رواية ذئاب بلا رحمة الفصل التاسع و العشرون 29 بقلم خديجة السيد

شهاب باستغراب : ليه ؟ 

الكينج : البوص يبقي عمك زين ! 

شهاب بصدمه كبير : نعم ازاي و عمي مات من زمان 

الكينج : ده اللي انت فكروا بس الحقيقه هو عايش و باسم تاني كمان 

شهاب : وانت عرفت ازاي ، عرفت كمان منين انه يبقي عمي 

الكينج : زين المغازي ده انا جيتله و هو ساعديني اني اخد حقي من اللي اغتصب مراتي و قتل ابني ،هو كمان اللي خلاني اكمل شغل معاهم وابقي الكينج ، هو طبعا مستحيل يقولي انه هو البوص ، كان مفهمني انه واحد عادي بيشتغل معاهم ، بس من مده شكيت في روما اللي بتشتغل معايا هي كانت نقطه الوصل بيني و بين البوص انا عمري ما شوفته وهو كان حريص علي كده ،بس روما دائما لما تكون عاوزه حاجه مني بتقولي هقول للبوص وهو ينفذها علي طول و بتتكلم معايا علي اساس ان هي اللي بتامروا مش هو ، شكيت فيها اني في حاجه و طبيعه شغلي عدم الثقه في حد و كان لازم اعرف كل حاجه كبير و صغيره عشان لو اتغدر بيا منهم 

   

وكلفت رماح اللي بيشتغل معايا انه يراقب روما لما بتسافر ، وكانت المفاجاه انها بتسافر هنا في مصر مش بره ذي ما مفهماني ، و رماح جبلي المعلومات عنه و صور لي ، انا اول ما شوفت الصور انصدمت لاني كنت مفكره ذيك مات ذي ما الجرائد كتبت ، بس اتضح ليا ، انه عمل كده عشان القضيه اللي قتل فيها اخوه خاف تتعرف و يتعرف كمان انه الرأس الكبير لي تجاره السلاح ، و انت لما حكيت قصتك عرفت انه هو 

  

شهاب بصدمه و غضب : يعني ايه كل ده و عايش و كمان بيشتغل في تجاره سلاح ابن*** بيضحك علينا كلنا ومفهمني انه مات عشان ما يتحكمش عليه و هو يفضل عايش حياته 

الكينج : طالما هو عمك يبقي روما بنت عمك عشان هو طلع ابوها وهي كانت مخبيه 

شهاب بصدمه : بنت عمي.... مين روما دي أصلا ؟ 

الكينج : الوسيطه بيني و بين البوص 

شهاب بتوعيد : يعني زين اللي كنت باتمنى يعيش طلع حي ، و هو كمان الراس الكبير ، ده كده احلوت اوي ، سالم انت لازم تحكي كل حاجه تعرفها عشان اقدر اقبض عليه

الكينج : .............)

***

بعد مرور أيام.......! 

في فيلا شهاب :- 

طق طق طق

قمر من الداخل : ادخل 

حياه تدخل : هعطلك عن حاجه يا حبيبتي 

قمر : لا يا ماما طبعا تعالي ، انا كنت بكلم عبد الرحمن و خلصت

حياه تقرب : اصل مفيش حد غيرك و غيري في الفيلا ، انتي كنتي بتقعدي لوحدك هنا علي طول 

قمر بحزن: في الاول كنت لوحدي بره مصر ، بس لما رجعت كنت بقعد مع ياسمينا و كنا بنتسلى مع بعض 

حياه باستغراب : ياسمينا مين ؟ 

قمر بزعل : ياسمينا مرات ابيه شهاب بس هما دلوقتي أطلقوا خلاص 

حياه بصدمه : هو شهاب كان متجوز و طلق

قمر : ايوه يا ماما معاني كانوا بيحبوا بعض اوي ، و ابيه شهاب لما بعد عنها وسيبها تعب اوي 

حياه بتعجب : طب طالما بيحبوا بعض اطلقوا ليه ؟ 

****

في فيلا شهاب :- 

الكينج يتنهد : بس ده كل اللي اعرفه 

شهاب : كويس جدآ ، انا هكلف حد يراقب روما عشان اعرف مكان زين 

الكينج بقلق : هو انا وضعيه هيكون ايه ، ومن فضلك ياريت تبقي صريح معايا و بلاش حكايه شاهد ملك دي 

