعرف شنو يكتب ع الورقه والتلفون ع اذانه ... شويه ورجع حجه ...
سند.... صدك تحجي زين لا تسويلي بيها سبايدر مان وروح .... لا كلشي ولا بنت الشيخ حيدر ابو عمامه الفيطيه ... هههههه ورب الكعبه خبصتني بخوانها وتطلكني وارفع قضيه تالي رجعت عليه ... لا شبيك هما بس حجي افعالهم ببطونهم ... هههههه وداعتك رجعت عليه ايد ورا وايد كدام لو بيهم اهلها خير ما ذبوها عليه طول هاي المده ... وحقك ريان خايف خاف اتقربلها وتطلع... استغفر الله ... لا والله مجان الي نفس بيها وهيه هم ما معبرتني ولا انه الي معبرها وما صار نصيب بينه حتى اتقرب ... انجب لك ترا مو اخذت وجههه ... لا اله اطلع خياسك هو انته بليلة عرسك ما دبرتها ورا السبعه سمعنه بيك نجحت عمليتك ... هههههه اي واضح تراعي مشاعرها ورا السبعه يلا ضربت الخماسي ... امشيي ولي لك كوا... اذا اجيك محد يخلصك مني ... اي ان شاء الله سلملي ع الاهل ...
كلبي عصرني حيل من كلامه ودموعي ع خدي وساده حلكي خاف تطلع شهكاتي ... نزلت بسرعه ورحت للحديقه كعدت اتنفسس ... وتتعاله شهكاتي حجيه يرن بذاني ... امسح بدموعي ويرجعن ينزلن ...
ليششش ليشششش بسس انيييي اهلليي هيج شنووو ذنبييي حتى يخلووووني بهيييج مووووقف صدددككك جنت شاااده ضهررري عندي خوووان ثنيين بسسس هسهههه لا محددد مهتممم الي محدددد ...
نغزني كلبي صرت اتنفس سريع وختنكت حسيت ع ضربات ع ضهري وصارت ايده تصعد وتنزل ...كلش ارتاحيت بهاي الحركه راحت الخنكه بس النغرات بقن .. درت وجهي وشفت سند صاير وراي ونضراته بيها خوف
خله ايده ع خدي يمسح ادموعي وعيونه بعيوني كل ما يمسح دمعده تنزل غيرها ...
سند.... حبيبتي بنيتي منو وياج ليش تبجين؟
نور..... انته اذيتني؟
سند.... انه شنو كتلج وضوجتج ما اقصد ازعلج وبجيج
نور..... اني قنفه قديمه وشمروها عليك واني الي اتبها بخواني وتالي رجعتلك واني نفسها تشك هيه مو... شنوو بشنوو تشك بيه هااا بسس هااا مااا فهمتتت شنوو قصدددك بيها هاا
سند.... تتسمعين عليه نور؟
نور..... الله شاهد عليه صدفه والله رادني اسممعك حتى لا اتمل بيك
سند.... نور فاهمه غلط
نور.... لا مااا فاااهمه غلط انتتت انسااااان حقيررر ومااا تستحي ع نفسسك تحجي عليههه سند مووو اني زووجتك شلووون تحجي هيييج شلون تريد تتقرربلي تريد حققك يلا كووم اخذذه كوووم
كمت ع حيلي اجر بي هو يباوعلي وساكت واني دموعي ع جدي عشررة عشره كام يريد يلزمني نترت ايده بقووه وصيحت
نور.... صحح انيي رجعتلللك بسسس واللله لوو مااا اهليي مااا ارجعع ولا عبااالك من اخذذتني فضلللت عليه اكعدددد بشااارع ولا ابببقه يممممك اموووت من الجوووع ولا اطلب منك حيووووان استغلاللللللي الللله ياااخذك
دخلت لبيت اركض صارت عيني ع ام سند وحميده مادة راسها من الباب يردن يعرفن شبينه عفتهن وصعدت للغرفه قفلت الباب عليه ورحت فتحت الكنتور اشمررر بالملابسسس ...
