رواية كريات الدم السوداء الفصل الثاني بقلم زحل
_مامليت وكل مانكعد انه وياها استغل
الفرصه احاول اسالها بطريقة تختلف عن القبلها يمه يعني عشيرة عمام خوال .
وداد:شكد سألتي كتلج ماعندي .
_ كمت وانه مامقتنعه وبس فتحت باب الغرفه
صارت بوجهي فاطمه وهاي بكل الاوقات عصبيه دوم لان تشك عمي مزوج عليها وكفت باب غرفتنا اديها بخصرها موجهه كلامها لامي.
_وامي ماتفوت فرصه لستفزازها
ردت برود عكس النار الي بنضرات فاطمه .
وداد:ههههههههاي اني زوجي مريض وعذري مقبول ان شاء الله البركة بفاروق ولو محيرني سكوته وكانؤ ضامن فد شيء ؟
_واكفه بينهن حته لا يتكامشن وجهي
كل لحظه يندار لوحده حسب كلامها .
فاطمه:شنو قصدج احجي شتعرفين؟
وداد احرك البيت بناسه تدرين بيه .
وداد :ماقصدي بس يعني بطل مراجعات
الاطباء يمكن مل لو شنو؟
فاطمه:لا بس منتضرين نخلص منج .
_وكانؤ امي جاهزه للرد وتعرف نقطة
ضعفها ردت ببتسامه بيها الف معنى .
وداد:والله عليج سوالف يا فاطمه شنو اني التابعه الي متلبستج لو الغضب الي نزله رب العالمين عليكم حته يقطع نسلكم بمرض ماله علاج .
_دفعتني فاطمه و هجمت عله امي صرت بينهن مثل الطوبه هاي تدفعني وذيج اجرني كوى فكيتهن وبس
طلعت فاطمه امي راحت للشباك ورفعت البرده ومن صوت حسراتها عرفت تبجي حيل انقهر عليها
رغم محبتي لابوي بس احسها انظلمت بزواجها منه تقربت عليها قاصده مواساتها اشرتلي بمعنى روحي طلعت واعرف بفاطمه راح تستلمني.
فاطمه:اليوم لو انه لو انتن يجي
فاروق ويصير خير ادورن عليه
انتي وامج وتملخني .
_وبكل مشكله هيه وامي هاي تهمتها الي بس عمي مايصدكها مارديت ابد لان دوم امي تكلي لاتدخلين
بينا وكفت محتارة شسوي لان عمي بال ١ يجي وهذا طبعه لازم يتغده بالبيت طلعت الحم وبديت احضر
للتشريب وهيه مستمرة تحجي حته الميت ماسلم منها.
فاطمه:شكول عله عمتي الي خلتنا بهذا الحال مامبريه الذمه .
_كل مشكله لازم تسب جدتي
الي ماذكر منها بس الاذيه الماعرفت سببها لليوم
نزل طارق عبالك مو ويانه نفس البيت يعني معقوله ماسمع هوستهن لو يغسل حجتله فاطمه كلشي جر الكرسي وكعد يهز بيده.
فاطمه:عود انه هم مثل النسوان عندي ولد اتحامه بي اي طبعا هيج يسون بيه لان انته وابوك مامهتمين لامري.
طارق:اووووو هو انه صوجي نزلت مو حقه ابوي يشرد .
_وهذا عايش بعالم لوحده كم مرة عمي دخله مصح ويرجع عله ادمانه كملت طبخ وكعدت عيني للكامرة اباوع ركضت بفرح من شفت ابرار وطيبه بالباب قبل مايدكنه فتحته دخلن يضحكن .
ابرار:مشتاقتلج هوووواي .
بسمله:دوخري خلي اعضها لان مايبرد
كلبي ولج شكد بذاته عل اقل مسج .
_يشبكن بيه ويحجن جريتهن
قاصده ادخلهن للاستقبال .
بسمله:ان شاء الله يطيب ويتعافى وداعت ابوي دوم اندعيله .
ابرار:بس ميصير تركين دراستج ومستقبلج .
_ماكدر لان وقتي كله لابوي وهم ماريد اعوفه .
ابرار:يله عمري عود طمنينا عنج
صدك ليش رقمج مغلق ؟
_عطل ومنتضرة عمو يصلحه
كال من افرغ.
بسمله:ماشي عود من تصلحي خابرينا .
_راحن سديت الباب والتفتت اريد ادخل لكيت طارق واكف يباوع درت وجهي اريد اعرف وين صافن.
طارق:منو هذن ؟
_ترى كتلك ندوام نفس الاعداديه .
طارق:بس ماشايفهن بالمنطقه.
_اي همه بال.....بس سجلو
طارق :ويجون مشي ؟
_لا بسيارة واليوم كايلات للسايق وجابهن شافني.
طارق:بس حلوات ؟
_لحكني للمطبخ يحجي.
فاطمه:منو الحلوات؟
طارق:صديقات قدر.
فاطمه:وانته وين تعرفهن ؟
طارق:ماعرفهن بس هسه شفتهن
جايات يشوفنها .
فاطمه:فلك فلك شوكت اجن
وشوكت راحن واحنه هنا خراعة خضرة
ولج غير تحجين بكيفج ادخلين ناس مانعرفها.
_بعدني ماراده دخلت امي .
وداد:شكو مدخلتمن هاا تردين
ذبين عليها مصيبه،
_وماعرف شنو من قابليه عدهن بثواني
يخلقن مشكله همزين اجه عمو فاروق .
فاروق:بيت سوك علوة صوتجن واصل لسابع جار وين اوديجن بعد مو مليت شكو .
_استلمته فاطمه حجي وامي ترد طارق عافنا وطلع كعد عمي لازم راسه بمعنى دخت اشر بمعنى سكتن والتفت عليه خفت لان هو من الابتدائيه شارط عليه حدي ويه الصديقه بالمدرسه لاتجيني ولا اروح لشخص هذا طبعهم مايحبون يختلطون بالناس وكلمتهم الشهيرة البيوت اسرار .
فاروق:شنو جيت صديقاتج.
_رديت بلعثمه عمو هنه مو بمنطقتنا
بس يندلون بيتنا لان الخط مالهن يعبر منا وبالصدفه اندلو اصلا انه تفاجئت بيهن جانن يتواصلن وياي بالتلفون وصار فترة جهازي عاطل ومايعرفن بيه مقررة ماداوم كالن ما شفناج وتلفونج مغلق لهذا السبب ضال بالهن خو مااطردهن .
