رواية الحب و الندم الفصل الثانى 2 بقلم مارلى ايهاب

متسمحش لحد انه يكسرك ويخليك في نظر نفسك قليل 

🌹🌹🌹🌹🌹🌹🌹🌹🌹🌹🌹🌹🌹🌹

كريم كان واقف قدام ندي وهو متعصب وزعق جامد وهو بيقول...... لو مخرستيش انا هديكي علقة تحلفي بيها عمرك كله يا جاحدة عاوزة تشغلي امك وهي ست كبيرة لا قادرة تمشي حتي في البيت عاوزه تنزل تشتغل علشان خاطر تصرف عليكي دانا علشان متعبكيش نزلت اشتغلت علشان اصرف علي مصاريفك اللي مش بتخلص عمال علي بطال هتفضلي طول عمرك جاحدة ومعندكيش قلب غوري من وشي جاتك القرف بت اعوذ بالله كتلة شر عايشة معانا 

وسابها ودخل وهو حزين منها ومن تصرفتها السيئة 

مريم ببكاء.... حرام عليكي اللي انتي بتعمليه فينا ده حرام ربنا يهديكي يا بنتي مفيش حاجه في ايدي اعملها انا داخلة اوضتي وسعي 

دخلت مني وهي حزينة علي ولادها 

اما ندي كانت واقفه تعض علي شفتيها من الغيظ وقالت بمنتهي الوقاحة..... بقي في النهاية ابقي غلطانة ده حقي مش بيعطفوا عليا بيه ماشي يا كريم 

ودخلت غرفتها وهي مضايقة بشدة 

😡😡😡😡😡😡😡😡😡😡😡😡😡😡

عند احمد روح بيته وهو تعبان جدا 

سامية بحزن..... حمدلله بسلامه يا بني 

احمد بتعب.... الله يسلمك يا ماما 

سامية... هروح احضرلك الغداء 

احمد.... لا ياماما انا واكل في الورشة انا عايز انام بس مش اكتر من كده 

سامية.... بس يا بني هتنام من غير اكل 

احمد..... معلش تعبان وعاوز انام 

سامية بحزن.... خش يا بني نام 

احمد تمام

ودخل اوضته ونام علي السرير من التعب بدون حتي ان يبدل من ملابسه ونام نوم عميق 

💔💔💔💔💔💔💔💔💔💔💔💔💔💔

عند كاميليا كانت تجلس مع واحد من اصدقائه فقط في البيت وفي غرفة النوم 

اكرم وهو يحتضنها ويقبلها.....  بقي يا حبيبتي زعلانه ان اهلك مسافرين ما هما لو مش مسافرين مش هنعرف نتقابل 

كاميليا بحزن.... حبيبي انا بس عاوزهم يهتموا بيا هما حتي مش بيتصلوا عليا يطمنوا عليا خالص وانا تعبت بجد زهقت من اهمالهم ليا 

اكرم قبلها من شفتيها... كفاية اهتمامي انا يا قلبي ولا انا مش عجبك 

كاميليا ابتسمت بحب شديد... لا طبعا كفاية انت عارف يا اكرم انا بحبك قد ايه ونفسي في اليوم اللي هتيجي تتقدم ليا فيه 

اكرم بإبتسامة لعوبه...... طبعا يا بيبي دانا بعدهم بالايام ومستني يوم التخرج ده بفارغ الصبر علشان اجي اتقدم ليكي يا قلبي 

كاميليا بحب... بجد يا كيمو 

اكرم بخبث.... طبعا يا قلبي هو احنا هنقضيها كلام ولا ايه 

كامليا ضحكت بصوت عالي....  لا طبعا 

وقبلته وهو بدلها القبله 

وفعلوا ما حرمه الله 

______________________________________

في بيت اول مره نروحه 

كانت تجلس بنت اسمها اسراء كانت تجلس في غرفتها وتتحدث مع ندي وهي تقول 

اسراء.... ندي ليه يا بنتي مجتيش محاضرة النهاردة 

دي عليها عشرين درجة ازاي متجيش 

ندي بضيق ابتدت تحكي اللي حصل معاها طول اليوم 

اسراء بضيق وعتاب...... حرام عليكي في اللي انتي بتعمليه فيهم ده ليه كل ده كنتي تعالي ولو محتاجة حاجة ابقي خديها مني لكن متعمليش اهلك بطريقة دي حرام امك عندها القلب ومش هتستحملك كتير افهمي بقي 

ندي بضيق..... انا مش شحاتة علشان تقولي لو عوزتي حاجة ابقي تعالي خديها يا ست اسراء لا انا المفروض مسؤله منهم ويجيبوا كل طلباتي من غير نقاش بس هما اللي بيدلعوا هيحصل ايه لو نزلت اشتغلت يعني الدنيا مش هتتهد نهائي 

اسراء بضيق.... انتي مجنونه اللي بيبقوا عندهم القلب دول يا حبيبتي مش بيقدروا يتحركوا عايزها تشتغل الاولي اللي انتي تنزلي تشتغلي وتصرفي علي نفسك بدل ما تستني منهم الفلوس انزلي واشتغلي 

