رواية كريات الدم السوداء الفصل الثالث بقلم زحل
_باوعلي عاكد حاجبه من خوفي
غمضت وجهه كلامه لسليمه
!كم مرة حذرتج .
سليمه:لا تخاف طينه .
_هز راسه بعدم رضى وطلع
مزعوج طبكت الباب ورا والتفتت
عليه .
سليمه :يحضي مووصيتج ماطلعين؟
هذا يتخبل ولا واحد يشوفه .
_مادري بي يطلع كلت اغسل الطارمه .
سليمه:بعد من اكولج كلمه انتبهي
وسمعيها عدل .
_ هزيت راسي اي
مدت ايدها لصدرها طلعت الفلوس باستهن وهيه تمررهن عله خشمها بفرح ومبين المبلغ هواي اخذت منهن ٢٥ ورجعتن لفنس المكان وانه اباوع الها قدمتها الي بمعنى اخذي هزيت راسي بفهاوه .
سليمه:هاي الج مصرف اشتري التردينه
بس مو تخلين ابوج يعرف
وكل ماتصيرين كتومه ادللج.
_خلتها بيدي ومشت كدامي
وهيه تسأل.
سليمه:وين المسواك ؟
_عله الكاونتر ابوي موصي
جويسم نطبخ بس وحده.
سليمه:فكر مو جديده عليه جان
حته افلوس
الكيت يقسمهن وياي بالنص .
_تكص بالدجاجه ودك تلفونها فتحت
خط وخلته عل كاونتر ردت بمياعه .
سليمه:ها اشتاقيت .
!!لاااا بس نسيت جداحتي ع تخم .
سليمه:يممممه همزين ذكرتها معود
دوكف خلي اشوفها .
!!ديري بالج لا تنشحطين امشي لج عل
اساس خايفه من سبع البرمبه.
سليمه:وعيونك مايدري ترى شلغنه
رقص وطرب بس غير كلبي الحبك .
!!الج ونه ام الحب فضيها .
_اشرتلي بمعنى شيلي التلفون اخذته
وتبعتها للغرفه وهيه ويا مستمرين واحد يرفع واحد يكبس اجت عيني عل جداحه كتلها هاي يم الكوشه ما التخم والظاهر سمعني كال بضحك .
!!هههههههههاي انطيها اكراميه .
سليمه:هاي كله علمود الجداحه .
!!مو مالتي ضميها بلكي يصيرلي مجال
امر عليج اخذها انصرفي باي.
_نهى المكالمه وهيه خذت الجداحه ضمتها فوك الكاونتر كملت طبه وطفت الطباخ وكالت .
سليمه:يله بس كفي هاي المواعين
رايحه اسبح .
_وبس شفتها دخلت للحمام
جريت الكرسي وصعدت للكاونتر اخذت الجداحه ركضت للغرفه ضميتها بملابس امي وطلعت ماعرف ليش هيج سويت؟
وتمشي الايام بين سوالف ابوي وسليمه وجويسم الي مسجل بفريق مال طوبه وتعدت فترة والظاهر خوالي دازين عليه اجه يحجي بعصبيه .
راضي:يعني اله تسويلي طلابه؟
ترى زودتيها وبعدين مو هيه الطكتج .
سليمه: اجرالها وخلصنه المن جايبها ؟
راضي:منيلي هاي الفترة الشغل واكف.
سليمه:اذا رجعت انه اطلع من البيت
وبعدين وين فلوسك؟
ذاك الشهر كله حفلات .
راضي:منين نصرف .
سليمه:اوووووو ترى بزعتني اخذلها حواسم
خلينه انه وياك نستغل البيت للفرقه
وليش يروح الخير لنوشه خو نجيب
الي نريده هنا .
راضي:سليمه كتلج بيتي ماادخل بي مالنه
خلك الهوسه التصير باليل .
_ بدون ماتهتم لوجودي جرته للغرفه وسدت
الباب بقيت كاعده وهمه صوتهم واضح .
سليمه:خوش ناجر ونخلي
هذا البيت للشغل .
راضي:وين تردين توصلين؟ كتلج
حدنا
شغلنا اذ فتحتي بيت تستقبلين
كل شي لا طيحينه بمصيبه .
سليمه:افهم كلامي ما اقصد مثل نوشه
بس الصيدات الثكيله .
راضي:هسه خلينا بسالفتنا هاي اذا
مارجعتها تطلب نفقه.
سليمه :دعوف نجيه خليها تتادب عود نشوف
وين نحطها تحسين عنده كعده راس الشهر.
راضي:اذا بالمزرعة نروح ؟
سليمه:دتعال انه مشتاقتلك .
راضي:هههههههه عود ردت انام.
سليمه:جنك قشمرتني؟ يراضي الي يشوف
نضراتك قبل لاتاخذني يكول كل شهر تخلف توم
راضي:كومي هزي طولج .
_واشتغلت الاغاني وعله صوتهم كمت اتمايل
واتخيل روحي بحفله واركص مثل سليمه وينعجب بيه وين العنده فلوس وكل هاي الفترة غافله عن نضراتها الي مرات اخاف واتهرب منها لان كلش غريبه وحته تصرفاتها بس ماجنت افهمها وتكررت جيات ام طيبه وعله شنو يتعاركن مااعرف ؟
سليمه:جهازه مغلق هو نفس الرقم
العندج عندي.
ام طيبه:وترديني اصدك ؟
سليمه:يابه دروحي شنو مختار انه؟ لو فتحات فال شمدريني همه الهم وكت قابل باقين علينا.