اريد حركت كلبييي تررتاااح ماكوو ركضت ع المرررايه جان العطرور وكريمات وهواي اشياء عليها شمررررتهن كلهن ...
اسمع صووت الباب يندك وصوت سند عالي هوو يحلف مو قصده يكول الحجي وراح يفهمني ليش كاله ...
مع كل هذا ما اهتميت واي شي اشووفه كداميي اشمره وصررخ كعدت بالكاعد حيلي مهدود وصوتي رايح صار هدوء حتى دكات الباب سكتت من سكتت .... اجاني صوت سند هو يهمسلي من ورا الباب بصوت شبه عالي ....
سند.... نور بنيتي احلفج باخو زينب لا تسوين بنفسج شي ادري بيج مقهور مني وضايجه بس الانتحر مو حل افتحي الباب خلي نتفاهم
انتجيت ع الجربايه رافعه راسي ع اطرافها ودموعي تنزل درت راسي ع الباب وحجيت ....
نور.... ليش سند كسررتني ليش
سند.... وغلات امي ما كسررتج انتي فهمتي الموضوع غلط من ساسه لراسه خليني افهمج وبعدها شنو تريد انه حاضر بس خليني اشرحلج
نور.... اريد امووت ما اريد اعيشش
سند.... لا نور لا ديري بااالج تسوووين بنفسسج شي راح تاذين نفسج وتاذيني افتح وحلفلج احجي كلشي وما اضم عليج بس فتح الباب
حضنت نفسي ابجي وشهك وين اروح ويين اذا اهلي الي هما اهلي ما يردون الغريب شلون ... اكتل نفسي؟ اريح الناس مني؟ هزيت راسي لا ...
حسيت ع صوت طكطكه وحجيهم برا ما ينفهم منه شي ... ما هتميت وحضنت نفسي اكثر وسمع صوت سند يسب ويغلط ويفشر .... رفعت راسي ع الباب من انركع ...
انفتح الباب ودخل سند يركض جنت اباوعله وهو اجه كعد كدامي وجر وجهي بين ايديه يتفحص وجهي شبر شبر جر ايدي من حضني قوي ورفع اردان الدشداشه يدور بايديه ...
اني صافنه ع تصرفاته ورفعت نضري ع اخوانه واكفي من شافوني بلا حجاب خلو وطلعو وامه دمعها ع خدها هم عافتنه وسدت الباب ...
حسيت عليه من جر راسي وحضني الصدره جنت جامده حيل اي رد فعل مني ماكو هو هم ساكت ...
سند.... خوفتيني عليج
ما جاوبته دفعته من صدره ودرت وجهي منه هو باس كصتي وكعد بصفي وثنينه مرجعين ضهرنه ع الجربايه وساكتين ...
سند..... اول ما انخطف حميده وصرت ادور عليها من مكان لمكان ردت بس شي يوصلني الها ورجع اختي امانة ابوي بس كل ما اتحرك خطوه ابوج يبقه سابقني بخطوه وهذا الشي كلش حيرني ....
بس بنفس الوقت جنت شاك اكو شخص من الي وياي جاي يخوني ويسرب المعلومات ... صرت اتحاشه اوصل المعلومات كامله حتى الخاين البيناتنه ما يوصلهن كلهن ...
وفعلن حسيت اكو شخص مدسوس بينه وصرت احاول ادور ع اختي وحدي ولكيتها ورجعتها بس الصدمه جانت حامل من العار ابووج ....
وراحت وياه .. بس انه ما اهتميت وخليت شخص يراقبه من اول ما طلع من بيتنه ردت اشوف شلون راح يعيش اختي بالي يمها رغم كل السوته تبقه اختي ...
صار الشخص يوصلي الخبار وين يروح ابوج وين يرجع وحميده باب البيت ما تعتبه ... وهو جان يجيب ناس للبيته يبقون يمه ساعات وبعدها يطلعون وهو هم يتردد عليهم ...
جنت كاعد بمكتب والي مخلي يراقب دزالي معلمومات صدمتني ...
نور.... شصار شنو سمعت؟
جنت مركزه حيل وياه لدرجه من سكتت بسرعه سئلته هو دار وجهه مبتسم وخله ايده ع شعري بعده خلاه ورا اذاني ورجع يباوع ليكدام وكال ...