ندي بضيق.... نعم وبعدين وصحابي في الكلية يقولوا عني ايه ها ردي لا ياماما وانا ابهدل نفسي ليه انا لسه صغيرة هما اللي يجبوا كل حاجه ليا من غير ما انزل ولا اتعب نفسي 

اسراء بغيظ.... صحاب معاليكي هيقولوا ايه يعني يا ندي ايه الكلام ده انتي مجنونه يا بنتي واحدة بتشتغل شغل شريف ايه اللي يعيب في كده 

ندي بضيق... خلاص بقي يا اسراء مش عاوزه اتكلم خلاص في الموضوع ده قوليلي بقي هادي عامل معاكي ايه 

اسراء بخجل.... قالي بحبك وقالي انه هيجي يتقدم ليا وهيكلم بابا بكره فرحانه ومبسوطه اوي اوي حاسة اني قلبي بيطير من الفرحة مكنتش متوقعة انه هيتكلم واخيرا يحس بيا وبقلبي كنت حاسه ان انا نفسي اقوله انا كمان بحبك 

ندي بصدمه.... ليه يا بت انتي مقولتلوش 

اسراء بخجل.... لا اتكسفت وقولت لما اتخطب ليه الاول 

ندي... يا خيبة بدل ما الولا يطفش منك قربيه ومتبقيش خايبة مش شايفة البت كاميليا ماسكة في اكرم ازاي وبطريقة دي ولا كانهم متجوزين 

اسراء بعصبية.... انا متربية اما ست زفته دي مشفتش اي تربية اهلها نسوا يربوها ويعرفوها الحلال من الحرام جاتها القرف بت رزله ورخمه ومش بتحبك ابدا ولا بتتمني ليكي الخير لا دي بتتمني ليكي الشر 

ندي بضيق وعصبية...... لا هي بتحبني وانا وهي صحاب زي الاخوات بظبط بطلي تشكي فيها دي محترمه جدا وبتحبني وبتتمني ليا الخير 

اسراء بهدوء.....  لا مش بتحبك واكبر دليل انها بتقويكي علي اهلك وبتكرهك فيهم وانتي  ماشية وراها 

ندي وهي مش حابه تسمع اكتر من كده.....  انا مش عارفة انتي بتكرهيها ليه اقفلي اقفلي سدتي نفسي مع السلامة 

اسراء مع السلامة وقفلت وهي بتقول.... ربنا يهديكي يا ندي وتعرفي حقيقة الشيطانة اللي انتي مصحبها 

💔💔💔💔💔💔💔💔💔💔💔💔💔💔

اسراء بنت عندها 19 سنه محجبة ومتدينه 

بتحب جارها المهندس هادي وعمرها ما كلمته كان بس بنهم نظرات واعترفلها بحبه ولسه هيتقدم ياتري هيتقبل ولا هيترفض 

___$***********$******_____$_****___

في جهاز المخابرات 

كان يجلس شاب يبان عليه الوقار والهيبة 

طويل القامة وبعيون بني غامق وبشرة قمحية وبعضلات وملامحه يظهر عليها القسوة الشديدة 

العقيد سليم السيوفي الملقب هو وفريقة بالموت 

لانه يقتل بدم بارد من يستحق القتل يبلغ من العمر32 عام وصل للرتبه دي بسبب اجتهادة الشديد 

كان يجلس ويراجع الملف الذي امامه 

ودق الباب 

سليم بصوت شديد.... اتفضل 

دخل العسكري وهو خائف وحط القهوة قدامه.... حاجة تاني يا سليم باشا 

سليم بجدية... لا اتفضل 

خرج العسكري وهو خايف لانه علي اي غلطة بيعاقب عليها 

سليم جوا المكتب اتصل علي حد وقاله يجي 

وبعد دقايق دخل اربع شاب شكله في الجسم والطول والملامح القاسية والسن والراتبه مقدم 

سليم بجدية... اتفضلوا اقعدوا 

قعدوا وهما منتظرين كلامه 

سليم بجدية....  القضية الجديدة بتقول ان الزفت اللي اسمه ساهر خرج بره مصر وراح لندن واشتغل هناك مع جماعة مافيا كبيرة وغير كده مشغل ناس هنا في مصر وبيبعت ليهم المخدرات والكميات اللي بيدخلها البلد ده طبعا غير ان الناس اللي مشغلهم رجال اعمال كبار ومش سهل اننا نمسك عليهم حاجه لانهم عملنها دايرة كل واحد عامل كبش فد واللي معمول كبش فدا لراجل الاعمال عامل ليه نفس الكبش الفد وكذلك القضية دي محتاجة تركيز شديد لانها مش متوقفه علي بس المخدرات لا دي كمان تجارة اعضاء وبنات وكل شئ لازم نشد حلنا في القضية وتخلص باقصي سرعة تمام 

هما....  تمام يا فندم 

سليم بجدية.... اتفضلوا علي مكتبكوا هبعت لكل واحد نسخة من الملف 

هما...  تمام 

وخرجوا وكل واحد دخل مكتبة 

،،،،،،،،،،،،،،..،..،.،.،..،.،،،.،..،.،.،.،..،.،،..،...،..،.،،..،.،...،.،. 