فاروق:مابيها شي وصليها الهن بطريقه
غير مباشرة انو اهلي ميقبلون احد يجيني .
_هزيت راسي اي بس امي مستحيل تسكت شمرت كلماتها وهيه تطلع من المطبخ .
وداد:شنو هل مرض النفسي البيكم .
فاروق:هذا حفاظ عله بيتي وعائلتي لان
الصاحب ساحب لو شتكولين ؟
وداد: لو كلامك صح جان ماوصل
ابنك لهاي المرحله.
_كام لغرفته التفتت عله امي ليش هيج
تعيرنهم وكانؤ متشمته .
وداد:عوفج شنو قررتي ؟
_ماعرف .
وداد: شمنتضرة عليمن منتكله شو لا ابو بي خير ولا اخ عاجبج هاي العيشه هاي اخر مرة احجي وياج الحياة فرص استغليها لان بعدين تتندمين.
_تحجي بحركه كسرت خاطري
كمت بستها .
وداد:البوس مايطيب خاطر .
::ههههههه جا شنو الي يرضيج ؟
وداد:املي بربي و بيج
ادرسي وعوضيني عن تعبي وحرماني لا تخذليني.
_يمه بروح اهلج سؤال بس جابويني بالتفصيل.
وداد:قدرررر مو وقت اسالتج مالي خلك.
_عفتها وتوجهة للغرفه جريت الكرسي وكعدت بحسرة اباوعله شكد اتمنيت لو مو عاجز من كنت بالابتدائيه واجيب النتيجه وعمي فاروق يفرح بيه ويحاول ياخذ دور الاب بس مستحيل لان من ادخل الغرفه واشوفك نايم بدون حركه تنكسر فرحتي .
وداد:لا تصفنين استغلي الوقت .
_وهذا كلامها الي يدخلني بمتاهه احس
بيها خايفه بس من شنو مااعرف ؟
_بعد الحاح منها
قررت اداوم غيرت لابوي وريكته
طلعت انتضر عمي يكعد حته احجي ويا .
وداد:كليله يصلح تلفونج هم .
_ اكيد حته ادرس بي .
وداد:هذا الشهر الثاني هو مغلس عل مصرفنا؟
_وهذا لغز ثاني مصرفنا الي مدوخني ؟
عمي متكفل بكل احتياجاتنا ولازم كل
شهر ينطي امي مبلغ مثل الراتب
ومن اسالها تكول حصت ابوج من المحلات رديت
عليها خل نصرف العدنا يمه شنو فائدة الفلوس واحنه للسوك مانطلع اتمنى انه وياج نروح نختار الي نريده .
_شوكت يومها اذا هسه مانتمتع بالي عدنا .
وداد: هذا نظامهم من زمان
مايقبلون المرة تطلع .
_بس فاطمه افضل منا عل اقل تروح لاهله وتحضر مناسبات عمام ابوي تدرين متعجبه بطبعهم يعني المفروض يتقربون للناس.
وداد:مو اكلج مرضى نفسيين .
_شنو هل هل مرض الغريب؟
ليش باقي اهلنه ماصارو هيج وبعدين عمي ماعازل نفسه شو يطلع ويشتغل ويتواصل ويه الناس ؟
وداد:فاطمة الها دور ببعاد الناس لان جانت خايفه يزوجون عمج واستغلت حاجته الها بوقت بيبيتج مريضه كلش عافته اشهر ومارجعت لحد ماشرطت عليه محد يدخل للبيت ولهذا السبب تجنبو المشاكل.
_قطع حديثنا صوت عمي وهاي عادته دوم ينبهه بوجوده بس بدون جدوى لان امي تتعمد ماتلبس حجابها ويبقى طول تواجده هو مدنك .
فاروق:صباح الخير شلونه ابوج ريكتي؟
_ايي من الصبح حته غيرت فراشه.
فاروق:الله يرضى عليج .
_كمت خليت الجاي وحضرت ريوك اجت فاطمه بدون كلام كعدت ومانستغرب تصرفها هيه يوميه بحاله شكل امي كل شويه خازرتني بمعنى احجي تالي ماصبرت.
وداد:اذا فارغ اليوم تاخذ قدر تقدملها.
_رفع راسه بستفهام ؟
وداد:تسجلها با الاهليه وشوف وقت الدوام عصري هيج تضمن دراستها وهم تبقه قريبه من ابوها.
فاروق:وهذا قرارها لو تخطيطج ؟
وداد:اتفاقنه ومستقبلها الي لاجله
متحملتك .
فاروق:صبحنا عله سوالفج الي تغث.
وداد:ما مجبور تتحمل ؟
_اشتد الكلام بينهم بسرعه ادخلت لا عمو
انه كلت ليش تفوتني السنه .
فاروق:اي شكو منها شوفي شوكت؟
وشلون وسهله.
وداد:اليوم تكدر تاخذها ؟
فاروق:باجر ان شاء الله .
وداد:اذا هيج خلي اخذها للسوك اليوم
حته تجهز نفسها .
وداد:ترى تحتاج امور خاصه ؟
فاروق:ذاك الشهر انتو بالسوك خلي اجهزها
للدوام وعود غير مرة انزل وياكم تشترون بس خلصيني بعد شنو عندج ؟
فاطمة:نزل ويدبج .
_اشرلها عمي بعمنى سكتي .
وداد:مالي مزاج ارد عليج بس لازم اذكرج
ماله فضل علينا حلال ايوب .
فاروق:لا اله الا الله مو كلت كافي
شوكت نرتاح ؟من هل موال .
_عاف الريوك وطلع وثاني يوم اخذني
رغم فاطمه كانت معترضه
واصر يغير الاعداديه.
فاروق:هنا اقرب الج حته نخلص من الخط ويوم مايجي ومرة يتاخر هاي تتمشين واذا انه لو طارق موجودين نوصلج .
_فهمت راد يبعدني لان عرف كونت صداقات بسبب جيت ابرار للبيت غير حته رقمي ابد مااعترضت
كملنا اجرائات التسجيل و طلعنا استغربت
مارجعنا للبيت طبك السيارة باوعت للمكان مكتبه التفتت عليه ابتسم نزل اشرلي يله نزلت وبدون مقدمات حظنته نزل اديه بخجل وهذا طبع عمي معاملته الي بحدود رغم حنيته .