سند.... ابوج جان يشتغل بتهريب المخدرات حضرنه دوريات حتى نطلع وقبل لا اطلع خابرني الولد الي يراقب البيت كال طلع من البيت .. انه انطيتهم اشاره ننتضره يرجع وخليت الولد يروح ورا يشوفه ...
بس ابوج لعبها صح والمندس الي ويانه خرب كل شغلنه جنه راح نمسسك الي يهرب المخدرات بس ابوج بلمح البصر اختفه ..
دخل بشارع و الي خليته يراقبه طعنه بسجين ودخلنه مستشفى ...
نور.... ماااات؟
سند.... لا ما مات بس تضررت وحده من الكليتين وشالو كليته
نور.... خطيه الله لا ينطي ابوي ان شاء الله
ابتسم سند ورجع كال ...
سند.... دزيت واحد يوصل حميده للبيت اهلج وخليته يتاكد هيه دخلته يلا رجع .... ضاع ابوج وضاعت قضيه المخدرات وياهم بس القضيه ما نسدت وانما حولوها ع ريان الي جان صديقي من ايام الابتدائيه جانت عندي فرصه لو لزمت صاحب المخدرات جان اترقه بس ضاع كلشي
ريان استم القضيه وانه وياه نفس الرتبه وهو هم ما كدر يجيب نتيجه وتحولت لغير ضابط هو تكفل يلزمها ... راحت الترقيه مني بس وضجت ونقهرت بس بقت براسي سالفه المندس ...
وضلت ادور ورا الموضوع عندي صديق من العمارة ابن صديق ابوي الله يرحمه ونعم الصديق ... هو يشتغل ع الحاسبات ويخترق انضمه وحسابات وبرامج ...
انطيته ارقام الي وياي كلهم وطلبت منه يتجسس ع كل اتصالاتهم وفعلن ما كال باطل وتجسسلي عليهم والوحيد جان تحت الشبها ريان صديقي والي جان اكثر من اخوي السالفه الي بيني وبين كلبي ما اعزها عليه ...
وحتى سالفة عمامي ومرت عمي وسوالف مروه وضوجتي وحزني وفرحي وضحكتي يمه يغدرين ما اصدك ...
انكسر كلبي وانه افكر اراقبه حتى اتكاكد وكطع الشك باليقين والي خلاني اشك بي اكثر انو هو يوكف ع السيطرات اذا هو يوكف شلون تعبر المخدرات بدون ما ينتبه ...
زاد خوفي يطلع يشتغل وياهم وهو ضابط وخو محامي وبن عمهم قاضي معرف كل هذا ويشتغل تهريب ما صدكت وضليت والله الموضوع وجان دقيق كلش اثر ما يترك ورا وخلاني اطمن ما عند شي ... لحد ما ...
نور.... اي وشصاررر احجي اي؟
سند..... صدفه صعدنه سوه عازمه ع غده هو نزل يترس بانزين ومن دون قصد فتحت الجكمجه وسديتها ورجعت فتحتها وريد اسدها جذبني شي رفعت الأوراق طلع جواهن تلفون ...
وباوعت ع السيارة تلفونه مشكل بالمسجل سديت الجكمجه بسرعه هو صعد ورحنه تغدينه ورجعنه وانه الموضوع بالي شنو يسوي بتلفون الجديد ...
خليت احتمالات يمكن يراسل بنات بي ع زوجته ويخونها وخليت الموضوع ع الله ... ورا فتره ع هذا الموضوع اجاني تهديد من ابوج يطالب بيج ...
ومن حجيت الريان بسرعه كلي رجعها وخلص منها وكطع علاقتك بيهم احسلك ... حجيه جان ما ادري شلونه ما اهتميتله وشردت للحجيه وابوج مستمر يهدد بس هو ما يجي يدزلي جماعه وكل ما تجي مجموعه تنسجن ...
اتحاشيت ريان وصرت اقلل من حجي وياه وهو صار كل ما يجي يجيب سيرتج حتى يعرف وين موديج وجنت اكتفي بمكان امان ...
