رواية ذئاب بلا رحمة الفصل الثلاثون 30 بقلم خديجة السيد

في المستشفي :- 

الدكتور يطلع من غرفه زينه و شهاب و ياسمينا يجروا عليه بسرعه 

شهاب بخوف : طمني يا دكتور حالتها ايه 

الدكتور : صدمه عصبيه شديد اوي 

ياسمينا بقلق : طب و ابنها عامل إيه ..هي حامل 

الدكتور : هو كويس طول ما هي حالتها مستقره الطفل بخير 

شهاب براحه : يعني هتبقي كويسه يا دكتور 

الدكتور : ان شاء الله بس حاولي تبعدوها عن اي حاجه ممكن تزعلها عشانها و عشان الجنين ( شهاب يهز راسه و يمشي الدكتور )

ياسمينا : ما تقلقش يا شهاب ان شاء الله هتبقي كويسه 

شهاب بتنهيد : يارب يا ياسمينا يارب اخر حاجه وصاني عليها سالم كانت هي ، يارب ما يحصلها حاجه ليها و لا اللي في بطنها 

***

بعد عده ايام في قسم الشرطه :- 

اللواء بغضب : يعني كان في واحد من العصابه معاك و مات كمان وانت مخبيه عندك 

شهاب بتنهيد : كان لازم اعمل كده عشان اقدر اوصل لي باقي العصابه و فعلا وصلت بسببه هو.. بس للاسف مقدرتش احميه

اللواء بحده: برضه مش مبرر يا شهاب ، انت ذي ابني ممكن اجزيك علي عملتك دي 

شهاب : انا اسف عارف انه غلطان بس مكنش قدامي حل غير كده ، و انا قدامك اهو ..و مستعد لي ايه مسألة قانونيه 

اللواء : ماشي يا شهاب بس اخر مره تتصرف من ورايا ، و مبروك عليك الترقيه 

شهاب بسخرية من نفسه : مبروك وانا مقدرتش احميه 

اللواء : ده نصيبه يا شهاب متحملش الغلط من عندك انت 

****

في المستشفي :- 

زينه تفتح عيونها بتعب و تبص حولها 

ياسمينا بلهفه : زينه انتي كويسه يا حبيبتي

زينه بتعب وارهاق : سالم .. فين سالم 

ياسمينا بحزن : ادعيله برحمه يا زينه هو مش مبسوط و هو شايفك كده

زينه ببكاء بحرقه : لااا سالم.. انا السبب يا ريتني ما كنت خليته يبعد عنهم اهو هو اللي راح مني اااه يا سالم 

ياسمينا تحضنها : اهدي يا زينه و ما تعمليش في نفسك كده 

زينه بألم : ااااه فراقه صعب عليا اوي ، عاوزاه اشوفه ، عاوزاه اشوف جثته قبل ما تدفن 

ياسمينا بحزن : دفنوا خلاص يا زينه ، انتي هنا بقالك يومين 

زينه ببكاء حاره : كمان ، كان نفسي اشوفه حتي لو اخر مره 

*** 

في شقه شريف :- طق طق طق 

شريف يفتح الباب و يتفاجاه بي : انت اللي جابك يا راجل انت 

انس : ازيك يا ابني انا كنت عاوز اقابل شهد 

بنتي

شريف بغضب : وهي مش عاوزاه تقابلك اتفضل امشي من هنا 

انس : طب خليني اقابلها واتكلم معاها وهي حره بعد كده 

شريف بحده : قلتلك امشي من هنا ، هي خلاص بقيت مراتي و ملكش دعوه بيها 

أم شريف تطلع : انس انت اللي جابك هنا 

انس بتعب مصطنع : انا بموت يا ام شريف و عاوز بنتي جانبي و محتاج ليها وعاوزها تسامحني قبل ما اموت 

شريف بعد اقتناع : يا سلام واحنا هنصدق الهبل ده ، وشهد مش هترضى تروح معاك أصلا.. يلا من هنا