_طلعت ام طيبه زعلانه وانه افكر منو
الشخص الي يتعاركن عليه .
سليمه:كومي جيبلي كلاص ماي وخلي بي
ليمون رفعت ضغطي عجوز السكك .
_مافهت الكالته غلطه صفه عفتها تبحوش بنقالها ودخلت المطبخ كصيت ليمون وهذا مشروبها المفضل لازمه الكلاص بيدي واكفه يمها شمرت النقال بعصبيه واخذت الكلاص مني شربته جرة وحده وبعد فترة التهت بالحفلات ترجع باليل تعبانه وتخلص نهارها نوم وصار كل شغل البيت عليه وامي ابد ماسألت علينا كعدت لازمه راسها.
سليمه:سويلي جاي ثكيل وخلي بي
نوميه راسي راح ينفجر .
_سويت الجاي وجبته لكيتها داخله غرفتها
دخلت خليته يمها وعيني للمكياج والعطور الي
مسفطه عل ميز وعبالك فهمت نضرتي
حجت بتعب .
سليمه:ها تردين مكياج ؟
_لا بس حلو شكلهن .
سليمه:دجيبي هذا الاحمر وتعاي.
_ناوشته الها وضليت واكفه فتحته وخلت لشفايفها وقربته لخشمها تشتم عطرة اشرتلي صعدي يمي رديت عليها بخجل لا ماريد اخلي .
سليمه:تعاي مابيه احجي .
_صعدت يمها وكل ضني تطيني انه اخلي بس تفاجئت هيه خلتلي ونضراتها تخوف و بدون مالتفت عليها طلعت من الغرفه همزين اجه جويسم ضليت كاعده يمه وهيه بعد ماطلعت لليل اجه ابوي.
راضي:ها شو وحدكم جا سليمه وين.
_رديت عليه نايمه تكول راسي تعشينا انه
وجويسم بس حط راسه نام ضليت انه الي صار شغلي اتسمع عله كلامهم ومدري ليش صار كل تفكيري اصير مثلها سديت الباب وضليت اتمايل لحد ما سمعت صوتها تصيح وهيه بالغرفه .
سليمه:ولج انخمدي شعدنا سهرة؟
_وصار شغلهم ليل نهار وحسب العرفته بالنهار يطلعون مزارع وباليل لو اعراس لو كعدات خاصه مرات ابوي مايرجع يبات وهيه تجي منتهيه كعدت وهيه تعصر برجليها باوعتلي ودارت وجها لباب الغرفه وكانؤ ادور عله شي .
سليمه:اخوج وين ؟
_تعشه ونام تردين اصبلج لو اسويلج كهوى .
سليمه:لا بس تلكين بالثلاجه دهن مال اعصاب جيبي وتعاي فركي رجليه احس بيهن مكسرات النذل ابوج اليوم اتعمد يدك خشابه .
_جبت العصارة وتبعتها لكيتها متمدده فتحت الدهن وبديت اخلي لرجليها بحذر مادري ليش خايفه منها وهيه كل ساعه وكالت .
سليمه:ولج عصري عدل راح انعل والديج .
_لحد ما غفت يله تنفست طلعت اتسحب خاف تفز وحلفت بس يصير الصبح اروح لامي واعاركها يعني شنو ذبتنا وبعد ماسالت وبس فزيت ندهت جويسم وعله ما صحصح الف كفخه اخذ مني.
جويسم:شبيج ام عطوب ليش
اطكيني شعدج ؟ من الصبح .
_ديله الاشكر وابوك امريكي كوم
بسرعه قبل لا تكعد سليمه .
جويسم:وين موليه؟ .
_انروح لامي نحجي وياها بلكي
ترجع ترى مليت هاي البومه تخوف
وابوي ماداير بال .
جويسم:ماروح خالي يطردنا ذيج المرة
وز جهاله عليه شحتوني بالطابوك لحد
ماوصلت لراس الشارع .
_انه وياك انعل والديهم واذا امي
ماقبلت ترجع بعد مانوصلهم .
جويسم:واذا كعدت ومالكتنا ويجوز تخابر
ابوي وتكله ماروح .
_مالك شغل بس فضها وكوم ماتكله
ولا راح تحجي .
جويسم:اوصلج للباب وارجع .
_سحلته لان فت حوصلتي
غسلت وجهه وطلعنا
لحد ما وصلنه وهو كل شويه يكول .
جويسم:هذا حدي بعد انتي تندلين
روحي
وانه اضل واكفلج هنا .
_مشيت بهمه وانه محضرة سوالف الايام واليالي
المرت علينا دفعت الباب صارت بوجهي مرت خالي واكفه تخبز سلمت وردها خلاني حته الكلام الي محضرت راح من بالي سالتها عن امي.
!!جوى منو جابج واذا ابوج وياكم لا يدخل
بين ما اكمل وخابر خالج .
_لا بس انه وجويسم.
!!!يمممه لوحدج شلون جيتي
يعرمه وابوج يعرف لو لا ؟
_واضطريت اجذب لان رد فعلها يخوف
خوالي بطلو من الفرقه وشالو من منطقتنا وعاشو
عله كد حالهم عدهم بساطي مال مخضر بالسوك ومرات يبيعون ركي بس بناتهم ونسوانهم مايطلعن ابد ودوم جانو ينتقدون ابوي عله شغله احنه مايوم طلعنه ويا وحته امي ابد بس جانن عماتي داكوكات وتالي طلعن للكويت وتزوجن هناك بقو ابوي وعمامي يحيون حفلات يغنون وكل واحد بيهم عنده فرقه متكونه من نساء ورجال بس مايجيبون احد للبيت.