شهاب يتنهد ويقول بوضوح : بص هو انت صح.. انا كنت بكذب عليك ، لاني واحد بكل اللي عمله ذيك صعب احوله في القضيه شاهد ملك ، و بعدين الحكم هيبقي في المحكمه ، يعني القاضي هو اللي يحكم يعني مش بأيدي للاسف 

الكينج بحزن : خلاص مش فارقه معايا انا غلطان و لازم اتعاقب ، بس وحياه اغلي حاجه عندك مراتي و بنتي في امنتك خلي بالك منهم ، هما دول اللي فارقين معايا بجد 

شهاب يطمنه : ماتقلقش عليهم 

الكينج بشرود : انا زمان مشيت في طريق غلط عشانهم ، المره دي همشي في طريق صح وانا خايف عليهم اوي ، ممكن يعملوا  ليهم حاجه 

شهاب : يا سالم ماتقلقش ولله هحافظ عليهم ذي عائلتي بالظبط ، اقولك علي حاجه عشان تصدق اني هاحميهم انا هروح اجيبهم من القصر لي بيتي يعيشوا معايا، ومع ماما و قمر أختي وهبقي هناك مطمن عليهم اكتر 

الكينج بامتنان : شكراً

شهاب بجدية : علي ايه ده واجبي ، بس انت معاك حق ممكن يعملوا ليهم حاجه ، انا كمان لازم اجيب ياسمينا تقعد في الفيلا معاهم هي كمان 

***

في شقه شريف :- 

ام شريف : بقولك ايه يا شريف مش هتعمل فرحك انت و شهد بقي ، النتيجه بتاعتها وظهرت خلاص نستنى ايه تاني 

شريف بتفكير: ماشي مفيش مانع انا لسه هكلمك في الموضوع شوفوا انتم و اتفقي مع شهد على الميعاد اللي يناسبها و انا هنزل عشان اشتري العفش 

ام شريف بشك : يعني انت عاوز تتجوزها بجد

شريف باستغراب : طب ما انا متجوزها فعلا يا ماما وهي مراتي 

ام شريف : ايوه بس انا اللي غصبت عليك تتجوزها عشان موضوع ابوها ، مش انت اللي عاوز كده 

شهاب يتنهد : ماتقلقيش يا ماما انا عاوز اتجوز شهد و مش هلاقي احسن منها ، كفايه انها بتحبني 

ام شريف بفرحه : اه ولله يا شريف شهد بتحبك اوي ومش هتلاقي احسن منها 

شريف يهز راسه و شهد تدخل فجاه عليهم

ام شريف ابتسمت :شهد تعالي انا و شريف لسه كنا بنتكلم عن فرحكم تحبي المعادي يكون امتي 

شهد :________

شريف : قولي يا شهد عاوزاه المعاد امتي 

امه شريف : قولي يا شهد وما تتكسفيش

شهد بحزن : انت كنت عارف اني بحبك 

شريف بدهشة : انتي هنا من امتي 

شهد بألم : من ساعه لما مش هتلاقي احسن مني عشان بحبك ، شكرا اوي يا خالتي ، و مفيش فرح عشان مش محتاجه شفقه من حد (وتدخل اوضتها)

شريف بقلق: شهد استني 

****

عند الكينج و شهاب.....؟! 

الكينج بضيق : يعني انا مينفعش اخرج من هنا 

شهاب : لا طبعا هما اكيد عرفوا من روما انك اتقبض عليك 

الكينج بحزن : بس زينه مراتي مش هترضي تاجي معاك ، و كمان نفسي اكلمها واطمن عليها هي و بنتي كمان

شهاب بتفكير : طب يبقي نشوف الموضوع ده ، المهم لما نعرف مكان زين و نقبض عليه هتاجي و تخرج معايا عشان نعرف مكان المخزن السلاح فين 

الكينج بتردد : هو انا ممكن يجرا لي حاجه 

شهاب يبصله اوي : ده حاجه بأيدي ربنا ، و ان شاء مش هيحصل حاجه 

الكينج :_______

شهاب : ايه خايف 

الكينج بألم : خايف لما اموت... مين اللي هيخلي باله من زينه و هديه و ابني اللي جاي و خصوصا عمليه هديه 