شهد من الخلف : بس انا بقي هروح معاه 

شريف يبصلها بصدمه 

ام شريف : شهد انتي بتقولي ايه ده نصاب و بيضحك عليكي ما تصدقهوش 

انس بعطف مصطنع : الله يسامحك ده انا عيان وعندي المرض الوحش 

شهد بتردد: و انا مصدقه وهروح معاه ، ثانيه واحده هاغير هدومي وهاجي معاك 

شريف بحده : ومين هيسمحلك تروحي انتي ناسيه انك مراتي 

شهد بلا مبالاه : عادي.. هنطلق 

شريف بصدمه أكبر : نطلق.. عاوزه تطلقي مني يا شهد؟ 

***

في فيلا شهاب :- 

حياه : بتعملي ايه يا ياسمينا 

ياسمينا : بلم هدومي عشان امشي يا طنط ، خلاص شهاب خلص القضيه بتاعته استني ايه تاني 

حياه : تستني عشان جوزك اللي بتحبي و بيحبك هو كمان

ياسمينا بسخرية : اه بيحبني بامره انه لي ام و مخبي عني 

حياه : انتي فاهمه غلط يا ياسمينا و انا هقول ليكي الصح رغم ان شهاب كان محرج عليا اقول حاجه ليكي

ياسمينا باستغراب : هو في ايه ؟؟؟ 

حياه تبدا تحكي كل حاجه و ياسمينا تتصدم من اللي سمعته اوي.....

****

بارك الله لكما و بارك عليكما وجمع بينكما بالخير ، كان كلمات المأذون يختم كتب كتاب نور و علي .."

في منزل علي :- 

علي يدخل و يقفل باب الشقه و يبص لي نور اللي مكسوفه وحطي وشها في الارض 

علي يقرب عليها و يرفع وشها : أخيرا يا نور بقيتي ليا لوحدي ، مش مصدق حاسس اني بحلم 

نور بخجل : لا حقيقي وانا معاك و بين ايديك

علي يبتسم بحب و يقربها ويحضنها اوي : انا بحبك اوي يا نور و اسف علي كل حاجه عملتها معاكي زمان ، اسف اني سبتك و اسف اني عذبتك معايا و كنت هبقي لغيرك 

نور تحضنة ليها اكتر : خلاص يا علي ده كان هيحصل ليا سواء انت السبب ولا غيرك ، وقولتلك قبل كده لازم ننسي عشان نعيش اللي جاي 

علي يبعدها برفق : معاكي حق لازم نعيش اللي جاي ، ادخلي صلي عشان نبداها صح

نور ابتسمت لي بحب : ماشي 

بعد انتهائهم من الصلاه و قراءه الدعاء....! 

علي : احم نور لو مش جاهزه دلوقتي عادي مش هزعل ممكن وقت تاني ، احنا قدامنا العمر طول 

نور تبتسم بفرحه داخلها و تقرب وتلف أيدها حول رقبته و تدفن وشها : انا بحبك اوي 

علي ينزل أيدها برفق وهو ينشر عليها قبلاته : وانا بموت فيكي....

يدخلها بعد كده داخل احضانه و يطبع قبله خفيفه علي شفايفها وما يقدرش يستنى اكثر من كده ويحمر وشها من الخجل و يقرب منها و يحملها و ينزلها علي السرير و يتذوق شفايفها مره ثانيه...و ثالث... ورابعه...و يعمق اكثر حتي يدخلها في بحور عشقهم و يرتوي منه....

بعد مده طويله بينهما 

نور بخجل شديد: مش هتنام 

علي بشغف : بقي انا مستني اللحظه دي عشان انام 

نور ابتسمت : يعني هتفضل صاحي كده 

علي بحب : ايوه عشان اتاكد انك خلاص بقيتي في حضني للأبد

نور تبتسم علي كلامه و علي يشدها لحضنه و يضمها اوي.....