فاروق:يله اخذي شنو تحتاجين؟ .
_امشي متفاخرة بي واكول هسه الناس
عبالهم ابوي دخلنه المكتبه جدا ضخمه
ومزدحمه اخذت الي احتاجه وطلعنه .
فاروق:اذ ردتي الله يوفقج اديرين بالج
عله ابوج .
_بدون متوصيني تدري صرت احس
مسويه انجاز ابدي يومي بي وانه مرتاحه .
فاروق:بلكي عله عينج ورب العالمين
يوضع رحمته وعطفه بي ويشفى .
_ هو لو بس يحجي ؟
فاروق: يحي العظام وهيه رميم بالنسبه للملابس انه راح اشتريلج ومن تنزلون كملي الباقي ها شتكولين ؟
_اكيد احب ذوقك هز راسه برضى وصلني للباب وراح دخلت فرحانه لكيت امي منتضرة بالحديقه شبكتها .
وداد:ماحب الشبك .
_ههههههه يعني شتحبين يمه شو لا من ابوسج
تقبلين واحد شلون يعبر عن الحاله الهو بيها.
وداد:دفوتي بدلي حته نتغده ترى منتضرتج .
_يمه شوصيتج يعني ابوي هم بعده؟
وداد:غديته لخاطرج .
_رجعت عليها ردت ابوسها رفعت
ايدها بتحذير .
فاطمه:زين وانتو بالسيارة هم سمعتي يحجي
بالتلفون اجا اتصال من مرة ما لاحظتي شي ؟
_لا اصلا من نزلنه نسجل عاف نقاله بسيارة وطلعنه للمكتبه وبالطريق هو يحجي وياي عن ابوي ترى جاي تظلمي ؟
فاطمه:والله محد انظلم غيري .
_تكسر خاطري صار عدها وهواس الشك
دمرها مرات اكول حقها يعني المفروض عدها غير طارق ثنين ثلاثه بس ولا عاش الها طفل
اذكر
من ماتت بنتها بوقتها انجنت هزيت راسي استغفر طلعت للحديقه اريد اصيح امي استوقفني منضرها واكفه يم الباب الرئيس مال البيت وتباوع من الفتحه عبالك طفل اهله مانعينه يطلع صحت عليها يمه ترى صبيت .
وداد:دجيبي الصينيه وتعاي هنا
اختنكت من البيت.
_ وهذا طبعها عله كد الموقف تسال تغدينه بصمت ماتحب تحجي تكول النسوان لو تسولف بااهله لو بمناسبه تحضرها
لو بطلعاتها للسوك اجت فاطمه يمنه كلت خلي احاول اقربهن شويه سويت جاي وجبته بس ماكو فايده كل وحده منهن صافنه بهم .
وداد:سمعت فاروق يحجي بالتلفون .
_ التفتت فاطمه مفزوعه .
فاطمة:شنو ويامن؟
وداد:يمكن بيت غريب خاطبين لابنهم .
_تنفست من كملت كلامها وهاي سوالف امي تتعمد تاذيها .
فاطمة:ايي بس ماعزموج ترى .
وداد:وشبيه رايحه اصلا انه منج مااحضر
واخليهن يستفزني متعمدات يحجن بالجهال .
فاطمه:هم بيج فايده مرات؟
وداد: مو محبه بيج بس لله .
فاطمة:خوش نعم الله.
_كمت وانه امد ايدي لامي بمعنى كومي .
وداد:شبيج تجرين بيه ولج عوفيني.
_يمه دخيل الله ترى حرام تسوين بيهاهيج خطيه البيها مكفيها وانتي تزيدين نارها حطب.
وداد:والسوو بيه والي جاي يسوو .
_لو بس تحجيلي يعني ليش احس
ضامه هواي امور عني ؟
وداد:عود مسويه نفسج محلله وذكيه دمشي عزلي كتبج حته انشوف وين نرتبلج مكان للدراسه .
_ضحكت انتي شلون هيج جاهزة للرد
يعني تردين اصدكج مظلومه .
وداد:مرات الانسان من كثر مايتعب
ويتاذى وينظلم يقوى .
_تحجين حكم يا امي .
وداد:خوش بس كون تاخذين منها فائده.
_لو كنت اعلم لاتخذت منك منزلا امنا لااضممت نضراتي ليوم يزورني عطش لرؤية وجهك.؟
:سلاسل:
_نعرف سوالف ابوي وندري يوميه ويه وحده
بس ماتوقعنا يتزوج ومنو سليمه ؟
الي الشارع صايح منها الغوث
هو يحجي وامي ترد وانه وجويسم
نباوع لسليمه الي نزعت العبايه ونزلت حجابها
عله جتافها بغرور متقصده تضهر محاسنها الشعر
ميش والدشداشه دلعه والاضافر مصبغه
ارتفع صوت امي وهيه تدعي عليه .
الام:الله ينتقم منك اله افضحك .
راضي:شمسوي؟
بايك سايك ازوجت عله سنه الله ورسوله .
الام:الله لا شافك بشنو قصرت
وياك وتزوج عليه ؟
راضي:كلج قصور شوفي حالج مليت منج وحذرتج يامرة عدلي روحج مايوم تكشختي .
نجيه:خايب المن اتكشخ ؟وانته
تجيني طينه وريحتك تبوخ .
راضي:هاااا خوش مادام ريحتي
ماعاجبتج بعد عليمن زعلانه خو
سليمه عاجبتها ريحتي.
نجيه:هم حاسب روحك من الزلم لو عندك ذرة غيرة ماخذت اميلت ام طيبه .
_فززنا من صفنتنا صوت الراشدي الي توجه لامي لان كلامها يمس والكل ملقب سليمه بهذا القب .
راضي::جلمه ثانيه افرك حلكج بت الفكر عاجبج تكعدين وتنجين ماعاجبج الباب يوسع جمل .
نجية:هو الباب راح يوسع مادام الباجيه دخلت .
راضي:لا انتي ترديني اكسر سنونج .
_كوى جريناها للغرفه
للفجر مكابلينها وكاعدين ويمكن
من قهرتها صارت عدها ولاده مبكرة ركضنا
عليه اندك بالباب رد بصياح .