شهاب باستغراب : هي بنتك مالها 

الكينج بحزن : عندها القلب كنت هعمل ليها العمليه بفلوس حرام ، بس رجعت في كلامي في اخر لحظه ، و مش عارف اذا موت او اتسجنت هي وضعها هيكون ايه 

شهاب بعد تفكير : انا ممكن اخلي العمليه تتعمل ، علي نفقه الدوله ، و هخلي الاجراءت  تجهز بسرعه 

الكينج بفرحه : انت بتتكلم جد 

شهاب ابتسم : ايوه طبعا 

الكينج : ده يبقي جميل بجد عمري ما هانسى ليك طول حياتي 

شهاب : ما تقولش كده انت بتساعدني ، وانا كمان لازم اساعدك 

الكينج : ممكن طلب أخيرا 

شهاب : اتفضل 

الكينج : رماح هو ملوش ذنب هو برضه اتحط في تجارب صعبه وصلته لكده ، وهو كمان ممكن يساعدك 

شهاب : طب هبقي اشوف ، المهم دلوقتي انا هروح لي زينه القصر و هاخليها تكلمك عشان تروح معايا ، بس اوعي تعرفها حاجه 

الكينج : ماشي 

****

في شقه شريف :- 

شريف بحزم : شهد قلت استني 

شهد بدموع: استني ايه تاني في حاجه مخبيها عليا تاني   

شريف يتنهد : يا شهد افهميني و اسمعي انا اه عارف انك بتحبني بس مش عاوز اتجوزك عشان كده 

شهد : امال عشان ايه ...اه عشان موضوع ابويا

شريف بجدية : ولا كده ، يا شهد انا حبيتك بجد ، عشان كده عاوز اتجوزك 

شهد بعدم اقتناع : يا سلام و لحقت امتي تحبني ، ولا عشان مش لقيت غيري و الست ياسمينا خلاص اتجوزت و حبه غيرك 

شريف بوضوح : طب لو عاوز ياسمينا ما هي قدامي اهي ، و اطلقت كمان

شهد بحزن : بس بتحب غيرك ، و اهو بترد كرامتك علي حسابي انا  

شريف بترجي : يا شهد افهمي ، انا بحبك انتي والله العظيم بحبك و ياسمينا خلاص فتره وعدت من حياتي و بطلت ولله افكر فيهم 

شهد بجدية و الم: حتي لو بتحبني ، انا اللي مش عاوزك يا شريف 

***

في فيلا شهاب :- 

شهاب يدخل : ازيك يا ماما قاعده كده ليه في حاجه

حياه ابتسمت : لا يا حبيبي مفيش كنت قاعده مع قمر بس هي دخلت جوه تعمل حاجه

شهاب يقعد جنبها : وحشتني اوي 

حياه بحب : وانت كمان ، قولي صحيح يا شهاب انت كنت متجوز صحيح  

شهاب بدهشة : عرفتي منين ؟ 

حياه: عرفت بالصدفه من قمر ، ما كنتش عاوزاني اعرف ولا ايه 

شهاب بحزن : لا مش كده بس خلاص اطلقنا و كلامك ولا هياخر ولا هيقدم حاجه و عمرنا  ما هنرجع لبعض، عشان كده ما حبتش اقولك  

حياه : شكلك بتحبها طب ليه سبتها وطلقتها 

شهاب يتنهد : ده موضوع طويل اوي 

حياه : احكي يا حبيبي انا سماعك    

شهاب يبصلها اوي : حاضر بس متزعليش من اللي هحكي ...........) 

حياه تتصدم من اللي سمعته 

شهاب بحزن : زعلتي مني صح ، اكيد دلوقتي شايفاني ذي بابا الله يرحمه

حياه : لا يا حبيبي متقولش كده ، انت ملكش ذنب في حاجه ، انت كنت ضحية الماضي انا و ابوك ، طب ما تحاول ترجعها طالما بتحبك و تحكيلها اللي حصل 

شهاب : بلاش احسن انا و ياسمينا وصلنا لسد مع بعض ، المهم في واحد صاحبي مراته هتاجي هي وبنتها هنا عاوزكي تستضيفيهم و تخلي بالك منهم 

****

في قصر الكينج :- 

زينه ريحه جايه ماسكه التلفون بتتصل بي الكينج.....!  