****

في بيت ما :- 

انس بانتصار : تعالي يا شهد يا بنتي ادخلي 

شهد بارتباك : هاه حاضر (وتدخل مرتبكه) 

انس : انا هروح اشتري اكل من تحت اكيد جعانه 

شهد : لا مش عاوزاه حاجه شكرا 

انس مستعجل: لا ازاي لازم طبعا (و ينزل علي طول)

شهد : استني ..هو مالة مستعجل علي ايه 

شهد تحس بصوت حد في الشقه و تبص حواليها بخوف شديد 

شهد بخوف : في حد هنا 

و فجاه يطلع راجل كبير في السن : انا يا قمر

شهد تشهق برعب : انت مين و بتعمل ايه هنا 

الراجل يبصلها بشهوة : هو انس ما قالكيش ، بس الصراحه معاه حق تستاهلي ال ١٠٠ الف مش خساره فيكي 

شهد بصدمه و ذهول : نعم هو مش تعبان و ندم ذي ما قاللي وجايبني هنا عشان كده 

الراجل : هههه انس يتوب ده انتي بتحلمي ، و بعدين كفايه كلام عن انس و خلينا فينا 

احنا

شهد بشجاعه زائف : بقولك ايه عني بدل ما اصوت والم عليك الناس 

الراجل يقترب اوي : ههه صوتي ده لو حد سمعك في المكان المقطوع ده 

شهد برعب : لاااا شررررررريف 

شهد تبعد بخوف و تصوت بذعر و فجاه الباب الشقه يتفتح بقوة و شريف يدخل و ينزل ضرب في الراجل ، و شهد تتنهد بارتياح 

شهد تعيط : خلاص يا شريف هيموت 

شريف مش سامع و عمال يضرب فية بغل

شهد بصراخ : شررريف سيبه هيموت 

شريف يبعد عنه ويروح يحضنها و شهد تحضنه اوي و تفضل تعيط 

شريف بحده: حد عملك حاجه 

شهد تعيط بحرقه : لا بس لو مكنتش جيت كان ممكن يعمل حاجه

شريف يطمنها : بس يا حبيبتي اهدي انا معاكي اهو 

شهد : انا عاوزاه امشي من هنا 

شريف : حاضر يلا 

***

في بيت بسيطه اشتريته زينه تدخل بحزن و تبص عليه ، وحاسه اني في حاجه ناقصها  كبير بعد موت سالم 

هديه : ابله زينه هو احنا جايين هنا ليه ؟ 

زينه تنزل لمستواها : ده بيتنا خلاص يا حبيبتي و هنعيش في انا و انتي و اخوكي اللي جاي 

هديه : طب هو بابا فين مش هيعيش معنا ده وحشني اوي

زينه تحاول التماسك : انتي كمان وحشتي اوي ، بس بابا مسافر يا حبيبتي في شغل 

هديه ببراءه : طب هيرجع امتي 

زينه بألم : قريب هيرجع 

هديه : بس انا كنت عاوزاه اقوله حاجه 

زينه : حاجه ايه 

هديه : كنت عاوزاه اقوله اني ينفع اقولك يا ماما ، ولا هتزعلي مني 

زينه بابتسامه باهته : لا يا حبيبتي مش هزعل ، طالما انتي عاوزاه كده 

هديه تضمها : انا بحبك اوي يا ماما 

زينه تشدد من احتضنها : وانا يا حبيبتي بحبك اوي 

****

في شقه شريف :- 

شهد نايمه علي السرير بحزن و دموعها نازله 

ام شريف : خلاص يا شهد قولتلك من الاول ده مش الاب اللي تتمنيه

شهد بدموع : مش قادره اصدق ده المفروض ابويا يعمل فيا كده ازاي 

شريف يدخل : خلاص يا شهد انسي يا حبيبتي 

شهد تبصله اوي بحزن و تبص الناحيه التانيه 

ام شريف تقوم : انا هاقوم اعملك حاجه تشربيها (وتخرج) 

شريف يقرب ويخليها تبص لي ويمسح دموعها : اوعي تعيطي تاني ، دموعك دي غاليه عليا اوي يا شهد انتي متعرفيش انتي بالنسبالي ايه انا بحبك ، بحبك اوي 

شهد : مش زعلان مني عشان ما صدقتكش ومشيت  

شريف بحزن : انا زعلت لما سبتيني و طلبتي الطلاق ، للدرجه دي هونت عليكي يا شهد ، انا صح في الاول اتجوزتك عشان بتحبيني واحميكي و انا لا بس ده كان الاول بس.. انما بعد كده لما قربت منك حبيتك بجد 