_عله صوتنا طلعت امي وتفاجئت بيه
نزلت جعفر من ايدها وحضنتني تبجي
دخلنه جوى وبدت موالها .
نجيه:هيج نسيتو عدكم ام صارت
سليمه امكم .
_يمه خالي كل مايجي
جويسم يكتله ويطردة كومي وياي نرجع لبيتنا وسليمه ماتحجي قابل اطلعج كوى وحته لو حجت هم نتحملها انه محتاجتج ترى ماخلوني اداوم وجويسم لازم الشارع .
نجيه:ماكدر اروح اله يجي ويحجي ويه
خوالج همه شرطو عليه يحطلنه بيت.
_يابيت يمه تدرين لو تبقين سنه ماينفذ
شرطكم واذا عله سليمه هيه اليل
كله برا ومن تجي تخلص نهارها نوم .
نجيه:وخالج لهذا السبب مايقبل ارجع يكول
ماتكعدين وياها نفس البيت سمعتنا تصير بالكاع .
_وين جانو عنه ابوي هذا شغله قبل
ماانولد وبعدين يخافون عليج وانه مافكرتي.
نجيه:مااكدر اكسر حجاية خالج اذ طلعت
مالي سند بعد وابوج يتفرعن
عليه خليهم يضبونه .
_تعبت وانه اتوسل واقنع بيها وهيه ترد
خالج مايقبل كمت بزعل كتلها اذ ماترجعين
انسي عندج بنيه دنكت تبجي .
نجيه:وين جويسم صيحي خلي ابوسه .
_احس اعيوني جمرن ماردت ابجي
طلعت وماخليت جويسم يدخل وبس
صعدنا التكسي
بجيت وصلنه لكيت الباب عله حطته مثل ماطلعنه
كلت همزين بعدها نايمه بس خليت رجلي بالطارمه
انجرتني تحجي وتكفخ بيه جويسم شرد ثاري واكفه
ورا الباب اريد اخلص روحي منها ماكو تالي هدتني كعدت فحطانه .
سليمه:وين جنتي عرمه اليوم اصلخ جلدج
احجي ولج لا تفتين كلبي
شصخمتي ويامن جنتي ؟.
_نزلت دموعي وانه ارد عليها رحت
لامي باوعتلي مستغربه وردت بعصبيه.
سليمه:جذابه راح اخابر ابوج وهو يعرف
شيسوي احجي خليني الحك السالفه شفينتي؟
_تحجي وكل شويه وفتحت الرمز مال التلفون
تهدد تخابر ابوي كتلها ترى جويسم وياي
اذا ماتصدكين امشينه لخوالي .
سليمه:لنعل ابوج لابو خوالج بت التالف ليش
طلعتي وماكتيلي لو جاي
ومالاكيكم شيخلصج ؟
_بعد ماروح بس لان قربت المدارس كلت
بلكي ترجع حته ابوي يخليني اداوم .
سليمه:دكومي غسلي خلقتج وسويلي
سم الله يطير مزاجج عله هل دكه امج
لو مهتمه الكم جا اجت تتوسل مو تشرط .
_بس شلون اذ سمع ابوي اكيد
خالي هسه يخابرة ؟.
سليمه:اكله انه كتلها روحي جيبي
امج خلي كلامنه واحد .
_وفعلا اجه بليل وانه وجويسم كاعدين بغرفتنا منتضرين العقوبه شنو تلكته مثل كل يوم ورا شويه طلعت اتسمع ردت اعرف شيكول .
سليمه:خاف تكول ماتحبني وماتسويلي خاطر ردت اسويها الك مفاجئه ودزيتهم كلت من تشوف جهالها ترجع تالي اجو يبجون وحالتهم حاله كسرو كلبي .
راضي:شكايلتلهم ؟
سليمه:شارطه اله تحط بيت وحدها .
راضي:خليها تختمر يم اخوها انه اعلمهم
بس انتي عينج عليهم وجويسم حاولي
تكسبينه ترى يخاف منج .
سليمه:لعيونك كلشي يهون
المهم وين حساب الحفله .
راضي:عندي ضامهن انه وياج ماكو
فرق جيب واحد .
سليمه:لا عيني اذا ردت صاحبك دوم حاسبه
كل يوم هذا شغل وحبي وزوجي شي ثاني .
_والظاهر كعدو يتحاسبون وتقبلنا الامر
وسكتنا عله امل ترجع امي وهيج تمشي الايام
استغربت اليوم جويسم ماطالع مديت ايدي اريد اكعده فز يرجف ومبين حرارته مرتفعه طلعت لسليمه ومن خوفي عليه مادكيت الباب دفعت تفاجئت بوجود ام طيبه بس من شافني فزن ومبين شغلتهن مونضاميه زمخت بيه .
سليمه:طاح حظج كمزتيني .
_ردت اطلع صاحت عليه .
سليمه:تعاي شنو ردتي .
_هذا جويسم يمكن مريض شو كلش حار .
سليمه:من الشموس نهار كله بالشارع .
_طلعت وهيه لحكتني شالت عنه الغطه .
سليمه:يوووو هذا كاب نار امشي جيبي
تلفوني خلي اتصل عله ابوج يجييله علاج .