زينه بقلق : وبعدين بقي ما بيردش ليه و تليفونة كمان مقفول ، انا ابتديت اقلق 

نورهان : يا زينه بطلي قلق و أن شاء الله خير

زينه بضيق : طب ما بيردش عليا ليه ؟ 

نورهان : ممكن عشان اللي عملتيه قبل ما يسافر 

زينه بحزن : برضه كان هيطمئن عليا ، يارب يكون كويس 

طق طق طق 

زينه : ادخل 

الخدامه تدخل : في واحد يا هانم تحت عاوز حضرتك بيقول في حاجه مهم جدآ و مينفعش تتأخر

زينه باستغراب : واحد عاوزاني انا مين دي 

الخدامه : بيقول اسمه شهاب...! 

***

في الخارج :-

زينه تنزل : ايوه حضرتك عاوزاني 

شهاب : ايوه انا شهاب و جي من طرف سالم 

زينه بلهفه : سالم ! قصدك الكينج ، طب هو فين ، اوعي تقول جريله حاجه  

شهاب يطمنها : اهدي يا مدام هو كويس 

زينه بحزن : طب هو فين وليه ما بيردش علي تليفونه ؟ 

شهاب : بصي هو كويس ، وممكن اخليكي تكلمي من تلفوني ، ثانيه واحده 

شريف يطلع تلفونه و يتصل بيه 

الكينج بلهفه : الو يا زينه

شهاب يديها التلفون : اهو رد اهو اتفضلي 

زينه تاخد التلفون منه بسرعه وترد : الو يا سالم كده تسيبني كل المده دي قلقانه عليك ، انت زعلان مني انا اسفه بس ارجع... انت وحشتني اوي 

الكينج بحزن : اهدي يا حبيبتي انا كويس ، و مش زعلان منك ولا حاجه 

زينه بدموع : طب انت فين ؟ 

الكينج بتاثر : مش هقدر أقول لك بس عاوزك تسمعني كويس ، روحي مع شهاب مكان ما هيوديك انتي و هديه وخلي بالك من نفسك 

زينه باستغراب : اروح معاه ليه ، هو في ايه بالظبط 

الكينج : زينه عشان خاطري اسمعي الكلام ، كده امان ليكي انتي و هديه 

زينه بقله حيله : حاضر .. طب مش هترجع انت وحشتني اوي

شهاب سامع بتاثر و يفتكر ياسمينا......! 

الكينج يبتسم وسط دموعه : وانتي كمان خلي بالك من نفسك يا حبيبتي و من ابننا  

زينه تحط ايدها علي بطنها : حاضر 

الكينج : زينه عاوزك متزعليش مني مهما عملت وتعرفي اني بحبك اوي ، و عمري ما حبيت غيرك حتي لما كنت بعمل عكس كده  كان غصب عني ، حتي لما كنت عايز انزل اللي في بطنك ، كان غصب عني برضه ، انا اسف اسف علي كل حاجه عملتها معاكي وحشه انا عارف اني اذيتك كتير ، انا اسف 

زينه تقلق من كلامه : انا عمري ما زعلت منك ، و انت قدمت لي كتير اوي 

الكينج : بتحبني 

زينه : انت بتسال بعد كل ده 

الكينج يعيد السؤال: بتحبني عاوز رد 

زينه :  بحبك جدآ انا مليش غيرك 

الكينج : خلي بالك من نفسك 

زينه : حاضر يا كينج 

الكينج : تؤ سالم يا زينه ... سلام 

زينه تقفل و تستغرب من طريقه كلامه 

شهاب : احم اطمنتي عليه 

زينه تبص لي شهاب : ااه هو في حاجه حصلت

شهاب : لا خالص ممكن بس تجهزي انتي وهديه عشان منتاخرش 

زينه تتنهيد : حاضر (وتطلع)

رماح يدخل بتعجب : انت مين ؟ و بتعمل هنا ايه ؟ 

شهاب يبصله : انت رماح 

رماح بدهشة : انت عارفني منين

شهاب : ايوه انا الرائد شهاب و جي من طرف سالم 

رماح بصدمه : رائد .....! 