شهد تبصله و تبتسم بفرحه من كلامه و تفتكر حاجه : انت اللي عرفك مكاني 

شريف يبادلها الابتسامه : رقبتك بعد ما نزلتي و لما ابوكي نزل طلعت اكلمك بس سمعت صوت صريخ اتجننت و كسرت الباب علي طول 

شهد تصطنع عدم الفهم : عملت كل ده ليه 

شريف : لسه بتسالي بعد كل ده ، مش عارفه عملت كده عشان مين 

شهد تحب تغيظ في : لا عارفه ، عملت كده عشان انا اختك صح 

شريف بغضب : نعم يا روح امك 

شهد ببراءه زائفة : اه اسفه قصدي ذي اخويا 

شريف بغيظ شديد : ذي ايه يا اختي اخوكي ، انتي بتستهبلي ، أية اخوكي دي ما كنا ماشيين كويس ده انتي عيله فصيله

ام شريف تدخل باستغراب: في ايه مالك 

شريف بجدية : فهمي بنت اختك انا اقربلها ايه بتقولي اخوها 

ام شريف بمكر : طب ما هي معاها حق مش ده كان كلامك 

شريف بصدمه : انتي كمان يا ماما (يبصلهم بغيظ شديد)قال اخوها قال (ويخرج ) 

ام شريف تبص لي شهد و تضحك و شهد

تضحك هي كمان

***

في فيلا شهاب :- 

شهاب يدخل و تفاجأ  : ياسمينا انتي لسه هنا ما مشتيش

ياسمينا : لا مش هامشي ، ولا انت عاوز امشي 

شهاب باستغراب : لا طبعا بس مستغرب انك لسه موجوده هنا 

ياسمينا تقرب منه : لازم افضل هنا عشانك (وتحط أيدها علي بطنها ) و عشان ده 

شهاب بشك : قصدك ايه 

ياسمينا ابتسمت : ايوه انا حامل يا شهاب هتبقي اب يا شهاب

شهاب بفرحه : بجد 

ياسمينا تبصله اوي : ليه ؟ ماقلتليش 

شهاب بعد فهم : علي ايه ؟ 

ياسمينا بحزن : علي اللي حصل ليك زمان معاك ومع والدتك

شهاب بغضب : مين اللي قالك ، ماما صح

ياسمينا بعتاب : انت مكنتش عاوزني اعرف كمان ، ليه يا شهاب مش المفروض انا حبيبتك و نصفك التاني ذي ما بتقول

شهاب بحزن : مش عاوزاكي تفضلي معايا عشان صعبان عليكي ولا شفقه منك

ياسمينا بدموع : تبقي غلطان ومش عارف انا بحبك اد ايه 

شهاب يمسح دموعها : و انا كمان.. بس غصب عني 

ياسمينا بندم : انا اسفه يا شهاب ، طلعت انا اللي غلطانه مش انت ، عشان ما فهمتكش من الاول ، رغم انك قولتي في مره انك مهما عملت معايا هيبقي بدافع الحب 

شهاب بحزن : لا يا ياسمينا انا كمان غلطان انا اسف ، يا حبيبتي ... ممكن احضنك يا ياسمينا وحشتني و وحشني حضنك أوي

ياسمينا تقرب وتحضنه : هتلاقي ده دائما مفتوح ليك وقت ما تحتاج هتلاقيه و مهما عملت و حصل هتلاقيني منتظراك و عمري ما هزعل و لا هفرط فيك ، انت مش عارف انت ايه ليا ، انت كل حاجه و انا من غيرك ضايعه 

شهاب يضمها اكتر بفرحه من كلامها : يااااه ماتتخيليش حضنك ده كان وحشني ازاي 

وحياه تبص عليها من بعيد بفرحه كبيره

و ياسمينا كانت حضنه و نايمه في حضن شهاب.. شهاب يقولها : انتي حامل في الشهر الكام 

ياسمينا : في التالت 

شهاب بعتاب : يعني عارفه بقالك كتير و مش معرفاني ، امال لو ماعرفتيش من ماما اللي حصل ليا كنت هتربي الطفل لوحدك 

