رواية قصة خلف الفصل الثالث بقلم جمانه السعيدي
خلف....شركت بلمي وكمت اكح
لا لا لا كلشي اله سليمه اصلا حسن ما يستاهلها
امي...اسم الله شبيك
خلف...ماكو شي شركت
حسن...عوفي خلف مابي شي جنه حصان
اني سليمه مااريدها شمالني ماخذ وحده زركه
اريد وحده بيضه وحلوه من اشوفها ترد روحي شمألني ماخذ وحده جلحه ملحه
خلف....مسحت دموعي لان نزلن من انشحطت وكلت الحمد لله
اي ولله الحمد لله سليمه ماعجبت حسن
والا هاي المسكينه شلون راح تعيش ويااا واحد مثل حسن
استمرت امي ادور الحد مالكو وحده
اهلها خلفتهم بس بنات ويكيفون واحد يخطب منهم
امي راحت شافت العروس وعجبتها بيضه وطويله
بس مو كلش حلوه
المهم امي اجت بس توصف بيها تعرفون مستحيل اهلها يقبلون حسن يشوفها قبل العرس
حسن من سمع امي كالت بيضه وطويله
راسا كال اي هي هاي عز الطلب
حسن...يمه اي هاي الي اريد هسه فهمتي قصدي
من باجر ترحين وتشوفين شنو طلباتهم
امي...اي باجر ارجع عليهم
راحت امي تسئلهم ماكان عدهم طلبات تعجيزية
يعني حالها حال البنات الي بعمرها
لان احنا تونا مزوجين ياسر ماكان اكو امكانيه قويه حتى نزوج حسن
ياسر....نحجي ويا ابوها نوكفها اللك منا لمن نلم روحنا
حسن...شنو توكفها اني ابيع هذا الحلال وازوجها
ياسر...ليش تستعجل اصبر شويه الدنيا ماطارت
حسن...اي مو انت نايم ومرتك بحضنك ما تحس بيه
ياسر...اي ماعدنا فلوس تكفي
حسن...نتقرض فلوس وازوج وبعدين نرجعهن
امي...بيع الحلال وهاي كلادتي بيعها وزوج اخوك
ياسر...ماكان عاجبه الوضع بس مايكدر الحسن
اكل راسنا علمود العرس
بعنا حصة حسن من الحلال وامي باعت كلادتها
يله كدرنا ندبر الغرفه والمهر
جمانه السعيدي
ياسر...ما نسوي عرس عليمن هاي المصاريف
حسن...لا ولله بس انت تسوي عرس اني هم اريد عرس
امي...يايمه سوي عرس وخلصنا من هاي الشده
طلع ياسر وباع كم رأس من الحلال حتى يسوي عرس الحسن
مابقى عدنا حلال هواي والعيشة كلها على ذني الكم راس
سوينا عرس الحسن
وسليمه اجت حتى تساعد البنات
من شفتها كلبي طار من مكانه
كلت بكلبي العرس الجاي اني وانتي مستحيل واحد ياخذج غيري
كمت اتحجج كل شويه حتى ادخل المطبخ بس اريد
اشوفها فرحان بيها
لابسه ثوب طويل سمائي وحجاب سمائي وتشتغل ويا البنات
كلت بكلبي هاي جلحه ملحه بشرفي تخبل
السمار الي مغطيها زايده جمال على جمالها
ياسر...وينك خلف وصل خالتي وسليمه للبيت
خلف...صار تدلل
طلعت زوجت اب سليمه
...بوم الك خاله
خلف...باوعت على سليمه وابتسمت انشاء الله
وانتي حاضره
من شافتني سليمه اباوع عليها ابتسمت ودنكت
عاد مدري حست بيه مدري لا
اول شهر من بعد العرس حسن ابد مايطلع كاعد للبيت
وساكت اكل ونوم
جمانه السعيدي
ياسر...عريسنا يمتى تطلع للشغل
حسن...بعدني عريس ليش اشتغل
ياسر...بكيفك بس اريد اكلك احنا وضعنا مو مثل قبل
لازم تطلع تساعد شويه
حسن.. انت مان عليه بلكمه
ياسر...لا ما مان عليك بس لازم تطلع تحرك نفسك
حسن...اي بعد كم يوم
خلف....حسن بعد الزواج ريح على الاخير وخاصه بعد ماطلع حصته من الحلال وازوج بيها
من كتلكم ياسر رب العالمين رزقه زوجه مثل طيبته
الطيبون للطيبات
بس حسن طلعت زوجته نفس اخلاقه بلضبط عبالك هو وياها حبة ونكسمت نصين
تفس حقارته وانانيته نفس اسلوبه
بدت تخلق مشاكل بلبيت
وكل شويه تتعارك ويا نعيمه
اذا طبخت تطبخ من ورا خشمها
امي عود تعلمها
امي...يمه هذا الطبخ موطيب انتي ليش هيج اطبخين
ليش ماكلتي النعيمه وتعلمج
زهره....يااا شنو نعيمه تطبخ احسن مني
امي...لا بس تعلمج
زهره...لا ولله اني اعلمها واعلم عشيرته
حجيه كولي انتم تحبون نعيمه اكثر مني مو تكولين الطبخ مو طيب
لا اضلين ادورين سوالف تعبانه وياي لان اني كاشفتج
واعرف نعيمه توز بيج عليه