راضي:شكوووو ؟
_اخذهل وهو يسب ويغلط
كعد جويسم وهو مخلي راسه بين رجليه ويبجي لحد ماغفه جريته للفراش وغطيته ضليت انتضرهم وبالي يم سليمه شلون اتزوجت ابوي للظهر واسمع صوت الباب طلعت اركض دخلت امي كوى تمشى وهو شايل الطفل يبوس بي تلكيتها بقلق هااا يمه شلون صرتي.
الام:عله الله بس خليلي فراش امد روحي .
_فرشتلها وابوي نزل الطفل
خلاه يمها وطلع التفتت عليه وهيه
تمسح بدموعها ؟
الام:تعاي تردين تشوفينه .
_لا بس شنو سميتو ؟
الام:جعفر.
_شويه وبده جعفر يبجي جرته لحظنها
ترضعه ماسكت كتلها اطينيا بلكي عندي ينام ردت بعبرة ..
الام:جوعان يمكن صدري نشف من القهر روحي كليله يجيب حليب ومميه .
_طلعت وانه متردده دكيت باب
الدوانيه اجاني صوته.
راضي:خير ؟
_الجاهل يبجي امي تكول جيب حليب
وبعدني مامكمله كلامي طلع متوجهه لامي
لحكته بخوف ادري بي يطكها .
راضي:و هيه شنو شغلها ليش مارضعته ؟
الام:مابي حليب نشفت صدري الله
ينشف دمك كون .
راضي:بختج بهل جنين جا كسرت ظلوعج .
الام:خابر اهلي .
الام:اذا ماخابرت تكعد ماتلكاني.
راضي:مارديتي كلعه .
_طلع يدردم وره شويه اجه شمر علينا علاكه بيها حليب ومميه لليل سمعو عمامي اجو همه ونسوانهم وتفاجئو بزواجه ورغم ماقابلين بشغله ويعرفون سليمه بس مانطو بي وذبو الوم باامي عمي يشتغل حارس بالعلوه.
طالب:مو حجينا وياج من دون النسوان مبهذله .
الام:خذتوني لحم وشمرتوني عضم
وهسه تكول هيج يتهنه بزواجه
بس انه ماضل ويا.
_هز ايده عمي وكام وزوجته خلت جوه راس جعفر ١٠ الاف وطلعو واجه عمي امير ونفس الشي وصل خالي وانه وجويسم مكيفين وكل عقلنا ياخذنا ويا وبس شافته امي بجت.
ساجد:حمد الله على السلامة
ها عليمن البجي ؟
الام::كسرني المايخاف الله ازوج عليه وهاني .
ساجد:ومالنه حق عليه شسوي
يعني اذا عاركته يطلكها ؟
_لا يطلكها انه بعد ماريده خلصوني منه هو مستحكرني يكول مالج احد .
ساجد:ولا عله عينج شر هسه اخذج وياي
شلون مالج احد بس ها فروخهم الهم
انه ماتحمل مسؤلية بزرهم .
الام:اذب جهالي حرام عليكم تقبل هيج يصير
بولدك اطوني غرفه اكعد بيها انه وياهم وماريد منكم عيشه انه ادبر روحي يخوي بيت اهلي مالي حصه بي ؟
ساجد:نوب تردينا نبيع بيتنا
الف مرة كنالج عوفي من جانت
عدج بس البت.
نجيه:ردتوني اشمرها وهيه لحمه حمرة لو قابلين اخذها وياي جان ماضليت عدهم .
_ونزعج خالي وماقبل ياخذنا ويا وبعد عتب وحجي طلع وهو ينكت بعباته ايام وابوي يجيب اكل من برا ياكلون وانه وجويسم ننتضر سليمه اطلع الصينيه
للمطبخ ونكعد ناكل اشوف امي تبجي وهيه تذكر اهلها
وكل ما اسالها هم عدج خوات ؟ت
نجيه:اي عندي ٢ غنيه اكبر مني ساكنه بالشمال
ورجلها شايف روحه وهيه هم وصارت تستنكف
منا ونسيناها .
_والثانيه ؟
نجيه:كامله تزوجت بالنجف اخذت واحد جبيربالعمر وصارو عدها جواد واياد وتمرضت وماتت وهاي سنين مانعرف عن ولدها شي .
_اندك الباب حيل كمت وانه احلف ماتزوج اله واحد يحبني و عنده هواي فلوس كون يدللني فتحت الباب .
راضي:سوي طريق كلي لامج لاتطلع .
_عيني للسيارة نزلو منها اخشاب دخلت لامي كتلها ماعلقت عله كلامي عمال ٢ شالو التخم مال الدوانيه خلو بالصاله ونصبو غرفه وسليمه واكفه بشباك المطبخ تباوع بفرح سمعت امي تصيحني .
نجيه :وين جنتي ؟
_بالحمام .
نجيه:نصبلها غرفه ؟الدوني ابو النسوان .
_اسكتي يمه لايسمعج ونوب يكتلج .
نجيه:هو هنا ماوله ؟
_يم سليمه .
نجيه: كعدي يم اخوج خليني
اكوم اسوياكم اكل.
_طلعت جنطتي اكتب دروسي باجر دوامنا
صبحي اجه جويسم من الطوبه باوعلي وكال .
جويسم:كتبي دروسي وياج .
_رديت وانه مدنكه لا والله نهارك كله دايح بالشارع وتريدني اكتبلك ماحسيت اله رفسني كمت والشرار يطاير من عيوني راد يشرد لزمته وعله صوتنا اجت امي تركض فكتنا وهو يتعمد يصيح حيل حته يسمع ابوي ..
نجيه:كافي ولك انجلبت شبيك سد حلكك .
جويسم:اليوم احرك شيب ابوج .
_ركض يدك بالباب مال غرفة سليمه تالي ايس ورجع فشلان .
نجيه:ابوك بعد مايسمع ولايشوف لا تتحامه بي .
_كارهه الدوام بسبب التنمر الي نتعرضله و الجهال الي من منطقتنا اكثرهم اخلاقهم زفت وصارت علينا نضرة من المدرسات وبقيه الطلاب تبتعد عنا خليت الجنطه يم راسي وهو بعده مطنكر وماقبل لا ياكل ولا يدرس التفتت عله امي الي حجت بترجي.
