رواية ضاع الحلم الفصل الثالث بقلم جمانه السعيدي
رحمه.. كنت اسعد وحده بهاي الدنيا
مستحيل اكو وحده اسعد مني
كلشي تمام كلشي يمشي مثل مااريد
حسام حيل متعلق بيه ويخاف عليه اهلي و اهله العلاقه بينهم ممتازه
الحد ما فاجئني ابوي قبل الدوام بكم يوم
تعرفون المرحله الأولى تتأخر يله ادوام
ابوي. اجا فرحان بيومها يمشي ويوزع ابتسامات
صاح على امي
اني واكفه بلمطبخ اغسل مواعين امي عافتني وراحت علي
اسمعهم يحجون وفرحانيبن بس شنو سر الفرحه مااعرف
اخذني الفضول اعرف شكووو
ليش هذا الفرح والسعاده بعمري ما شفت ابوي هلكد فرحان
عفت كلشي وقربت على الغرفه
راسا امي طلعت والابتسامه شاكه وجها شك
رحمه...شكووو اليوم ابوي فرحان
امي.. حقه يفرح بيت ابو وسام خطبوج اليوم وابوج موافق خوش ناس ما يتفوتون
رحمه...فرحت بس كلت بكلبي شو حسام ماكال راح اخطبج
شنو يريدها مفاجئه
جمانه السعيدي
امي...بعد اسبوع المهر
رحمه...عفت امي تحجي اريد اصعد الغرفتي اسئل
حسام ليش ما عندي خبر شنو هاي المفاجئه الحلوه
بعدني ماخليت رجلي على الدرج
امي... وسام خوش ولد وين رايحه رحمه موجاي احجي وياج
التفتت على امي كتلها منو
اريد اتاكد خاف امي غلطانه باسمه
رحمه...منو منو الي خطبتي
اني...وسام ابنهم الجبير طبعا اني من ذيج المره امه لمحتلي عليج بس اني كتلها سادس صعب خليها تكمل
رحمه...انتي متأكده
امي.. ههههه هههه انتي هم ما مصدكه ليش حبيبتي
انتي الف واحد يتمناج
رحمه...كمت مااشوف تخربطت شنو وسام يطلب ايدي اريد اروح احجي وياا حسام اريد اشوف عنده علم
يعرف اهله يردوني الوسام لو لا
خليت رجلي على اول بايه بلدرج ماركزت اجيت اعثر
عدلت نفسي وصعدت الغرفتي لزمت التليفون
مااكدر اكتب كبل اتصال
دكيت مرتين ماكو مايرد عليه
للمره الثالثه رد
حسام...هلو حبي اعذريني جنت بلحمام رجعت من الشغل تعبان وحاره قررت ابرد جسمي
رحمه...اهلك خطبوني
حسام...شنو شنو خطبوج اني ماحجيت ويا اي واحد منهم
بهذا الموضوع
رحمه... ابوك طلب ايدي الوسام
حسام...لايكون تشاقين
رحمه...شنو اتشاقا جسمي كله يرجف مااكدر اوكف على طولي
اهلي فرحانيبن ابوي وابوك حددو المهر بعد اسبوع واحد
شلون بيه
جمانه السعيدي
حسام...انتي متاكده
رحمه...حسام فدوه شلون بيه اني وحدي مااكدر اوكف بوجهم
حسام...اني نازل احجي وياا ابوي اني اخلي حد الهاي المهزله
حسام نزلت لكيت امي جاي تحضر بلاكل
دخلت للغرفه ابوي كاعد يخابر بقيت واكف وافرك ايد بأيد
ابوي عينه عليه
خلص المكالمه
حسام....صحيح هذا الخبر انت خطبت رحمه الوسام
ابوي...اي صحيح بعد اسبوع المهر بيت ابو علي خوش ناس واني اريد اناسبهم
حسام...اني اريد ازوج اني اريد رحمه
ابوي...ههه هاي شبيك معقوله الغيره من اخوك وصلت وياك الهذا الحد
حسام...لا مو غيره اني اريدها
ابوي...امشي شنو هذا الحجي بعدك طالب لا خلصت دراستك ولا تشتغل
وسام جبير مخلص دراسته ويشتغل ويكدر يدير بيت
انت شنو شغلك شنو عملك
ما تفهمني واحد دايح جماعتك خلصو جامعه انت بعد
توك خلصت سادس
اني ماناوي ازوجك اله تخلص وتشتغل
حسام...هذا الزواج مراح يتم اني اريد ازوج رحمه
ابوي...شوف اذا عدت هذا الكلام مره ثانيه اطردك بلشارع
