رواية فصلية الضابط الفصل الثاني 2 بقلم زينب نور

....... اخذو ابويه وطلعو بقينه بالبيت بس اني وامي مخبوصين ماكو غير الدعاد وتوسل باهل البيت 

فرفح گلبي گمت الطم كلشي ولا ابويه يصير بي شي اموت

اباوع الى امي تبجي وتدعي جنه بوحده صرنه بثنين مادري نبجي على حسام الراح يضيع شبابه بالسجن ومنعرف بي هسه وين هو لو على ابويه الي ماتحمل هل مصيبه وكع علينه .

كاعدين على نار انريد نعرف اشصار ابويه اشبي 

اتلث ارباع الساعه بعد مية اتصال يله جاوبني وسام جان مبين من صوت مكسور 

 گالي 

:- ندى ابويه انجلط وحاليا بالانعاش 

واسمع يمه هوسه وصوت اعياط عمامي 

 سد الخط

 العالم كولها عرفت بالصار واقاربنه يتصلون

والموبايل ماسكت ابد 

حتى يعرفون اشصاير وكل شويه اعيد السالفه نفسها وتعبت من البجي 

وكل شويه تنرسم صورة ابويه من وكع ونغمى علي

 ازيد بالبجي

شويه وسمعت الباب يندك طلعت فتحته لكيت عماتي ونسوان عمامي جاين علينه دخلتهم للبيت وامي شافتهن لو انفتحلها باب للبجي ولطم وهن وياها

عماتي حنينات 

وزهور مرة وسام حضنتني وتبجي وياي عفت كلشي ورحت 

من سمعت صوت الأذان 

توضيت وفرشت السجاده صليت صلاتي ودعيت من كل گلبي ألابويه كون ميصيرله شي وتنحل سالفة حسام ويرجع للبيت وابويه يطلع من المستشفى مابي شي

گمت لميت امصلايتي وطلعت ساعدت زهور سوينه عشا للموجودين 

 بلمطبخ واكفه وحسيت اكو حركة بالحديقه فتحت الباب وطلعت باوعت 

هيج وهيج شفت حسام ركزت زين اي والله هذا حسام بس شفته ركضت اله حضنته ابجي 

ندى :- ليش هيج حسام اشسويت ولك موتتنه عليك امي انتهت من البجي 

گالي 

حسام:- ندى ترى موكت السوالف ولشرح هسه كوليلي منو موجود بلبيت اريد افوت للبيت الغرفتي اخذ مستمسكاتي 

كوتله

ندى :- موجودين بيت عمامي وحتى عماتي هم 

گالي 

حسام :- نداوي فوتي بسرعه جيبلياهن الجنطه تلكينها بكنتوري لا تحسسين احد اني موجود بسررعه 

رحت ركض دخلت جبتهن اله بدون ما احسس احد 

بعدني هستوني انطيتهم اله ومانسمع غير صوت السيارات اباب البيت وصوت الرمي ولطلق فلش حيطان البيت

 خليت ايدي على راسي واصرخ من الخوف لحضات رعببب 

حسيت بحسام دفعني للمطبخ

باوعت ورا شفته طفر على حايط الجيران واني فرفحت روحي تخبلت فكرت راح يلزمو ويموتو ما اوصف كمية الرعب بذاك اليوم ربع ساعه تقريباً او اكثر ما اعرف وختفه صوت الرمي بس اسمع الشارع مليان عالم وناس تعيط وناس تهدد ما نعرف شنو الفلم

وامي انتهت تلطم على وجه وبس اسم حسام بلسانها

:- يمه راح يكتلونه ولك يمه حسيم ليش هيج سويت مافكرت بأمك وگلبها عليك وين اضمك وين اخليك واحميك

                                            

              

                    

 اني اباوعلها ولزمتني رجفه ما اسيطر عليها ابجي بحرگه ولازمه راسي مدخله اصابعي بشعري وكاعده بالگاع 

 عماتي عبالهن خايفه من صوت الطلق ولرمي ميعرفن خايفه على حسام كولتلهن

:- ولكم حسام جان هنا وشرد من سمع الرمي 

وامي سمعت بي جاي تخبلت عبالها لزمو

 كولتلها 

:- يمه راح راح طفر على بيت ابو شاكر

وامي لبست عبايتها وطلعت البيت ابو شاكر دخلت عليهم كالولها الحمدالله كدر يشرد وماعرفو بي موجود هنا

 رجعت امي وجها ما ينوصف لونه من الخوف ولرعب الي بكلبها على حسام

 اما ابويه مندري بي لما رجعو ولد عماتي وعمي ومن بينهم شفت تقي وياهم وگالو احسن حاليا بالعنايه المركزه وبعده فاقد عن الوعي 

انتبهت التقي 

 ايباوع عليه وبس ايريد يحجي وياي 

 اني ما انطي وجه او مجال يحجي وياي 

گلت بگلبي شبي هذا هسه وكت هيج سوالف شكد ميستحي بيا حال اني هسه خبل موبيده باوعت الساعه شفتها صارت بـ ـ 11ـ كلش تعبت وصار عندي صداع نصفي من البجي ولتفكير  

شويه وراحو بيت عمامي وعماتي همين 

البيت صار فارغ

وهدوء 

رحت يم امي دخلت الغرفتها شفتها كاعده وتدعي بصوت ناصي وتبجي

 رحت اتمددت على السرير بمكان ابويه وماحسيت على نفسي شوكت نمت 

لما فزيت الصبح على صوت وسام بلبيت

سمعته يكول الزهور بسرعه تأخرت اترسيلي الكيتلي چاي اخذه وياي للمستشفى اقاربنه موجودين اخذلهم ريوك وياي 