نجيه:سونه بعد امج كتبيله لخاطري وازيد مصرفج .
_باوعتلها بشك ادري بيها الصبح تغلس مديت ايدي بمعنى اطيني .
نجيه:من اكوم اطيج .
_يمااا مايمشن عليه كلاواتج ورقي حته اكتبله ترى نعست وباجر ينصلخ جلده من المدير .
نجيه:ماعدج حنيه ؟
اكلج لخاطري بس هاي المرة .
_خلي يجيب جنطته كون ماتنجح .
جويسم:ام عطوب اذا رسبت اغطج بالخيس.
_وثاني يوم نطلع ركض ولازم بالروحه نضرب باب طشه بطابوكه وبالرجعه نصيح باكله صوله بيها ذبان ويوم بعد يوم ابوي صار يبعد حته جاسم الي جان يحبه ماسال عنه
وماجنت اعرف شنو احساس امي الي صارت اذب حركتها بشغل البيت وهذا الانتقام الي بس يبجي خليته بحظني وكعدت انتضرها تكمل خبز
حته تاخذه مني التفتت مبتسمه .
نجيه:اذا اموت اريدج تصيريلهم ام عينج عله اخوانج ذول سندج بالدنيا .
_هزيت ايدي كل عقلج هو انه متحملتهم لان انتي موجوده اذ،صار بيج شي ماضل هنا لطمت صدرها بفزع من كلامي
طبكت الخبزات وشالت الصينيه وهيه اتاشرلي اتبعها للمطبخ والخوف بعيونها عبالك لزمتني عابرة السياج كعدت فحطانه ناوشتها جعفر واطيتها ماي .
نجيه:ولج سوله موتي يصير عله ايدج .
_باوعتلها بملل خير يمه ترى ابوي اتزوج عليج مو انه ؟
نجيه:تعرفين البنات الي بيت نوشه
هذن شاردات وضحكو عليهن اولاد الحرام تالي مصيرهن بيد الزلم .
_ الي يسمعج يكول لازمه جنطتي واكفه بالباب بس ملينا محبوسين عاد خلينه حالنه حال الجوارين مو هاي النسوان والبنات يكعدن بالباب وناس تدخل عله ناس .
نجيه:والي يكعدن بالباب ولمة نوشه يايمه مامنها بس المصايب مثل سليمه وربعها .
_سكتنا بدخول سليمه وهيه طك بعلجها دنكت تاخذ خبزه ما خلتها امي باوعت متفاجئه .
نجيه:من جابج شرطتي عليه اخدمج تردين سم كومي وسوي لروحج ؟
_ردت سليمه ابردو عكس النار الي
بنضرات امي.
سليمه::نجيه سوالف الشرايج والغيرة ماتلوكلج ترى اذ خليتج ابالي ابجيج .
_باوعتلها شلون عدها شخصيه وتحجي بثقه لبسها لهيج دشاديش دلعه والونها زاهيه شعرها الي دائما مرتب مكياج خفيف
سواراتها والسناسل الذهبيه فززني من صفنتي طكت امي التفتت بفهاوة ليش طكيتيني يمه . ضحكت سليمه وهيه تغمزلي .
نجيه:اخذي اخوج لفراشه عليمن
فاكه حلكج .
_ درت وجهي عليها وحجيت بجديه يمه ليش ماتصيرين مثل سليمه ؟
نجيه:اطلعي انعل ابوج لابو سليمه ادبسزز ترديني اصير مثلها زايحه المستحه وافتر بحظن الزلم .
_ومنا بدت المشاكل بينها وبين سليمه هيه ابد ماتتحارش بينا بس امي الي تعيل صرت احفظ كل حركاتها واقلدها رغم شبعت كتل من امي .
نجيه:اذا شفتج واصله دبسسز.
_ درت وجهي عليها وحجيت بجديه يمه ليش ماتصيرين مثل سليمه ؟
نجيه:اطلعي انعل ابوج لابو سليمه ادبسزز ترديني اصير مثلها زايحه المستحه وافتر بحظن الزلم .
_يمه ترى هيه ويانه نفس البيت مو بيت نوشه.
نجيه:هاااا نوب تردين تفوتين لنوشه اييي كلشي يطلع منج سونه جا كالوها الساس نداس .
_ ادري قصدها تعيرني بعماتي الي من تزوجن لليوم ماسمعنا شي عنهن من شفتها دخلت درت وجهي بزعل .
نجيه:ايلوك والله نوب تزعلين ولج شكد شفت صلفات بس مو مثلج اكو وحده تصاحب مرت ابوها عله امها .
_اوووو يمه شبيج شنو مصاحبتها .
نجيه:جا شعدج مكابلتها وكاعده ؟
_وين اروح لا تقبلين نطلع حالنا حال
الناس ولاترضين احد يدخل علينا
ولا تلفون ؟
نجيه:التهي بدروسج احسن .
_وهيج صارت ايامنا نصبح عله هوستهن
طلعت وانه افرك بعيوني اريد افهم عليمن
عركتهن امي تصيح وتغلط وتهدد وسليمه كاعده
تتريك ولا جنها تسمع والي عرفته صاحبات سليمه يردن يجن يشوفنها مدري يتباركن وامي رافضه .
نجيه:وعليمن يتباركلج
شنو اول زواج الج ؟
شو انتي ليليه معرسه.
_كامت سليمه خلت الصينيه
بالمطبخ ورجعت موجهه كلامها لامي .
سليمه:لا انتي فقيرة عله وجهه؟
ولا انتي رعنه؟ ولا انتي بيج خير؟
واكول مرة وشايلتها الغيرة عله رجلها نجيية اذا
سمعت كلمه لو حاولتي تفشليني كدامهن انضف بيج الشارع من نشارة الخشب مال النجارين .
نجيه:خاف عبالج تايهه مثلج؟
غير اخلي اخوتي
يزينون راسج صفح ..
سليمه:خفت خفت شوفيني
رفيت موبس رجفت .
_دخلت لغرفتها وسدت الباب التفتت امي محتارة شسوي للظهر اجه ابوي محمل فواكه ومسواك طلعت سليمه عزلتهن وحضرت نفسها تستقبل خطارها .
_اندك الباب وقبل مايطلع التفت عليها.