_دخلت غرفتها لكيت ام طيبه مدري شنو ادور بالمجر وبخوف اخذت النقال وطلعت اتصلت باابوي وكالتله سدته والتفتت عليه .
سليمه:كومي غسلي وجهه بين ماالبس
صايتي حته اخذه لربيع المضمد يشوفه.
ام طيبه: انه اترخص .
سليمه:دمشي وياي ومناك عود روحي لبيتج .
_خذن جويسم وراحن كلت بس يجون اروح لامي بلكي اذا عرفت بجويسم مريض ترجع هيه تحبه لحد مارجعو انه الف خطه وسالفه اجت ابالي اجو تلكيتهم مبين من شكله ضاربي ابرة .
سليمه:اخذي للغرفه خلي يتمدد
وسويله شي ياكله.
_كسر خاطري كتله بس احصل فرصه
اروح لامي باوعلي ودموعه تصب .
جويسم:لا ترحين خالي يكتلج امس الظهر رحت وماخلاني ادخل اشوفها شبعني كفخ .
_احس نار وشتعلت بكلبي غطيته وطلعت
لكيت سليمه مسويه ريوك.
سليمه:خلي ياكل وانطي علاج.
_اخذته اله كوى شرب الحليب
خليت الصينيه ع كاونتر وكعدت حايرة نبهني من صفنتي صوت النقال مال سليمه رفعت شفته عل ميز ردت اكوم اودي الها بس اذكرت الموقف مال الصبح الي خوفني منها وزاد شكي بتصرفاتها وياي هزيت راسيه نافيه الفكرة حته بيني وبين نفسي انكطع الاتصال شويه وهم دك اجت تمشي بعجله وعرفت من ردها ابوي المتصل .
سليمه:هلا بيك .
_ومبين سالها عن جويسم جرت
الكرسي
وكعدت تسولف ويا .
سليمه:اطيته العلاج ونام انته شوكت تجي ؟
_كلت فرصه حته اكله اخذ جويسم لامي
اشرتلها اريد احجي ويا .
سليمه:هاي سوله اتريدك .
_انطتني التلفون كتله بويه
اريد اروح لامي؟
راضي:شتسوين ؟ هيه ماتريدكم
تولي وانه
حته جعيفر راح اجيبه منها .
_ بويه رجعها انه وجويسم نريدها
والله ماخليها تسوي مشاكل احجي ويا
وعيني لسليمه الي تباوعلي .
راضي:صاير شي شبيج تبجين؟
شو بله اطيني سليمه .
_اطيتها النقال وضليت واكفه
منتضرة جوابه .
سليمه:يااشعندي وياهم صدك
تحجي هاي جزاتي؟
لان دايرة بالي عليهم اكو يوم شكو مني اجيت ولكيتني كاتله واحد منهم اشو اطبخ واخلي بحلكهم غير اخوها مريض وتبجي عليه .
_نهت المكالمه وكامت تبعتها اسال
ها قبل ابوي نروح؟
سليمه:اي بس اخوج مريض شلون تاخذينه
عود من يصير زين روحو .
_ركضت لجويسم جريت البطانيه منه .
جويسم:لا عفيه بردان .
_ولك يله طيب بسرعه
حته نروح لامي وهل مرة مانرجع اله
هيه ويانه اذا ماقبلت نكلها نضل يمج .
جويسم:خوش بس غطيني .
_ومن فرحتي صار عندي نشاط نضفت
وغسلت ملابسنا وسليمه تضحك عليه .
سليمه:خوش مادام هيج ؟يوميه
اكلج روحي لامج
_من شفت ومزاجها تمام كلت خلي
اترجاها تقبل ابوي يرجع امي كعدت كبالها باوعتلي وهيه تهز براسها بمعنى شكو كتلها بروح امج خلي امي ترجع خلت التلفون بصفها ورفعت رجليها من الكاع تربعت عل تخم وكالت .
سليمه: لو رايده ترجع محد يلزمها وابوج كم مرة راح لخالج بس هيه تريده يطلكني وانتي سمعتيني كتله خليلها مكان وحدها بس هو مايقبل يكول ماعندي افتح بيت ثاني .
_كلامها جان مقنع رديت عليها لا انه راح احجي
وياها هزت راسها باايجاب وكامت متوجهه للمطبخ وهيه تسال شنسوي غده.
سليمه:حيرة حته الاكل صار ملل ابوج مايجي
اليوم خل ندلل نفسنا ونطلب من برا شتكولين.
_كيفج بس شنو نجيب؟
سليمه:مشاوي .
_عفتها تتصل ع مطعم دخلت لجويسم الي حرارتي ماجاي تنزل لحد ماوصل الاكل صاحت عليه وبعد الغده تاخذلها ساعه تتدرب طلعت من الغرفه لابسه كلبيه بيها فتحات وشدت عله خصرها احزام بي ليرات حجت تتفحص جسمها.
سليمه:شغلي البلازمه خلي اتمرن كرشت
هاي الايام .
_يعني الركص يضعف ؟
سليمه:ينحت مو بس يضعف ولو انه
جسمي منحوت بس ماحب اكرش .
_همزين كتيلي حته مااركص لان
شكد اكل وماجاي اسمن .
سليمه:انتي عله امج جسمها مابي تضاريس عكس عماتج جانن حلوات بالاخص سلطانه تخبل يابه اذا دخلت للحفل تركص حته الكراسي .
_اي اذكر عليهن جنت اتمنى اصير مثلها .
