رواية قصة خلف الفصل الثاني بقلم جمانه السعيدي
خلف.... طبعا عائلة نعيمه العروس الجديده
نفس مستوى معيشتنا بلضبط
وابوها يشتغل نفس شغلنا كانت انسب وحده الياسر
ياسبحان الله من اول ماامي فتحت موضوع الخطبه من بيت ابو نعيمه صار قبول على طول
أخذنا مشيه ورحنا عليهم
رحبو بينا اتفقنا على كل تفاصيل العرس
ياسر كان فرحان بهاي الزواجه هلكد ماامي تمدح بلعروس
دزينا المهر حتى العروس اجهز نفسها
كل هذا وياسر ماشايف العروس
بس امي وخواتي شافنها قبل العرس
العرس قبل
مايعقد شيخ اله ليله العرس وما يشوف العروس اله ليلة العرس
بعد هو وحظه مثل الركيه لو حمره لو بيضه
بدينا نجهز للعرس
اجا اليوم الي راح يزوج بي ياسر اني بلنسبه اليه كان احلى يوم فرحان الفرحته
راحن امي وخواتي وخالاتي وكم وحده من الجيران يجيبن العروس من بيت اهلها
قبل ام العريس اجيب العروس العريس مايروح
البيت العروس
هي تجي البيته وهو حتى بعده ماعاقد عليها
اجت الزفه نزلت العروس لا فينها بعبايه فوك البدله دخلن النسوان للبيت حضرنا العشى والناس كلها تعشت
زفينا ياسر العروسته
بيومها حسن كالب خلقته
وكل شويه يصبح عليه ويريد بس اتصير مشكله
ابد ما يحب الخير الغيره
جمانه السعيدي
دخل للغرفة وهو عصبي
حسن....كل واحد يسوي الي يعجبه
امي..خير شبيك
حسن....خربطه كل واحد يريد يسوي الي اباله
امي...احجي الصدك انت ضايج من الصبح شكووو
حسن...اني هم اريد ازوج بس ياسر
امي...اي خل نعدل روحنا نجمع فلوس شلون هيج كبل تعرس
انطينا وكت
حسن...شنو اطيج وكت قابل اني زغير
مثل ما خطبتي الياسر وزوجتي من باجر تدوريني على عروس اريد ازوج
امي...منيين فلوس العرس كل فلوسنا راحت على عرس ياسر
حسن...ابيع حصتي من الحلال وازوج بيها
امي...وبيش تعيش
حسن...ادور شغل لو اشتغل ويا ياسر
امي...انت اخذت حصتك شنو تشتغل وياا ياسر
حسن...لا اطولينها عليه اني اريد عروس اريد ازوج
ليش اسويلكم مكسوره
امي..عليمن هلمكسوره ياستار من باجر ادورلك عروس
خلف...كل يوم يفوت يثبتني حسن هو حقير واناني
ثاني يوم نزلت العروس خوش بنيه مبينه حبابه
بيضه ملامحها حلوه مبينه بسيطه
لابسه دشداشه طويله وحجاب
نزلت من غرفتها باست امي وسلمت علينا وبدت تحضر الريوك
الساعه ٦ الصبح وهي كاعده تتريك ويانا
حسيتها طيبه روحها تشبه روح ياسر عبالك مخلوقين من نفس الطينه
بيومها كلنا ماطلعنا للشغل لان تجينا ناس تبارك علمود العرس
الساعه سبعه ونص اندكت الباب
فتحتها ثنيين نسوان اني دنك ماباوعت عليهن
زوجت اب العروس واختها
جايبات ريوك للعرسان وجايات
خلف...تفضلي اهلا وسهلا يمه يوم تعاي خطار
زوجت ابو نعيمه ....شلونك خاله صباح الخير
خلف...صباح الخير تفضلي
سليمه اخت العروس....صباح الخير
خلف...صباح الخير
طلعت امي دخلتهن جوه يم العروس
واني رحت كعدت خواتي من النوم هنا وجهالهن