راضي:اذا سمعتلج حس ؟
لو سويتيلج سالفه مارحمج .
_كامت وجرتني وياها يا يمه انه شعليه؟
نجيه:لا طلعين لحد مايرحن مو تريدلهاناس تخدمها سهله انه اربيها اذا ماشردتها .
_لحد ماراحن صاحبات سلميه طلعت سليمه اتباوع لامي بتحدي وكأنو تكول مشيت كلامي لو لا تبتسم بمكر تتعمد تغيض امي الي ماتحملت وردت عليها .
نجيه:طبعا يتلوكلج جا غير امشي
شغله براسج خايبه لو يحبج صدك
مامخليج تركصين والزلم تباوع عليج .
سليمه:يحبج عيوني والدليل من تزوجتي لليوم انتي مكناسه مال خدمه تذكرين لو نسيتي حته ملابسهن تغسليها وماتنامين لحد مايجن خواته وتفرشين فراشهن ..
نجية:وهم اشرف منج ركصن دكن ومن اجاهن ستر كيفن وعافن العراق والكار كله .
سليمه:الله يرزقج ويرزقهن الستر والعافيه نجية كفي شرج مني مالي خلكج .
_ نهى جدالهن ابوي بدخلته وماضيعت فرصه سليمه وهيه تكوم لغرفتها وقبل ماتدخل غمزت لامي بمعنى شوفي حته ماالتفت عليج وفعلا تبعها
ومن صوت ضحكاتها وشقاها ويا بمياعه عرفنا الي يدور بينهم درت وجهي لامي دنكت وكأنو تكلي هيه اقوى مني كامت بكسرة واشرتلي اتبعها .
نجية:لا طلعين اريد اغفه ساعه كاعده من الصبح عينج عله اخوج .
_صافنه طلعني من شرودي صوت جعفرفزت وهيه تحجي.
نجيه: فوك الضيم انته هم مستكثر عليه الراحه
شبيك بس تبجي كومي سونه غسلي مميته .
_ واكفه عله السنك ونفتح الباب اباوع الها هسه شنو حبت منه هيه حلوة ومو بحاجته والله لو بمكانها ماتزوجه فتحت الثلاجه اخذت بطل ماي وعينها عليه عبالك تعرف بشنو افكر ادنت وهيه مبتسمه صفنت بوجهه .
سليمه:صلفه انتي ونضراتج وكحه .
_مارديت عليها غمزتلي رجعت لامي اصفن شنو
قصدها وهيج سليمه خلصتها وياي مرات تغمز ومرات تشمر كلمات تحسسني يجي يوم واصير مثلها ؟
نجية:سونه سونه خايبه شمالج ميته .
_فتحت عيني بكسل باوعت لجويسم لفته بيده وحاير وين يخلي كوب الجاي غميته وكمت يالفكر شمالك خو اكعد وتزقنب مثل البشر .
جويسم:غير ابوي وسليمه يتريكون وامي
ماخلتني اكعد يمهم ديله كومي .
_اسمعهم يداهرون بس غسلت وجهي وبدلت طلعنا وهيج صار بيتنا هوسه ومشاكل راجعه من المدرسه واسمع صريخهن ركضت لكيتهن متكامشات وجعفر
ناط من البجي وماشوف اله جويسم ركع سليمه بطابوكه من شفنا الدم الي غرك وجها عبالنه ماتت امي
ضلت تلطم من خوفها ركضت للشارع تصرخ التمو الجيران دنكت ام دعدوش شالت جعيفر وهيه تحجي .
ام دعدوش :ولج مابيها شي انسحنت روحها من الطكه
بس شمرت بوجها الماي فزت
عار ماتموت .
_اجت نوشه هاده تغلط وتفشر
رادت تلزم جويسم دفعتها امي .
نجيه:اختج بت عمج و تعاركين عليها؟
لو صاحبة كارج ورفيجت شغلج
اطلعي من بيتي يله ..
نوشه:تغارين منها حقه راضي ياخذ عليج اليابسه ام الوصخ عليمن اتعب روحي هسه ترجع وتمسح بيج الشارع .
_جروها ولد المنطقه وطلعوها وصل الخبر لابوي اجه واحنه نتلبد من غرفه لغرفه نقلوها للمستشفى .
نجيه:كوم جويسم روح لبيت عمك قبل
مايجون ابوك خاف يكتلك اذا سالكم
منو طكها كولو امي .
جويسم:يمه خاف يلحكني ؟
_بعدنا نحجي ودخل عمي يصيح.
طالب:شوفيلج جارة وين تضمون
ارواحكم سبع خياطات براسها
واشتكت عليج .
نجيه:لا والله ولا اتحرك من بيتي خل تاخذني
الحكومه اذا ماجريتكم كلكم واطلع القديم والجديد .
طالب:هاا شعدنه وتهددين بينا ؟
خوش خلي يد خلونج للمركز وهناك عودطلعي لسانج .
نجيه :عبالكم اهلي يسكتون ؟
طالب: فوك ماطاكتها ماخجلتي
زغيرونه وتعاركين؟
نجيه:تردون الله يوفقكم وانتم باطل نوب
انه الغلطانه خذت رجلي وجت فوكي
وبيتي وتعاركني وتردوني اسكت ؟
طالب : خذته كوى لو من اهمالج هيج كاتلج راضي وغيرانه عليه جا صار سنين نحجي ماانتبهتي لروحج
ياعمي كفي الشر مالنه خلك المشاكل روحي لاخوج . بين مانقنعها تتنازل .
_واقتنعت امي بسرعه لمينا الي نحتاجه
وهمزين عدها فلوس دلاعات جعفر وصلنه
خوالي بس جان ملكاهم بارد ضلينه واحد يباوع
بوجه الثاني .
طالب : خذته كوى لو من اهمالج هيج كاتلج راضي وغيرانه عليه جا صار سنين نحجي ماانتبهتي لروحج
ياعمي كفي الشر مالنه خلك المشاكل روحي لاخوج . بين مانقنعها تتنازل .
_واقتنعت امي بسرعه لمينا الي نحتاجه
وهمزين عدها فلوس دلاعات جعفر وصلنه
خوالي بس جان ملكاهم بارد ضلينه واحد يباوع
بوجه الثاني .