سليمه:ليش تتمنين تعاي
اعلمج اذ ماصرتي
صاروخ عاتبيني .
_ضحكت بحماس اباوعلها شلون
تطفر للسكف وتنزل تركص بواهس
متباهيه بنفسها اشرتلي كومي .
سليمه:يله انتبهي لحركاتي وسوي مثلها .
_تتحرك بمرونه وتاشرلي بمعنى قلدي
حركتي ضحت بصوت .
سليمه:ههههههه جنج كنغر لاطفرين
هسه تعلمي السهل .
_خلصناها ضحك وهيج خلص الوقت كعد جويسم والظاهر فكته الصخونه عشيته سليمه دخلت غرفتها واحنه ضلينا كاعدين اتفقنا الصبح نروح لامي .
جويسم:ولج كومي يله صار الصبح .
_ كملنه ريوك وبدلنا دكيت
الباب عله سليمه اجاني صوتها بنعاس .
سليمه:تعاي .
_لكيتها بفراشها عدلت نفسها مستنده
عله تاج الجربايه مدت ايدها للنقال تشوف
الوقت والتفتت عليه .
سليمه:شعدج مصبحه ؟
_نريد نروح لامي .
سليمه:تعاي فتحي المجر اخذو كروة وكليلها
ترجع هاي لخاطركم .
_هزيت راسي وانه اتوجهه للميز فتحت
المجر والتفتت عليها شكد اخذ ردت عليه
وهيه تلبس الروب لان نايمه بملابس نوم .
سليمه:اخذي ١٠ اجرة التكسي ترحون
ب٥ وترجعون ب ٥ واخذي بعد ٥ اشترو بيها .
_اخذتهن بس لفت انتباهي الشغلات
الي بالمجر والظاهر شافتني اباوع.
سليمه:ام عطوب سدي المجر بطلي هذا الطبع .
_طلعت جويسم منتضرني بالباب
لزمته من ايده ومشيت الناس بمنطقتنا متشباهه
بس بينا الي بشرتهم فاتحه وهمه شريحه من السمر نسميهم مولدين وذول معروفه شغلتهم اختلاط انساب مثل الاب اسود ومتزوج حرة لو العكس استوقفنا صوت ربيع .
ربيع :وين رايحين .
جويسم:لامي .
ربيع:ابوكم ماله حس هل ايام وين غاط ؟
_ردينا عليه واحنه نمشي مسافر باوعلي جويسم بمعنى شتكولين ضحكت و هزيت راسي اي وقبل مانركض كامت عله حيلها والكمجه مال الباكله بيدها .
صوله :هاصدك ابوج
متزوج سليمه غسل عاف نسوان
المنطقه،كلها واخذ هاي الشلولو .
_وبطاعه وكفنا يمها انجاوب عله اسالتها
رديت عليها اي تزوج من زمان .
صوله:وهاي امج الغبرة شلون عافت بيتها؟
_هسه رايحين عليها ترجع ويانه .
صوله :دتعالو اصبلكم باكله اكيد مامتريكين.
_عكمش وجهه جويسم ورد عليها بخوف .
جويسم:لا لا تريكنا بيض عود من
نرجع نشتري منج .
_خلت الكمجه جوى ابطها وعدلت الربطه
الي شادتها مثل المصريات وهيه
تباوع النا بتوعد.
صوله :خوش انه هل كاعده هنا .
_لحد ماوصلنا راس الشارع احنه نضحك
وبس دخلنه
لمنطقة خوالي غابت الضحكه
دكيت الباب بخوف اجاني صوته .
ساجد:ياهووو ؟
_احنه خالي .
فتح الباب باوعلنا بعدم ترحيب
اجينه نشوف امي هز راسه اي دخلنه للطارمه واشر اوكفو كميه الذل الي حسيت بيها خلتني اتندم لان اجيت طلعت امي وبس شافتنه جرت شيلتها لعيونها وكامت تنوح وتبجي .
نجيه:يمه سوده بوجهي الله يحرم كلمن
حرمني منكم عسا ابوك بالمرض واخلص منه .
_بوستنا وبدت تسال .
نجيه:شعجب النذل خلاكم تجون؟
_كال روحو جيبوها لان جويسم تمرض
وسليمه كالت خل ترجع لخاطركم .
نجيه:عمت عينه وعينها انه تتفضل
عليه سليمه اذا ماخليته يبوس الادين .
_يمه انه محتاجتج وابوي
صار كل شغله بليل وسليمه دوم
تطلع ونضل وحدنه .
نجيه:اي ويردوني خدامه مو محبه
اذ مايطلك سليمه مالي رده .
_واضح من كلامها ماالها نيه ترجع قبل عبالي تريد ابوي يحطلها بيت بس من كالت يطلك سليمه كمت وجريت جويسم وياي حته جعفر ماشفنا صاحت علينا مالتفتت امشي وامسح بدموعي .
جويسم:لا تبجين سونه بعد ما اكلج اريد
امي ولا نجي الها.
_نزلنا براس الشارع
امشي بدون تركيز وكف جويسم من شاف
سويكه يغسل بستوته ومشغل اغاني مفيض
الشارع والوغف مال الزاهي تارس الكاع التفت
عليه والسفنجه بيده .
سويكه:ها ام عطوب عود كبرتي ماتسلمين .
_عفت جويسم يمه ومشيت
تلكتني سليمه ومبين عليها الفضول .