***

في شقه ياسمينا :- 

طق طق طق 

ياسمينا تفتح الباب و بصدمه : شـ شهاب انت اللي جابك هنا 

شهاب باشتياق : ازيك يا ياسمينا وحشتني 

ياسمينا تفتكر اللي عمله فيها  : امشي يا شهاب مش طايقه اشوفك وانا كنت خلاص بحاول ارجع لحياتي ذي ما كنت في الاول ، اللي فكرك بيا 

شهاب بحزن : انا عمري ما نسيتك يا ياسمينا ، انا اسف علي حاجه عملتها فيكي 

ياسمينا ببكاء وغضب : اسف علي ايه علي قله ادبك معايا ولا علي شكك فيا ولا علي ابني اللي كنت السبب في موتة و علي استغلالك اني فاقده الذاكره ، ولا علي اغتصابك ليا كل يوم لما كنت حابسني ، ابعد عني بقي انت ايه مش بتحس يا اخي ، انت ذبحتني عارف يعني ايه ذبحتني ، كل مره كنت بترجاك انك تسمعني بس انت ما سمعتنيش وما سمعتش غير نفسك ، انت خلاص ذبحتني بسكينه بارده ابعد عني و سيبني في حال بقي..... 

شهاب كان بيسمعها و قلب بيتقطع عشانها....

شهاب بألم : حاضر يا ياسمينا هسيبك ومش هقرب منك تاني ، بس انتي في خطر بسببي.. في قضيه شغال عليها وممكن تتاذى ، وانا كنت جاي عشان اخدك الفيلا و تقعدي هناك و متخافيش مش هقرب ليكي و لا هبقي موجود 

ياسمينا بتحدي : و انا مش خايفه منك و مش محتاجه حمايه كمان

شهاب : يا ياسمينا بلاش عند عشان خاطري تعالي وانا مش هبقي موجود ، انتي هتقعدي مع قمر و ماما ! وبعد كده ارجعي براحتك  

ياسمينا بصدمه : ماما ؟ 

***

في فيلا شهاب :- 

حياه بابتسامه : بنتك شكلها حلو اوي يا زينه 

زينه : شكرا بس هي بنت جوزي مش بنتي 

حياه : بجد معاني شكلها متعلقه بيكي اوي وبتحبك ، انتي شكلك طيبه اوي 

زينه ابتسمت مجامله: ربنا يخليكي ده من ذوقك 

و فجاه شهاب يدخل هو و ياسمينا 

شهاب : سلام عليكم 

حياه / زينه : عليكم السلام 

حياه ابتسمت : دي ياسمينا 

شهاب : ايوه يا ماما هي دي

ياسمينا في نفسها : يعني عندك ام و ما قلتليش للدرجه دي مش مهمه عندك يا شهاب 

شهاب : انا همشي انا يا ماما عاوزاه حاجه مني 

حياه : لا ياحبيبي ، مع السلامه انت  

شهاب : ماشي عند اذنكم (ويمشي)

حياه : تعالي يا حبيبتي قريبي 

ياسمينا تقرب و تقعد جنبهم و تبص لي زينه وعلي بطنها بشك....!؟ 

***

بعد يوم.....! 

في قسم الشرطه :- 

عبد الرحمن يدخل بسرعه : شهاب عرفنا مكان زين فين ؟؟ 

شهاب يقوم بسرعه : بجد طب كويس جدآ ، اجهزوا و انا هروح اخد اذن من اللواء 

عبد الرحمن : ماشي بس.. 

شهاب : بس ايه يلا بسرعه 

عبد الرحمن : شهاب كنت عاوز اقولك ، اننا ضباط و وظيفتنا بس الحمايه ، هاه بلاش تعمل حاجه تندم عليها 

شهاب يبصله اوي : قصدك ايه 

عبد الرحمن بجدية: قصدي عمك زين انا عارف اللي في دماغك كويس ،و بلاش يا شهاب انت دلوقتي عندك اللي تخاف عليه 

شهاب يسكت شويه و يفكر : يلا روح ..وانا هجيب سالم عشان اكيد هيفيدنا  

***

شهاب : خد يا سالم دي بدلة الشرطه دي هتلبسها علي اساس انك واحد مننا عشان محدش يحس بحاجه 

الكينج يتنهد : ماشي ... 