ساجد:ليش طلعتي من بيتج ؟
ابنهم الطاك المرة وهمه يسدون السالفه تعتبرها طكه من سكاره الكعدات جايبتهم وجايه تدرين ماحبه ولا اشتهي بزرته؟
نجيه: يخوي جهالي جا همه شنو ذنبهم ؟
ساجد::وهسه يكيف يخلاله البيت هو وسليمه .
_ومن طريقه كلامه عرفت مايريدنا
دنكت امي تمسح بدموعها .
ساجد:مادامج جايتني تمشين بشوري
وانه اعرف شلون اضبهم الج ودي
جهاله حته يضطر يرجعج اذ همه
يمج مايهمه شي .
_وماتصورت خالي بهاي القسوى حته جعفر
اخذه من حظن امي وهيه تبجي وتتوسل .
نجيه:خويه يموت الولد منو اله هناك ؟
ساجد:لا تعاندين خلي يحتار بي .
_اخذنا الطريق كله هو يسب ويغلط وانه وجويسم محتارين بجعفر الي يبجي لحد ماوصلنه لبيتنا نزل واحنه ورا دك الباب بقوة طلع ابوي وتفاجئ من شافنا وبدون سلام خالي كاله.
ساجد:ذول فروخكم وابنك هو الطاكها
وانه باجر اروح للمركز واكول للضابط..
_وماانطه مجال لابوي يرد صعد سيارته
ومشه بقينا واكفين بخوف صاح بينا.
راضي:ادخلو انعل ابو ساعة السوده الخلفتكم بيها .
_حظنت جعفر والتفتت لجويسم الي حاير والخوف واضح عليه جرة ابوي وهو يكفخ بي لحد ماوصله للطارمه .
راضي:روح اتعذر من سليمه وبوس ايدها .
_ طلعت سليمه مضمدين راسها
و مخليه لزكه بكصتها باوعت لجويسم
وحجت بتهديد.
سليمه:اله اصلخ جلدك الله جابك اطكني وتشرد اليوم اذ مانيمتك بالخرابه واخلي بزازين الجده يتعشن بيك.
_بجه جويسم وختل بظهر ابوي الي ماعوزه
يبوس رجليها كدامنا ويتوسل مثل الجاهل.
راضي:انتي ام عقل الجبير والحنينه احسبي وليدج وغلط وهاي امه وزته هسه يبوس ايدج ويتعذر وانه افصلج اطلبي مايردج اله السانج .
_وبعد تواسيل ولواكه دنك جويسم
وباس ايدها ويتعذر .
جويسم:بعد ماعيدها .
_اشرت لابوي تبعها لغرتهم حطيت جعفر الي طيح اديه تبعني جويسم وعيونه تمطر جر فراشه ونام بهظم ومن كثر ماتعبانه بس خليت راسي غفيت ماكعدت اله عله صوتها تصيح.
سليمه:ولج ميته كعدي اخوج فرفح من البجي شوفي خاف جوعان لو يريد تغيرن حفاظته.
_ كمت بسرعه شلت جعفر وادور عله مميته لحد مالكيتها احس اذني صار بيها وشه من صوته كوى سكت كمل رضاعه وهو رجع يبجي لحد ماتعب ضل يناشغ كعدت محتارة اخذته وانه احجي بتذلل سليمه.
سليمه: ثوله كولي باجي .
_هزيت راسي اي وانتضر منها تكلي شسوي .
سليمه: امج الغبرة شلون انطاها
كلبها دزه وياكم .
_مو هيه خالي ماقبل.
سليمه:دمشي بدليله هسه يسكت .
_بالويل خلص اليوم ويه جعفر الي يبجي بدون انقطاع وثاني ويوم كعدت احضر روحي للمدرسه ندهت جويسم ماقبل يكعد بدلت وكل عقلي اخلي جعفر نايم لحد ماارجع ووصي عليه سليمه غطيته واخذت جنطتي وطبكت الباب حته لايفز درت وجهي للصاله لكيتها متخوصرة .
سليمه:خير شو لابسه صدريتج ؟
_جا غير اروح للمدرسه .
سليمه:واخوج وين تخلي عند الفراشه ؟
_هو نايم بلكي لحد ماارجع مايكعد مو اذ مارحت يفصلوني باوعت عليه بستهزاء .
سليمه: امشي ام الوصخ يفصولونها عله اساس بكلوريا
عود من ترجع امج داومي .
_وبعدني ماراده طلع ابوي
من الحمام .
راضي:انعل ابوج لابو المدرسه اذ لكيتج
معتبه الباب .
_رجعت للغرفه اسب وانعل بكلبي
ويوم يجر يوم وانه محتارة بجعفر وعله كد الي اعرفه اغسله وبدل ملابسه وجويسم اجته رحمه لزم الشارع لا دراسه ولاشي
وامي مامنها خبر تمرض جعفر وحته الحليب كام مايشربه ولحد ما وصل الموت يله ابوي اخذه للطبيب واكفه بالطارمه انتضره دخل ومبين عليه القلق تلكته سليمه.
سليمه:ها شكال الطبيب؟
راضي:رادو ينيمونه مستشفى بس توسلت بالدكتور وكتله امه زعلانه انطى هذا الدوى معوده ماالله هداج لايموت الولد واعتبريها خدامه خليني ارجعها لخاطر هذا الجنين.
سليمه:اذا رجعتها اطلكني
روح ودي ابنها الها .
راضي:اخوها ماراح يقبل؟
سليمه:اذا ماخذته جيبه انه انام بي
مستشفى ولو ماحب الجهال .
_وبدون مايناقشها التفت عليه كال جيبي لميت غراضه اخذه وراح عجيب شنو الي خله ابوي يصير هيج مطيع جانت امي حسره عليها تحجي ويا كلمه فزيت من صفنتي عله صوتها .
سليمه:لاتصفنين اول وتالي تعرفين.
_عافتني ومشت وانه عيوني وراها ادرس كل حركه حته مشيتها رجع ابوي وجعفر بقى عند امي وصرت اخلص يومي اباوع لسليمه وهيه تضحك عليه شلون اصفن عليها .
_ صرت الهي روحي بشغل البيت
بالي يم امي اشتاقلها بس
اخاف احجي ايست من المدرسه لان تلقائيه اعوفها ماكو وحده بشارعنا كملت لو اخذت شهاده صرت الهي روحي بالتنضيف سليمه ابد ماعدها اذيه يعني لاتكتلنا ولا مثل ماجنه نسمع عن مرت الابو تخلص نهارها بالتلفونها الي مايسكت ردت عله المتصل والظاهر صديقتها.