سليمه:هاااا شو وجهج مايبشر؟
_سكتت العبرة خانكتني خلت الجكارة بحلكها وجرتني وكعدت وكعدتني يمها جنت محتاجه لشخص اشكيله من معامله خالي النا وكأنو بينا جرب حته مادخلنا خلانه بالطارمه ولا احد من جهال طلع وسلم علينا وحته زوجته بجيت .
سليمه:اوووف يالقهر ترى اول وتالي ترجع
حقها مو هينه المرة يتزوج عليها رجلها .
_رفعت راسي مستغربه كلامها
وقبل مااسالها
جاوبت .
سليمه:اي لاتباوعيلي هيج ادري راح
تكولين جا ليش اخذتي ابونا ؟
_لا بس .
سليمه:اسنين اكد عله اختي ورجله وحته البيت
سجلته الهم تالي حته الفلوس الضامتهن يمهم باكوهن.
_شعلت جكارتها وجرت نفس بحركه وهيه
تباوع للفراغ وكأنو جاي تذكر شي مؤلم نفخت
الدخان ليفوك وردت تحجي .
سليمه:قلبتي عليه المواجع ام عطوب المهم بوقتها جنت متعاركه ويه رجل اختي طلعت حفله بمزرعه ضلينه يومين وحيل تعبت ومن خلصنا ردت مكان ارتاح بي كلت خلي اروح قابل يطردني وصلت لكيته بالباب ولازم جنطه جبيرة عبالي يريد يسافر وبس شافني شمرها .
_اول مرة اشوفها تحجي وهيه مقهورة
وعيونها تلمع ادموع .
سليمه:هجمت عليه صار مثل الجريدي كطعته
تكطع اخذت جنطتي ورحت لام طيبه تعرفين
منطقتنا ماينضم بيها شي سمع ابوج وجانت فرصته ضل يفتر وراي لحد ماقنعني كلت اسمه رجال بس كدام الناس .
_كامت بدون ماتلتفت عليه دخلت لغرفتها
ولثاني يوم اجه ابوي ومن سمع برد امي كال .
راضي:بعد ماترحون الها .
_وبدت سليمه تقنع ابوي اطلع وياها.
راضي:لا ماتروح تبقه يم اخوها .
سليمه:معود دخذه وياك ترى نهار كله بشارع .
راضي:لا تلحين كتلج لا عوفيهم .
_وكدرت تقنعه بس بحفلات النسوان مثل حنه مهر نيشان طهور نبدل ونلبس براكع وصايات ونطلع مرات يلحون عليها النسوان صاحبات الحفل تركص تشرط عليهم ماكو تصوير الداكوكات كلهن براكع محد يشوف وجهنا انه بس اتفرج والايام تمشي وبيوم صاحت عليه.
سليمه:شو بله تعاي خلي اشوف قياسج حته
اوصي رجيوه تخيطلج كم كلبيه .
_لازمتلها فيته توها تريد تمدها لطولي ونسمع
صوت الطلق خبص المنطقه .
!!وكم من عذراء في هذا الشارع تمنت العيش
بسلام ؟؟؟؟؟؟
(قدر)
_ادرس بجد وكانؤ اريد اسابق الزمن
اكعد الصبح اول ماابلش باابوي اغيرله واكمل
كل شي يخصه ونوب
اخذلي ساعه يم امي مرات هيه تسوي الغده
ومرات فاطمه تطبخ ونفس الروتين و مايخله
اليوم من فصلاتهن يتناقشن والي
يسمعهن يكول صديقات بس الهن ساعات
عبالك اعداء وبينهن ثار قديم حجت موجهه
كلامها الامي .
فاطمه:اكلج انه شاكه مسويلنا عمل ؟.
_نزلت الكوب من ايدها وباوعت بمكر
وردت وكانؤ لكت
شي جديد تكيدها بي .
وداد: انه هم
مرات هم احس اكو شي مو طبيعي تدرين
قبل فترة اختنكت وماجاني نوم كلت اطلع
للحديقه ومدري شلون اجت عيني
عله غرفتج عبالك شي خطف .
_طفرت فاطمه وهيه تسمي وتأكد الموضوع .
فاطمه:يمه اسم الله اسم الله عطل وبطل ايي انه متاكده وين راح يعني شفتي خيال لو شنو ليش ماحجيتي بوقتها ؟
_غمضت عيوني بقله صبر اعرف بيها
جذب بس ليش هيج تسوي مليت
وانه اكلها خطيه كافي عليها الشك والغيرة .
وداد: عبالي اتوهم
ولو حاجيه ماتصدكين بس
تردين الصدك خفت دخلت للغرفه
وسديت الباب .
فاطمه:بس اريد اعرف منو مخليتني ابالها ؟
وداد:شكلج واحد مايكدر
يتهم حظه وبخته .
_توجهه فاطمه للكاونتر
ماخلت ملح عله خل نزلتهن وهيه تقرء ايات
وطلعت للطارمه جابت سطل تارسته ماي
اجرجر بي وصلته يمنا .
فاطمه:بسرعه شيلن فراش
الصاله بين مااخلط .
_اباوعلها شتريد تسوي التفتت عله امي
دنكت وجنها مامسويه شي .
وداد:ولج تبقين ثوله الصاله شعليها هو انتي
المقصوده اسبحي بي وحته فاروق وطارق هم سبحيهم .
فاطمه:هيج كولتج بس هم ميخالف
انه سامعه اذ بيتك سحر امسحه
بخل ويجوز حته هذا المرض الي
بخلفتنا بسببه .