جمانه السعيدي
اني بقبت برا تقريبا نص ساعه وطلعن
اسمع زوجت ابوها تكول سليمه يله اتاخرنا بسرعه
بدون قصد ولا متعمد ولا اليه بيها اي قصد
من طلعت سليمه صارت عيني عليها
بنيه تقريبا عمرها ١٧ سنه سمره بس ملامحها يخبلن
وجها عبالك مرسوم رسم
بس شافتني اباوع عليها راسا دنكت
زحمه من زوجت ابوها شتكول يباوع على بناتنا
بقت صورتها ابالي ليش مااعرف رغم البنيه محتشمه
لابسه عبايه راس ولا فه نفسها
بس ملامحها بقن ابالي تكدرون تكولون اعجاب من اول نضره
البنيه مبطله من المدرسه من صف اول متوسط
ابوها مبطلها وكاعده بلبيت تخدم زوجت ابوها
وتساعد ابوها بلحلال
المهم اجونا ناس من الريف من اهل ابوي يباركولنا على العرس
كلما ادخل للمطبخ الكه العروس تشتغل ويا خواتي
وتسولف وتضحك
كلت بكلبي صدك الطيبون للطيبات
جمانه السعيدي
ثالث يوم العرس اندكت الباب
العصر تقريبا الساعه بلاربعه اني جنت توني كاعد من النوم
فتحت الباب
سليمه....مساء الخير
خلف...اعلا وسهلا
سليمه...اريد نعيمه كاعده
خلف...حتلو ماكاعده انكعدها اللج تفضلي
مشيت قبلها ودخلتها غرفة امي
خلف...يمه هاي تخت العروس اجت عليها
امي...اهلا وسهلا هله خاله تفضلي
دخلت سلمت على امي وكعدت يمها
واني رحت خدرت جاي وجبت ماي
امي...عفيه خلف حط الجاي هنا
البنيه كاعده ولافه نفسها
امي....ابوج شلونه
سليمه ...زين اني جبت ملابس نعيمه بقن عدنا خاف تريدهن واجيت اشوفها كلبي طك عليها
ما متعوده نتفارك اني وياها
امي...خطيه
سليمه...نعيمه موبس اختي ااجبيره نعبمه امي هي الي ربتني
امي...حكج ولله حكج
خلف...وكفت بدايه الدرج وصحت ياسر هاي سليمه
جابه تشوف نعيمه
ياسر...اي نازلين اجينا
نزلت نعيمه بس سمعت اسم اختها
حضنتها وتبوس بيها
نعيمه...مشتاقتلج
سليمه...اني ماانام بليل لان انتي ماكو يمي
ياسر...اخذيها ليش ما تنامين بليل
سليمه....صدك تقبل تروح وياي
ياسر....شلون تروح وياج مو بعدها عروس
سليمه....ولله اني بس ابجي عليها
نعيمه...ياحبيبتي اني هم ضايجه عليج
ياسر...تعاي كل يوم شوفيها
سليمه...ابوي مايقبل اليوم بلكوه قبل اجي لان سافني ابجي عليها
ياسر.. اني احجي وياا عمي
خلف... كل اربع اوخمس ايام تجي سليمه تسوف اختها
اني الصراحه كنت انتضر العصر
بلكت تجي واشوفها
كلش عجبتني ولأن نعيمه طيبه اكيد سليمه مثلها
امي بدت رحله ادور زوجه الحسن الغثيث
كلما تشوف وحده يكول لا هلي مااريدها
ياسبحان الله قسمته تحيرت مو مثل قسمة ياسر اجت بسرعه
حسن...شنو طارت النسوان
امي..انت ما يعجبك العجب هو هذا الي يصير لوه
مايلكه مره بسرعه
حسن...انتي تردين تجيبين اي وحده وتخلينها بركبتي حتى تخلصين
امي...شنو رائيك نخطب سليمه
خلف...اني جاي اشرب ماي راسا غصيت الماي فات بلقصبه الهوائيه
وكمت اكح متت الهوى ضاع عليه
شكرا لزيارتكم عالم روايات سكيرهوم