طلعت من الدوام حتى اجي اشوفج ولاحظت سيارة تلحكني وشكي بريان زاد لان هو ما يدري بشي والمشاكل ما تجي صوبي واذا احجيله احس المشاكل من كل صوب تنزل عليه ...
اكتشفت بوقت متاخر انو مو كلشي ينحجي وينكال ... وراها بفتر كطع ابوج من التهديدات فجأه بدون سببب وبعد ما سمعت عنه شي ...
بعدها دريت قضيه المخدرات انسدت جان القائد يريد يرجع يسلمها الي لذالك ابوج هددني ومن انسدت القضيه انسحب ..
طبعا بعد الحاح مني رجعت فتحت القضيه بس بسريه انه وكم ضابط يدورن وصيتهم ريان لا يعرف ولا اريد يشم خبر عن الموضوع وهما وافقو لان يكرهون يريان وريان يكرهم ...
محد جان يماشي ريان بس الي مقشوش مثلي ... وللاسف كشفته بعد ما فات الاوان ... بس القائد جان يعزني ع معزت ابنه رافع الله يرحمه جان صديقي وموصي ابو عليه ...
رجعت اتقربت من ريان وحتى من وديت عليه علمود ارفع قضيه طلاق وجنت احجي وياه باريحي حتى لا يحس بيه شي اخو محامي وريان من يكون عنده عطله يساعد اخو بالقضايه لان هو دارس سنه قانون بعدها ترك وحول عسكريه ...
فانه تقصدت بعطلت ريان اخابر اخو وصدك مشت الخطه مثل ما اريد واجه ريان بدال اخو ....
نور.... جنت تريد تطلكني جا ليش طولتها
سند.... حلم ابليس بالجنه اطلكج انتي لسند وبسس
نور.... ترا بردان انته ما تشوفني ارجف
سند.... هههههه فد وحده عيارة انتي كولي احضني وفضيها
نور..... لا صدك الله بردانه اسحبلي الديباج من الجربايه خلي اتقطه
سند.... بعيوني تدللين
السبلت جان مقابيلنه واني جرشت من البروده جاب الديباج وغطاني وجراني اني والديباج لحضنه كعدني ع رجله ولفلفني بديباج حتى راسي ...
نور..... خنكتنيي
سند..... غير انتي بردانه جاي ادفيج
ضربت ع صدره هو ضحك ويباوعلي ومبتسم هزيت راسي واني ابعد الديباج ع وجهي ...
نور.... يلا كمل دفيت
سند.... شكمل؟
نور.... السالفه
سند..... اي رجعت اتقربت لريان مثل قبل واكثر والحجي الحجيته جان حتى ابين الريان انه ما مهتم الج حتى لا يشوفت نقطه ضعف الي وخاف يحاربني بيج
نور.... اي
سند.... كل حجايه ما جنت اعنيها جنت بس اريد اطيح ريان ولزم عليه شي وخلص من الهم الي بيه والله من كالي ابوج انه ما مصدكه وما رضيت وعاركته مو نوب انه احجي عليج
نور..... ليش ابوي شنو حاجيلك عني؟
سند..... هيج سالفه لا تخلين بالج
نور.... لا احجيلي شنو كال
سند..... انتي متعرضه لغتصاب بطفولتج
نور.... شنو يعني غتصاب؟ قصدك كصاب لحم؟
سند... هههههه اي هيج شي
نور.... والله جذاب من ضحكتك جذاب احجيلي شنو يعني
سند.... بنيتي احسن ما تعرفين وكومي انام
نور..... والله ما اكوووم اله تشررحلي شنو يعني اغتصاب
سند..... استغفرالله
نور.... حلفت بعد وما ارجع بحلفاني
تقرب خله شفته قرريب ع اذاني وهمس بكلمات خلاني اصووفر دفعته وكمت واني حاضنه الديباج ع صدري ....
نور..... جذاب
سند.... لا تصدكين
رحت ع الجربايه تلفلف اني والديباج وهو واكف فوك راسي يضحك طلعت راسي من الديباج وحجيت ...