وداد:اذا كلامج صح يعني حته عمتي
الله لا يرحمها يجوز مسويلها دائمي
بحيث يقضي عله احفادها يعني
لايفيد ملح ولا خل .
_مستحيل تذكر جدتي وتكول الله يرحمها ..
فاطمة:هسه خلي اجرب الخل وبعدين اشوف
شلون احصل فرصه اروح للساده .
_بعد ماكدرت اسكت ،لان مهما كان فاطمه خطيه وانه ابد مااحقد عليها صح تسمعني كلام وتخبث بس لخاطر عمي اشرت لامي تكوم وتوجهت لغرفتنا ورا شويه تبعتني التفت عليها ليش هيج ؟ .
وداد:ذرة من السوته بيه هذا الي جاي
يصير شر اعمالها .
_خلص عمري وانه اسال شنو السوته
وانتي تتهربين يمه حته لو كلامج
صح هم مايصير نعيد ذنبها لان راح نتلقى
نفس العقوبه من رب العالمين.
وداد:محاضرات فاروق الدينيه الي مامطبق
منها ولا حرف بطليها معليج انه اتحمل الذنب .
_عافتني بحيرتي وطلعت ،جريت الكرسي وكعدت وكلي امل يجي يوم واشوفه واكف عله رجليه لو اسمع صوته وكالعاده ،بديت اسولفله وهو بس البوبؤ مال عينه يتحرك
اسمع صوتهن مخبوصات ماعرف شيسون وصلتني ريحه الخل احس معدتي كلبت ويمكن طارق نفس معاناتي .
طارق:لا لا مستحيل يمممممه
يعني كل عقلج،خنكتينا تصدكين بخرافات .
فاطمه:لا مو خرافات السحر مذكور بالقران .
طارق:ترى انذكر انو كذب الغايه تنبيه
الناس من تصديقه .
_شدني الحديث بينهم الي يسمعه يكول
دارس شريعه وهو مدمن شكد انقهر عليه
طلعت وهمه يتناقشون .
فاطمة:حته لو كلامك صح هم الحذر واجب
وكلها امور طبيعيه خل وملح يعني مابي ضرر .
طارق:خلطه وجبة رجيم
يمممه بروح اهلج خليني اطلع .
_لازمه بيدها دولكه والظاهر تارستها من الخلطه
السريه مال الخل وتريد ترش عليه وهو يطفر
منه ومنا ضحكت عله شكلهم .
فاطمه:ابد ماتتحرك خطوى
ولك يمه لخاطري حبيبي بلكي ينفك
هذا العمل وتخلص من ادمانك .
طارق:لا انتي واصله مرحله
وبهذا تصرفج يراد افصل ليل نهار وخري راح
اتقيى متت احس الخل وصل لدماغي يمه جماعتي منتضريني عيب .
فاطمة:خلي ارشك وانوب اسبح واطلع
لجماعتك .
طارق:سبحي انتي وقدر وعمتي وداد وانه
من ارجع خمريني سوي الي يعجبج بس
خل اروح لان تاخرت .
_باوعت لامي بزعل دارت وجهها مامهتمه
وبحركه سريعه طارق دفع فاطمه
وشرد عبالك حرر نفسه من قيود اسر وصل
باب المطبخ ومانحس اله شمرت عليه الخل
رجع وكف مثل الصنم التفت علينا عيونه تجدح شردت وامي تبعتني وهو انقلب شيطان مااسمع بس صوت التكسير وصياحه .
طارق: هسه اراويج السحر
عله اصوله غير هذا التردينه وبيه
جني هم ومايطلع اذ مايحرك البيت
خو ما عله المسحور حرج ؟
_ حجيت ودموعي تصب
ليش هيج يعني بس فهميني شنو هل حقد اذا قبل استغلو يتمج وجبروج عله ابوي ولو اشك لان ماكو شخص يفرض عليه شي انه مارايدته باوعتلي بنضرة مافهمتها .
وداد:اذا اجتمعت الضروف
والناس الماعدها
ضمير ينجبر الانسان المثل
حالتي بذاك الزمان .
_وحته لو كلامج صح هسه انتي
مامجبورة يمه اطلكي .
وداد:لازميني بيج .
_مافهمت ؟
وداد:مايخلوني اخذج .
_وانه ماعوف ابوي
حته لو همه قبلو شلون اخلي وهو بحاجتي
يمه انتي حقج تعبتي وانضلتمي ترى بعدج
زغيرة وعندج فرصه تتزوجين والله ماراح
ازعل ونبقه عله تواصل اجيج وتجيني بس
مال اعوف ابوي مستحيل.
وداد:لو ادري يجي يوم وتوكفين بوجهي وتحجي
وياي هيج جان عفتج من اول ساعه ولدتج بيها.
_تندمت عله كلامي ضليت محتاره دارت
وجها للشباك وتباوع بتامل وهاي وكفتها الي
تخلي الف سؤال براسي تقدمت عليها دفعتني
وتوجهت لجربايتها .
وداد:مو تفتحين الباب حته اذا اجه عمج
لا طلعين .
_اسمع فاطمه تتوسل بي وهو عبالك بركان .
فاطمة:ولك كافي هجمتنا هو خل روح
اسبح ونتهى الموضوع .
طارق:يابيت
هو مهجوم من كاعه مو كافي اطواركم الغريبه؟
لاعشت طفوله مثل البشر ولا فاهم اهلي مثل الشباب خلي اجيبها الج من الاخير ابوي مسيس وصار سنين .