عند احمد صحي من النوم علي اخته اللي كانت بتصحيه علشان ياكل لانه مكلش من ساعة ما جه 

احمد بتعب.... سبيني شوية يا سما 

سما ابتسمت.... قوم بس كل وبعدين نام تاني علشان خاطري 

احمد قام من التعب... مش هتبطلي الزن بتاعك ده بقي يا بنتي حرام عليكي حرام عليكي يا بنتي 

سما حضنته.... حبيبي يا احمد قوم بقي يلا 

احمد ابتسم... حاضر هاخد دوش بس وبعدين هبقي اجيلك بره 

سما... تمام 

خرجت سما وهو قام بتعب واخد ملابس ودخل ياخد شاور 

وبعد شوية خرج وهو بينشف شعره وسرح وخرج ليهم كانوا جهزوا الاكل 

محمود... تعالي يا حبيبي كل يلا

احمد... حاضر 

وقعد جنبه علي السفرة 

وسما ابتدات تحكيله بداية يومها للنهاية وعملت ايه وايه اللي حصل 

سما... بص يا سيدي روحت انا والبت نور الحصة ربنا يبتلينا بوحدة هم كده وشها يقطع الخميرة من البيت لا بتضحك ولا بتهزر ودايما العيال والمدرسين بتكرها 

لانها كده غريبة لا كلام ولا سلام ولا حتي ابتسامه وقال ايه كمان اسمها اريج في حد الايام دي بيسمي كده ايه ده بجد بجد اسم رخم اوي اريج ولا والشباب والبنات واخدنها تريقة ومش بترد علي حد باردة بجد 

احمد بصلها وقال.... وليه متقوليش انها مش بتاخد علي الناس بسرعة او مش اجتماعية اوي يا ستي محتاجة حد يبدا معاها الكلام ليه بتتريقوا علي اسمها اسمها جميل جدا ليه انتوا مش بتحولوا تقربوا بدل ما بتبعدوا وتكرهوا انتوا متعرفوش ده بيعمل في نفسيتها ايه حرام عليكم التنمر غلط ووحش متفكروش ان كده شطارة لما تتنمروا عليها وانها علشان مش قادرة تتأقلم معاكم تعملوا فيها كده وبعدين هي مش كل مان هب ودب هتضحك معه لا الضحك ليه وقته ولو مش بتضحك هي حرة انتوا مالكوا 

سما اتكسفت ومعرفتش ترد ومحمود قال.... كلام اخوكي صح يا سما يا بنتي حرام التنمر علي الناس 

يا بنتي كما تدين تدان بكره هيجي اللي هيتنمر عليكي انتي وكل وللي اتنمر حاولي تصحبيها وتقربي منها خليكي انتي احسن منهم هما وحشين خليكي انتي جميله وكويسة ولما تقربي منها هتكتشفي اللي فيها يا بنتي تمام 

سما بخجل..... حاضر يا بابا بعد اذنكم انا كلت 

ودخلت اوضتها علي طول حتي مستنتش ردهم 

سامية بحزن.... دي مكلتش حاجه يا ولاد 

محمود.... سبيها يا سامية هي زعلانه علشان واجهناها بالحقيقة هي كانت عاوزنا ننم ونتنمر علي البت دي ربنا يكون في عونها 

سامية... يارب 

💔💔💔💔💔💔💔💔💔💔💔💔💔💔

في المساء الساعة السابعة خرج الخمس ضباط من الجهاز وركبوا عربية واحده وكانوا بيهزروا وبيضحكوا مش زي ما كانوا في المكتب 

رعد بضحك.... سليم الولا مروان امبارح بكلمه بيقولي القاعدة عجبته في الجونه ومش راجع 

وسايب القواضي والحاجة اللي عليه 

سليم بضحك.... اصلا الواد ده دماغه هربانه منه انا مش فاهم ده اتقبل في الشرطة علي ايه ده لو كان في دخل شرطة الموسيقي كان رفضه يا بني 

عدي ابتسم.... ده مره كان معايا في مهمة وكانا في مخزن بندور علي البضاعة لقيت النور اتقطع لقيته صرخ مره واحدة وبيقول ولعوا النور عندي فوبيا من الضلمة ولعوا النور وفضحنا واتكشفنا وكنا هنموت لولا ستر ربنا وهربنا منهم ضحكوا كلهم 

مصطفي.....  لا فعلا عيل دماغة ضربة مش طبيعي 

يامن.....  ها ياجماعة سيبكوا من مروان وخلينا في الاجازة هناخد اجازة امتي 

سليم.... بعد القضية يعني كل ما تشد حيلك انت هو وتخلصوا القضية بسرعة كل ما اخدتوا الاجازة اسرع

كلهم بان علي ملامحهم الضيق 

وسليم ابتسم ،،.،..،.،،،.،