نور.... شلوون تحجيلي هيججج هااا متستحي
سند.... غير انتي سئلتي وجاوبت
نور.... يعني اي شي اسئل تجاوبني
سند.... اكيد يلا اسئلي بس لا ترحين زايد
كمت فتحت الديباج وسويتله مجال يمي ...
نور.... تعال
سند.... لا هيج هواي عليه حضن وشويه تصير بيه بوس انه رجال فقير عندي خوات
نور.... هجم بيتك فقير انته
ضحك واجه كعد يمي اخذ جهه من الديباج وجرره كله لف روحه وفتحلي ايديه دخلت بحضنه ولفنه سويه بديباج وكال ...
سند.... شنو اسئلتج
نور.... شنو معنى زنا؟
ركز عيونه بعيوني واني منتضرته يحجي دنك خله خشمه ع خشمي وخلاهن واحد ع واحد وغمض عيونه وكال ...
سند... اسئلتج كلها طايحة حظ لو مسائل احسن
نور.... انته شعليك اريد اعررف وخررر عني
بعد خشمه من خشمي وخله وجهه بركبتي وهمس ..
سند.... الزنا هو ما يمارس العلاقة الزوجيه من دون زواج وميت الف واحد نايم وشابع بيها ويجي يغيره هم ينام
نور.... عيييع شلون نفسهم تتقبل هيج ما تلعب نفسهم
سند.... ما ادري
نور.... انته هم سويت؟
سند.... شسويت؟
نور.... زنا؟
سند.... لا هو علاقتي ويه مروه جانت من اسبوع لسبوعين وحتى مرات اشهر ما اطخها وروح ازني لا
نور.... ليش ما تقرب الها؟
سند... اشش بابا لا تسئلين هواي
نور.... لا عفيه كلي ليش
سند.... نعسان
درت عليه هو خال وجهه بركبتي ومغمض عيونه كرصت طرف خده وهمست ...
نور.... سندد سنديي سنوددي سننود
سند.... لا تدلعين روحي مسلوبه ونوب تدلع هو انه عاايز
مشيت ايدي ع خده وصلت لعيونه رفعت الجفن ورجعت نزلته هو ماكو ما يتحرك ...
نور.... سند جاوبني ليش ما تتقرب الها فضولي موتني
سند.... بابا نامي كافي سئلين
نور.... زعلت وراح اروح يم عمه وخرر
ما خلاني اوخر ضماني ع صدره حيل ولف ايديه عليه ثنينهن وهمس ...
سند.... اسئلي غير سؤال عوفي هذا
نور.... ليش
سند.... ما احب اسولف بي
نور.... امممم خلي افكر
سند... يلا فكري
هو حاضني واني امشي ايده ع دكم قميصه فتحت اول دكه هو مغمض فتحت الثانيه ما تحرك فتحت الثالثه هم نفس الشي باوعتله غافي ورايح بسابع نوم ...
فتحت دكم قميصه كلهن وصار صدره عاري خليت ايده ع صدره هو انفاسه صارت تضرب بركبتي ...
سند.... ليش الوكاحه بنيتي
نور.... انزعه ضوجني
سند.... هاي هيه انزعه
كام بعدني وطلع من الديباج شمر قميصه وراح طفه الضوه واجه عدل الديباج وتمدد وفتحلي ايده رحت نمت عليها جراني ع صدره وغطاني وحضني بثنين ايديه ...
نور.... بعد نص ساعه وياذن مو زين النوم بالمغرب
سند.... اششش اسوالف العجايز ما احبهن خلي انام وروح صلي تعبان نور عيوني يوجعني
ما حجيت شي رفعت ايده حاوطت خصره باليدي ودفنت راسي بصدره هو هدء صوته وبسرعه غفه جان تعبان كلش ... اني كلت ما انام حتى اصلي بس اخذتني النومه بدون ما احسس ...
كعدنه اني وسندد فاازين ع دكت الباب وصووت ام سند تصييح وتبجي كام سند بسرعه شغل الضووه اخذ قمييصه وطلع كمت ورا اخذت شالي ونزللت ...
