رواية ضاع الحلم الفصل الثاني بقلم جمانه السعيدي
حسام...بقيت انتضر رحمه تشوف الرساله وترد عليه
ساعه ثنيين ماكو يمكن نايمه
قبل المغرب بشويه ردت عليه
رحمه....حسام هذا انت منيين جبت الصفحه
حسام... هلو رحمه جبتها من امج
رحمه...وهسه شتريد
حسام...اريد احجي وياج
رحمه...مو حجينا بلمعهد
حسام...ذني الخمس دقايق لا مو خمس دقايق دقيقتين
تعتبريهن كلام
اني لو اكعد احجي وياج شهر ليل ونهار ماامل
رحمه...انت شتريد مني بلضبط اريد افتهم
لان اني مو مال علاقات ولعب صدك ماحجيت وياك بس لان احنا معارف لو واحد غيرك ابد مااحجي وياااا
اني اريد ادرس وانجح وهاي السوالف ااجلها بعدين
حسام...اصدقاء تقبلين نكون اصدقاء اصدقاء يدرسون نفس المرحله مابيها شي
رحمه....واذا ندرس نفس المرحله مو شرط نكون اصدقاء
حسام....هاي شبيج اصدقاء وبس اوعدج مراح اجاوز او
اتعدى على مشاعرج
راح اعوفج على راحتك منا لمن انتي تستسلمين وتكولين
؟؟؟؟؟؟
رحمه....شكول
حسام...تكولين انت صديقي
رحمه...هذا تحدي جديد
حسام...لا مو تحدي اختبار اعتبري اختبار مشاعر
رحمه...انت جاي تفرض نفسك عليه
حسام....لا ماافرض نفسي عليج انت شخصيه جذابه
اي واحد يقرب يحجي وياج يتعلق بيج
هادءه قويه بسيطه مهذبه حلوه
رحمه....بدا الصبغ عاد
حسام...اني احجي الحقيقه وانتي بكيفج
رحمه...الزبده شنو
حسام....اذا صار وقت نحجي سوه اذا احتاجينا واحد الثاني نحجي سوه
رحمه...بس بدون ما تفرض نفسك عليه
حسام...تمام اتفقنا
رحمه...يله وقت عشى الله وياك
حسام...الله وياج
جمانه السعيدي
رحمه الي حسبت حسابه لكيته ورا كل مكالمه يزداد التعلق بينا
احب الوقت الي نحجي بي
ابقا منتضره وقت اتصاله احب كلامه ولهفتي عليه
حسام...ممكن تجين باجر شويه من وقت حتى نلحك نحجي اني وياج شويه
رحمه...وشراح اكول الامي
حسام...اي شي كول إضافي كول الاستاذ يكول مانلحك تعالو من وكت
رحمه...اشوف
فعلا كمت اطلع قبل صديقاتي حتى نلتقي اني ويااا
لا تفهمون هذا الشي غلط
احنا اي تجاوزات ماكو بينا لا بلكلام ولا بلتقرب
فقط نحجي عن الأشياء الي نحبها
ودراسه والحلم الي نتمى يتحقق نتخرج ونتوضف
نحجي عن تفاصيل اليوم وعن اهلنا هيج شي
حسام محترم يخاف عليه ويحاول يحميني
من نطلع وقت الاستراحه
اني اخذ وياي اكل مرات احسب حساب حسام وياي
مرات نشتري حلويات وناكل
اني كمت اعرف كلشي عنه الاشياء الي يحبها
الأشياء الي ما يحبها
الأكلات المفضله عنده ستايل الملابس الي يلبسه
الألوان الي تناسب لون بشرته
حتى عطره المفضل
وهو هم عرف كلشي عني كل تفاصيل حياتي
الصغيره والجبيره الأكلات الي احبها
انواع الحلويات الي افضلها ملابسي علاقتي باامي وخواتي علاقتي بابوي
جمانه السعيدي
رحمه...الصراحه اني علاقتي مو تمام ويا ابوي لا اني ولا خواتي
حسام...ليش ياستار
رحمه...ابوي يفضل اخوي علينا مايحب البنات هلكد
اذا نحتاج شي اندز امي علي
ماكو مساحه للكلام بينا احنا ويااا
حسام...اني نفس الشي ابوي معتمد على وسام بلعمل
وخاصه وسام جاي يسافر للصين حتى يشحن البضاعه
اما اني ابوي يعتبرني متمرد مالي اهميه
لان عندي رسوب ومااروح ويا للشغل مثل وسام
يعتبرني مريح نفسي على حسابه هو وسام
مرات احس يحب وسام اكثر مني بس اطنش
اني اريد أنجح هاي السنه
لازم انجح اطلع معدل عالي
حتى ابوي يكول حسام رفع راسي
رحمه...انشاء الله راح ننجح
حسام...اذا خلصنا السادس وحققها اول حلم اني وياج
شنو رائيج اطلب ايدج
رحمه....بس اني ما مامفكره بلزواج اريد اكمل
حسام...بس خطبه وعقد شيخ حتى اكدر اشوفج براحتي
ومن نخلص جامعه نزوج
رحمه...بعد وكت على هذا الكلام خل نطلع من السادس ولله كريم
جمانه السعيدي
بدت السنه الدراسيه وبعد ما نلتقي كل يوم
فقط يوم الجمعه والسبت نروح للمعهد
لان دراسه وما نلحك