شهاب : طب يلا بسرعه انا هستناك بره 

الكينج بتردد : هو انا ممكن مرجعش معاكم 

شهاب بضيق : تاني يا سالم ما بلاش الكلام ده 

الكينج : طب ممكن طلب أخيرا ، خد الجواب ده و لو حصل لي حاجه ادي لي زينه 

شهاب يتنهد : ماشي .. 

****

""في مكان ما""

زين بغضب : يعني اتقبض عليهم و انتي جايه ليا هنا ..افرضي حتي مراقبك و عرف مكاني 

روما : كنت عاوزاه اوصلك بسرعه.. يا بابا مكنش قدامي حل غير كده 

زين بضيق : هي فيها حل ، ما البوليس قبض عليهم و عرف كل حاجه خلاص 

روما بخوف : تفتكر الكينج ممكن يقول حاجه او يعترف علينا 

زين بثقه : قصدك سالم ، ده انا اللي مربيه و معرفه اصول الشغل ، ما افتكرش ممكن يعترف علينا 

و فجاه يسمعوا اصوات ضرب نار بره 

روما بخوف : ايه ده في ايه 

زين بقلق : معرفش تعالي نستخبى تحت بسرعه 

و قبل ما يتحركوا الباب يتفتح جامد و ثلات يدخلوا من الشرطه و القناع علي وشهم

شهاب يدخل : كل واحد مكانه ولا حركه 

زين و روما يقفوا بخوف  

شهاب يبصله بغل و يشيل القناع : ايه مش عارفني  

زين بصدمه : شـ شهاب 

شهاب بسخرية : الله كمان عارفني شكلك متابعني كويس 

زين بسخرية : ايه هتقبض علي عمك 

شهاب بحده : بس ماتقولش عمي ، انت اوسخ واحد شوفته بحياتي ، ده انا مستني اليوم ده من زمان ، ده انا كنت باتمنى انك ترجع من التربه عشان اخلص عليك بأيدي، لا مش كفايه زباله و وسخ** لا كمان تجاره سلاح ده انت عار علي العيله 

زين باستهزاء : العيله ما جدك كمان كان بيتاجر في السلاح 

شهاب بدهشة : كمان جدي ، بس مش مصدوم اللي يحرم ام من عيالها يعمل اكتر من كده ، طب ابويا هو كمان كان معاكم 

زين : لا ابوك كان جبان ملوش في شغلنا ، وانا ما تفكرش هتقدر تقبض عليا و اتحاكم و انت تشمت فيا عادي انا ورايا ناس ثقيله اوي 

شهاب : و مين قالك اني هستني لما يتحكم عليك ، انا هخلص عليك دلوقتي (و يرفع المسدس في وشه)

زين بخوف : انت هتعمل ايه يا مجنون

عبد الرحمن : شهاب نزل المسدس و بلاش تضيع نفسك 

شهاب بحقد : إلا ده ، ده هو السبب في كل حاجه حصلت ليا في حياتي لازم يموت  

الكينج من الخلف : شهاب بلاش مش انت اللي كنت بتقولي احنا مش عايشين في غابه ، ده مش مبرر سلمة للبوليس وخلاص  

زين يعرفة من صوته : سالم هو انت اللي سلمتني بعد ما ساعدتك تنتقم ، تعمل كده 

الكينج : قصدك بعد ما ضيعتني

شهاب بحده : مش بقولك عاوز القتل 

الكينج : شهاب نزل المسدس احسن ليك و بلاش تضيع مستقبلك و فكر في والدتك واختك 

عبد الرحمن : ايوه سالم معاه حق شهاب بلاش

هو كده او كده هيتحكم علية

شهاب يهدي شويه يفكر في امه و يتنهد و ينزل المسدس ، و الكينج و عبد الرحمن يتنفسوا بارتياح ، و في نفس الوقت زين يطلع مسدس من رجله و يصوب ناحيه الكينج و يطلق رصاص، بس شهاب ياخد باله و يقف قدامه و يضرب هو كمان ، و الكينج و شهاب يقعوا علي الارض 

عبد الرحمن بذعر : شهاااااب 

زين يقع علي الارض و يفقد الوعي 

شهاب يبص لزين بضيق مكنش عاوز يعمل كده 

عبد الرحمن بقلق : شهاب انت كويس 

شهاب : انا كويس ماتقلقش 

عبد الرحمن بارتياح : الحمد الله يل...