ياسمينا : متزعلش مني يا شهاب بس بجد كنت متلخبطه.. وانت برده عملت كثير معايا

شهاب يتنهد : ماشي يا ياسمينا عشان لسه متفقين مع بعض هنفتح صفحه جديده.. و اوعدك مش هازعلك ثاني يا حبيبتي

***

قدام بحر كان نور و علي ماسكين ايد بعض و بيتمشوا ..و علي يبوس ايدها بحب : فرحان اوي انك رجعتي تحركي ايدك 

نور ابتسمت : وانا كمان بس فرحانة اكتر عشان كنت معايا في الوقت ده 

علي : ما تجي ننزل البحر 

نور بخوف : ايه لا طبعا انت عارف اني بخاف منه اوي 

علي يمسك ايدها بجدية : ما عشان كده عاوزكي تنزلي ، تعالي 

نور : لاااا لااااا بلاش يا علي

علي يشيلها و ينزلها في المياه بالعافيه ، و نور تصرخ بخوف شديد 

علي يحضنها : هششش خلاص انا معاكي ومش عاوزكي تخافي من حاجه... طول ما انا جنبك ما تشيليش هم حاجه

نور تبصله و تبتسم و تحاول تتشجع و تسيب نفسها في المياه 

نور بحب : انا بحبك اوي 

علي بحب : وانا بموت فيكي

***

بعد عده اشهر 

في بيت زينه :- 

زينه تحس فجاه بوجع جامد : ااااه شكلي بولد اااه 

و تحاول تمسك الموبايل و تتصل بي ياسمينا

ياسمينا بقلق : الو يا زينه انتي كويسه يا حبيبتي

زينه بوجع جامد و بكاء : انا بولد يا ياسمينا الحقيني بسرعه ، ابني بيموت هو كمان 

****

في المستشفي :- 

شهاب بابتسامه : حمد الله علي سلامتك يا زينه 

زينه وهي شايله ابنها : الله يسلمك 

ياسمينا : بسم الله ماشاءالله ، ابنك قمر اوي يا زينه 

زينه بحزن : شبه ابوه اوي 

شهاب : احم هتسميه ايه يا زينه 

ياسمينا : اه صحيح يا زينه اخترتي اسم ولا لسه 

زينه تبص لي ابنها اوي : لا اخترت هاسميه سالم ! 

ياسمينا و شهاب يبصوا لبعض أوي بحزن

ياسمينا : برضه مش ناويه تاجي تعيشي معنا 

زينه برفض : لا انا كده مرتاحه ، ما تقلقوش عليا 

شهاب بجدية : خليها علي راحتها يا ياسمينا

في الخارج :- 

شهاب : في ايه مالك 

ياسمينا بضيق : مش عارف مالي ، ايه خليها علي راحتها يا ياسمينا دي ، زينه حالتها صعبه اوي يا شهاب و محتاجه حد جنبها 

شهاب بغموض : صدقني كده احسن ليها 

***

امام قبر سالم :- 

زينه دموعها نازله بحرقه : ازيك يا سالم وحشتني اوي ، حاسه اني تايها من غيرك ، ولا حاجه ، انا محتاجك اوي ، و مفتقداك اوي في حياتي ، و ابنك كمان محتاجك اوي ، متاكده انك كنت هتبقي احسن اب ، حاسه بالذنب اوي من ناحيتك عشان انا اللي فضلت ازن عليك تسيب الشغل ده ، انا اسفه مكنتش عارفه اللي هيحصل كده و هخسرك للأبد ، 

( تكمل وتنهدت) استغفرالله العظيم يارب

وحشتني اوي يا سالم و عمري ما هنساك 

هديه : ماما هو احنا بنعمل ايه هنا 

زينه تمسح دموعها : هاه مفيش ، يلا يا حبيبتي نروح

زينه تاخد هديه وتمشي و تروح البيت ، وتدخل تحط سالم ابنها علي السرير وهو نايم وهديه في الاوضه نامت و ترجع لي سالم ابنها ، وتمسح ايدها علي وشه بحزن و فجاه تحس بصوت نفس حد جنبها و تلف بخضه و بصدمه وعدم استيعاب : سـ سالم