ساعته روح ازوج وافتح بيت وكمل دراستك بكيفك
واذا سمعتك فاتح حلكك بهذا الموضوع لو بيت ابو علي سامعين حجايه من هذا الكلام الي كلته
اطردك بلشارع فهمت لو لا
يله روح امشي اطلع منا اريد ارتاح
حسام..عفته ورحت الامي
حسام.. يمه اني اريد رحمه اني اريد ازوج
امي...يااا تحجي صدك بس ابوك خطبها الاخوك واتفق وياهم على يوم المهر
حسام.. مالي شغل انتي حلي هاي السالفه بمعرفتج
امي.. انت تحبها شايفها
حسام...خفت اكول احبها خاف تصير عليها سمعه لو ابوها يسمع وينتقم منها
حسام...لا بس اني اريد ازوجها وسام ماشايفها اني شايفها
امي...روح احجي ويا ابوك اني مالي دخل مااريد مشاكل ويا
ابوك خلصني
حسام..حجيت وياا ما يقبل يفهمني
يمه فدوه اني اريدها اخطبوله وحده غيرها قابل قحط بنات يعني مالكيتو الا هاي
امي....هاي شبيك حسام معقوله غيرتك من اخوك تخليك هيج تحجي
ليش هذا اخوك واذا انت تعرفها خوش بنيه المفروض
تفرحله
حسام...اني احبها ارتاحيتي
امي...لا ما متوقعه هذا الشي منك ابد
حسام...ليش اكتل نفسي ليش محد يقبل يفهمني
امي.. احجي حجي معقول
البنيه موجوده ونعرفهم من زمان شمعنه من شفت اخوك خطبها صرت تريدها
ترا مبينه شغلت غيره مو اكثر
اذا تريد تزوج اني اخطبلك وحده وازوجكم انت وياا بنفس الوقت
حسام...ولله مو شغلة غيره انتم ليش مجاي تفهموني
امي.. انت ليش مستعجل خلص جامعه وازوجك
اخوك صار اكثر من ٣ سنوات متخرج ويشتغل
وهسه يله طلب زواج
انت بعدك طالب خلص جامعه وازوجك
جمانه السعيدي
حسام وصلت مرحلة الياس وياهم ثنيبنهم مايرضون يفهموني
متوقعين اغار من وسام واريد ازوج
مايعرفون الحب الي بينا اني ورحمه صار اكثر من سنه
صعدت الغرفتي لكيت رساله من رحمه
رحمه..هااا شنو الاخبار طمني
حسام...ابوي قافل يريدج الوسام حجيت وياا يكول انت بعدك طالب ولا شغل ولا عمل
اني اتفقت وياا ابوها ومااريدك ازغرني كدامه
واذا اصمم على هاي السالفه اطردك بلشارع
وامي تكول خلص جامعه ونزوجك واذا مستعجل اخطبلك وحده ونزوجك انت وسام نفس الوقت
رحمه...يااا شلون
حسام...انتي روحي انزلي وكولي اني مااريد ازوج اريد اكمل دراستي
رحمه...هو هم هيج خل اروح احجي ويا امي لان ابوي ماعندي كلام ويااا
رحمه...نزلت لكيت اهلي بعدهم يحجون وفرحانيين بموضوع الخطبه
رحمه...يمه اني ماريد ازوج اريد اكمل دراستي
امي...اي ابوج يكول اتفقت ويا ابو وسام تكملين دراستج
رحمه..مااريد ازوج
امي...ياا ليش خوش فرصه وسام خوش ولد وأهله خوش ناس ليش اضيعين هاي الفرصه من ايدج
رحمه..مااريد ازوج هي كوه بعدني زغيره اريد اكمل دراستي
امي.. ابوج انطاهم كلمه وبعد مايكدر يرجع بيها
الشراكه الي بينهم وبين ابوج يمكن تخرب اذا هاي الزواجه
خربت
رحمه...يمه فدوه كلشي يصير بلغصب بس الزواج لا
اني ماريد ازوج فدوه احجي ويا ابوي
الله يخليج فدوه الخاطري
اني مااريد ازوج ترا مو معقول ازوجوني بلغصب
امي....انتي بعدج زغيره وما تعرفين مصلحتج
هاي مو بس مصلحتج هاي مصلحت عمل بين العائلتين
فهمتي لو لا
رحمه.. اكتل نفسي ماريد ازوج هي كوه
خوما كوه
امي...ابوج بس يسمع يكلب البيت علينا جحيم
ارضي اسكتي لا تسوين مشاكل
شكرا لزيارتكم عالم روايات سكيرهوم