شهاب : في ايه (يلف بصدمه) ساااالم

***          

في صباح يوم جديد 

زينه قاعده قلبها مقبوض من اخر مكالمه من الكينج.....! 

ياسمينا تدخل : احم قاعده لوحدك ليه 

زينه بانتباه : عادي مفيش 

ياسمينا باحراج : ممكن اقعد معاكي 

زينه : اه طبعا اتفضلي اكيد 

ياسمينا تقعد : انتي في الشهر الكام 

زينه تحط ايدها علي بطنها : لسه في الشهر السادس 

ياسمينا ابتسمت : ربنا يتمملك علي خير 

زينه : شكرآ عقبالك ، انتي كمان 

ياسمينا تبص علي بطنها بشرود : اقولك علي سر محدش يعرفة

زينه تبصلها وتهز راسها : قولي 

ياسمينا : انا حامل بس ابوه ميعرفش 

زينه باستغراب : بجد مبروك بس ليه مهما كان بينكم مشاكل اكيد الحمل هيصلح اللي بينكم 

ولازم يعرف ان لي ابن 

ياسمينا يتنهد : أن شاء الله ، مالك بقي شكلك مش كويسه ، الحمل تعبك ولا حاجه

زينه بحزن : لا بس خايفه علي ابوه اوي 

ياسمينا : بتحبي  

زينه بحب : سالم ده الحاجه الجميله اللي طلعت بيها من الدنيا 

ياسمينا تبتسم ليها و يسمعوا صوت عربيه تحت 

ياسمينا تقوم و تبص من الشباك : ده شهاب جي 

زينه تقوم بلهفه : يبقي سالم كمان جي (  تنزل بسرعه ) 

***

في الخارج :-

شهاب ينزل من العربيه و يلمح زينه جايه يتنهد بحزن في نفسه : أقولها ايه بس 

زينه تقرب عليه و تبص وراء : هو فين سالم ؟ 

شهاب بارتباك واضح : هو ..هو يعني اتفضلي الجواب ده وانتي تعرفي كل حاجه 

زينه تبصله اوي و تاخد الجواب و تقرأه : 

حبيبتي زينه ، ايوه حبيبتي و هتفضلي حبيبتي طول العمر ، حبي الاول و الأخير ،  

لو الجواب وصلك يبقي انا كده خلاص وصلت للمكان اللي نفسك في ، انا اليوم اللي رحت فيه عشان اسلم بضاعه سلاح ، ماغبتيش عن بالي لحظه واحده كلامك كان عمال يرن في ودني و قررت اني لازم ابطل عشانك و عشان ولادنا ، بس اتقبض عليا في نفسه اللحظه اللي قررت اني لازم ابطل ، بس كان مصلحه ليا ، وقعت مع ظابط كويس و سمعني وصدقني و اتفقت معاه يحميكي و انا اعترفت علي كل حاجه عارفها و يقبض علي باقي الناس ، فعلا وصلنا لكده و لاول مره احس اني بعمل حاجه كويس بجد ، انا اسف يا زينه عشان مسمعتش كلامك من الاول و بعت ، هتلاقي مبلغ في البنك باسمك متخافيش دي فلوس حلال كانت حته ارض ليا و البيت بتاعي القديم بعتهم و حاططهم ليكي باسمك ، ابدئي من جديد بيهم انتي و الأولاد ، انا عارف اني سايبلك حمل كبير بس انا متاكد انك قدوة ، و عمليه هديه شهاب هيعملها علي نفقه الدوله و هو جهز الاجراءت كلها و بلاش تقولي ليها اللي حصل  هي تعبانه ممكن ما تستحملش ، لو الجواب ده وصلك ابقي خلاص انا وصلت للموت.......  

زينه تبص لشهاب : انت تقصد ايه باللي في الجواب ده اني سالم مات لاااا سالم وعدني  انه مش هيسيبني لااا انت كداب 

شهاب بحزن : انا اسف يا زينه بس هو فعلا مات ، و الجثه بتاعته في المستشفى ما لحقنهوش للاسف  

زينه بصراخ : لاااا لاااا ساااااااالم