_ صوت الجرس عرفت اجه عمي فتحت الباب وطلعت يمكن لو عبوة طاكه بيتنا هم مو هيج حته الشاشه الي رابطين عليها الكامرات الخارجيه كاسرها عمي واكف مصدوم وطارق كاعد بتعب .
فاروق:مدام وصلت لهاي المرحله اذن
دخلوك للمصح صار واجب .
_شوف الحظ عباله سكران رفع
راسه باوع بعدم اهتمام .
طارق:لا اكو طريقه جديده للعلاج الطب اطور
ماتدري ويمكن يفيد حته عمي ايوب بلكي
امي تسبحه بخلطتها .
_ضل عمي يتلفت مافاهم شي وفاطمة
الندم والخوف واضح عليها .
فاروق:ماتحجون شصاير ؟
وهاي الريحه شنو ؟
طارق:خل لان امي جانت
تريد تجبسنا طرشي .
_كعد عمي اديه عله راسه فاطمة
مانطقت حرف وطارق يسردله الحدث
واستلمهم عمي رزايل .
فاروق:مليت من سوالفج
يامرة عقلي كافي انتي مو زغيرة وانته
شنو شمرت عليك تيزاب ليش هيج مفلش البيت .
_همه يحجون وانه محتارة منين ابدي وشنو الم وهو مامخلي شي البهارات عل زيت الاكل والكزاز دنكت الم بالغراض ودموعي تصب كام عمي للصاله وطارق صعد لغرفته للمغرب وانه انضف اديه تجرحت اجت فاطمه الي حالته اسوء مني تبجي وتندعي.
فاطمة:الهي عفوك انته قادر ترزقني
وتسكت شماتتهن .
_اسمع كلامها وابجي حيل شلت بخاطري عله امي شويه طلع عمي وهو يحجي بالتلفون الظاهر جاي
يدلي شخص البيت وصل للباب ورجع بيده علاليك
عرفت طلب اكل باوعلنه وهز ايده مرات احس يحب فاطمه هواي ومرات اشوفه مامهتم.
فاروق:عوفنه وتعالن اتغدن هسه
عليمن البجي فوك ماطحنتي البيت ..
_انتبه لاديه كام بقلق .
فاروق:هاي ليش مجرحات صدك جذب
شبيج بابا مو يتلوثن عوفي وغسليهن بسرعه
تلكين لزكات جروح بالصيدله .
_داويت اديه حضرت صينيه لابوي .
بعدني ماطالعه واستوقفني بسؤاله
وعبالك تذكر.
فاروق:امج وين من جيت لهسه ماشفتها ؟
_حرت بشنو اتعذر سبقتني فاطمة بالرد.
فاطمة:همزين ذكرتني خاف تكول جذابه
لو اوهوس ترى وداد اكدتلي بيتنا بي
عمل حته .
_ماخلاها تكمل اشر بيده
بمعنى سكتي والتفت عليه.
فاروق:روحي غدي ابوج عمو.
_بوقتها تمنيت لو اختفي بدون مالتفت بوجهي
للغرفه لكيتها نفس وكفتها بالشباك خليت الصينيه عل ميز ودرت عليها جان طلعتي حته لايصير الوم عليج ترى فاطمه كالت لعمي .
وداد: انه اريدها تكله.
_عرفت الكلام ماراح يغير لو يشيل
من الحقد الي بداخلها غديت ابوي جاي امسح
حلكه وانتبهت نضرته مختلفه عبالك حزنان لو ضايج
هيه نضرة بس جانت بالنسبه الي حظن بوقت انه محتاجته بدون شعور خليت راسي عله صدرة و بجيت بصوت عالي رادت تجرني منه دفعت ايدها وحظنته حيل.
وداد:ولج كافي شبيج.
_اريده يلمني اتمنيت من اشكيله يجاوبني
ندفع الباب ودخل عمي يباوع بقلق اعاتب بي وابجي يابه محتاجتك وتعبت جرني عمي الي تصرفه محيرني شكد ماكول حنين بس مايوم سمحلي ارتمي بحظنه ويتصرف وياي بحذر حاولت اكسر الحاجز بينا شبكته
نزل اديه وبتعد والتفت عله امي.
فاروق: وتالي وياج حته
بنتج ماسلمت من شرج هاي بدال
ماتحتضنيها وهيه مقبله عله امتحانات .
وداد:اشوف لو انته تحتضن فاطمة لان واصله
مرحله وخاف بيوم تلكيها حاركه البيت .
فاروق:خو النار اذا اشتعلت ماترحم ولا تميز
شخص اكيد الكل يحترك وياها لو شتكولين ؟
وداد:لو تماس كهرباء تسريب
غاز عادي الكل يحترك بس هيه تريد تحرك
الجن انته تعرف بسبب الي سوته قبل صارت
تتخيل اشياء .
_حديثهم المبهم والمعتاد الي شكد حاولت
الزم منه شيء لو افهمه لكن بدون جودى
وعبالك شفرات والغاز .
فاروق :خلي ابالج صارن هواي .
وداد:مو بكثر مالاتك ؟؟
!!خفايا نحاول معرفتها بشتى الطرق ولكن عند كشف الامور نتمنى لو اغلقنا مسامعنا وفقدنا ابصرنا تجنبا لما سوف يحل بنا من عذاب .
شكرا لزيارتكم عالم روايات سكيرهوم