بس كل يوم نحجي سوه بليل ونطمن واحد على الثاني
قبل لا انام
ابقى منتضره يوم الجمعه بفارغ الصبر حتى اشوف حسام
واطمن علي
مرات الكا منتضرني باب المدرسه الصبح يكول مااكدر انتضر اليوم الجمعه اشتاقيتلج
يصبح عليه ويروح للدوام
ابد ما يحاول يشغلني عن دراستي بلعكس كان يكول اربدج تدرسين وطلعين معدل عالي
حتى لا تكولين حسام أثر عليه ونزل مستواي
رحمه مرات اذا عدنا امتحان نكعد ندرس سوه على التليفون وواحد يشرح للثاني الشي الي مافاهمينه
رحمه...اريد اروح للسوك محتاجه ملازم
حسام..كولي شنو محتاجه واني اجيبلج
رحمه...لا ماريد اكلفك
حسام...هو شنو تكلفيني كولي شنو محتاجه واني اجيبلج
رحمه...اريد ملزمة احياء واريد ورق ابيض واقلام
حسام...من تجين للمعهد راح تلكيني جايب الأشياء الي ترديها وياي
رحمه ...تمام
بيوم الجمعه بدلت لبست بنطرون اسود وقميص وردي فاتح شسورت شعري وخليت مكياج خفيف
طلعت بسرعه حتى امي لا دقق بوجهي لو تحس تكو تغير
وصلت لكيتا منتضرني
طبعا هو يتوسل يريد يوصلني ويرجعني للبيت
بس اني مااقبل ماريد احد.يشوفنا وتصير مشكله
بين العائلتين سببها اني وياااا
وهيج اخرب على نفسي لان اني فعلا احبه وتعلقت بي
بشكل مو معقول واتمنى اني ويااا نكون البعض بلمستقبل
جمانه السعيدي
بس وصلت للمعهد لكيته منتضرني شافني وبتسم
حسام...جنت أعمى بس،شفتج عيوني فتحن
رحمه...اسم الله ليش تكول هيج
حسام...صدكي من اشوفج يتغير نضام جسمي كله
احس بحماس وفرح ونشاط مو طبيعي
رحمه...شكرا اني نفس الشي
حسام..تفضلي هاي الأشياء الي طلبتيها وفوكها بوسه
رحمه...لا بوسه ممنوع
حسام....بكيفج عود ردت شكرا على طريقتي الخاصه
رحمه...اني اكول حسام ولد محترم لا تخليني اغير رائي
حسام...بطلت عليمن تغيرين رائيج
رحمه..فعلا هاي السنه كانت احلى سنه مرت عليه
اول مره احب نفسي بسبب حسام
هو الي خلاني احب نفسي واهتم بيها وانتبه الدراستي
كان حنيين عليه بشكل مبالغ بي يخاف عليه من الهوى
متمسك بيها ويريد خاطري
دائما يحسسني بلامان واني وياااا
مايطلب مني شغلات موزينه لا بلعكس يريد يحافظ عليه
ويحميني
مرت هاي السنه سريعه شكد جنت خايفه من السادس
كمت احب السادس
لان حسام وياي يشجعني ويساندني
جمانه السعيدي
بدت الامتحانات شكد اني متوتره هو كان بكلمتين منه
يسحب التوتر ويطمني
خلصنا الامتحانات وبقينا منتضربن النتيجه بفارغ الصبر
نريد نطلع نفس الكليه حتى نبقى سوا ومانفترق
طلعت النتائج اني طلع معدلي ٨٩ وهو ٨٥
حسام...مبروك حبيبتي الف مبروك
رحمه...الله يبارك بيك
حسام...ربحتي التحدي وطلعتي معدل اعلى من معدلي
تستاهلين احلى هديه
رحمه...انت هديتي اني مااحتاج شي من رب العالمين بس
يحفظك اليه
انتي اكبر سبب الهذا النجاح
حسام...حبيبتي الغالية انت احلى شي صار بحياتي
ولو انطيج عيوني مقصر وياج
اني جنت اداوم هيج بدون هدف
بس انتي غيرتي حياتي كلها
رحمه.. احبك اموت عليك
حسام...مو بكدي
جمانه السعيدي
رحمه....ماما الحكي نجحت معدلي ٨٩
امي ...مبروك الف مبروك حبيبتي الله ماضيع تعبج
من رجع ابوي وامي بشرته بنجاحي كان رد فعله جدا عادي
كال مبروك وبس
يعني ماحسيته فرحان مثل امي وخواتي
يله عادي المهم اني نجحت
فعلا حسام راح حابلي هديه كلاده ذهب ناعمه بس تخبل
عين زغيره زنجيل خناكي
حسام...هاي الكلاده تبقين لا بستها وابد ماتنزعيها فهمتي لو لا
رحمه...اي فهمت شلون انزعها وهي من حبيبي
طبعا اتفقنا اطلع للسوبر ماركت ونلتقي واخذها منه
رجعت للبيت لبستها تخبل عليه نزلت امي شافتها
امي...منيلج هاي الكلاده
رحمه...هاي ذهب برازيلي عجبتني واشتريتها
امي...حلوه نازكه عبالك ذهب حقيقي
رحمه...اي اني عجبتني لان عبالك ذهب حقيقي
امي....اني راح اشتريلج كلاده ذهب حقيقي جبيره
مو ناعمه مثل هاي هدية نجاحج
رحمه...شكرا ماما