رفعت راسي باوعت لساعه شفتها ب-6-الصبح باوعت المكان امي ما موجوده گمت طلعت شفت وسام يلبس بحذائه وشايل علاكه بيده صبحت علي سوده عليه اباوعله تعبان ومبين ما نايم وكوه يحجي سئلته على وضع ابويه گالي

:- احسن من البارحه وماكو شي لتخافون

 شفت امي طلعت لابسه عبايتها وتريد اتروح ويا گالها

:- وين يمه المستشفى مليانه عالم وبس زلم ماتكدرين اتفوتين للعصر اجي اخذج وتشوفينه هسه ميصير 

لحت علي ماقبل استسلمت بعد شتسوي وسام قافل من راح 

 گالتلي:- كومي يمه سويلنه جاي راسي يوجعني ونطيني علاج لوجع راسي

 رحت غسلت وجهي وشفت زهور مسويه ريوك جابته يم امي وكعدنه ناكل بس بدون نفس مجرد نسند انفسنه لان من غدا امس 

 ملتهين بلمصايب سئلت امي كلتلها

:- يمه وسام يعرف اخبار عن حسام زين هو وين ماوين 

كالت :- ايكول طلع للناصريه البارحه يم خواله بس محد يعرف بي لا تكولن ابد

 هزينه روسنه وكملنه ريوك سمعنه اندك الباب طلعت اني اشوف منو شفت عمو ابوحازم ويا ولده حازم وماجد دخلو للبيت

و امي اتلكتهم بعد السلام سئلوها اذا تعرف اخبار عن حسام كالتلهم لا منعرف بي من طلع امس الضهر بعد ماشفنا وجاي البارحه وما لحك يدخل للبيت وشرد بروحه همزين ما موتو

 گال الها عمو

 لازم ايسلم نفسه احسن اله بلكي يخف من حكمه وهو اول وتالي يلزمو 

احنا ساكتين ما اعرف ليش امي ما كالتله هو بالناصريه 

  شويه وطلعو رايحين الابويه للمستشفى العرفنا بعدين رايحين عمامي ولشيخ ماخذين عطوه ولكعده تصير الجمعه يفصلون ولضابط الي يصير عم ضرغام ميقبل يكعد ويا عشيرتنه ايكول انريد حسام تسلمونه النه وناخذ ثار ضرغام قانوناً وعشائرياً يعني ايريد عمامي يهدرون دمه وتبين هم من محافظة بغداد ومو من كربلاء بس ضرغام جاي متقصد حسام جان ايريد يسويله مشاكل وعباله ضهره قوي بعمه وميكدرحسام ايسويله شي وكاعد يم بيت اقاربه 

وعمامي ايكولون لازم ايسلم نفسه احسن اله والنه

وحتى السالفه تنفض بالقانون 

ويلومون بحسام شلون علمود ابنبه ايحبها هيج يسوي ويستاهل ينسجن حته يصير عبره الغيره 

وابويه ما قابل على الي سمعه منهم بقى ثلاث ايام بالمستشفى وطلعو للبيت 

من دخلو للبيت جنت واكفه اباوعله وابجي سوده عليه تعبان كلش ومبين بوجه التعب ولجلطه مخليه اثر بوجه بحلكه وعينه ومايكدر يحجي زين دخلو الغرفته حتى يرتاح وينام 

طلع وسام ايوصي بينه كون مانحجي اي شي يم ولا نبجي واهم شي ماندخل علي

 هوايه خوفً على صحته

 صار الأسبوع واجه يوم الجمعه ومن الصبح كعدنه لان اليوم عدنه عزيمه نطبخ غدا للشيوخ الي اتروح للمشيه مال حسام 

 وابويه صار احسن وگالهم اله ايروح للكعده وياهم 

 واجونه عمامي وولادهم راح وسام لسوك وراح ويا تقي وحازم رجعو جايبين مسواك ولحم

 طبخنه اني وامي وزهور واخواتي جانن موجودات ضحى وتبارك ساعدنه هماتين اجو الشيوخ وتغدو وشربو جاي وسمعنه سوالفهم وأني جنت واكفه قريب على الباب مال الاستقبال وضحى وتبارك يمي واكفين نتسمع انريد نعرف شيكولون سمعنه واحد منهم ايكول الابويه 

ابو وسام ابنك حسام وين مختفي مامعقوله ماتدرون بي وين 

جاوبه ابويه گاله:- انت شتريد من عنده تريد انسلمه الهم حتى ياخذون ثار ابنهم 

معليك بي وين 

واني مستعد شنو ايطلبون غير حسام فلوس عندي وادفع حته روحي انطيها بمكان راس حسام 

صاح واحد منهم صاح صوته خشن مبين جبير بالعمر گال الهم 

يله بويه ماضل وقت ورانه طريق ساعتين

 خلي نطلع 

 وحنا ابسرعه دخلنه جوا للمطبخ انباوع من الشباك من وره البرده خاف ننشاف ويخزينه وسام لو شافنه 

طلعو اهوايه وكل واحد جنه دولفين باوعت للبنات كولتلهن بالكي هذول اهل الكروش يكدرون ايحلونها السالفه

وما ايروح الغدا الطبخنا ابلاش

غمني البنات ويضحكن على سوالفي 

دخلنه يم امي وسولفنالها السمعنى 

 وضلينه ننتظر لليل كاعده افكر بيني وبين نفسي هسه هذوله اهل الميت شيطلبون فصل ما ادري ليش احس بضيق نفس وثقل وكأنما جبل على صدري وخايفه ............ 

شكرا لزيارتكم عالم روايات سكيرهوم