سليمه:يا هلا بالغاليه يبارك بيج اي كلت
اخذلي فترة عسل غير عروس لا يابه هل يومين يمج اي كلش ملل .
_نهت مكالمتها بضحكه وكامت متوجهه للتلفزيون شغلته وطلعت اغاني وبدت تتمايل هيه طويله وجسمها حلو والمعروف عنها محد تركص مثلها قللت الصوت وشمرت نفسها عل التخم والتفتت عليه.
سليمه:ولج ام عطوب تعرفين تركصين ؟
لا وين اعرف .
سليمه:شعجب عماتج جانن يركصن
الحديد.
_امي ما تقبل يعلمني ..
سليمه:فكر من يومها .
_وبدت سليمه تطلع للشغل مرات ويه ابوي واكثر الاوقات وحدها تجي وقت متاخر باليل
من غير شغلها بالفايز هيه وام طيبه الي
جانت بشارعنا وشالت قبل فترة بس بقن يشتغلن سوى من الملل ماخليت
مسلسل هندي يعتب عليه مرات اغفه بالصاله .
سليمه:ولج سووونه ياااا العوبه شمالج نايمه
هنا جويسم شوكت طالع .
_مادري بس هو يروح لساحة الطوبه .
سليمه:شيلي فراشج ام طيبه جايه
بسرعه عزلي الصاله .
_كاشخه والعطر واصل للباب وعلجها بي صوت شويه واجت ام طيبه ونفس ترتيب سليمه خلصنها تبسبس وضحك كامن دخلن للغرفه وقبل مايجي ابوي راحت راحت ام طيبه.
_ كاعدين بحيرة واحد يكول للثاني حاجي ابوي بلكي يرجعها .
جويسم:ولج انه سمعت ابوي يسولف لعمي طالب من ودوه جعيفر خالي كايللهم بعد لاتوصلون مالها رجعه وياكم.
_ يودينا نشوفها ونرجع .
جويسم:خالي مايرضى .
_ماجاني نوم طلعت للصاله شغلت التلفزيون وصوت سليمه تحجي ويه ابوي مافهمت شي ضليت مركزه وياهم .
سليمه:شو جنك ماقابل ؟
راضي:وين اوديهم والاجارات غاليه وهم يرادلهم مصرف والسوك واكف هاي الايام .
حديثهم مامفهوم بس الفضول كتلني تقربت للباب اتسمع .
سليمه:شوفلك بيت حواسم وهيج
تخلص لا ايجار ولا دوخه .
راضي: نشوف .
سليمه:شو درت وجهك خير ؟
راضي:اناملي جم ساعه وراي غبشه حملي كال عدنا عرس بال.
سليمه:امده حظي خلي تسمع الحاسدتني .
راضي:هااا شسالفه غير تونا سبحنا؟
_ابتعدت لان حديثهم اخذ غير منحنى
رجعت للغرفه ونفس كل يوم كملت تنضيف
صافنه لسليمه ماعدها احد امها وابوها ميتين وجانت كاعده عند اختها ويوميه متعاركات والمنطقه كلها تعرفهن هيه جبيرة وكم مرة زوجت وطلكت مايصير عدها جهال فزيت من صفنتي عله صوتها طلعت عله حبايه ونص .
سليمه:وين اخوج ؟
_نايم .
_خوش قفلي عليه باب الغرفه
لاتخلينه يطلع لحد مااكلج وانتي روحي نضفي الدوانيه جايني رجل ام طيبه عله مود فلوس الاقساط.
_بعدني ماراده طلع جويسم يفرك بعيونه بوجهه للمطبخ كعد يتريك وهيه تباوعله بنضرة واحد مستعجل زمخت بي.
سليمه:فضها شبيك مخترع وعبالك ماراح نسوي غده كوم بسرعه تلكه ابوك بالكهوه كله خلي يذبحلنا دجاجات وينضفهن.
_طلع جويسم ورا شويه اندك الباب سبقتني سليمه وهيه تفتحه وترحب دخل واحد بعمر عمي امير بس مرتب جان متردد ويتلفت اشرتله يتبعها
_وبوجهم لدوانيه وقبل ماتسد الباب التفت عليه وهيه تحذرني .
سليمه:اذ اجه جويسم اخذي منه المسواك وخلي يروح يلعب ولاتخلينه يوصل هنا .
_ومدري شنو الي دفعني حته اعرف الي يصير لان الي اعرفه ام طيبه ماعدها رجال منو هذا وليش ماكعدو بالصاله ضليت محتارة خاف تلكفني دقايق وانه اتلفت وبعدني ماواصله للشباك اندك الباب عرفته جويسم بسرعه طلعت شمر عليه العلاكه وهو يحجي .
جويسم: ابوي يكول خلي يطبخون بس وحده
وانه رايح لساحة الطوبه.
_خذتهن وهو راح يركض قفلت الباب ودخلت خليتهن بالمطبخ ورجعت امشي عله اطراف اصابيعي متمنيه اسمع حديثهم المامفهوم لان تحجي بمياعه.
سليمه:ليش زعلت .
!!لاتلعبين وياي تدرين مااتقرب من الماعون
اذا غيري اكل بي ليش جذبتي
عبالي ام طيبه هنا .
سليمه:شسوي ؟مشتاقتلك .
!!المن تزوجتي مو كتلج خليج حرة.؟
سليمه:مو توسلت بيك لو عاقد عليه.؟
!!انتي ثوله لو ثوله صدك لو كالو عقل عبيد
زواج ايش مو كتلج ابقي واخليلج بيت .
سليمه::ندمانه بس ماكوفايده بعد الفاس
طاح بالراس .
!! اعاقبج عله هاي الدكه لو تفصليني ؟.
_مالحكت ادخل ومن غبائي شغلت الماطور
وجريت الصونده وفيضت الطارمه ملابسي نكعت
طلع وهيه ورا.
سليمه:خرب ابوج ليش مفيضتنا.
_خرب روحج سليمه خلته ينتبه لوجودي
وصل للباب ورجع موجه نضراته عليه ...
بدايه ملعونه
خطوات نحو السقوط .