كاتلتها الغيره مني لان احلى واشطر منها
نعيمه...انتي ماتعرفين تحجين اني ماحجيت عليج
ليش اجيبيني بلطاري
زهره...ماكو غيرج يحرض عمتي عليه
نعيمه....ليش احرضها كل وحده تعرف شغلها شنو تشتغل وهي ساكته
زهره...واذا ما سكتت شسوين
نعيمه...ادعيلج بلهدايه
زهره...اني مخبله وتدعيلي بلهدايه
نعيمه...اسكت احسن انتي الكلام وياج مأمنه فايده
امي بعد كل هاي المعارك كالت ما تطبخ بلبيت غير نعيمه
زهره ما تدخل للمطبخ
تخرب بلاكل ما ناكل طبخها
نعيمه لزمت الطبخ رغم بطنها واصله الخشمها تريد اجيب
وزهره لزمت التنظيف
تنضف مره وحده بليوم شلون مجان وتكعد وتسكت
بعد شهرين طلعت حامل
وهنا شالت ايدها فد مره من الشغل
كلما امي تحجي وياها تكول ضهري يوجعني مااكدر ادنك
صار عد ياسر ولد يخبل اول حفيد بلبيت
نعيمه تكعد من الصبح تغسل وتبدل الابنها وتنومه يم امي
وتبدي شغل البيت
حتى المحصار تروح تنضفه
وزهره لازمه بطنها وتفتر لا شغل ولا عمل
جمانه السعيدي
كل يومين اتلاثه اكو مشكله بلبيت بسبب حسن وزوجته
امي تمرضت بلزايد بسبب المشاكل
والصراحه امي ابد ماحبت زهره
هلكد ما تخلق المشكله من جوه الكاع
دوم ضغطها وسكرها عالي
المصيبه حسن وياها حتلو يشوفها بعينه هي الغلطانه يدافع عنها
لحد ماكامت لا تخاف ولا تحترم اي احد بلبيت
بيتنا شكد جان حلوه وصار احلى من دخلت علينا نعيمه
بي فجئه تحول جحيم من اجت زهره للبيت
كنا ندفع الايام دفع
لانكدر نكله اطلع ماعندي امكانيه يطلع
لان هو لا شغل ولا عمل
معتمد علينا اني وياسر نشتغل ونجيب مسواك للبيت
المشاكل كل يوم تكثر اكثر
الحد ماامي وكعت فد مره
كل يوم ناخذها دكتور شكل وكل يوم نايمه بيها نعيمه وياسر بلمشتفى
اخر مره دخلناها مستشفى بقو وياها ياسر ونعيمه
واني رجعت للبيت
كرهت البيت صدكوني كرهت البيت بسبب زهره وحسن
ما ينعاش وياهم ابد
العصر كلش اندكت الباب حيل
فتحته لكيت سليمه تبجي فد مره ومنهاره
خلف...خير شبيج
سليمه...وين نعيمه
خلف...نعيمه بلمستسفى وياا امي حتى ابنها اخذته وياها
سليمه...اهيي اهي
خلف...تبجي وتمسح بدموعها
خلف..تعاي ادخلي لا تخافين زهره وحسن جوه
ادخلي خل افتهم شصاير
سليمه....بعد مااكدر اهيي اهيي مااكدر اتحمل اكثر
وصلت حدها
خلف...ادخلي لا توكفين بلباب خل افتهم شصار
سليمه...كل يوم اشتغل وافتر بلبيت كلشي عليه
وهي ماراضيه تغلط عليه وتسبني وتحرض ابوي عليه
اليوم ابتليت كتلها انتي شتردين مني اني بيش اماذيتج
راسا كامت شالت النعال وضربتني
وولدها من شافوها كلهم دارو عليه موتوني كتل
اني بعد ماارجع اريد فلوس من نعيمه اريد اروح الخوالي بلعرب وبعد ماارجع
خلف الدنيا العصر مايصير اطلعبن من البيت وحدج
تعاي نروح للمستشفى النعيمه
انتي ونعيمه ترجعن هنا واني وياسر نبقى يم امي
خلف.. اخذتها وطلعنا شكد ضجت عليها
طول الطريق تبجي وتناشغ ودي اروح على زوجة ابوها واموتها خلاص
شني من بشر هاي ليش هيج تعذب بيها
ولله لو عندي امكانيه هسه اروح اخطبها وازوجها
بس وصعنا تعبان وامي حالته موزينه
ابد مو كت هذا الموضوع
وصلنا للمستشفى بس شافتها نعيمه عرفت اكو مشكله
بينها وبين زوجت ابوها
نعيمه..هاا خير شسوتلج هاي الحيه
ليش هيج تبجين
سليمه...اهييي اهييي كتلتني بالنعال هي ولدها
نعيمه...ابوي وين
سليمه...هسه تلكينه كلبت المشكله عليه وحرضته
هو بس يباوع الحلكها
ياسر...ليش عفتي بيت ابوج هذا بيت ابوج مو بيتها
سليمه...بعد مارجع اريد اروح يم خوالي بلعرب
نعيمه...الله واكبر عليه اشوف بيها يوم كون اسود ماله ملامح
خلف...اخذيها وروحي للبيت واني وياسر نبقى ويا امي بلمستشفى
لا تخليها تروح الاي مكان خليها بلبيت يمنا منا لمن
نروح الابوج ونشوف شنو الحل وياا زوجته
شتريد بلضبط
شكرا لزيارتكم عالم روايات سكيرهوم
